ក្រុមប្រឹក្សាអភិវឌ្ឍន៍កម្ពុជា បានបញ្ជាក់ក្នុងសេចក្តីប្រកាសថា សូមចូលរួមអបអរសាទរដល់ប្រជាពលរដ្ឋស្រុកដំណាក់ចង្អើរ ខេត្តកែប ដែលទទួលបានគម្រោងវិនិយោគបង្កើតរោងចក្រផលិតត្រីខកំប៉ុង និងទឹកត្រី ក្នុងទំហំទុនវិនិយោគ ៦,៦លានដុល្លារអាម៉េរិក និងអាចបង្កើតការងារបានចំនួន ១៧១កន្លែង។

បើតាមក្រុមប្រឹក្សាអភិវឌ្ឍន៍កម្ពុជា បញ្ជាក់ថា គម្រោងវិនិយោគបង្កើត រោងចក្រផលិតត្រីខកំប៉ុង និងទឹកត្រីនេះ គឺបោះទីតាំងស្ថិតនៅភូមិអន្ទង់ស ឃុំពងទឹក ស្រុកដំណាក់ចង្អើរ ខេត្តកែប ហើយវិនិយោគដោយក្រុមហ៊ុនសៃសាន់ អ៊ុនវេសម៉ិន ឯ.ក (SAISONS INVESTMENT CO., LTD)។

សូមជម្រាបដែរថា ពាក់ព័ន្ធនឹងគម្រោងវិនិយោគនេះដែរ កម្ពុជា បានបំបែកកំណត់ត្រាវិនិយោគខ្ពស់បំផុតមិនធ្លាប់មាន ២ឆ្នាំជាប់គ្នា ដែលក្នុងឆ្នាំ២០២៥ កន្លងទៅថ្មីៗនេះ ក្រុមប្រឹក្សាអភិវឌ្ឍន៍កម្ពុជា បានអនុម័តគម្រោងថ្មីចំនួន ៦៣០ គម្រោង ក្នុងទុនវិនិយោគ ១០ពាន់លានដុល្លារ ដែលអាចបង្កើតការងារបានរហូតជាង ៤៣ម៉ឺនកន្លែង៕ អត្ថបទ៖ ហ្សាលីន

The post ខេត្តកែប នឹងមានរោងចក្រផលិតត្រីខកំប៉ុង និងទឹកត្រី តម្លៃជិត ៧លានដុល្លារឆាប់ៗនេះ appeared first on .

នេះបើតាមរយៈកិច្ចប្រជុំពិភាក្សាស្តីពី លទ្ធផលនៃការកសាងហេដ្ឋារចនាសម្ព័ន្ធគាំទ្រសេវាទេសចរណ៍ និងនេសាទលើជីវភាពរស់នៅរបស់សហគមន៍នេសាទត្រពាំងសង្កែ ស្ថិតក្នុងភូមិកំពង់កែស ឃុំត្រពាំងសង្កែ ស្រុកទឹកឈូ ខេត្តកំពត ក្រោមអធិបតីភាពលោក សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងមានការចូលរួមដោយលោក ហួត ហាក់ រដ្ឋមន្ត្រីក្រសួងទេសចរណ៍  លោក ឆាយ ឫទ្ធិសែន  រដ្ឋមន្រ្តីក្រសួងអភិវឌ្ឍន៍ជនបទ និងលោក ម៉ៅ ធនិន អភិបាលខេត្តកំពត កាលពីថ្ងៃទី១៣ ខែកក្កដា ឆ្នាំ២០២៥។

កិច្ចប្រជុំពិភាក្សានេះ មានគោលបំណងត្រួតពិនិត្យលើវឌ្ឍនភាព និងទិដ្ឋភាពទូទៅនៃគម្រោងអភិវឌ្ឍន៍សហគមន៍ទាំង១២ ដោយក្នុងនោះខេត្តកំពត មាន ៥សហគមន៍, ខេត្តព្រះសីហនុ មាន ៤សហគមន៍ និងខេត្តកែប មាន ៣សហគមន៍ ដើម្បីស្វែងយល់ពីតម្រូវការបន្ថែមសម្រាប់រៀបចំជាបណ្ដុំសេវាកម្មទេសចរណ៍ ឱ្យមានភាពល្អប្រសើរ ក្នុងគោលដៅជួយឱ្យប្រជាពលរដ្ឋនៅក្នុងសហគមន៍នេះមានប្រាក់ចំណូលកើនឡើង និងជីវភាពកាន់តែល្អប្រសើរ។

លោក ឆាយ ឫទ្ធិសែន រដ្ឋមន្រ្តីក្រសួងអភិវឌ្ឍន៍ជនបទ បានបង្ហាញនូវជំហរគាំទ្រ និងចូលរួមជាសហថាមពលយ៉ាងពេញទំហឹង ក្នុងការអនុវត្តគម្រោងអភិវឌ្ឍន៍សហគមន៍នេះឱ្យទទួលបានជោគជ័យ និងឱ្យក្លាយជា “សហគមន៍ជនបទគំរូ និងភូមិគំរូ” ស្របតាមយុទ្ធសាស្ដ្របញ្ចកោណដំណាក់កាលទី១ របស់រាជរដ្ឋាភិបាល និងស្របតាមផែនការយុទ្ធសាស្ដ្ររបស់ក្រសួងអភិវឌ្ឍន៍ជនបទ។

គួរជម្រាបជូនថា ក្នុងចំណោមសហគមន៍ទាំង ១២ សហគមន៍នេសាទត្រពាំងសង្កែ ត្រូវបានបង្កើតឡើងនៅឆ្នាំ២០០៩ មានផ្ទៃដីទំហំ ៤១៥ហិកតា មានសមាជិក ៨១៨គ្រួសារ មានហេដ្ឋារចនាសម្ព័ន្ធសំខាន់ៗដូចជា មានផ្លូវបេតុងចូលសហគមន៍ប្រវែងប្រមាណ ៥០០ម៉ែត្រ, មានចំណតរថយន្ដត្រឹមត្រូវ, បន្ទប់ទឹកស្អាត និងមានអនាម័យ, តូបលក់អាហារ ចំនួន ១០តូប, ព្រមទាំងមានសេវា សាលប្រជុំ, ម្ហូបអាហារ, ផ្ទះស្នាក់ និងសេវាទូកដឹកភ្ញៀវទេសចរណ៍ផងដែរ៕SN

The post សហគមន៍ចំនួន១២ ក្នុងខេត្តជាប់សមុទ្រ៣ គ្រោងនឹងរៀបចំឱ្យក្លាយជា “សហគមន៍ជនបទគំរូ និងភូមិគំរូ” appeared first on .

នេះបើតាម លោកឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ក្នុងកិច្ចប្រជុំជាមួយសមាជិកគណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា កាលពីពេលថ្មីៗនេះ។

នាឱកាសនោះ លោក សាយ សំអាល់ បានឱ្យដឹងថា ក្រសួងរៀបចំដែនដី បានដាក់សំណើជូនទៅរាជរដ្ឋាភិបាលរួចហើយ ដើម្បីរៀបចំផ្លូវជិះកង់ ដែលហេដ្ឋារចនាសម្ព័ន្ធទាំងនេះ នឹងជំរុញឱ្យមានការផ្សារភ្ជាប់សហគមន៍នេសាទជាច្រើនទីតាំងលាតសន្ធឹងពីទឹកដីខេត្តកោះកុងរហូតដល់ខេត្តកែប ឱ្យក្លាយជាគោលដៅទេសចរណ៍​ ក្នុងស្រុកថ្មីៗ ជាពិសេសសម្រាប់អ្នកទេសចរក្នុងស្រុក ដែលនឹងផ្តល់ជាឱកាសការងារ និងប្រាក់ចំណូលបន្ថែមជាច្រើនជូនដល់ប្រជាជនកម្ពុជា។

បន្ថែមពីនេះ លោក សាយ សំអាល់ ក៏បានសម្រេចប្រគល់ភារកិច្ចជូនលេខាធិការដ្ឋានគណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា ដើម្បីរៀបចំការចុះបញ្ជីដី ព្រមទាំងសិក្សាសក្តានុពលតំបន់ឆ្នេរសមុទ្រទាំងអស់ជារបៀងសេដ្ឋកិច្ចរួមថែមទៀត។

សូមរម្លឹកដែរថា តំបន់ឆ្នេរ ជាប៉ូលសេដ្ឋកិច្ចដ៏ធំសម្រាប់កម្ពុជា ដែលជាផ្នែកមួយនៃឆ្អឹងខ្នងទ្រទ្រង់ដល់កំណើនសេដ្ឋកិច្ចជាតិ ក្នុងនោះសមុទ្រអាចផ្ដល់ចំណូលជូនជាតិបានប្រមាណ ២ ០០០ លានដុល្លារក្នុងមួយឆ្នាំ។នេះយោងតាមកិច្ចប្រជុំពិនិត្យវឌ្ឍនភាពគម្រោងអភិវឌ្ឍន៍រមណីយដ្ឋានឆ្នេរខ្សាច់កម្សា​​ន្ត​សាធារណៈខេត្តកែប របស់គណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា កាលពីថ្ងៃទី០៨ ខែមករា ឆ្នាំ២០២៤។

កិច្ចប្រជុំ ដែលប្រព្រឹត្តទៅដោយមានការចូលរួមពីក្រសួងរៀបចំដែនដី និងក្រសួងទេសចរណ៍​ បានអះអាងថា ការជំរុញអភិវឌ្ឍន៍ខេត្តតំបន់ឆ្នេកម្ពុជា គឺជាគ្រឹះសំខាន់ឱ្យធ្វើជីវភាពប្រជាពលរដ្ឋកាន់តែល្អប្រសើរ និងជំរុញកំណើនសេដ្ឋកិច្ចជាតិ៕ អត្ថបទ៖ ហ្សាលីន

The post ក្រសួងរៀបចំដែនដី ដាក់សំណើរទៅកាន់រដ្ឋាភិបាលដើម្បីរៀបចំផ្លូវជិះកង់នៅខេត្តកោះកុង និងខេត្តកែប appeared first on .

ក្រសួងបានឱ្យដឹងបន្តថា រយៈពេល៣ថ្ងៃនៃឱកាសពិធីបុណ្យចូលឆ្នាំចិន ចាប់ពីថ្ងៃទី៩-១១ ខែកុម្ភៈ ឆ្នាំ២០២៤ ភ្ញៀវទេសចរដែលបានចេញដើរទស្សនាកម្សាន្តនៅទូទាំងប្រទេសមានចំនួនសរុប ១,០៥១,៤៧២នាក់ ក្នុងនោះទេសចរជាតិ ៩៩៣,៩៩១នាក់ ទេសចរបរទេស ៥៧,៤៨១នាក់។

របាយការណ៍ដដែលក៏បានបញ្ជាក់ពីរាជធានី-ខេត្ត ដែលទាក់ទាញ់ទេសចរច្រើនជាងគេទាំង៥ រួមមាន៖ខេត្តព្រះសីហនុ មានទេសចរជាតិ៖ ២៨២,៣៩៦នាក់ និងទេសចរបរទេស៖ ១១,៩០៥នាក់,ខេត្តសៀមរាប មានទេសចរជាតិចំនួន ៩៩,៦០០នាក់ និងទេសចរបរទេសចំនួន ១៨,០៧៧នាក់,ខេត្តបាត់ដំបង មានទេសចរជាតិចំនួន ៨៨,៥៧២នាក់ និងទេសចរបរទេស៖ ៨៧៤នាក់, ខេត្តប៉ៃលិន មានទេសចរជាតិចំនួន ៧៩,៤២៥នាក់ និងទេសចរបរទេសចំនួន ២៦៨នាក់ និងខេត្តកែប មានទេសចរជាតិចំនួន ៧២.៤៩៤នាក់ និង ទេសចរបរទេសចំនួន ៦៥១នាក់។

ចំពោះបញ្ហាសន្តិសុខ សណ្ដាប់ធ្នាប់ សេវាកម្មក្នុងឱកាសពិធីបុណ្យចូលឆ្នាំចិនឆ្នាំ២០២៤នេះ គឺប្រព្រឹត្តទៅដោយល្អប្រសើរ ពោលមិនមានបញ្ហាកើតឡើងធំដុំនោះឡើយ។នេះបើតាមការបញ្ជាក់បន្ថែមពីក្រសួងទេសចរណ៍៕

The post ខេត្តចំនួន៥ ទាក់ទាញភ្ញៀវទេសចរបានច្រើនជាងគេ នាឱកាសបុណ្យចូលឆ្នាំចិន appeared first on .

ក្នុងសិក្ខាសាលានេះ មានការចូលរួមពីលោក ប៊ុន យោង អភិបាលរងខេត្តកែប ព្រមទាំងដៃគូសហការឧបត្ថម្ភនានា មាមានដូចជា សហគ្រិនខ្មែរ  ,ធនាគារសហគ្រាសធុនតូចនិងមធ្យម  កម្ពុជា ,  មូលនិធិអភិវឌ្ឍជំនាញ (SDF) និងដៃគូសហការផ្សេងៗទៀត  ដោយមានSMEចូលរួមចំនួន១៥០នាក់ផងដែរ។

គួរឱ្យដឹងថា គោលបំណងនៃកម្មវិធីសិក្ខាសាលានេះ គឺដើម្បីចែករំលែកអំពីខ្សែសង្វាក់ទីផ្សារក្នុងស្រុក និងការនាំចេញ ព្រមទាំងជួយបំពេញបន្ថែមនូវចំណេះដឹងដែលម្ចាស់សហគ្រាសធុនតូច និងមធ្យមក្នុងខេត្តនៅមានចំណុចខ្វះខាត។

សមាគមមូលនិធិសម្ដេចតេជោ ដើម្បីអភិវឌ្ឍន៍សហគ្រាសធុនតូច និងមធ្យមនៅកម្ពុជា និងសម្ព័ន្ធសមាគមសហគ្រាសធុនតូច និងមធ្យមកម្ពុជា(FASMEC) កន្លងមកតែងតែរៀបចំកម្មវិធីសិក្ខាសាលាស្តីពី «ការអភិវឌ្ឍន៍អាជីវកម្មក្រោយបរិបទកូវីដ-១៩» នៅតាមបណ្តាខេត្តនានា ដោយមានឧកញ៉ា តែ តាំងប៉ ជាប្រធានដឹកនាំកម្មវិធីផ្ទាល់។

ការរៀបចំកម្មវិធីសិក្ខាសាលាកន្លងមកនេះ គឺដើម្បីឱ្យម្ចាស់សហគ្រាស ឬអាជីវកម្មធុនតូច និងមធ្យម អាចលើកពីផលវិបាកដែលទាក់ទងនឹងការលក់ផលិតផលក្នុងស្រុក និងការនាំចេញ។លើសពីនោះ ក៏ជាការចែករំលែកខ្សែសង្វាក់ទីផ្សារក្នុងការនាំចេញ និងចែករំលែកចំណេះដឹងផ្សេងៗដល់ម្ចាស់សហគ្រាសធុនតូច និងមធ្យមផងដែរ៕

The post ឧកញ៉ា តែ តាំងប៉ ដឹកនាំ និងរៀបចំសិក្ខាសាលា“ការអភិវឌ្ឍន៍អាជីវកម្មក្រោយបរិបទកូវីដ១៩” ដល់សមាជិក FASMEC នៅខេត្តកែប appeared first on .

ការថ្លែងបញ្ជាក់អះអាងពីលោក សោម ពិសិដ្ឋ អភិបាលខេត្តកែប តាមរយៈផេកព័ត៌មានខេត្តកែបនាពេលថ្មីៗកន្លងទៅ ក្រោយពីអាជីវកររកសុី​ជួលកន្លែងតំបន់ឆ្នេរឲ្យភ្ញៀវទេសចរណ៍អង្គុយលេងតាមឆ្នេរសមុទ្រយកថ្លៃលើសលប់ ដែលមានតូបមួយតំលៃខ្ពស់ចន្លោះ ២០$​ ទៅ​ ៣០$​ ថ្លៃជាងសណ្ឋាគារ ផ្ទះសំណាក់មួយយប់ទៅទៀត​។ ជាពិសេសនារដូវបុណ្យទានម្តងៗ សូម្បីតែចតឡានលើថ្នល់ឈប់រយៈពេលខ្លីក៏យកប៉ាស៊ី ៥០០០រៀលផងដែរ។

ជុំវិញបញ្ហានេះ ហើយដើម្បីដោះស្រាយ លោក សោម ពិសិដ្ឋ បានបញ្ជាក់ថា ផ្នត់គំនិតអាក្រក់ៗនេះត្រូវការប្រើពេលវេលា ដោយចាប់ផ្តើមអប់រំផ្សព្វផ្សាយទៅកាន់អាជីវករជាជំហានដំបូង។ លោកបន្តថា ក្នុងករណីអាជីវករដើរហួសបន្ទាត់ក្រហម អាជ្ញាធរត្រូវតែបន្តអប់រំ ប៉ុន្តែប្រសិនបើនៅតែបន្តសកម្មភាពដដែលនឹងចាត់វិធានការរដ្ឋបាលនិងចាត់ការតាមផ្លូវច្បាប់។

លោក ពិសិដ្ឋ ថ្លែងថា៖ “នៅតាមទីសាធារណៈអត់មានឱ្យអាជីវករណាមួយ ត្រូវបានអាជ្ញាធរអនុញ្ញាតិឱ្យពលរដ្ឋរកស៊ីលើទីសាធារណៈឡើយ។ ទន្ទឹមនឹងនេះលោកក៏ព្រមានដល់អាជ្ញាធរណាដែលហ៊ានអនុញាតិឱ្យរកស៊ី បុគ្គលនោះនឹងទទួលខុសត្រូវចំពោះមុខច្បាប់ និងអាជីវករ”។

អភិបាលខេត្តកែបរូបនេះបញ្ជាក់ថា លោកបានខំខិតប្រឹងប្រែងដើមឈើ កែសោភ័ណហេដ្ឋារចនាសម្ព័ន្ធ និងការរក្សាអនាម័យក្នុងខេត្តមិនមែនធ្វើឡើងឱ្យក្រុម ឬបុគ្គលណាមួយដើម្បីធ្វើជាប្រយោជន៍ផ្ទាល់ខ្លួននោះទេ គឺដើម្បីប្រយោជន៍សាធារណៈប៉ុណ្ណោះ។

ជាមួយគ្នានេះ លោកក៏បានស្នើឱ្យកងកម្លាំងប្រដាប់អាវុធ សមត្ថកិច្ច និងស្ថាប័នតុលាការត្រូវសហការគ្នាដើម្បីរាបរយសណ្ដាប់ធ្នាប់តាមដងផ្លូវ ឬតំបន់ឆ្នេរ។ ការស្នើសុំនេះលោក សោម ពិសិដ្ឋបញ្ចាក់បន្ថែមថា ដោយសារអាជីវករមួយចំនួនតាំងខ្លួនថានៅតាំងពីឆ្នាំ៩០ ហើយខ្លះទៀតថាកាន់កាប់តាំងពីសម័យ៧៩មកម្លេះ៕

The post លោក សោម ពិសិដ្ឋ អះអាងថា អាជីវករមួយចំនួនតាំងខ្លួនជាអធិរាជឆ្នេរសមុទ្រកែប appeared first on .

បន្ថែមទៀតនោះ ត្រូវប្រកាន់ភ្ជាប់នូវវិធានការ​ បីកុំ បីការពារ ដើម្បីសុខសុវត្ថិភាពទាំងខ្លួនឯង​ និងភ្ញៀវទេសចរ។

ទន្ទឹមនឹងនោះដែរ លោក សោម ពិសិដ្ឋ​ ក៏បានបញ្ជាឲ្យអាជ្ញាធរក្រុង ស្រុក ពិសេសកងកំលាំងនគរបាលចរាចរណ៍​ ត្រូវប្រចាំការសម្រួលសន្តិសុខ សណ្តាប់ធ្នាប់តាមដងផ្លូវ និងនៅតាមតំបន់ទេសចរណ៍សំខាន់ៗក្នុងខេត្ត ដើម្បីបង្កលក្ខណៈងាយស្រួលជូនភ្ញៀវទេសចរ​ ដែលមកសំរាកលំហែកំសាន្តក្នុងភូមិសាស្ត្រខេត្តកែប។

ជាមួយគ្នានេះ មន្ទីរឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ខេត្ត ក៏បានដាក់ជញ្ជីងស្ដង់ដារគំរូថ្មីចំនួន ៥គ្រឿង នៅផ្សារក្ដាម ដើម្បីសាធារណជន បងប្អូនភ្ញៀវទេសចរជាតិ និងអន្តរជាតិ ដែលមកលេងកម្សាន្តនៅខេត្តកែប អាចថ្លឹងទំនិញផ្សេងៗ ដែលបានទិញប្រកបដោយសុក្រឹតភាពផងដែរ ៕

The post អភិបាលខេត្តកែប ស្នើអាជីវករកុំឆ្លៀតឱកាសតម្លើងថ្លៃជ្រុលហួសហេតុ appeared first on .

ក្រុមប្រឹក្សាអភិវឌ្ឍន៍កម្ពុជា បានបញ្ជាក់ថា គម្រោងអភិវឌ្ឍន៍កោះទាំង ៣ទីតាំងស្ថិតនៅខេត្តកែបនេះ មានទុនវិនិយោគប្រមាណ ១៨,២លានដុល្លារអាមេរិក និងអាចបង្កើតការងារបានចំនួន ៦០កន្លែង។

សូមជម្រាបជូនថា កោះស្វាយ ជាកោះមួយដែលមានទេសភាពស្រស់ស្អាត ទឹកសមុទ្រថ្លាខៀវស្រងាត់ មានដើមឈើធំៗម្លប់ត្រឈៃ ជាពិសេសកោះនេះស្ថិតនៅក្នុងតំបន់ដែនអភិរក្សជីវៈចម្រុះក្នុងសមុទ្រផងដែរ។

សម្រាប់វិញ កោះម្ទេស ឯណេះ គឺជាកោះតូចមួយក្នុងដែននេសាទនៃខេត្តកែបដែលមានទេសភាពខៀវស្រងាត់ ហ៊ុមព័ទ្ធដោយទឹកសមុទ្រខៀវថ្លា ជាពិសេសកោះនេះស្ថិតនៅក្នុងតំបន់អភិរក្សជីវៈចម្រុះក្នុងសមុទ្រ។

ដោយឡែក កោះកុក ឯណេះ ក៏ជាកោះតូចមួយដែលមានទេសភាពបៃតងខ្ចី ហ៊ុមព័ទ្ធដោយទឹកសមុទ្រខៀវថ្លាឆ្លុះដល់បាត ឆ្នេរក្រាលខ្សាច់ និងគ្រាប់ថ្មតូចៗចម្រុះពណ៌គ្នា ជាពិសេសកោះនេះស្ថិតនៅក្នុងតំបន់ដែនអភិរក្សជីវៈចម្រុះក្នុងសមុទ្រផងដែរ៕

The post កោះនៅខេត្តកែប ៣ទីតាំង រដ្ឋាភិបាលសម្រេចផ្តល់ភ្លើងខៀវដល់ក្រុមហ៊ុនឯកជនធ្វើការអភិវឌ្ឍន៍ appeared first on .

ថ្លែងក្នុង​សន្និសីទសារព័ត៌មាន កាលពីថ្ងៃទី​៣០ ខែសីហាម្សិលមិញ លោក នេត្រ ភក្រ្តា បានបញ្ជាក់ថា ការ​បង្កើតឧទ្យានសមុទ្រថ្មី នៅក្នុងទឹកដីខេត្តកែប មាន​ទំហំ​ផ្ទៃ​សមុទ្រប្រមាណ​​ជាង ​១ម៉ឺនហិចតា។ ជាគម្រោងថ្មី​ ដែលនៅមិនទាន់មានដំណើរការ​​ និងក៏​មិនទាន់មានកិច្ចសហការជាមួយក្រុមហ៊ុនឯកជនណាមួយដែរ។​

សូមជម្រាបជូនថា បច្ចុ​ប្បន្ន​នេះ កម្ពុជា​មាន​តំបន់​ឧទ្យានជាតិសមុទ្រចំនួន ២រួចទៅហើយគឺ ទី​១ ឧទ្យានជាតិសមុទ្ររាម មានទីតាំងស្ថិតនៅរវាងកោះថ្មី និងក្រុងព្រះសីហនុ ដែលមានផ្ទៃដី​និងផ្ទៃទឹក​សរុប ២ម៉ឺន​១ពាន់​ហិកតា។ ទី២ ឧទ្យានជាតិសមុទ្រកោះរ៉ុង មានទីតាំងនៅ​ខេត្ត​ព្រះ​សីហនុ​ និង​ខេត្ត​កោះកុង ​ដែល​មាន​ផ្ទៃដី ​និង​ផ្ទៃ​ទឹក​សរុបជាង​ ៥ម៉ឺន​២ពាន់​​ហិកតា។

ជាមួយគ្នានេះដែរ បើមិនមានអ្វីប្រែប្រួលនោះទេ កម្ពុជាអាចនឹងបន្ថែម​តំបន់​ឧទ្យានជាតិសមុទ្រចំនួន ១ទីតាំងទៀត គឺឧទ្យានជាតិ​សមុទ្រ​​ថ្មី​នៅកម្ពុជា ក្នុងទឹកដីនៃខេត្តកែបនេះឯង។

សាស្រ្តាចារ្យផ្នែកសេដ្ឋកិច្ចម្នាក់ ថ្លែងសុំមិនបង្ហាញឈ្មោះបានឲ្យដឹងថា លោក​រីករាយ​ចំពោះ​ការ​បង្កើត​ឧទ្យាន​ថ្មី​នេះ​ តែ​ក៏​បាន​ស្នើ​ឲ្យ​រដ្ឋាភិបាល​ មាន​ផែនការ​ជាក់​លាក់​ក្នុង​ការ​អភិរក្ស ​និង​រារាំង​មិន​ឲ្យ​ឈ្មួញ​ឯកជន​ យក​លេស​អាជីវកម្ម​មក​បំបែក​ដី​ឧទ្យាន​សមុទ្រ​នេះ​ យក​ទៅ​បម្រើ​ប្រយោជន៍​ផ្ទាល់​ខ្លួន​ ជា​ជាង​ប្រយោជន៍​សាធារណជន​ទូទៅនោះឡើយ។

លោកថា រដ្ឋាភិបាលត្រូវមានយុទ្ធសាស្ត្រ​ការ​ពារផ្ទៃ​ដី​ឲ្យ​បាន​គង់វង្ស​ កុំ​ឲ្យ​មាន​ជន​ឆ្លៀត​ឱកាស​ កាត់​ឆ្វៀល ​ឬក៏​ផ្តល់​ទៅ​ឲ្យ​ក្រុម​ហ៊ុន​អ្នក​វិនិយោគ​ចូល​ទៅ​ក្នុង​តំបន់​ដែល​ត្រៀម​អភិរក្សបង្កើតឧទ្យានសមុទ្រថ្មីកម្ពុជានោះ។​

សូមជម្រាបជូនថា ខេត្តកែប បច្ចុប្បន្នកំពុងទាក់ទាញ​ភ្ញៀវ​ទេសចរនៅប៉ុន្មានចុងក្រោយនេះ ដែលមានទាំងភ្ញៀវជាតិ អន្តរជាតិ​មក​ទស្សនា ​និង​បើក​ការ​រក​ស៊ី​នៅ​ក្នុង​ខេត្ត​ភាគនារតីមួយនេះ៕

The post រដ្ឋាភិបាល ត្រៀមដី ១ម៉ឺនហិចតា បង្កើតឧទ្យាជាតិសមុទ្រថ្មីក្នុងទឹកដីខេត្តកែប appeared first on .

ឯកឧត្តម សោម​ ពិសិដ្ឋ​ ​​អភិបាល​ខេត្ត​កែប ​​បាន​ថ្លែង​ប្រាប់​ក្រុមការងារ​យុវជន​ក្រសួង​រៀបចំដែនដី នគរូបនីយកម្ម និង​សំណង់ ​​​នៅ​​រសៀល​ថ្ងៃ​ទី​០៥ ខែ​ឧសភា ឆ្នាំ​២០២២​នេះ​ថា៖ “ក្តី​សង្ឃឹម​របស់​យើង​​សម្រាប់​គម្រោង​អភិវឌ្ឍន៍​ឆ្នេរ​កែប​នេះ គឺ​ធ្វើ​យ៉ាង​ម៉េច​ឱ្យ​ទាន់​មុន​បុណ្យ​សមុទ្រ​ឆ្នាំ​២០២៣។ ខេត្ត​កែប​នៅ​ឆ្នាំ​២០២៣ ​នឹង​មាន​ព្រឹត្តិការណ៍​ធំៗ​៣​សំខាន់​គឺ​ ១)ការ​បោះ​ឆ្នោត​តំណាង​រាស្ត្រ ២)ព្រឹត្តិការណ៍​កីឡា​ស៊ីហ្គេម មាន​ហែល​ទឹក មាន​ធាក់កង់ មាន​រត់ចំងាយ ៣)បុណ្យ​សមុទ្រ ដែល​យើង​ត្រូវ​ត្រៀម​លក្ខណៈ​អភិវឌ្ឍ​ហេដ្ឋារចនាសម្ព័ន្ធ កែ​លម្អ​សោភ័ណភាព និង​​ត្រូវ​រៀប​ចំ​ខ្លួន​ឱ្យ​បាន​ល្អ ក្នុង​ការ​ទទួល​ភ្ញៀវ​អន្តរជាតិ និង​ភ្ញៀវ​ជាតិ ជា​ពិសេស​ក្នុង​ព្រឹត្តិការណ៍​ស៊ីហ្គេម”។

“យើង​អភិវឌ្ឍន៍ ដោយ​មិន​ភ្លេច​អភិរក្ស ហើយ​អភិរក្ស​គាំទ្រ​ការ​អភិវឌ្ឍ។ យើង​មិន​អភិវឌ្ឍ​ទាំង​ស្រុង​ដោយ​ខ្ទេច​ខ្ទី​ព្រៃ​ឈើ​និង​ឧទ្យាន​ជាតិ​នោះ​ទេ។ យើង​នឹង​រក្សា​ធនធាន​ធម្មជាតិ​ឱ្យ​បាន។ នេះ​ជា​ទស្សនៈ​របស់​ខ្ញុំ​ ដោយមាន​ការ​គាំទ្រ​ពី​ថ្នាក់​ដឹក​នាំ​ជា​ច្រើន”។ លោក​អភិបាល​ខេត្ត​បញ្ជាក់​បន្ថែម។

គម្រោង​អភិវឌ្ឍន៍​ឆ្នេរ​កែប​​ថ្មី​​ប្រវែង ២៧០០​ម៉ែត្រ​នេះ​ ​​មាន​ទីតាំង​ស្ថិត​នៅ​ភូមិ​ថ្មី សង្កាត់​ព្រៃ​ធំ ក្រុង​កែប ខេត្ត​កែប៕

The post គម្រោងអភិវឌ្ឍន៍ឆ្នេរកែបប្រវែង ២៧០០ម៉ែត្រ គ្រោងបញ្ចប់មុនបុណ្យសមុទ្រឆ្នាំ២០២៣ appeared first on .