ខេម កំពូលតារាចម្រៀងប្រចាំផលិតកម្ម Galaxy Navatra បានអំពាវនាវទៅកាន់ប្រធានាធិបតីសហរដ្ឋអាមេរិក ដូណាល់ ត្រាំ និងមេដឹកនាំអាស៊ាន ឲ្យបញ្ឈប់សកម្មភាពរបស់ប្រទេសថៃជាបន្ទាន់ ដោយបញ្ជាក់ថា ការល្មើសកិច្ចព្រមព្រៀងឈប់បាញ់ គឺជាការរំលោភសន្តិភាព និងច្បាប់អន្តរជាតិដ៏ធ្ងន់ធ្ងរ។ នៅក្នុងវីដេអូ លោកឧកញ៉ាបានបញ្ជាក់ថា ប្រទេសកម្ពុជាប្រកាន់ខ្ជាប់ជានិច្ចនូវការរក្សាសន្តិភាព និងច្បាប់អន្តរជាតិ។

ក្រសួងការពារជាតិ បានឲ្យដឹងថា យោធាថៃបានចាប់ផ្តើមធ្វើការបាញ់ប្រហារមុនមកលើទីតាំងកងកម្លាំងកម្ពុជាចំនួនពីរលើក នៅថ្ងៃទី២៧ ខែកញ្ញ ឆ្នាំ២០២៥ នៅតំបន់អានសេះ ស្ថិតក្នុងភូមិ អានសេះ ឃុំជាំក្សាន្ត ស្រុកជាំក្សាន្ត ខេត្តព្រះវិហារ។ នៅពេលនេះកងទ័ពកម្ពុជាបាននឹងបន្តតាមដានលើការវិវត្តន៍នេះយ៉ាងប្រុងប្រយ័ត្ន និងយកចិត្តទុកដាក់ខ្ពស់បំផុត និងត្រៀមលក្ខណៈរួចជាស្រេច ដើម្បីការពារបូរណភាពទឹកដី៕

The post កំពូលតារាចម្រៀង ខេម ចេញវីដេអូអំពាវនាវប្រធានាធិបតីអាមេរិក និងប្រធានអាស៊ាន ឲ្យទាហានថៃបញ្ឈប់សកម្មភាពឈ្លានពានកម្ពុជា appeared first on .

ក្រោយការប្រកាសរបស់តារាចម្រៀងល្បីឈ្មោះលោក ខេម ទើបតែប៉ុន្មានម៉ោងប៉ុណ្ណោះ ឧកញ៉ា ហ៊ួត ជា ម្ចាស់ក្រុមហ៊ុន ហ៊ួត ជា ផ្គត់ផ្គង់សម្ភារៈសំណង់ ក៏ចាប់អារម្មណ៍ថែមទាំងបានបញ្ជាទិញអាវ «មោទនជាតិខ្មែរ» ចំនួន ១០០ អាវភ្លាមៗដើម្បីជាកម្លាំងចិត្តចូលរួមក្នុងមូលនិធិជូនកងទ័ពជួរមុខនៅតាមព្រំដែនកម្ពុជា-ថៃ។

លោក ខេម ក៏បានសរសេរសារនៅលើបណ្ដាញសង្គមរបស់ខ្លួនថា៖ «សូមអរគុណ និងសូមគោរពជូនពរសំណាងល្អគ្រប់ពេលវេលា យើងខ្ញុំនិងរៀបចំជូនដល់ ឧកញ៉ា ហ៊ួត ជា ម្ចាស់ក្រុមហ៊ុន ហ៊ួត ជា ផ្គត់ផ្គង់សម្ភារៈសំណង់ ដែលបានចូលរួមចំណែកមូលនិធិជូនកងទ័ពជួរមុខ ខ្មែរស្រលាញ់ខ្មែរ ខ្មែររួមគ្នាខ្មែរខ្លាំង!»។

លោក ក៏បានបន្ថែមទៀថា សម្រាប់អាវ «មោទនជាតិខ្មែរ» ដ៏ស្រស់ស្អាតនេះនៅមានបើកលក់ជូនដល់បងប្អូនដែលចាប់អារម្មណ៍អាចធ្វើការបញ្ជាទិញបានក្នុងតម្លៃត្រឹមតែ ២០០០០ រៀលប៉ុណ្ណោះ។ ចំពោះលេខទំនាក់ទំនងគឺ 088 6148888 (Telegram)។

សូមជម្រាបថា លោក ខេម ជាតារាចម្រៀងម្នាក់ក្នុងចំណោមតារាចម្រៀងដទៃទៀតនៅក្នុងផលិតកម្ម Galaxy Navatra ដែលនឹងត្រូវចូលរួមរាប់ថយក្រោយទាំងអស់គ្នាឆ្ពោះទៅកាន់កម្មវិធី «យើងទៅច្រៀងចម្រៀងជាតិ ផ្តល់កម្លាំងចិត្តជូនវីរកងទ័ពជួរមុខ» នឹងរៀបចំឡើងនៅថ្ងៃទី ១៩ ខែកក្កដា ឆ្នាំ ២០២៥ ខាងមុខនេះ នៅឯពហុកីឡដ្ឋានអូឡាំពិក ចាប់ពីម៉ោង ៣រសៀលតទៅ៕

The post កំពូលតារាចម្រៀង ខេម ប្រចាំផលិតកម្ម Galaxy Navatra ថ្លែងអំណរគុណ ឧកញ៉ា ហ៊ួត ជា បញ្ជាទិញអាវ «មោទនជាតិខ្មែរ» ១០០អាវ ចូលរួមចំណែកក្នុងមូលនិធិជូនកងទ័ពជួរមុខ appeared first on .

បទចម្រៀងរួមគ្នារបស់ ខេម និងតន់ ចន្ទសីម៉ា ទាំងពីរបទ មានចំណងជើងថា “ចង់ប្រាប់ថាដៃអូនទំនេរ” និងបទ”ឮថាដៃអូនទំនេរ”។

បទចម្រៀងទាំងពីរបទនេះកំពុងទទួលការគាំទ្រ និងចាប់អារម្មណ៍នៅលើបណ្ដាញសង្គម។ ក្នុងនេាះបណ្ដាអ្នកគាំទ្រ បានកោតសរសើរពីអត្តន័យបទចម្រៀង និងការចេញបកស្រាយរួមគ្នារបស់ តារាចម្រៀងល្បីឈ្មេាះទាំង២នេះ។

ក្រៅតែមានបទចម្រៀងកន្ទ្រឹមរួមគ្នានេះ ទាំងខេម និងតន់ ចន្ទសីម៉ា ក៏មានបទចម្រៀងផ្ទាល់ខ្លួន និងបទចាប់ដៃគូជាមួយតារាផ្សេងទៀតក្នុងផលិតកម្ម Galaxy Navatra ដែលកំពុងតែទទួលបានការគាំទ្រខ្លាំងពីមហាជន។

សូមបញ្ជាក់ថា ទាំងខេម និងតន់ ចន្ទសីម៉ា សុទ្ធសឹងតែជាតារាលំដាប់ជួរមុខរបស់ផលិតកម្ម Galaxy Navatra ហើយនេះ មិនមែនជាលើកទី១ទេ ដែលអ្នកទាំងពីរចាប់ដៃបកស្រាយបទចម្រៀងរួមគ្នា។ រាល់បទចម្រៀងរបស់ ពួកគេតែងតែទទួលការគាំទ្រនិងចាប់អារម្មណ៍ខ្លាំងក្នុងស្រទាប់មហាជន៕

The post ខេម និងតន់ ចន្ទសីម៉ា ចេញបទកន្ទ្រឹមរួមគ្នាមកអង្រួនអារម្មណ៍ហ្វេនៗត្រៀមចូលឆ្នាំថ្មី appeared first on .

ការ​ចេញ​មក​បកស្រាយ​របស់​កំពូល​តារា​ចម្រៀង ខេម បាន​ធ្វើឡើង​បន្ទាប់ពី​ថ្មីៗនេះ មានសារព័ត៌មាន​​មួយ​ចំនួន​​ បាន​ចុះផ្សាយ​​ថា​ខ្លួន​​កំពុង​រៀបចំ​ទទួលបាន​ងារជាឧកញ៉ា។ ការចុះផ្សាយ​បែបនេះ ខេម បាន​លើកឡើង​ថា ជា​រឿង​មិនពិត​នោះទេ ហើយ​គេ​​បំភ្លៃ​ព័ត៌មាន​ដើម្បី​ជា​ប្រយោជន៍​​ប៉ុណ្ណោះ។

ខេម បាន​បញ្ជាក់​លើ​ទំព័រហ្វេសប៊ុក កាលពី​យប់​​ថ្ងៃទី២២ ខែកញ្ញា ​យ៉ាងដូច្នេះថា៖ “បងប្អូនជាទីស្រលាញ់ ថ្ងៃនេះសូមបញ្ចេញអារម្មណ៍ពិតមួយ មួយរយៈនេះមានព័ត៌មានជាច្រើន​ ចុះពីខ្ញុំទទួលបានងារជា ឧកញ៉ា
ខ្លះក៏ចុះថារៀបចំទទួលហើយ។ តើព័ត៌មានទាំងអស់នេះ​បានសំដីមកពីណា ហើយបងប្អូនមួយចំនួន​ក៏ជឿ​ស្លុងតាមព័ត៌មាននោះ ខ្លះក៏បានជេរប្រមាថខ្ញុំ អ្នកខ្លះក៏អបអរសាទរ។ ហេតុអីមិនសួរខ្ញុំផង ថាតើខ្ញុំយ៉ាងមិច​ហើយ ហើយខ្ញុំរាល់ថ្ងៃចឹងដូចគេប្រាប់ទេ រស់នៅចំណុចណា រាល់ថ្ងៃខ្ញុំជាអ្នកចម្រៀងម្នាក់ ហើយជាប្រជាជន​ធម្មតាដូចបងប្អូនដែរ”។

កំពូលតារាចម្រៀង ខេម បាន​បញ្ជាក់បន្ថែម​ថា ងារជា «ឧកញ៉ា» មិនអាក្រក់នោះទេ ប៉ុន្តែរាល់ព័ត៌មានដែលមិន​ចេញ​ពីមាត់​របស់​លោក សូមបងប្អូនកុំទាន់ជឿ ហើយ​អាចសួរលោក​បាន។ ទោះយ៉ាងណា លោក​មិនបន្ទោស​បងប្អូនទេ លោក​គួរបន្ទោសឬដាស់តឿនទៅខាងព័ត៌មាន ឬក៏វិបសាយនានា គួរឈប់ទៅ កុំដើម្បីប្រយោជន៍​មកបំភ្លៃព័ត៌មានបែបនេះ។

សូមជម្រាប​ថា លោក ខេម ជាកំពូល​តារាង​ចម្រៀង​មួយរូប​នៅកម្ពុជា ដែលបាន​ប្រឡូក​ក្នុងវិស័យសិល្បៈ​ចម្រៀង​ជាង១០ឆ្នាំ​មក​ហើយ។ ជានិច្ចកាល​លោក​តែងតែ​ចូលរួម​កិច្ចការងារ​សង្គម​ជា​ហូរហែ ពិសេស​ថ្មីៗ​នេះ​លោក​បាន​ដឹកនាំ​ក្រុមបាល់ទាត់​​​តារា​កម្ពុជា ធ្វើការ​ប្រកួត​ដើម្បី​​សប្បុរសធម៌​ជា​ច្រើន ទាំង​ជាមួយ​ថ្នាក់ដឹកនាំ​ជាតិ និង​បណ្តា​ខេត្ត​នានា ដែលធ្វើឱ្យមាន​មតិ​មួយ​ចំនួន​​យល់​ថា ខេម នឹង​អាច​ទទួលបាន​គោរមងារ​ឧកញ៉ា ឆាប់ៗផងដែរ៕

The post កំពូលតារាចម្រៀង ខេម ចេញបកស្រាយថាខ្លួនជាប្រជាជនធម្មតា មិនទាន់មានងារជា «ឧកញ៉ា» ទេ appeared first on .

ការចូលរួមបរិច្ចាគថវិការបស់ កំពូលតារាចម្រៀង ខេម តបតាមការ ប្រកាសរបស់ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា សម្រេចបង្កើត «មូលនិធិកសាង ហេដ្ឋា រចនាសម្ព័ន្ធតាមព្រំដែន» ក្នុងគោលបំណងដើម្បី កៀរគរថវិកាបន្ថែម សម្រាប់កសាងហេដ្ឋារចនាសម្ព័ន្ធ នានា នៅតាមបណ្តោយព្រំដែន ព្រមទាំងបានផ្តល់ឱកាស ឱ្យប្រជាពលរដ្ឋខ្មែរគ្រប់មជ្ឈដ្ឋាន ទាំងក្នុង និងក្រៅ ប្រទេស បានចូលរួមចំណែកដោយផ្ទាល់ជាមួយ រាជរដ្ឋាភិបាល នៅក្នុងបុព្វហេតុការពារ និងអភិវឌ្ឍជាតិ ក្នុងស្មារតី មហាសាមគ្គីជាតិខ្មែរ ដើម្បីថែរក្សា សុខ សន្តិភាព អធិបតេយ្យ និងបូរណភាពទឹកដី ក៏ដូចជាការ ជំរុញ ការអភិវឌ្ឍ នៅតាមតំបន់ព្រំដែនឱ្យ បានកាន់តែ រឹងមាំ និងប្រកបដោយចីរភាព។

យោងតាមការជូនដំណឹងរបស់ខុទ្ធកាល័យសម្តេចធិបតី ហ៊ុន ម៉ាណែត នាព្រឹកថ្ងៃទី២៦ ខែសីហា ឆ្នាំ២០២៤ បានឱ្យដឹងថា ការបង្កើតមូលនិធិកសាងហេដ្ឋារចនាសម្ព័ន្ធតាមព្រំដែន ធ្វើឡើងក្នុងគោលបំណងដើម្បីកៀរគរ ថវិកា បន្ថែម សម្រាប់ កសាងហេដ្ឋារចនាសម្ព័ន្ធនានានៅតាមបណ្តោយព្រំដែន ព្រមទាំងបានផ្តល់ឱកាសឱ្យ ប្រជាពលរដ្ឋ ខ្មែរគ្រប់មជ្ឈដ្ឋាន ទាំងក្នុង និងក្រៅប្រទេស បានចូលរួមចំណែកដោយផ្ទាល់ជាមួយរាជរដ្ឋាភិបាល នៅក្នុងបុព្វហេតុរួមគ្នាកសាងនិងការពារមាតុភូមិរបស់យើង។

ជាមួយនឹងការជូនដំណឹងនេះ សម្តេចធិបតី ហ៊ុន ម៉ាណែត ក៏បានអំពាវនាវដល់បងប្អូនប្រជាពលរដ្ឋខ្មែរទាំង ក្នុងនិង ក្រៅប្រទេស មេត្តាចូលរួមបរិច្ចាគវិភាគទានឱ្យបានផុលផុសតាមការស្ម័គ្រចិត្តក្នុង «មូលនិធិកសាង ហេដ្ឋារចនាសម្ព័ន្ធ តាមព្រំដែន» សំដៅរួមគ្នាក្នុងធ្លុងមហាសាមគ្គីជាតិខ្មែរដើម្បីថែរក្សាសុខសន្តិភាព អធិបតេយ្យ ភាពជាតិ និងបូរណភាពទឹកដី ក៏ដូចជាការជំរុញការអភិវឌ្ឍតាមតំបន់ព្រំដែនឱ្យបានកាន់តែរឹងមាំ និងប្រកប ដោយ ចីរភាព។

សម្រាប់ការចង់ចូលរួមតាមរយៈសាច់ប្រាក់ គឺចូលរួមតាម លោក សេង ទៀង នាយករងខុទ្ទកាល័យ សម្តេច ធិបតីនាយករដ្ឋមន្ត្រី ទូរស័ព្ទលេខ 012 961 971។ ទីតាំង៖ នៅទីស្តីការគណៈរដ្ឋមន្ត្រី “អគារជាប់ ផ្លូវកម្ពុជា ក្រោម បន្ទប់លេខ ២០៦ ជាន់ទី២” ឬអាចបរិច្ចាគតាមរយៈគណនីធនាគារឈ្មោះ៖ «Foundation for Border Infrastructure Development»៕

The post កំពូលតារាចម្រៀង ខេម តារាចម្រៀងប្រចាំផលិតកម្ម Galaxy Navatra បរិច្ចាគថវិកា ២០លានរៀល ដល់ «មូលនិធិកសាងហេដ្ឋារចនាសម្ព័ន្ធតាមព្រំដែន» appeared first on .

តាមរយៈសន្និសីទសារព័ត៌មានមួយនៅភ្នំពេញ កាលពីល្ងាចថ្ងៃទី១ ខែមីនា ខេម បានឲ្យដឹងថា តាមការគ្រោងទុក ក្រុមទាំងពីរ នឹងប៉ះជើងគ្នានៅទីលានបាល់ទាត់នៃពហុកីឡដ្ឋានខេត្ដកំពង់ស្ពឺ នៅថ្ងៃទី៦ ខែមីនា ឆ្នាំ២០២៤។ មិនថាក្រុម ណា​ចាញ់ ឬឈ្នះនោះទេ គឺទឹកប្រាក់ ដែលមានការបរិច្ចាគពីសប្បុរសជនយ៉ាងច្រើនសម្រាប់គាំទ្រដល់កម្មវិធីប្រកួតនេះ នឹងត្រូវជួយដល់មន្ទីរពេទ្យគន្ធបុប្ផា និងជួយដល់គម្រោងមនុស្សធម៌មួយចំនួនទៀត។

ដំណឹងបឋមជុំវិញ ការបរិច្ចាគថវិកាលើគម្រោងមនុស្សធម៌នេះ បានកើនឡើងដល់ជាង ៧០លានរៀលហើយ ក្នុងនោះមាន​ការបរិច្ចាគរបស់សម្ដេចអគ្គមហាសេនាធិបតីតេជោ ហ៊ុន សែន និងសម្ដេចកិតិព្រឹទ្ធបណ្ឌិតប៊ុនរ៉ានី ហ៊ុន សែន ចំនួន ៥០លាន​រៀល។

កំពូលតារាចម្រៀង លោក ខេម បានរំលឹកថា ក្រុមបាល់ទាត់ដែលផ្ដួចផ្ដើមដោយរូបលោក បានដំណើរការបានជាង​៤ខែមក​ហើយនោះ គឺដំបូងឡើយគ្រាន់តែចង់បង្កើនចំណងមិត្ដភាពរវាងអ្នកសិល្បៈ និងអ្នកសិល្បៈ បង្កើតភាពសប្បាយរីករាយ និង លេងដើម្បីសុខភាព​ប៉ុណ្ណោះ ប៉ុន្ដែឥឡូវនេះ ក្រុមលោកបានធ្វើរឿងដ៏​អស្ចារ្យមួយទៀត គឺលេងដើម្បី​សប្បុរសធម៌។ ក្រុម​ខេម​បូឌាហ្វូតបលសូពើស្តារ សុទ្ធតែជាអ្នកសិល្បៈ មានផ្នែកចម្រៀង ម៉ូឌែល អ្នកសម្តែង ពិធីករ និងអ្នកភ្លេង ។ល។

គោលបំណងសំខាន់ដែលយើងបង្កើតក្រុមនេះឡើង គឺដើម្បីជំរុញលើកស្ទួយនិងបំផុសចលនាចូលរួម​គាំទ្រវិស័យកីឡា​បាល់ទាត់​ជម្រើសជាតិខ្មែរ ឱ្យកាន់តែប្រសើរឡើង និងមានឆន្ទះខ្ពស់ប្រកួតប្រជែងកាន់តែខ្លាំង, ចូលរួមបំផុសគាំទ្រលីគ កំពូលក្នុងនិងប្រទេសកម្ពុជា ឱ្យកាន់តែខ្លាំងក្លា ,ចូលរួមលេងកីឡាដើម្បីសប្បុរសធម៌ និងរឹតចំណងមិត្តភាព ការរាប់អាន​រវាងសិល្បៈ និងសិល្បៈដូចគ្នា។

ខេម បានបន្តឲ្យដឹងទៀតថា កន្លងមកក្រុមយើងធ្លាប់ប្រកួតក្នុងកម្មវិធីធំចំនួន ២ លើកមកហើយ យើងប្រមូលបានប្រាក់​ជាង​មួយ​ម៉ឺនដុល្លារ ដើម្បីជួយកុមារកំព្រានៅខេត្តស្វាយរៀង។

ជាមួយនឹង ការប្រកួតនាពេលខាងមុខនេះ តំណាងក្រុមទាំងពីរ បានជួបទល់មុខគ្នាមុនការប្រកួតចូលមកដល់ ដោយភាគី​រដ្ឋបាលខេត្ដកំពង់ស្ពឺ ដឹកនាំដោយអភិបាលនៃគណៈអភិបាលខេត្ដកំពង់ស្ពឺ គឺ ឯកឧត្តម វ៉ី សំណាង និងតំណាងក្រុម​បាល់ទាត់ Cambodia Football Super Star ដឹកនាំដោយ ខេម ជាប្រធានក្រុម។

ក្រោមក្រសែភ្នែកកីឡាករដែលភាគច្រើនជាតារាៗ និងអាជ្ញាធរខេត្ដកំពង់ស្ពឺ បានលើកឡើងស្រដៀងគ្នាថា ការប្រកួត​លើក​នេះ គឺធ្វើឡើងដើម្បីសាកជើងគ្នារវាងក្រុមទាំងពីរ ដើម្បីអបអរសាទរថ្ងៃសិទ្ធិនារី ៨មីនា និងដើម្បីសកម្មភាពមនុស្សធម៌ ដោយទឹកប្រាក់ទាំងអស់ ដែលសប្បុរសជនបានចូលរួមនោះ នឹងក្លាយជាផ្នែកមួយជួយដល់កុមារកម្ពុជា ទូទាំងប្រទេស តាមរយៈមន្ទីរពេទ្យគន្ធបុប្ផា និងគាំទ្រដល់សកម្មភាពមនុស្សធម៌មួយចំនួនទៀត របស់ខេត្តកំពង់ស្ពឺ។

ខាងក្រោមនេះ គឺជាឈ្មោះ សប្បុរសជនដែលបានចូលរួមគាំទ្រជាបឋម នៃការប្រកួតមិត្តភាពនេះ ក្នុងរង្វង់ទឹកប្រាក់ជាង ៧០លានរៀល៖

-សម្ដេចអគ្គមហាសេនាបតីតេជោ ហ៊ុន សែន និងសម្ដេចគតិបណ្ឌិត ប៊ុនរ៉ានី ហ៊ុនសែន ៥០លានរៀល
-ឯកឧត្តម ឃួង ស្រេង និងលោកជំទាវ ១០ លានរៀល

១/ក្រុម Cambodia Football Superstar ៥ លានរៀល
២/អ្នកឧកញ៉ា ឡេង ណាវ៉ាត្រា និងលោកជំទាវ ១​លានរៀល
៣/ឧកញ៉ា យឹម តាស្រង់ ៥០ម៉ឺនរៀល
៤/អ្នកឧកញ៉ា ឡេង ប្រុស ១លានរៀល
៥/លោកឧកញ៉ា សំ បូទម្ភ និងលោកជំទាវ ១លានរៀល
៦/លោកឧកញ៉ា អ៉ឹង គីមហុង និងលោកជំទាវ ១លានរៀល
៧/ឯកឧត្តម ខេមរៈ ភារុន ២០ម៉ឺនរៀល
៨/លោកឧកញ៉ា ឡេង និមល និងលោកជំទាវ ៥០ម៉ឺនរៀល
៩/លោកឧកញ៉ា ចេង ខេង និងលោកជំទាវ ៥០ម៉ឺនរៀល
១០/លោកឧកញ៉ា ហេង ឡុង និងលោកជំទាវ ៥០ម៉ឺនរៀល
១១/ជំទាវឧកញ៉ា ឡេង បញ្ចពណ៌ និងស្វាមី ៥០ម៉ឺនរៀល
១២/លោកឧកញ៉ា សុន ដារ៉ាវុធ និងលោកជំទាវ ៥០ម៉ឺនរៀល
១៣/ឧកញ៉ា សុខ មុយលី ៥០​ម៉ឺនរៀល
១៤/លោកឧកញ៉ា ព្រាប សុវត្ថិ និងលោកជំទាវ ១លានរៀល
១៥/លោកឧកញ៉ា ខេមរៈ សិរីមន្ត និងលោកជំទាវ ១លានរៀល
១៦/លោកឧកញ៉ា ហ៊ួត ជា ៥០ម៉ឺនរៀល
១៧/តារាម្រៀង ខាន់ ជេមស៍ និងភរិយា ៤០ម៉ឺនរៀល
១៨/តារាចម្រៀង តន់ ចន្ទសីម៉ា ៤០ម៉ឺនរៀល៕

The post សប្បុរសជន ឧកញ៉ាៗ ចូលរួមឧបត្ថម្ភជាង៧០លានរៀល ដល់ក្រុមបាល់ទាត់ Cambodia Football Super Star របស់ ខេម ត្រៀមប៉ះជាមួយក្រុមថ្នាក់ដឹកនាំខេត្ដកំពង់ស្ពឺ ដើម្បីសកម្មភាពសប្បុរសធម៌រួមគ្នា appeared first on .

ក្នុងទំព័រ Facebook ផ្ទាល់ខ្លួន ខេម បានសរសេរយ៉ាងដូច្នេះថា លើលោកនេះគ្មានអ្វីទៀងទាត់ទេ តែអ្វីដែលទៀងទាត់គឺសេចក្ដីស្លាប់ មានបងប្អូនជុំវិញខ្លួន គុណធម៌នៃការស្រឡាញ់គ្នាទៅវិញទៅមក គ្រប់គ្រាន់សម្រាប់ជីវិតខ្ញុំ។

តាមរយៈរូបភាពមួយសន្លឹកនេះមានអ្នកគាំទ្រលោកជាច្រើនបានចូលទៅ Comments និង Share ព្រោងព្រាតលាត់មាត់គ្រប់គ្នាៗថា ខេម រាងនៅតែសង្ហា,Wow Idol សាច់ស្អាត, បងខេមសាច់អេមម្លេះ! ជាដើម។

ខេម ជាកំពូលតារាចម្រៀងដែលនៅតែអាចរក្សារាងបានស្អាត សម្រស់អេមជាមួយនឹងភាពល្បីល្បាញ តម្លៃរបស់ខ្លួនជាច្រើនឆ្នាំមកហើយក្នុងវិស័យសិល្បៈចម្រៀងជាង១០ឆ្នាំកន្លងទៅ៕

The post កំពូលតារាចម្រៀង ខេម ព្រលែងរូបភាព១សន្លឹកគ្រប់គ្នាស្រែកថា Wow! appeared first on .

ការប្រគុំតន្ត្រីដ៏ធំលើឆាក Asia Concert Korea នៅពេលនេះកំពូលតារាចម្រៀងសំឡេងស្អក ខេម ប៉ះជាមួយកំពូលតារាចម្រៀងមកថៃ លោក ធុងTik hyper។

នៅក្នុងព្រឹត្តិការណ៍ Asia Concert Korea នេះក៏មានវត្តមានពីកំពូលតារាចម្រៀង ព្រាប សុវត្ថិ, ខេមរៈ សិរីមន្ត, តន់ ចន្ទសីម៉ា, ខេម, Tempo Tris ព្រមទាំងកំពូលតារាចម្រៀងជួរមុខមកពីប្រទេសឥណ្ឌូនេស៊ី កញ្ញា Siti Badriah និង Ghea Youbi និងតារាចម្រៀងមកពីថៃ លោក Tik Shiro, កញ្ញា Yinglee Srijumpol, លោក hyper។

ព្រឹត្តិការណ៍ដ៏ធំអស្ចារ្យ Asia Concert Korea នេះរៀបចំឡើងដោយក្រុមហ៊ុនស្រាបៀរ Tiger ក្រុមហ៊ុន Asia Network ។

អញ្ជើញបងប្អូនចូលរួមទស្សនាការសម្តែងរបស់គាត់ឱ្យបានច្រើនកុះករទាំងអស់គ្នាណាឆាប់ៗនេះ ដែលមានទីតាំងស្ថិតនៅ Laviedor Resort លើដីប្រទេសកូរ៉េ។ សម្រាប់អ្នកទិញសំបុត្រមុនថ្ងៃកម្មវិធីបញ្ចុះតម្លៃ 50%គឺ សល់តម្លៃ 75,000 won សូមពុកម៉ែបងប្អូនទាក់ទងតាមលីង kakao tallk ឬតេឡេក្រាម និងផ្ទេរលុយតាមលេខកុងខាងក្រោម។ សំបុត្រឌីជីថលមានដាក់លក់ក្នុង APP និង Website LIVE. ជាផ្លូវការហើយ។
• ទិញតាម APP LIVE.៖ https://wonderpass.asia/event/asia_concert_korea
• ទិញតាម WEBSITE LIVE.៖ https://live.wonderpass.asia

ថ្ងៃទី 29 និង 30 ខែកញ្ញា ឆ្នាំ២០២៣
ចាប់ពីម៉ោង ២:00 ថ្ងៃត្រង់
រីសត LA VIE D’OR
286 Seja-Ro, Jeongnam-Myron, Hwaseong-Si, Gyeonggi-Do, Korea

សម្រាប់ព័ត៌មានបន្ថែម សូមទាក់ទងមក៖
live.customerservice@wonderpass.asia
093 457 773 (ឥតគិតថ្លៃ) 1800 21 7277

The post កំពូលតារាចម្រៀងសំឡេងស្អក ខេម ប៉ះជាមួយតារាចម្រៀងថៃ លោកធុង Tik hyper appeared first on .

ជាការកត់សម្គាល់ បទចម្រៀងបែបមនោសញ្ចេតនា «មើលទឹកភ្លៀងហូរទឹកភ្នែក» ដែលបកស្រាយនិង​សម្តែងដោយលោក ខេម ត្រូវបានគេដឹងថា ជាស្នាដៃនិពន្ធថ្មីរបស់លោក សង្ឃឹម, លោក ឃ្លាំង កុម្ភៈ និង​ក្រុម​ការងារជាច្រើនរូបទៀត បានរួមដៃគ្នាផលិតបទនេះឡើង ដោយក្រៅពីអត្ថន័យស្នេហា​ជ្រាលជ្រៅហើយ​នោះ គឺមានការសម្តែងរបស់លោក ខេម និងតួស្រី យ៉ាងស៉ីសង្វាក់គ្នាផងដែរ អមដោយទេសភាពយ៉ាង​ស្រស់​បំព្រង និងមានភ្លៀងធ្លាក់ ដែលត្រូវនឹងចំណងជើង និងអត្ថន័យចម្រៀងផងដែរ។

ទើបតែបញ្ចេញនៅដើមខែនេះ បទចម្រៀង «មើលទឹកភ្លៀងហូរទឹកភ្នែក» កំពុងតែពេញនិយមស្តាប់ពី​បណ្តា​យុវវ័យទូទៅ ជាពិសេសគឺត្រូវនឹងសាច់រឿងរបស់អ្នកមានស្នេហាមួយចំនួន និងបានបែកបាក់គ្នា និង​មានការនឹកនាដល់គ្នា នៅពេលភ្លៀងធ្លាក់ ស្របពេលខែនេះជារដូវវស្សាផងនោះ។

ចង់ដឹងថា ចម្រៀងមួយបទនេះពីរោះ និងមានអត្ថន័យយ៉ាងណានោះ សូមរីករាយទស្សនា​និងស្តាប់ដូចខាង​ក្រោម៖

The post បទថ្មី «មើលទឹកភ្លៀងហូរទឹកភ្នែក» របស់ ខេម អាចឆក់​យក​បេះដូងអ្នកស្តាប់ឲ្យស្លុងតាមអត្ថន័យ appeared first on .

ចម្រៀងបទថ្មី ថ្មីទាំងទំនុកភ្លេង និងទំនុកច្រៀង ជាពិសេសការសម្ដែងកាយវិការដ៏ក្រមិចក្រមើម អមដោយក្រុមរាំដ៏គួរឱ្យទាក់ទាញ បទម្រៀង “ឆារ៉ាក្រមុំបង” ដែលខាងផលិតកម្ម Galaxy Navatra ទើបបញ្ចេញ MVថ្មីនេះ នឹងក្លាយជាជម្រើសបទចម្រៀងដ៏ពេញនិយមមួយ ក្នុងកម្មវិធីសង្ក្រាន្តឆ្នាំថ្មីជាក់ជាមិនខាន។

ដោយឡែក ម្ចាស់បទចម្រៀងផ្ទាល់ លោក ខេម បានប្រាប់ Oknha News ថា លោកមានក្ដីរំពឹងខ្ពស់ថា បទចម្រៀង ឆារ៉ាក្រមុំបង របស់លោកនឹងទទួលការគាំទ្រច្រើន នៅក្នុងកម្រិតណាមួយ ពីសំណាក់អ្នកគាំទ្រ ជាពិសេស Fan Fan របស់ផលិតកម្ម Galaxy Navatra ជាក់ជាមិនខាន។

តារាចម្រៀងសំនៀងស្អករូបនេះ បន្ថែមទៀតថា MV បទនេះ ត្រូវបានផលិតឡើងជាពិសេស សម្រាប់ជាកាដូជូនពុកម៉ែបងប្អូនអ្នកគាំទ្រ ក្នុងឱកាសអបអរសង្ក្រាន្តឆ្នាំថ្មី ព្រោះប៉ុន្មានឆ្នាំកន្លងមក បងប្អូនប្រជាពលរដ្ឋខ្មែរយើង ក៏ខកខានរាំ ច្រៀងកម្សាន្តជុំគ្នាផងដែរ។  

ដើម្បីឱ្យជ្រាបកាន់តែច្បាស់ សូមប្រិយមិត្តតាមដានទស្សនាបទចម្រៀង ឆារ៉ាក្រមុំបង របស់ផលិតកម្ម Galaxy Navatra ដែលទើបចេញថ្មីក្ដៅៗនេះ ដូចខាងក្រោម៖

The post ខេម ថាបទ “ឆារ៉ាក្រមុំបង” ឆ្នាំនេះនឹងផ្ទុះមិនខាន ចុះពុកម៉ែបងប្អូនយល់យ៉ាងណាដែរ? (មានវីដេអូ) appeared first on .