ធ្វើឱ្យអ្នកគាំទ្រភ្ញាក់ផ្អើល និងចាប់អារម្មណ៍យ៉ាងខ្លាំង! ថ្មីៗនេះ ផលិតកម្ម Galaxy Navatra បានបញ្ចេញវីដេអូចម្រៀងផ្លូវការ (Official MV) បទថ្មីសន្លាងរបស់តារាចម្រៀងលំដាប់កំពូល លោក ខេម ដែលមានចំណងជើងយ៉ាងចាក់ដោតចិត្តថា «អ្នកជំងឺក្នុង ICU»។
គ្រាន់តែចេញផ្សាយភ្លាម បទចម្រៀងមួយបទនេះទទួលបានការចុច Like និងមានការចែករំលែកតៗគ្នាយ៉ាងព្រោងព្រាត។ អ្វីដែលធ្វើឱ្យហ្វេនៗជក់ចិត្តដកកមិនរួចនោះគឺ ការរៀបចំប្លង់ និងការដឹកនាំសម្តែងដ៏មានគុណភាព ដែលបានបង្ហើបពីខ្សែជីវិតស្នេហាកាលពីវ័យសិក្សាដ៏មានការចងចាំ និងការឈឺចាប់។
នៅក្នុង MV នេះ លោក ខេម បានបង្ហាញខ្លួនយ៉ាងស្រស់សង្ហាជាមួយស្ទីលម៉ូដសក់ថ្មីប្លែកភ្នែក បែបយុវវ័យ កាន់ផ្កាកុលាបក្រហមមួយទង ឆ្លាស់គ្នានឹងប្លង់អង្គុយរៀននៅតុជាមួយមិត្តភក្តិទាំងទឹកមុខស្រងូតស្រងាត់ ស្របពេលដែលតួឯកស្រីដ៏ស្រស់ស្អាតម្នាក់ បែរជាអង្គុយនៅលើបង់ក្រោមដើមឈើទាំងទឹកមុខស្រអាប់ និងឯកោទៅវិញ។
បទចម្រៀងដ៏ផ្ទុះមួយនេះ ត្រូវបានសម្រិតសម្រាំងយ៉ាងខ្លាំងពីក្រុមការងារល្បីៗ និពន្ធ Melody និងទំនុកច្រៀងដោយ គុយលី ចម្រៀងពលករ ព្រមទាំងដឹកនាំសម្តែងដោយ Dr.JONATHAN ផ្ទាល់តែម្តង។ តើអត្ថន័យពិតនៃ «អ្នកជំងឺក្នុង ICU» របស់លោក ខេម មានសាច់រឿងជម្រៅចិត្តយ៉ាងណា ទើបបានជាឆក់យកបេះដូងអ្នកទស្សនាបានលឿនស្លេវបែបនេះ? កុំភ្លេចចូលទស្សនាវីដេអូពេញនៅលើ Page ផ្លូវការរបស់ Galaxy Navatra ទាំងអស់គ្នា!
