លោក ខាន់ ជេមស៌ កំពូលតារាចម្រៀងប្រចាំផលិតកម្ម Galaxy Navatra បានអំពាវនាវទៅកាន់ប្រធានាធិបតីសហរដ្ឋអាមេរិក ដូណាល់ ត្រាំ និងមេដឹកនាំអាស៊ាន ឲ្យបញ្ឈប់សកម្មភាពរបស់ប្រទេសថៃជាបន្ទាន់ ដោយបញ្ជាក់ថា ការល្មើសកិច្ចព្រមព្រៀងឈប់បាញ់ គឺជាការរំលោភសន្តិភាព និងច្បាប់អន្តរជាតិដ៏ធ្ងន់ធ្ងរ។ នៅក្នុងវីដេអូ លោកឧកញ៉ាបានបញ្ជាក់ថា ប្រទេសកម្ពុជាប្រកាន់ខ្ជាប់ជានិច្ចនូវការរក្សាសន្តិភាព និងច្បាប់អន្តរជាតិ។

ក្រសួងការពារជាតិ បានឲ្យដឹងថា យោធាថៃបានចាប់ផ្តើមធ្វើការបាញ់ប្រហារមុនមកលើទីតាំងកងកម្លាំងកម្ពុជាចំនួនពីរលើក នៅថ្ងៃទី២៧ ខែកញ្ញ ឆ្នាំ២០២៥ នៅតំបន់អានសេះ ស្ថិតក្នុងភូមិ អានសេះ ឃុំជាំក្សាន្ត ស្រុកជាំក្សាន្ត ខេត្តព្រះវិហារ។ នៅពេលនេះកងទ័ពកម្ពុជាបាននឹងបន្តតាមដានលើការវិវត្តន៍នេះយ៉ាងប្រុងប្រយ័ត្ន និងយកចិត្តទុកដាក់ខ្ពស់បំផុត និងត្រៀមលក្ខណៈរួចជាស្រេច ដើម្បីការពារបូរណភាពទឹកដី៕

The post កំពូលតារាចម្រៀង ខាន់ ជេមស៌ ចេញវីដេអូអំពាវនាវប្រធានាធិបតីអាមេរិក និងប្រធានអាស៊ាន ឲ្យទាហានថៃបញ្ឈប់សកម្មភាពឈ្លានពានកម្ពុជា appeared first on .

បទចម្រៀងទាំងពីរបទរបស់តារាល្បីឈ្មេាះរូបនេះ សម្រាប់ហ្វេនៗរាំលេងកម្សាន្តក្នុងឱកាសបុណ្យចូលឆ្នាំថ្មី មានដូចជាបទ”ក្រមុំអឹមអៀន និង Wife Bank “។

ចម្រៀងទាំងនេះទាំងអត្តន័យចម្រៀង និងការច្រៀងរបស់ ខាន់ ជេមន៍ ទទួលការគាំទ្រ និងកោតសរសើរខ្លាំងពីមហាជន ខណៈតារាចម្រៀងរូបនេះហាក់ស្ងប់ស្ងាត់មួយរយៈពីទីផ្សារចម្រៀង។

យ៉ាងណាការចេញចម្រៀងកន្ទ្រឹមសម្រាប់ចូលឆ្នាំថ្មី ធ្វើឱ្យហ្វេនៗ និងអ្នកគាំទ្ររបស់លោករំពឹងថានឹងធ្វើឱ្យទីផ្សារចម្រៀងរបស់លោក នឹងកើនឡើងជាថ្មីម្ដងទៀត។

ទាំងនេះក៏ព្រេាះតែមហាជនយល់ថា លោកខាន់ ជេមន៍ ជាតារាចម្រៀងមានសក្ដានុពលម្នាក់ មិនចាញ់តារាចម្រៀងដទៃទៀតនេាះទេ មិនថាការច្រៀងចង្វាក់បែបណាក៏ដោយ៕

The post មិនចាញ់តារាដទៃ ខាន់ ជេមស៍ ទម្លាក់ MV កន្ទ្រឹមសម្រាប់រាំលេងកម្សាន្តបុណ្យឆ្នាំថ្មីកំពុងផ្ទុះការគាំទ្រ appeared first on .

បន្ទាប់ពីមានការគាំទ្រយ៉ាងច្រើនបែបនេះ លោក ខាន់ ជេមស៌ បានបង្ហាញអារម្មណ៍រំភើប សប្បាយរីករាយ និងមានមោទនភាពលើកូនស្រីយ៉ាងខ្លាំង។ នៅលើបណ្ដាញសង្គមផ្ទាល់ខ្លួននាពេលថ្មីៗនេះ លោក ខាន់ ជេមស៌ បានលើកឡើងថា « Wow ពិតជាអស្ចារ្យមែន.!! បទរបស់កូនស្រី អេមមី « កុំចង់ត្រូវគ្នា » ដែលប្អូនស្រី Mei Mei យកទៅលេងមានអ្នកអោយបេះដូងរហូតទៅដល់ ១លាននាក់ និងអ្នកទស្សនាជាង 12.3 លាននាក់ » ។

សូមជម្រាបជូនថា នៅពីក្រោយភាពជោគជ័យរបស់កញ្ញា អេមមី គឺតែងតែមានវត្ដមានលោក ខាន់ ជេមស៌ នៅចាំជួយទំនុកបម្រុក បង្ហាត់បង្រៀន ទាំងយប់ ទាំងថ្ងៃ ដុសខាត់សមត្ថភាពកូនស្រីជានិច្ច។ កញ្ញា អេមមី គឺជាតារាចម្រៀងពន្លកថ្មីដ៏មានទេពកោសល្យ ត្រឹមតែរយៈពេលខ្លីនាងអាចធ្វើឱ្យអ្នកគាំទ្រជាច្រើនស្រឡាញ់ពេញចិត្ត ថ្មីៗនេះក៏បានចេញបទចម្រៀងថ្មីៗជាច្រើនទៅតាមការសំណូមពររបស់អ្នកគាំទ្រ ។ កញ្ញា អេមមី សន្យាថា នាងនឹងខិតខំប្រឹងប្រែងផលិតបទចម្រៀងថ្មីៗជាច្រើន ដើម្បីជាកាដូដល់អ្នកគាំទ្រ ៕

The post ពន្លកថ្មីពិតជាមិនធម្មតា! ចូលវិស័យសិល្បៈមិនទាន់បានប៉ុន្មានផង កូនស្រីលោក ខាន់ ជេមស៌ ធ្វើឱ្យមហាជនផ្ទុះការគាំទ្រដូចទឹកបាក់ទំនប់ appeared first on .

នៅលើបណ្ដាញសង្គមនៅថ្ងៃទី២៦ ខែកញ្ញា ឆ្នាំ២០២៤នេះ លោក ខាន់ ជេមស៌ បានលើកឡើងពីអារម្មណ៍ភ្ញាក់ផ្អើល និងរំភើបចំពោះសមិទ្ធផលរបស់កូនស្រី ដោយលោកបាននិយាយថា« Wow! វីដេអូមួយៗ Views 1M ៗ តែម្ដង កូនពិតជាធ្វើបានល្អណាស់ ប៉ា ពិតជាសប្បាយចិត្តនិងមានមោទនភាពបំផុតដែលកូនស្រីចេះស្ដាប់តាមគន្លងធម៌និងដំបូន្មានរបស់ ប៉ាម៉ាក់»។

ទន្ទឹមនឹងការកោតសរសើរទៅលើសមត្ថភាពកូនស្រី លោក ខាន់ ជេមស៌ ក៏បានថ្លែងអំណរគុណដល់ ពុកម៉ែបងប្អូនទាំងអស់ ដែលបានគាំទ្រនិងចូលចិត្តទស្សនានូវវីដេអូនិងស្ដាប់បទចម្រៀងរបស់កូនស្រី និងរបស់ខ្លួនលោកផ្ទាល់។

សូមបញ្ជាក់ជូនផងដែរថា លោក ខាន់ ជេមស៌ និងកូនស្រី គឺជាតារាចម្រៀងប្រចាំផលិតកម្ម ហ្គាឡាក់ស៊ីណាវ៉ាត្រា។ នៅមួយរយៈចុងក្រោយនេះ នៅរាល់ពេលដែលលោក និងកូនស្រីបង្ហោះវីដេអូបទចម្រៀងម្ដងៗ មានអ្នកចូលទស្សនារហូតដល់រាប់លាននាក់ ហើយតែងតែភ្ជាប់នូវខមិនកោតសរសើរគ្រប់ៗគ្នា មិនដាច់ពីមាត់៕

The post ខាន់ ជេមស៌ ចេញសារអរគុណដល់បងប្អូនទាំងអស់ដែលគាំទ្រខ្លួន និងកូនៗរហូតដល់ MM Views appeared first on .

លោក ខាន់ ជេមស៍ បានបង្ហោះសារលើបណ្តាញសង្គមហ្វេសប៊ុកថា៖ “ថ្ងៃនេះខ្ញុំបាទនឹងក្រុមគ្រួសារបានចូលកម្មវិធីGUMBALL3000 ដើម្បីផ្សព្វផ្សាយទេសចរណ៍នៅខេត្តសៀមរាប”។

គួររំលឹកដែរថា ព្រឹត្តិការណ៍ Pre-Event Gumball 3000 ត្រូវបានរៀបចំ និងសម្របសម្រួលដោយក្រសួងទេសចរណ៍ សហការជាមួយក្រុមហ៊ុន ជីប ម៉ុង រដ្ឋបាលខេត្តសៀមរាប រួមជាមួយស្ថាប័នពាក់ព័ន្ធនានា ដោយមានការតាំងបង្ហាញរថយន្តទំនើប ប្រហែល ៨០គ្រឿង និងមានការប្រគំតន្ត្រីខ្នាតតូចមួយ នៅបរិវេណសួនព្រះរាជដំណាក់ កាលពីថ្ងៃទី៣១ ខែសីហា និងការប្រណាំងរថយន្តកម្សាន្ត Drag Race នៅអាកាសយានដ្ឋានអន្តរជាតិសៀមរាបចាស់ផងដែរ៕

The post តារាចម្រៀង ខាន់ ជេមស៍ ដឹកដៃគ្រួសារ ចូលរួមកម្មវិធីបើកបរសាកល្បង Gumball 3000 appeared first on .

ថ្លែងនៅចំពោះមុខ អ្នកសារព័ត៌មានជាច្រើនស្ថាប័ន នៅសណ្ឋាគារហៃយ៉ាត់ ភ្នំពេញ ម្ចាស់បទចម្រៀង សម្រែកបេះដូង ដែលធ្លាប់អង្រួន បេះដូងអ្នកគាំទ្រអស់រយៈពេលជាច្រើនឆ្នាំកន្លងមក ថ្លែងថា៖ “ថ្ងៃនេះរូបខ្ញុំ និងកូន Amie ពិតជាមានកិត្តិយស និងរំភើបណាស់ ដែលមានឱកាសបានកាន់ប៊ិចចុះកុងត្រា រួមទ្រនំជាមួយផលិតឈានមុខ នៅកម្ពុជា Galaxy Navatra របស់អ្នកឧកញ៉ា ឡេង ណាវ៉ាត្រា។”

ជាមួយនឹងអារម្មណ៍សប្បាយរីករាយ អមដោយទឹកមុខស្រស់ស្រាយ លោក ខាន់ ជេមស៌ បន្ថែមថា៖ មូលហេតុ ដែលសម្រេចចិត្តដោយមិនស្ទាក់ស្ទើរ ចូលរួមជាមួយផលិតកម្មចម្រៀង Galaxay ព្រោះខ្ញុំ ជឿជាក់លើ អ្នកឧកញ៉ា ណាវ៉ាត្រា ដែលជាអ្នកដឹកនាំប្រកបដោយចក្ខុវិស័យ និងជាចលករឆ្នើម នៅពីក្រោយការផ្លាស់ប្តូរក្នុងវិស័យតន្ត្រីចម្រៀងនៅកម្ពុជា។

“តាមរយៈការកម្សាន្តប្រកបដោយភាពច្នៃប្រឌិត និងបទពិសោធន៍ថ្មីៗ គ្មានដែនកំណត់របស់អ្នកឧកញ៉ា ខ្ញុំ និង Amie បានត្រៀមខ្លួនរួចជាស្រេច ថានឹងរួមចំណែកជាមួយផលិតកម្ម Galaxy នាំមកនូវការរីកចម្រើនថ្មី ជាបន្តបន្ទាប់ដល់ឧស្សាហកម្មតន្ត្រីកម្ពុជា។” ម្ចាស់បទ បុប្ផាក្រពុំ បញ្ជាក់បន្ថែម។

ដោយឡែក តារាចម្រៀងវ័យក្មេង កំពុងច្បាមប្រជាប្រិយភាពពីអ្នកគាំទ្រ កញ្ញា Amie បង្ហាញចំណាប់អារម្មណ៍ថា៖ “កញ្ញា ពិតជាមាន កិត្តិយសណាស់ដែលទទួលបានឱកាសមាស បង្ហាញសមត្ថភាព និងទេពកោសល្យរបស់នាងខ្ញុំ ក្នុងផលិតកម្ម Galaxy Navatra។”

Amie សង្កត់ធ្ងន់បន្ថែមទៀតថា៖ អ្វីដែលនាងខ្ញុំ ដាក់ក្ដីរំពឹងខ្ពស់ជាមួយ ផលិតកម្ម Galaxy Navatra ចាប់ពីពេលនេះតទៅ គឺនាងខ្ញុំទទួូលបានឱកាសបញ្ចេញសមត្ថភាពក្នុងវិស័យសិល្បៈចម្រៀងនេះ រួមជាមួយរៀមច្បងជំនាន់មុន ដូចជា លោកពូ ឧកញ៉ា ព្រាប សុវត្ថិ ឧកញ៉ា សិរីមន្ត Kem, បងស្រី តន់ ចាន់សីម៉ា និងសិល្បករ សិល្បការិនីដ៏មានទេពកោសល្យទាំងអស់ ដែលបាននឹងកំពុងខិតខំប្រឹងប្រែង ធ្វើបដិវត្តន៍ឧស្សាហកម្មតន្ត្រីខ្មែររបស់យើងឱ្យនៅគង់វង្ស ទាំងប្រពៃណី និង សហសម័យ ដើម្បីបន្តផ្តល់ការកម្សាន្តដល់ប្រជាជនកម្ពុជាយើង។

នៅចំពោះមុខសន្និសីទកាសែតដ៏ឱឡារឹកនេះដែរ គ្រាប់ពូជសិល្បៈរបស់ តារាចម្រៀង ខាន់ ជេមស៌ ខាងលើ ក៏បានប្ដេជ្ញាចិត្តថា នឹងមិនឱ្យអ្នកគាំទ្រកញ្ញា ខកចិត្តឡើយ ហើយថានឹង ឈោងចាប់យកឱកាសដុសខាត់សមត្ថភាពរបស់ខ្លួនឱ្យកាន់តែខ្លាំង ក្នុងអាជីពសិល្បៈតន្ត្រី របស់នាងឱ្យល្អបំផុត ជាមួយក្រុមគ្រួសារ Galaxy Navatra ។

គួរបញ្ជាក់ថា ក្រៅពីកម្មវិធីចុះកិច្ចព្រមព្រាង ជាមួយតារាចម្រៀង ខាន់ ជេមស៌ និងកូនស្រីរបស់លោក កញ្ញា អេមមី នាថ្ងៃជាមួយគ្នានេះដែរ ផលិតកម្ម ហ្គាឡាក់ស៊ី ណាវ៉ាត្រា ក៏បន្តចុះ MOU ជាមួយកូនប្រុស លោកឧកញ៉ា ព្រាប សុវត្ថិ គឺលោក សុវត្ថិ មុន្នីវណ្ណ ដែលជាតារាចម្រៀងវ័យក្មេង ពោពេញដោយដុងសិល្បផងដែរ។

កម្មវិធីទទួលស្វាគមន៍វត្តមានតារាចម្រៀងដ៏ល្បីវ័យក្មេងរូបនេះ ជាសក្ខីភាពបង្ហាញយ៉ាងច្បាស់ពីឧត្តមភាព និងការឈានឡើងកាន់តែខ្ពស់ត្រដែតរបស់ផលិតកម្មហ្គាឡាក់ស៊ី ណាវាត្រា ដែលជាផលិតកម្មចម្រៀងកំពូលនៅក្នុងព្រះរាជាណាចក្រកម្ពុជា និងដែលជានិច្ចកាលតែងទទួលបានការគាំទ្រស្រឡាញ់ពេញចិត្តពីសំណាក់មហាជនគ្រប់ស្រទាប់វណ្ណៈ។

The post លោក ខាន់ ជេមស៌ ដឹកដៃកូនស្រីសំណព្វឈោងចាប់ក្ដីស្រមៃធំជាមួយគ្រួសារ Galaxy Navatra appeared first on .

ទស្សនិកជនប្រហែលជាបានដឹង និងបានស្ដាប់រួចមកហើយនូវសូរសំនៀងដ៏ស្រទន់ ពិរោះរណ្ដំរបស់យុវតី អេមី គឺបទ” កុំចង់ត្រូវគ្នា” ដែលពិតជាមានអត្ថន័យចាក់ដោតយ៉ាងខ្លាំង ដល់បេះដូងអ្នកគាំទ្រជាពិសេស ស្រទាប់យុវវ័យ ដែលបាននាំគ្នាយកទៅបង្ហោះលើបណ្ដាញសង្គមជាច្រើន។ មិនត្រឹមតែមានសូរសំនៀងដ៏ក្រអួនក្រអៅនៃទេពកោសល្យពីធម្មជាតិ ប៉ុណ្ណោះទេ តែ អេមី ក៏មានរូបសម្រស់ស្រស់សោភាសក្ដិសមជាតារាចម្រៀងមួយរូបផងដែរ។ ជាពិសេសនាងបានឆ្លងកាត់នូវការដុះខាត់បន្ថែមពីឪពុកទាំងសមត្ថភាព និងអត្តចរិតដើម្បីឲ្យក្លាយជាធនធានសិល្បករប្រកបដោយគុណតម្លៃសម្រាប់សង្គមជាតិនាពេលអនាគតផងដែរ។

តារាចម្រៀងដែលទើបវិវត្តខ្លួនទៅជាម្ចាស់ផលិតកម្មចម្រៀងលោក ខាន់ ជែមស៍ បានបង្ហាញអារម្មណ៍រីករាយ និងមោទនភាពចំពោះកូនស្រីយ៉ាងខ្លាំង។ សម្រាប់អារម្មណ៍របស់លោកជាឪពុក គឺរំភើបសប្បាយរីករាយយ៉ាងខ្លាំង ពេលដែលបទចម្រៀងរបស់កូនចេញទៅមានគេគាំទ្រច្រើនដូច្នេះ។ លោកសង្កត់ធ្ងន់ថា៖ “ក្នុងនាមជាឪពុកគឺរំភើប ហើយភាពល្បីល្បាញរបស់កូន ក៏ដូចជាខ្ញុំល្បីដែរ មានន័យថា ភាពញញឹម ភាពរីករាយរបស់កូន គឺជាក្ដីសុខរបស់ខ្ញុំ”។

បើតាមលោក ខាន់ ជែមស៍ កន្លងលោកធ្លាប់បានបណ្ដុះបណ្ដាលកូនស្រីរូបនេះពីគន្លឹះនៃការច្រៀង ការប្រើដង្ហើម ជាដើម ជាពិសេសណែនាំពីសីលធម៌ អកប្បកិរិយា រឹកពារក្នុងនាមជាជាតារាចម្រៀងមួយរូបដែលសង្គមទទួលស្គាល់ មានកិត្តិយស ដែលទាំងនេះជាអ្វីដែលគ្រួសាររបស់លោកចង់បាន។ ចំពោះ MV បទ” កុំចង់ត្រូវគ្នា” ដែលកំពុងផ្ទុះការចាប់អារម្មណ៍លើបណ្ដាញសង្គមនោះ បានចេញផ្សាយលើឆានែលយូធូបផ្លូវការរបស់លោក ខាន់ ជែមស៍ កាលពីម៉ោង១២ថ្ងៃត្រង់នេះ ហើយនឹងចេញផ្សាយលើហ្វេសប៊ុកផេករបស់លោកនៅម៉ោង៧ល្ងាចនេះផងដែរ។

បើតាមម្ចាស់ផលិតកម្ម Khan Jams កូនៗប្រុសស្រីទាំងបួននាក់របស់លោក សុទ្ធសឹងតែមានទេពកោសល្យផ្នែកសិល្បៈមិនខុសពីឪពុកនោះឡើយ ហើយលោកបានរំពឹងក្នុងចិត្តថា ថ្ងៃអនាគតកូនៗទាំងបួនរូបរបស់លោកអាចចូលរួមលើកស្ទួយវិស័យសិល្បៈរបស់ជាតិយើងបាន ។ លោកបានបន្តទៀតថា កូនស្រីច្បងរបស់លោក អេមីមិនត្រឹមតែមានសម្លេងពិរោះប៉ុណ្ណោះទេ តែក៏មានទេពកោសល្យជាច្រើនទៀតនៅលើវិស័យសិល្បៈនេះផងដែរ។

ចំណែកកូនទីពីររបស់លោកមានឈ្មោះថា ដូរ៉ា ក៏មានទេពកោសល្យផ្នែកចម្រៀងមិនចាញ់គ្នាប៉ុន្មានដែរ ព្រមទាំងមានទេពកោសល្យចង្វាក់រាំថែមទៀតផង ។ ចំពោះកូនទីបីរបស់លោក មានទេពកោសល្យច្រៀងបែបរ៉េប Hip Hop។

កន្លងមករូបគេបានចេញបទចម្រៀងមួយចំនួនរួចហើយដូចជាបទ ” Boyឡូយ, Gateកូនប៉ា, Hard Way, និង Young Rapper ជាដើម” ។ ចំណែកគ្រាប់ពេជ្រចុងក្រោយរបស់លោក ដែលជាកូនពៅគេបង្អស់ក្នុងគ្រួសារ មានឈ្មោះថា មករា សាវីណា មានទេពកោសល្យផ្នែកច្រៀង និងរាំ ហើយមានចំណូលចិត្តដើរលើវិថីដូច K-pop ដូច្នោះដែរ ។

ក្រោមដំបូលផលិតកម្មផ្ទាល់ខ្លួន ដែលមានកូនៗដែលពោរពេញទៅដោយសមត្ថភាព លោក ខាន់ ជេមស៍ បានប្ដេជ្ញាយ៉ាងមុតមាំថា លោកនឹងខំប្រឹងបន្តផលិតនូវបទចម្រៀងថ្មីៗជាច្រើនទៀត សម្រាប់អ្នកគាំទ្ររូបលោក និងកូនៗ។ មិនត្រឹមតែប៉ុណ្ណោះលោកក៏មានចក្ខុវិស័យផងដែរ ក្នុងការនាំយករសជាតិសិល្បៈចម្រៀងរបស់កម្ពុជាឆ្ពោះទៅកាន់ឆាកអន្តរជាតិ និងពាំនាំយកមោទនភាពដ៏អស្ចារ្យសម្រាប់ប្រជាជាតិផងដែរ ។

សូមទស្សនាវីដេអូខាងក្រោម៖

The post ខាន់ ជែមស៍ បង្ហាញអារម្មណ៍បែបនេះ ក្រោយបទដំបូងរបស់កូនស្រីច្បងផ្ទុះការគាំទ្រខ្លាំង appeared first on .

ក្នុងពិធីចុះហត្ថលេខានេះ លោក ខាន់ ជេមស៍ បានបង្ហាញសុទិដ្ឋិនិយមថា ការសម្រេចចិត្តចាប់ដៃគូសហការវិនិយោគលើហ្វេនឆាយ ស្តេចបក្សី នេះ ព្រោះលោកមើលឃើញថានឹងដើរទៅមុខខ្លាំង ដោយសារតែយើងមានមុខម្ហូបអាហារដែលឆ្ងាញ់ៗ ពិសេស គឺជាម្ហូបអាហារជួយដល់សុខភាពទ្រទ្រង់រាងកាយទាំងក្មេងៗ និងមនុស្សចាស់ ព្រោះយើងមានកំពូលមុខម្ហូបទាំង ៤ គឺ ស៊ុបព្រុយឆ្លាម ស៊ុបមាន់ខ្មៅ មាន់ស្រែ និងទាកាប៉ាឆាខ្ទិះ រួមទាំងនឹងម្ហូបជាង ៤០មុខទៀត។

ភ្លាមៗបន្ទាប់ពីចុះហត្ថលេខាកិច្ចព្រមព្រៀងវិនិយោគរួមគ្នានេះ យើងឃើញថា មានបងប្អូនជាច្រើនស្ទើរតែគ្រប់ខណ្ឌក្នុងរាជធានីភ្នំពេញ បានទិញហ្រេ្វនឆាយ ស្តេចបក្សី ជាមួយនឹងតម្លៃពិសេសជូន គឺមួយកញ្ចប់ហ្វេ្រនឆាយមានតម្លៃត្រឹម ៤.៤០០$ ប៉ុណ្ណោះ ដែលតម្លៃពេញ ៤.៩៩៩$ ហើយសម្រាប់នៅក្នុងឪកាសប្រូមូសិននេះ ស្តេចបក្សីក៏មានការបញ្ចុះតម្លៃជូន ៥០០$ សម្រាប់បងប្អូនដែលទិញឥឡូវនេះ។

បងប្អូនសហការជាមួយហ្រ្វេនឆាយស្តេចបក្សី គឺការផ្តល់ប្រយោជន៍ គឺដូចជាម្ចាស់ភាគហ៊ុនមួយរបស់ក្រុមហ៊ុនហ្រ្វេនឆាយ ស្តេចបក្សី។

មួយវិញទៀត សម្រាប់អ្នកទិញហ្វេ្រនឆាយ យើងបានព្យាករណ៍ដឹងថា គាត់អាចលក់ខ្ទង់មួយថ្ងៃពីរចន្លោះចំណូលសរុបអាច ២០០ ទៅ ២៥០$ លើសពីនេះ យើងក៏បង្រៀនគាត់ឲ្យចេះនូវបច្ចេកវិទ្យាជីឌីថល គឺចេះប៊ូតផេក និងវិធីសាស្រ្តជំរុញឲ្យការរបស់គាត់លក់ដាច់ខ្លាំងផងដែរ។ លោក ខាន់ ជេមស៍ បញ្ជាក់។

បើតាមលោក ខាន់ ជេមស៍ បន្តថា មែនទែនទៅគឺយើងរៀបចំឲ្យគាត់រួចជាស្រេចតែម្តង សម្រាប់បងប្អូនដែលទិញកញ្ចប់ហ្រ្វេនឆាយ ស្តេចបក្សី ជាមួយនឹងការផ្តល់ជូនហ្វ្រីទាំងអស់ ដូចជា តុប ទូទឹកកក និងសម្ភារៈ ហើយបងប្អូនដែលមិនបាច់ចេះធ្វើម្ហូបក៏អាចលក់បានដែរ ព្រោះយើងមានរៀបចំមុខម្ហូបជូនគាត់ស្រាប់ៗ ដោយគ្រាន់តែចូលខ្លួនមកលក់គឺចំណេញលុយបង្កើនចំណូលជារៀងរាល់ថ្ងៃ។

សម្រាប់ពុកម៉ែបងប្អូន ដែលមានបំណងចង់បើកអាជីវកម្មថ្មី អាចទិញហ្រេ្វនឆាយ “ស្ដេចបក្សី” យកទៅលក់បន្តបានគ្រប់ ២៥រាជធានី/ខេត្ត ដោយគ្រាន់តែចំណាយដើមទុនប្រមាណ ៤.៤០០$ ក្នុងឪកាសប្រូមូសិននេះ សូមទាក់ទងមកលោក ខាន់ ជេមស័ ដោយផ្ទាល់តាមរយៈលេខទូរសព្ទ 093 443 442 ឬផេកហ្វេសបុក https://web.facebook.com/KhanJamesOfficial/posts/4683877621651851?_rdc=1&_rdr

The post ម្ចាស់បទរបាំចងស្នេហ៍ លោក ខាន់ ជេមស៍ ប្រកាសលក់ហ្វ្រេនឆាយផ្គត់ផ្គង់ម្ហូបអាហារ​ដ៏មានឱជារស ស្តេចបក្សី ជាមួយកំពូលមុខម្ហូបទាំង ៤ appeared first on .

សម្ដេចតេជោបានធ្វើការចុច Share នោះ ខាន់ ជេមស៍ ពុំទាន់បានដឹងនោះឡើយ ក្រោយ​ដឹង​ភ្លាមលោក​ក៏បាន​ច្រៀងចម្រៀងមួយបទមានចំណងជើងថា «ស្ពាន​សាង​ស្នេហ៍​» ​ជូន សម្ដេចតេជោ សណ្ដាប់ និងទស្សនាភ្លាមៗ។

អ្វី​ដែល ខាន់ ជេមស៍ ភ្ញាក់ផ្អើលនោះ​ត្រូវបាន សម្ដេចតេជោ ធ្វើការ​ខមិន​​ធ្វើឲ្យលោកស្រក់ទឹកភ្នែកថា ៖ «អរគុណកូនដែលបា​ន​ច្រៀងបទពុក»។ សម្ដេចតេជោ ក៏បាន​ខមិនទៀតថា៖ «​ជូន​ពរកូន​មានជោគជ័យ»។

ក្រោយបញ្ចប់ការ Live ភ្លាមៗលោក ខាន់ ជេមស៍ សបានថ្លែងឲ្យ​ថា លោកពិត​ជារំភើបណាស់រំភើប​ដល់​ហូរ​ទឹកភ្នែក។ លោកបានចាត់ទុកថ្ងៃនោះ​ជាថ្ងៃដែលជោគជ័យបំផុតក្នុងជីវិតរបស់លោក​ធំ បំផុត​លើសអ្វីៗទាំងអស់។”កូនពិតជាមានមហាកិត្តិយសខ្លាំងណាស់!!!ដែលកាល​ពីយប់​មិញ​(សម្ដេចពុក)ដែលបានចូលcomment និងshare នូវវីដេអូរបស់កូន កូនសូមគោរព​ជូនពរសម្ដេចពុក​និង​សម្ដេចម៉ែ សូមប្រកបដោយសុខភាពល្អបរិបូរណ៌.!! កម្លាំងខ្លាំងក្លាបញ្ញាឈ្លាសវៃជន្មាយុ​យឺនយូរដើម្បីនៅជាម្លប់ដ៏ត្រជាក់របស់ប្រទេសកម្ពុជា និង​ប្រជាពលរដ្ឋខ្មែរ​គ្រប់រូបសូម​គោរពអរគុណ​សម្តេច​ពុក​អរគុណសន្តិភាព។”៕

The post ខាន់ ជេមស៍ រំភើប​ស្ទើរ​ហោះ សម្ដេចតេជោ ចូល​Share នឹង​ខមិន ពេល​កំពុង​Live វីដេអូ​ appeared first on .

MV ចម្រៀងមួយនេះ ត្រូវបានគេដឹងថា ទំរាំបានបញ្ចេញជាផ្លូវការ គឺ​ឆ្លង​ការឧបសគ្គជាច្រើន ពោលត្រូវទៅផ្តិតយកទិដ្ឋភាពពិតនៅកោះរ៉ុង។ តែអ្វីដែលនឹកស្មានមិនដល់ គឺលោក ខាត់ ជែមស៍ និងក្រុមការងារបានជាប់នៅទីនោះរយៈពេល៣ថ្ងៃឯណោះ ដោយ​សារ​បញ្ហា​អាកាស​ធាតុ​មិន​អាច​វិល​ត្រឡប់​មក​ដី​គោក​វិញ​។ គ្រ

ពិតណាស់ក្នុង MV ចម្រៀងមួយនេះ ក្រៅពីមានសាច់ភ្លេចពិរោះបែបមនោសញ្ចេតនាហើយនោះ ថែមទាំងបានបង្កប់នូវអត្ថន័យ ផ្តល់ជាគំនិតមួយចំនួនដល់អ្នកទស្សនាផងដែរ ខណៈពីដំបូងឡើយ លោក ខាត់ ជែមស៍ មានរបរចិញ្ចឹមជីវិតជាអ្នកនេសាទនៅតំបន់សមុទ្រ ដោយ​សារទឹកដម​សំឡេង​ពីរោះក៏បានទៅរស់នៅទីក្រុង ដើម្បីផ្លាស់ប្តូរជីវិតរបស់ក្លាយជាអ្នកចម្រៀងល្បី តែ​ដោយ​សារការ​មិនចេះគិតគ្រប់ជ្រុងជ្រោយ អាងខ្លួនល្បីធ្វើខ្លួនហឺរហារ ក៏បានធ្លាក់ខ្លួនជាអ្នកក្រវិញ។ យ៉ាងណាមិញ ដោយសារការដឹងកំហុស លោកក៏បានកសាងខ្លួនជាថ្មី និងមានជីវភាពសមរម្យ មានទស្សនិក​ជន​គាំទ្រ​ដូចគ្រាដើម។

អាចនិយាយបានថា ជាចំណីអារម្មណ៍ថ្មីមួយសម្រាប់អ្នកគាំទ្រ ក្នុង​ការទស្សនានិងស្តាប់ចម្រៀងថ្មី​របស់​ ខាត់ ជេមស៍ មួយបទនេះហើយ ព្រោះក្រៅពីបង្កប់គំនិតអប់រំ ចម្រៀងពីរោះ ថែមទាំងបានផ្តិត​យក​នូវ​សម្រស់តំបន់សមុទ្រ​ដ៏ស្រស់ត្រកាលរបស់កម្ពុជាឲ្យមហាជនបានទស្សនាទៀតផង ពោល​គឺនៅ​កោះ​រ៉ុងនេះឯង។

បើគេនៅចាំមិនភ្លេច ដោយសារការទៅថត MV ចម្រៀងមួយនេះ ខាត់ ជែមស៍ និងក្រុមការងារ បានជាប់ខ្លួននៅកោះរុងរយៈពេល៣ថ្ងៃឯណោះ ដោយសារតែអាកាសធាតុមិនអំណោយផល ក្នុងការធ្វើដំណើរតាមទូកត្រឡប់មកវិញ។

ដើម្បីដឹងថាចម្រៀងមួយបទនេះពីរោះកម្រិតណាស់នោះ សូមទស្សនាវីដេអូខាងក្រោម៖

The post បទ «កុំក្រយូរពេក» លើក​ទឹក​ចិត្ត​ឲ្យ​មនុស្ស​ចេះ​រកស៊ី ​​ចេញ​​ភ្លាម​មាន​អ្នក​ទស្សនា​ជាង៤​លាន​​ដង appeared first on .