តាមព្រះរាជក្រឹត្យថ្មីស្តីពីគោរមងារឧកញ៉ា ចុះថ្ងៃទី២៣ ខែតុលា ឆ្នាំ២០២៤ ត្រង់មាត្រា១០ បានចែងថា គោរមងារឧកញ៉ា មានវិសមិតភាពជាមួយមុខងារជាមន្ត្រីនគរបាលជាតិ និងយោធិន ដែលកំពុងបំពេញការងារតាមក្រសួង ស្ថាប័ននានារបស់រដ្ឋ លើកលែងតែបុគ្គលនោះមាន ចំណេះជំនាញពិសេសលើវិស័យណាមួយ ហើយមានការទទួលស្គាល់ជាផ្លូវការពីស្ថាប័នមានសមត្ថកិច្ចជាតិ ឬអន្តរជាតិ។ នេះមានន័យថា បុគ្គលម្នាក់មិនអាចមានគោរមងារឧកញ៉ាផង និងបំពេញការងារជាមន្ត្រីរាជការ នគរបាលជាតិ ឬយោធិន ផងនោះទេ ពោលគឺតម្រូវឱ្យជ្រើសរើសយកតែមួយប៉ុណ្ណោះ រវាងក្របខ័ណ្ឌរដ្ឋ និងគោរមងារឧកញ៉ា។

គួររំលឹកផងដែរថា សម្ដេចតេជោ ហ៊ុន សែន អតីតនាយករដ្ឋមន្រ្ដី កាលពីថ្ងៃទី ២២ ខែសីហា ឆ្នាំ២០១៩ បានដាក់បទបញ្ជាឱ្យកងកម្លាំងប្រដាប់អាវុធរួមមាន ទាហាន នគរបាល និងកងរាជអាវុធហត្ថ ត្រូវជ្រើសរើសជាបន្ទាន់ថាតើត្រូវយកងារ ឧកញ៉ា ឬយកតួនាទីរបស់ខ្លួន។

សូមជម្រាបថា កន្លងមកថ្មីៗនេះ ក៏មានឧកញ៉ាៗមួយចំនួន បានធ្វើជាគម្រូល្អ ដោយស្ម័គ្រចិត្តលាលែងចេញពីក្របខ័ណ្ឌរដ្ឋ ឬស្ម័គ្រចិត្តលាលែងពីគោរមងារឧកញ៉ាផងដែរ។ ជាក់ស្តែង ឧកញ៉ា ព្រាប សុវត្ថិ កំពូលតារាចម្រៀងផលិតកម្ម Galaxy Navatra បានស្ម័គ្រចិត្តលាលែងចេញពីក្របខ័ណ្ឌ នៃកងយោធពលខេមរភូមិន្ទ ដោយសុំរក្សាទុកគោរមងារជា «ឧកញ៉ា» ខណៈដែលឧកញ៉ាៗចំនួន៤រូបរួមមាន៖ ឧកញ៉ា ពូ សុធីរៈ, ឧកញ៉ា តាំង ងួនសុង, ឧកញ៉ា សំ ប៊ន និងឧកញ៉ា ឌី បញ្ញា បានស័្មគ្រចិត្តលាលែងពីគោរមងារ ជា«ឧកញ៉ា» ទៅបំពេញភារកិច្ច ជាមន្រ្ដីរាជការសាធារណៈ ក្នុងអាណត្តិ រាជរដ្ឋាភិបាលថ្មី នីតិកាលទី៧ ក្រោមការដឹកនាំរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា៕ 

The post តើមន្ត្រីយោធា និងមន្ត្រីនគរបាល អាចទទួលគោរមងារឧកញ៉ា បន្ថែមទៀតបានដែរទេ? appeared first on .

តាមទិន្នន័យដែល ឧកញ៉ា ញូស៍ ទទួលបាន រយៈពេល២ខែខាងលើនេះ ព្រះមហាក្សត្រ​​បាន​ចេញ​ព្រះរាជក្រឹត្យ​ផ្តល់គោរមងារ «លោកអ្នកឧកញ៉ា» ចំនួន ១រូប​គឺ លោកអ្នកឧកញ៉ា ទ្រី ភាព នៅ​ថ្ងៃទី១០ ខែឧសភា ឆ្នាំ២០២៤។

រយៈពេលដូចគ្នានេះ សម្រាប់ការផ្តល់គោរមងារ «អ្នកឧកញ៉ា» មានចំនួន ២៣ រូប រួមមាន៖ អ្នកឧកញ៉ា សៀ ដានីញ៉ែល អ្នកឧកញ៉ា ហេង បូរិន អ្នកឧកញ៉ា លឹម ឃីហុង អ្នកឧកញ៉ា លឹម ហេង អ្នកឧកញ៉ា លន វត្តី អ្នកឧកញ៉ា លឹម សុខលី អ្នកឧកញ៉ា ជា ហាវ អ្នកឧកញ៉ា គួន ធីតា អ្នកឧកញ៉ា ញឹក ប៊ុនថា អ្នកឧកញ៉ា ភូ ទុនហេង អ្នកឧកញ៉ា លីម មុយស៊ឺ អ្នកឧកញ៉ា កី ម៉ានេ អ្នកឧកញ៉ា អ៊ុក សុចិត្រ អ្នកឧកញ៉ា ហ៊ីវ រតនា អ្នកឧកញ៉ា អ៊ឹងស៊ីតាត វីរៈ អ្នកឧកញ៉ា ទី គឹមស្រ៊ាន អ្នកឧកញ៉ា សុខ សំណាង អ្នកឧកញ៉ា ខុង លីស៊ីអាណា អ្នកឧកញ៉ា ឈួន ហាវ៉ុន អ្នកឧកញ៉ា ឌុក ទីប៉ាណា អ្នកឧកញ៉ា ប៊ុន ណារី អ្នកឧកញ៉ា អ៊ឹង ស៊ាងរិទ្ធី និងអ្នកឧកញ៉ា សំ សុខនឿន។

ជាមួយគ្នានេះ ក្នុងខែឧសភា និងខែមិថុនា ព្រះមហាក្សត្របានផ្តល់គោរមងារ «ឧកញ៉ា» មានចំនួន ១៩រូប រួមមាន៖ ឧកញ៉ា លីវ ប៉ឆេង ឧកញ៉ា ម៉ុក ទិព្វរាសី ឧកញ៉ា ឡាវ ប៉ូគៀត ឧកញ៉ា ជា សំអាត ឧកញ៉ា ហាន់ ជេពវង្ស ឧកញ៉ា សុខ ចំរើន ឧកញ៉ា អ៊ាន សុខា ឧកញ៉ា ស៊ី ទាកុក ឧកញ៉ា ខេង ចន្ទគ្រឹស្នា ឧកញ៉ា កែវ សុម៉ាលី ឧកញ៉ា លន លាងហុង ឧកញ៉ា រុណ រដ្ឋា ឧកញ៉ា យុត្ត បញ្ញា ឧកញ៉ា ឡោ ងី ឧកញ៉ា ណយ សុខឡុង ឧកញ៉ា ធូ សុខចន្ថា ឧកញ៉ា លុក ស៊ីដូរ៉េ ឧកញ៉ា សុខ ស្រីអូន និងឧកញ៉ា ហុង វណ្ណឌី។

សូមជម្រាបថា បើតាមព្រះរាជក្រឹត្យ​​ស្តីពី​គោរមងារឧកញ៉ា ចុះ​ថ្ងៃទី១១ ខែតុលា ឆ្នាំ២០២៣ គោរមងារឧកញ៉ា សំដៅដល់ងារកិត្តិយស ដែលព្រះមហាក្សត្រទ្រង់ព្រះរាជទានដោយ​ព្រះរាជក្រឹត្យ​ទៅតាមលំដាប់ថ្នាក់ ដល់រូបវន្ត​បុគ្គលជាប្រជាពលរដ្ឋខ្មែរ ដែលមានគុណបំណាច់ក្នុងការចូលរួម​អភិវឌ្ឍ​និងកសាងជាតិ។ គោរមងារឧកញ៉ា មាន៣លំដាប់ថ្នាក់គឺ លោកអ្នកឧកញ៉ា អ្នកឧកញ៉ា និងឧកញ៉ា៕

The post ខែឧសភានិងមិថុនា ព្រះមហាក្សត្រចេញព្រះរាជក្រឹត្យផ្តល់គោរមងារ អ្នកឧកញ៉ា ឧកញ៉ា ជាង ៤០រូប appeared first on .

តាមរយៈព្រះរាជក្រឹត្យលេខ នស/រកត/០៥២៤/៥៣១ ចុះថ្ងៃទី៣១ ខែឧសភា ឆ្នាំ២០២៤ បានឱ្យដឹងថា ឧកញ៉ាៗចំនួន៤រូបរួមមាន៖ ឧកញ៉ា ពូ សុធីរៈ, ឧកញ៉ា តាំង ងួនសុង, ឧកញ៉ា សំ ប៊ន និងឧកញ៉ា ឌី បញ្ញា បានបញ្ចប់គោរមងារឧកញ៉ា។

បច្ចុប្បន្ន ឧកញ៉ា សំ ប៊ន មានតួនាទី​ជា ទីប្រឹក្សារាជរដ្ឋាភិបាល មានឋានៈស្មើ រដ្ឋមន្ត្រី ខណៈដែល​ឧកញ៉ា ៣រូបទៀត​ខាងលើ​ ក៏មានតួនាទី​ជា​មន្ត្រីសាធារណៈ​របស់​រាជរដ្ឋាភិបាលផងដែរ។

ការបញ្ចប់គោរមងារឧកញ៉ានេះ ធ្វើឡើងដោយសមីខ្លួនបានស្នើសុំបញ្ចប់គោរមងារ ឧកញ៉ា ទៅសម្ដេចធិបតី ហ៊ុន ម៉ាណែត នាយករដ្ឋមន្រ្តី និងសេចក្តីក្រាបបង្គំទូលថ្វាយរបស់សម្តេចធិបតី ហ៊ុន ម៉ាណែត នាយករដ្ឋមន្រ្តី ថ្វាយព្រះមហាក្សត្រ ដើម្បីឡាយព្រះហត្តលេខាជាស្ថាពរ។

សូមជម្រាបជូនថា តាមព្រះរាជក្រឹត្យ ស្តីពីគោរមងារឧកញ៉ា ចុះថ្ងៃទី០៤ ខែសីហា ឆ្នាំ២០២៣ ត្រង់ជំពូកទី៤ អំពីលក្ខខណ្ឌនិងលក្ខណសម្បត្តិដែលត្រូវផ្តល់គោរមងារឧកញ៉ា ត្រង់មាត្រា៦ និងមាត្រា៧ បានចែងថា គោរមងារឧកញ៉ាលំដាប់ថ្នាក់ណាមួយ (លោកអ្នកឧកញ៉ា អ្នកឧកញ៉ា ឬឧកញ៉ា) ត្រូវផ្តល់ជូនដល់រូបវន្ត​បុគ្គលជាប្រជាពលរដ្ឋខ្មែរ ដោយផ្អែកតាមគុណបំណាច់របស់រូបវន្តបុគ្គលម្នាក់ៗនោះ ក្នុងការចូលរួមអភិវឌ្ឍ និងកសាងជាតិ។

ជាមួយគ្នានេះ មាត្រា៨ បានចែងយ៉ាងច្បាស់បន្ថែមទៀតថា គោរមងារឧកញ៉ា មានវិសមិតភាពជាមួយមន្ត្រី​រាជការសាធារណៈ ដែលកំពុងបំពេញការងារក្នុងក្របខ័ណ្ឌមន្ត្រីរាជការស៊ីវិល មន្ត្រីកងយោធពលខេមរភូមិន្ទ និងមន្ត្រីនគរបាលជាតិ។

គួររំលឹកផងដែរថា សម្ដេចតេជោ ហ៊ុន សែន អតីតនាយករដ្ឋមន្រ្ដី កាលពីថ្ងៃទី ២២ ខែសីហា ឆ្នាំ២០១៩ បាន​ដាក់បទបញ្ជាឱ្យកងកម្លាំងប្រដាប់អាវុធរួមមានទាហាន នគរបាល និងកងរាជអាវុធហត្ថ ត្រូវជ្រើសរើសជាបន្ទាន់​ថាតើត្រូវយកងារ ឧកញ៉ា ឬយកតួនាទីរបស់ខ្លួន ប៉ុន្តែសម្តេចពុំបានបញ្ជាក់ច្បាស់អំពីមន្ត្រីរាជការស៊ីវិលនោះទេ។ ទោះយ៉ាងណា ព្រះរាជក្រឹត្យថ្មី ស្តីពីគោរមងារឧកញ៉ានេះ បានកំណត់ច្បាស់តែម្តងគឺ មន្ត្រីរាជការសាធារណៈ​គ្រប់ប្រភេទ មិនអាចមានគោរមងារឧកញ៉ានោះទេ៕

The post ឧកញ៉ាចំនួន៤រូប ស្ម័គ្រចិត្តលាលែងពីគោរមងារ «ឧកញ៉ា» ទៅបំពេញភារកិច្ចជាមន្ត្រីរាជការ appeared first on .

ថ្លែងប្រាប់អ្នកសារព័ត៌មាន នៅក្នុងកម្មវិធីជួបជុំ និងជូនប្រាក់ឧបត្ថម្ភដល់បងប្អូនជនពិការកំបុតដៃទាំងពីរ ទូទាំង​ប្រទេស ប្រចាំឆ្នាំ២០២៤ កាលពីថ្ងៃទី២២ ខែមិថុនា ឆ្នាំ២០២៤ អ្នកឧកញ៉ាបណ្ឌិត ជា រតនា លើកឡើងថា៖ “ជាការពិត មាសមិនដែលក្លាយជាកាឡៃនោះទេ ហើយកាឡៃក៏មិនអាចក្លាយទៅជាមាសបានដែរ ហើយ​សកម្មភាព​ទាំងអស់ក៏មិនអាចប៉ះពាល់ទៅលើគោរមងារបានដែរ” ។

អ្នកឧកញ៉ាបណ្ឌិត ពន្យល់ថា៖ “គោរមងារផ្សេង បុគ្គលផ្សេង អត់ដែលមានគោរមងារណាទៅប្រព្រឹត្ដិរឿងមិនល្អទេ មានតែបុគ្គលទេដែលទៅប្រព្រឹត្ដិរឿងមិនល្អ អុីចឹង ចំពោះអ្នកដែលមិនមានការត្រឹះរិះពិចារណា សូមកុំមាន​ការ​យល់ច្រឡំ។ ការយល់ច្រឡំនឹងគោរមងារ ពាក់ព័ន្ធទៅដល់ថ្នាក់ដឹកនាំ ពាក់ព័ន្ធទៅដល់អង្គព្រះមហាក្សត្រ ដែលទ្រង់អត់បានដឹង ហើយគ្រប់គ្នាត្រូវយល់ឱ្យច្បាស់ថា អ្វីជាឧកញ៉ា? អ្វីជាបុគ្គល? គោរមងារជាអ្វី?“

ប្រធាន មូលនិធិ អ្នកឧកញ៉ាបណ្ឌិត ជា រតនា និង អ្នកឧកញ៉ា លីហៀក រតនា រូបនេះ យល់ឃើញថា៖ “យើងត្រូវបែងចែកឱ្យច្បាស់រវាងបុគ្គល និងគោរមងារ! បុគ្គលគ្រប់រូប មិនមែនតែឧកញ៉ា អ្នកនយោបាយ ឬក៏ពលរដ្ឋសាមញ្ញនោះទេ កាលណាធ្វើអ្វីមួយខុសទៅនឹងច្បាប់របស់ប្រទេសជាតិ គឺច្បាប់នឹងចាត់ចែងហើយ ប៉ុន្ដែបុគ្គលដែលទទួល​បាន​គោរមងារ កាលណាធ្វើខុស វាជាសកម្មភាពរបស់បុគ្គលនោះទេ មិនមែនជាសកម្មភាពរបស់គោរមងារនោះទេ”។

អ្នកឧកញ៉ាបណ្ឌិត ចិត្តធម៌ ដែលទើបតែរៀបចំកម្មវិធីជួបជុំ និងជូនប្រាក់ឧបត្ថម្ភដល់បងប្អូនជនពិការកំបុតដៃទាំងពីរ ទូទាំងប្រទេស សរុបប្រមាណ ១៧៨នាក់ បន្ថែមទៀត នៅសណ្ឋាគារ សាន់ & មូន រីវើសាយ ជិតស្ពានអាកាសក្បាលថ្នល់ រូបនេះ មើលឃើញថា ពេលបច្ចុប្បន្ននេះ ក្នុងការបញ្ចេញមតិ នៅកម្ពុជា គឺបងប្អូនមហាជនទូទៅ មានសិទ្ធពេញលេញគ្រប់បែបយ៉ាង ប៉ុន្ដែ​សូមការបញ្ចេញមតិនោះថ្លឹងថ្លែងឡើងវិញ ជៀសវាងកុំឱ្យប៉ះពាល់ដល់បញ្ហាគោរមងារ ពីព្រោះថា ឧកញ៉ា ឥឡូវ​ក៏មានសមាគមឧកញ៉ានៅកម្ពុជា ដែរ ហើយសមាគមឧកញ៉ា បាននិងកំពុងខិតខំរក្សាកេរ្តិ៍ឈ្មោះ កិត្តិយស កិត្យានុភាព ឧត្តមភាព និងសេចក្តីថ្លៃថ្នូរ នៃគោរមងារឧកញ៉ានៅកម្ពុជា ដើម្បីបង្ហាញ​ឱ្យកាន់តែ​ច្បាស់ ហើយឱ្យកាន់តែមានកិត្ដិយសទៅលើគោរមងារ “ឧកញ៉ា” ៕

The post អ្នកឧកញ៉ាបណ្ឌិត ជា រតនា៖ ទោះបីជា មានមតិចម្រូងចម្រាសពាក់ព័ន្ធគោរមងារ «ឧកញ៉ា» ប៉ុន្ដែ មាស មិនដែលក្លាយជាកាឡៃនោះទេ appeared first on .

ការសម្រេចដកគោរមងារឧកញ៉ា ពីលោក ស្រី ស៊ីណា ធ្វើឡើងក្រោយពីឧកញ៉ារូបនេះ បានប្រព្រឹត្ដអំពើរឃាតកម្មទៅលើគូដណ្ដឹង២រូប នៅបុរីមួយក្នុងរាជធានីភ្នំពេញ។

សូមបញ្ជាក់ថា កាលពីវេលាម៉ោង ៣៖៥០នាទី ថ្ងៃទី១៧ ខែមិថុនា ឆ្នាំ២០២៤ មានករណីផ្ទុះអាវុធមួយ នៅបុរី ប៉េងហួត ផ្ទះលេខ២៦ ផ្លូវ P-10 F គម្រោង៧ ភូមិបឹងឈូក សង្កាត់និរោធ ខណ្ឌច្បារអំពៅ រាជធានីភ្នំពេញ។ ករណីនេះ បានបណ្ដាលឱ្យជនរងគ្រោះចំនួន២នាក់ បាត់បង់ជីវិត និងរបួសស្រាល ២នាក់ ផ្សេងទៀត។ ក្រោយការស្រាវជ្រាវ ករណីនេះ មានជនសង្ស័យពាក់ព័ន្ធ ចំនួន០៤នាក់ ក្នុងនោះជនដៃដល់ម្នាក់ឈ្មោះ ស្រី ស៊ីណា មានគោរមងារជា«ឧកញ៉ា» និងកំពុងស្ថិតក្រោមនិតីវិធីច្បាប់បន្ត៕

The post លោក ស្រី ស៊ីណា ត្រូវបានដកហូតបញ្ចប់គោរមងារ «ឧកញ៉ា» appeared first on .

លោកស្រី ទេព កូលាប ត្រូវ​បាន​​​ព្រះករុណា​ព្រះបាទ​សម្តេច​ព្រះបរមនាថ នរោត្តម សីហមុនី ​​ព្រះមហាក្សត្រ​នៃ​ព្រះរាជាណាចក្រកម្ពុជា ​​​​​​ចេញ​ព្រះរាជក្រឹត្យ​ត្រាស់​បង្គាប់​ផ្តល់​គោរមងារ​ជា​ «ឧកញ៉ា» កាលពី​​ថ្ងៃទី០៣ ខែមករា ឆ្នាំ២០២២ តាម​សេចក្តី​ក្រាប​បង្គំ​ទូលថ្វាយ​របស់​​សម្តេចតេជោ ហ៊ុន សែន អតីត​នាយករដ្ឋមន្ត្រីនៃកម្ពុជា។

លោកស្រី ឧកញ៉ា​ ទេព កូលាប ត្រូវបានគេស្គាល់ថា ជាស្រ្ដីមួយរូបដែលបានចូលរួមចំណែកយ៉ាងសំខាន់ក្នុងការជួយដល់ជាតិ រហូតទទួលបានមេដាយស្ថាបនាជាតិថ្នាក់មាសផងដែរ។ បន្ថែមពីនោះ លោកស្រីឧកញ៉ា ក៏ធ្លាប់ទទួលបានការបំពាក់គ្រឿងឥស្សរិយយស ជាអ្នកដែលមានស្នាដៃល្អ នៅក្នុងការបំពេញការងារ និងបានកសាងសមិទ្ធផលនានាជាច្រើនទៀត៕

The post តើម្ចាស់សាកលវិទ្យាល័យភ្នំពេញ អន្ដរជាតិ លោកស្រី ទេព  កូលាប ទទួលបានគោរមងារ «ឧកញ៉ា» តាំងពីឆ្នាំណា? appeared first on .

ឧកញ៉ា​នៅ​កម្ពុជា​បាន​កើន​ឡើង​ដល់​១២៩៩​នាក់​គិត​ត្រឹម​ខែ​មិថុនា​ ឆ្នាំ២០២៣កន្លងទៅ​ ក្នុង​នោះ​មាន​អ្នក​ឧកញ៉ា​ជិត៦០​រូប​ និង​លោក​អ្នក​ឧកញ៉ា​មួយ​រូប​។​ រដ្ឋាភិបាល​កម្ពុជា​ចាត់​ទុក​ថា​ ក្រុម​ឧកញ៉ា​ទាំង​នេះ ​បាន​ចូល​រួម​ចំណែក​យ៉ាង​ខ្លាំង​ក្នុង​ការ​ក​សាង​សេដ្ឋកិច្ច​ជាតិ​។​ 

យ៉ាងណាក៏មានបុគ្គលមានងារឧកញ៉ាចំនួន២រូបហើយដែលត្រូវបានដកហូតបញ្ចប់គោរមងារឧកញ៉ាបន្ទាប់ពីពួកគេបង្កើតរឿងអាសូវក្នុងក្រុមគ្រួសារមុខជំនួញ និងប៉ះពាល់ដល់កិត្តិយស សេចក្តីថ្លៃថ្នូរបស់បុគ្គលមានងារឧកញ៉ា។ ក្នុងឋានៈជាប្រមុខរដ្ឋស្តីទី សម្តេចវិបុលសេនាភក្តី សាយ ឈុំ ចេញព្រះរាជក្រឹត្យបញ្ចប់គោរមងារឧកញ៉ា ពីឧកញ៉ាចំនួន២រូប គឺឧកញ៉ា ឌួង ឆាយ និងឧកញ៉ា ឡេង ចាន់ណា។

យោងតាម​ព្រះរាជក្រឹត្យព្រះមហាក្សត្រ ដែលមានចុះហត្ថលេខាដោយប្រមុខរដ្ឋស្តីទី សម្តេចវិបុលសេនាភ្តី សាយ ឈុំ នៅថ្ងៃទី១៨ ខែមីនា ឆ្នាំ២០២១ បានត្រាស់បង្គាប់​បញ្ចប់គោរមងារ «ឧកញ៉ា» ពីលោក ឌួង ឆាយ ធ្វើឡើងតាមសេចក្តីក្រាបបង្គំទូលរបស់សម្តេចតេជោ ហ៊ុន សែន នាយករដ្ឋមន្រ្តី។

ការដកហូតងារឧកញ៉ាក្រោយពី​អតីតភរិយារបស់លោកបង្ហោះវីដេអូដែល​ស្វាមីខ្លួន​ប្រើហិង្សាទៅលើរូបនាងនាពេល​កន្លងមក។ ដើមចមដែលនាំឱ្យរូបលោក​ប្រើអំពើហិង្សាលើអតីតភរិយាដោយសារតែរឿងជម្លោះផ្ទៃក្នុងគ្រួសារ។

ថ្មីៗនេះ ក្រោយសាលាដំបូងខេត្តសៀមរាបចោទ​ប្រកាន់​៣​បទល្មើសទាក់ទង​ទៅនឹង​ការ​ឆបោក ​ចេញ​សែក​គ្មាន​សាច់ប្រាក់ ​និង​ការ​សម្អាតប្រាក់​មកលើលោកស្រីឧកញ៉ា ​ឡេង ចាន់ណា ​ត្រូវបាន​ដកងារ​ឧកញ៉ា។ នៅថ្ងៃ​ព្រហស្បតិ៍​ ទី​១៤ ខែ​មីនា ឆ្នាំ​២០២៤​នេះ ប្រមុខរដ្ឋ​ស្តីទី​សម្តេចវិបុលសេនាភក្តី​ សាយ ឈុំ ​បាន​​ចុះហត្ថលេខា​លើ​ព្រះរាជក្រឹត្យ​​បញ្ចប់គោរមងារ «​ឧកញ៉ា​» ពីឧកញ៉ា ​ឡេង ចាន់ណា​។

ការដកហូត​គោរម្យងារ​ឧកញ៉ា​ពី​ឧកញ៉ា ​ឡេង ចាន់ណា ​ធ្វើឡើង​ដោយ​យោងតាម​សេចក្តី​ក្រាបបង្គំ​ទូលថ្វាយ​របស់​សម្តេចធិបតី ហ៊ុន ម៉ាណែត ​នាយក​រដ្ឋមន្ត្រី​៕

The post ក្នុងឋានៈប្រមុខរដ្ឋស្តីទី សម្តេចវិបុលសេនាភក្តី សាយ ឈុំ បញ្ចប់គោរមងារ«ឧកញ៉ា» ពីឧកញ៉ា២រូប appeared first on .

ដូចនេះ​ហើយ​លោក​បណ្ឌិត  គិន ភា ដែល​ជា​ប្រធាន​វិទ្យាស្ថាន​ទំនាក់ទំនង​អន្តរជាតិ​នៃ​កម្ពុជា បាន​ចេញ​មុខ​មក​បកស្រាយ​ថា៖ «ឧកញ៉ា» ជា​គោរមងារ​ដ៏​ខ្ពង់ខ្ពស់​ឧត្ដុង្គឧត្ដម​បំផុត​ក្នុង​ប្រទេស​រាជា​និយម​ដូច​កម្ពុជា  ព្រោះ​ជា​គោរមងារ​ដែល​ជា​ព្រះរាជទាន​របស់​ព្រះមហាក្សត្រ​ចំពោះ​បុគ្គល​ទាំង​ឡាយ​ណា ដែល​មាន​ស្នាដៃ និង​កសាង​សមិទ្ធផល​ដ៏​ធំធេង ដើម្បី​ជាតិ សាសនា ព្រះមហាក្សត្រ និង ប្រជាជន។ ដូច្នេះ គោរម​វន្ត​ដែល​ទទួល​បាន​ការ​ប្រទាន​នេះ ត្រូវ​តែ​ជា​បុគ្គល​ខ្ពង់ខ្ពស់ ថ្លៃថ្នូរ ប្រកប​ដោយ​កិត្តិយស សីលធម៌ គុណធម៌ និង​សុចរិត​ក្នុង​មុខ​ជំនួញ។

ចំពោះ​ការ​ដកហូត​ងារ «ឧកញ៉ា» វិញ​នោះ លោក​បណ្ឌិត​រូប​នេះ​បាន​បញ្ជាក់​ថា ការ​ដក​ហូត​ងារ «ឧកញ៉ា» ពី​បុគ្គល​ទុច្ចរិត ខ្វះ​ភាព​ស្មោះត្រង់​ក្នុង​មុខ​ជំនួញ ឆបោក​រាស្ត្រ ភូត​កុហក​រដ្ឋ បំផ្លាញ​ធនធាន​ធម្មជាតិ កេង​ប្រវ័ញ្ច​ទ្រព្យ​សម្បត្តិ​រដ្ឋ និង​គ្មាន​សីលធម៌ និង​គុណធម៌, គឺ​ជា​រឿង​ដ៏​ត្រឹមត្រូវ​បំផុត ដែល​មិន​ត្រឹមតែ​ជួយ​ការពារ​កិត្តិយស និង​សេចក្ដី​ថ្លៃថ្នូរ​របស់​គោរម​វន្ត ដែល​ជា​ឧកញ៉ា​ល្អ​ៗ ដែល​បាន​រួម​ចំណែក​យ៉ាង​ធំធេង​ក្នុង​ការ​កសាង​សមិទ្ធផល​ធំ​ៗ ដើម្បី​ផល​ប្រយោជន៍​សាធារណៈ និង​បាន​លះបង់​ទ្រព្យធន​ផ្ទាល់​ខ្លួន​យ៉ាង​ច្រើន​សន្ធឹកសន្ធាប់ ដើម្បី​បុព្វហេតុ​ជាតិ សាសនា ព្រះ​មហាក្សត្រ និង​ប្រជាជន​ប៉ុណ្ណោះ​ទេ តែ​ថែម​ទាំង​អាច​ជួយ​លុប​បំបាត់​ក្រុម​​ជន​ទុច្ចរិត​ឆបោក​ពលរដ្ឋ​ជា​ប្រព័ន្ធ បំផ្លាញ​ទ្រព្យ​សម្បត្តិ​សាធារណៈ និង​ធនធាន​ធម្មជាតិ​ទៀត​ផង។ ពលរដ្ឋ​ពិត​ជា​សាទរ​នឹង​ចំណាត់​ការ​បែប​នេះ​របស់​រាជរដ្ឋាភិបាល ដែល​មិន​ត្រឹមតែ​លើក​សំណើ​ថ្វាយ​ព្រះមហាក្សត្រ ស្នើ​សុំ​ដក​ហូត​ងារ «ឧកញ៉ា» ពី​ជន​ទុច្ចរិត​ទាំង​នោះ​ប៉ុណ្ណោះ​ទេ តែ​ត្រូវ​ចាត់​វិធានការ​តាម​ផ្លូវ​ច្បាប់​ឱ្យ​តឹងរ៉ឹង​បំផុត និង​ដល់​ឫសគល់​ដោយ​គ្មាន​ការ​លើកលែង ដើម្បី​ឱ្យ​ជន​ដែល​កំពុង​ប្រព្រឹត្ត​រឿង​ដូចគ្នា ឬ​កំពុង​រៀបចំ​ផែន​ការ​ប្រព្រឹត្ត​រឿង​ដូចគ្នា ខ្លាច​រអា មិន​ហ៊ាន​ប្រព្រឹត្ត​តទៅ​ទៀត។

លោក​បាន​បញ្ជាក់​ថា អាជ្ញាធរ​មាន​សមត្ថកិច្ច​ត្រូវតែ​ធ្វើការ​នេះ​ដោយ​តម្លាភាព យុត្តិធម៌ និង​ការ​ទទួល​ខុស​ត្រូវ​ខ្ពស់ ជាពិសេស ត្រូវតែ​ស្រាវជ្រាវ​របាយការណ៍​ហិរញ្ញវត្ថុ ចរន្ត​សាច់​ប្រាក់ និង​ទ្រព្យ​សម្បត្តិ​ផ្សេង​ៗ​របស់​ជន​ទុច្ចរិត​ទាំងនោះ​ឱ្យ​បាន​ច្បាស់លាស់​បំផុត និង​ត្រូវតែ​រឹបអូស​តាម​នីតិវិធី​ច្បាប់ ដើម្បី​យក​មក​សង​ប្រជាពលរដ្ឋ​វិញ។ ពេល​នេះ​ជា​ពេល​វេលា​ដ៏​សមស្រប​បំផុត ដែល​រាជរដ្ឋាភិបាល​ត្រូវតែ​វាយ​មួយ​ព្រមាន ១០០  មិន​អាច​បណ្ដែតបណ្ដោយ​ឱ្យ​រឿង​បែបនេះ​កើត​ឡើង​ដដែល​ៗ រហូត​ក្លាយ​ជា​ជំងឺ​មហារីក​សង្គម​នោះ​ទេ៕

The post បណ្ឌិត គិន ភា ប្រធានវិទ្យាស្ថានទំនាក់ទំនងអន្តរជាតិនៃកម្ពុជា បកស្រាយការដកគោរមងារ «ឧកញ៉ា» appeared first on .

អ្នកឧកញ៉ា បានថ្លែង​ប្រាប់​ ឧកញ៉ា ញូស៍ នៅ​​ព្រលប់​ថ្ងៃទី១២ ខែមីនា ឆ្នាំ២០២៤​ ថា​គណៈកម្មការអន្តរក្រសួង​ពិនិត្យ​និង​វាយតម្លៃលើសំណើសុំគោរមងារ និងការបញ្ចប់គោរមងារឧកញ៉ា ដែលសរសេរអក្សរ​កាត់​ថា «គ.ព.វ.គ.» មាន​រហូត​ដល់​ ៩​ស្ថាប័ន​ពាក់ព័ន្ធ​នេះ គឺពិនិត្យ​និង​វាយតម្លៃ​ទៅ​លើ​សំណើសុំ​គោរមងារ​ឧកញ៉ា និង​ការ​បញ្ចប់​គោរមងារ​ឧកញ៉ា។ អ្នកឧកញ៉ា បន្ត​ថា ការផ្តល់​គោរមងារ​ឧកញ៉ា​កន្លង​មក មិនទាន់​មាន​ភាព​ច្បាស់​លាស់ ដូច្នេះ​យើង​មាន​ គ.ព.វ.គ. នេះ ដើម្បី​វាយតម្លៃ​ឱ្យ​បាន​ច្បាស់​លាស់ ដល់​អ្នក​ដែល​អាច​ផ្តល់​គោរមងារ​បាន ប្រកបដោយ​​ប្រសិទ្ធភាព និង​គុណធម៌ ឬ​អ្នក​ដែល​មាន​ស្នាដៃ​ក្នុង​សង្គម​ ទាំង​នយោបាយ និង​សេដ្ឋកិច្ច​ជាតិ​របស់​យើង រួម​ទាំង​បច្ចេកវិទ្យា​ទៀត។

«ដូច្នេះ​សម្រាប់​ការ​បញ្ចប់​គោរមងារ ដូចជាមិនមាន​អ្វី​ពិបាក​នោះ​ទេ ព្រោះ​ការ​ដាក់​ឆ្លង​គណៈកម្មការ​អន្តរក្រសួង​ទាំង ៩​ស្ថាប័ន គឺ​​ងាយ​ស្រួល​ទេ ព្រោះ​យើង​ដឹង​ថា​កំហុស​ដែល​បុគ្គល​ធ្វើ​ខុស ត្រូវ​តែ​មាន​សក្ខីកម្ម​​ណា​មួយ។ ឧទាហរណ៍​ដូចជា មាន​សាលក្រម​ពី​តុលាការ ឬ​ជាប់​ឈ្មោះ​ជា​ពិរុទ្ធជន។ ដូច្នេះ​ការ​បញ្ចប់​គោរមងារ​មិនមានការ​លំបាក​ទេ ប៉ុន្តែ​​បើ​ការ​ស្នើ​សុំ​គោរមងារ​ថ្មី ប្រហែល​ជា​មាន​ការ​លំបាក​ ដើម្បី​ឆ្លងកាត់ ៩​ស្ថាប័ន​ពាក់ព័ន្ធ​នេះ»។ ​​អ្នកឧកញ៉ា លឹម ហេង បាន​បញ្ជាក់​បន្ថែម។

កាលពីថ្ងៃទី១១ ខែតុលា ឆ្នាំ២០២៣ ​ព្រះករុណា ព្រះបាទ​ សម្តេច​ព្រះបរមនាថ នរោត្តម សីហមុនី ​ព្រះមហាក្សត្រ​ ទ្រង់​ឡាយព្រះហស្តលេខា​ចេញ​​ «ព្រះរាជក្រឹត្យ​ស្តីពីគោរមងារឧកញ៉ា» ថ្មី ​ខណៈ​ដែល​ព្រះរាជក្រឹត្យស្តីពីគោរមងារឧកញ៉ា ចុះ​ថ្ងៃទី៤ ខែសីហា ឆ្នាំ២០២៣ ​​ត្រូវ​ទុកជា​និរាករណ៍។

ព្រះរាជក្រឹត្យ​ស្តីពី​ឧកញ៉ា​​ថ្មី​នេះ ​​នៅ​ត្រង់ជំពូក​ទី២ បានចែង​អំពី​ស្ថាប័ន​មានសមត្ថកិច្ច ក្នុងនោះ​ មាត្រា៤ បាន​​ចែង​ថា ត្រូវបាន​បង្កើតគណៈកម្មការអន្តរក្រសួងពិនិត្យ​និងវាយតម្លៃ​លើ​សំណើ​សុំ​គោរមងារ​និង​ការ​បញ្ចប់​​គោរមងារឧកញ៉ា មានសមត្ថកិច្ចពិនិត្យ វាយតម្លៃ និង​លើក​យោបល់​ជូន​នាយករដ្ឋមន្ត្រី​លើ​សំណើ​សុំ​ផ្តល់​និង​បញ្ចប់​គោរមងារ​ឧកញ៉ា។ គ.ព.វ.គ. មាន​សមាសភាពមកពីក្រសួងស្ថាប័នចំនួន ៩ ជាសមាជិក និងលេខាធិការ ដោយ​មាន​រដ្ឋមន្ត្រី​ទទួល​បន្ទុក​ទីស្តីការ​គណៈរដ្ឋមន្ត្រី​ជា​ប្រធាន៕

The post អ្នកឧកញ៉ា លឹម ហេង៖ ការបញ្ចប់គោរមងារឧកញ៉ា មិនពិបាកទេ ទោះត្រូវឆ្លងកាត់៩ស្ថាប័នពាក់ព័ន្ធ appeared first on .

ព្រះរាជក្រឹត្យព្រះមហាក្សត្រ ទ្រង់យល់ថា លោក គុយ សុផល ដែលបានខិតខំប្រឹងប្រែងយ៉ាងសកម្ម និងលះបង់កម្លាំង កាយចិត្ត ទាំងថ្ងៃ ទាំងយប់ ក្នុងការបំពេញភារកិច្ចថ្វាយព្រះករុណាជាអម្ចាស់ជីវិតលើត្បូង ព្រះមហាក្សត្រ, ថ្វាយសម្តេចព្រះមហាក្សត្រី និងជូនក្រសួងព្រះបរមរាជវាំង ប្រកបដោយមនសិការ និងការទទួលខុសត្រូវខ្ពស់ ទទួលបានលទ្ធផលល្អប្រសើរគួរជាទីមោទនៈ។

លោក សុផល គឺជាឧត្តមប្រឹក្សាផ្ទាល់ព្រះមហាក្សត្រ និងជាទេសរដ្ឋមន្ត្រីទទួលបន្ទុកកិច្ចការទូទៅ អមក្រសួងព្រះបរមរាជវាំង។

ក្នុងលិខិតអបអរសាទរដល់លោក គុយ សុផល សម្តេចតេជោ ហ៊ុន សែន ប្រធានក្រុមឧត្តមប្រឹក្សាផ្ទាល់ព្រះមហាក្សត្រ បានគូសបញ្ជាក់ថា «ជាយូរឆ្នាំមកហើយ ឧកញ៉ា មហាមន្ត្រី បានសម្របសម្រួលការងារស្ថាប័នរបស់រាជរដ្ឋាភិបាល ជាមួយស្ថាប័នព្រះមហាក្សត្រ ប្រកបដោយភាពរលូន និងជោគជ័យយ៉ាងត្រចេះត្រចង់»៕

The post លោក គុយ សុផល ទទួលគោរមងារ «ឧកញ៉ា មហាមន្ត្រី គុយ សុផល» appeared first on .