ក្នុងឱកាសនេះ គណៈប្រតិភូបានអញ្ជើញទស្សនកិច្ចនៅមជ្ឈមណ្ឌលស្រាវជ្រាវ និងអភិវឌ្ឍន៍កសិកម្មអភិរក្សកម្ពុជា (CARDEC) ស្ថិតនៅភូមិបុសខ្នុរ ស្រុកចំការលើ ខេត្តកំពង់ចាម ដើម្បីសិក្សាស្វែងយល់អំពីប្រវត្តិ និងសកម្មភាពរបស់មជ្ឈមណ្ឌល ការអភិរក្សធនធានពូជដំណាំគម្របដី ព្រមទាំងការងារស្រាវជ្រាវ និងអភិវឌ្ឍន៍ដំណាំគម្របដីនានា សម្រាប់គាំទ្រដល់កសិកម្មអភិរក្សនៅកម្ពុជា និងក្នុងតំបន់។

បន្ទាប់មក ក្រុមការងារបានបន្តចុះពិនិត្យទីតាំងបង្ហាញបច្ចេកទេសដាំដុះបន្លែក្នុងផ្ទះសំណាញ់ (UV Net-house) និងក្រៅទីវាល ព្រមទាំងជួបពិភាក្សា និងផ្លាស់ប្តូរបទពិសោធន៍ជាមួយកសិករជំនាញផ្នែកបន្លែ។ ទន្ទឹមនឹងនេះ គណៈប្រតិភូក៏បានទស្សនាការអនុវត្តបច្ចេកទេសសាបព្រួសស្រូវដោយផ្ទាល់ (Direct Seeded Rice) ភ្ជាប់ជាមួយបច្ចេកទេសស្រោចស្រព និងសម្របសម្រួលការប្រើប្រាស់ទឹកឆ្លាស់វេន (Alternate Wetting and Drying – AWD) នៅស្រុកកំពង់ស្វាយ និងស្រុកស្ទោង ខេត្តកំពង់ធំ ផងដែរ។

គួរឱ្យដឹងដែរថា បេសកកម្មគាំទ្រការអនុវត្តគម្រោងលើកទី៣ (3rd Implementation Support Mission – ISM) របស់ធនាគារពិភពលោក (World Bank) ប្រព្រឹត្តទៅចាប់ពីថ្ងៃទី២២ ដល់ថ្ងៃទី២៦ ខែមិថុនា ឆ្នាំ២០២៦ ក្នុងគោលបំណងពិនិត្យ វាយតម្លៃ និងផ្តល់ការគាំទ្រដល់ការអនុវត្តគម្រោងកែលម្អសន្តិសុខទឹកកម្ពុជា (CaWSIP) ស្វែងយល់ពីវឌ្ឍនភាពនៃសកម្មភាពគម្រោង ការអនុវត្តបច្ចេកទេសកសិកម្មឆ្លាតវៃធន់នឹងការប្រែប្រួលអាកាសធាតុ និងកម្រិតនៃការចូលរួមរបស់កសិករគោលដៅ ដើម្បីលើកកម្ពស់ផលិតភាពកសិកម្ម និងការគ្រប់គ្រងធនធានទឹកប្រកបដោយចីរភាព៕

The post ធនាគារពិភពលោក ចុះពិនិត្យវឌ្ឍនភាពគម្រោងនៅខេត្តកំពង់ចាម និងកំពង់ធំ ដើម្បីគាំទ្រដល់កសិកម្មអភិរក្សនៅកម្ពុជា និងក្នុងតំបន់ appeared first on .

កិច្ចប្រជុំនេះ ក៏មានការចូលរួមពី នាយកគម្រោង និងក្រុមការងារអនុវត្តគម្រោងរបស់ក្រសួងធនធានទឹក និងឧតុនិយម និងក្រសួងកសិកម្ម រុក្ខាប្រមាញ់ និងនេសាទ ក្រុមបេសកកម្មរបស់ធនាគារពិភពលោក ព្រមទាំងមន្ត្រីអនុវត្តគម្រោងថ្នាក់ខេត្តនៃខេត្តគោលដៅទាំងបួន រួមមាន ខេត្តក្រចេះ ខេត្តមណ្ឌលគិរី ខេត្តកំពង់ធំ និងខេត្តព្រះវិហារ។

ជាលទ្ធផល កិច្ចប្រជុំបានបង្ហាញពីការប្តេជ្ញាចិត្ត និងកិច្ចសហការយ៉ាងជិតស្និទ្ធរវាងក្រសួង ស្ថាប័នពាក់ព័ន្ធ និងធនាគារពិភពលោក ក្នុងការជំរុញការអនុវត្តគម្រោងកែលម្អសន្តិសុខទឹកកម្ពុជា ឱ្យសម្រេចបានលទ្ធផលជាក់ស្តែង និងរួមចំណែកដល់ការពង្រឹងភាពធន់នឹងការប្រែប្រួលអាកាសធាតុ ក៏ដូចជាការលើកកម្ពស់ជីវភាពរស់នៅរបស់ប្រជាពលរដ្ឋនៅតាមតំបន់គោលដៅ។

សូមរម្លឹកថា គម្រោងកែលម្អសន្តិសុខទឹកកម្ពុជា (CaWSIP) ត្រូវបានកំណត់រយៈពេល៦ឆ្នាំ ចាប់ពីឆ្នាំ២០២៥-២០៣០ ហើយនឹងត្រូវអនុវត្តនៅទូទាំងខេត្តចំនួនបួនគឺ កំពង់ធំ ក្រចេះ ព្រះវិហារ និងមណ្ឌលគិរី ដោយមានការគាំទ្រផ្នែកហិរញ្ញវត្ថុពីធនាគារពិភពលោក។ គំនិតផ្តួចផ្តើមនេះ ជាឱ្យជំហានដ៏សំខាន់មួយឆ្ពោះទៅរកការធានាសន្តិសុខទឹក និងការអនុវត្តកសិកម្មដែលធន់នៅក្នុងប្រទេសកម្ពុជា៕

The post បន្តពង្រឹងសន្តិសុខទឹកដើម្បីកសិកម្ម! លោក ហ៊ាន វណ្ណហន ដឹកនាំក្រុមការងារបើកកិច្ចប្រជុំដ៏មានសារៈសំខាន់ជាមួយធនាគារពិភពលោក appeared first on .

នៅក្នុងកិច្ចប្រជុំនោះ លោក ឌិត ទីណា បានលើកឡើងថា គម្រោងនេះមានគោលដៅកាត់បន្ថយថ្លៃដើម ធ្វើឱ្យកសិករទទួលបានផលចំណេញ ដោយមិនបន្ថែមបន្ទុកចំណាយដល់កសិករលើសេវាប្រើប្រាស់ទឹក (Water Licensing) ឡើយ។ ដូច្នេះ គម្រោងទាមទារឱ្យមានការសិក្សាគ្រប់ជ្រុងជ្រោយ និងត្រូវពិនិត្យឱ្យបានស៊ីជម្រៅទាំងទិដ្ឋភាពបច្ចេកទេស និងនយោបាយ ពិសេសស្របតាមគោលនយោបាយដែលបានដាក់ចេញដោយរាជរដ្ឋាភិបាល។លោកបន្តថា មិនត្រឹមតែប៉ុណ្ណោះ គម្រោងនេះនឹងត្រូវប្រើប្រាស់ថវិកាឱ្យចំទិសដៅ ដោយមិនត្រូវបង្កើតបញ្ហាណាមួយឡើយ។

លោកបានបន្តទៀតថា គោលនយោបាយកសិកម្ម គឺធ្វើការជំរុញសហគមន៍កសិកម្មទំនើប ធ្វើឱ្យប្រសើរឡើងនូវខ្សែច្រវាក់តម្លៃ ដែលការងារទាំងនេះកំពុងត្រូវការការសហការចូលរួមពីដៃគូអភិវឌ្ឍ ដើម្បីឈានទៅលើកកម្ពស់ជីវភាពប្រជាជន។

បើតាមរដ្ឋមន្រ្តីកសិកម្មគូសបញ្ជាក់ថា គម្រោងនេះត្រូវមានផែនការវិនិយោគច្បាស់លាស់ និងត្រូវធ្វើជាជំហាន ដោយចាប់ផ្តើមដំបូងនៅខេត្តចំនួន២ គឺខេត្តក្រចេះ និងមណ្ឌលគិរី មុននឹងឈានទៅអនុវត្តជំហានបន្ទាប់គឺនៅខេត្តកំពង់ធំ និងខេត្តព្រះវិហារ។

សូមជម្រាបជូនថា គោលបំណងរបស់គម្រោង Water Security Improvement គឺដើម្បីបង្កើនសន្តិសុខទឹក និងផលិតភាពកសិកម្មក្នុងអាងទន្លេដែលបានជ្រើសរើសដោយរួមបញ្ចូលនូវយន្តការឆ្លើយតបបន្ទាន់សម្រាប់វិបត្តិផ្សេងៗ ជាពិសេសក្នុងបរិបទបម្រែបម្រួលអាកាសធាតុ (Climate Change)៕

The post រដ្ឋមន្រ្តីកសិកម្ម៖ គម្រោងកែលម្អសន្តិសុខទឹកនៅកម្ពុជា នឹងធ្វើដំបូងនៅក្នុងខេត្តចំនួន២ appeared first on .