ក្រសួងរ៉ែ និងថាមពល បានឱ្យដឹងថា ការចុះហត្ថលេខានេះ ជាការបង្កើនផែនទីបង្ហាញផ្លូវមួយសម្រាប់កម្ពុជា ដើម្បីជាការឆ្ពោះទៅរកសង្គមអព្យាក្រឹត្យកាបូនជាមួយនឹងការរក្សាបាននូវតុល្យភាពសន្តិសុខថាមពល កំណើនសេដ្ឋកិច្ច និងកិច្ចការពារបរិស្ថាន។ គម្រោងនេះនឹងត្រូវចាប់ផ្តើមអនុវត្តនៅខែមីនា ឆ្នាំ២០២៣ខាងមុខនេះ។
ក្នុងន័យនេះជាការរួមចំណែកយ៉ាងសំខាន់សម្រាប់កម្ពុជាក្នុងការពន្លឿនការផ្លាស់ប្តូរថាមពលទៅជាថាមពលស្អាតបន្ថែមទៀតនិងជាការជំរុញកិច្ចខិតខំប្រឹងប្រែងក្នុងការកាត់បន្ថយការបញ្ចេញឧស្ម័នកាបូនឱ្យស្របទៅតាមគោលដៅនៃកិច្ចព្រមព្រៀងអាកាសធាតុទីក្រុងប៉ារីសនិងយុទ្ធសាស្រ្តរយៈពេលវែងសម្រាប់អព្យាក្រឹត្យកាបូន។
លើសពីនេះ ក្នុងកិច្ចសហប្រតិបត្តិការយ៉ាងជិតស្និទ្ធជាមួយក្រសួងរ៉ែ និងថាមពល និងភាគីពាក់ព័ន្ធ ក្រុមជំនាញការរបស់JICAនឹងពិនិត្យលើគោលនយោបាយ និងសេណារីយ៉ូពាក់ព័ន្ធទាំងអស់ វិភាគលើគុណសម្បត្តិនិងគុណវិបត្តិនៃសេណារីយ៉ូនីមួយៗព្រមទាំងកំណត់អំពីបច្ចេកវិទ្យា និងវិធានការណ៍ជាអាទិភាពទាំងឡាយដែលត្រូវសម្រេចដាក់ឱ្យប្រើប្រាស់ ជាមួយនឹងការរៀបចំសកម្មភាពគោលនយោបាយ ក្របខណ្ឌទទួលខុសត្រូវរបស់ស្ថាប័ន និងគម្រោងយុទ្ធសាស្រ្តវិនិយោគ។
យោងតាមលទ្ធផលនៃការវិភាគនិងអនុសាសន៍ទាំងនេះ សេណារីយ៉ូចុងក្រោយបំផុតដែលសមស្របជាងគេនៃផែនទីបង្ហាញផ្លូវនេះ នឹងកំណត់អំពីផែនការសកម្មភាពនានាដែលក្រសួងរ៉ែ និងថាមពលត្រូវអនុវត្តឆ្ពោះទៅរកសង្គមអព្យាក្រឹត្យកាបូន។
ភាគីទាំងពីរជឿជាក់ថា ជាមួយនឹងការខិតខំប្រឹងប្រែងរួមគ្នា គម្រោងរៀបចំផែនទីបង្ហាញផ្លូវនេះ នឹងចូលរួមចំណែកដល់ការសម្រេចឱ្យបានសង្គមអព្យាក្រឹត្យកាបូន សម្រាប់ប្រទេសកម្ពុជាត្រឹមឆ្នាំ២០២៥៕

The post កម្ពុជា-ជប៉ុន ចុះហត្ថលេខាលើគម្រោងអភិវឌ្ឍន៍ផែនទីសម្រាប់កម្ពុជាឆ្ពោះទៅរកសង្គមអព្យាក្រឹត្យកាបូន appeared first on .

របាយការណ៍ពីគណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា ដែលសារព័ត៌មានឧកញ៉ាញូស៍ ទទួលបាន បង្ហាញថា គម្រោងវិនិយោគថ្មី ដែលក្រុមប្រឹក្សាអភិវឌ្ឍន៍កម្ពុជា ១០០គម្រោងនេះ នឹងជួយបង្កើតការងារបានប្រមាណជាង 63000កន្លែង ជូនប្រជាពលរដ្ឋតាមតំបន់នានាដែលគម្រោងទាំងនោះបានបង្កើត៕

The post ៨ខែឆ្នាំនេះ រដ្ឋអនុម័តគម្រោងថ្មីជាង ១០០គម្រោង តម្លៃជាង ៣ពាន់លានដុល្លារ appeared first on .

តាមសំណើសុំវិនិយោគរបស់ក្រុមហ៊ុន គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រចុះបញ្ជីគម្រោងវិនិយោគ ជូនដល់ក្រុមហ៊ុនចំនួន៤ ដូចខាងក្រោម៖

១-KITATSU SOLAR (CAMBODIA) CO., LTD គម្រោងបង្កើតរោងចក្រផ្គុំដំឡើងបន្ទះសូឡា ដែលមានទីតាំងវិនិយោគស្ថិតនៅផ្លូវជាតិលេខ៥១ ភូមិត្រពាំងព្រៃភូមិ ឃុំទំនប់ធំ ស្រុកពញាឮ ខេត្តកណ្តាល ក្នុងទុនវិនិយោគប្រមាណ ២៣,៤លានដុល្លារអាមេរិក។

២-KHEMUNIK HOSPITAL CO., LTD គម្រោងសាងសង់ និងអាជីវកម្មមន្ទីរពេទ្យចំនួន ១៥០គ្រែ ដែលមានទីតាំងវិនិយោគស្ថិតនៅផ្លូវជាតិលេខ ២១ ភូមិព្រែកសំរោង៣ សង្កាត់តាខ្មៅ ក្រុងតាខ្មៅ ខេត្តកណ្តាល ក្នុងទុនវិនិយោគប្រមាណ ២៣លានដុល្លារអាមេរិក។

៣-SAMANEA CO., LTD គម្រោងវិនិយោគអភិវឌ្ឍន៍កោះស្វាយ កោះម្ទេស និងកោះកុក ដែលមានទីតាំងវិនិយោគស្ថិតនៅភូមិកែប សង្កាត់កែប ក្រុងកែប ខេត្តកែប ក្នុងទុនវិនិយោគប្រមាណ ១៨,២លានដុល្លារអាមេរិក។

៤-LATE CHENG MINING DEVELOPMENT CO., LTD គម្រោងវិនិយោគអាជីវកម្មរ៉ែមាស ដែលមានទីតាំងវិនិយោគស្ថិតនៅឃុំសុចិត្រ ស្រុកសណ្តាន់ ខេត្តកំពង់ធំ ក្នុងទុនវិនិយោគប្រមាណ ១៣លានដុល្លារអាមេរិក។

៥-HEN JIU GARMENT ACCESSORY CO., LTD គម្រោងបង្កើតរោងចក្រផលិតគ្រឿងបន្សំសម្លៀកបំពាក់ និងខារអំបោះ ដែលមានទីតាំងវិនិយោគស្ថិតនៅភូមិកន្ទោកជើង សង្កាត់កន្ទោក ខណ្ឌកំបូល រាជធានីភ្នំពេញ ក្នុងទុនវិនិយោគប្រមាណ ៥,១លានដុល្លារអាមេរិក។

សូមបញ្ជាក់ដែរថា តាមរយៈគម្រោងធំៗចំនួន៥ ចាយទុនជាង៨០លានដុល្លារ ដែលនឹងផុសឡើងក្នុងរាជធានី/ខេត្តទាំង៤នេះ គឺអាចបង្កើតការងារដល់ពលរដ្ឋកម្ពុជារហូតដល់១ ៩១៨ កន្លែងផងដែរ៕

The post គម្រោងធំៗចំនួន៥ ចាយទុនជាង៨០លានដុល្លារ នឹងផុសឡើងក្នុងរាជធានី/ខេត្តទាំង៤នេះ appeared first on .

ទាំងនេះ គឺជាគម្រោងធំៗ ចំនួន៥ ដែលកម្ពុជា នឹងត្រៀមបានបើកការដ្ឋានក្នុងឆ្នាំ ២០២៣ ៖

១. គម្រោងផ្លូវក្រវាត់ក្រុងទី៣

យោងតាមការបញ្ជាក់ពីក្រសួងសាធារណការ និងដឹកជញ្ជូន កាលពីថ្ងៃទី២ ខែសីហា ឆ្នាំ២០២២ ផ្លូវក្រវាត់ក្រុងទី៣ បានសម្រេចការសាងសង់ចំនួន ៧៦.៨៧% ហើយ ដោយក្នុងនោះការងារផ្លូវសម្រេចការសាងសង់បានចំនួន ៧២.៨៧% ការងារស្ពានរំលង (Flyover) សម្រេចបាន ៦៩.៩០% និងការងារស្ពានសម្រេចបាន ៩៥.៩៨%ហើយ។ តាមផែនការ គម្រោងនេះគ្រោងនឹងបញ្ចប់ការសាងសង់នៅអំឡុងខែកញ្ញា ឆ្នាំ២០២២ ខាងមុខនេះផងដែរ។

គម្រោងផ្លូវក្រវាត់ក្រុងទី៣ នេះ បានបើកការសាងសង់កាលពីថ្ងៃទី១៤ ខែមករា ឆ្នាំ២០១៩ ដែលអនុវត្ដការងារដោយក្រុមហ៊ុន Shangai Construction Group Co., Ltd. ក្នុងតម្លៃ ២៦៧.៦៧លានុដល្លារ និងអនុវត្ដការត្រួតពិនិត្យគម្រោងដោយក្រុមហ៊ុន Guangzhou Wanan Construction Supervision Co., Ltd. ក្នុងតម្លៃ ៥.៣៨ លានដុល្លារ ដែលជាថវិកាបានមកពីហិរញ្ញប្បទានរបស់រដ្ឋាភិបាលចិន និងថវិកាបដិភាគរបស់រាជរដ្ឋាភិបាលកម្ពុជា។

សូមបញ្ជាក់ផងដែរថា គម្រោងផ្លូវក្រវាត់ក្រុងខ្សែទី ៣ គឺបានសាងសង់ចាប់ពីចំណុចផ្លូវជាតិលេខ ០៤ រហូតដល់ ផ្លូវជាតិលេខ ១ ដែលមានប្រវែងសរុបជិត ៥៣ គីឡូម៉ែត្រ។

២.ព្រលានយន្ដហោះអន្ដរជាតិសៀមរាបអង្គរ

គម្រោងព្រលានយន្ដហោះសៀមរាបអង្គរ គឺជាគម្រោងព្រលានថ្មីទី២ នៅលើទឹកដីអង្គរ ដែលមានទីតាំងស្ថិតនៅឃុំតាយ៉ែក ស្រុកសូទ្រនិគម ខេត្ដសៀមរាប។ គម្រោងនេះមានចម្ងាយប្រមាណ ៥១ គីឡូម៉ែត្រ ពីក្រុងសៀមរាប និងប្រហែល ៤០ គីឡូម៉ែត្រពីប្រាសាទអង្គរផងដែរ។

គម្រោងព្រលានយន្តហោះអន្ដរជាតិថ្មីនេះ ស្ថិតក្នុងលំដាប់4E មានផ្លូវរត់ប្រវែង៣,៦០០ម៉ែត្រ ទទឹង ៤៥ម៉ែត្រ មាន៣៨ចំណតយន្តហោះ និងមានក្រឡាផ្ទៃស្ថានីយ អ្នកដំណើរជាង ៨ម៉ឺនម៉ែត្រក្រឡា ដែលអាចទទួលអ្នកដំណើរជាប្រចាំឆ្នាំប្រមាណជា ៧លាននាក់ ខណៈតម្លៃនៃការសាងសង់មានចំនួន ៨៨០ លានដុល្លារអាមេរិក។

សូមជម្រាបថា គម្រោងនេះបានចាប់ផ្ដើមការសាងសង់នៅក្នុងអំឡុងខែមីនា ឆ្នាំ២០២២ ហើយគ្រោងបញ្ចប់ការសាងសង់នាពាក់កណ្ដាលខែមីនា ឆ្នាំ២០២៣ខាងមុខ។

៣. ស្ពានឆ្លងទន្លេសាប

គម្រោងសាងសង់ស្ពានបេតុងអារមេខ្សែកាបឫស្សីកែវឆ្លងកាត់ទន្លេសាប គឺជាគម្រោងដ៏សំខាន់មួយ ដែលជួយរំដោះការធ្វើចរាចរលើផ្លូវជាតិលេខ៦ និងផ្លូវជាតិលេខ៥ ក៏ដូចជាច្រកចេញចូលរាជធានីភ្នំពេញ។

គម្រោងស្ពានថ្មីនេះ មានរចនាបទទំនើបដែលមានសសរធំៗចំនួន ៤ បង្គោល មានកំពស់រហូតដល់ ៤០ម៉ែត្រ មានប្រវែង៩២២ម៉ែត្រ និងទទឹង២០,៥ម៉ែត្រ ខណៈគម្រោងនេះគ្រោងចំណាយថវិកាប្រមាណ ៣៥លានដុល្លារ។ បើតាមផែនការ គម្រោងសាងសង់ នឹងបញ្ចប់នៅខែមីនាឆ្នាំ២០២៣នាពេលខាងមុខផងដែរ។

៤.គម្រោងធ្វើឱ្យប្រសើរឡើងវិញ កំណាត់ផ្លូវជាតិលេខ៥ភាគខាងត្បូង

គម្រោងធ្វើឱ្យប្រសើរឡើងវិញ កំណាត់ផ្លូវជាតិលេខ៥ភាគខាងត្បូងមានប្រវែង ១៣៥.២៥ គីឡូម៉ែត្រ ត្រូវបានបែងចែកជាបីកញ្ចប់ការងារ ចាប់ផ្តើមសាងសង់ចេញពីចាប់ពីព្រែកក្តាម (ខេត្តកណ្តាល) ដល់ធ្លាម្អម (ខេត្តពោធិ៍សាត់) ចំណាយថវិកាប្រមាណ ២៤៦.៣៥លានដុល្លារអាមេរិក គិតមកដល់ពេលនេះ សម្រេចការសាងសង់បានចំនួនជាង៨០%ហើយ គ្រោងនឹងបញ្ចប់ការសាងសង់ នៅចុងឆ្នាំ២០២៣ខាងមុខនេះ។

៥.គម្រោងអភិវឌ្ឍកោះនរា

គម្រោងអភិវឌ្ឍន៍ទីក្រុងកោះនរាតម្លៃ ២,៥ពាន់លានដុល្លារ នៅតែដំណើរការដោយរលូន ទោះស្ថិតក្នុងវិបត្តិកូវីដក្ដី ដោយគិតត្រឹមខែកញ្ញានេះ សម្រេចបានប្រមាណជិត ៥០% ហើយ ដោយគ្រោងនឹងបញ្ចប់ដំណាក់កាលទី១ នៅឆ្នាំ២០២៣។

គម្រោងកោះនរាកំពុងអភិវឌ្ឍលើទំហំដីប្រមាណ ១២៥ហិកតា ដោយតំបន់នេះនឹងត្រូវអភិវឌ្ឍជាតំបន់ពាណិជ្ជកម្មខ្នាតធំ ខ្នាតមធ្យម និងខ្នាតតូច រោងមហោស្រប សួនសាធារណៈ តំបន់សំណង់លំនៅឋាន ធនាគារ សកលវិទ្យាល័យ និងមន្ទីរពហុព្យាបាលជាដើម។

សូមជម្រាប់ដែរថា នេះគ្រាន់តែជា គម្រោងមួយចំនួន ដែលសារព័ត៌មាន ឧកញ៉ា ញ៉ូស៍ លើកមកបង្ហាញជូនលោកអ្នក ប៉ុន្តែក៏មានគម្រោងធំៗជាច្រើនទៀត ដែលកម្ពុជានឹងត្រៀមស្វាគមន៍នាពេលខាងមុខទៀត ផងដែរ៕

The post កម្ពុជា នឹងត្រៀមស្វាគមន៍គម្រោងធំៗចំនួន៥ នៅឆ្នាំ២០២៣ appeared first on .

១. គម្រោងផ្លូវជាតិលេខ៥

គម្រោងផ្លូវជាតិលេខ៥ គឺជាផ្លូវជាតិអាស៊ានហាយវេលេខ១ ចំណាយទឹកប្រាក់ស្ថាបនាឡើងវិញ ក្នុងទំហំ ៥០០លានដុល្លារអាមេរិក។ ចំពោះផ្លូវជាតិមួយខ្សែនេះត្រូវបានបែងចែកជាបួនកំណាត់ ដោយកំណាត់ពីព្រែកក្តាមទៅធ្លាម្អម និងពីធ្លាម្អមដល់បាត់ដំបង សម្រេចបាន៦៦% គិតត្រឹមខែមិនា ហើយគ្រោងនឹងបញ្ចប់នៅឆ្នាំក្រោយនេះផងដែរ។ ក្នុងនោះដែលនៅកំណាត់ផ្លូវលេខ៥ដដែលនេះ ពីបាត់ដំបងទៅសេរីសោភ័ណ្ឌ ខេត្តបន្ទាយមានជ័យ បានសាងសង់ចប់រួចរាល់ ហើយបានបើសម្ពោធជាផ្លូវការកាលពី ខែមករា ឆ្នាំ២០២២ កន្លងទៅ។

២.គម្រោងសាងសង់ពង្រីកផ្លូវជាតិលេខ៣(ចោមចៅ-ក្រុងកំពត)

គម្រោងសាងសង់ពង្រីកផ្លូវជាតិលេខ៣(ចោមចៅ-ក្រុងកំពត) គម្រោងនេះមានប្រវែងប្រមាណ១៣៤គីឡូម៉ែត្រ ដោយក្រាលបេតុងកៅស៊ូ (AC)។គម្រោងនេះចំណាយថវិកាប្រមាណជាង២១៥លានដុល្លារអាមេរិកក្រោមហិរញ្ញប្បទានសម្បទានពីរដ្ឋាភិបាលចិន និងថវិកាបដិភាគរបស់រាជរដ្ឋាភិបាលកម្ពុជា។គម្រោងនេះត្រូវបានសាងសង់ដោយក្រុមហ៊ុនសាជីវកម្មស្ពាន និងថ្នល់ចិន(CRBC) និងត្រួតពិនិត្យបច្ចេកទេសដោយក្រុមហ៊ុន Guangzhou Construction Technical Consulting ប្រើប្រាស់រយៈពេលសាងសង់ចំនួន ៣៤ខែ គិតចាប់ពីអំឡុងខែតុលា ឆ្នាំ២០១៨ ដល់អំឡុងខែកក្កដា ឆ្នាំ២០២១។

កំណាត់ផ្លូវជាតិលេខ៣ គឺជាខ្សែផ្លូវដ៏សំខាន់មួយសម្រាប់ការធ្វើដំណើររបស់ប្រជាពលរដ្ឋ និងការដឹកជញ្ជូន ទំនិញរវាងរាជធានីភ្នំពេញ ទៅខេត្តកំពត់ កែប និងឆ្ពោះទៅកាន់ខេត្តព្រះសីហនុផងដែរ។កំណាត់នេះផងដែរផ្លូវ ត្រូវបានសម្ពោធដាក់ឱ្យប្រើប្រាស់ជាផ្លូវការកាលថ្ងៃទី ២ មីនា ឆ្នាំ២០២២ ក្រោមវត្តមានសម្តេចតេជោ ហ៊ុន សែន នាយករដ្ឋមន្រ្តីកម្ពុជា និងឯកឧត្តម វ៉ាង វិនធៀន ឯកអគ្គរដ្ឋទូតចិនប្រចាំនៅកម្ពុជា។

៣.គម្រោងកែលម្អហេដ្ឋារចនាសម្ព័ន្ធផ្លូវទាំង ៣៨ខ្សែ ក្នុងក្រុងសៀមរាប

គម្រោងកែលម្អហេដ្ឋារចនាសម្ព័ន្ធផ្លូវទាំង ៣៨ខ្សែ ក្នុងក្រុងសៀមរាប មានប្រវែងសរុប ១០៨ គីឡូម៉ែត្រ ប្រើប្រាស់ថវិកាជាតិសរុបប្រមាណ ១៥០ លានដុល្លារអាមេរិក ដោយក្នុងនោះ ចំនួន ៩លានដុល្លារអាមេរិក បន្ថែមទៀតនឹងត្រូវចំណាយលើការរៀបចំស្ថាបនាប្រព័ន្ធបង្ហូរទឹកភ្លៀង និងទឹកកខ្វក់ផងដែរ។ការដ្ឋានសាងសង់ផ្លូវនេះ បានបើកការដ្ឋានកាលពីថ្ងៃទី៣០ ខែវិច្ឆិកា ឆ្នាំ២០២០  ហើយបានបើកសម្ពោធដាក់ឲ្យប្រើប្រាស់ជាផ្លូវការ កាលពីថ្ងៃទី០៤ ខែមេសា ឆ្នាំ២០២២ ក្រោមវត្តមានសម្ដេច ហ៊ុន សែន។

៤. គម្រោងស្តារឡើងវិញផ្លូវជាតិលេខ២១ (តាខ្មៅ-ជ្រៃធំ)

គម្រោងស្តារឡើងវិញផ្លូវជាតិលេខ២១ (តាខ្មៅ-ជ្រៃធំ) មានប្រវែងសរុបប្រមាណ៣គីឡូម៉ែត្រចាប់ពីផ្លូវបំបែក ផ្លូវជាតិលេខ២ដល់រង្វង់មូលស្ពានព្រែកសំរោង ឋិតក្នុងភូមិសាស្ត្រទឹកដីខេត្តកណ្តាល។ គម្រោងបានចាប់អនុវត្តតាំងពីថ្ងៃទី២០ ខែធ្នូ ឆ្នាំ២០២១មក ហើយបានបើកសម្ពោធជាផ្លូវការ កាលថ្ងៃទី២៣ ខែមីនា ឆ្នាំ២០២២ ក្រោមវត្តមានសម្ដេច តេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។

ផ្លូវជាតិលេខ២១នេះ គឺជាខ្សែផ្លូវយុទ្ធសាស្រ្តតភ្ជាប់រាជធានីភ្នំពេញជាមួយបណ្តាញផ្លូវគមនាគមន៍មួយចំនួនដូចជា៖ ផ្លូវជាតិលេខ២ (ត្រង់រង្វង់មូលក្រុងតាខ្មៅ) ផ្លូវក្រវាត់ក្រុងទី២ ផ្លូវក្រវាត់ក្រុងទី៣ ផ្លូវជាតិលេខ២១A និងផ្លូវជាតិលេខ២១B ដោយឆ្លងកាត់ក្រុង-ស្រុក ចំនួន៣ រួមមាន៖ ក្រុងតាខ្មៅ ស្រុកស្អាង និងស្រុកកោះធំ ឆ្ពោះទៅច្រកព្រំដែនកម្ពុជា-វៀត ណាម (ជ្រៃធំ-ឡុងប៊ិញ)។

៥. គម្រោងសាងសង់ផ្លូវជាតិលេខ៥១

គម្រោងសាងសង់ផ្លូវជាតិលេខ៥១ ផ្លូវនេះមានប្រវែងសរុប ៣៧,៩៥គីឡូម៉ែត្រ គិតចាប់ពីផ្លូវបំបែកឧដុង្គ (ផ្លូវជាតិលេខ៥) ដល់ថ្នល់ទទឹង (ផ្លូវជាតិលេខ៤) សាងសង់ដោយក្រុមហ៊ុនសាជីវកម្មស្ពានថ្នល់ចិន ចំណាយថវិកាអស់ជាង ៤០,៨៨លានដុល្លារអាមេរិក បើកការដ្ឋានសាងសង់កាលពីថ្ងៃទី១៤ ខែមីនា ឆ្នាំ២០១៧ ហើយត្រូវបានរាជរដ្ឋាភិបាលកម្ពុជា ប្រកាសសម្ពោធដាក់ឱ្យប្រើប្រាស់ជាផ្លូវការនៅថ្ងៃទី២៥ មីនានេះ ក្រោយអធិបតីភាពសម្តេច ហ៊ុន សែន នាយករដ្ឋមន្ត្រីនៃកម្ពុជា។

៦. គម្រោងសាងសង់ផ្លូវជាតិលេខ៧(ខ្លាស្ទុះ-ឃុំរមាត)

ណាត់​ផ្លូវជាតិ​លេខ​ ៧(ខ្លាស្ទុះ-ឃុំរមាត)  ​ដែលមាន​ប្រវែង​ជាង​ ៩៣​ គីឡូម៉ែត្រ​ក្នុង​ខេត្តក្រចេះ​ត្រូវបាន​លោកនាយក​រដ្ឋមន្ត្រី​ ហ៊ុន សែន សម្ពោធ​ដាក់ឱ្យ​ប្រើ​​ជា​ផ្លូវការ កាលពីថ្ងៃទី ៧ ខែកុម្ភៈ ឆ្នាំ២០២២ បន្ទាប់ពី​បញ្ចប់​គម្រោង​លើក​​កម្ពស់​គុណភាព​ផ្លូវ​នេះ​កាលពី​ឆ្នាំ​ ២០១៨ ក្រោម​ជំនួយឥតសំណង​របស់​ចិន​ក្នុងតម្លៃ​ជាង ៣៣ ​លាន​ដុល្លារ​។ផ្លូវ​នេះ​គឺជា​ចំណែក​មួយ​នៃ​ការជួយ​របស់​មិត្ត​ចិន​សម្រាប់​តភ្ជាប់​ក្នុង​តំបន់​ឦសាន ។

៧. គម្រោងសាងសង់ស្ពានចំនួន០៧កន្លែង ក្នុងខេត្តក្រចេះ និងខេត្តព្រៃវែង

គម្រោងនេះជាជំនួយឥតសំណងរបស់ជប៉ុន ដោយចំណាយថវិកាប្រមាណ៣៥លានដុល្លារអាមេរិក។នៃគម្រោងសាងសង់ស្ពានឡើងវិញបន្ទាន់ នៅតំបន់ប្រឈមនឹងទឹកជំនន់ ស្ថិតក្នុងខេត្តក្រចេះ និងខេត្តព្រៃវែង បានសម្ពោធដាក់ឱ្យប្រើប្រាស់ជាផ្លូវការ កាលថ្ងៃទី១៦ កុម្ភៈ ២០២២ ក្រោមអធិបតីភាពសម្ដេច តេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។

៨.ផ្លូវល្បឿនលឿនក្រុងភ្នំពេញ-ព្រះសីហនុ

ផ្លូវល្បឿនលឿនភ្នំពេញក្រុងព្រះសីហនុគ្រោងនឹងដាក់ឱ្យប្រើប្រាស់បណ្តោះអាសន្ននៅខែកញ្ញា ឆ្នាំ២០២២ខាងមុខនេះ។ គម្រោងសាងសង់ផ្លូវទំនើបមួយខ្សែនេះ អាចហើយមុនពេលកំណត់ ខណៈបច្ចុប្បន្នសម្រេចបានជាង៩៤% ​​ដោយថ្មីៗក្រុមហ៊ុនចិនបានបណ្តុះកូនឈើពិសេសជាច្រើនដើម ដើម្បីបង្កើតបានជាខ្សែរក្រេវ៉ាត់ពណ៍បៃតង ប្រវែងសរុប៣៥គីឡូម៉ែត្រ នៅតាមបណ្តោយផ្លូវតែម្តងផងដែរ។

គួរបញ្ជាក់ដែរថា គិតត្រឹមត្រីមាសទី១ ឆ្នាំ២០២២ គម្រោងវិនិយោតដែលបានអនុម័តដោយក្រុមប្រឹក្សាអភិវឌ្ឍន៍កម្ពុជា សរុបមានចំនួន ៤៧ គម្រោង បានកើនឡើង ៣គម្រោង ស្មើនឹង ៦,៨%  ដែលមានទុនវិនិយោគសរុបចំនួន ២ ៥២០,៦ លានដុល្លារអាមេរិក បានកើនឡើង ១៤,២% ធៀបនឹងរយៈពេលដូចគ្នាឆ្នាំ២០២១។ នេះបើតាមព្រឹត្តិបត្រស្ថិតិសេដ្ឋកិច្ច និងហិរញ្ញវត្ថុកម្ពុជា ប្រចាំត្រីមាសទី១ ឆ្នាំ២០២២។

ក្នុងនោះ គម្រោងវិនិយោគនៅក្នុងតំបន់សេដ្ឋកិច្ចពិសេស មានត្រឹមតែ ៤គម្រោងប៉ុណ្ណោះ ធ្លាក់ចុះ ៧៥% ដែលមានទុនវិនិយោគសរុបចំនួន ៣០១,១៨ លានដុល្លារអាមេរិក ធ្លាក់ចុះ ៧៩,៨% បើធៀបទៅនឹងត្រីមាសទី១ ឆ្នាំ២០២១។​

ទន្ទឹមនឹងនេះ គម្រោងវិនិយោគនៅក្រៅតំបន់សេដ្ឋកិច្ចពិសេស មានចំនួន ៤៣ គម្រោង បានកើនឡើង ១៥ គម្រោង ស្មើនឹង ៥៣,៦% និងទុនវិនិយោគសរុបចំនួន ២ ២១៩,៤លានដុល្លារអាមេរិក បានកើនឡើង ២១០,៣% ធៀបនឹងរយៈពេលដូចគ្នា ឆ្នាំ២០២១។

គម្រោងវិនិយោគទាំងនេះ រួមមាន មណ្ឌលភ័ស្តុភារកម្មនិងកំពង់ផែពហុបំណង វារីអគ្គិសនី រោងចក្រផលិតសំបកកង់យានយន្តសណ្ឋាគារ រោងចក្រស៊ីម៉ង់ត៍ កសិដ្ឋានដាំដំណាំចេក និងដំណាំហូបផ្លែផ្សេងៗទៀត រោងចក្រដំឡើងរថយន្ត និងមន្ទីរពេទ្យពហុព្យាបាលជាដើម៕

The post គម្រោងធំៗទាំង៨ ដែលសម្រេចបានក្នុងឆ្នាំ២០២២ នឹងកំពុងកែប្រែមុខមាត់កម្ពុជាឱ្យកាន់តែទាក់ទាញ appeared first on .

គម្រោងសាងសង់អគាររដ្ឋបាលថ្មីរបស់រដ្ឋសភាដែលមានកម្ពស់១១ ជាន់នេះ គឺក្រោមជំនួយរបស់ប្រទេសវៀតណាម ក្នុងទំហំទឹកប្រាក់ ២៥លានដុល្លារអាម៉េរិក ដែលបានពិភាក្សាគ្នាតាំងពីឆ្នាំ២០១៧ ខណៈដែលពេលនេះបានឈានទៅមុខមួយជំហានទៀតហើយ ដោយដាក់ដេញថ្លៃសាងសង់។

យ៉ាងណា នៅរសៀលថ្ងៃសៅរ៍ សប្តាហ៍នេះ គេហទំព័រឧកញ៉ាញូស៍ បានសុំការបញ្ជាក់បន្ថែមពីកាលបរិច្ឆេទច្បាស់លាស់នៃគម្រោងដ៏ធំមួយនេះរបស់ជាតិ ដែលអាចនឹងចាប់ផ្ដើមការសាងសង់ និងបញ្ចប់នៅពេលណានោះទេ ដោយអគ្គលេខាធិការរដ្ឋសភា លោក ឡេង ប៉េងឡុង ទាក់ទងទៅមិនបានឆ្លើយតប។

ជាមួយគ្នានេះ សេចក្តីជូនដំណឹងរបស់អគ្គលេខាធិការដ្ឋានរដ្ឋសភា កាលពីខែមករា កន្លងទៅបានឲ្យដឹងថា ក្រុមហ៊ុន JEB Surveys and Engineering Co., Ltd. ក៏បានខួងពិសោធន៍ដីចំនួន ០៤ រណ្តៅ នៅលើទីតាំងចំណតរថយន្តខាងមុខ និងជាប់អាហារដ្ឋានរដ្ឋសភារួចមកហើយដែរ បើទោះជួបវិបត្តិកូវីដ-១៩ក្តី៕

The post រដ្ឋសភាកម្ពុជា ដាក់ឲ្យដេញថ្លៃគម្រោងសាងសង់អាគាររដ្ឋបាលថ្មី ក្នុងតម្លៃ ២៥លានដុល្លារអាម៉េរិក appeared first on .

សូមចុច Subscribe Telegram oknha_news ដើម្បីទទួលព័ត៌មានពី​សកម្មភាព​ឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព!

រូបភាពគម្រោងអគារដ៏ប្រណិតនេះ ក៏បានបង្ហាញទស្សនីយភាពឌីហ្សាញ Mascot និង ឡូហ្គោ ផ្លូវការនៃការស្វាគមន៍ព្រឹត្តិការណ៍ស៊ីហ្គេម ២០២៣ យ៉ាងទាក់ទាញបំផុត។ នៅប៉ុន្មានចុងក្រោយរូបភាពពីរសន្លឹកនេះត្រូវបានមហាជនអ្នកលេងបណ្តាញសង្គមចែករំលែកតៗគ្នាយ៉ាងព្រោងព្រាត។

ប្រសិនបើគម្រោងដ៏មហិមារនេះកើតឡើងមែន ពិតជារំភើបណាស់ ព្រោះឃើញទង់ជាតិខ្មែរលាតសន្ធឹងជាប់នឹងអគារធំបែបនេះ។

ជាមួយគ្នានេះដែល ទំព័រហ្វេសបុក ASEAN Urbanist ក៏បានចែករំលែករូបភាព និងសារអបអរដល់គំនិតនៃអគារដំណើរការអំពូល LED ធំជាងគេបំផុតក្នុងពិភពលោកដើម្បីស្វាគមន៏ Seagames ដែលនឹងប្រារព្ធឡើងនៅឆ្នាំ ២០២៣ នៅប្រទេសកម្ពុជាផងដែរ៕

The post ក្រុមហ៊ុនសំណង់មួយ លាតត្រដាងគម្រោងអគារធំមហិមារតម្លៃវាល់លានដុល្លារលំដាប់ពិភពលោកដែលនឹងលេចរូបរាងលើទឹកដីជ្រោយចង្វារ appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ក្រុមប្រឹក្សាអភិវឌ្ឍន៍កម្ពុជា បានបង្ហាញបញ្ជីឈ្មោះក្រុមហ៊ុនចំនួន១២ ដែលត្រូវអនុញ្ញាតឱ្យបណ្តាក់ទុនរកស៊ីនៅកម្ពុជាក្នុងខែមិថុនា ឆ្នាំ២០២១នេះរួមមាន៖

១. “HONGLAITE HOME HANDICRAFT (CAMBODIA) CO., LTD.” គម្រោងបង្កើតរោងចក្រផលិត អំពូលភ្លើង គ្រឿងបង្គុំអំពូលភ្លើង និងគ្រឿងបង្គុំវាំងននគ្រប់ប្រភេទ ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស ហាយ ផាក ខេត្តស្វាយរៀង មានទុនវិនិយោគប្រមាណ ៥,២លានដុល្លារអាមេរិក និងអាចបង្កើតការងារបានចំនួន ៣៩៩កន្លែង។

២. “XIN CHEN FU HANDICRAFT & HOSEWARE (CAMBODIA) CO., LTD.” គម្រោងបង្កើតរោងចក្រផលិតតុក្តតា និងវត្ថុអនុស្សាវរីយ៍គ្រប់ប្រភេទ ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស ហាយ ផាក ខេត្តស្វាយរៀង មានទុនវិនិយោគប្រមាណ ៥,១ លានដុល្លារអាមេរិក និងអាចបង្កើតការងារបានចំនួន ៤៣៣កន្លែង។

៣. “JIAWAY DECOR CO., LTD.” គម្រោងបង្កើតរោងចក្រផលិតក្តារបន្ទះ និងគ្រឿងសង្ហារឹម ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស ក្រុងព្រះសីហនុ ខេត្តព្រះសីហនុ មានទុនវិនិយោគប្រមាណ ៣,១លានដុល្លារអាមេរិក និងអាចបង្កើតការងារបានចំនួន ៣២នាក់។

៤. “LEISGER (CAMBODIA) CO., LTD.” គម្រោងបង្កើតរោងចក្រផលិតទោចក្រយាន (កង់) ទោចក្រយានអគ្គិសនី (កង់អាគុយ) និងគ្រឿងបង្គុំទោចក្រយានគ្រប់ប្រភេទ ដែលមានទីតាំងវិនិយោគស្ថិតនៅក្នុងតំបន់សេដ្ឋកិច្ចពិសេស ស៊ីន បាវិត ខេត្តស្វាយរៀង មានដើមទុនវិនិយោគប្រមាណ ១៣,៩លានដុល្លារអាមេរិក និងអាចបង្កើតការងារបានចំនួន ២៥១នាក់។

៥. ក្រុមហ៊ុនទាំង៨នោះរួមមានក្រុមហ៊ុន SOKI BAG & ACCESSORIES (CAMBODIA) CO., LTD គ្រោងបោះទុនវិនិយោគប្រមាណ ៥លានដុល្លារអាមេរិក  លើគម្រោង បង្កើតរោងចក្រផលិតកាបូប និងថង់យួរគ្រប់ប្រភេទ មានទីតាំង ស្ថិតនៅភូមិព្រៃផ្តៅ ឃុំត្រពាំងគង ស្រុកសំរោងទងខេត្តកំពង់ស្ពឺ ដែលអាចបង្កើតការងារដល់ប្រជាពលរដ្ឋបានចំនួន ១,៣៨៣នាក់បន្ថែមទៀត។

៦. ក្រុមហ៊ុន J.A.K GARMENT CO., LTD គម្រោងបង្កើតរោងចក្រកាត់ដេរសម្លៀកបំពាក់ ដែលមានទីតាំង         វិនិយោគ​ស្ថិតនៅភូមិកំពង់ព្រីង សង្កាត់សិត្បូ ក្រុងតាខ្មៅ ខេត្តកណ្តាល មានទុនវិនិយោគប្រមាណ ២,៤លានដុល្លារអាមេរិក និងអាចបង្កើតការងារបានចំនួន ១,០៥៣កន្លែង។

៧. ក្រុមហ៊ុន PREMIER TECH GARMENT (CAMBODIA) CO., LTD គម្រោងបង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅភូមិត្រពាំងឈូក ឃុំសូភី ស្រុកបាទី ខេត្តតាកែវ មានទុនវិនិយោគប្រមាណ ៤,៣លានដុល្លារអាមេរិក និងអាចបង្កើតការងារបានចំនួន ១,៧៤៨កន្លែង។

៨. ក្រុមហ៊ុន CHANCO TEXTILES (CAMBODIA) CO., LTD គម្រោងបង្កើតរោងចក្រកាត់ដេរសម្លៀកបំពាក់ ភួយ ស្រោមពូក និងស្រោមខ្នើយ ដែលមានទីតាំងវិនិយោគស្ថិតនៅភូមិចុងខ្សាច់ សង្កាត់ទួលសង្កែទី១ ខណ្ឌឫស្សីកែវ រាជធានីភ្នំពេញ មានទុនវិនិយោគប្រមាណ៨,២លានដុល្លារអាមេរិក និងអាចបង្កើតការងារបានចំនួន ៤២៤កន្លែង។

៩. ក្រុមហ៊ុន IMPAK (CAMBODIA) CO., LTD គម្រោងបង្កើតរោងចក្រផលិតវ៉ាលិស និងកាបូបគ្រប់ប្រភេទ ដែលមានទីតាំងវិនិយោគស្ថិតនៅភូមិដំណាក់កោះ ឃុំសំរោងលើ ស្រុកអង្គស្នួល ខេត្តកណ្តាល មានទុនវិនិយោគប្រមាណ៥លានដុល្លារអាមេរិក និងអាចបង្កើតការងារបានចំនួន ៦០៣កន្លែង។

១០. ក្រុមហ៊ុន WING CHENG PACKAGING CO., LTD គម្រោងបង្កើតរោងចក្រផលិតកេសកាតុង ប្រអប់ក្រដាស ថង់ក្រដាស និងបោះពុម្ព ដែលមានទីតាំងវិនិយោគស្ថិតនៅភូមិជង្រុក សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ មានទុនវិនិយោគប្រមាណ៥,៦លានដុល្លារអាមេរិក និងអាចបង្កើតការងារបានចំនួន ២៣៧កន្លែង។

១១. ក្រុមហ៊ុន CAMBODIAN GOME FARM FOOD CO., LTD គម្រោងបង្កើតរោងចក្រកែច្នៃផ្លែស្វាយ ដែលមានទីតាំងវិនិយោគស្ថិតនៅភូមិត្បែស ឃុំវល្លិសរ ស្រុកសំរោងទង ខេត្តកំពង់ស្ពឺ មានទុនវិនិយោគប្រមាណ ៦,៥លានដុល្លារអាមេរិក និងអាចបង្កើតការងារបានចំនួន ៥០០កន្លែង។

១២. ក្រុមហ៊ុន CONTINENT CROWN INVESTMENT MANAGEMENT CO., LTD គម្រោងសាងសង់ និងអាជីវកម្មសណ្ឋាគារថ្នាក់ផ្កាយ៤ ចំនួន២៧៥បន្ទប់ និងមជ្ឈមណ្ឌលពាណិជ្ជកម្ម ដែលមានទីតាំងវិនិយោគស្ថិតនៅដីឡូ​លេខ​ ១៦៧៩ ផ្លូវសហព័ន្ធរុស្ស៊ី ភូមិតាងួន២ សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ មានទុនវិនិយោគប្រមាណ ៧៩លានដុល្លារអាមេរិក និងអាចបង្កើតការងារបានចំនួន ៦៧៨កន្លែង៕

The post ត្រឹមរយៈពេល១ខែមិថុនា រដ្ឋអនុម័តគម្រោងចំនួន ១២ ជាមួយនឹងទឹកប្រាក់សរុប ១៤៣,៣លានដុល្លារអាមេរិក appeared first on .

ក្រុមហ៊ុនដែលសុំវិនិយោគដូចខាងក្រោម៖
១- VANZEL PRINTING & PACKAGING (CAMBODIA) CO., LTD: គម្រោងបង្កើតរោងចក្រផលិតគ្រឿងបន្សំសម្លៀកបំពាក់ និងបោះពុម្ព ដែលមានទីតាំងវិនិយោគស្ថិតនៅផ្លូវជាតិលេខ៣ ភូមិអន្លង់រមៀតខាងលិច ឃុំអន្លង់រមៀត ស្រុកកណ្តាលស្ទឹង ខេត្តកណ្តាល មានទុនវិនិយោគប្រមាណ ២,១លានដុល្លារអាមេរិក និងអាចបង្កើតការងារបានចំនួន ៣០០កន្លែង។

២- WINDMILL-FY (CAMBODIA) GARMENTS CO., LTD : គម្រោងបង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅភូមិព្រៃខ្លា ឃុំព្រះនិព្វាន្ត ស្រុកគងពិសី ខេត្តកំពង់ស្ពឺ មានទុនវិនិយោគចំនួន ២,៥លានដុល្លារអាមេរិក និងអាចបង្កើតការងារបានចំនួន ៨៤៨កន្លែង។

៣-SPARKBAGS (CAMBODIA) CO., LTD : គម្រោងបង្កើតរោងចក្រផលិតកាបូបគ្រប់ប្រភេទ ដែលមានទីតាំងវិនិយោគស្ថិតនៅភូមិកន្ទោកជើង សង្កាត់កន្ទោក ខណ្ឌកំបូល រាជធានីភ្នំពេញ មានទុនវិនិយោគប្រមាណ ៣,៣លានដុល្លារអាមេរិក និងអាចបង្កើតការងារបានចំនួន ៧១៨កន្លែង។

គួររម្លឹកឡើងវិញផងដែរថា កាលពីថ្ងៃទី៥ ខែមេសា ឆ្នាំ២០២១ ក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រចុះបញ្ជីជាស្ថាពរ ជូនដល់ក្រុមហ៊ុនចំនួន ២ គឺការបង្កើតរោងចក្រផលិតកាបូបគ្រប់ប្រភេទ និងផលិតស្បែកជើង កាបូប និងខ្សែក្រវាត់គ្រប់ប្រភេទ ទុនវិនិយោគចំនួន ១២.៦លានដុល្លារសហរដ្ឋអាមេរិក និងអាចបង្កើតការងាបានប្រមាណជាង ១៨៤០កន្លែង ដែលទីតាំងវិនិយោគស្ថិតក្នុងខេត្តកណ្តាល និងខេត្តព្រះសីហនុ៕

The post ត្រៀម! រដ្ឋសម្រេចចុះបញ្ជីក្រុមហ៊ុនវិនិយោគចំនួន ៣ បោះទុន ៧.៩ លានដុល្លារសហរដ្ឋអាមេរិក appeared first on .

ការប្រកាសបដិសេធនេះ គឺក្រោយពេលដែលក្រសួងវប្បធម៌ បានប្រជុំ និងស្ដាប់​យោបល់​ពី​គណៈកម្មាធិ​ការអន្ដរជាតិ អាយស៊ីស៊ី-អង្គរ ក៏ដូចជាអ្នកជំនាញការ «Ad Hoc» និងអង្គការយូណេស្កូ ដោយយល់ថា គម្រោងនេះអាចមានផលប៉ះពាល់ដល់តំបន់រមណីយដ្ឋានអង្គរ ដែល​ជាបេតិកភណ្ឌ​ពិភព​លោក​មាន​តម្លៃ​ជា​សកល​។ ​​

យោង​តាម​គេហទំព័រ ​GGRAsia ដោយ​ដក​ស្រង់​សំដី​លោក​  Tim McNally ​ប្រធាន​ក្រុមហ៊ុន កាស៊ីណូណា ហ្គាខប ​បាន​គូស​បញ្ជាក់​ពី​គម្រោង​ថ្្មី​ តាមរយៈ​ការ​សាង​សង់​ជា​រីស៊ត​( Resort)  ដែល​មាន​​ទំហំ​ទឹក​ប្រាក់វិនិយោគ​ប្រមាណ​ ៣៥០​លាន​ដុល្លារ​អាមេរិក​​។  លោក​បាន​ទទួល​ស្គាល់​ពី​ការ​ព្រួយ​បារម្ភ​របស់​អង្គការ​យូណេស្កូ ហើយ​ក្រុមហ៊ុន​​នឹង​បន្ត​គម្រោង​ថ្មី​​ទៀត​ ដែល​អាច​ទទួល​​យក​​បាន​​ ក្នុង​ទិសដៅ​ជំរុញ​​វិស័យ​ទេសចរ​ឱ្យ​កាន់​តែ​រីក​ចម្រើន​។

លោក​បាន​​គូស​បញ្ជាក់​ថា​ ក្រុមហ៊ុន​តែង​តែ​ស្ដាប់​យ៉ាង​យក​ចិត្ត​ទុក​ដាក់ និង​ទទួល​យក​មតិយោបល់​​ពី​ផ្នែក​ពាក់ព័ន្ធ​ និង​រាជរដ្ឋាភិបាល​ មុន​នឹង​​អនុវត្ត​គម្រោង​វិនិយោគ​របស់​ខ្លួន​។​​​

កាលពីដើមខែវិច្ឆិកា ឆ្នាំ២០២០ ក្រុមហ៊ុនណាហ្គា ដែល​គេ​ស្គាល់​ថា​ជា​ក្រុមហ៊ុន​កាស៊ីណូ​ដ៏​ធំជាងគេ​នៅ​កម្ពុជា បានប្រកាសពីគម្រោងអភិវឌ្ឍន៍ថ្មីមួយនៅលើទឹកដីខេត្តសៀមរាប គឺគម្រោង Angkor Lake of Wonder ដែល​មានន័យថា «បឹងអច្ឆរិយៈអង្គរ»។ គម្រោង​អភិវឌ្ឍន៍​ឈ្មោះ​ថា​ «បឹងអច្ឆរិយៈអង្គរ»​ ក្នុង​ទំហំទឹកប្រាក់ ៣៥០លានដុល្លារ នៅលើផ្ទៃដី ៧៥ហិកតា ដែល​មាន​ចម្ងាយ​ប្រមាណ​៥០០ម៉ែត្រ ពី​តំបន់​រមណីយដ្ឋានអង្គរ៕​​​

អត្ថបទទាក់ទង៖

ប្រភព៖ GGRAsia

The post ក្រុមហ៊ុន​ NagaCorp បង្ហើប​​គម្រោង​វិនិយោគ​​ថ្មី​មួយ​ទៀត​នៅ​​សៀម​រាបអង្គរ appeared first on .