បើតាមការបញ្ជាក់ពី លោក ប៊ុន សម្បត្តិ នាយកទីចាត់ការអន្តរវិស័យ នៃរដ្ឋបាលសាលាខេត្ត បានឱ្យដឹងថា ខេត្តឈីងហៃ (Qinghai) ស្ថិតនៅភាគខាងលិចនៃប្រទេសចិន មានផ្ទៃដីធំទូលាយ ប៉ុន្តែមានប្រជាជនតិច ហើយកម្រិតអភិវឌ្ឍសេដ្ឋកិច្ចនៅមិនទាន់ខ្ពស់បើធៀបនឹងខេត្តភាគកណ្ដាល និងភាគខាងកើតរបស់ប្រទេស។នៅឆ្នាំ២០២៥ ផលិតផលក្នុងស្រុកសរុប (GDP) សម្រាប់មនុស្សម្នាក់របស់ខេត្តឈីងហៃ បានកើនដល់ ៦៩,៥០០ យ័ន (ស្មើនឹងប្រហែល ៩,៦៧០ ដុល្លារអាមេរិក)។

សេដ្ឋកិច្ចរបស់ខេត្តពឹងផ្អែកជាចម្បងលើវិស័យកសិកម្ម ការចិញ្ចឹមសត្វ ឧស្សាហកម្មប្រេងឥន្ធនៈ និងការធ្វើអាជីវកម្មរ៉ែ។ ដោយសារមានវាលស្មៅធម្មជាតិដ៏ធំល្វឹងល្វើយ វិស័យចិញ្ចឹមសត្វមានការអភិវឌ្ឍយ៉ាងល្អប្រសើរ។ ទន្ទឹមនឹងនេះ អណ្តូងប្រេង Qinghai និងអាងប្រេង Qaidam Basin ក៏ជាមូលដ្ឋានផលិតប្រេង និងឧស្ម័នធម្មជាតិដ៏សំខាន់មួយរបស់ប្រទេសចិនផងដែរ។

ក្រៅពីសក្តានុពលសេដ្ឋកិច្ច ឈីងហៃក៏សម្បូរទៅដោយធនធានទេសចរណ៍ធម្មជាតិផងដែរ។ ខេត្តនេះមាន តំបន់ការពារធម្មជាតិ Kekexili (Hoh Xil) និង តំបន់ប្រភពទន្លេទាំងបី (Sanjiangyuan) ដែលជាប្រភពកំណើតនៃ ទន្លេយ៉ង់សេ, ទន្លេលឿង និង ទន្លេឡានឆាង (Lancang River) ដែលហូរចូលប្រទេសកម្ពុជា និងបណ្តាប្រទេសអាស៊ីអាគ្នេយ៍ក្នុងនាមជា ទន្លេមេគង្គ។

The post ឯកឧត្តម វ៉ី សំណាង អភិបាលខេត្តតាកែវ បានដឹកនាំគណប្រតិភូជាន់ខ្ពស់នៃរដ្ឋបាលខេត្ត ធ្វើទស្សនកិច្ចនៅខេត្តឈីងហៃ (Qinghai) ប្រទេសចិន  appeared first on .

ក្រុមប្រឹក្សាអភិវឌ្ឍន៍កម្ពុជា នៅថ្ងៃទី១០ ខែសីហា ឆ្នាំ២០២៦ បានប្រកាសអបអរសាទរដល់ប្រជាពលរដ្ឋស្រុកគងពិសី ខេត្តកំពង់ស្ពឺ ដែលទទួលបានគម្រោងវិនិយោគបង្កើតរោងចក្រផលិត និងផ្គុំដំឡើងបរិក្ខារអគ្គិសនីបំភ្លឺ ក្នុងទំហំទុនវិនិយោគប្រមាណ ៥.៥លានដុល្លារ។ជាមួយគ្នានេះ ក្រុមប្រឹក្សាអភិវឌ្ឍន៍កម្ពុជា ក៏បានប្រកាសចូលរួមអបអរសាទរដល់ប្រជាពលរដ្ឋស្រុកបាទី ខេត្តតាកែវផងដែរ  ដែលទទួលបានគម្រោងវិនិយោគបង្កើតរោងចក្រផលិតរទេះលើកដាក់ឥវ៉ាន់ ក្នុងទំហំទុនវិនិយោគប្រមាណ ៦លានដុល្លារអាម៉េរិក និងអាចបង្កើតការងារបានចំនួន២១២កន្លែង។

សូមជម្រាបដែរថា ក្នុងរយៈពេល៦ខែដើមឆ្នាំ២០២៦ កម្ពុជាបានអនុម័តគម្រោងវិនិយោគសរុបចំនួន ២៧៦គម្រោង ក្នុងទំហំទុនវិនិយោគប្រមាណ ៤,៧ប៊ីលានដុល្លារអាម៉េរិក ដែលអាចបង្កើតការងារថ្មីជូនប្រជាពលរដ្ឋជាង ១៦ម៉ឺនកន្លែង តាមរយៈការចុះបញ្ជីរបស់ ក្រុមប្រឹក្សាអភិវឌ្ឍន៍កម្ពុជា (CDC) និងអនុគណៈកម្មាធិការវិនិយោគរាជធានី-ខេត្ត៕ អត្ថបទ​៖ ហ្សាលីន

The post ខេត្តកំពង់ស្ពឺ និងខេត្តតាកែវ ទទួលបានគម្រោងរោងចក្រថ្មី តម្លៃជាង១១ លានដុល្លារអាមេរិក appeared first on .

ក្នុងនោះដែរ តាមគម្រោងដែលបានបង្ហើបឱ្យដឹង ក្រុមហ៊ុនទាំង ៣៥ នេះ គ្រោងនឹងបណ្តាក់ទុនវិនិយោគសរុប​ប្រមាណ ១ពាន់លានដុល្លារអាមេរិក ក្នុងជំហានបន្តបន្ទាប់ ដើម្បីបង្កើតរោងចក្រ និងសហគ្រាសលើវិស័យ​គន្លឹះ​សំខាន់ៗមួយចំនួន រួមមាន វិស័យកសិកម្ម និងកសិ-ឧស្សាហកម្ម, វិស័យបច្ចេកវិទ្យា, ការផលិតគ្រឿងបង្គំអេឡិច​ត្រូនិក និងការផលិតគ្រឿងបរិក្ខារអគ្គិសនីគ្រប់ប្រភេទ។

ក្នុងជំនួបនាឱកាសនោះដែរ ឯកឧត្តម វ៉ី សំណាង បានសម្តែងនូវការគាំទ្រយ៉ាងពេញទំហឹង និងបានបញ្ជាក់ថា រដ្ឋបាលខេត្តត្រៀមខ្លួនជានិច្ចក្នុងការសម្របសម្រួល និងបង្កលក្ខណៈងាយស្រួលគ្រប់បែបយ៉ាង​ដល់គ្រប់បណ្តា​វិនិយោគិន ដែលមានបំណងមកបណ្តាក់ទុននៅក្នុងខេត្តតាកែវ ស្របតាមច្បាប់ស្តីពីវិនិយោគរបស់ព្រះរាជាណា ចក្រកម្ពុជា។

តាមរយៈគម្រោងវិនិយោគដ៏ធំសម្បើមនេះ ត្រូវបានរំពឹងថានឹងរួមចំណែកយ៉ាងសំខាន់ ក្នុងការលើក កម្ពស់សមត្ថភាព​ផលិតកម្មក្នុងខេត្ត, បង្កើតឱកាសការងារថ្មីៗរាប់ម៉ឺនកន្លែងជូនដល់បងប្អូនប្រជាពលរដ្ឋ, បង្កើនប្រាក់ចំណូលគ្រួសារ, ព្រមទាំងជំរុញការផ្ទេរបច្ចេកវិទ្យាទំនើបៗ និងការអភិវឌ្ឍជំនាញធនធាន មនុស្ស ឱ្យកាន់តែដើរទាន់តម្រូវការទីផ្សារការងារបច្ចុប្បន្ន ស្របតាមទិសដៅអភិវឌ្ឍសេដ្ឋកិច្ចរបស់រាជរដ្ឋាភិបាលកម្ពុជា។

សូមជម្រាបជូនថា ការអញ្ជើញមកសិក្សាផ្ទាល់របស់ក្រុមវិនិយោគិនចិននាពេលនេះ មិនត្រឹមតែបង្ហាញពីឱកាស​មាស​របស់​ខេត្តតាកែវប៉ុណ្ណោះទេ ប៉ុន្តែវាក៏បានឆ្លុះបញ្ចាំងឱ្យឃើញកាន់តែច្បាស់ពីការកើន ឡើងនៃទំនុកចិត្តរបស់​វិនិយោគិន​បរទេស ចំពោះស្ថិរភាពនយោបាយ ព្រមទាំងការរីកចម្រើននៃប្រព័ន្ធហេដ្ឋារចនាសម្ព័ន្ធតភ្ជាប់ កសិកម្ម និងឧស្សា ហកម្មរបស់ខេត្តតាកែវ នាពេលបច្ចុប្បន្ន និងទៅអនាគតថែមទៀតផងដែរ៕

The post ខេត្តតាកែវ កំពុងបន្តបង្ហាញសក្តានុពលត្រៀមទទួលក្រុមហ៊ុនចំនួន ៣៥ របស់ខេត្តចឺជាំង ប្រទេសចិន ក្រោមទុន​វិនិយោគប្រមាណ ១ពាន់លានដុល្លារ appeared first on .

ឯកឧត្តម វ៉ី សំណាង អភិបាលខេត្តតាកែវ បានឱ្យដឹងថា នាថ្ងៃទី១២ ខែមិថុនា ឆ្នាំ២០២៦ លោកបានដឹកនាំគណៈ​ប្រតិភូ​ដែលរួមមាន មន្ទីរ អង្គភាពពាក់ព័ន្ធ ព្រមទាំងអាជ្ញាធរដែនដីស្រុកសំរោង ចុះពិនិត្យសកម្មភាព និងសួរសុខ​ទុក្ខក្មួយៗដែលជាកម្មករ-កម្មការិនី កំពុងបំពេញការងារក្នុងរោងចក្រផលិតកាបូប របស់ក្រុមហ៊ុន KB Cambodia ស្ថិតក្នុងភូមិសាស្ត្រ ស្រុកសំរោង ខេត្តតាកែវ។

ឯកឧត្តមអភិបាលខេត្ត បានគូសបញ្ជាក់ទៀតថា បច្ចុប្បន្នរោងចក្រមានកម្មករចំនួន ៥០០នាក់ កំពុងបំពេញការងារ​នៅទីនោះ។ រោងចក្រមានបំណងពង្រីក ៤ អគារ ដែលអាចផ្ដល់ឱកាសការងារបន្ថែមចំនួន ២,០០០នាក់។ អាស្រ័យ​ដូចបានជម្រាបជូនខាងលើ សូមបងប្អូនដែលត្រូវការការងារ សូមអញ្ជើញមកទាក់ទងនៅមន្ទីរការងារ​ខេត្តតាកែវ ដើម្បីទទួលបាននូវឱកាសការងាររបស់ខ្លួន៕

The post រោងចក្រផលិតកាបូប KB Cambodia នៅខេត្តតាកែវ គ្រោងពង្រីកដល់ ៤អគារ ផ្តល់ឱកាសការងារបន្ថែម ២,០០០នាក់ appeared first on .

លោក វ៉ី សំណាង អភិបាល នៃគណៈអភិបាលខេត្តតាកែវ បានឱ្យដឹងថា បានដឹកនាំគណៈប្រតិភូជាន់ខ្ពស់របស់រដ្ឋបាលខេត្តតាកែវ អញ្ជើញចាកចេញពីប្រទេសកម្ពុជា ដើម្បីទៅបំពេញទស្សនកិច្ចផ្លូវការនៅក្រុមហ៊ុន Hehuitarg Nature Agricultural Industry Co., Ltd នាខេត្ត ហឺណាន សាធារណរដ្ឋប្រជាមានិតចិន។

លោកបន្តថា ដំណើរទស្សនកិច្ចការងារនេះ នឹងប្រព្រឹត្តទៅក្នុងរយៈពេល ៥ថ្ងៃ ចាប់ពីថ្ងៃទី២១ ដល់ថ្ងៃទី២៥ ខែឧសភា ឆ្នាំ២០២៦ ក្នុងគោលបំណងយ៉ាងសំខាន់ក្នុងការរឹតចំណងមិត្តភាព បង្កើនការយល់ដឹងពីគ្នាទៅវិញទៅមក ព្រមទាំងសិក្សាស្វែងយល់ និងស្វែងរកឱកាសដែលមានសក្តានុពលខ្ពស់ ក្នុងការបង្កើតកិច្ចសហប្រតិបត្តិការនានាលើ វិស័យកសិកម្ម ការចិញ្ចឹមសត្វ និងការអភិវឌ្ឍប្រកបដោយចីរភាព រវាងខេត្តតាកែវ និងដៃគូវិនិយោគនៅក្នុងប្រទេសចិន។

តាមរយៈដំណើរទស្សនកិច្ចនេះ រដ្ឋបាលខេត្តតាកែវ រំពឹងថានឹងអាចទាក់ទាញបាន នូវការវិនិយោគថ្មីៗ បច្ចេកវិទ្យាកសិកម្មទំនើបៗ និងការចែករំលែកបទពិសោធន៍ល្អៗពីក្រុមហ៊ុនលំដាប់ធំៗរបស់ចិន ដើម្បីយកមកជំរុញ និងអភិវឌ្ឍវិស័យកសិកម្ម និងការចិញ្ចឹមសត្វនៅក្នុងខេត្តតាកែវ ឱ្យកាន់តែមានការរីកចម្រើន ធានាបាននូវសន្តិសុខស្បៀង និងបង្កើតឱកាសការងារបន្ថែម ជូនប្រជាពលរដ្ឋមូលដ្ឋាន ស្របតាមគោលនយោបាយអភិវឌ្ឍន៍ប្រកបដោយចីរភាពរបស់រាជរដ្ឋាភិបាលកម្ពុជា៕អត្ថបទ៖ហ្សាលីន

The post រដ្ឋបាលខេត្តតាកែវ រំពឹងថា នឹងអាចទាក់ទាញបាននូវការវិនិយោគថ្មីៗពីក្រុមហ៊ុនលំដាប់ធំៗរបស់ចិន appeared first on .

ពិធីសំណេះសំណាលនេះ មានការអញ្ជើញចូលរួមពីសមាជិកព្រឹទ្ធសភា រដ្ឋសភា ប្រធាន អនុប្រធានក្រុមការងារថ្នាក់ជាតិចុះជួយខេត្តតាកែវ សមាជិកក្រុមប្រឹក្សាខេត្ត ក្រុង ស្រុក ឃុំ សង្កាត់ ព្រមទាំងថ្នាក់ដឹកនាំមន្ទីរ អង្គភាពនានាជុំវិញខេត្តតាកែវ សរុប ១,២១៥នាក់។

ពិធីសំណេះសំណាលជាមួយក្រុមប្រឹក្សាខេត្ត ក្រុង ស្រុក ឃុំ សង្កាត់ និងថ្នាក់ដឹកនាំមន្ទីរ អង្គភាពនានានេះ គឺពង្រឹងគណនេយ្យភាពរវាងព្រឹទ្ធសភា ជាមួយនឹងអាជ្ញាធរពាក់ព័ន្ធ សមាជិក សមាជិកាក្រុមប្រឹក្សាខេត្ត ក្រុង ស្រុក ឃុំ សង្កាត់ ដែលជាអង្គបោះឆ្នោត ដើម្បីផ្សារភ្ជាប់ទំនាក់ទំនងឱ្យកាន់តែជិតស្និតជាមួយអាជ្ញាធរមូលដ្ឋាន និងជំរុញការងារមូលដ្ឋានឱ្យកាន់តែមានប្រសិទ្ធភាព។

លើសពីសកម្មភាពចុះសំណេះសំណាលពីសំណាក់សម្តេចតេជោ ក៏ជាក្រើនរំលឹកដល់មន្រ្តីឱ្យបង្កើនការយកចិត្តទុកដាក់លើភារកិច្ចជាដែនសមត្ថកិច្ចរបស់ខ្លួន និងការផ្តល់សេវាសាធារណៈជូនប្រជាពលរដ្ឋឱ្យកាន់តែល្អប្រសើរ និងការដោះស្រាយបញ្ហាទាំងឡាយ ដែលជាក្តីកង្វល់របស់ប្រជាពលរដ្ឋនៅមូលដ្ឋានឱ្យមានប្រសិទ្ធភាព និងទាន់ពេលវេលាជាដើម៕ អត្ថបទ៖ហ្សាលីន

The post សម្តេចតេជោ ចុះជួបសំណេះសំណាលនៅខេត្តតាកែវ ដើម្បីជំរុញការងារមូលដ្ឋានឱ្យកាន់តែមានប្រសិទ្ធភាព appeared first on .

តាមរយៈអនុក្រឹត្យលេខ ៣៣៧ អនក្រ.តត ចុះថ្ងៃទី១៧ ខែមេសា ឆ្នាំ២០២៦ បានសម្រេចផ្ទេរភារកិច្ចមន្ត្រីរាជការ​ចំនួន ៤រូប នៅខេត្តតាកែវ ដូចមានរាយនាមខាងក្រោម៖

១.លោក កង អាណាន់ ឋានន្តរសក្ដិឧត្តមមន្រ្តី ថ្នាក់លេខ៤ ពីអភិបាលនៃគណៈអភិបាលក្រុងដូនកែវ ឱ្យកាន់មុខ​តំណែងជាអភិបាលនៃគណៈអភិបាលស្រុកអង្គរបូរី

២.លោក ឌឹម គឹមសាន ឋានន្តរសក្ដិឧត្តមមន្ត្រី ថ្នាក់លេខ៦ ពីអភិបាលនៃគណៈអភិបាលស្រុកព្រៃកប្បាស ឱ្យកាន់​មុខតំណែងជាអភិបាលនៃគណៈអភិបាលក្រុងដូនកែវ

៣.លោក គិន ភក្តី ឋានន្តរសក្ដិឧត្តមមន្ត្រី ថ្នាក់លេខ៦ ពីអភិបាលនៃគណៈអភិបាលស្រុកកោះអណ្តែត ឱ្យកាន់​មុខតំណែងជាអភិបាលនៃគណៈអភិបាលស្រុកព្រៃកប្បាស

៤.លោក ភួន ឈីម ឋានន្តរសក្ដិឧត្តមមន្ត្រី ថ្នាក់លេខ៦ ពីអភិបាលនៃគណៈអភិបាលស្រុកបាទី ឱ្យកាន់មុខ​តំណែងជាអភិបាលនៃគណៈអភិបាលស្រុកកោះអណ្តែត។

ជាមួយគ្នានេះដែរ អនុក្រឹត្យដដែលនេះ ក៏បានសម្រេចតែងតាំង លោក សាយ វណ្ណៈ ឋានន្តរសក្តិវរមន្ត្រី ថ្នាក់លេខ១ ឱ្យកាន់មុខតំណែងជា អភិបាលនៃគណៈអភិបាលស្រុកបាទី ខេត្តតាកែវ៕

The post សម្តេចធិបតី ហ៊ុន ម៉ាណែត ចេញអនុក្រឹត្យផ្ទេរភារកិច្ច និងតែងតាំងអភិបាលក្រុង ស្រុក ចំនួន ៥រូប នៅខេត្តតាកែវ appeared first on .

បើយោងតាមរបាយការណ៍ របស់មន្ទីរទេសចរណ៍ខេត្តតាកែវ បានឲ្យដឹងតាមរយៈក្រសួងព័ត៌មានថា ស្ថិតិភ្ញៀវទេសចរក្នុងរយៈពេល ៣ថ្ងៃ ក្នុងឱកាសពិធីបុណ្យចូលឆ្នាំប្រពៃណីជាតិខ្មែរ សម្រាប់ថ្ងៃទី១៤ ខេត្តតាកែវទទួលបានភ្ញៀវទេសចរណ៍ជាង ១៦ ម៉ឺននាក់ ថ្ងៃទី១៥ ទទួលបានភ្ញៀវទេសចរណ៍ឈាម ២០ម៉ឺននាក់ និងថ្ងៃទី១៦ ទទួលបានភ្ញៀវទេសចរណ៍ជាង ៤០ម៉ឺននាក់។

ដោយសរុបទាំង ៣ថ្ងៃ ពីថ្ងៃទី ១៤ដល់ថ្ងៃទី ១៦ខែមេសា ឆ្នាំ ២០២៦ ខេត្តតាកែវ ទទួលបានភ្ញៀវទេសចរណ៍សរុបចំនួន ៩០៨៨២៤ នាក់ ដោយក្នុងនោះភ្ញៀវទេសចរណ៍បរទេសមានចំនួន ៧៣១៦នាក់ ផងដែរ។

គូបញ្ជាក់ផងដែរថា សម្រាប់រយៈពេលថ្ងៃកន្លងមកនេះ អាជ្ញាធរខេត្តតាកែវ បានរៀបចំកម្មវិធីសង្ក្រាន្តតាកែវ ដោយលេងល្បែងកំសាន្តជាច្រើននៅតាមរមណីយដ្ឋានទេសចរនានា និងនៅតាមវត្តអារាម ដោយឡែកសម្រាប់ក្រុងដូនកែវ រដ្ឋបាលខេត្តតាកែវ បានរៀបចំកន្លែងកំសាន្តសប្បាយនៅសួនច្បារមាត់បឹងតាកែវ ដោយមានការរៀបចំកន្លែងសម្រាប់លេងល្បែងកំសាន្ត ល្បែងប្រជាប្រិយនិងល្បែងទាញព្រាត់យក្សប្រវែង ៨០ ម៉ែត្រ ជាដើម។

The post ខេត្តតាកែវ ទទួលភ្ញៀវទេសចរណ៍ជាតិ និងអន្តរជាតិ ជាង ៩០ម៉ឺននាក់ ក្នុងឱកាសបុណ្យចូលឆ្នាំ៣ថ្ងៃ appeared first on .

ក្នុងកិច្ចប្រជុំគណៈកម្មាធិការគ្រប់គ្រងដីរដ្ឋថ្នាក់ខេត្ត ឯកឧត្តម វ៉ី សំណាង ក៏បានណែនាំ អភិបាលក្រុង-ស្រុកទាំងអស់ត្រូវខិតខំ ធ្វើយ៉ាងណា ចុះបញ្ជីដីរដ្ឋដែលនៅសេសសល់ឱ្យបានសព្វគ្រប់ ដើម្បីរក្សាទុកជាសម្បត្តិសាធារណៈ សម្រាប់បម្រើប្រយោជន៍ប្រជាពលរដ្ឋ។

ឯកឧត្តមអភិបាលខេត្ត បានបញ្ជាក់ថា ត្រូវលុបបំបាត់ឲ្យបាននូវការទន្ទ្រានកាន់កាប់ដីរដ្ឋដោយអនាធិបតេយ្យ និងត្រូវទប់ស្កាត់ដាច់ខាតការរំលោភយកដីចំណីផ្លូវ ប្រឡាយ ព្រែក អូរ និងបឹងបួរ ដែលជាមូលហេតុបង្កឱ្យស្ទះចរន្តទឹកហូរ និងនាំឱ្យមាន ការជន់លិចលំនៅឋាន ឬដីស្រែចម្ការរបស់ពលរដ្ឋ។

ក្រៅពីបញ្ហាដីធ្លី ឯកឧត្តម ក៏បានណែនាំដល់អាជ្ញាធរមូលដ្ឋាន ឱ្យបង្កើនប្រសិទ្ធភាពក្នុងការដោះស្រាយទំនាស់ជូនប្រជាពលរដ្ឋតាមរយៈយន្តការ ក្រៅប្រព័ន្ធតុលាការ ដើម្បីបង្កភាពងាយស្រួល និងរក្សាសុខដុមរមនាក្នុងសហគមន៍។

ពាក់ព័ន្ធនឹងការអភិវឌ្ឍទីក្រុង ឯកឧត្តម អភិបាល ក៏បានជំរុញឱ្យមន្ទីរជំនាញ និងរដ្ឋបាលក្រុងដូនកែវ សហការគ្នាស្វែងរកដំណោះស្រាយ និងសិក្សាលើការរៀបចំប្លង់កែលម្អហេដ្ឋារចនាសម្ព័ន្ធនានា។ ការកែលម្អនេះមិនត្រឹមតែដើម្បីសម្រស់ទីក្រុងប៉ុណ្ណោះទេ ប៉ុន្តែគឺជាយុទ្ធសាស្ត្រដ៏សំខាន់ក្នុងការទាក់ទាញភ្ញៀវទេសចរជាតិ និងអន្តរជាតិឱ្យមកកម្សាន្តក្នុងខេត្ត តាកែវកាន់តែច្រើនឡើង៕

The post អភិបាលខេត្តតាកែវ បញ្ជាឱ្យរដ្ឋបាលក្រុង-ស្រុក ពន្លឿនការចុះបញ្ជីដីរដ្ឋ និងកែលម្អ ក្រុងដូនកែវ ឱ្យកាន់តែមានភាពទាក់ទាញ appeared first on .

យោងតាមក្រសួងការងារបានឱ្យដឹងថា គិតត្រឹមថ្ងៃទី២១ ខែមីនា ឆ្នាំ២០២៦នេះ ខេត្តតាកែវ មានឱកាសការងារចំនួន ៨,០៨៣កន្លែង កំពុងរង់ចាំបងប្អូនអតីតពលករត្រឡប់មកពីប្រទេសថៃ និងអ្នកកំពុងស្វែងរកការងារធ្វើ។ ឱកាសការងារទាំងនោះស្ថិតក្នុងវិស័យឧស្សាហកម្ម និងសេវាកម្ម។

ដើម្បីទទួលបានឱកាសការងារទាំងនោះ បងប្អូនអតីតពលករដែលត្រឡប់មកកម្ពុជាវិញ និងអ្នកកំពុងស្វែងរកការងារធ្វើ អាចស្វែងរកលេខទំនាក់ទំនង ឈ្មោះរោងចក្រ និងវិស័យដែលខ្លួនពេញចិត្តបានតាមរយៈខិតបណ្ណការងាររបស់ក្រសួងដែលបានផ្សព្វផ្សាយយ៉ាងលម្អិត។

ជាមួយគ្នានេះ ក្រៅពីទំនាក់ទំនងផ្ទាល់ជាមួយក្រុមហ៊ុន រោងចក្រ សហគ្រាស អ្នកស្វែងរកការងារទាំងអស់ ជាពិសេសបងប្អូនអតីតពលករ ក៏អាចទាក់ទងមកប្រព័ន្ធទំនាក់ទំនងបន្ទាន់ ១២៩៧ ដើម្បីឱ្យក្រសួងការងារជួយសម្របសម្រួលស្វែងរកការងារជូនផងដែរ៕

The post ខេត្តតាកែវមានឱកាសការងារជាង ៨ពាន់កន្លែង ជូនបងប្អូនអតីតពលករដែលវិលត្រឡប់មកកម្ពុជាវិញ appeared first on .