អគ្គនាយកធនាគារអភិវឌ្ឍន៍ជនបទ និងកសិកម្ម ARDB ឯកឧត្តមបណ្ឌិត កៅ ថាច បានអញ្ជើញ​នាំក្រុមអ្នកជំនួញបរទេសចុះទៅមើលកសិដ្ឋានចំនួន៣ នៅឃុំក្ដុលសែនជ័យ និងតំបន់ស្តុកទឹកផុស ខេត្តកំពង់ឆ្នាំង ចម្ងាយជាង១០០គីឡូម៉ែត្រពីរាជធានីភ្នំពេញ និងកសិដ្ឋានដាំបន្លែនៅជាយក្រុងភ្នំពេញ នៅចុងសប្ដាហ៍នេះ ។

កសិដ្ឋានទី១ ជាកសិដ្ឋានចិញ្ចឹមមាន់សាច់ ដែលកំពុងសាងសង់បាន៣រោង សម្រាប់ផលិតផ្គត់ផ្គង់ទីផ្សារក្នុងស្រុក ។ ចំណែកកសិដ្ឋានទី២ ជាកសិដ្ឋានមាន់យកស៊ុត ដែលកំពុងសាងសង់រហូតដល់១៦រោង បង្ហាញពីការពង្រីកផលិតកម្មក្នុងទ្រង់ទ្រាយធំ។ ប៉ុន្តែកសិដ្ឋានទី៣ កាន់តែគួរឱ្យចាប់អារម្មណ៍ ដោយមានទាំងគោយកទឹកដោះ និងគោយកសាច់សរុបជាង៤ពាន់ក្បាល។ ក្នុងនោះ គោយកទឹកដោះមាន ១,៧០៣ក្បាល និងគោយកសាច់ ២,៣០០ក្បាល ។ក្រៅពីគោពូជក្នុងស្រុកដូចជាគោព្រាហ្ម កសិដ្ឋាននេះក៏នាំយកពូជគោសាច់បរទេសមកចិញ្ចឹម រួមមាន Charolais, Black Angus និង Wagyu របស់ជប៉ុន ដែលជាពូជគោសាច់តម្លៃខ្ពស់ និងល្បីលើទីផ្សារអន្តរជាតិ ។

ឯកឧត្តមបណ្ឌិត កៅ ថាច មានប្រសាសន៍ថា ការទាក់ទាញទុនកាន់តែច្រើនចូលវិស័យកសិកម្ម មិនត្រឹមតែបង្កើនផលិតកម្មទេ ប៉ុន្តែអាចជួយពង្រឹងសន្តិសុខស្បៀង បង្កើនសមត្ថភាពនាំចេញ និងបង្កើនប្រាក់ចំណូលដល់ប្រជាជននៅតាមជនបទ។

ការនាំអ្នកជំនួញទៅឃើញកសិដ្ឋានដោយផ្ទាល់ ក៏ជាវិធីបង្ហាញថា កម្ពុជាមិនត្រឹមតែមានដី និងទីផ្សារសម្រាប់វិស័យកសិកម្មទេ ប៉ុន្តែមានផលិតកម្មខ្នាតធំកំពុងដំណើរការ និងមានឱកាសសម្រាប់ទុនថ្មីចូលមកពង្រីកបន្ថែម។ ចំពោះកម្ពុជា ការទាក់ទាញការវិនិយោគទៅលើការផលិតសាច់ ស៊ុត និងទឹកដោះក្នុងស្រុក ក៏មានន័យថា ផលិតផលដែលកម្ពុជាត្រូវការរាល់ថ្ងៃ អាចត្រូវបានផលិតកាន់តែច្រើននៅក្នុងប្រទេស ជំនួសការពឹងផ្អែកលើការនាំចូល និងបើកផ្លូវទៅរកទីផ្សារនាំចេញនៅពេលផលិតកម្មកើនឡើង ៕

The post អ្នកជំនួញបរទេសចុះមើលកសិដ្ឋានធំៗនៅកំពង់ឆ្នាំង ស្វែងរកឱកាសបោះទុនបន្លែ មាន់ ស៊ុត ទឹកដោះគោ និងគោវ៉ែកគ្យូ (Wagyu) appeared first on .

តាមរយៈដីកាលេខ ០៧៧/២៦ ដ.ក. នាយកទីចាត់ការទាំងពីររូប ដែលបញ្ចប់តំណែងនេះ រួមមាន៖

ទី១៖ លោក ហង្ស ពិសី បញ្ចប់តំណែងពីនាយកទីចាត់ការផែនការ និងវិនិយោគសាលាខេត្ត មកជាមន្ត្រី​ការិយាល័យ​​គ្រប់គ្រង​បុគ្គលិក នៃទីចាត់ការគ្រប់គ្រងធនធានមនុស្សសាលាខេត្តកំពង់ឆ្នាំង។

ទី២៖ លោក វ៉ាន់ ថេន បញ្ចប់តំណែងពីនាយកទីចាត់ការអន្តរវិស័យសាលាខេត្ត មកជាមន្ត្រីការិយាល័យគ្រប់គ្រង​បុគ្គលិក នៃទីចាត់ការគ្រប់គ្រងធនធានមនុស្សសាលាខេត្តកំពង់ឆ្នាំង។

សូមជម្រាបថា វិធានការទណ្ឌកម្មវិន័យខាងលើនេះ គឺបន្ទាប់ពីអគ្គនាយកដ្ឋានរដ្ឋបាល ក្រសួងមហាផ្ទៃ បានស៊ើប​អង្កេតស្រាវជ្រាវរកឃើញមានភាពមិនប្រក្រតី នៃដំណើរការរៀបចំ និងអនុវត្តគម្រោងមូលនិធិរបស់​រដ្ឋបាលឃុំ​ចំនួន៥នៃខេត្តកំពង់ឆ្នាំង រួមទាំងរដ្ឋបាលឃុំទឹកហូត ស្រុករលាប្អៀរ ខេត្តកំពង់ឆ្នាំងផងដែរ។ ជាមួយគ្នានេះ អគ្គនាយកដ្ឋានរដ្ឋបាល ក្រសួងមហាផ្ទៃ នឹងបន្តស្វែងរកឫសគល់នៃបញ្ហា និងមន្ត្រីពាក់ព័ន្ធនានា មកអនុវត្ត​តាមច្បាប់ ព្រមទាំងចាត់វិធានការវិន័យឬទណ្ឌកម្មយ៉ាងម៉ឺងម៉ាត់បំផុត៕

The post អភិបាលខេត្តកំពង់ឆ្នាំង សម្រេចបញ្ចប់តំណែងនាយកទីចាត់ការ២រូប ក្រោយកើតរឿងមិនប្រក្រតីនៃតម្លៃធ្វើ​បង្គោលភ្លើងសូឡា appeared first on .

ការកៀងគរអ្នកវិនិយោគ ក្រុមហ៊ុន លើផែនការផលិតកម្មសម្រាប់ការដាំស្មៅ និងចិញ្ចឹម​គោយកទឹកដោះ របស់ក្រសួងកសិកម្ម បានធ្វើឡើងកាលពីថ្ងៃទី៥ ខែមីនា ឆ្នាំ២០២៦ ដឹកនាំដោយ លោក ម៉ាន សុគ្រី រដ្ឋលេខាធិការ​ ដោយមានការចូលរួមពីអនុរដ្ឋលេខាធិការ ថ្នាក់​ដឹកនាំអគ្គនាយកដ្ឋានកសិកម្ម អគ្គនាយកដ្ឋានសុខភាពសត្វ និង​ផលិត​កម្ម​សត្វ រដ្ឋបាលព្រៃឈើ តំណាងអង្គភាពពាក់ព័ន្ធ ព្រមទាំង តំណាងក្រុមហ៊ុន ដែលមាន​បំណង​វិនិយោគលើដីទីតាំងស្ថានីយ៍ដាំឈើម្សៅក្រដាស ស្ថិតក្នុ​ងស្រុក​សាមគ្គីមានជ័យ ខេត្តកំពង់ឆ្នាំង រួមមានក្រុមហ៊ុន ឌីភី ម្ចាស់​ចម្ការ ឯ.ក ក្រុមហ៊ុន Perpetual Green Development (Cambodia) ​Co., Ltd និងក្រុមហ៊ុន CPFM Dairy & Food Co., Ltdផងដែរ។

គោលបំណងនៃកិច្ចពិភាក្សាខាងលើនេះ គឺដើម្បីរៀបចំផែនការអភិវឌ្ឍន៍តំបន់​ស្ថានីយដាំឈើ ស្ថិតក្នុងស្រុកសាមគ្គីមានជ័យ ខេត្តកំពង់ឆ្នាំង សម្រាប់​ការ​ដាំស្មៅ និងចិញ្ចឹមគោយកទឹកដោះ ដែលបច្ចុប្បន្ននេះកំពុងតែ​មាន​តម្រូវការទឹកដោះគោ សម្រាប់ផ្គត់ផ្គង់ដល់តម្រូវការរបស់ប្រជា​ពល​រដ្ឋ។

គួរឱ្យដឹងថា ក្រសួងកសិកម្ម រុក្ខាប្រមាញ់ និងនេសាទ ក៏កំពុងនឹង​រៀប​ចំ​កៀងគរក្រុមហ៊ុន ក៏ដូចជាអ្នកវិនិយោគ ដើម្បីអភិវឌ្ឍន៍ប្រទេសកម្ពុជា លើផ្ទៃដីប្រមាណ ៨០០ហិកតា។ ក្នុងន័យនេះ ក្រសួងបាន​លើក​ទឹកចិត្ត​ក្រុមហ៊ុនដើម្បីអភិវឌ្ឍន៍នៅតំបន់នោះផងដែរ៕

The post ក្រសួងកសិកម្ម មានផែនការកៀងគរក្រុមហ៊ុន អ្នកវិនិយោគ អភិវឌ្ឍន៍គម្រោងផលិតកម្មដាំស្មៅ និងចិញ្ចឹមគោយកទឹកដោះ នៅខេត្តកំពង់ឆ្នាំង appeared first on .

នេះបើយោងតាមប្រសាសន៍របស់លោក ស៊ុន សុវណ្ណារិទ្ធិ អភិបាលខេត្តកំពង់ឆ្នាំង ក្នុងពិធីប្រកាសដាក់ឱ្យអនុវត្តសាកល្បង លើការកែលម្អរថយន្តដឹកជញ្ជូនកម្មករនិយោជិតឱ្យកាន់តែមានផាសុកភាព និងសុវត្ថិភាព និងការត្រួតពិនិត្យលក្ខណៈបច្ចេកទេសរថយន្តដឹកជញ្ជូនកម្មករនិយោជិត ជាលើកទី២ ត្រូវបានរៀបចំឡើងដោយបេឡាជាតិសន្តិសុខសង្គម នៅរោងចក្រ ស៊ិនគី អឹភែរឹល (SHINKI APPAREL (CAMBODIA)) ក្នុងខេត្តកំពង់ឆ្នាំង​ កាលថ្ងៃទី២០ ខែមករា ឆ្នាំ២០២៦។

យោងតាមរបាយការណ៍របស់ លោក ស៊ុន សុវណ្ណារិទ្ធិ ដែលបានបង្ហាញនាឱកាសនោះ បានឱ្យដឹងថា អាជ្ញាធរខេត្តបាននិងកំពុងយកចិត្តទុកដាក់ខ្ពស់លើការលើកកម្ពស់ផាសុកភាព និងសុវត្ថិភាពកម្មករ ខណៈលោកថាបច្ចុប្បន្ន ខេត្តកំពង់ឆ្នាំងមានរោងចក្រ សហគ្រាសចំនួន ៤៩៤កន្លែង មានកម្មករនិយោជិតចំនួន ៦៩ ៦៦១នាក់។

ចំណែកស្ថិតិយានយន្ត និងអ្នកបើកបររថយន្តដឹកជញ្ជូនកម្មករវិញ លោកថា នៅក្នុងខេត្តកំពង់ឆ្នាំង សរុបមានចំនួន ៣ ៣០៨គ្រឿង ក្នុងនោះរថយន្តដឹកកម្មករមានចំនួន ៣ ២៤៨គ្រឿង ដែលមានកម្មករជិះរថយន្តសរុបចំនួន ១៣៦ ៦៦០នាក់។

សូមរម្លឹកថា ក្នុងរយៈពេល១១ខែនៃឆ្នាំ២០២៥ កម្ពុជា បន្តទទួលបានគម្រោងថ្មី ៦០៩គម្រោង ក្នុងទុនវិនិយោគ $៩,៥ប៊ីលានដុល្លារ ដោយក្នុងនោះខេត្តកំពង់ឆ្នាំងទទួលបាន ២១គម្រោង។នេះបើយោងតាមសេចក្តីប្រកាសព័ត៌មានរបស់ក្រុមប្រឹក្សាអភិវឌ្ឍន៍កម្ពុជា CDC កាលថ្ងៃទី៤ ខែធ្នូ ឆ្នាំ២០២៥៕ អត្ថបទ៖ហ្សាលីន

The post គិតមកដល់បច្ចុប្បន្ននេះ ខេត្តកំពង់ឆ្នាំងមានរោងចក្រ សហគ្រាសចំនួន ៤៩៤កន្លែង appeared first on .

ក្រុមប្រឹក្សាអភិវឌ្ឍន៍កម្ពុជា កាលពីថ្ងៃទី១៦ ខែតុលា ឆ្នាំ២០២៥ បានប្រកាសអបអរសាទរដល់ប្រជាពលរដ្ឋស្រុកកំពង់ត្រឡាច ខេត្តកំពង់ឆ្នាំង ដែលទទួលបានគម្រោងវិនិយោគបង្កើតរោងចក្រផ្គុំដំឡើងរថយន្ត ក្នុងទំហំទុនវិនិយោគប្រមាណ ១៩,៤លានដុល្លារអាម៉េរិក និងអាចបង្កើតការងារបានចំនួន ១.១៤២កន្លែង។

យោងតាមច្បាប់ស្តីពីវិនិយោគនៃព្រះរាជាណាចក្រកម្ពុជា ក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រចុះបញ្ជីគម្រោងវិនិយោគបង្កើត រោងចក្រផ្តុំដំឡើងរថយន្ត ដែលមានទីតាំងស្ថិតនៅភូមិខ្នាយកកោះ ឃុំសែប ស្រុកកំពង់ត្រឡាច ខេត្តកំពង់ឆ្នាំង ជាគម្រោងវិនិយោគមានលក្ខណៈសម្បត្តិគ្រប់គ្រាន់។

គម្រោងវិនិយោគបង្កើត រោងចក្រផ្តុំដំឡើងរថយន្តនេះ គឺវិនិយោគដោយក្រុមហ៊ុនអនុវត្តគម្រោង TH AUTOMOTIVE MANUFACTURING CO., LTD.។

សូមជម្រាបថា រយៈពេល៩ខែ ឆ្នាំ២០២៥ ក្រុមប្រឹក្សាអភិវឌ្ឍន៍កម្ពុជា (CDC ) បានសម្រេចុះបញ្ជីគម្រោងវិនិយោគថ្មីចំនួន ៥៤៦គម្រោង ក្រោមទុនវិនិយោគជិត ៨ពាន់លានដុល្លារ។ នេះបើយោងតាមសេចក្តីប្រកាសព័ត៌មាន របស់ក្រុមប្រឹក្សាអភិវឌ្ឍន៍កម្ពុជា (CDC) កាលពីដើមខែតុលា ឆ្នាំ២០២៥៕ អត្ថបទ៖ហ្សាលីន

The post ខេត្តកំពង់ឆ្នាំង នឹងមានរោងចក្រផ្គុំដំឡើងរថយន្ត តម្លៃជិត២០លានដុល្លារអាមេរិកឆាប់ៗនេះ appeared first on .

ខេត្តកំពង់ឆ្នាំង ថ្ងៃទី ១៤ ខែមិថុនា ឆ្នាំ ២០២៤៖  ធនាគារ វីង (ខេមបូឌា) ម.ក បានបោះជំហានទៅមុខដ៏សំខាន់មួយទៀតជាមួយនឹងការបើកសម្ពោធសាខាថ្មីរបស់ខ្លួនស្ថិតនៅចំកណ្តាលក្រុងកំពង់ឆ្នាំងតែម្តង។ យុទ្ធសាស្ត្រនៃការពង្រីកខ្លួននេះ គឺនាំមកនូវសេវាធនាគារដ៏សម្បូរបែប ក៏ដូចជាដំណោះស្រាយហិរញ្ញវត្ថុដែល​មានភាពច្នៃប្រឌិត ដើម្បី​ផ្តល់អំណាច​និង​គាំទ្រ​ទៅដល់សហគមន៍ តាមរយៈ​ការ​រួមចំណែកជំរុញបរិយាបន្នហិរញ្ញវត្ថុកាន់តែប្រសើរបន្ថែមទៀត។

ពិធីនេះប្រព្រឹត្តទៅយ៉ាងអធិកអធម ក្រោមអធិបតីភាព​នៃ ឯកឧត្តម ស៊ុន សុវណ្ណារិទ្ធិ​ អភិបាល នៃគណៈអភិបាលខេត្តកំពង់ឆ្នាំង, លោក  ឈាង តុលា នាយកសាខាធនាគារជាតិ នៃកម្ពុជា ខេត្តកំពង់ឆ្នាំង តំណាងដ៏ខ្ពង់ខ្ពស់របស់លោកជំទាវបណ្ឌិត ជា សិរី​ អគ្គទេសាភិបាល ធនាគារជាតិនៃកម្ពុជា, ព្រមទាំង​ឯកឧត្តមបណ្ឌិត ម៉ី វ៉ាន់​ រដ្ឋលេខាធិការ ក្រសួងសេដ្ឋកិច្ច និងហិរញ្ញវត្ថុ​ និងជាអគ្គលេខាធិការ នៃអគ្គលេខាធិការដ្ឋានអាជ្ញាធរសេវាហិរញ្ញវត្ថុមិនមែនធនាគារ។

ពិធីនេះក៏មានការចូលរួមពីអ្នកឧកញ៉ា គិត ម៉េង ប្រធានក្រុមប្រឹក្សាភិបាល ធនាគារ វីង និងជាអគ្គនាយកក្រុមហ៊ុន រ៉ូយ៉ាល់គ្រុប, លោកជំទាវអ្នកឧកញ៉ា ម៉ៅ ចំណាន នាយិកាប្រតិបត្តិការនៃធនាគារ វីង និងជាអនុប្រធានក្រុមប្រឹក្សាភិបាលក្រុមហ៊ុន រ៉ូយ៉ាល់គ្រុប ព្រមទាំង​ឧកញ៉ា គិត ស៊ូឡា ប្រធានផ្នែកប្រតិបត្តិការនៃក្រុមហ៊ុន រ៉ូយ៉ាល់គ្រុប អន្តរជាតិ ព្រមទាំង​ការអញ្ជើញ​ចូលរួមពីភ្ញៀវកិត្តិយសជាច្រើនទៀតផងដែរ។

ឯកឧត្តម ស៊ុន សុវណ្ណារិទ្ធិ អភិបាល នៃគណៈអភិបាលខេត្តកំពង់ឆ្នាំង បានបង្ហាញការកើតសរសើរចំពោះធនាគារ វីង ដែលទទួលបានការគាំទ្រ និងទំនុកចិត្តពីសាធារណជន និងបានពង្រីកខ្លួនជាបន្តបន្ទាប់។ ឯកឧត្តម ស៊ុន សុវណ្ណារិទ្ធិ បានថ្លែងថា៖ “ខ្ញុំសង្ឃឹមយ៉ាងមុតមាំថា ធនាគារ វីង នឹងដើរតួនាទីយ៉ាងសំខាន់ក្នុងការផ្តល់ជាដំណោះស្រាយ ក៏ដូចជា ឆ្លើយតបនឹងតម្រូវការផ្នែកហិរញ្ញវត្ថុដល់ប្រជាជនកម្ពុជា និងអាជីវកម្មក្នុងខេត្តកំពង់ឆ្នាំង​ទាំងមូលផងដែរ។”

ឆ្លៀតក្នុងឱកាសនោះផងដែរ លោក  ឈាង តុលា នាយកសាខាធនាគារជាតិ នៃកម្ពុជា ខេត្តកំពង់ឆ្នាំង តំណាងដ៏ខ្ពង់ខ្ពស់របស់លោកជំទាវបណ្ឌិត ជា សិរី អគ្គទេសាភិបាល ធនាគារជាតិនៃកម្ពុជា បានវាយតម្លៃខ្ពស់ដល់ការខិតខំប្រឹងប្រែងរបស់ធនាគារ វីង ក្នុងការពង្រីកបណ្តាញប្រតិបត្តិការអាជីវកម្មជាបន្តបន្ទាប់។ លោក  ឈាង តុលា បានថ្លែងថា៖ “សាខាថ្មីរបស់ធនាគារ វីង បានបង្ហាញឱ្យឃើញពីវឌ្ឍនភាព និងភាពរីកចម្រើន ដោយបានបង្កើតផលិតផល និងសេវាហិរញ្ញវត្ថុថ្មីៗ សម្បូរបែបបន្ថែមទៀត និងបានពង្រីកខ្លួនដល់ក្រុងកំពង់ឆ្នាំង សំដៅបង្ខិតសេវាហិរញ្ញវត្ថុជូនដល់សាធារណជន។ ”

ដោយមានទីតាំងចម្ងាយត្រឹមតែ ៥០ម៉ែត្រប៉ុណ្ណោះ ពីរង្វង់មូលវិមានឯករាជ្យនៃ​ក្រុងកំពង់ឆ្នាំង សាខាថ្មីរបស់ធនាគារ វីង ងាយស្រួលរកសម្រាប់អតិថិជនអញ្ជើញទៅទទួលសេវាហិរញ្ញវត្ថុ និង​ផលិតផលធនាគារជាច្រើន។

លោក ហាន ប៉េងក្វាង អគ្គនាយកធនាគារ វីង បានមានប្រសាសន៍ថា៖ “ខ្ញុំពិតជាមានសេចក្តីសោមនស្សក្រៃលែង ដោយសារតែធនាគារ វីង​ នឹងចាប់ផ្តើមរួមចំណែកដ៏សំខាន់ក្នុងការអភិវឌ្ឍខេត្តកំពង់ឆ្នាំង តាមរយៈការដាក់ឱ្យដំណើរការសាខាធនាគារដ៏ទំនើបរបស់យើងនៅទីនេះ។”

ក្រោមការដឹកនាំប្រកបដោយចក្ខុវិស័យរបស់អ្នកឧកញ៉ា គិត ម៉េង ធនាគារ វីង បានបោះជំហានឈាន​មុខគេក្នុងការប្រើប្រាស់ដំណោះស្រាយឌីជីថល ដែលជួយលើកកម្ពស់ជីវភាពរស់នៅរបស់ប្រជាជនកម្ពុជាអស់រយៈពេលជិត១៦ឆ្នាំមកនេះ។​

លោក ហាន ប៉េងក្វាង បានបន្ថែមថា៖ “យើងខ្ញុំបានប្តេជ្ញាចិត្តក្នុងការត្រៀមខ្លួនជាស្រេចដើម្បីផ្តល់សេវាធនាគារយ៉ាងពេញលេញ ដែលផ្តល់សិទ្ធអំណាចដល់សហគមន៍​ ដោយអនុញ្ញាតឱ្យពួកគាត់ងាយស្រួលក្នុងការទទួលបានដំណោះស្រាយហិរញ្ញវត្ថុចាំបាច់នានាសម្រាប់ជីវភាពរស់នៅប្រចាំថ្ងៃ។​ យើងរួមគ្នាដើម្បីកសាងអនាគតមួយដែលពលរដ្ឋគ្រប់រូបអាចរីកចម្រើន និងរុងរឿងបាន​។”

សាខាថ្មីនេះផ្តល់ជូនសេវាកម្មធនាគារសម្បូរ​បែប ដោយ​បើកដំណើរការពីថ្ងៃចន្ទ ដល់ថ្ងៃសុក្រ ចាប់ពីម៉ោង​ ៨ ព្រឹក ដល់ម៉ោង ៤រសៀល ដើម្បីធានាថាអតិថិជនងាយស្រួលក្នុងការទទួលបានដំណោះស្រាយហិរញ្ញវត្ថុនានា។ ​សេវាកម្មទាំងនេះរួមមាន៖ ប្រាក់បញ្ញើ, ប្រាក់កម្ចី, ធានារ៉ាប់រង, ផ្ទេរប្រាក់ក្នុងស្រុកនិងអន្តរជាតិ, ទូទាត់វិក្កយបត្រ, ម៉ាស៊ីនដកប្រាក់ និងដាក់ប្រាក់ ព្រមទាំង​មាន​សេវាកម្មជាច្រើនទៀត។ ខណៈពេលដែលកំពុង​រង់ចាំធ្វើប្រតិបត្តិការហិរញ្ញវត្ថុ​ផ្សេងៗ អតិថិជនអាច រីករាយជាមួយ​កន្លែងរង់ចាំដ៏មានផាសុកភាព និងទំនើបបំផុត ហើយក៏អាចរីករាយទទួល​ទាន​កាហ្វេ និងទឹកផ្លែឈើដ៏ឈ្ងុយឆ្ងាញ់ពី​ហាង​ ​Coffee Hub ដែលមានទីតាំងនៅខាងក្នុងសាខាតែម្តង។

ថ្លែងក្នុងកម្មវិធីសម្ពោធសាខាថ្មីរបស់ធនាគារ វីង​ ឧកញ៉ា គិត ស៊ូឡា បានលើកឡើងថា៖ “ធនាគារ វីង បានបង្ហាញពីការយកចិត្តទុកដាក់របស់ខ្លួនក្នុងការគាំទ្រចក្ខុវិស័យរបស់ក្រុមហ៊ុន រ៉ូយ៉ាល់គ្រុប អន្តរជាតិ ក្នុងការធ្វើពិពិធកម្ម និងលើកកម្ពស់ផលប័ត្រឌីជីថលរបស់ខ្លួន។ ការរួមបញ្ចូលគ្នានៃសេវាកម្មតាមឌីជីថល និងនៅតាមទីតាំងនានារបស់ខ្លួន បានជំរុញឱ្យធនាគារ វីង អាចបង្កើនភាពប្រកួតបប្រជែងរបស់ខ្លួនកាន់តែខ្លាំងជាងមុន ហើយនេះក៏ជាមោទនភាពមួយសម្រាប់រ៉ូយ៉ាល់គ្រុបផងដែរ។”

ឧកញ៉ា គិត ស៊ូឡា បានបន្ថែមថា៖ “រូបខ្ញុំផ្ទាល់ ខ្ញុំពិតជាមានមោទនភាពយ៉ាងខ្លាំងដែលឃើញសមាជិករបស់ក្រុមហ៊ុនរ៉ូយ៉ាល់គ្រុបមានការរីកចម្រើន និងបានប្រើប្រាស់ជំនាញរបស់ខ្លួនដើម្បីគាំទ្រសហគមន៍នានា។ វាជាសក្ខីភាពមួយចំពោះការខិតខំប្រឹងប្រែរបស់ធនាគារ វីង ហើយក៏ជាតម្លៃរួមមួយដែលពួកយើងប្រកាន់ខ្ជាប់ផងដែរ។”

ដោយមានទ្រព្យសកម្មជិត ២ពាន់លានដុល្លារអាមេរិក ភ្នាក់ងារវីង ១១.០០០ទីតាំង ដៃគូ​អាជីវកម្មប្រមាណ ១៦៥.០០០ ព្រមទាំង​មានអតិថិជនប្រើប្រាស់ជាង ១៤,៥លានគណនី ធនាគារ វីង បានក្លាយជាធនាគារឌីជីថលរីកចម្រើនយ៉ាងឆាប់រហ័សមួយនៅក្នុងប្រទេសកម្ពុជា។

កិច្ចសហការជាយុទ្ធសាស្ត្រជាមួយដៃគូធំៗជាច្រើនដូចជា៖​ ក្រុមហ៊ុនធានារ៉ាប់រងអាយុជីវិត Prudential (Cambodia) Life Assurance, ក្រុមហ៊ុន UnionPay, ក្រុមហ៊ុនវីសា, ក្រុមហ៊ុនម៉ាស្ទ័រកាត, ក្រុមហ៊ុន Alipay, ក្រុមហ៊ុន WeChat, ក្រុមហ៊ុន MoneyGram, ក្រុមហ៊ុន Western Union, ក្រុមហ៊ុន Ria និងក្រុមហ៊ុន Oracle ជាដើម បានជួយបង្កើនការប្តេជ្ញាចិត្តរបស់ធនាគារ វីង មួយកម្រិតបន្ថែមទៀតក្នុងការផ្តល់នូវសេវាកម្មហិរញ្ញវត្ថុមួយដែលផ្សាភ្ជាប់គ្នាទៅវិញទៅមកឥតអាក់ខាន។

សាខាថ្មីរបស់ធនាគារ វីង ក្នុងខេត្តកំពង់ឆ្នាំង ត្រៀមខ្លួនជាស្រេចដើម្បីដើរតួជាផ្នែកមួយដ៏សំខាន់ក្នុងការជំរុញភាពរីកចម្រើននៅក្នុងសហគមន៍ ក៏ដូចជាពង្រីកសេវាកម្មហិរញ្ញវត្ថុប្រកប​ដោយ​ភាព​ងាយស្រួលប្រើប្រាស់ ដែលនឹងជួយជំរុញខេត្តនេះឆ្ពោះទៅរកអនាគតដ៏រុងរឿង៕

The post ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង appeared first on .

នៅក្នុងសិក្ខាសាលានេះ ក៏មានការចូលរួមពីអភិបាលរងខេត្តកំពង់ឆ្នាំង ព្រមទាំងដៃគូសហការឧបត្ថម្ភនានាមានដូចជា  សហគ្រិនខ្មែរ  ក្រុមហ៊ុនវៀតធេល (ខេមបូឌា)និងដៃគូសហការផ្សេងៗទៀត  និងមានSMEចូលរួមប្រមាណ ១៧០នាក់ផងដែរ។

គួរបញ្ជាក់ថា គោលបំណងនៃកម្មវិធីសិក្ខាសាលាស្តីពី «ការអភិវឌ្ឍន៍អាជីវកម្មក្រោយបរិបទកូវីដ-១៩»នេះ គឺដើម្បីចែករំលែកអំពីខ្សែសង្វាក់ទីផ្សារក្នុងស្រុក និងការនាំចេញ ព្រមទាំងជួយបំពេញបន្ថែមនូវចំណេះដឹងដែលម្ចាស់សហគ្រាសធុនតូច និងមធ្យមក្នុងខេត្តនៅមានចំណុចខ្វះខាត។

សូមជម្រាបផងដែរថា សមាគមមូលនិធិសម្ដេចតេជោ ដើម្បីអភិវឌ្ឍន៍សហគ្រាសធុនតូច និងមធ្យមនៅកម្ពុជា និងសម្ព័ន្ធសមាគមសហគ្រាសធុនតូច និងមធ្យមកម្ពុជា(FASMEC) កន្លងមក តែងតែរៀបចំកម្មវិធីសិក្ខាសាលាស្តីពី «ការអភិវឌ្ឍន៍អាជីវកម្មក្រោយបរិបទកូវីដ-១៩» នៅបណ្តាខេត្តផ្សេងៗ ដើម្បីឱ្យម្ចាស់សហគ្រាស ឬអាជីវកម្មអាចលើកពីផលវិបាកដែលទាក់ទងនឹងការលក់ផលិតផលក្នុងស្រុក និងការនាំចេញ លើសពីនោះក៏ជាការចែករំលែកខ្សែសង្វាក់ទីផ្សារក្នុងការនាំចេញ និងចែករំលែកចំណេះដឹងផ្សេងៗដល់ម្ចាស់សហគ្រាសធុនតូច និងមធ្យមផងដែរ៕

The post ឧកញ៉ា តែ តាំងប៉ រៀបចំកម្មវិធីសិក្ខាសាលាការអភិវឌ្ឍន៍អាជីវកម្មក្រោយបរិបទកូវីដ១៩ ដល់សមាជិក FASMEC នៅខេត្តកំពង់ឆ្នាំង appeared first on .

លោក សួង វាសនា បានឱ្យដឹងថា ចាប់ពីចុងឆ្នាំ២០២២ចូលដល់ខែកុម្ភៈដើមឆ្នាំ២០២៣នេះតម្លៃជ្រូករស់នៅលើទីផ្សារមានការប្រែប្រួល ប៉ុន្តែមិនចំបេះដូងរបស់ប្រជាពលរដ្ឋដែលជាអ្នកចិញ្ចឹមជ្រូកចង់បាននៅទូទាំងប្រទេសទេដែលឈ្មួញដើរទិញសព្វថ្ងៃហ៊ានទិញថ្លៃត្រឹមតែ៧៣០០ទៅ៧៥០០រៀល។

លោកសួង វាសនា មានប្រសាសន៍ថា«នៅពេលតម្លៃជ្រូករស់ឡើងមិនទាន់ដល់តម្លៃដើមផលិតនេះ ខ្ញុំនិយាយយ៉ាងច្រើន៣ខែទៀតកសិករនិងក្រុមហ៊ុននឹងដួលរំលំទាំងអស់ព្រោះការចំណាយលើការចិញ្ចឹមជ្រូកមានលក្ខណៈដូចគ្នា ព្រោះថ្លៃដើមផលិតចំណាយអស់៩៥០០រៀល តែមកលក់ជ្រូកបានតែ៧៥០០រៀលក្នុងមួយគីឡូក្រាម។ ដូចនេះបើតម្លៃជ្រូករស់នៅតែបែបនឹងទៀត ៣ខែទៀតកសិករយើងម្នាក់ៗវណ្ឌកររួមទំាងខ្ញុំដែរ»។

លោកលើកឡើងថា ស្របពេលតម្លៃជ្រូករស់មិនទាន់ហក់ឡើងវិញនេះ យើងឃើញថាសាច់បង្កកមានការចរាចរចែកចាយមានទូទាំងប្រទេស ហើយបើយើងអាចទប់ស្កាត់ការនាំចូលសាច់បង្កកនេះបាន ខ្ញុំជឿថាកសិករចិញ្ចឹមជ្រូកនៅក្នុងស្រុកនឹងមានការសារទរនៅពេលការចិញ្ចឹមជ្រូករបស់កសិករអាចទប់ទល់ថ្ងៃដើមនិងអាចរកប្រាក់ចំណេញខ្លះសម្រាប់ផ្គត់ផ្គង់គ្រួសារ។

តាមកសិករនៅខេត្តកំពង់ឆ្នាំងរូបនេះថា នៅពេលតម្លៃជ្រូករស់នៅលើទីផ្សារមិនងើបឡើងវិញនេះបានធ្វើឱ្យអ្នកចិញ្ចឹមជ្រូកបាក់សតិអារម្មណ៍ជាងពេលជ្រូកផ្ទុះមានជំងឺគាត់នៅបន្តចិញ្ចឹមឡើងវិញ។ប៉ុន្តែនៅពេលទីផ្សារប៉ះពាល់ដោយសារការនាំចូលសាច់បង្កកនេះគាត់ហាក់ដូចបាក់សតិអារម្មណ៍គ្រប់គ្នាកសិករចិញ្ចឹមជ្រូកបានហើយម្តេចមិនជួយលើកស្ទួយផលិតផលក្នុងស្រុក។

លោកបន្តថា កាលពីមុនកសិដ្ឋានយើងមានមេជ្រូកចំនួន២០០មេ តែមកដល់សព្វថ្ងៃកាត់បន្ថយនៅសល់តែ១០០មេហើយនៅពេលខាងមុខនេះត្រៀមលក់ចេញ៥០មេទៀតដើម្បីយកលុយមកពង្រឹងជ្រូកសាច់នៅសល់ ខណៈដែលដើមទុនត្រៀមបម្រុងទុកកាលពីពេលមុនត្រូវបានចំណាយអស់។

លោក សួងវាសនាមានប្រសាសន៍ថាខ្ញុំចាប់ផ្តើមចិញ្ចឹមជ្រូកតំាងពីឆ្នាំ២០១៥រហូតមកដល់ពេលនេះបាន៨ឆ្នាំ ហើយបញ្ហាផ្សេងៗយើងធ្លាប់ឆ្លងកាត់អស់ហើយតំាងពីកត្តាតម្លៃជ្រូកចុះថោកនៅឆ្នាំ២០១៧និង២០១៨,បញ្ហាជំងឺក៏យើងបានឆ្លងកាត់ហើយដែរ។ប៉ុន្តែយើងមកបរាជ័យនៅពេលចុងក្រោយក្នុងឆ្នាំ២០២២ និងឆ្នាំ២០២៣នេះគឺបរាជ័យធំធេង ដោយសារវត្ថុធាតុដើមដូចជាកន្ទក់ធ្លាប់តែមួយគីឡូក្រាមថ្លៃ៧០០រៀលឥឡូវឡើងថ្លៃដល់១៣០០រៀល,ចំណីសម្រេចធ្លាប់តែមួយបេថ្លៃ៦ម៉ឺនរៀលបែរមកឡើង៩ម៉ឺនទៅ១០ម៉ឺនរៀល ដែលកាលពីមុនយើងចំណាយដើមទុនលើជ្រូកសាច់ក្នុងមួយក្បាលអស់ថ្លៃតែ៧០០០រៀលហើយអាចលក់ដោះដូរគ្នាបាន ប៉ុន្តែសព្វថ្ងៃនេះយើងចំណាយដើមទុនផលិតអស់៩៥០០រៀលតែដល់លក់ជ្រូកវិញបានតែ៧៥០០រៀលក្នុងមួយគីឡូក្រាម។

លោកសង្កត់ធ្ងន់ថា«តម្លៃជ្រូករស់នៅលើទីផ្សារអាក្រក់ជាងគេគឺនៅចុងឆ្នាំ២០២២និងដើមឆ្នាំ២០២៣ហើយមកដល់បច្ចុប្បន្ននេះហើយនៅតែបន្តអាក្រក់។ ក្នុងនាមខ្ញុំជាកសិករជំនួសមុខឱ្យកសិករចិញ្ចឹមជ្រូកទាំងអស់សូមឱ្យប្រមុខរាជរដ្ឋាភិបាលនិងក្រសួងពាក់ព័ន្ធទាំងអស់សូមឱ្យសិក្សាឬពិចារណាទាក់ទងនិងតម្លៃជ្រូករស់ ព្រោះកសិករកំពុងជួបវិបត្តិហិរញ្ញវត្ថុធ្ងន់ធ្ងរ»។

បើតាមកសិករចិញ្ចឹមជ្រូកនៅខេត្តកំពង់ឆ្នាំងរូបនេះបានឱ្យដឹងថា នៅកន្លងមកលោកបានចំណាយប្រាក់ទៅលើការទិញចំណីសម្រាប់ជ្រូកស៊ីក្នុងមួយអាទិត្យអស់ប្រាក់ប្រមាណ៣ពាន់ដុល្លារអាមរិកសម្រាប់ជ្រូកមេ១៥០ក្បាលនិងជ្រូកសាច់ប្រហែល៤០០ក្បាល៕ អត្ថបទ៖សារេត

The post លោក សួង វាសនា៖ បើតម្លៃជ្រូករស់លើទីផ្សារនៅតែថោកបែបនេះ ៣ខែទៀតកសិករប្រឈមនិងការដួលរំលំទាំងអស់ appeared first on .

នាឱកាសនោះ លោក ស៊ុន សុវណ្ណារិទ្ធិ អភិបាលខេត្តកំពង់ឆ្នាំង បានឱ្យដឹងថា អ្វីដែលជាគោលការណ៍សំខាន់របស់ខេត្តកំពង់ឆ្នាំង ក៏ដូចជាចក្ខុវិស័យជាចម្បង គឺចង់ពង្រឹងវារីវប្បកម្មកាន់តែខ្លាំង ដោយសារខេត្តកំពង់ឆ្នាំងជាខេត្តដែលនៅកណ្តាលគេ ដែលជាកម្លាំងស្នូល។ ដូច្នេះ ទស្សន ចក្ខុវិស័យរបស់ខេត្តគឺចង់ពង្រីងវារីវប្បកម្ម ដោយសារ ប្រជាជនអ្នកកំពង់ឆ្នាំងចិញ្ចឹមត្រីបានច្រើន ដែលមានប្រមាណ៨០០ ស្រះ និងបែរជាង ៧០០បែរ។ ដែលជាការចិញ្ចឹមផ្គត់ផ្គង់ទាំងក្នុងប្រទេស និងក្រៅប្រទេសផងដែរ រួមមាន ថៃ និងវៀតណាម។ លោក បន្តថា ខេត្តកំពង់ឆ្នាំងបានធ្វើការជាច្រើនឆ្នាំជាមួយភាគីមិត្តផងដែរ ដែលភាគីនោះនឹងធានាលើការបច្ចេកទេសភ្ញាស់កូនត្រី ដើម្បីលក់ឱ្យប្រជាពលរដ្ឋក្នុងតំបន់ផ្ទាល់ និងលក់នៅខេត្តជុំវិញបឹងទន្លេសាបបន្ថែមទៀត។

អភិបាលខេត្តកំពង់ឆ្នាំង បានលើកឡើងបន្តថា ខេត្តកំពង់ឆ្នាំងនឹងមានក្រុមហ៊ុនផលិតចំណីនៅទីកន្លែងផ្ទាល់ ដែលមានការទិញវត្ថុធាតុដើមពីប្រជាជនក្នុងតំបន់ និងខេត្តជិតបឹងទន្លេសាប ដើម្បីកែច្នៃលក់ជូនប្រជាពលរដ្ឋ។ ជាមួយគ្នានេះ ក៏មានក្រុមហ៊ុនទិញមកវិញ ដើម្បីកែច្នៃកសិផល សម្រាប់ការនាំចេញនៅក្រៅប្រទេសផងដែរ។

លើសពីនោះ អភិបាលខេត្តកំពង់ឆ្នាំង បានបញ្ជាក់ថា ថ្មីៗនេះ ផងដែរ រដ្ឋាភិបាលបានកាត់ឆ្កៀលដីប្រមាណជាង៣០០ហិកតា ឱ្យក្រសួងកសិកម្ម៦៧ ហិកតា និងរដ្ឋបាលខេត្តចំនួន២២២ហិកតា ដើម្បីទ្រទ្រង់វារីវប្បកម្ម។ លោក បានគូសបញ្ជាក់ថា «យើងនឹងយកទីតាំងនេះ ដើម្បីធ្វើជាមជ្ឈមណ្ឌលសម្រាប់វារីវប្បកម្មផង ក៏ដូចជាតំបន់ទេសចរណ៍ផង» ក្រៅពីនោះ នឹងពង្រីកធ្វើជាស្រែ ដើម្បីចិញ្ចឹមបង្កងសាកល្បង ក្រោយពេលប្រមូលផលស្រូវហើយ៕

The post ខេត្តកំពង់ឆ្នាំងមានចក្ខុវិស័យនឹងពង្រីកវារីវប្បកម្មឱ្យកាន់តែខ្លាំងថែមទៀត appeared first on .

The post កំពង់ឆ្នាំ​ងចាប់ផ្តើម​មុនគេ ពលរដ្ឋ​មក​លេង​ចូលឆ្នាំ ត្រូវ​ធ្វើ​ចត្តាឡីស័ក និង​តេស្តសំណាក appeared first on .