យោងតាមសេចក្តីប្រកាសព័ត៌មានរបស់ក្រុមហ៊ុន រ៉ូយ៉ាល់ រេលវេ ម.ក. មានខ្លឹមសារទាំងស្រុងបែបនេះថា ក្រុមហ៊ុន រ៉ូយ៉ាល់ រេលវេ ម.ក. (Royal Railway Plc.) សូមធ្វើការបញ្ជាក់ជាសាធារណៈ និងផ្តល់ព័ត៌មានច្បាស់លាស់អំពី​ឧបទ្ទវហេតុខ្សែរថភ្លើងរអិលធ្លាក់ផ្លូវ ដែលកើតមាននៅខេត្តពោធិ៍សាត់កាលពីថ្ងៃទី១៧ ខែវិច្ឆិកា ឆ្នាំ២០២៥។

ជាដំបូង ក្រុមហ៊ុនសូមធ្វើការបញ្ជាក់ថាឧបទ្ទវហេតុនេះ ពុំមានបង្កគ្រោះថ្នាក់ដល់អាយុជីវិត ឬមានអ្នករងរបួស​នោះទេ។ ក្រុមអ្នកជំនាញបច្ចេកទេសរបស់យើងខ្ញុំបានចុះទៅទីតាំងភ្លាមៗ ដើម្បីធានានូវសុវត្ថិភាពក្នុងបរិវេណ​តំបន់​កើតហេតុ ដើម្បីធ្វើការស៊ើបអង្កេតលើមូលហេតុនៃឧបទ្ទវហេតុ និងចាប់ផ្តើមស្តារឡើងវិញនូវប្រតិបត្តិការ​ប្រចាំថ្ងៃ​របស់ក្រុមហ៊ុន។ ក្នុងនោះផងដែរ សេវាកម្មខ្សែរថដឹកអ្នកដំណើរ ខ្សែរថដឹកទំនិញ និងសេវាកម្មផ្សេងៗ​ទៀតត្រូវបាន​កែសម្រួលតាមតម្រូវការជាក់ស្តែងភ្លាមៗកំឡុងពេលស្តារឡើងវិញ និងបានរួចរាល់ជាស្ថាពរ​នៅយប់ថ្ងៃតែមួយ។

ចំពោះការបញ្ចេញមតិក្នុងបណ្តាញសង្គមថា ប្រេងឥន្ធនៈដែលដឹកជញ្ជូន បាននាំចូលមកពីប្រទេសថៃនោះ ក្រុមហ៊ុនរ៉ូយ៉ាល់ រេលវេ ម.ក. សូមធ្វើការបញ្ជាក់យ៉ាងច្បាស់ដូចខាងក្រោម៖

១. គ្មានការនាំចូល ឬដឹកជញ្ជូនប្រេងឥន្ធនៈ ឬទំនិញអ្វីពីថៃឡើយ៖

ចាប់តាំងពីមានជម្លោះកម្ពុជា–ថៃមក ក្រុមហ៊ុនរ៉ូយ៉ាល់ រ៉េលវេ ម.ក. មិនធ្លាប់នាំចូល ឬនាំចេញផលិតផលណាមួយ​ពីប្រទេសថៃ ឬទៅកាន់ប្រទេសថៃឡើយ រួមទាំងប្រេងឥន្ធនៈផងដែរ។ បច្ចុប្បន្ន គ្មានលំហូរដឹកជញ្ជូនតាមផ្លូវដែក​ឆ្លងដែនរវាងប្រទេសទាំងពីរនេះឡើយ។

២. ប្រេងឥន្ធនៈដែលពាក់ព័ន្ធនេះគឺនាំចូលដោយស្របច្បាប់ពីប្រទេសសិង្ហបុរី៖

ប្រេងឥន្ធនៈដែលកំពុងដឹកជញ្ជូននៅលើខ្សែរថដែលជួបឧបទ្ទវហេតុនេះ ជាកម្មសិទ្ធិរបស់ក្រុមហ៊ុនស្របច្បាប់      កម្ពុជាមួយដែលមានអាជ្ញាប័ណ្ណត្រឹមត្រូវ។ ប្រេងឥន្ធនៈនេះត្រូវបាននាំចូលដោយផ្ទាល់ពីប្រទេសសិង្ហបុរី ដោយ​អនុវត្តតាមបទប្បញ្ញត្តិទាំងអស់ និងស្របតាមស្តង់ដារគុណភាព ព្រមទាំងមានឯកសារបញ្ជាក់ច្បាស់លាស់។

៣. ការដឹកជញ្ជូនរបស់រថភ្លើងកម្ពុជាគឺនៅក្នុងប្រទេសតែប៉ុណ្ណោះ៖

តួនាទីរបស់ក្រុមហ៊ុនក្នុងការដឹកជញ្ជូន គឺដឹកជញ្ជូនពីកំពង់ផែព្រះសីហនុ ផ្លូវដែកភាគខាងត្បូង (Southern Line) ទៅកាន់ផ្លូវដែកភាគខាងជើង(Northern Line)។

៤. ការស៊ើបអង្កេតដែលកំពុងដំណើរការ៖

ក្រុមជំនាញផ្នែកបច្ចេកទេស និងសុវត្ថិភាពរបស់យើងកំពុងបន្តការស៊ើបអង្កេតយ៉ាងហ្មត់ចត់ ដើម្បីកំណត់មូលហេតុ​ច្បាស់លាស់នៃការបង្កឱ្យមានឧបទ្ទវហេតុនេះ។ ក្រុមហ៊ុន ប្រកាន់ខ្ជាប់នូវប្រព័ន្ធសុវត្ថិភាពដ៏តឹងរ៉ឹង ហើយយើង​នឹងព្យាយាមបន្ថែមទៀតក្នុងការអនុវត្ត​ប្រព័ន្ធ​សុវត្ថិភាព ដើម្បីការពារមិនឱ្យមានឧបទ្ទវហេតុ​បែបនេះកើតឡើង​នាពេលខាងមុខទៀត។

៥. កាតព្វកិច្ចឆ្លើយតប៖

យើងយល់ឃើញពីការព្រួយបារម្ភរបស់សាធារណជន និងសូមធ្វើការអរគុណចំពោះការសហការពីអាជ្ញាធរមូលដ្ឋាន និងសមាជិកសហគមន៍ ដែលបានចូលរួមសហការនៅទីតាំងផ្ទាល់។ ក្រុមហ៊ុន រ៉ូយ៉ាល់ រ៉េលវេ ម.ក. យើងខ្ញុំនៅតែ​ប្តេជ្ញា​ចំពោះការទំនាក់ទំនង ដោយភាពត្រឹមត្រូវវប្រកបដោយវិជ្ជាជីវៈ និងប្រតិបត្តិការផ្លូវដែកដែលមានសុវត្ថិភាព និងអាចទុកចិត្តបានសម្រាប់ប្រជាជនទូទាំងប្រទេស៕

The post ក្រុមហ៊ុន រ៉ូយ៉ាល់ រេលវេ អ្នកឧកញ៉ា គិត ម៉េង បកស្រាយរឿងឧបទ្ទវហេតុខ្សែរថភ្លើងរអិលធ្លាក់ផ្លូវ នៅខេត្តពោធិ៍សាត់ ដែលមតិខ្លះចោទថាដឹកប្រេងឥន្ធនៈពីប្រទេសថៃ appeared first on .

តាមការបញ្ជាក់របស់ក្រុមហ៊ុន ការផ្តល់ជូននេះសម្រាប់តែការមកទិញសំបុត្រដល់ស្ថានីយតែប៉ុណ្ណោះ។ ប្រ៉ូម៉ូសិននេះសម្រាប់ការជិះរថភ្លើងថ្ងៃទី១៨ ខែកញ្ញា រហូតដល់ថ្ងៃទី២៤ ខែកញ្ញា ឆ្នាំ២០២៥ ហើយសម្រាប់តែរថភ្លើងខ្សែខាងជើង ភ្នំពេញ-បាត់ដំបង និង ភ្នំពេញ-ពោធិ៍សាត់ តែប៉ុណ្ណោះ។

ជាមួយគ្នានេះដែរ រថភ្លើង Kiha ទំនើបដែលនាំចូលពីប្រទេសជប៉ុន ក៏ក្រុមហ៊ុននឹងដាក់ដំណើរការជូនបងប្អូនទៅស្រុកមួយសប្តាហ៍ពេញ គឺតាំងពីថ្ងៃទី១៨ ដល់ថ្ងៃទី២៨ ខែកញ្ញា ឆ្នាំ២០២៥ សម្រាប់ទាំងពីរខ្សែរថភ្លើង ទាំងទិសដៅ ភ្នំពេញ-បាត់ដំបង និងភ្នំពេញ-ព្រះសីហនុ តម្លៃសំបុត្រត្រឹមតែ ៦-១៥ដុល្លារ និងមានបញ្ចុះតម្លៃ ៥០% សម្រាប់ខ្សែ ភ្នំពេញ-បាត់ដំបង។

សូមជម្រាបថា ក្រុមហ៊ុន រ៉ូយ៉ាល់ រេលវេ ខេមបូឌា (Royal Railway Cambodia) ដែលជាក្រុមហ៊ុនផ្តល់សេវាកម្មដឹកជញ្ជូនតាមផ្លូវដែក និងជាបុត្រសម្ព័ន្ធក្រុមហ៊ុន រ៉ូយ៉ាល់ គ្រុប របស់អ្នកឧកញ៉ា គិត ម៉េង។ កាលខែមេសា ឆ្នាំ២០២៤ ក្រុមហ៊ុនបានទិញក្បាលម៉ាស៊ីនរថភ្លើងល្បឿនលឿនចំនួន ១១គ្រឿង ពីប្រទេសជប៉ុន។ បច្ចុប្បន្ននេះ រថភ្លើងដឹកអ្នកដំណើរម៉ាក Kiha បានដាក់ឱ្យដំណើរការនៅកម្ពុជាជាផ្លូវការហើយ ទាំងទិសដៅ ភ្នំពេញ-បាត់ដំបង និងភ្នំពេញ-ព្រះសីហនុ៕

The post ក្រុមហ៊ុន រ៉ូយ៉ាល់ រេលវេ អ្នកឧកញ៉ា គិត ម៉េង បញ្ចុះតម្លៃ៥០% លើខ្សែរថភ្លើងភ្នំពេញ-បាត់ដំបង ក្នុងឱកាសពិធីបុណ្យភ្ជុំបិណ្ឌ appeared first on .

បើតាមសេចក្តីប្រកាសរបស់ក្រុមហ៊ុន ការជ្រើសរើសនេះ មិនទាមទារបទពិសោធន៍នោះទេ ខណៈដែលកម្រិតសិក្សា បញ្ចប់ថ្នាក់ទី១២ ឬបរិញ្ញាបត្រ, មានភាពបត់បែន និងតស៊ូក្នុងការងារ។ ចំពោះម៉ោងការងារគឺ ថ្ងៃចន្ទ ដល់ថ្ងៃសៅរ៍ 7:00ព្រឹក – 4:00ល្ងាច (ថ្ងៃសៅរ៍មួយព្រឹក)។ ជាមួយគ្នានេះ អ្នកហាត់ការ នឹងទទួលបានអត្ថប្រយោជន៍ ប្រាក់បៀវត្ស ២៥០ដុល្លារក្នុងមួយខែ។

សម្រាប់អ្នកដែលមានចំណាប់អារម្មណ៍អាចទាក់ទងមកកាន់លេខ៖ 

092 779 512 ឬតេលេក្រាម @HorRoyalRailway

សូមជម្រាបថា ក្រុមហ៊ុន រ៉ូយ៉ាល់ រ៉េលវេ ខេមបូឌា (Royal Railway Cambodia) ដែលជាក្រុមហ៊ុនផ្តល់សេវាកម្មដឹកជញ្ជូនតាមផ្លូវដែក និងជាបុត្រសម្ព័ន្ធ ក្រុមហ៊ុន រ៉ូយ៉ាល់ គ្រុប របស់អ្នកឧកញ៉ា គិត ម៉េង ថ្មីៗនេះបាននិងកំពុងដាក់ដំណើរការ រថភ្លើងល្បឿនលឿន ដែលបានទិញពីប្រទេសជប៉ុន ម៉ាក Kiha 183 Heavy Snow ទាំង២ខ្សែ ភ្នំពេញ-ប៉ោយប៉ែត និងភ្នំពេញ-ព្រះសីហនុ ជាច្រើនគ្រឿង៕

The post ក្រុមហ៊ុន រ៉ូយ៉ាល់ រ៉េលវេ អ្នកឧកញ៉ា គិត ម៉េង ប្រកាសជ្រើសរើសអ្នកហាត់ការបើកបររថភ្លើងចំនួន ២៥នាក់ appeared first on .

កម្មវិធីនេះមានការអញ្ជើញចូលរួមពី ឯកឧត្តម លោកជំទាវ ថ្នាក់ដឹកនាំក្រសួង អ្នកឧកញ៉ា ឧកញ៉ា គណៈកម្មការអន្តរក្រសួងចរចាកិច្ចព្រមព្រៀងសម្បទានផ្លូវដែក ប្រតិភូ RRPLC និងមន្រ្តីជំនាញពាក់ព័ន្ធ។

តាមការឱ្យដឹងពីក្រសួងសាធារណការ និងដឹកជញ្ជូន ការចុះហត្ថលេខាលើកិច្ចព្រមព្រៀងក្របខណ្ឌនេះ គឺជំហ៊ានដំបូង ដើម្បីជាមូលដ្ឋានឈានដល់ការចរចារ និងចុះកិច្ចព្រមព្រៀងភាពជាដៃគូរវាងរដ្ឋ និងឯកជន និងស្វែងរកដៃគូរយុទ្ធសាស្រ្តដែលមានចំណេះជំនាញ និងបទពិសោធន៍លើវិស័យផ្លូវដែក ដើម្បីចូលរួមអភិវឌ្ឍន៍ផ្លូវដែកឱ្យមានភាពល្អប្រសើរ និងមានប្រសិទ្ធភាពខ្ពស់ ស្របតាមចក្ខុវិស័យរបស់រាជរដ្ឋាភិបាលកម្ពុជា។

គួររំឭកថា ក្នុងព្រឹត្តិការណ៍អបអរសាទរខួប២០ឆ្នាំ កម្ពុជាចូលជាសមាជិកអង្គការពាណិជ្ជកម្មពិភពលោក រៀបចំដោយក្រសួងពាណិជ្ជកម្ម នាថ្ងៃទី១៤ ខែតុលា ឆ្នាំ២០២៤ ទាក់ទិននឹងការអភិវឌ្ឍផ្លូវដែករបស់កម្ពុជា សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានដាក់ជាគោលការណ៍ កំណត់ឱ្យក្រុមហ៊ុនផ្លូវដែករបស់អ្នកឧកញ៉ា គិត ម៉េង និងក្រសួងសាធារណការនិងដឹកជញ្ជូន ត្រូវធ្វើយ៉ាងណា បញ្ចប់កិច្ចចរចា និងចុះMOU ឱ្យចប់សព្វគ្រប់នៅចុងឆ្នាំ២០២៤ ឬដើមឆ្នាំ២០២៥។

សម្តេចធិបតី បានគូសបញ្ជាក់ថា “ផ្លូវដែកឥឡូវយើងមានមួយចំហៀង ពីជើងទៅត្បូង ដែលត្រូវធ្វើម៉េចចរចា ខ្ញុំបានឱ្យគោលការណ៍ទៅក្រសួងពាក់ព័ន្ធ ជាមួយក្រុមហ៊ុនពាក់ព័ន្ធ ដើម្បីចរចាគ្នាឱ្យបាន MOU ព្រោះយើងកកស្ទះ គាំងរាប់សិបឆ្នាំមកហើយ”៕

The post អ្នកឧកញ៉ា គិត ម៉េង ចុះហត្ថលេខាលើកិច្ចព្រមព្រៀងក្របខ័ណ្ឌផ្លូវដែក រវាងក្រុមហ៊ុន រ៉ូយ៉ាល់រេលវេ និងក្រសួងសាធារណការ និងដឹកជញ្ជូន appeared first on .

ក្រុមហ៊ុន រ៉ូយាល់រេលវេ បានឱ្យដឹងថា រថភ្លើងដឹកទំនិញថ្មីទាំងនេះ ត្រូវបានផលិតដោយក្រុមហ៊ុនដ៏ល្បីឈ្មោះមួយនៅប្រទេសចិន។ វាត្រូវបានបង្កើតឡើងដោយសមត្ថភាពពិសេសជាច្រើនសម្រាប់ការផ្គត់ផ្គង់ការដឹកជញ្ជូនដូចជាកុងតឺន័រ គ្រឿងចក្រ ឬសម្ភារៈសំណង់ ខ្សាច់ ឬទំនិញផ្សេងៗទៀតយ៉ាងជំនាញ។ រថភ្លើងដឹកទំនិញទាំងនេះនឹងជាការឆ្លើយតបល្អប្រសើរទៅនឹងតម្រូវការដឹកជញ្ជូនតាមរយៈផ្លូវដែកក្នុងប្រទេសកម្ពុជា។

បើតាមក្រុមហ៊ុន រ៉ូយាល់រេលវេ គិតត្រឹមថ្ងៃនេះរថភ្លើងដឹកទំនិញថ្មីដែលបានបញ្ជាទិញពីប្រទេសចិនមកដល់ដោយសុវត្ថិភាព និងកំពុងដាក់ដំណើរការអាជីវកម្មសរុប១៤០គ្រឿង ហើយទូបន្តបន្ទាប់ទៀតនឹងគ្រោងមកដល់កម្ពុជាឆាប់ៗនេះ។

ការនាំចូលមកបន្ថែមនេះ បង្ហាញពីការប្តេជ្ញាចិត្តរបស់ Royal Railway ដើម្បីឆ្លើយតបទៅនឹងតម្រូវការកាន់តែធំលើដំណោះស្រាយដឹកជញ្ជូនសម្រាប់ឧស្សាហកម្មក្នុងប្រទេស។

សូមជម្រាបជូនផងដែរថា រយៈពេលចុងក្រោយនេះ ក្រុមហ៊ុន រ៉ូយាល់រេលវេ ដែលជាបុត្រសម្ព័ន្ធនៃក្រុមហ៊ុន រ៉ូយ៉ាល់ គ្រុប របស់អ្នកឧកញ៉ា គិត ម៉េង បាននាំចូលរថភ្លើងជាច្រើនពីបរទេស ទាំងរថភ្លើងដឹកអ្នកដំណើរ និងរថភ្លើងដឹកទំនិញ៕

The post ក្រុមហ៊ុន រ៉ូយាល់រេលវេ របស់អ្នកឧកញ៉ា គិត ម៉េង ទិញបានរថភ្លើងដឹកទំនិញថ្មី៤៤គ្រឿងទៀត ពីប្រទេសចិន appeared first on .

ក្រុមហ៊ុន រ៉ូយាល់រេលវេ បានឱ្យដឹងថា រថភ្លើងដឹកទំនិញថ្មីទាំងនេះ ត្រូវបានផលិតដោយក្រុមហ៊ុនដ៏ល្បីឈ្មោះមួយនៃប្រទេសចិន។ វាត្រូវបានបង្កើតឡើងដោយមានសមត្ថភាពពិសេសជាច្រើន សម្រាប់ការផ្គត់ផ្គង់ការដឹកជញ្ជូនដូចជាកុងតឺន័រ គ្រឿងចក្រ ឬសម្ភារៈសំណង់ ខ្សាច់ ឬទំនិញផ្សេងៗទៀតយ៉ាងជំនាញ។ រថភ្លើងដឹកទំនិញទាំងនេះ ជាការឆ្លើយតបល្អប្រសើរទៅនឹងតម្រូវការដឹកជញ្ជូនតាមរយៈផ្លូវដែកក្នុងប្រទេសកម្ពុជា។

មុនពេលដាក់ឱ្យបម្រើសេវាកម្ម រថភ្លើងដឹកទំនិញទាំង ៣៦គ្រឿង នឹងត្រូវបានធ្វើតេស្តប្រព័ន្ធហ្វ្រាំង និងប្រព័ន្ធសុវត្ថិភាពផ្សេងៗទៀត ដើម្បីធានាសុវត្ថិភាពនិងប្រសិទ្ធភាពខ្ពស់ ក្នុងពេលបម្រើសេវាកម្មជូនដល់អតិថិជន រួចនឹងដាក់ឱ្យដំណើរសេវាកម្មចាប់ពីចុងខែធ្នូ ឆ្នាំ២០២៤នេះ ឬដើមខែមករា ឆ្នាំ២០២៥។

បើតាមក្រុមហ៊ុន រ៉ូយាល់រេលវេ បានឱ្យដឹងទៀតថា រថភ្លើងដឹកទំនិញថ្មីចំនួន ៤៤គ្រឿងទៀតនឹងគ្រោងមកដល់កម្ពុជានៅដើមខែមករា ឆ្នាំ២០២៥ ខណៈដែលទូបន្ថែមផ្សេងៗទៀតនឹងមកដល់ក្នុងប៉ុន្មានខែបន្ទាប់។ ការនាំចូលមកបន្ថែមនេះបង្ហាញពីការប្តេជ្ញាចិត្តរបស់ក្រុមហ៊ុន ដើម្បីឆ្លើយតបទៅនឹងតម្រូវការកាន់តែធំ លើដំណោះស្រាយដឹកជញ្ជូនសម្រាប់ឧស្សាហកម្មក្នុងប្រទេស។

សូមជម្រាបថា រយៈពេលប៉ុន្មានខែចុងក្រោយនេះ ក្រុមហ៊ុន រ៉ូយាល់រេលវេ ដែលជាបុត្រសម្ព័ន្ធនៃក្រុមហ៊ុន រ៉ូយ៉ាល់ គ្រុប របស់អ្នកឧកញ៉ា គិត ម៉េង បាននាំចូលរថភ្លើងជាច្រើនពីបរទេស ទាំងរថភ្លើងដឹកអ្នកដំណើរ និងរថភ្លើងដឹកទំនិញ។ ជាក់ស្តែង កាលពីខែមេសា ឆ្នាំ២០២៤ ក្រុមហ៊ុនមួយនេះ ក៏បានទិញក្បាលម៉ាស៊ីនរថភ្លើងល្បឿនលឿនចំនួន ១១គ្រឿង ពីប្រទេសជប៉ុនផងដែរ៕

The post រថភ្លើងដឹកទំនិញ ចំនួន ៣៦គ្រឿង ដែលក្រុមហ៊ុន រ៉ូយាល់រេលវេ របស់អ្នកឧកញ៉ា គិត ម៉េង ទិញពីប្រទេសចិន បានដឹកមកដល់កម្ពុជាហើយ appeared first on .

តាមរយៈទំព័រហ្វេសប៊ុកផ្លូវការរបស់ក្រុមហ៊ុន រ៉ូយ៉ាល់រេលវេ បានឱ្យដឹងថា ទូរថភ្លើងដឹកទំនិញថ្មីចំនួន ៦០គ្រឿងបន្ថែមពីប្រទេសចិន បានមកដល់កម្ពុជាហើយ ដើម្បីបង្កើនសមត្ថភាពសេវាកម្មដឹកទំនិញតាមផ្លូវដែកឱ្យកាន់តែល្អប្រសើរ។ ទូរថភ្លើងទាំងនេះ បានមកដល់នៅយប់ថ្ងៃអាទិត្យ ទី១ ខែធ្នូ ឆ្នាំ២០២៤ និងបានលើកដាក់ចុះពីនាវាដោយជោគជ័យ នៅព្រឹកថ្ងៃទី០២ ខែធ្នូ ឆ្នាំ២០២៤។

រថភ្លើងដឹកទំនិញដែលនាំចូលមកនេះ គឺជាផ្នែកមួយនៃកិច្ចខិតខំប្រឹងប្រែងរបស់ក្រុមហ៊ុនរ៉ូយ៉ាល់រេលវេ ដើម្បីធ្វើទំនើបកម្ម និងកែលម្អបន្ថែមគុណភាពសេវាកម្មរបស់ក្រុមហ៊ុនផ្ទាល់។ រថភ្លើងដឹកទំនិញទាំងនេះ មានប្រភពមកពីក្រុមហ៊ុនផលិតរថភ្លើងដ៏ល្បីឈ្មោះមួយនៃប្រទេសចិន ត្រូវបានរចនាឡើងដើម្បីគ្រប់គ្រងទំនិញជាច្រើនប្រភេទ ធានាជូនបាននូវភាពបត់បែនតាមប្រភេទទំនិញគ្រប់ប្រភេទ និងប្រសិទ្ធភាពប្រតិបត្តិការកាន់តែប្រសើរឡើង។

ការនាំចូលបន្ថែមនៃទូរថភ្លើងដឹកទំនិញថ្មីនេះ នឹងជួយជំរុញបន្ថែមនូវសមត្ថភាពសេវាកម្មរបស់ រ៉ូយ៉ាល់រេលវេ ក្នុងការបំពេញតម្រូវការសេវាកម្មផ្នែកដឹកជញ្ជូនដែលកំពុងកើនឡើង ក៏ដូចជាសម្រួលដល់ការដឹកជញ្ជូនទំនិញកាន់តែរលូន និងមានប្រសិទ្ធភាពសម្រាប់អាជីវកម្មទូទាំងប្រទេស។ មុននឹងដាក់ឱ្យដំណើរការសេវកម្ម ទូរថភ្លើងដឹកទំនិញទាំងនេះនឹងត្រូវឆ្លងកាត់ការត្រួតពិនិត្យយ៉ាងជាក់លាក់ទៅលើប្រព័ន្ធហ្រ្វាំង និងប្រព័ន្ធសុវត្ថិភាពផ្សេងៗដើម្បីធានជូននូវសុវត្ថិភាព និងប្រសិទ្ធភាពសេវាកម្មជូនដល់អតិថិជន។

បើតាមក្រសួងសាធារណការ និងដឹកជញ្ជូន បានបញ្ជាក់ថា ការមកដល់របស់ទូ​រថភ្លើង​សម្រាប់​ដឹកទំនិញ​ថ្មីចំនួន ៦០គ្រឿង​បន្ថែម​ទៀតនេះជាការបោះជំហានទៅមុខដ៏សំខាន់ ក្នុងការផ្តល់ជូននូវសេវាកម្មដឹកជញ្ជូនទំនិញតាមរយៈផ្លូវដែក ហើយការមកដល់នៃទូរថភ្លើងដឹកទំនិញទាំង ៦០គ្រឿងនេះគ្រាន់តែជាដំណាក់កាលដំបូងតែប៉ុណ្ណោះ ក្នុងចំណោមការបញ្ជាទិញសរុប ២២១គ្រឿង របស់ក្រុមហ៊ុនក្រុមហ៊ុនរ៉ូយ៉ាល់រេលវេ។

ក្រសួងបន្តថា ចំពោះដំណាក់កាលទីពីរ មានចំនួន ៣៥ គ្រឿងរំពឹងថានឹងមកដល់ក្នុងសប្តាហ៍ទី២-៣ ខែធ្នូ ឆ្នាំ២០២៤ បន្ទាប់មកការដឹកជញ្ជូន ៤៥ គ្រឿងទៀតដែលគ្រោងនឹងដាក់ក្នុងខែមករា ឆ្នាំ២០២៥ នឹងបន្តមកដល់ជាបន្តបន្ទាប់ទៀតនៅប៉ុន្មានខែបន្ទាប់៕

The post ក្រុមហ៊ុន រ៉ូយាល់រេលវេ របស់អ្នកឧកញ៉ា គិត ម៉េង ទិញបានទូរថភ្លើងដឹកទំនិញចំនួន៦០គ្រឿងបន្ថែម ពីប្រទេសចិន appeared first on .

តាម​ការ​បង្ហាញ​ឱ្យដឹង​ពីក្រុមហ៊ុន​​ រ៉ូយ៉ាល់គ្រុប​ នៅ​លើ​ទំព័រហ្វេសប៊ុក​ផ្លូវការ នា​ព្រឹក​ថ្ងៃទី៣១ ខែកក្កដា​នេះ បាន​ឱ្យ​ដឹង​ថា ទូរថភ្លើងទាំងនេះបានមកដល់​កម្ពុជា​ដោយជោគជ័យ នៅរសៀល ថ្ងៃអាទិត្យទី ២៨ ខែកក្កដា ឆ្នាំ២០២៤​។ ក្រុមហ៊ុន បាន​បន្ត​ថា​ជាមួយការបោះជំហានទៅមុខដ៏សំខាន់មួយនៅក្នុងការប្តេជ្ញាចិត្តរបស់ ក្រុមហ៊ុនរ៉ូយ៉ាល់រេលវេ ក្នុងការផ្តល់ជូននូវសេវាកម្មដឹកជញ្ជូនទំនិញតាមរយៈផ្លូវដែក ប្រកបដោយប្រសិទ្ធភាព និងគួរឱ្យទុកចិត្តនៅទូទាំងប្រទេសកម្ពុជា។

ក្រុមហ៊ុន រ៉ូយ៉ាល់រេលវេ ក៏​សូមថ្លែងអំណរគុណដល់អតិថិជនទាំងអស់ ក៏ដូចជាដៃគូសហការ និងកិច្ចសហ​ប្រតិបត្តិការ​ដែលតែងតែជឿជាក់គាំទ្រសេវាកម្មរបស់​ក្រុមហ៊ុន។ ក្រុមហ៊ុននឹងនៅតែបន្តប្តេជ្ញាចិត្ត​ក្នុងការផ្តល់នូវ​សេវាកម្ម​ឱ្យ​កាន់តែល្អជូនដល់អតិថិជនទាំងអស់ និងចូលរួមចំណែកក្នុងការអភិវឌ្ឍហេដ្ឋារចនាសម្ព័ន្ធ និង​សេដ្ឋកិច្ចរបស់ប្រទេសកម្ពុជា។

សូមជម្រាបថា ​​កាលពីថ្ងៃទី១៥ ខែមេសា ឆ្នាំ២០២៤ ក្រុមហ៊ុន រ៉ូយ៉ាល់រេលវេ ខេមបូឌា បានទិញ​ក្បាល​​ម៉ាស៊ីន​រថភ្លើង​ល្បឿនលឿន​​ដឹក​អ្នកដំណើរ​ចំនួន ១១​គ្រឿង ពី​ប្រទេស​ជប៉ុន ​ម៉ាក ​Kiha 182 Heavy Snow ​ដែល​ត្រូវបាន​គេ​ដឹង​ថា អាច​រត់​បាន​ល្បឿន​ដល់ ១១០គីឡូម៉ែត្រ​ក្នុង​មួយ​ម៉ោង។ បច្ចុប្បន្ន​ ទូរថភ្លើង​ល្បឿនលឿន​ទាំង​​នេះ កំពុង​ធ្វើតេស្តបើកបរសាកល្បងប្រកបដោយជោគជ័យ ហើយ​គ្រោង​នឹង​បើក​ដំណើរការ​ជាផ្លូវការ ក្នុង​ពេល​ឆាប់ៗ​ផងដែរ៕

The post ក្រុមហ៊ុន រ៉ូយ៉ាល់រេលវេ របស់អ្នកឧកញ៉ា គិត ម៉េង ទិញបានទូដឹកទំនិញថ្មី ២៥គ្រឿងបន្ថែម ពីប្រទេសម៉ាឡេស៊ី appeared first on .

ក្រុមហ៊ុន រ៉ូយ៉ាល់ រេលវេ ខេមបូឌា បាន​បង្ហោះរូបភាព​លើ​ទំព័រហ្វេសប៊ុក​​ជាច្រើន​សន្លឹក​ កាលពី​រសៀល​ថ្ងៃទី១៥ ខែមេសា ឆ្នាំ២០២៤ ដែល​បង្ហាញ​​អំពី​​សកម្មភាព​ការ​​លើកដាក់​ដឹកជញ្ជូន​ក្បាល​​ម៉ាស៊ីន​រថភ្លើង​ល្បឿនលឿន​​ទាំង​ចំនួន ១១ គ្រឿង​ នៅ​កំពង់ផែ​មួយ​កន្លែង​នៃ​​ប្រទេស​ជប៉ុន ដើម្បី​បន្ត​​ដឹក​មក​កាន់​​ប្រទេស​កម្ពុជា សម្រាប់​ផ្តល់សេវាកម្ម​ជូន​ប្រជាពលរដ្ឋកម្ពុជា ជា​ប្រវត្តិសាស្ត្រថ្មី​មួយ​ទៀត។

តាមគេហទំព័រ Rail Travel Station បាន​ឱ្យដឹង​​ថា ក្បាល​​​រថភ្លើង​​​ដឹក​អ្នកដំណើរ​ល្បឿនលឿន ម៉ាក KiHa 183 Series DMU​​​​ចំនួន ១១ គ្រឿង​នេះ​ ​នឹង​ត្រូវ​ដឹកជញ្ជូន​ពី​តំបន់​ហុកកៃដូ ទៅ​កាន់​ប្រទេស​កម្ពុជា ដោយ​បាន​ចាកចេញ​ពី​កំពង់ផែ Hakodate នៅ​ថ្ងៃទី១៥ ខែមេសា ឆ្នាំ២០២៤។ ក្បាលរថភ្លើង​​​​ល្បឿន​លឿន​របស់​ជប៉ុន​ម៉ាក KiHa 183 Series DMU នេះ​ ​ត្រូវបាន​គេ​ដឹង​ថា អាច​រត់​បាន​ល្បឿន​ដល់ ១១០គីឡូម៉ែត្រ​ក្នុង​មួយ​ម៉ោង។

សូមជម្រាបថា បច្ចុប្បន្នក្រុមហ៊ុន រ៉ូយ៉ាល់ រេលវេ ខេមបូឌា មានខ្សែរថភ្លើងពីរខ្សែ ដែលមានប្រវែងសរុប ៦៥០គីឡូម៉ែត្រ ដែល​ខ្សែទីមួយតភ្ជាប់ពីទីក្រុងភ្នំពេញ ទៅក្រុងព្រះសីហនុ និងខ្សែទីពីរភ្ជាប់ពីទីក្រុងភ្នំពេញ ទៅក្រុងប៉ោយប៉ែត។ ក្រុមហ៊ុន រ៉ូយ៉ាល់ រេលវេ បាន​ចាប់ផ្តើមដំបូងក្នុងឆ្នាំ២០០៩ ដែលមានក្រុមហ៊ុនបរទេស​និងក្រុមហ៊ុន រ៉ូយ៉ាល់ គ្រុប បណ្តាក់ទុន​រួមគ្នា។ លុះដល់ឆ្នាំ២០១៤ ក្រុមហ៊ុន រ៉ូយ៉ាល់ គ្រុប របស់អ្នកឧកញ៉ា គិត ម៉េង បាន​ក្លាយជាម្ចាស់ភាគហ៊ុន​តែមួយ​ទាំងស្រុង មក​ដល់​បច្ចុប្បន្ន។

អ្នកឧកញ៉ា គិត ម៉េង អគ្គនាយកក្រុមហ៊ុន រ៉ូយ៉ាល់ គ្រុប ធ្លាប់​បាន​លើកឡើង​ថា សព្វថ្ងៃផ្លូវដែកកម្ពុជា​កំពុងរីកចម្រើន ហើយ​ក៏​កំពុង​ត្រូវការ​ធនធានបន្ថែមទៀត។ ផ្លូវដែកកម្ពុជា​បានចាប់ផ្តើមដំណើរការម្តងទៀតក្នុងឆ្នាំ២០១០ ចាប់តាំងពីពេលនោះ​មក អ្នកឧកញ៉ាបានបណ្តាក់ទុនជាង ១០០លានដុល្លារ ហើយបានអភិវឌ្ឍផ្លូវដែកឱ្យមានលក្ខណៈដូចបច្ចុប្បន្ន។ អ្នកឧកញ៉ា​បានសង្កត់ធ្ងន់ថា ផ្លូវដែក គឺជាគោលដៅមួយក្នុងចំណោមគោលដៅរបស់លោក​ ក្នុងការសម្រេចបាននូវ​សេវាកម្ម​ដឹកជញ្ជូន ដើម្បីជួយដល់ការរីកចម្រើនរបស់ប្រទេសកម្ពុជា៕​​

The post ក្រុមហ៊ុន រ៉ូយ៉ាល់ រេលវេ របស់អ្នកឧកញ៉ា គិត ម៉េង ទិញបានក្បាលរថភ្លើងល្បឿនលឿន ១១គ្រឿង ពីប្រទេសជប៉ុន appeared first on .

ក្រុមហ៊ុន រ៉ូយ៉ាល់ រេលវេ (Royal Railway) ចាប់ផ្តើមដំបូងក្នុងឆ្នាំ២០០៩ នៅពេលដែលរដ្ឋាភិបាលបានចុះហត្ថលេខាលើកិច្ចព្រមព្រៀងសម្បទានរយៈពេល ៣០ឆ្នាំដែលអនុញ្ញាតឱ្យក្រុមហ៊ុនToll Cambodia Co Ltd ដែលជាការបណ្តាក់ទុនរួមគ្នារវាងក្រុមហ៊ុន Toll Holding Ltd មានមូលដ្ឋាន​នៅប្រទេសអូស្ត្រាលី និងក្រុមហ៊ុន Royal Group of Companies Ltd គ្រប់គ្រងប្រតិបត្តិការប្រព័ន្ធផ្លូវដែកនៅកម្ពុជា។

នៅឆ្នាំ២០១៤ ក្រុមហ៊ុន Toll Holding បានផ្ទេរភាគហ៊ុនទាំងអស់ទៅដៃគូក្នុងស្រុករបស់ខ្លួនដែលធ្វើឱ្យក្រុមហ៊ុន រ៉ូយ៉ាល់ គ្រុប របស់អ្នកឧកញ៉ា គិត ម៉េង ក្លាយជាម្ចាស់ភាគហ៊ុនតែមួយ។ ក្រុមហ៊ុននេះត្រូវបានប្តូរឈ្មោះទៅជារ៉ូយ៉ាល់ រេលវេ ខេមបូឌា (Royal Railway Cambodia)។ បច្ចុប្បន្នលោក John Ivor Guiry នាយកប្រតិបត្តិក្រុមហ៊ុន រ៉ូយ៉ាល់ រេលវេ ម.ក។

អ្នកឧកញ៉ា គិត ម៉េង ធ្លាប់បានលើកឡើងថា សព្វថ្ងៃវាមិនត្រឹមតែដំណើរការប៉ុណ្ណោះទេ ប៉ុន្តែវាកំពុងរីកចម្រើន ហើយត្រូវការធនធានបន្ថែមទៀត។ ផ្លូវដែកបានចាប់ផ្តើមដំណើរការម្តងទៀតក្នុងឆ្នាំ២០១០ ចាប់តាំងពីពេលនោះមកអ្នកឧកញ៉ាបានបណ្តាក់ទុនជាង ១០០លានដុល្លារ ហើយបានអភិវឌ្ឍផ្លូវដែកឱ្យមានលក្ខណៈដូចបច្ចុប្បន្ន។

ក្រុមហ៊ុន រ៉ូយ៉ាល់ រេលវេ បានចុះបញ្ជីលក់មូលបត្របំណុលក្នុងឆ្នាំ២០២២ សម្រាប់ផ្សារមូលបត្រកម្ពុជា ក្នុងទំហំទឹកប្រាក់សរុប ៤១ប៊ីលានរៀល ប្រមាណជា ១០លានដុល្លារអាមេរិក។ 

ក្នុងពិធីចុះបញ្ជីលក់សញ្ញាបណ្ណសាជីវកម្មជាផ្លូវការរបស់ក្រុមហ៊ុន រ៉ូយ៉ាល់ រេលវេ ម.ក នៅផ្សារមូលបត្រកម្ពុជា កាលពីឆ្នាំ២០២២កន្លងទៅ អ្នកឧកញ៉ា គិត ម៉េង អគ្គនាយកក្រុមហ៊ុន រ៉ូយ៉ាល់ គ្រុប មានប្រសាសន៍ថា ការបន្លឺកណ្ដឹងសម្រាប់ការចុះបញ្ជីមូលបត្របំណុលទីមួយចំនួន ១០លានដុល្លារ នៅលើទីផ្សារមូលបត្រកម្ពុជា និងមូលបត្របំណុលទីពីរចំនួន ២០លានដុល្លារ ជាផ្នែកមួយនៃការប្តេជ្ញាចិត្តរបស់អ្នកឧកញ៉ា និងការវិនិយោគបន្តទៅក្នុងផ្លូវដែក។

 អ្នកឧកញ៉ាបានសង្កត់ធ្ងន់ថា «ផ្លូវដែក គឺជាគោលដៅមួយក្នុងចំណោមគោលដៅរបស់អ្នកឧកញ៉ា ក្នុងការសម្រេចបាននូវសេវាកម្មដឹកជញ្ជូន ដើម្បីជួយដល់ការរីកចម្រើនរបស់ប្រទេស»៕

ទន្ទឹមនឹងនេះ អ្នកឧកញ៉ាសូមថ្លែងអំណរគុណយ៉ាងជ្រាលជ្រៅចំពោះសម្តេចតេជោ ហ៊ុន សែន ដែលតែងតែគាំទ្រដល់ការអភិវឌ្ឍផ្លូវដែកកម្ពុជា និងស្ថាប័នពាក់ព័ន្ធទាំងអស់ ដូចជា ក្រសួងសាធារណការ និងដឹកជញ្ជូន, ក្រសួងសេដ្ឋកិច្ច និងហិរញ្ញវត្ថុ សម្រាប់ជំនួយជាយុទ្ធសាស្ត្រសម្រាប់គម្រោងផ្លូវដែក។

សូមជម្រាបជូនថា ថ្មីៗនេះ ក្រុមហ៊ុន រ៉ូយ៉ាល់ រេលវេ បានស្នើសុំទៅក្រសួងសាធារណការ និងដឹកជញ្ជូន ក្នុងការជួសជុលលើកកម្រិត ផ្លូវដែក ស្ពាន ស្ថានីយ និងផ្លូវឆ្លងកាត់ផ្លូវដែក ព្រមទាំងផែនការសេវាដឹកជញ្ជូនអ្នកដំណើរ និងដឹកទំនិញអន្តរជាតិ រវាងប្រទេសកម្ពុជា និងប្រទេសថៃ ក៏ដូចជាការដឹកជញ្ជូនអ្នកដំណើរ និងទំនិញតាមខ្សែបណ្ដោយ ពីរាជធានីភ្នំពេញ ទៅក្រុងប៉ោយប៉ែត ដើម្បីបម្រើឱ្យវិស័យដឹកជញ្ជូនកាន់តែសម្បូរបែប និងដើម្បីជំរុញកំណើនសេដ្ឋកិច្ចជាតិថែមទៀតផង៕

The post តើអ្នកឧកញ៉ា គិត ម៉េង បណ្តាក់ទុនប៉ុន្មានលានដុល្លារក្នុង«ក្រុមហ៊ុន រ៉ូយ៉ាល់ រេលវេ» អភិវឌ្ឍផ្លូវរថភ្លើង appeared first on .