នៅថ្ងៃសុក្រ ទី២០ ខែធ្នូ ឆ្នាំ២០២៤ ខាងមុននេះ ក្រុមហ៊ុន CheckinMe នឹងប្រារព្ធពិធីប្រគល់រង្វាន់ប្រចាំឆ្នាំ២០២៤ ដែលជាការអបអរសាទរមហាសន្ដិភាពសំខាន់ៗរបស់ក្រុមហ៊ុន និងការទទួលស្គាល់ព្រមទាំងកោតសរសើរលើការខិតខំប្រឹងប្រែងរបស់បុគ្គលិកនាយកដ្ឋាន និងអ្នកពាក់ព័ន្ធ។ ព្រឹត្តិការណ៍នេះមានការចូលរួមពីវត្តមានដ៏ខ្ពង់ខ្ពស់របស់ភ្ញៀវកិត្តិយស VIP, ទីប្រឹក្សា និងក្រុមប្រឹក្សាភិបាលជាច្រើនរូបដោយផ្តោតលើការអបអរសាទរសមិទ្ធផល និងការលើកទឹកចិត្តនៅក្នុងក្រុមហ៊ុន។

CheckinMe មានសេចក្តីសោមនស្សរីករាយក្នុងការអញ្ជើញអ្នកចូលរួមទាំងអស់គ្នាមកកាន់ការអបអរសាទរសមិទ្ធផលដ៏វិសេសវិសាលប្រចាំឆ្នាំ២០២៤នេះ។ ថ្នាក់ដឹកនាំ CheckinMe ពិតជាមានមោទនភាពសម្រាប់ការជំនះឧបសគ្គទៅលើការផ្ដល់សេវាកម្មប្រើប្រាស់បច្ចេកវិទ្យាជូនអតិថិជនទូទាំងខេត្ត-ក្រុងដែលទទួលបានលទ្ធផលទ្វេដង ព្រមទាំងការបើកដំណើរការប្រកបដោយជោគជ័យនៃផលិតផលរបស់យើងនៅក្នុងប្រទេសឡាវផងដែរ។ នេះជាសេចក្ដីបង្ហាញពីការលះបង់ ការខិតខំប្រឹងប្រែង និងការរួមចំណែកដ៏ពិសេសរបស់បុគ្គលិក នាយកដ្ឋាន និងដៃគូដ៏មានតម្លៃរបស់យើង ដែលបានរួមចំណែកយ៉ាងសំខាន់ក្នុងការជំរុញភាពជោគជ័យទាំងនេះ។

គោលបំណង៖

• ការទទួលស្គាល់ និងវាយតម្លៃខ្ពស់៖ ដើម្បីទទួលស្គាល់ជាផ្លូវការ និងបង្ហាញពីការដឹងគុណចំពោះលទ្ធផលការងារ និងការរួមចំណែកឆ្នើមរបស់បុគ្គលិក នាយកដ្ឋាន និងអ្នកពាក់ព័ន្ធ។

• ការលើកទឹកចិត្ត៖ លើកទឹកចិត្តបុគ្គលិកដោយអបអរសាទរភាពជោគជ័យ និងជំរុញបរិយាកាសការងារប្រកបដោយភាពវិជ្ជមាន និងកោតសរសើរ។

• ពង្រឹងវប្បធម៌ក្រុមហ៊ុន៖ ពង្រឹងគុណតម្លៃក្រុមហ៊ុន កសាងមិត្តភាព និងពង្រឹងចំណងមិត្តភាពរវាងបុគ្គលិក និងអង្គការ។

• ការទទួលស្គាល់ជាសាធារណៈ៖ ទទួលស្គាល់ជាសាធារណៈ និងកោតសរសើរចំពោះការរួមចំណែករបស់បុគ្គល និងក្រុម ទាំងក្នុង និងក្រៅប្រទេស។

• បណ្តាញទំនាក់ទំនង៖ ផ្តល់ឱកាសក្នុងការបង្កើនទំនាក់ទំនងថ្មីៗទាំងក្នុងបរិយាកាសការងារ អតិថិជន និងអ្នកជំនាញជាច្រើន៕

The post ក្រុមហ៊ុន CheckinMe ប្រារព្ធពិធីប្រគល់ពានរង្វាន់ប្រចាំឆ្នាំ២០២៤ appeared first on .

ឯកឧត្តមបណ្ឌិត សំ សិទ្ធិសេរី បានមានប្រសាសន៍ថា “អគ្គនាយកដ្ឋានបច្ចេកវិទ្យាគមនាគមន៍ និងព័ត៌មាននៃក្រសួងប្រៃសណីយ៍ និងទូរគមនាគមន៍គាំទ្រ នឹងជួយជម្រុញការនាំយកបច្ចេកវិទ្យាក្នុងប្រទេសកម្ពុជា ចេញទៅកាន់ទីផ្សារក្រៅប្រទេស។ ដើម្បីលើកកិត្យានុភាពរបស់កម្ពុជា ស្របទៅតាមគោលនយោបាយយុទ្ធសាស្ត្របញ្ចកោណដំណាក់កាលទី១ ធានាឱ្យបាននូវចីរភាពនៃការអភិវឌ្ឍសង្គម-សេដ្ឋកិច្ច អាទិភាពគន្លឹះចំនួន៥ រួមមាន៖ មនុស្ស ផ្លូវ ទឹក ភ្លើង ជាពិសេសគឺ បច្ចេកវិទ្យា”។ លើសពីនេះ ឯកឧត្តមបណ្ឌិត បានកោតសរសើរ និងជូនពរឲ្យក្រុមហ៊ុន CheckinMe ទទួលបានភាពជោគជ័យ និងទទួលបាន ការរីកចម្រើនឆាប់រហ័ស។

លោក ឡី កំថូង ប្រធាននាយកប្រតិបត្តិនៃក្រុមហ៊ុន CheckinMe បានរៀបរាប់ថា “កិច្ចសហប្រតិបត្តិការនេះ ធ្វើឡើងក្នុងគោលបំណងផ្សព្វផ្សាយចំណេះដឹងបច្ចេកវិទ្យាបែបឌីជីថល និងនាំយកបច្ចេកវិទ្យា​គ្រប់គ្រង​បុគ្គលិករបស់កម្ពុជា ចូលទៅកាន់ទីផ្សារប្រទេសឡាវ ដែលជា​ប្រទេសដំបូង និងជាគំរូដ៏សំខាន់សម្រាប់កូនខ្មែរ នាំចេញផលិតផលបច្ចេកវិទ្យា ទៅកាន់បណ្តាប្រទេសនានានៅក្នុងតំបន់ មានដូចជាប្រទេសថៃ វៀតណាម និងប្រទេសមីយ៉ាម៉ាជាដើម”។

កម្មវិធីនេះបានប្រពឹត្តិទៅដោយរលូនដោយមានការចូលរួមពីសំណាក់ថ្នាក់ដឹកនាំស្ថាប័នជាតិ និងអន្តរជាតិជាច្រើនរូបប្រមាណជាង៥០នាក់ និងមានការធ្វើបទបង្ហាញអំពីបច្ចេកវិទ្យាថ្មី ដោយអតីតនិស្សិតនៃបណ្ឌិត្យសភាបច្ចេកវិទ្យាឌីជីថលកម្ពុជា។

កុំភ្លេចណា! ចូលរួមលើកម្ពស់អាជីវកម្មបច្ចេកវិទ្យា ជំរុញសេដ្ឋកិច្ចឌីជីថលកម្ពុជា “បច្ចេកវិទ្យាគ្រប់គ្រងបុគ្គលិក ឆែកអ៊ីនមី”។

The post ក្រុមហ៊ុន CheckinMe របស់កូនខ្មែរ និង Bezz Solution បានចាប់ដៃគ្នាពង្រីកទីផ្សារនៅប្រទេសឡាវ appeared first on .

កម្មវិធីនេះនឹងធ្វើឡើងនៅអគារការិយាល័យរបស់ក្រុមហ៊ុន CheckinMe ក្រោមអធិបតីភាពរបស់ឯកឧត្តមបណ្ឌិត សំ សិទ្ធិសេរី អគ្គនាយកនៃអគ្គនាយកដ្ឋានបច្ចេកវិទ្យាគមនាគមន៍ និងព័ត៌មាននៃក្រសួងប្រៃសណីយ៍ និងទូរគមនាគមន៍, លោក ឡី កំថូង ប្រធាននាយកប្រតិបត្តិនៃក្រុមហ៊ុន CheckinMe, ភាគីតំណាងពីប្រទេសឡាវ និងមានការចូលរួមពី​វាគ្មិនកិត្តិយសចំនួន០៥ នាក់​ ដើម្បីចែករំលែកចំណេះដឹងផ្នែកបច្ចេកវិទ្យាឌីជីថល និងការនាំយកបច្ចេកវិទ្យា​គ្រប់គ្រង​មនុស្សរបស់ CheckinMe ចូលទៅកាន់ទីផ្សារប្រទេសឡាវ។

ឯកឧត្តមបណ្ឌិត សំ សិទ្ធិសេរី អគ្គនាយកនៃអគ្គនាយកដ្ឋានបច្ចេកវិទ្យាគមនាគមន៍និងព័ត៌មាន នៃក្រសួងប្រៃសណីយ៍​និងទូរគមនាគមន៍ នឹងឡើងធ្វើសុន្ទរកថាគន្លឹះ និងផ្ដល់អនុសាសន៍សម្រាប់ការសម្រេចសមិទ្ធផលដ៏អស្ចារ្យនេះ។

ក្រៅពី​នេះ ក៏មានការចូលរួមពីសំណាក់ម្ចាស់អាជីវកម្ម អ្នកគ្រប់គ្រងស្ថាប័នជាតិ និងអន្តរជាតិជាច្រើនរូបបន្ថែមទៀត។ នៅចុង​បញ្ចប់នៃកម្មវិធី CheckinMe នឹងមានការរៀបចំការពិសារអាហារសម្រន់ និងការថតរូបទុកជាអនុស្សារីយ៍ផងដែរ។

The post ក្រុមហ៊ុន CheckinMe នឹងនាំយកបច្ចេកវិទ្យាថ្មីទៅកាន់ប្រទេសឡាវ appeared first on .

លោក ឡី កំថូង បានបង្កើត CheckinMe ដែលជាដំណោះស្រាយឌីជីថល សម្រាប់​អាជីវកម្ម​ប្រើប្រាស់ដើម្បី គ្រប់គ្រងវត្តមានបុគ្គលិក និង សកម្មភាពបុគ្គលិកចេញក្រៅ (Sales Outdoor) ដោយស្វ័យប្រវត្តិ និងមុខងារផ្សេងទៀត។

សហគ្រិនវ័យក្មេងរូបនេះ ក៏បានដាក់មហិច្ឆតានាំបច្ចេកវិទ្យាដែលបង្កើតដោយកូនខ្មែរមួយនេះ​ទៅកាន់អន្តរជាតិ ឆាប់ៗនេះផងដែរ។

សូមទស្សនាវីដេអូ៖

The post លោក ឡី កំថូង មានមហិច្ឆតានាំបច្ចេកវិទ្យាបង្កើតដោយកូនខ្មែរទៅកាន់អន្តរជាតិ appeared first on .

កម្មវិធីនេះ នឹងប្រព្រឹត្តទៅនៅអគារការិយាល័យរបស់ក្រុមហ៊ុន CheckinMe ក្រោមអធិបតីភាពរបស់លោក ឡី កំថូង ប្រធាន​នាយកប្រតិបត្តិនៃក្រុមហ៊ុន CheckinMe និងវាគ្មិនកិត្តិយស ០៦នាក់ ដែលនឹងធ្វើការសំណេះសំណាល និង​ចែករំលែកចំណេះដឹងពាក់ព័ន្ធជាមួយនឹងបច្ចេកវិទ្យាថ្មី 4.0 ។

កាន់តែពិសេស CheckinMe ក៏មានការរៀបចំពិធីចុះហត្ថលេខាលើអនុស្សារណៈនៃយោគយល់ (MOU) ជាមួយនឹង​ក្រុមហ៊ុន WEREAD ក្នុងគោលបំណងចូលរួមក្នុងការផ្សព្វផ្សាយ បង្កើនការប្រើប្រាស់សៀវភៅតាមបែបឌីជីថលដ៏ទំនើប និងគាំទ្របច្ចេកវិទ្យាឌីជីថល។

ជាងនេះទៅទៀត កម្មវិធីនេះនឹងមានការចូលរួមពីសំណាក់ម្ចាស់អាជីវកម្ម និងអតិថិជនជាច្រើនរូបមកពីគ្រប់ស្ថាប័ន។ ហើយនៅចុងបញ្ចប់នៃកម្មវិធី CheckinMe មានការរៀបចំការចាប់រង្វាន់ជាច្រើនជូនដល់ភ្ញៀវកិត្តិយស ការពិសារ​អាហារ​សម្រន់ និងការថតរូបទុកជាអនុស្សារីយ៍។

The post ស្ថាបនិក ក្រុមហ៊ុន CheckinMe នឹងប្រារព្ធពិធីដាក់ឲ្យដំណើរការប្រព័ន្ធ “Payroll 4.0” appeared first on .

ក្រុមហ៊ុនទាំងពីរបានសហការរៀបចំសិក្ខាសាលា “HR Go Digital” ដែលបានប្រព្រឹត្តទៅដោយជោគជ័យនៅថ្ងៃទី ២ ខែធ្នូ ឆ្នាំ ២០២៣ នៅភោជនីយដ្ឋាន ទន្លេបាសាក់ II ដោយមានការអញ្ជើញចូលរួមជាអធិបតីភាពពីអ្នកឧកញ៉ា វេជ្ជបណ្ឌិត គួច ម៉េងលី និងវាគ្មិនល្បីៗជាច្រើនរូប ។

សិក្ខាសាលា “HR Go Digital” មានការចូលរួមយ៉ាងច្រើនលើសលប់នៃអ្នកចូលរួមជាង ១០០ នាក់ ដែលមានតួនាទី​ជា​ច្រើនដូចជា អ្នកគ្រប់គ្រងធនធានមនុស្ស ម្ចាស់អាជីវកម្ម និងអ្នកគ្រប់គ្រងផ្នែកលក់។ ព្រឹត្តិការណ៍នេះមិនត្រឹមតែ​បានទាក់​ទាញអ្នកជំនាញក្នុងឧស្សាហកម្មប៉ុណ្តោះទេ ថែមទាំងផ្តល់នូវការយល់ដឹងដ៏មានតម្លៃខាងផ្នែក​ឌីជីថលនីយកម្មនៃការគ្រប់​គ្រង​ធនធានមនុស្សផងដែរ។

ក្នុងអំឡុងពេលព្រឹត្តិការណ៍នេះ ក្រុមហ៊ុន Smart និង CheckinMe បានបង្កើតភាពជាដៃគូជាផ្លូវការ ជាមួយនឹងការចុះ​ហត្ថលេខា​លើអនុស្សរណៈនៃការយោគយល់គ្នា។ MoU នេះត្រូវបានចុះហត្ថលេខាដោយលោកស្រី Mila ប្រធានផ្នែក​ទីផ្សារ​នៃក្រុមហ៊ុន Smart និងលោក ឡី កំថូង ប្រធាននាយកប្រតិបត្តិ និងជាសហស្ថាបនិកនៃក្រុមហ៊ុន CheckinMe។

តាមរយៈការសហការជាមួយក្រុមហ៊ុន Smart ដែលជាប្រតិបត្តិករទូរស័ព្ទចល័តឈានមុខគេរបស់កម្ពុជា។ ក្រុមហ៊ុន CheckinMe មានគោលបំណងពន្លឿនការទទួលយកការអនុវត្តធនធានមនុស្ស​បែបឌីជីថលនៅទូទាំង​ប្រទេសដោយជំរុញ​ឱ្យមានផលិតភាព និងការប្រកួតប្រជែងកាន់តែខ្ពស់សម្រាប់អាជីវកម្មកម្ពុជា ដោយផ្តល់នូវបច្ចេកវិទ្យាទំនើប សម្រាប់ផ្នែក​ធនធាន​មនុស្សប្រកបដោយប្រសិទ្ធភាព និងងាយស្រួលប្រើប្រាស់ ។

លោកស្រី Mila ប្រធានផ្នែកទីផ្សារនៃក្រុមហ៊ុន Smart មានប្រសាសន៍ថា “យើងមានសេចក្តីរំភើបរីករាយ​ដែលបាន​សហការ​ជាមួយ CheckinMe ដោយសារយើងជឿជាក់យ៉ាងមុតមាំលើឥទ្ធិពលវិជ្ជមាន នៃដំណោះស្រាយបែបឌីជីថល។ សិក្ខាសាលានេះបង្ហាញពីការបើកទំព័រថ្មី សម្រាប់វិស័យធនធានមនុស្សនៅកម្ពុជា​តាមរយៈបច្ចេកវិទ្យាដែលជំរុញ​ប្រសិទ្ធភាព​សម្រួលដល់ដំណើរការគ្រប់គ្រង និងជួយជំរុញអាជីវកម្មឱ្យកាន់តែមានភាពរីកចម្រើនក្នុងយុគសម័យឌីជីថល។

លោក ឡី កំថូង ប្រធាននាយកប្រតិបត្តិ និងជាសហស្ថាបនិកនៃក្រុមហ៊ុន CheckinMe បានសម្តែងនូវក្តីរីករាយដោយមាន​ប្រសាសន៍ថា “យើងពិតជារំភើបក្នុងការចាប់ដៃគូជាមួយក្រុមហ៊ុន Smart និងរួមបញ្ចូលគ្នានូវជំនាញ​របស់យើងដើម្បីធ្វើ​បដិវត្តន៍​លើផ្នែកធនធានមនុស្សនៅកម្ពុជា។ ដំណោះស្រាយដ៏ទំនើបរបស់យើង​នឹងជួយឱ្យអាជីវកម្មមាន​ភាពប្រសើរឡើង​លើដំណើរការធនធានមនុស្ស ធ្វើឱ្យមានភាពប្រសើរឡើងនូវការគ្រប់គ្រងបុគ្គលិក បង្កើនប្រសិទ្ធភាព និងផលិតភាពការងារ​របស់អង្គភាពទាំងមូល។”

អ្នកឧកញ៉ា វេជ្ជបណ្ឌិត គួច ម៉េងលី ក៏បានថ្លែងថា “ពិតណាស់ ការចេះជំនាញឌីជីថល គឺជាកត្តាមួយសំខាន់ និង ជួយ​សម្រួលដល់កិច្ចការងារប្រចាំថ្ងៃ ចំណេញពេលវេលា ជាងការធ្វើតាមបែបបុរាណ។ អ្នកឧកញ៉ា បន្តថា ចំពោះម្ចាស់អាជីវកម្ម និងបុគ្គលិកគ្រប់ជាន់ថ្នាក់ គួរបង្កើនលើជំនាញ វិទ្យាសាស្រ្ត ឌីជីថល ដែលជាជំនាញមួយ​ត្រូវនឹងបរិបទក្នុងសម័យកាល​ឌីជីថលនេះ។”

ភាពជាដៃគូរបស់ក្រុមហ៊ុន Smart និងក្រុមហ៊ុន CheckinMe បង្ហាញតាមរយៈភាពជោគជ័យនៃសិក្ខាសាលា “HR Go Digital” ដែលត្រួសត្រាយផ្លូវវិស័យធនធានមនុស្សទៅកាន់ឌីជីថលនៅកម្ពុជា។ ជាមួយនឹងចក្ខុវិស័យរួមគ្នា​នៃការផ្តល់ភាព​ងាយស្រួលដល់អាជីវកម្មតាមរយៈបច្ចេកវិទ្យាធនធានមនុស្សប្រកបដោយភាពច្នៃប្រឌិត កិច្ចសហការនេះចង្អុល​បង្ហាញផ្លូវ​ដល់អង្គភាពអំពីដំណើរការ និងការរីកចម្រើនលើផ្នែកធនធានមនុស្សក្នុងយុគសម័យឌីជីថល។

កុំភ្លេច ចូលរួមលើកម្ពស់អាជីវកម្មកម្ពុជា ជំរុញសេដ្ឋកិច្ចឌីជីថលនៅក្នុងប្រទេស “បច្ចេកវិទ្យាគ្រប់គ្រងបុគ្គលិក ឆែកអ៊ីនមី”។

The post ក្រុមហ៊ុន Smart និង CheckinMe បង្កើតភាពជាដៃគូជាផ្លូវការ ចុះហត្ថលេខាលើអនុស្សរណៈនៃការយោគយល់គ្នា appeared first on .