លើទំព័រហ្វេសប៊ុកផ្ទាល់ខ្លួន សម្តេចធិបតី ហ៊ុន ម៉ាណែត  បានស៊ែវីដេអូបទចម្រៀង (Share) ច្រៀងដោយឧកញ៉ា ខេមរៈ សិរីមន្ដ នឹងបានភ្ជាប់ជាមួយសារអរគុណយ៉ាងដូច្នេះថា៖ «អរគុណប្អូនៗសម្រាប់ចម្រៀងដ៏ពិរោះ និងមានអត្ថន័យមួយបទនេះ»។

ជាមួយគ្នានេះ គណនីហ្វេសប៊ុកផ្ទាល់ខ្លួនរបស់ស្រ្តីទី១កម្ពុជា គឺលោកជំទាវបណ្ឌិត ពេជ ចន្ទមុនី ក៏បាន Share Video បទចម្រៀងបកស្រាយជូនដោយឧកញ៉ា ខេមរៈ សិរីមន្ដ មួយបទនេះជាមួយនឹងសញ្ញារូបបេះដូងផងដែរ។

បើតាមបណ្តាញសង្គមតេឡេក្រាម អ្នកឧកញ៉ា ឡេង ណាវ៉ាត្រា ម្ចាស់ផលិតកម្ម Galaxy Navatra បានឱ្យដឹងថា ឧកញ៉ា ខេមរៈ សិរីមន្ត បានបកស្រាយចម្រៀងមួយបទ ដែលនិពន្ធដោយលោក ខេមរៈ ភារុណ ជាពិសេស ជូនដល់សម្ដេចធិបតី ហ៊ុន ម៉ាណែត និងលោកជំទាវបណ្ឌិត ក្នុងឱកាសអបអរសាទរ ខួបទី៤៥ ទិវាជ័យជម្នះ ៧មករា (៧ មករា ១៩៧៩ – ៧ មករា ២០២៤) និងជាថ្ងៃខួបអាពាហ៍ពិពាហ៍១៨ឆ្នាំ របស់សម្តេចធិបតី និងលោកជំទាវបណ្ឌិត។

ក្នុងថ្ងៃដ៏វិសេសវិសាលនេះដែរ នៅព្រឹកព្រលឹមស្រាងៗ ថ្ងៃ៧មករា សម្តេចធិបតី ហ៊ុន ម៉ាណែត បានបង្ហោះរូបភាពថ្ងៃរៀបអាពាហ៍ពិពាហ៍ចំនួនពីរសន្លឹក ហើយភ្ជាប់ជាមួយសារថ្លែងអំណរគុណលោកជំទាវបណ្ឌិត បែបនេះថា៖ «ខួប ១៨ឆ្នាំ នៃជីវិតអាពាហ៍ពិពាហ៍បានកន្លងផុតទៅយ៉ាងលឿន។ សូមអរគុណភរិយាជាទីស្រឡាញ់ចំពោះ ១៨ឆ្នាំ ដែលពោរពេញទៅដោយសេចក្តីស្រឡាញ់ សុភមង្គល និងភាពកក់ក្តៅនៅក្នុងគ្រួសារតូចមួយរបស់យើង។  រីករាយខួប ១៨ឆ្នាំ នៃចំណងអាពាហ៍ពិពាហ៍របស់យើង (៧ មករា ២០០៦ – ៧ មករា ២០២៤)»៕

សូមទស្សនាវីដេអូបទចម្រៀងខាង៖

The post សម្តេចធិបតី ហ៊ុន ម៉ាណែត អរគុណឧកញ៉ា ខេមរៈ សិរីមន្ដ ដែលបកស្រាយបទចម្រៀងជូនក្នុងថ្ងៃខួបអាពាហ៍ពិពាហ៍ ១៨ឆ្នាំ appeared first on .

គ្រាន់តែចេញ MV ចម្រៀង «ផ្ញើការបារម្ភតាម Messenger» ភ្លាម តារាចម្រៀង ខេមរៈ សិរីមន្ត បានផ្តាំផ្ញើទៅកាន់អ្នកគាំទ្ររបស់លោកថា «សូមពុកម៉ែបងប្អូនអ្នកគាំទ្រ ជួយផ្តល់ជាមតិយោបល់ ដើម្បីខ្ញុំអាចកែតម្រូវនៅវីដេអូចម្រៀងបន្ទាប់របស់ខ្ញុំផង សូមអរគុណពុកម៉ែបងប្អូនទាំងអស់គ្នាដែលគាំទ្រខ្ញុំបាទ ខេមរៈ សិរីមន្ត រហូតមក» ។

ក្នុងMV ចម្រៀង « ផ្ញើការបារម្ភតាម Messenger » របស់កំពូលតារាចម្រៀង ខេមរៈ សិរីមន្ត មើលទៅពិតជាត្រជាក់ភ្នែកជាមួយនិង ការសម្តែង ការថត និងការកាត់តរបស់ក្រុមការងារនៅក្នុងផលិតកម្ម Galaxy Navatra រហូតទទួលបានការសរសើរយ៉ាងច្រើនពីសំណាក់ទស្សនិកជន សូម្បីតែសាច់រឿងនៅក្នង MV ចម្រៀងនេះក៏មានការខុសប្លែកពីមុនៗដែរ ។ ភាពខុសប្លែកក្នុង MV ចម្រៀងនេះ ត្រូវបានគេដឹងថា ជាស្នាដៃដឹកនាំសម្តែងដោយលោក ខេមរៈ សិរីមន្ត ផ្ទាល់តែម្តង ។  

តារាចម្រៀង ខេមរៈ សិរីមន្ត មិនត្រឹមតែជាតារាចម្រៀងល្បីឈ្មោះដែលមានទឹកដមសម្លេងល្អប៉ុណ្ណោះទេ លោកថែមទាំងជាអ្នកដឹកនាំសម្តែងផ្ទាល់នៅក្នុង MV ចម្រៀង « ផ្ញើការបារម្ភតាម Messenger » ផងដែរ ដែលធ្វើឱ្យ MV ចម្រៀងនេះកាន់តែផ្ទុះ និងមានការទាក់ទាញខ្លាំង ។ តោះទៅទស្សនា MV ចម្រៀងថ្មីរបស់ Idol ខេមរៈ សិរីមន្ត ទាំងអស់គ្នា៕

The post ឧកញ៉ា ខេមរៈ សិរីមន្ត មិនត្រឹមតែច្រៀងពិរោះប៉ុណ្ណោះទេ ថែមទាំងមានស្នាដៃដឹកនាំសម្តែង MV ចម្រៀងថ្មីបានយ៉ាងល្អ! appeared first on .

កម្មវិធីកម្សាន្ត Galaxy Indoor នេះនឹងមានវត្តមានអាយដល់កំពូលតារាចម្រៀងប្រចាំប្រទេសកម្ពុជា គឺ ឧកញ៉ា ខេមរៈ សិរីមន្ត ដែលនឹងមានវត្តមាននាំយកមកនូវភាពរំជើបរំជួលកក្រើកសម្រាប់អ្នកដែលមកកម្សាន្តនៅក្លឹប EPIC 2 នារាត្រីថ្ងៃស្អែក។

យប់ថ្ងៃសុក្រទី17 ស្អែកនេះ កុំភ្លេចមកចូលរួមកម្សាន្តសប្បាយ និងរាំទយៗជាមួយIdolយើងទាំងអស់គ្នា!

The post កក់តុកឲ្យហើយទៅ! យប់ថ្ងៃស្អែកទី១៧ឧកញ៉ាម្ចាស់បទរាំទយ ដែលនឹងអង្រួនកក្រើកក្លឹប EPIC2 appeared first on .

កាលពី​ថ្ងៃទី​០៤ ខែ​ធ្នូ ឆ្នាំ​២០២២​ លោក​ឧកញ៉ា ខេមរៈ សិរីមន្ត ​​បាន​ប្រកាស​លើ​បណ្តាញ​សង្គម​ហ្វេសប៊ុក​របស់​លោក​ថា លោក​នឹង​​ត្រឡប់​មក​ចូល​រួម​ការ​ប្រគុំ​តន្ត្រី​​ឱ្យ​សកម្ម​ដូច​មុន​វិញ។ សារ​នេះ បាន​ធ្វើ​ឱ្យ​អ្នកគាំទ្រ​របស់​លោក​ជា​ច្រើន បង្ហាញ​អារម្មណ៍​សប្បាយ​រីករាយ​យ៉ាង​ខ្លាំង និង​​សង្ឃឹម​ថា លោក​ឧកញ៉ា ​​នឹង​បន្ត​​​​បញ្ចេញ​សំនៀង​​លើ​ឆាក​តន្ត្រី​ធំៗ​ ព្រម​ទាំង​ចេញ​នូវ​បទ​ចម្រៀង​ថ្មីៗ​បន្ថែម​ទៀត។

តប​តាម​ការ​អញ្ជើញ ​តារា​ចម្រៀង ខេមរៈ សិរីមន្ត ​​នឹង​ចូល​រួម​ច្រៀង​នៅ​ក្នុង​​​​ក្លិប​កម្សាន្ត​ Taxi Pub ក្រុង​ព្រះសីហនុ នៅ​រាត្រី ថ្ងៃទី០៨ ខែធ្នូ​ ឆ្នាំ២០២២។ លើស​ពី​នេះ លោក​ឧកញ៉ា សិរីមន្ត និង​តារាចម្រៀងល្បីៗជាច្រើនរូប​ទៀត នឹង​សម្តែង​លើ​ឆាក​តន្ត្រី​ Anchor ក្នុងព្រឹត្តិការណ៍ប្រគុំតន្ត្រីបុណ្យសមុទ្រដ៏កក្រើក រយៈពេលបីថ្ងៃពេញ ពីថ្ងៃទី៩-១១ ខែធ្នូ នៅក្រោយឆ្នេរអារីស្តុន ក្រុងព្រះសីហនុ អមដោយកម្មវិធីសប្បាយៗ និង​ការសម្ដែងសិល្បៈពិសេស​ជា​ច្រើន​ទៀត។

គួរ​បញ្ជាក់ដែរថា ​តារាចម្រៀង ខេមរៈ សិរីមន្ត ទទួល​បាន​ភាព​​ជោគជ័យ​លើ​ការងារ​សិល្បៈ​​ រយៈពេល​ជិត​២​ទសវត្ស​​មក​ហើយ​​ តាំង​ពី​លោក​ចេញ​បទ​ដំបូងៗ​ដូចជា​បទ “ព្រលឹតបាតបឹង” និងបទ​ “អន្ទងស្នេហ៍” ជាដើម ប៉ុន្តែ​​រយ​:​ពេល​ប៉ុន្មាន​ឆ្នាំ​ចុង​ក្រោយនេះ ​លោក​ក៏បាន​ងាក​មក​ចាប់​ជំនួញ​ថ្មី​មួយទៀត​ គឺ​លើ​វិស័យ​អចលន​ទ្រព្យ ដោយបាន​ធ្វើការ​អភិវឌ្ឍន៍​ជា​ផ្ទះ​និង​ដី​ឡូ​តិ៍​នៅ​តំបន់​មួយចំនួន ​ជាពិសេស​ក្នុង​ខេត្ត​បន្ទាយ​មាន​ជ័យ​ និងខេត្តសៀមរាប ដែល​ធ្វើ​ឱ្យ​​លោក​ឃ្លាត​ឆ្ងាយ​ពី​ការងារ​សិល្បៈ​មួយ​រយៈ៕

The post ឧកញ៉ា ខេមរៈ សិរីមន្ត ត្រៀមច្រៀង២កម្មវិធីនៅខេត្តព្រះសីហនុ ក្រោយប្រកាសឡើងឆាកដូចដើមវិញ appeared first on .

លោក ទិត្យ ពៅវិសាល គឺជាអតីតសិស្សវិទ្យាល័យ ឌីប៉ុកក្តីល្វា ភូមិធ្លក ឃុំត្រពាំងគង ស្រុកគងពិសី ខេត្តកំពង់ស្ពឺ និងត្រូវជាប្អូនថ្លៃឧកញ៉ា ខេមរៈ សិរីមន្ត គឺលោកស្រី ខែម ស្រីពេជ្រ ជាភ្នាក់ងារអចលនទ្រព្យមួយរូបផងដែរ។ នេះបើតាមប្រភព ប្រាប់សារព័ត៌មានឧកញ៉ាញូស៍។

សូមជម្រាបជូនដែរ ក្រុមហ៊ុន ឧកញ៉ា ខេមរៈ សិរីមន្ត ទើបចាប់ផ្តើមដំណើរការអាជីវកម្មប៉ុណ្ណោះ ប៉ុន្តែបើមើលសកម្មភាពវិនិយោគ និងសន្ទុះគាំទ្រ ឃើញថាកំពុងបោះជំហានទៅរកភាពជោគជ័យតាមផែនការដែលបានកំណត់ទុកក្នុងចក្ខុវិស័យ៕

The post ឧកញ៉ា សិរីមន្ត សម្រេចផ្តល់ដំណែងថ្មីឲ្យប្អូនថ្លៃកាន់តួនាទីអ្នកគ្រប់គ្រងទូទៅក្រុមហ៊ុនអចលនទ្រព្យ appeared first on .

ឧកញ៉ា ខេមរៈ សិរីមន្ដ ថ្លែងនាព្រឹកថ្ងៃទី២០ កុម្ភៈនេះតាមរយៈទំព័រហ្វេសប៊ុកផ្ទាល់ខ្លួនបានលើកឡើងយ៉ាងដូច្នេះថា៖ “ខ្ញុំបាទសង្ឃឹមថាបន្ទាប់ពីខ្ញុំបាទបានគោរមងារជា ឧកញ៉ា នេះហើយនឹងក្លាយជាគំរូដ៏ល្អដល់សិល្បៈករសិល្បៈការិនីឲ្យខិតខំធ្វើអ្វីដែលល្អនឹងរួមគ្នាចូលរួមគ្នាជួយដល់សង្គមជាតិរបស់យើងអោយបានច្រើនឡើងៗ”។

ជាមួយគ្នានេះ លោកក៏ថ្លៃងសារជូនពរឲ្យសិល្បៈកររួមអាជីពឆាប់បានគោរមងារជា ឧកញ៉ា ទាំងអស់គ្នា។

ឧកញ៉ា ខេមរៈ សិរីមន្ដ កើតនៅថ្ងៃទី៣ ខែ វិច្ឆិកា ឆ្នាំ១៩៨៥ នាស្រុកព្រៃឈរ ខេត្តកំពង់ចាម។ លោក សិរីមន្ត មានបងប្អូន៦នាក់ ក្នុងនោះប្អូនស្រីពៅឈ្មោះ ខេមរៈ ស្រីពៅ ជាអ្នកចម្រៀង(ស្លាប់) ។ ចំណែកឯបងប្រុសម្នាក់ទៀត ឈ្មោះ ខេមរៈ ភារុណ​ គឺជាអ្នកនិពន្ធទំនុកច្រៀងឲ្យលោក។

លោកបានរៀបអាពាហ៍ពិពាហ៍ជាមួយ អ្នកស្រី គួយ ផល្លី ជាម្ចាស់ផលិតផលទឹកអប់ផ្ទាល់ខ្លួនម៉ាកយីហោ Or Brand នាំចូលពីប្រទេសបារាំង។ លោក សិរីមន្ត មានកូន៣នាក់ប្រុសម្នាក់ស្រី២នាក់ កូនប្រុសបងឈ្មោះ ខេមរៈ មន្តស្នេហ៍ កូនស្រីទី១ឈ្មោះ ខេមរៈ ស្ត្រី កូនស្រីទី៣ឈ្មោះ ខេមរៈ មន្តរាជនី ។

នៅឆ្នាំ ១៩៩៩ លោក ខេមរៈសិរីមន្ត បានចូលរួមកម្មវិធីប្រឡងចម្រៀងក្នុងស្រុកដែលទទួលបានជ័យលាភីលេខ ១ នៅកម្មវិធីប្រលងចម្រៀង (Nestle-Cambodia) ក្នុងទូរទស្សន៍អប្សរាប៉ុស្ត៍លេខ១១ ។ ក្រោយមកលោក ខេមរៈសិរីមន្តត្រូវបានជ្រើសរើសអោយច្រៀងនៅផលិតកម្ម U2 Entertantment ក្នុងឆ្នាំ ២០០៣ ពេលនោះហើយដែលលោកទទួលបានភាពជោគជ័យក្នុងបទចម្រៀង “បេះដូងអ្នកប្រដាល់” ដែលបទនេះ ទទួលបានការគាំទ្រច្រើននិងមានមនុស្សជាច្រើនចាប់ផ្ដើមស្គាល់លោក ខេមរៈសិរីមន្ត នាពេលនោះដែរ។

ក្នុងឆ្នាំ ២០០៧ លោកសម្រេចចិត្តចាក់ចេញពីផលិតកម្ម U2 Entertainment មកចូលរួមដំណើរជាមួយផលិតផលកម្ម សាន់ដេ។ ទីនេះហើយ នាំឲ្យលោកសាងកេរ្តិ៍ឈ្មោះល្បីល្បាញរន្ទឺសុះសាយពេញផ្ទៃប្រទេស រួមនឹងល្បីរន្ទឺលើឆាកអន្តរជាតិផងដែរ។

តែជាយ៉ាងណា នៅឆ្នាំ២០០១៧ លោក ខេមរៈ សិរីមន្ដ ក៏បានផ្លាស់ប្ដូរទ្រនំដោយមកចូលរួមជាមួយផលិតកម្មដ៏ល្បីរាប់ទស្សវត្សរ៍ ហង្សមាស របស់ឧកញ៉ា អ៊ឹង ឆៃងួន អគ្គនាយកក្រុមហ៊ុន ហង្សមាស គ្រុប រហូតមកដល់ពេលបច្ចុប្បន្ននេះ។

សូមជម្រាបថា ឧកញ៉ា ខេមរៈសិរីមន្ដ ក្រៅតែពីកាន់ឈ្មោះជាតារាចម្រៀងប្រុសជួរមុខលំដាប់ប្រទេសកម្ពុជា លោកក៏ហក់មកប្រឡូកក្នុងវិស័យអចលនទ្រព្យ ដោយបានចាប់ដៃគូសហការជាមួយអ្នកឧកញ៉ា ឡេង ណាវ៉ាត់ត្រា ដែលជាអ្នកជំនួញល្បីជោគជ័យកសាងប្រាក់ពាន់លាននារយៈពេលប៉ុន្មានឆ្នាំមកនេះ។

តាមរយៈមុខជំនួញអចលនទ្រព្យនេះហើយ ដែលបានរុញច្រាន និងផ្តលឪកាសឲ្យលោកក្លាយជាអ្នកមាន ហើយតែងតែចូលរួមជួយកសាងហេដ្ឋារចនាសម្ព័ន្ធរូបវន្ត និងជនទីទ័លក្រជាហូរហែផងដែរ រហូតត្រូវបានព្រះករុណាជាម្ចាស់ជីវិតតម្កល់លើត្បូងទ្រង់ត្រាស់បង្គាប់ផ្តល់គោរមងារជា ឧកញ៉ា នៅពេលនេះ៕

The post ឧកញ៉ា ខេមរៈ សិរីមន្ដ៖ គោរមងារជាឧកញ៉ានេះហើយនឹងក្លាយជាគំរូដ៏ល្អដល់សិល្បៈករ appeared first on .

ក្រោយទទួលបានគោរមងារភ្លាមៗ លោក ខេមរៈ សិរីមន្ត បានថ្លែងយ៉ាងដូច្នេះថា៖ ទូលព្រះបង្គំជាខ្ញុំ ខែមប៊ុនថែ ហៅ ខេមរៈសិរីមន្ត មានសេចក្តីរំភើបឥតឧបមា ដែលបានព្រះមហាក្សត្រជីវិតតម្កល់លើត្បូងទ្រង់សព្វព្រះរាជហរទ័យប្រោសព្រះរាជទានគោរមងារជា ឧកញ៉ា ដល់ទូលព្រះបង្គំ៕

The post តារាចម្រៀង ខេមរៈ សិរីមន្ត ត្រូវបានព្រះមហាក្សត្រត្រាស់បង្គាប់ផ្តល់គោរមងារជា “ឧកញ៉ា” appeared first on .

លោកបញ្ជាក់ថា មានបងប្អូនខ្លះមិនសប្បាយចិត្តនឹងពាក្យថា​ « ស្ទាវ » អញ្ចឹង​ខ្ញុំ​នឹងកែតម្រូវឡើង​វិញ​ហើយ​សូមបងប្អូនជួយកែតម្រូវទាំងអស់​គ្នាដើម្បី​ជា​ប្រយោជន៍​ដល់​ការ​ក្រើនរំលឹក​ទៅ​ប្អូនៗ​យុវ​វ័យ​យើង​អោយ​ពួកគាត់​បាន​រីកចម្រើន​តែប៉ុណ្ណោះ តោះ ចូលរួមកែតម្រូវទាំងអស់គ្នា​«​យុវវ័យ​សម័យ​បើ​អត់​ដី​……» គួរប្រើពាក្យថាម៉េច »៕

ការចេញមកបកស្រាយនេះ ធ្វើឡើងបន្ទាប់ពីមហាជន និង​អ្នកប្រើ​ប្រាស់​បណ្តាញ​សង្គម​មួយចំនួន​សម្តែង​ការមិន​ពេញចិត្ត ​និង​ថែមទាំង​ធ្វើការ​រិះគន់ថា​ ជាកំពូលតារាចម្រៀង​មិនគួរណា​យកពាក្យបែបនេះមកប្រើប្រាស់នោះឡើយ ។ ចំ​ណែខ្លះទៀត​ ក៏បានរ​រិះគន់​ដែរ​ថា ​មិនគួរ​ប្រើពាក្យ​ស្ទាវ​នោះឡើយ​ ព្រោះប្រើបានតែសម្រាប់ពពួកសត្វ ឈ្មោលមួយចំនួន អត់ន័យ​ជាដើម ។

តាមរយ​:​ការ Live លើបណ្តាញសង្គមកាលពីថ្ងៃ​ទី​០៤ ​ខែវិច្ឆិកានេះ​ លោក ខេមរៈ សិរីមន្ត បានប្រកាសនូវពាក្យ​របស់ខ្លួន​ដើម្បីឲ្យប្រើប្រាស់លក្ខណៈ World Wide​ ដោយ មានខ្លឹមសារថា​ «យុវវ័យសម័យថ្មី បើមិនមានដីផ្ទាល់ខ្លួនទេមិនស្ទាវទេ »​។​

យ៉ាងណាមិញ ​បន្ទាប់ពី​ប្រកាស​ចេញ​ពាក្យស្លោក​នេះ​រួចមក ​គេ​សង្កេតឃើញ​មាន​មហាជន​ និង​អ្នកប្រើ​ប្រាស់​បណ្តាញ​សង្គម​មួយចំនួន​សម្តែង​ការមិន​ពេញចិត្ត ​និង​ថែមទាំង​ធ្វើការ​រិះគន់ជាបន្តបន្ទាប់៕

The post ក្រោយមានប្រតិកម្មពីមហាជនភ្លាម ខេមរៈ សិរីមន្ត ចេញមុខបកស្រាយ appeared first on .

អគ្គនាយកក្រុមហ៊ុន Khemarak Sereymun Real Estate Developer លោក ខេមរៈ សិរីមន្ត បញ្ជាក់ថា គម្រោងដីឡូតិ៍របស់លោក ស្ថិតនៅតំបន់កំពុងមានសក្ដានុពលខ្លាំង ទំហំជាង ២០០ហិចតា ធំជាងគេបង្អស់នៅប៉ោយប៉ែត និងខេត្តបន្ទាយមានជ័យ។ គម្រោងដីឡូតិ៍ខ្នាតយក្សនេះ ស្ថិតនៅប្លុកបណ្ដុំទៅដោយរោងចក្រឧស្សាហកម្មជាច្រើន ដែលកំពុងដំណើរការ មានអគារ CASINO ធំៗកំពុងសាងសង់ ផ្សារដោះដូរទំនិញខ្មែរថៃធំជាងគេនៅក្នុងតំបន់ គម្រោងវីឡាជាច្រើនរយខ្នង ជិតទីលានវាយកូនហ្កោលដ៏ប្រណិត ជាប់គម្រោងធំៗពីរ គម្រាងអភិវឌ្ឍន៍ បឹងជង្រុកតេជោឈ្នះៗ និងគម្រោងអ្នកឧកញ៉ាឡេង ណាវ៉ាត្រា តំបន់ប៉ោយប៉ែត ខេត្តបន្ទាយមានជ័យតែម្ដង។

ទំហំឡូតិ៍មានចាប់ពី 5m X 20m ឡើង ហើយក្រុមហ៊ុនក៏បានរៀបចំ ប្រព័ន្ធហេដ្ឋារចនាសម្ព័ន្ធរួចជាស្រេច មានប្រព័ន្ធភ្លើង ប្រព័ន្ធទឹក និងប្រព័ន្ធលូ ក្នុងគម្រោងរួចជាស្រេច។ ក្រុមហ៊ុន ក៏បានសាងសង់ផ្លូវភ្លោះបេតុង ៣០ម៉ែត្រ អមដោយផ្កាក្ងោក និងភ្លើងបំភ្លឺផ្លូវ ឆ្ពោះទៅខេត្តបាត់ដំបង។ ចំពោះផ្លូវភ្លោះបេតុងទំហំ ២០ម៉ែត្រ មានដាំដើមដូងប្រេងអមសងខាង និងភ្លើងបំភ្លឺផ្លូវ ឆ្ពោះទៅបឹងជង្រុកតេជោឈ្នះៗ ចម្ងាយ ១៧ គីឡូម៉ែត្រ តាមច្រកកូនដំរី ។

ចំពោះតម្លៃបង់ផ្តាច់ គឺត្រឹមតែ 1950$ ហើយបើអតិថិជនបង់រំលស់ គឺកាន់តែពិសេស ត្រឹមតែ ៣៣០០រៀលប៉ុណ្ណោះ ក្នុងមួយថ្ងៃ។ បើគិតជាលុយខែវិញ ស្មើនឹង ១០ម៉ឺនរៀល ក្នុង/ខែ តម្លៃនេះ គឺពិតជាពិសេស ហើយក៏ជាឱកាសដ៏កម្រសម្រាប់អតិថិជន ដែលកំពុងស្វែករកទិញដីឡូតិ៍ទុកសាងសង់លំនៅឋាន ឬវិនិយោគទិញទុកលក់យកចំណេញនៅថ្ងៃក្រោយ។ ក្រុមហ៊ុន Khemarak Sereymun Real Estate Developer នឹងបើកទទួលប្រាក់កក់គម្រោងដីឡូតិ៍ប៉ោយប៉ែត និងខេត្តបន្ទាយមានជ័យ ពីអតិថិជននៅ ថ្ងៃទី៦ វិច្ឆិកា ឆ្នាំ២០២១ តទៅ៕

The post ឃើញ ខេមរៈ សិរីមន្ត កាន់លុយ ៣៣០០រៀល គ្រវីៗក្នុងដៃស្មានតែលុយគំរូថ្មី តាមពិតពាក់ព័ន្ធរឿងដីធ្លីសោះ appeared first on .

ជាក់ស្តែងរសៀលថ្ងៃសុក្រនេះ មៀនប៉ៃលិន ដែលលោកបានបញ្ជាទិញពី ផ្សារកសិផលធម្មជាតិ របស់ អ្នកឧញ្ញា ឡេង ណាវ៉ាត្រា បានមកដល់គេហដ្ឋានលោកហើយ។

លោក ខេមរៈ សិរីមន្ត ថ្លែងថា ពេលនេះខ្ញុំត្រៀមចែកចាយ មៀន ប៉ៃលិន នេះ ទៅតាមមណ្ឌល និង ស្អែកម៉ោង ៩ព្រឹក បងប្អូនអាចមកទទួលយក មៀន ក្នុងមួយនាក់ ៥គីឡូ ដោយឥតគិតថ្លៃនៅផ្ទះរបស់ខ្ញុំបាទផ្ទាល់ និងសូមអធ្យាស្រ័យមៀន មានកំណត់មិនអាចជូនបងប្អូនបានគ្រប់គ្នានោះទេ។

ការអន្តរាគមន៍របស់អ្នកឧកញ៉ា ឡេង ណាវ៉ាត្រា ហើយតារាចម្រៀង ខេមរៈ សិរីមន្ត បញ្ជាទិញបន្តចំនួន ៥តោននៅពេលនេះ គឺបាននាំមកនូវក្តីរីករាយជាខ្លាំងរបស់ប្រជាពលរដ្ឋជាម្ចាស់ ក្នុងការជួយរំលែកការខាត់បង់ និងជួយដោះទាល់របស់ពួកគាត់ផងដែរ៕

ទីតាំង https://goo.gl/maps/C9cNhVzzkGarQ1gV8

The post ៥គីឡូម្នាក់ថ្ងៃស្អែកម៉ោង ៩ ចែកFree ខេមរៈ សិរីមន្ត ប្រកាសបងប្អូនមកយកមៀនប៉ៃលិនទិញពីផ្សារកសិផលធម្មជាតិ ឡេង​ ណាវ៉ាត្រា នៅផ្ទះលោក appeared first on .