លោក ស៊ុន ចាន់ថុល ឧបនាយករដ្ឋមន្រ្តី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានថ្លែងថា នេះជាសមិទ្ធផលដ៏សំខាន់មួយរបស់មីនេបៀ ដែលបានចូលរួមដល់ការអភិវឌ្ឍសេដ្ឋកិច្ចកម្ពុជា ជាពិសេសគឺមានសង្គតិភាពទៅនឹងកិច្ចខិតខំប្រឹងប្រែងរបស់រាជរដ្ឋាភិបាល ក្នុងការធ្វើពិពិធកម្មផលិតកម្ម និងលើកកម្ពស់កំណើនសេដ្ឋកិច្ចក្នុងតំបន់។ រោងចក្រទី២របស់ក្រុមហ៊ុនមីនេបៀនេះ ត្រូវបានវិនិយោគក្នុងទំហំទឹកប្រាក់ចំនួន ៣៨,៥លានដុល្លារអាម៉េរិក នៅលើផ្ទៃដីទំហំ ៥០ហិកតា និងអាចបង្កើតការងារបានប្រមាណ ៨០០០កន្លែង នៅពេលប្រតិបត្តិការពេញសមត្ថភាព។

លោកជឿជាក់ថា វត្តមានរបស់មីនេបៀក្នុងខេត្តពោធិ៍សាត់នេះ នឹងទាក់ទាញវិនិយោគិនកាន់តែច្រើនបន្ថែមទៀត ដែលអាចជាក្រុមហ៊ុនផ្គត់ផ្គង់ ឬជាផ្នែកមួយនៃខ្សែច្រវាក់ផ្គត់ផ្គង់របស់មីនេបៀ ឬធ្វើប្រតិបត្តិការអាជីវកម្មក្នុងឱស្សាហកម្មពាក់ព័ន្ធ។ លោកបានបន្ថែមថា ជាមួយនឹងធនធានថាមពលកកើតឡើងវិញដ៏សម្បូរបែបរបស់ខេត្តពោធិ៍សាត់ ក៏ដូចជាគម្រោងរបស់មីនេបៀរក្នុងការបង្កើត Solar Farm ក្នុងខេត្តនេះ គឺជាការសម្រេចចិត្តយុទ្ធសាស្រ្តមួយ ដែលអនុញ្ញាតឱ្យក្រុមហ៊ុនសម្រេចបាននូវស្តង់ដារបរិស្ថានថ្មី ព្រមទាំងចូលរួមចំណែកក្នុងការលើកកម្ពស់ប្រវត្តិរូបអាជីវកម្ម ដែលមានការគិតគូរដល់បរិស្ថាន និងផ្តល់នូវតម្លៃបន្ថែមជូនអតិថិជនគោលដៅផងដែរ។

ក្នុងឱកាសនោះ លោកក៏បានរំលេចអំពីសមិទ្ធផលការងារលេចធ្លោមួយចំនួនដែលសម្រេចបានក្រោមការដឹកនាំតម្រង់ទិស និងចង្អុលបង្ហាញដោយចក្ខុវិស័យមុតស្រួចរបស់ ប្រមុខរាជរដ្ឋាភិបាលកម្ពុជា ដែលរួមមានជូចជា៖ (១)កិច្ចខិតខំប្រឹងប្រែងក្នុងការរក្សាសុខសន្តិភាព និងស្ថិរភាពជាតិ, (២)ការធ្វើឱ្យប្រសើរឡើងនូវបរិយាកាសធុរកិច្ច និងអំណោយផលក្នុងការវិនិយោគដោយមាន ក.អ.ក ជាសេនាធិការច្រកចេញចូលតែមួយ, (៣)ភាពប្រាកដប្រជា និងការបង្កើនទំនុកចិត្តវិនិយោគ តាមរយៈការចុះកិច្ចព្រមព្រៀងពាណិជ្ជកម្មបដិការជាផ្លូវការ ជាមួយសហរដ្ឋអាម៉េរិក ដែលកម្ពុជាគឺជាប្រទេសទី១ នៅក្នុងពិភពលោក, និង (៤)កំណើនចំនួនគម្រោងវិនិយោគដែលបានអនុម័តដោយ ក.អ.ក. នឹងឈានទៅបំបែកកំណត់ត្រាសារជាថ្មី ក្នុងបំណាច់ឆ្នាំ២០២៥ខាងមុខនេះ។

សូមជម្រាបជូនផងដែរថា ក្រុមហ៊ុន Minebea Mitsumi Inc. ជាក្រុមហ៊ុនដ៏ធំមួយរបស់ជប៉ុន ធ្វើអាជីវកម្មលើការផលិតគ្រឿងបង្គុំម៉ាស៊ីន និងគ្រឿងបង្គុំអេឡិចត្រូនិកចាប់តាំងឆ្នាំ១៩៥១ ។ បច្ចុប្បន្នក្រុមហ៊ុនក៏បានបង្កើតរោងចក្រចំនួនពីរកន្លែងនៅកម្ពុជា ដោយទីមួយនៅក្នុងតំបន់សេដ្ឋកិច្ចពិសេស រ៉ូយ៉ាល់គ្រុប ភ្នំពេញ និងទីពីរនៅក្នុងតំបន់សេដ្ឋកិច្ចពិសេសពោធិ៍សាត់ ដែលអាចបង្កើតការងារជិត១ម៉ឺនកន្លែង៕

The post ក្រោមស្នូរគ្រាប់ផ្លោងរបស់សត្រូវនៅសមរភូមិមុខ! រោងចក្រថ្មីរបស់ក្រុមហ៊ុនយក្សមីនេបៀ តម្លៃជាង៣៨លានដុល្លារ សម្ពោធដំណើរការនៅខេត្តពោធិ៍សាត់ appeared first on .

នេះបើតាមរយៈជំនួបពិភាក្សាការងាររវាងសម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា ជាមួយលោក លោក YOSHIHISA Kainuma ប្រធាន និងជានាយកប្រតិបត្តិ នៃក្រុមហ៊ុន MinebeaMitsumi Inc., កាលពីរសៀលថ្ងៃទី២៨ ខែឧសភា​ ឆ្នាំ២០២៥។

ក្នុងជំនួបនោះ លោក YOSHIHISA Kainuma បានសម្តែងការអរគុណយ៉ាងស្មោះស្ម័គ្រចំពោះរាជរដ្ឋាភិបាលកម្ពុជា ដែលបានគាំទ្រយ៉ាងពេញទំហឹងដល់ដំណើរការ និងសកម្មភាពអាជីវកម្មរបស់ក្រុមហ៊ុនមីនេបៀកម្ពុជា-Minebea​ (Cambodia)។ លោកក៏បានគោរពជម្រាបជូនសម្តេចអំពីវឌ្ឍនភាពនៃការពង្រីកប្រតិបត្តិការអាជីវកម្មរបស់ក្រុមហ៊ុន ដោយបច្ចុប្បន្ន ក្រុមហ៊ុនបានផ្តល់ឱកាសការងារ ជាង ២,០០០កន្លែង និងគ្រោងជ្រើសរើសពលរដ្ឋបន្ថែមទៀតចូលបម្រើការងារជាបន្តបន្ទាប់។

នាឱកាសនោះ លោកជម្រាបជូនសម្តេចអំពីដំណើរការសាងសង់រោងចក្រថ្មីរបស់ក្រុមហ៊ុន ដែលគ្រោងនឹងបញ្ចប់នៅដំណាច់ឆ្នាំនេះ។ ដោយលោកក៏បានគូសបញ្ជាក់បន្ថែមថា កម្ពុជាគឺជាគោលដៅដ៏ល្អបំផុតសម្រាប់ការវិនិយោគ។

សម្តេចធិបតីនាយករដ្ឋមន្រ្តី បានវាយតម្លៃខ្ពស់ចំពោះភាពរីកចម្រើន ក៏ដូចជាការពង្រីកប្រតិបត្តិការអាជីវកម្មជាបន្តបន្ទាប់របស់ក្រុមហ៊ុនមីនេបៀកម្ពុជា។ សម្តេចមានប្រសាសន៍ថា ភាពជោគជ័យនេះមិនត្រឹមតែបង្ហាញពីការរីកចម្រើនរបស់ក្រុមហ៊ុនប៉ុណ្ណោះទេ ប៉ុន្តែថែមទាំងបានចូលរួមចំណែកយ៉ាងសំខាន់ក្នុងការបង្កើតការងារ​ និងលើកកម្ពស់ជីវភាពរបស់ប្រជាពលរដ្ឋកម្ពុជាផងដែរ។ សម្តេចក៏បានគូសបញ្ជាក់អំពីការបន្តដាក់ចេញនូវគោលនយោបាយ ក្នុងការគាំទ្រ និងយកចិត្តទុកដាក់ចំពោះក្រុមហ៊ុនវិនិយោគទាំងអស់នៅកម្ពុជា ព្រមទាំងធានានូវបរិយាកាសវិនិយោគប្រកបដោយភាពទាក់ទាញ និងភាពប្រកួតប្រជែងសម្រាប់វិនិយោគិននៅកម្ពុជា។

សូមជម្រាបជូនផងដែរថា ក្រុមហ៊ុន Minebea Mitsumi Inc. ជាក្រុមហ៊ុនដ៏ធំមួយរបស់ជប៉ុន ធ្វើអាជីវកម្មលើការផលិតគ្រឿងបង្គុំម៉ាស៊ីន និងគ្រឿងបង្គុំអេឡិចត្រូនិកចាប់តាំងឆ្នាំ១៩៥១ ។ បច្ចុប្បន្នក្រុមហ៊ុនក៏បានបង្កើតរោងចក្រចំនួនពីរកន្លែងនៅកម្ពុជា ដោយទីមួយនៅក្នុងតំបន់សេដ្ឋកិច្ចពិសេស រ៉ូយ៉ាល់គ្រុប ភ្នំពេញ និងទីពីរនៅក្នុងតំបន់សេដ្ឋកិច្ចពិសេសពោធិ៍សាត់ ដែលអាចបង្កើតការងារជិត១ម៉ឺនកន្លែង៕

The post ប្រធានក្រុមហ៊ុនខ្នាតយក្សជប៉ុន Minebea និយាយថា កម្ពុជាគឺជាគោលដៅដ៏ល្អបំផុតសម្រាប់ការវិនិយោគ appeared first on .

នេះបើតាមរយៈជំនួបរវាងលោក ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា ជាមួយលោក Kensuke WATANABE នាយកផ្នែករដ្ឋបាល និងធនធានមនុស្សនៃក្រុមហ៊ុន Minebea (Cambodia) Co., Ltd. កាលពីថ្ងៃទី៤ ខែកុម្ភៈ ឆ្នាំ២០២៥។

ក្នុងជំនួបខាងលើនេះ ធ្វើឡើងក្នុងគោលបំណងធ្វើការពិភាក្សា និងផ្លាស់ប្តូរយោបល់លើទិដ្ឋភាពច្បាប់ និងបទប្បញ្ញត្តិពាក់ព័ន្ធក្នុងការស្នើសុំពង្រីកបន្ថែមមុខសញ្ញាផលិតបរិក្ខារអេឡិចត្រូនិក ដែលក្រុមហ៊ុន Minebea គ្រោងនឹងបណ្តាក់ទុនវិនិយោគបន្ថែមប្រមាណ ១៥លានដុល្លារអាម៉េរិកទៀត។ 

សូមបញ្ជាក់ជូនថា ក្រុមហ៊ុន Minebea (Cambodia) Co., Ltd. គឺជាក្រុមហ៊ុនដ៏ធំរបស់ជប៉ុនដែលបានបណ្តាក់ទុនវិនិយោគនៅកម្ពុជាតាំងពីឆ្នាំ២០១១ ក្នុងវិស័យផលិតគ្រឿងបង្គុំអេឡិចត្រូនិកជាច្រើនប្រភេទ ហើយដែលបច្ចុប្បន្នបានបង្កើនដើមទុនវិនិយោគរហូតដល់ជាង ៧០០លានដុល្លារអាម៉េរិក។

ក្រុមហ៊ុន Minebea Cambodia វិនិយោគលើមុខសញ្ញាផលិតម៉ូទ័រខ្នាតតូច ម៉ូទ័រកង្ហារ គ្រឿងបំណែកម៉ាស៊ីន ឧបករណ៍អុបទិចសម្រាប់ទូរសព្ទ ប៊ិកអេឡិចត្រូនិក ឧបករណ៍រំញ័រសម្រាប់ហ្គេមកុំព្យូទ័រ គ្រឿងបង្គុំសៀគ្វីអេឡិចត្រូនិក ផ្ទាំងបញ្ចេញពន្លឺ LED ឧបករណ៍វាស់ជាតិស្ករក្នុងឈាម និងប្រព័ន្ធអំពូលភ្លើងសាធារណៈឆ្លាតវៃ។បច្ចុប្បន្ន ក្រុមហ៊ុនកំពុងផ្ដល់ឱកាសការងារជូនប្រជាពលរដ្ឋរាប់ពាន់នាក់ផងដែរ៕

The post ក្រុមហ៊ុនខ្នាតយក្សជប៉ុន Minebea គ្រោងបោះទុន១៥លានដុល្លារទៀត វិនិយោគបន្ថែមនៅកម្ពុជា appeared first on .

ពិធីបញ្ចុះបឋមសិលា បើកការដ្ឋានសាងសង់រោងចក្រថ្មីមួយទៀតរបស់ក្រុមហ៊ុន មីនេបៀ (ខេមបូឌា) ក្នុងតំបន់សេដ្ឋកិច្ចពិសេសដំបូងគេនៃខេត្តពោធិ៍សាត់នេះ ក៏មានការចូលរួមដោយលោក ស៊ុន ចាន់ ថុល ឧបនាយករដ្ឋមន្រ្តី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា រដ្ឋមន្ត្រីក្រសួងរ៉ែ និងថាមពល អគ្គនាយកក្រុមហ៊ុនមីនេបៀ អភិបាលខេត្តពោធិ៍សាត់ តំណាងស្ថានទូតជប៉ុនប្រចាំកម្ពុជា ផងដែរ។

លោក ស៊ុន ចាន់ថុល ឧបនាយករដ្ឋមន្រ្តី អនុប្រធានទី១ក្រុមប្រឹក្សាអភិវឌ្ឍន៍កម្ពុជា ធ្លាប់បានគូសបញ្ជាក់ថា ក្រុមហ៊ុន Minebea បានសម្រេចចិត្តបង្កើតរោងចក្រទី២នៅខេត្តពោធិ៍សាត់ ដោយក្រុមហ៊ុនដាក់ទុនប្រហែល៦៥០លានដុល្លារអាមេរិក រហូតដល់ឆ្នាំ២០៣០។ ហើយគម្រោងរោងចក្រនេះអាចបង្កើតការងារបាន៨ពាន់កន្លែង ផងដែរ។

រដ្ឋមន្រ្តីក្រសួងរ៉ែ និងថាមពល លោក កែវ រតនៈ ក៏ធ្លាប់បានគូសបញ្ជាក់ដែរថា ការលើករោងចក្រទី២ របស់ជប៉ុនមកទីនេះ ដោយសម្លឹងឃើញសក្តានុពលនៃការគាំទ្ររបស់ថាមពលអគ្គិសនីកម្ពុជាយើងកំពុងតែផលិតថាមពលចេញពីប្រភពថាមពលកកើតឡើងវិញយ៉ាងច្រើនលើសលប់ ដែលប្រទេសយើងទៅជាប្រទេសមួយមានការទាក់ទាញ។ថាមពលពន្លឺព្រះអាទិត្យ វារីអគ្គិសនីរបស់យើង នឹងក្លាយទៅជាជន្ទល់មួយនៃការធ្វើឱ្យរោងចក្រមានដំណើរការបន្ថែមនៅលើទឹកដីកម្ពុជា។

សូមជម្រាបជូនថា  ក្រុមហ៊ុនមីនីបៀ-Minebea Cambodia Co.Ltd គឺជាក្រុមហ៊ុនបុត្រសម្ព័ន្ធរបស់ក្រុមហ៊ុន Minebea Mitsumi របស់ជប៉ុន។ក្រុមហ៊ុននេះបានបើកដំបូងនៅកម្ពុជា ក្នុងឆ្នាំ២០១១ ក្នុងតម្លៃវិនិយោគ ចំនួន២៣លានដុល្លារ ខណៈបច្ចុប្បន្នក្រុមហ៊ុននេះ បានតម្លើងការវិនិយោគរបស់ខ្លួននៅកម្ពុជា ឡើងដល់ជាង៦០០លានដុល្លារអាមេរិក៕

The post ក្រុមហ៊ុនខ្នាតយក្សជប៉ុន Minebea បានបើកការដ្ឋានសាងសង់រោងចក្រទី២ ជាផ្លូវការ នៅខេត្តពោធិ៍សាត់ appeared first on .

នេះបើយោងតាមជំនួបពិភាក្សាការងាររវាង លោក ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា និងលោក Yoshihisa Kainuma អគ្គនាយកក្រុមហ៊ុន មីនេបៀមីត្សូមី នារសៀលថ្ងៃទី១៦ ខែកក្កដា ឆ្នាំ២០២៤។

បើតាមការប្រកាសតាមហ្វេសប៊ុករបស់ក្រុមប្រឹក្សាអភិវឌ្ឍន៍កម្ពុជា បានឱ្យដឹងថា នាឱកាសនោះ លោក Yoshihisa Kainuma បានថ្លែងអំណរគុណជូនចំពោះលោក ស៊ុន ចាន់ថុល និងក្រុមប្រឹក្សាអភិវឌ្ឍន៍កម្ពុជាដែលបានផ្ដល់កិច្ចសម្របសម្រួលលើគម្រោងពង្រីកវិនិយោគសាងសង់រោងចក្រថ្មីរបស់ក្រុមហ៊ុននៅប្រទេសកម្ពុជា។ទន្ទឹមគ្នានេះ លោក ក៏បានស្នើសុំការគាំទ្របន្ថែមទៀតលើដំណើរការអនុម័តលិខិតបទដ្ឋានគតិយុត្តពាក់ព័ន្ធដើម្បីសម្រួលឱ្យការងារវិនិយោគរបស់ក្រុមហ៊ុនកាន់តែមានភាពរលូនផងដែរ។

គួរបញ្ជាក់ដែរថា ក្រុមហ៊ុន មីនេបៀមីត្សូមី(MinebeaMitsumi) បច្ចុប្បន្នកំពុងវិនិយោគនៅកម្ពុជាលើអាជីវកម្ម ផលិតម៉ូទ័រខ្នាតតូច ម៉ូទ័រកង្ហារ គ្រាប់ទម្ររង្វិល គ្រឿងបំណែកដោយម៉ាស៊ីន ឧបករណ៍អុបទិចសម្រាប់ទូរសព្ទទំនើប ប៊ិកអេឡិចត្រូនិក ឧបករណ៍រំញ័រសម្រាប់ហ្គេមកុំព្យូទ័រ បង្គុំសៀគ្វីអេឡិចត្រូនិក ផ្ទាំងបញ្ចេញពន្លឺ LED ឧបករណ៍រង្វាស់ ឧបករណ៍វាស់ជាតិស្ករក្នុងឈាម និងប្រព័ន្ធអំពូលភ្លើងសាធារណៈឆ្លាតវៃជាដើម៕ អត្ថបទ៖ រង្សី

The post ក្រុមហ៊ុនដ៏ធំរបស់ជប៉ុន នឹងសង់រោងចក្រថ្មីមួយទៀតនៅខេត្តពោធិ៍សាត់ ដើម្បីពង្រីកអាជីវកម្មរបស់ខ្លួន appeared first on .

លោក កែវ រតនៈ រដ្ឋមន្រ្តីក្រសួងរ៉ែ និងថាមពល បានឱ្យដឹងកាលពីពេលថ្មីៗនេះថា សព្វថ្ងៃនេះនៅរាជធានីភ្នំពេញ ក្រុមហ៊ុន Minebea របស់ជប៉ុននេះ កំពុងតែផ្តល់ការងារឱ្យយុវជន យុវនារីកម្ពុជា រហូតទៅដល់ជិត ៧៦០០នាក់។

លោកបន្តថា ក្រុមហ៊ុននេះ គ្រោងនឹងចាប់ផ្តើមបើកការដ្ឋានសាងសង់រោងចក្រទី២របស់ខ្លួននៅកម្ពុជា គឺនៅស្រុកក្រគរ ខេត្តពោធិ៍សាត់។ដោយយកដី៥០ហិកតា ធ្វើការងារវិនិយោគ ហើយបង្កើតការងាររាប់ពាន់កន្លែង ឱ្យយុវជន យុវនារី មកធ្វើការនៅទីនេះ។ដោយរោងចក្រទី២នេះ នឹងបើកការដ្ឋានសាងសង់ក្នុងខែ៩(កញ្ញា) ឆ្នាំ២០២៤ខាងមុខ។ ហើយរោងចក្រនេះ គេបានដកប្រតិបត្តិការមួយចំនួនចេញពីប្រទេសសិង្ហបុរី មកប្រទេសកម្ពុជា។

បើតាមរដ្ឋមន្រ្តីក្រសួងរ៉ែ និងថាមពល បានគូសបញ្ជាក់ថា ការដែលគេលើករោងចក្រមកទីនេះ ដោយសម្លឹងឃើញសក្តានុពលនៃការគាំទ្ររបស់ថាមពលអគ្គិសនីកម្ពុជាយើងកំពុងតែផលិតថាមពលចេញពីប្រភពថាមពលកកើតឡើងវិញយ៉ាងច្រើនលើសលប់ ដែលប្រទេសយើងទៅជាប្រទេសមួយមានការទាក់ទាញ។ថាមពលពន្លឺព្រះអាទិត្យ វារីអគ្គិសនីរបស់យើង នឹងក្លាយទៅជាជន្ទល់មួយនៃការធ្វើឱ្យរោងចក្រមានដំណើរការបន្ថែមនៅលើទឹកដីកម្ពុជា។

សូមជម្រាបជូនថា លោក ស៊ុន ចាន់ថុល ឧបនាយករដ្ឋមន្រ្តី អនុប្រធានទី១ក្រុមប្រឹក្សាអភិវឌ្ឍន៍កម្ពុជា ក៏ធ្លាប់បានលើកឡើងថា ក្រុមហ៊ុន Minebea បានសម្រេចចិត្តបង្កើតរោងចក្រទី២នៅខេត្តពោធិ៍សាត់ ដោយក្រុមហ៊ុននឹងទិញដី៥០ហិកតា ដាក់ទុនប្រហែល៦៥០លានដុល្លារអាមេរិក ចាប់ពីពេលនេះរហូតដល់ឆ្នាំ២០៣០។ហើយគម្រោងរោងចក្រនេះអាចបង្កើតការងារបាន៨ពាន់កន្លែងផងដែរ។

លោកគូសបញ្ជាក់ថា ការសម្រេចចិត្តដាក់ទុនវិនិយោគបង្កើតរោងចក្រទី២នៅទឹកដីពោធិ៍សាត់ ដោយសារខេត្តពោធិ៍សាត់មានរោងចក្រសូឡា ថាមពលស្អាត ទំនប់វារីអគ្គិសនីជាដើម។លើសពីនេះ ទីតាំងល្អជិតប្រទេសថៃ ម្យ៉ាងទៀតនឹងដោះស្រាយបញ្ហាច្រកទ្វារស្ទឹងបត់បានលឿនផងដែរ។លើសពីនេះ នឹងអូសទាញអ្នកវិនិយោគថែមទៀតរួមមាន ថៃបូក១ វៀតណាមបូក១ជាដើម ដែលជាការបង្កើតការងារឱ្យប្រជាពលរដ្ឋកម្ពុជាកាន់តែច្រើនថែមទៀត។

គួរជម្រាបជូនថា ក្រុមហ៊ុនមីនីបៀ-Minebea Cambodia Co.Ltd គឺជាក្រុមហ៊ុនបុត្រសម្ព័ន្ធរបស់ក្រុមហ៊ុន Minebea Mitsumi របស់ជប៉ុន។ក្រុមហ៊ុននេះបានបើកដំបូងនៅកម្ពុជា ក្នុងឆ្នាំ២០១១ ក្នុងតម្លៃវិនិយោគ ចំនួន២៣លានដុល្លារ ខណៈបច្ចុប្បន្នក្រុមហ៊ុននេះ បានតម្លើងការវិនិយោគរបស់ខ្លួននៅកម្ពុជា ឡើងដល់ជាង៦០០លានដុល្លារអាមេរិក៕

The post ក្រុមហ៊ុនខ្នាតយក្សជប៉ុន នឹងបើកការដ្ឋានសាងសង់រោងចក្រទី២ ក្នុងខេត្តពោធិ៍សាត់ នៅខែកញ្ញាខាងមុខ appeared first on .

ការបង្ហាញជំនឿចិត្តរបស់លោកឧបនាយករដ្ឋមន្រ្តីនៅក្នុងឱកាសដែលលោកដឹកនាំគណៈប្រតិភូកម្ពុជា ចូលជួបពិភាក្សាការងារជាមួយលោក Yoshihisa Kainuma ប្រធានក្រុមហ៊ុន ក្នុងគោលបំណងពង្រឹង និងពង្រីកកិច្ចសហប្រតិបត្តិការក្នុងភាពជាដៃគូរវាងរាជរដ្ឋាភិបាល និងវិស័យឯកជនឱ្យកាន់តែយល់ចិត្តគ្នាទៅវិញទៅមកបន្ថែមមួយកម្រិតទៀត កាលពីថ្ងៃទី៩ ខែឧសភា ឆ្នាំ២០២៤។

នៅក្នុងជំនួបនោះ លោក ស៊ុន ចាន់ថុល អំណរគុណជូនចំពោះ Minebea ដែលបានផ្តល់នូវសេចក្តីទុកចិត្តខ្ពស់មកលើរាជរដ្ឋាភិបាល និងប្រជាជនកម្ពុជា តាមរយៈការបណ្តាក់ទុនវិនិយោគក្នុងទំហំដ៏ច្រើនគួរឱ្យកត់សម្គាល់។ ជាមួយគ្នានេះ លោកឧបនាយករដ្ឋមន្ត្រីក៏បានចូលរួមសម្តែងនូវសេចក្តីសាទរយ៉ាងក្លៀវក្លាជូនភាគីក្រុមហ៊ុនសម្រាប់ភាពជោគជ័យនៃប្រតិបត្តិការអាជីវកម្មរបស់ខ្លួននៅកម្ពុជា ហើយសមិទ្ធកម្មនៃភាពជោគជ័យខាងលើស្តែងចេញតាមរយៈការបន្តពង្រីកគម្រោងវិនិយោគរបស់ខ្លួនឱ្យមានកំណើនជាលំដាប់។

ជាមួយគ្នានោះ លោកឧបនាយករដ្ឋមន្ត្រីក៏បានបង្ហាញនូវជំនឿចិត្តថា ក្រុមហ៊ុនMinebeaMitsumi នឹងបន្តចូលរួមចំណែកយ៉ាងសកម្មក្នុងការបង្កើតការងារជូនប្រជាពលរដ្ឋក្នុងស្រុក និងជំរុញកំណើនសេដ្ឋកិច្ចមូលដ្ឋានឱ្យកាន់តែរីកលូតលាស់ស្រស់បំព្រង។

គួរជម្រាបជូនផងដែរថា ស្របពេលនៃជំនួបពិភាក្សាខាងលើ លោកឧបនាយករដ្ឋមន្ត្រី ស៊ុន ចាប់ថុល ក៏បានចូលរួមជាគណៈអធិបតីក្នុងពិធីចុះហត្ថលេខាលើកិច្ចព្រមព្រៀងជួលដីឧស្សាហកម្មរយៈពេលវែងរបស់ក្រុមហ៊ុន MinebeaMitsumi ផងដែរ។

សូមជម្រាបជូនថា ក្រុមហ៊ុន Minebea ទទួលបានលទ្ធផលល្អក្នុងដំណើរការអាជីវកម្មរបស់ខ្លួនតាំងពីសម្រេចដាក់ទុនវិនិយោគដំបូងនៅកម្ពុជាកំឡុងខែមករា ឆ្នាំ២០១១ និងបានពង្រីកខ្សែច្រវ៉ាក់ផលិតកម្មរបស់ខ្លួនជាបន្តបន្ទាប់។

ក្រុមហ៊ុន Minebea Cambodia បច្ចុប្បន្នកំពុងផ្ដល់ឱកាសការងារជូនប្រជាពលរដ្ឋជិត៧០០០នាក់ ដោយក្រុមហ៊ុននេះវិនិយោគលើមុខសញ្ញាផលិតម៉ូទ័រខ្នាតតូច ម៉ូទ័រកង្ហារ គ្រឿងបំណែកម៉ាស៊ីន ឧបករណ៍អុបទិចសម្រាប់ទូរសព្ទ ប៊ិកអេឡិចត្រូនិក ឧបករណ៍រំញ័រសម្រាប់ហ្គេមកុំព្យូទ័រ គ្រឿងបង្គុំសៀគ្វីអេឡិចត្រូនិក ផ្ទាំងបញ្ចេញពន្លឺ LED ឧបករណ៍វាស់ជាតិស្ករក្នុងឈាម និងប្រព័ន្ធអំពូលភ្លើងសាធារណៈឆ្លាតវៃ។

ក្រុមហ៊ុន Minebea Cambodia Co. Ltd ជាក្រុមហ៊ុនបុត្រសម្ព័ន្ធរបស់ក្រុមហ៊ុន Minebea Mitsumi ក្រុមហ៊ុននេះបានបន្តពង្រីកប្រតិបត្តិការរបស់ខ្លួននៅក្នុងប្រទេសកម្ពុជានៅឆ្នាំ២០១១។គិតត្រឹមឆ្នាំ ២០២២ ក្រុមហ៊ុនមានបុគ្គលិកសរុបចំនួន ៦ ៦៣០ នាក់ អង្គភាពអាជីវកម្មចំនួន ១៤ និងទុនវិនិយោគចំនួន ៦១៤ លានដុល្លារអាមេរិក កើនឡើងពីការវិនិយោគដំបូងត្រឹមតែ ២៣ លានដុល្លារក្នុងឆ្នាំ២០១១។គិតមកដល់បច្ចុប្បន្ន ក្រុមហ៊ុន ផ្ដល់ឱកាសការងារជូនប្រជាពលរដ្ឋចំនួន ៦៩១១នាក់៕

The post លោក ស៊ុន ចាន់ថុល ជឿថា ក្រុមហ៊ុន Minebeaរបស់ជប៉ុន នឹងបន្តបង្កើតការងារដល់ប្រជាពលរដ្ឋ និងជំរុញកំណើនសេដ្ឋកិច្ចមូលដ្ឋានកម្ពុជាថែមទៀត appeared first on .

ថ្លែងក្នុងបទសម្ភាសន៍ជាមួយបណ្តាញព័ត៌មាន ក្នុងដំណើរទស្សនកិច្ចពិនិត្យវឌ្ឍនភាពច្រកទ្វារអន្តរជាតិស្ទឹងបត់ និងតំបន់សេដ្ឋកិច្ចពិសេសខេត្តបន្ទាយមានជ័យកាលពីពេលថ្មីៗនេះលោក ស៊ុន ចាន់ថុល ឧបនាយករដ្ឋមន្រ្តី អនុប្រធានទី១ក្រុមប្រឹក្សាអភិវឌ្ឍន៍កម្ពុជា បានលើកឡើងថា ថ្មីៗនេះក្រុមហ៊ុន Minebea ដែលមានរោងចក្រនៅតំបន់សេដ្ឋកិច្ចពិសេសភ្នំពេញបានសម្រេចចិត្តបង្កើតរោងចក្រទី២នៅខេត្តពោធិ៍សាត់ ដោយក្រុមហ៊ុននឹងទិញដី៥០ហិកតា ដាក់ទុនប្រហែល៦៥០លានដុល្លារអាមេរិក ចាប់ពីពេលនេះរហូតដល់ឆ្នាំ២០៣០។ហើយគម្រោងរោងចក្រនេះអាចបង្កើតការងារបាន៨ពាន់កន្លែងផងដែរ។

លោកបានបន្តថា បានជាក្រុមហ៊ុនសម្រេចចិត្តដាក់ទុនវិនិយោគបង្កើតរោងចក្រទី២នៅទឹកដីពោធិ៍សាត់ ដោយសារនៅខេត្តពោធិ៍សាត់មានរោងចក្រសូឡា ថាមពលស្អាត ទំនប់វារីអគ្គិសនីជាដើម។ដូច្នេះ ជាការសម្រេចនៅទីតាំងល្អជិតប្រទេសថៃ ម្យ៉ាងទៀតនឹងដោះស្រាយបញ្ហាច្រកទ្វារស្ទឹងបត់បានលឿនផងដែរ។លើសពីនេះ នឹងអូសទាញអ្នកវិនិយោគថែមទៀតរួមមាន ថៃបូក១ វៀតណាមបូក១ជាដើម ដែលជាការបង្កើតការងារឱ្យប្រជាពលរដ្ឋកម្ពុជាកាន់តែច្រើនថែមទៀត។

សូមជម្រាបជូនថា គម្រោងវិនិយោគរបស់ក្រុមហ៊ុន Minebea Cambodia ដោយបង្កើតតំបន់សេដ្ឋកិច្ចពិសេស គឺដើម្បីតភ្ជាប់ខ្សែច្រវ៉ាក់ផលិតកម្មឱ្យបានកាន់តែទូលំទូលាយ ខណៈក្រុមហ៊ុននេះទទួលបានលទ្ធផលល្អក្នុងដំណើរការអាជីវកម្មរបស់ខ្លួននៅកម្ពុជាតាំងពីសម្រេចដាក់ទុនវិនិយោគដំបូងនៅឆ្នាំ២០១១មក។បច្ចុប្បន្នក្រុមហ៊ុន បានកំពុងផ្ដល់ការងារដល់ប្រជាពលរដ្ឋប្រមាណជិត៧ពាន់នាក់ផងដែរ៕

The post ក្រុមហ៊ុន Minebea នឹងបង្កើតរោងចក្រទី២នៅខេត្តពោធិ៍សាត់ ក្នុងទុនវិនិយោគប្រមាណ៦៥០លានដុល្លារ appeared first on .

នាឱកាសនោះ លោក កៃនុម៉ា យ៉ូស៊ីហ៊ីសា អគ្គនាយកក្រុមហ៊ុន Minebea បានថ្លែងអំណរគុណចំពោះ សម្តេចធិបតី ដែលបានឆ្លៀតពេលវេលាដ៏មមាញឹកអនុញ្ញាតឱ្យរូបលោក និងសហការី ចូលជួបសម្តែងការគួរសម និងពិភាក្សាការងារ ខណៈលោកក៏បានជម្រាបជូនអំពីការរីកចម្រើនលូតលាស់យ៉ាងឆាប់រហ័សរបស់ក្រុមហ៊ុន Minebea ក្នុងនាមជារោងចក្រផលិតគ្រឿងបង្គុំផងដែរ។

លោកបន្តថា៖«ក្រុមហ៊ុន បានបន្តបោះជំហានទៅមុខឥតឈប់ឈរឆ្ពោះទៅការប្រែក្លាយជាក្រុមហ៊ុនបៃតង (Green Transformation GX) ដោយព្យាយាមកាត់បន្ថយនូវការបំភាយឧស្ម័នកាបូនិច ក្នុងខ្សែសង្វាក់ផលិតកម្មទាំងមូល ហើយបានប្រែក្លាយខ្លួនឱ្យទៅជាអព្យាក្រឹត្យកាបូន តាមរយៈការជម្រុញនូវការលក់ផលិតផលបៃតង និងផលិតផលផ្សេងៗទៀត ដែលមានលក្ខណៈសន្សំសំចៃថាមពល រួមទាំងផែនការអនាគតក្នុងបង្កើតកសិដ្ឋានផលិតថាមពលដោយពន្លឺព្រះអាទិត្យ និងការបង្កើតរោងចក្រថ្មីនៅក្នុងប្រទេសកម្ពុជាផងដែរ»។

ជាការឆ្លើយតប សម្តេចធិបតី បានស្វាគមន៍ចំពោះជំនួបនេះ ខណៈសម្តេចធិបតី ក៏បានចូលរួមអបអរសាទរចំពោះជោគជ័យនៃការវិនិយោគរបស់ក្រុមហ៊ុន Minebea នៅកម្ពុជា ដោយចាប់ផ្តើមពីដើមទុនប្រមាណ ២៣ លានដុល្លារ រហូតបានកើនដល់ ៦០០ លានដុល្លារ ហើយការសម្រេចចិត្តពង្រីកការវិនិយោគនេះ ពិតជាបានស្តែងឱ្យឃើញនូវទំនុកចិត្តរបស់ក្រុមហ៊ុនចំពោះស្ថិរភាពរបស់ប្រទេសកម្ពុជា។

ជាមួយគ្នានេះ សម្តេចធិបតី ក៏បានវាយតម្លៃខ្ពស់ចំពោះការចូលរួមចំណែករបស់ក្រុមហ៊ុន Minebea នៅក្នុងដំណើរអភិវឌ្ឍរបស់កម្ពុជា តាមរយៈការជំរុញកំណើនសេដ្ឋកិច្ច និងការបង្កើតការងារសម្រាប់ប្រជាជន ក៏ដូចជាការបង្កើតនូវគំរូស្តង់ដារល្អនៃលក្ខខណ្ឌការងារសម្រាប់កម្មករ-និយោជិត។

យ៉ាងណាមិញ សម្តេចធិបតី នាឱកាសនោះ ក៏បានអះអាងដែរថា រាជរដ្ឋាភិបាលកម្ពុជានឹងបន្តគាំទ្រ និងលើកទឹកចិត្តដល់ការវិនិយោគរបស់ក្រុមហ៊ុន Minebea ពីព្រោះជោគជ័យរបស់ Minebea ក៏ជាជោគជ័យរបស់កម្ពុជា ដូចគ្នា៕ អត្ថបទ៖ រង្សី

The post ក្រុមហ៊ុន Minebea នឹងពង្រីកការវិនិយោគបន្ថែមនៅកម្ពុជា ខណៈទុនកើនដល់ ៦០០ លានដុល្លារ appeared first on .