យោងតាមការចុះផ្សាយពីសារព័ត៌មាន CNA បានបង្ហាញថា សម្រាប់ការបំពេញទស្សនកិច្ច​ដ៏ធំរបស់ក្រុមហ៊ុនខ្នាតយក្សអាមេរិកជាង ៥០ក្រុមហ៊ុន កើតឡើងបន្ទាប់ពីរដ្ឋាភិបាលក្រុងវ៉ាស៊ីងតោន បានពង្រឹងចំណងមិត្តភាពជាមួយប្រទេសវៀតណាម ឲ្យដល់កម្រិតខ្ពស់បំផុតមួយកាលពីឆ្នាំទៅ។

ក្រៅពីក្រុមហ៊ុនដ៏ធំដូចជា Meta ក៏នៅមានក្រុមហ៊ុនលំដាប់អន្តរជាតិជាច្រើនទៀតដូចជា Koch Industries, Roblox និង UL Solutions ក៏នឹងមានវត្តមាននៅក្នុងកិច្ចប្រជុំក្រុមប្រឹក្សាធុរកិច្ចជនអាមេរិក អាស៊ានដែលធ្វើនៅប្រទេសវៀតណាមផងដែរ។

សូមជម្រាបបន្ថែមថា កិច្ចប្រជុំធុរកិច្ចជនដ៏ធំមួយនេះ នឹងធ្វើឡើងពីថ្ងៃអង្គារ៍ រហូតដល់ថ្ងៃព្រហស្បតិ៍សប្ដាហ៍នេះ ស្របពេលក្រុមហ៊ុនដែលចូលរួម មានមួយចំនួនធំគឺបានចាប់ផ្ដើមអាជីវកម្មនៅប្រទេសវៀតណាមរួចរាល់ហើយ៕

The post វៀតណាមត្រៀមបើកទ្វារស្វាគមន៍គណៈប្រតិភូ ក្រុមហ៊ុនខ្នាតយក្សអាមេរិកជាច្រើនក្នុងសប្ដាហ៍នេះ appeared first on .

សារព័ត៌មាន Reuters បានចុះផ្សាយថា ការលក់ និងការផ្ទេរសព្វាវុធត្រូវបានចាត់ទុកថាជាឧបករណ៍គោលនយោបាយការបរទេសដ៏សំខាន់របស់សហរដ្ឋអាមេរិក ជាមួយនឹងផលប៉ះពាល់រយៈពេលវែង ដ៏មានសក្តានុពលសម្រាប់សន្តិសុខក្នុងតំបន់ និងពិភពលោក។ នេះបើតាមសេចក្តីថ្លែងការណ៍មួយដែលក្រសួងការបរទេសអាមេរិកបានលើកឡើង។

ក្នុងនោះ ការលក់សព្វាវុធទៅកាន់រដ្ឋាភិបាលបរទេសរួមមានប្រព័ន្ធគ្រាប់រ៉ុក្កែតចល័តខ្ពស់ (HIMARS) ដែលមានតម្លៃ ១០ពាន់លានដុល្លារទៅកាន់ប្រទេសប៉ូឡូញ ហើយចំណែកឯកាំជ្រួច (AMRAAM) តម្លៃ ២,៩ពាន់លានដុល្លារទៅកាន់ប្រទេសអាឡឺម៉ង់ និងប្រព័ន្ធមីស៊ីលអាកាស (NASAMS) ទៅកាន់ប្រទេសអ៊ុយក្រែន។

ទន្ទឹមនឹងនោះ ការលក់អាវុធយោធាដោយផ្ទាល់ពីក្រុមហ៊ុនអាមេរិកបានកើនឡើងពីចំនួន ១៥៣,៦ពាន់លានដុល្លារក្នុងឆ្នាំសារពើពន្ធ២០២២ ដល់ចំនួន ១៥៧,៥ពាន់លានដុល្លារក្នុងឆ្នាំសារពើពន្ធ២០២៣ ខណៈឯការលក់តាមរយៈការទូតជាមួយមន្ត្រីការពារជាតិនៅស្ថានទូតអាមេរិកបានកើនដល់ ៨០,៩ពាន់លានដុល្លារក្នុងឆ្នាំ២០២៣ ពីចំនួន ៥១,៩ពាន់លានដុល្លារកាលពីឆ្នាំ២០២២ ។

គួរជម្រាបថា មានវិធីសាស្ត្រធំៗពីរយ៉ាងដែលរដ្ឋាភិបាលបរទេស អាចបញ្ជាទិញអាវុធពីសហរដ្ឋអាមេរិកបាន ដោយទីមួយនោះគឺតាមរយៈការចរចារជាមួយក្រុមហ៊ុនផលិតដោយផ្ទាល់ ហើយវិធីមួយផ្សេងទៀតរដ្ឋាភិបាលបរទេសតម្រូវធ្វើការទាក់ទងទៅកាន់មន្ត្រីក្រសួងការពារជាតិនៅស្ថានទូតអាមេរិកក្នុងរដ្ឋធានីរបស់ខ្លួន ក៏ប៉ុន្តែវិធីទាំងពីរនេះក៏ត្រូវទាមទារឲ្យមានការយល់ព្រមពីរដ្ឋាភិបាលសហរដ្ឋអាមេរិកជាមុនសិនផងដែរ៕

The post អាមេរិកលក់សព្វាវុធបានលុយ ២៣៨ពាន់លានដុល្លារនៅឆ្នាំ២០២៣ appeared first on .

យោងតាមការចុះផ្សាយពីសារព័ត៌មាន Reuters បានរាយការណ៍ថា អត្រាសរុបនៃការប្រកាស​ក្ស័យធនរបស់ក្រុមហ៊ុនអាមេរិក ក្នុងឆ្នាំ២០២៣ មានចំនួន ៤៤៥ ១៨៦ក្រុមហ៊ុន បានកើនឡើងពី ៣៧៨ ៣៩០ក្រុមហ៊ុនកាលពីឆ្នាំ២០២២។

ការប្រកាសក្ស័យធនរបស់ក្រុមហ៊ុនអាមេរិក ត្រូវបានគេរំពឹងថា នឹងអាចបន្តកើតមានទៀតនៅឆ្នាំ២០២៤ ប៉ុន្តែតួលេខខាងលើនេះ ត្រូវបានគេអះអាងថា មានតិចតួចជាងកាលពីឆ្នាំ២០១៩ ដែលមានក្រុមហ៊ុនប្រកាសក្ស័យធនរហូតដល់ ៧៥៧ ៨១៦ក្រុមហ៊ុនឯណោះ។

គួររំលឹកបន្តិចថា លក្ខខណ្ឌក្នុងការខ្ចីប្រាក់ពីធនាគារ សម្រាប់ក្រុមហ៊ុននីមួយៗ គឺត្រូវបានរឹតបន្តឹងជាខ្លាំងក្នុងរយៈពេល ២ឆ្នាំកន្លងមកនេះ ដោយសារតែធនាគារកណ្ដាល​បាន​ដំឡើង​ការប្រាក់ខ្ពស់ខ្លាំង ដើម្បីទប់ស្កាត់វិបត្តិអតិផរណា ប៉ុន្តែវាបានធ្វើឲ្យក្រុមហ៊ុនជាច្រើន​ជួបហានិភ័យ ដោយសារតែការប្រាក់ធនាគារមានកម្រិតខ្ពស់ខ្លាំងពេក និងពិបាកក្នុងការ​ខ្ចីប្រាក់បន្ថែម៕

The post ក្នុងឆ្នាំ២០២៣ អត្រាក្ស័យធនរបស់ក្រុមហ៊ុនអាមេរិក កើនខ្ពស់កប់ពពក appeared first on .

តាមរយៈសារព័ត៌មាន Reuters បានចុះផ្សាយថា កិច្ចព្រមព្រៀងនេះនឹងពង្រីកមូលដ្ឋានអតិថិជន ផលប័ត្រផលិតផល​ និងអាជីវកម្មគ្រឿងបន្លាស់ស្មាតហ្វូនរបស់ BYD Electronics ផងដែរ។

យ៉ាងណាបើទោះបីជាបច្ចុបន្ន ក្រុមហ៊ុន BYD មានភាពល្បីល្បាញលើអាជីវកម្មរថយន្តអគ្គិសនីយ៉ាងណាក៏ដោយ ក្រុមហ៊ុននេះបានចាប់ផ្តើមការលក់គ្រឿងបន្លាស់អេឡិចត្រូនិចមួយផ្នែកទៀតបន្ថែម ខណៈកាលឆ្នាំ ២០០៧ ខ្លួនក៏បានចុះបញ្ជី BYD Electronics (BE) របស់ខ្លួននៅលើផ្សារហ៊ុនហុងកុងផងដែរ។

សូមជម្រាបផងថា BE គឺជាអាជីវកម្មលក់គ្រឿងបន្លាស់អេឡិចត្រូនិកដូចជា ស្មាតហ្វូន និងកុំព្យូទ័រយួរដៃ៕

The post ក្រុមហ៊ុនចិន BYD ទិញក្រុមហ៊ុនអាមេរិកមួយ តម្លៃជាង ២ពាន់លានដុល្លារ appeared first on .

យោងតាម​ការចុះផ្សាយពី CGTN បានបង្ហាញថា រាប់តាំងពីក្រុមហ៊ុនអាហារ រហូតដល់ក្រុមហ៊ុន​ប្រណីតៗជាច្រើន សុទ្ធតែបង្ហាញឆន្ទៈមកវិនិយោគនៅមហាអំណាចសេដ្ឋកិច្ចធំបំផុតទី ២ តួយ៉ាងកាលពីឆ្នាំទៅ McDonald’s បានបើកហាងជាង ៧០០ កន្លែងនៅប្រទេសចិន ហើយសម្រាប់ឆ្នាំនេះ ពួកគេមានបំណងចង់ពង្រីកបន្ថែម ៩០០ កន្លែងទៀត។

ដោយឡែក សម្រាប់ហាងកាហ្វេល្បីឈ្មោះ Starbucks វិញ ក៏បង្ហើបពីគម្រោងខ្នាតយក ចង់បង្កើត​សាខានៅប្រទេសចិនឲ្យបាន ៩ ០០០ កន្លែងត្រឹមឆ្នាំ ២០២៥ និងបង្កើតឱកាសការងារ ៣៥ ០០០ កន្លែងទៀតផង។

សូមជម្រាបដែរថា យោងតាមការព្យាករពីសេដ្ឋកិច្ចវិទូជាច្រើនសុទ្ធតែបង្ហាញ​ពីក្ដីបារម្ភ នៃការធ្លាក់ចុះសេដ្ឋកិច្ចនៅលោកខាងលិច ខណៈ​ពួកគេ​បែរជាបង្ហាញថា សេដ្ឋកិច្ច​នៅចិន​កំពុងងើបឡើងវិញខ្លាំង ស្របពេល Goldman Sachs បាន​ទម្លាយថា ​សេដ្ឋកិច្ចចិនអាចកើនរហូតដល់ ៥,៥% នៅក្នុងឆ្នាំ ២០២៣ នេះ៕

The post ក្រុមហ៊ុនអាមេរិកជាច្រើន ចង់ពង្រីកខ្លួនលើទីផ្សារប្រទេសចិន appeared first on .

នៅក្នុងជំនួបនេះ លោក Michael Michalak បានដឹកនាំក្រុមហ៊ុនចំនួន១៣ ដើម្បីពិភាក្សាលើបញ្ហាថាមពល ការបង្កើត​​រោងចក្រដំឡើងរថយន្តនៅខេត្តពោធិ៍សាត់ ការជំរុញសេដ្ឋកិច្ច ឌីជីថល និងវិស័យសុខាភិបាល។

ជាការឆ្លើយតប សម្ដេចតេជោ ហ៊ុន សែន បានប្រាប់គណៈប្រតិភូក្រុមប្រឹក្សាធុរកិច្ចសហរដ្ឋអាមេរិក-អាស៊ាននូវស្ថានភាព​ថាម​ពលរបស់កម្ពុជា ដែលក្នុងនោះកម្ពុជាកំពុងតែប្រើប្រាស់អគ្គិសនី ផលិតដោយវារីអគ្គិសនី សរុបទាំងអស់មាន ៦៤,​៣៩​​% អំពីសូឡា៤.១% និងជីវឧស្ម័នចំនួន ០,២៨%។

ក្នុងឱកាសនោះផងដែរ សម្ដេចតេជោបានសំដែងនូវការស្វាគមន៍ ចំពោះការដំឡើងរោងចក្រ ដំឡើងរថយន្តនៅ​ខេត្ត​​ពោធិ៍​សាត់ ហើយបានលើកទឹកចិត្តឲ្យក្រុមហ៊ុនទាំងអស់បន្តវិនិយោគ និងស្វែងរកសក្តានុពលផ្សេងៗទៀត ដើម្បីវិនិយោគ​នៅកម្ពុជានាពេលខាងមុខ៕

The post ក្រុមហ៊ុនអាមេរិកចំនួន១៣ ជួបពិភាក្សាជាមួយសម្តេច ហ៊ុន សែន ដោះស្រាយបញ្ហាថាមពលនិងការបង្កើតរោង​ចក្រ​ដំឡើងរថយន្ត appeared first on .