តាមរយៈសារជាសម្លេងទាំងព្រឹកនៅថ្ងៃទី២៦ ខែមេសានេះ សម្ដេចតេជោនាយករដ្ឋមន្ត្រី​ ហ៊ុន សែន​ បានលើកឡើងថា រាជរដ្ឋាភិបាលកម្ពុជា កំពុងពិនិត្យលទ្ធភាពត្រៀមចាក់វ៉ាក់សាំងបង្ការជំងឺកូវីដ១៩ ដូសទី ៥ សម្រាប់មន្ត្រីជួរមុខបន្ថែមទៀត។ សម្តេចបញ្ជាក់ថា​ មិនមានការខ្វះវ៉ាក់សាំងសម្រាប់ចាក់នោះឡើយ​។

បើតាមសម្តេចតេជោ កម្ពុជាក៏មាន​បងប្អូនប្រជាពលរដ្ឋជាង ៦ លាននាក់ មិនទាន់បានទទួលនូវការចាក់វ៉ាក់សាំងដូសទី ៣ នៅឡើយ។ ដូច្នេះ សម្តេចបានអំពាវនាឲ្យពលរដ្ឋទៅទទួលវ៉ាក់សាំងការពារកូវីដឲ្យបានគ្រប់ៗគ្នា ដើម្បីមានភាពសាុំក្នុងសហគមន៍។

ជាមួយគ្នានេះ ប្រមុខរដ្ឋាភិបាលក៏បានសម្រេចលើកលែងការពាក់ម៉ាស់ នៅទីសាធារណៈទូទាំងប្រទេស ប៉ុន្តែបន្តពាក់នៅកន្លែងបិទជិតដដែល ហើយទុកឲ្យប្រជាជនទាំងអស់ ជាអ្នកសម្រេចថាតើ គួរពាក់ម៉ាស ឬមិនពាក់ម៉ាស។

របាយការណ៍ក្រសួងសុខាភិបាល បានឲ្យដឹងថា នៅកម្ពុជា គិតត្រឹមថ្ងៃទី២៥ ខែមេសា ឆ្នាំ២០២២ សម្រេចការចាក់វ៉ាក់សាំងដល់ប្រជាជនអាយុពី ១៨ឆ្នាំឡើង មាន ១០២,៨៦% ធៀបជាមួយចំនួនប្រជាជនគោលដៅ ១០លាននាក់ ទៅលើកុមារ-យុវវ័យអាយុពី ១២ឆ្នាំ ទៅក្រោម ១៨ឆ្នាំ មាន ១០០,២៧% ធៀបជាមួយចំនួនប្រជាជនគោលដៅ ១,៨២៧,៣៤៨ នាក់ និងកុមារអាយុពី ០៦ឆ្នាំ ដល់ក្រោម ១២ឆ្នាំ មាន ១០៨,១៧% ធៀបជាមួយនឹងប្រជាជនគោលដៅ ១,៨៩៧, ៣៨២ នាក់។

ដោយឡែក សម្រាប់កុមារអាយុ ០៥ឆ្នាំ មាន ១២៦,៧៥% ធៀបជាមួយនឹងប្រជាជនគោលដៅ ៣០៤,៣១៧ នាក់ និងកុមារអាយុ ០៣ឆ្នាំ ដល់​ក្រោម ០៥ឆ្នាំ មាន ៥៦,២២% ធៀបជាមួយនឹងប្រជាជនគោលដៅ ៦១០,៧៣០ នាក់។

ជារួម លទ្ធផលចាក់វ៉ាក់សាំងធៀបនឹងចំនួនប្រជាជនសរុប ១៦លាន​នាក់ កម្ពុជាសម្រេចបានប្រមាណ ៩៣,១២% ហើយ៕

The post រដ្ឋាភិបាលកម្ពុជា ត្រៀមចាក់វ៉ាក់សាំងកូវីដ-១៩ ដុសទី ៥ ដល់មន្ត្រីជួរមុខ appeared first on .

បើតាមសេចក្ដីជូនដំណឹងនៅថ្ងៃចន្ទ ទី២៥ ខែមេសានេះរបស់រដ្ឋបាលរាជធានីភ្នំពេញ បានឲ្យដឹងថា៖ «ចំពោះបុគ្គលទាំងឡាយណា ដែលនៅតែបន្តគេចវេសមិនអនុវត្តកាតព្វកិច្ចទាក់ទង នឹងការទទួលការចាក់វ៉ាក់សាំងការពារជំងឺកូវីដ១៩ ដូសទី៣ ឬ ដូសជំរុញ ដែលជា «វ៉ាក់សាំងកាតព្វកិច្ច» ស្របតាមខ្លឹមសារនៃសេចក្តីជូនដំណឹងនេះ រដ្ឋបាលរាជធានីភ្នំពេញ នឹងចាត់វិធានការរដ្ឋបាល ស្របតាមច្បាប់ និងលិខិតបទដ្ឋានគតិយុត្តពាក់ព័ន្ធជាធរមាន»។

ជាមួយគ្នានេះ រដ្ឋបាលរាជធានីភ្នំពេញ ក៏នឹងធ្វើការរឹតបន្ដឹងការត្រួតពិនិត្យសុពលភាពបណ្ណចាក់វ៉ាក់សាំងកូវីដ១៩ ឬ បណ្ណចាក់វ៉ាក់សាំងបង្ការជំងឺកូវីដ១៩ ឬ លិខិតបញ្ជាក់ការចាក់វ៉ាក់សាំងបង្ការជំងឺកូវីដ-១៩ ដោយមិនអនុញ្ញាតឲ្យបុគ្គលណាមួយ ដែលគ្មានបណ្ណចាក់វ៉ាក់សាំងកូវីដ១៩ ឬមានបណ្ណចាក់វ៉ាក់សាំងដែលគ្មានសុពលភាពសម្រាប់ដូសទី៣ ឬ ដូសជំរុញ ចូលក្នុងបរិវេណទីតាំងបិទជិត ដូចជា រោងចក្រ-សហគ្រាស អាជីវកម្មដ្ឋាន មណ្ឌលកម្សាន្ត ផ្សាររដ្ឋ ផ្សារឯកជន ផ្សារម៉ាត ភោជនីយដ្ឋាន អាហារដ្ឋាន ហាងកាហ្វេ និងគ្រឹះស្ថានសិក្សា ជាដើម។

គួររម្លឹកថា គិតត្រឹមថ្ងៃទី២៤ ខែមេសា ឆ្នាំ២០២២នេះ កម្ពុជាសម្រេចបានអត្រានៃការចាក់វ៉ាក់សាំងកូវីដ-១៩ ធៀបនឹងចំនួនប្រជាជនសរុប ១៦លាន​នាក់​ មាន ៩៣,០៨%ហើយ៕

The post អ្នកនៅភ្នំពេញត្រៀមចាក់ដូសទី ៣ បើគ្មានបណ្ណចាក់វ៉ាក់សាំងដុសជំរុញមិនអនុញ្ញាតិឲ្យចូលទីកន្លែងបិទជិត appeared first on .

នេះបើយោងតាមរបាយការណ៍បូកសរុបចាក់វ៉ាក់សាំងបង្ការជំងឺកូវីដ-១៩ ជូនប្រជាពលរដ្ឋ ៤ខណ្ឌ និងតំបន់ក្រហម រាជធានីភ្នំពេញ គិតចាប់ពីថ្ងៃទី ១ ដល់ ថ្ងៃទី ៧ ខែឧសភា ឆ្នាំ ២០២១។

គួរបញ្ជាក់ថា ទន្ទឹមនឹងចាក់វ៉ាក់សាំងកូវីដ-១៩ ជាង ៣០មុឺននាក់នេះ ពេទ្យយោធានៃក្រសួងការពារជាតិ ក្នុងថ្ងៃទី៧ ខែឧសភា ឆ្នាំ ២០២១នេះ ក៏បានបើកយុទ្ធនាការចាក់វ៉ាក់សាំងកូវីដ-១៩ ថ្ងៃទី១ ជូនប្រជាពលរដ្ឋ សង្កាត់ទួលសង្កែ១ ដែលស្ថិតក្នុងតំបន់ក្រហម ក្នុងខណ្ឌឬស្សីកែវ រាជធានីភ្នំពេញ បានចំនួនសរុប ២៣២៨នាក់ ផងដែរ៕

ប្រភព៖ ទទក

The post ត្រឹម៧ថ្ងៃ ពេទ្យយោធាចាក់វ៉ាក់សាំងកូវីដ-១៩ជូនពលរដ្ឋក្នុងតំបន់ក្រហមបាន ៣០មុឺន ៣៦២នាក់ appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

បើតាមនាយករដ្ឋមន្ត្រីកម្ពុជា វ៉ាក់សាំងសម្រាប់ចាក់ចំនួន ៥២មុឺននាក់ នៅក្នុងតំបន់ក្រហម គឺមិនខ្វះទេ គឺថ្ងៃទី ១១ខែឧសភា ឆ្នាំ ២០២១ វ៉ាក់សាំងនឹងមកដល់ ៥០មុឺនដូស នឹងថ្ងៃទី ១៥ ខែឧសភា ឆ្នាំ ២០២១ នឹងដឹកមកដល់ចំនួន ៥០មុឺនដូសទៀត សរុប ១លានដូសនៅក្នុងដៃយើងបន្ថែមទៀត ។

ជាមួយគ្នានោះ សម្តេចតេជោ ហ៊ុន សែន ក៏សូមស្នើសម្តេចពិជ័យសេនា ទៀ បាញ់ បញ្ជាទៅអង្គភាពដែលត្រូវចុះចាក់នៅក្នុងតំបន់ក្រហម មិនត្រូវបញ្ចប់ដូសទី១ ត្រឹមថ្ងៃទី ១៥ ខែឧសភានោះទេ គឺដូសទី១ ត្រូវតែធ្វើយ៉ាងណាឲ្យហើយ ឲ្យអស់ប្រជាពលរដ្ឋនៅក្នុងតំបន់ក្រហម ។

សម្តេចបញ្ជាក់បញ្ជាក់ថា មិនថាត្រឹមតែ ៥២មុឺននាក់ទេ ទោះបីជា ៥៣ ទៅ៥៤មុឺន ឬ៥៥មុឺននាក់ ក៏យើងនៅតែមានលទ្ធភាព ដើម្បីចាក់ជូនប្រជាពលរដ្ឋដែរ។ សម្តេចក៏សូម អង្វរករប្រជាពលរដ្ឋកុំឲ្យចេញពីតំបន់ផ្សេងចូលមកតំបន់ក្រហមដើម្បីបានចាក់វ៉ាក់សាំង ធ្វើយ៉ាងនេះដើម្បីធានាថា យើងបានចាក់វ៉ាក់សាំងជូនប្រជាពលរដ្ឋក្នុងតំបន់ក្រហមបានគ្រប់ៗគ្នា៕

The post នាយករដ្ឋមន្ត្រីកម្ពុជាសូមអង្វរករដល់ប្រជាពលរដ្ឋកុំឲ្យចេញពីតំបន់ផ្សេងចូលមកតំបន់ក្រហមដើម្បីបានចាក់វ៉ាក់សាំង appeared first on .

ស្ថិតិអ្នកជំងឺកូវីដឆ្លងថ្មី និងទីតាំងភូមិសាស្ត្រអ្នកឆ្លង បានបញ្ជាក់យ៉ាងច្បាស់ ស្ថិតក្នុងតំបន់រាជធានី ខេត្ត-ក្រុង ផ្សេងៗគ្នា លក្ខណៈរាយប៉ាយ គួរឱ្យព្រួយបារម្ភជាខ្លាំង ហេតុដូច្នេះហើយ សូមបងប្អូនប្រជាពលរដ្ឋទូទាំងប្រទេសកម្ពុជាបង្កើនការប្រុង​ប្រយ័ត្ន និងកុំធ្វេសប្រហែសឱ្យសោះ។ គួរបញ្ជាក់ថា គិតត្រឹមថ្ងៃទី០២ ឧសភា នេះដូចគ្នា អ្នកឆ្លងកូវីដសរុប= 14520 នាក់ – អ្នកជាសះស្បើយ= 5369 នាក់ – អ្នកកំពុងព្យាបាល= 9040 នាក់ – អ្នកស្លាប់= 103 នាក់៕

The post ក្រសួងប្រកាសរកឃើញអ្នកជំងឺកូវីដថ្មីចំនួន ៧៣០នាក់ នៅរាយប៉ាយតាមរាជធានី ខេត្ត-ក្រុងទាំង ១២ appeared first on .

យុទ្ធនាការនេះបាននឹងកំពុងប្រព្រឹត្តទៅនៅ មជ្ឈមណ្ឌល កីឡា ផ្លាទីនីម (Platinum Sports Center) ក្នុងគម្រោង បុរី ប៉េង ហួត ហ្គ្រេនស្តា ផ្លាទីនីម (បឹងស្នោ) ចាប់ពីថ្ងៃទី២០ ខែមេសា ២០២១ តទៅ។

ថ្ងៃទី១នៃសកម្មភាពចាក់វ៉ាក់សាំង “ស៊ីណូវ៉ាក់ (Sinovac)” សម្រាប់ដូសទី២ ជូនដល់ប្រជាពលរដ្ឋដែលរស់នៅក្នុងខណ្ឌច្បារអំពៅ ប្រមាណ ៣០០នាក់ នៅមជ្ឈមណ្ឌលកីឡា ផ្លាទីនីម (Platinum Sports Center) ក្នុងគម្រោង បុរី ប៉េង ហួត ហ្គ្រេនស្តា ផ្លាទីនីម (បឹងស្នោ)។

សម្រាប់ថ្ងៃទី២១ មេសា ២០២១ ត្រូវនឹងថ្ងៃទី២ នៃយុទ្ធនាការចាក់វ៉ាក់សាំងនេះដែរ ក្រុមការងារជាបុគ្គលិករបស់ក្រុមហ៊ុន ប៉េង ហួត គ្រុប ក៏បានបន្តសហការជាមួយមន្ត្រីក្រសួងសុខាភិបាល ដោយនាំយកនូវវ៉ាក់សាំងស៊ីណូវ៉ាក់ ដូសទី២ ចំនួន ៥០០ដូស បន្ថែមទៀត សម្រាប់ត្រៀមចាក់ជូនបងប្អូនប្រជាពលរដ្ឋក្នុងមូលដ្ឋានខណ្ឌច្បារអំពៅ។

គួរបញ្ជាក់ថា យុទ្ធនាការចាក់វ៉ាក់សាំង ស៊ីណូវ៉ាក់ដូសទី២នេះ នឹងបន្តរហូតដល់មានការជូនដំណឹងជាថ្មី ដោយក្រសួងសុខាភិបាល។ សូមចូលរួមចាក់វ៉ាក់សាំងតាមការរៀបចំរបស់ក្រសួងសុខាភិបាល និងសូមប្រកាន់ខ្ជាប់នូវវិធានការ ”៣ការពារ ៣កុំ” ទាំងអស់គ្នា។

The post ក្រុមហ៊ុន ប៉េង ហួត គ្រុប សាខាបឹងស្នោផ្ដល់ទីតាំងចាក់វ៉ាក់សាំង “ស៊ីណូវ៉ាក់”ដូសទី២ ដល់ប្រជាពលរដ្ឋក្នុងខណ្ឌច្បារអំពៅ appeared first on .

សម្រាប់វ៉ាក់សាំង ចំនួន ៥០ ម៉ឺនដូសបន្ថែមទៀត នឹងមកដល់នៅថ្ងៃ១៧ ខែមេសា

១ លាន ៥០ ម៉ឺនដូស មកដល់ខែឧសភា

៣ លានដូស មកដល់ខែមិថុនា

២ លានដូស មកដល់ខែកក្កដា

១ លានដូស មកដល់ខែសីហា

The post អបអរសាទរ! វ៉ាក់សាំងកូវីដ១៩ សរុបចំនួន ៨លានដូសបន្ថែមទៀតនឹងមកដល់ប្រទេសកម្ពុជាជាបន្តបន្ទាប់ appeared first on .

សម្រាប់ការចុះឈ្មោះ ប្រជាពលរដ្ឋទាំងអស់ ដែលគ្រប់លក្ខខណ្ឌចាក់វ៉ាក់សាំងកូវីដ១៩ បាន អាច​អញ្ជើញទៅចុះឈ្មោះ នៅតាមសង្កាត់ បងប្អូនកំពុងរស់នៅផ្ទាល់ ឬក៏ចូលចុះឈ្មោះចាក់វ៉ាក់សាំងតាមអនឡាញ តាមរយៈលីង cambodia-vaccine.gov.kh ។ ជម្រើសមួយទៀត បងប្អូនក៏អាចបើកកាមេរ៉ាទូស័ព្ទស្កេនឱ្យចំ QR Code លើរូបខាងក្រោមនេះ។

កុំភ្លេចរក្សាគម្លាតសុវត្ថិភាពពេលទៅចាក់វ៉ាក់សាំង និងបន្តចូលរួមវិធាន ៣ការពារ ៣កុំ ទាំងអស់គ្នា ដើម្បីឈានទៅបិទបញ្ចប់ព្រឹត្តិការណ៍សហគមន៍ ២០ កុម្ភៈ ក្នុងពេលឆាប់ៗខាងមុខ៕

The post ចាប់ពីថ្ងៃទី០៥ មេសានេះ ខណ្ឌនីមួយៗក្នុងរាជធានីភ្នំពេញនឹងទទួលអ្នកស្ម័គ្រចិត្តចាក់វ៉ាក់សាំង មួយថ្ងៃ ៣០០នាក់ appeared first on .

ក្នុងនោះក៏ឃើញមានព្រះសង្ឃមួយអង្គ ទទួលបានការនិមន្តពីអ្នកឧកញ៉ា គិត ម៉េង ដើម្បីទទួលការចាក់សាំងការពារជំងឺកូវីដ១៩ ស៊ីណូវ៉ាក់ ដែលនិមន្តមកពីវត្តក្បាលកោះអន្លង់ចិន ក្រុងតាខ្មៅ ខេត្តកណ្តាល ព្រះនាម ឃីន ជីន ជាចៅអធិការវត្ត។

អ្នកឧកញ៉ា គិត ម៉េង បានថ្លែងថា “ខ្ញុំពិតជាមានមោទនភាពណាស់ដែលសមាជិករបស់គ្រួសារ រ៉ូយ៉ាល់គ្រុប ជាច្រើនបានស្ម័គ្រចិត្ត ទទួលវ៉ាក់សាំងបង្ការ និងធ្វើជាគំរូដ៏ល្អមួយសម្រាប់សហគមន៍។ នៅក្នុងស្ថានភាពបច្ចុប្បន្ននេះ យើងត្រូវជឿជាក់ និងការពារខ្លួនយើងនិងក្រុមគ្រួសាររបស់យើងពីវីរុស តាមរយៈវ៉ាក់សាំងបង្ការដែលត្រូវបានផ្តល់ឲ្យដោយរដ្ឋាភិបាល”។ 

អ្នកឧកញ៉ាបានប្រាប់ថា “យើងទាំងអស់គ្នាពិតជាមានសំណាងណាស់ដែលអាចទទួលបានវ៉ាក់សាំងបានយ៉ាងលឿន ដោយសារកិច្ចខិតខំរបស់រាជរដ្ឋាភិបាល ជាពិសេស សម្តេចតេជោ ហ៊ុន សែន និងក្រសួងសុខាភិបាល”៕

The post អ្នកឧកញ៉ា គិត ម៉េង និមន្តព្រះសង្ឃមួយអង្គមកទទួលការចាក់វ៉ាក់សាំងកូវីដ១៩នៅសណ្ឋាគារ កាំបូឌីយ៉ាណា appeared first on .

សំនួរសួរថា តើការលេចឡើងនូវជំងឺកូវីដ១៩ ដ៏កាចសាហាវនេះ បានផ្ដល់នូវសារ ឬមេរៀនអ្វីខ្លះដល់មនុស្សលោកក្នុងផែនដីយើងនេះ?

ខាងក្រោមនេះ គឺជាមេរៀនដ៏សំខាន់ កូវីដ១៩ បានបង្រៀនមនុស្សជុំវិញពិភពលោក ឱ្យមានការចង់ចាំទុក ជាទំព័រប្រវត្តិសាស្ត្រ នៃរឿងនិទានដ៏សែនឈឺចាប់ សម្រាប់ដំណាលប្រាប់កូនចៅជំនាន់ក្រោយយើង ឱ្យមានការប្រុងប្រយ័ត្នគ្រប់ជំហ៊ានទៅថ្ងៃអនាគត៖

១. សុខភាព គឺសំខាន់ខ្លាំងណាស់

២. មុខរបរ និងការងារ គឺមិនឋិតថេរ

៣. ជីវិត គឺផុយស្រួយ

៤. មិនមាននរណាដែលគួរឱ្យទុកចិត្ត

៥. ផ្ទះគឺជាកន្លែងដែលកក់ក្ដៅជាងគេ

៦. សាមគ្គីភាព គឺជាភាពចាំបាច់

៧. ធ្វេសប្រហែស ក្អេងក្អាង អាចនាំសេចក្ដីវិនាស

៨. ភាពអាត្មានិយម គឺអាចនាំទុក្ខទោសដល់អ្នកដ៏ទៃ

៩. បើក្រ គឺមិនងាយនឹងបានសម្រាក

១០. មនុស្សដែលខ្លួនស្រលាញ់ខ្លាំងជាទីបំផុត អាចនឹងបាត់បង់ត្រឹមមួយពព្រិចភ្នែក។

សូមមេត្តាប្រុងប្រយ័ត្នឱ្យបានខ្ពស់ជាទីបំផុត ដោយអនុវត្តតាមការអំពាវនាវរបស់រាជរដ្ឋាភិបាល តាមវិធាន ៣ការពារ ៣កុំ និងសូមស្ម័គ្រចិត្តចូលរួមចាក់វ៉ាក់សាំងឱ្យបានគ្រប់ៗគ្នា។ ចុះចំណែកប្រិយមិត្តវិញយល់យ៉ាងណាដែរ ចំពោះខ្លឹមសារខាងលើនេះ?

The post រឿងនិទានដ៏សែនឈឺចាប់កូវីដ១៩ បង្រៀនមនុស្សជុំវិញពិភពលោកឱ្យចេះពិចារណាលើចំណុចទាំង ១០នេះ appeared first on .