លោក អាន ឬទ្ធី បានឱ្យដឹងថា «មកដល់សព្វថ្ងៃនេះ យើងបានផ្លាស់ប្តូរយុទ្ធសាស្ត្រខ្លះៗដែរ។ កាលពីមុនការចិញ្ចឹមជ្រូកយើងលក់ជ្រូករស់ទៅលើទីផ្សារទំាងឌុល ប៉ុន្តែឥលូវនេះ យើងធ្វើជ្រូកអំាងលក់ដោយខ្លួនឯងដើម្បីយកប្រាក់ទៅចំណាយលើថ្លៃទិញចំណីបានប្រមាណ៣០ទៅ៤០%។លើសពីនេះយើងកំពុងរកមើលទីផ្សាររហូតដល់ឈានទៅកាប់ជ្រូកលក់នៅដោយខ្លួនឯងនៅក្នុងសហគមន៍ថែមទៀត»។

ក្រៅពីប្រើយុទ្ធសាស្ត្រធ្វើជ្រូកអំាងលក់ដោយខ្លួនឯង អស់មួយក្បាលទៅពីរក្បាលជារៀងរាល់ថ្ងៃ លោកអាន ឬទ្ធី ទទួលបានចំណូលមួយផ្នែកទៀតពីការដំាដំណាំបន្លែផ្លែឈើប្រមាណ៣០% យកទៅទ្រទ្រង់នៅក្នុងមុខរបរចិញ្ចឹមជ្រូករបស់ខ្លួននាពេលលសព្វថ្ងៃ។

លោកបញ្ជាក់ថា «មុខរបរចិញ្ចឹមជ្រូកសព្វថ្ងៃនេះ បើមិនមានច្នៃប្រឌិតមុខរបរបន្ថែមជួយទេ អាជីវកម្មចិញ្ចឹមជ្រូកមួយនេះបានបិទទ្វារយូរហើយ ខណៈកសិករចិញ្ចឹមជ្រូកលក្ខណៈខ្នាតតូចនៅក្នុងតំបន់ប្រហែល៦០%ពួកគាត់បានបិទទ្វារឈប់ចិញ្ចឹមជ្រូក»។ស្របពេលតម្លៃជ្រូករស់មិនទាន់ឆ្លើយតបទៅការចង់បានរបស់ប្រជាកសិករដែលអ្នកចិញ្ចឹមជ្រូក សម្រាប់លោក អាន ឬទ្ធី គ្រាន់តែចំណាយប្រាក់តែទៅលើចំណីក្នុងមួយខែអស់ជាង៣ម៉ឺនដុល្លារអាមេរិក។

លោក បន្តថា កសិករចិញ្ចឹមជ្រូកនៅក្នុងប្រទេស ទិញចំណីសម្រេចពីខាងក្រុមហ៊ុន នៅពេលដែលតម្លៃជ្រូករស់នៅតំបន់ខ្លះកសិករអាចលក់បានក្នុងរង្វង់៩០០០រៀ់លក្នុងមួយគីឡូក្រាម នេះគឺកសិករមិនអាចរកផលចំណេញពីមុខរបរបានទេ ទាល់តែតម្លៃជ្រូកចាប់ពីថ្លៃ១០.០០០រៀលឡើងទៅ ទើបបានផលចំណេញខ្លះ។

លោកលើកឡើងថា «នៅពេលខាងមុខយើងមានគម្រោងកាត់បន្ថយជ្រូកបន្តទៀត(លក់ចេញ) ប៉ុន្តែយើងរង់ចំាមើលនៅថ្ងៃមុនបុណ្យភ្ជុំបិណ្ឌឬក្រោយបុណ្យភ្ជុំបិណ្ឌខែ១០ឬខែ១១បើជ្រូកមិនឡើង ឬតម្លៃវានៅទ្រឹងដដែល យើងនឹងកាត់បន្ថយទៀត។នៅវគ្គក្រោយនេះ អាចកាត់មេជ្រូពូជ៧០ក្បាល ក្នុងចំណោម១៥០ក្បាល និងជ្រូកសាច់មួយចំនួន ដើម្បីយកទុនមកបង្វិលសម្រាប់ពេលខាងមុខ»៕

អត្ថបទ៖សារេត

The post កសិករចិញ្ចឹមជ្រូកនៅខាងសៀមរាប ធ្វើជ្រូកអំាងលក់ដើម្បីទប់ខ្លួនកុំឱ្យអាជីវកម្មឈានដល់ការបិទទ្វារ appeared first on .

លោក ភុន សុផល កសិករចិញ្ចឹមជ្រូកមួយរូបស្ថិតនៅ ឃុំពងទឹក ស្រុករំដួល ខេត្តស្វាយរៀង បានថ្លែងប្រាប់ សារព័ត៌មាន ឧកញ៉ាញ៉ូស៍ ថាកាលពីឆ្នាំមុន តម្លៃជ្រូកសាច់គឺល្អ កសិករអាចលក់ មួយគីឡូបានពី ១១០០០៛ ដល់ ១១៥០០៛ ចំណែកឯកូនជ្រូកវិញ កសិករអាចលក់ចេញបានពី ៣០០០០០៛ ដល់ ៣៥០០០០៛ បើជា​ពូជល្អទៀត អាចលក់បានរហូតទៅដល់ ៤០០០០០៛។

ដោយឡែកក្នុងឆ្នាំនេះ យើងសង្កេតឃើញថាតម្លៃជ្រូកសាច់ គឺមានការធ្លាក់ចុះមែនទែន នេះមិនមែនមានន័យថា​ក្នុងឆ្នាំមុនមិនធា្លក់ចុះទេ តែតម្លៃនៃការធ្លាក់ចុះនៅឆ្នាំមុនគឺមានរយៈពេលខ្លី ប៉ុន្តែសម្រាប់ឆ្នាំនេះ គឺមានរយៈពេល​យូរ ហើយតម្លៃនៃការធ្លាក់ចុះក្នុងឆ្នាំមុន គឺចុះមកត្រឹមតែ៨០០០០៛ តែប៉ុណ្ណោះ ដោយឡែកក្នុងឆ្នាំនេះ​គឺធ្លាក់​មកដល់៧០០០០៛ ហើយស្របពេលជាមួយគ្នានេះដែរ ចំណីជ្រូកក៏ឡើងថ្លៃទៀត ដូច្នេះតម្លៃនៃការលក់ជ្រូក​ចេញ វាមិនសមស្របជាមួយថ្លៃចំណី ពេលវេលា និងកម្លាំងដែលកសិករខំចិញ្ចឹមជ្រូកនោះទេ។

លោក ភុន សុផល បានបន្តទៀតថា កត្តាដែលធ្វើឱ្យតម្លៃជ្រូកធ្លាក់ថ្លៃនេះ វាអាចបណ្ដាលមកពីកត្តាមួយ​ចំនួន​ដូចជា ជំងឺជ្រូកផ្ទុះឡើង។ នៅពេលដែលជ្រូកផ្ទុះជំងឺ គឺអាចធ្វើអោយប្រជាកសិករភ័យខ្លាចជំងឺ និងអាចបណ្ដាល​ឱ្យ​ជ្រូកស្លាប់នៅក្នុងកសិដ្ឌាន ហេតុនេះទើបធ្វើឱ្យ​ប្រជាកសិករសម្រុកលក់ជ្រូក ហើយក៏ធ្វើអោយជ្រូកធ្លាក់ថ្លៃ។ មួយវិញទៀតពាក់ព័ន្ធជាមួយការលក់សាច់ជ្រូកបង្កក ដែលនាំចូលមកពីក្រៅប្រទេស ទោះបីជា អគ្គនាយកដ្ឋាន​គយ​និងរដ្ឋាករកម្ពុជា បានចាត់វិធានការក្នុងការនាំចូលសាច់ជ្រូកបង្កកខុសច្បាប់មកប្រទេសកម្ពុជាក្ដី ក៏យើងបាន​សង្កេតឃើញមានការដាក់លក់សាច់ជ្រូកបង្កក នៅលើបណ្ដាញសង្គមជាហូរហែរ។

កសិករមិនបញ្ចេញឈ្មោះមួយរូប ស្ថិតនៅ ភូមិទួល ឃុំបារាំងធ្លាក់ ស្រុកភ្នំព្រឹក ខេត្តបាត់ដំបង បានបង្ហើបឱ្យ​ សារព័ត៌មាន ឧកញ៉ាញ៉ូស៍ បានដឹងថា​ផង​ដែរ​ថា​ ហេតុដែលនាំឱ្យ​ជ្រូកមានតម្លៃធ្លាក់ចុះនេះ ក៏អាចបណ្ដាល​មក​ពីការលួចនាំចូលជ្រូករស់ខុសច្បាប់តាមជាយដែនពីសំណាក់ឈ្មួញផងដែរ។ ឈ្មួញមួយចំនួន​ក៏បាននិយាយ​ប្រៀបធៀបរវាងជ្រូកដែលនាំចូលពីបរទេស និងជ្រូករបស់ប្រជាកសិករកម្ពុជា ដើម្បីទម្លាក់តម្លៃរបស់ជ្រូក​ប្រជា​កសិករកម្ពុជាថែមទៀតផង។

លោក ភុន សុផល ក៏បានលើកឡើងដែរថា កាលពីឆ្នាំមុន មុនពេលចូលឆ្នាំចិនមួយអាទិត្យ​ទៅដប់ថ្ងៃគឺមានឈ្មួញ​បាន​មករកទិញជ្រូកយកទៅខ្វៃជាច្រើនទៅស្តុកទុក ហើយតម្លៃវិញគឺអាចបានដល់ទៅ ៣០០០០០៛ ទៅ ៤០០០០០៛ ក្នុងមួយក្បាល តែចំណែកឆ្នាំនេះវិញ គឺហាក់បីដូចស្ងាត់ឈ្មួញមករកទិញជ្រូកយកទៅខ្វៃមែនទែន បើមានក៏ទិញតែមួយឬពីរក្បាលប៉ុណ្ណោះ ហើយតម្លៃវិញគេឱ្យ​ត្រឹមតែ ១៥០០០០៛ ទៅ ២០០០០០៛ ក្នុងមួយ​ក្បាល។

លោក ភុន សុផល បានយល់ឃើញថា បើសិនជាតម្លៃជ្រូកនៅតែធ្លាក់ចុះ ហើយនៅតែមានការនាំចូលលក់សាច់​ជ្រូក​បង្កកច្រើននៅលើទីផ្សារទៀត ប្រជាកសិករពី៧០%ទៅ៨០% អាចនឹងនាំគ្នាឈប់ប្រកបរបរនេះហើយ ដូច​ដែលយើងឃើញស្រាប់ប្រជាកសិករមួយចំនួនចាប់ផ្ដើមបោះបង់ការប្រកបរបរចិញ្ចឹមជ្រូកនេះហើយ ពីព្រោះមាន​ការខាតបង់​ច្រើន។ លោកក៏បានសំណូមទទូចស្នើរសុំដល់រដ្ឋាភិបាល ជួយ​ធ្វើឱ្យ​តម្លៃជ្រូកមានភាពល្អប្រសើរ​ឡើង​វិញ ដើម្បីឱ្យ​ប្រជាកសិករខ្មែរមានកម្លាំងចិត្តក្នុងការប្រកបរបរនេះតទៅទៀត៕

The post តម្លៃជ្រូកធ្លាក់ចុះមិនឡើងវិញ ធ្វើឱ្យប្រជាកសិករ ៨០% លែងចង់បន្តរបរចិញ្ចឹមជ្រូកទៀត appeared first on .

អ្នក​ស្រី​ លី ស៊ី​ណា​ ម្ចាស់​កសិដ្ឋាន​ចិញ្ចឹម​ជ្រូក​ខ្នាត​តូច​ រស់​នៅ​ក្នុង​ ឃុំ​ អន្សា​ចំបក់​ ស្រុក​ ក្រគរ​ ខេត្ត​ ពោធិ៍សាត់​ បាន​ឲ្យ​ឧក​ញ៉ា​ញូស៍​ ដឹង​ថា​ តម្លៃ​ជ្រូក​រដូវ​ភ្ជុំ​បិណ្ឌ​​ឆ្នាំ​នេះ​មាន​ការ​ធ្លាក់​ចុះ​ បើ​ប្រៀប​ទៅ​នឹង​ឆ្នាំ​ទៅ​ ពោល​គឺ​ ភ្ជុំ​បិណ្ឌ​ឆ្នាំ​មុន​ លក់​បាន​តម្លៃ​ ១១៥០០ រៀល ក្នុង​មួយ​គីឡូ​ក្រាម​ បុណ្យ​ចូល​ឆ្នាំ​ខ្មែរ​ ១០៥០០ រៀល ដោយ​ឡែក​ ភ្ជុំ​ឆ្នាំ​នេះ​ បាន​តម្លៃ​ត្រឹម​តែ​ ៩០០០ រៀល​ ក្នុង​មួយ​គីឡូ​ក្រាម​ ប៉ុណ្ណោះ។

អ្នក​ស្រី​ បាន​បន្ត​ថា​ ការ​ចិញ្ចឹម​ជ្រូក​ពិត​ជា​ចំណាយ​ច្រើន​ទៅ​លើ​ចំណី​ កន្ទក់​ ជា​ដើម​ ដែល​បច្ចុប្បន្ន​ ជ្រូក​អ្នក​ស្រី​ មាន​ចំនួន​ ១២ ក្បាល ដោយ​ក្នុង​រយៈ​ពេល​ ៣ ខែ អ្នក​ស្រី​ត្រូវ​ចំណាយ​ទៅ​លើ​ចំណី​ប្រមាណ​ ៣០ បេ (ក្នុង​មួយ​បេ​មាន​តម្លៃ​ ៨៥០០០ រៀល​ ) បើ​គិត​ជា​ទឹក​ប្រាក់​សរុប​ប្រមាណ​ ២ ៥៥​០០ ០០ រៀល ។ ចំណែក​ ឯ​កន្ទក់​ ក្នុង​​មួយ​ថ្ងៃ​ចំណាយ​ ប្រមាណ​ ២០ គីឡូក្រាម​ រយៈ​ពេល​ ៣ ខែ ចំណាយ​អស់ ១ ៨០០០ គីឡូក្រាម​ ( ១០០០ រៀល​ ក្នុង​មួយ​គីឡូ​ក្រាម ) គិត​ជា​ទឹក​ប្រាក់​ប្រមាណ​ ១ ៨០ ០០ ០០ រៀល​ ។ មិន​តែ​ប៉ុណ្ណោះ​ ក៏​មាន​ការ​ចំណាយ​ទៅ​លើ​ បាយ​ស្រា​ ថ្នាំ​សង្កូវ​ វ៉ាក់​សាំង​ កម្លាំង​ ពេល​វេលា​នៃ​ការ​មើល​ថែ​ផង​ដែរ​ បើ​ខែ​ប្រាំង​ ក្តៅ​ អណ្តូង​រីង​ទឹក​ ត្រូវ​ចំណាយ​ការ​ទិញ​ទឹក​មក​ផ្គត់​ផ្គង់​ជ្រូក​បន្ថែម​ទៀត​ ។

កសិករ​វ័យ​ ៥០ ឆ្នាំ​ ប្លាយ​រូប​នេះ​ បន្ត​ទាំង​ទឹក​មុខ​ស្មើ​ថា​ បើ​បែង​ចែក​ ទៅ​លើ​ការ​ចំណាយ​ និង ការ​ប្រមូល​ផល​ គឺ​មាន​ការ​ចំណេញ​តិច​តួច​បំផុត​ សម្រាប់​អ្នក​ស្រី​ ព្រោះ​ តម្លៃ​កូន​ជ្រូក​ ចំណី​ កន្ទក់​ …កាន់​តែ​ឡើង​ ចំណែក​តម្លៃ​លក់​ចេញ​កាន់​តែ​ធ្លាក់​ ។

ចំណែក​ឯ​ ម្ចាស់​កសិដ្ឋាន​ចិញ្ចឹម​ជ្រូក​ខ្នាត​តូច​នៅ​ ស្រុក អន្លង់​វែង​ ខេត្ត​ ឧត្តរ​មាន​ជ័យ​ លោក គាត​ ដារិន​ បាន​ឲ្យ​ដឹង​ថា​ តម្លៃ​ជ្រូក​រស់​ខាង​លោក​ លក់​ចេញ​បាន​តម្លៃ​ត្រឹម​តែ​ ៩០០០ រៀល ក្នុង​មួយ​គីឡូក្រាម​ ប៉ុណ្ណោះ​ បើ​ឆ្នាំ​មុន​ ១០៥០០ រៀល ក្នុង​មួយ​គីឡូ​ ។

រី​ឯ​ អ្នក​ស្រី​ គី​ គីម​ ជា​អាជី​វករ​ កាប់​សាច់​ជ្រូក​លក់​នៅ​លើ​ទី​ផ្សា​បាន​ឲ្យ​ដឹង​ថា​ តម្លៃ​សាច់​ដែល​ដាក់​លក់​នៅ​លើ​ទី​ផ្សា​ មុន និង​ ថ្ងៃ​បុណ្យ​ភ្ជុំ​គឺ​មិន​មាន​ការ​ឡើង​ថ្លៃ​ទេ​ ពោល​គឺ​តម្លៃ​ថេរ​ សាច់​ដុំ​ ២២០០០ រៀល​ ក្នុង​មួយ​គីឡូ​ក្រាម សាច់​បី​ជាន់​ ២០០០០រៀល​ ក្នុង​មួយ​គីឡូក្រាម​ ។

ជា​មួយ​គ្នា​នោះ​ ម្ចាស់​កសិដ្ឋាន​ចិញ្ចឹម​ជ្រូក​ក៏​មាន​ការ​សំណូម​ និង​ មាន​ការ​ស្នើ​សុំ​ តម្លៃ​ត្រឹម​តែ​ យ៉ាង​ហោច​ ១២៥០០ រៀល ក្នុង​មួយ​គីឡូ​ក្រាម​ ដែល​ជា​ការ​សមាមាត្រ​ទៅ​នឹង​ការ​ចំណាយ​ ។

គួរ​ឲ្យ​ដឹង​ថា​ កសិករ​ដែល​ចិញ្ចឹម​ជ្រូក​លើក​ឡើង​ពី​តម្លៃ​ធ្លាក់​ចុះ​តាម​បណ្តា​ខេត្ត​ រួម​មាន​ ៖ ខេត្ត ពោធិ៍សាត់ ៩០០០ រៀល / ១គីឡូក្រាម ឧត្តរមានជ័យ​ ៩០០០ រៀល/១គីឡូ សៀម​រាប ៨៥០០ រៀល/១គីឡូ រួម​ទាំង​ ខេត្ត​ផ្សេង​ៗទៀត​ផង​ដែរ​ ៕

The post តម្លៃ​ជ្រូក​រដូវ​ភ្ជុំ​បិណ្ឌ​ឆ្នាំ​នេះ​ធ្លាក់​ចុះ​ បើ​ធៀប​នឹង​ឆ្នាំ​មុន appeared first on .

នៅក្នុងរបាយការណ៍ថ្មីៗនេះពីក្រុមហ៊ុន Fitch Solutions បាននិយាយថា តម្រូវការសាច់ជ្រូកសរុប នៅក្នុងប្រទេសវៀតណាម ត្រូវបានព្យាករថា នឹងកើនឡើងជាង ២៥% ក្នុងចន្លោះឆ្នាំ ២០១៨ ដល់ ២០២៦ ។

ហើយការចិញ្ចឹមជ្រូក បានក្លាយជាអាជីវកម្មដ៏ទាក់ទាញបំផុតមួយ ដោយសារតែសាច់ជ្រូក គឺជាប្រភេទសាច់សំខាន់ ដែលត្រូវប្រើប្រាស់នៅក្នុងម្ហូបអាហាររបស់ជនជាតិវៀតណាម ដែលស្មើនឹងប្រហែល ២/៣ នៃការប្រើប្រាស់សាច់សរុប ។

ប្រភពខាងលើ បានបង្ហាញទៀតថា នៅឆ្នាំ ២០២៦ ប្រជាជនវៀតណាមម្នាក់ៗ អាចនឹងទទួលទានសាច់ជាមធ្យមច្រើនជាង ៥១ គីឡូក្រាម ក្នុងមួយឆ្នាំ ដែលកើនឡើង ៩% បើប្រៀបធៀបទៅនឹងការរំពឹងទុកក្នុងឆ្នាំនេះ ដោយក្នុង​នោះ សាច់​ជ្រូក ៣១​គីឡូក្រាម មាន់​ជាង ១៦​គីឡូក្រាម និង​សាច់គោ​ជាង ៤​គីឡូក្រាម។

លើសពីនេះ យោងតាមរបាយការណ៍ហិរញ្ញវត្ថុរបស់ Thaiholdings JSC បានបង្ហាញថា ក្រុមហ៊ុនបុត្រសម្ព័ន្ធរបស់ខ្លួន គឺ Thaigroup បានសហការជាមួយភាគីទីបី ដើម្បីវិនិយោគទឹកប្រាក់ចំនួន ៦០០ ពាន់លានដុង (២៥,៣ លានដុល្លារអាមេរិក) នៅក្នុងគម្រោងចិញ្ចឹមជ្រូក នៅក្នុងខេត្ត Thanh Hoa ។

ជាងនេះទៅទៀត កាលពីមុន មានក្រុមហ៊ុនខ្នាតយក្សក្នុងស្រុកជាច្រើន ក៏បានចាក់បញ្ចូលលុយរាប់លានដុង ទៅក្នុងកសិដ្ឋានចិញ្ចឹមជ្រូកផងដែរ ដោយក្នុងនោះ រួមមានក្រុមហ៊ុន Hoang Anh Gia Lai JSC , ក្រុមហ៊ុន Hoa Phat Group , ក្រុមហ៊ុន Hoang Anh Gia Lai Agriculture JSC និង Truong Hai Group ជាដើម ៕

The post ក្រុមហ៊ុនខ្នាតយក្សវៀតណាមជាច្រើន នាំគ្នាចាក់លុយរាប់លានដុល្លារ ក្នុងអាជីវកម្ម​ចិញ្ចឹម​ជ្រូក appeared first on .

ការលើកឡើងពីមន្ត្រីជាន់ខ្ពស់ក្រសួងកសិកម្មនាពេលនេះ ត្រូវបានធ្វើឡើងនៅក្នុងសន្និសីទសារព័ត៌មាន ស្តីពី «សមិទ្ធផលសម្រេចបានរយៈពេល៥ឆ្នាំកន្លងមក របស់ក្រសួងកសិកម្ម រុក្ខាប្រមាញ់ និងនេសាទ» កាលថ្ងៃទី១៩ ខែកក្កដា ឆ្នាំ២០២២ នាទីស្តីការគណៈរដ្ឋមន្ត្រី។

ថ្លែងក្នុងសិន្និសីទនោះ ឯកឧត្តម តាន់ ផាន់ណារ៉ា ប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយ កដ្ឋានសុខភាពសត្វ និងផលិតកម្មសត្វ បានឲ្យដឹងថា«កំណើនការចិញ្ចឹមជ្រូកនៅក្នុងប្រទេសកម្ពុជាអាចផ្គត់ផ្គង ទីផ្សារនៅក្នុងប្រទេសកម្ពុជាបាន ហើយខ្ញុំអាចធានាថារហូតដល់បំណាច់ឆ្នាំ២០២២នេះ យើងមិនត្រូវការនាំចូលជ្រូកនោះទេ»។

ជាមួយគ្នានេះ ឯកឧត្តមក៏បានឲ្យដឹងថា កន្លងមកខាងអគ្គនាយកដ្ឋានក្រសួងកសិកម្ម បានសហការជាមួយកងកម្លាំងប្រដាប់អាវុធ មន្ទីរកសិកម្មគ្រប់រាជធានី ខេត្តធ្វើការខំប្រឹងទប់ស្កាត់កុំឱ្យមានការលួចនាំចូលជ្រូកពីប្រទេសជិតខាង។

ឯកឧត្តមបន្តថា ចំពោះការនាំចូលពីជ្រូកវៀតណាម គឺគ្មានគោលការណ៍ផ្លូវច្បាប់នោះទេ ហើយក្រសួងកសិកម្មមិនបានអនុញ្ញាតឱ្យនាំចូលជ្រូកពីវៀតណាមរយៈពេលជិត៩ខែមកហើយ ដូច្នេះយើងមិនអនុញ្ញាតនាំចូល គឺយើងអាចផ្គត់ផ្គង់គ្រប់គ្រាន់ផងដែរ។

គួរបញ្ជាក់ដែរថា បើយោងតាមរបាយការណ៍ដែលបង្ហាញក្នុងសិន្នសីទខាងលើ បានបង្ហាញថា ដោយមានការលើកកម្ពស់សុខភាពសត្វ និងផលិតកម្មសត្វ ផលិតផលគឺមានការកើនឡើង១១,២% ដោយការផ្គត់ផ្គង់ក្នុងស្រុកបាន ៨៧% និងការចិញ្ចឹមបែបពាណិជ្ជកម្មកើនឡើងដល់២០% ក្នុងឆ្នាំ២០១៧ និងកើនដល់ ៣៩% ក្នុងឆ្នាំ២០២១។ការកើនឡើងនេះ ដោយសារប្រជាកសិករ បានផ្លាស់ប្តូរ ទម្លាប់មកចិញ្ចឹមបែបពាណិជ្ជកម្ម និងមានការបង្កើនគុណភាព អនាម័យសាច់ សុខភាពសាធារណៈ និងបង្ការ ទប់ស្កាត់ជំងឺឆ្លងសត្វជាដើម៕ ​

អត្ថបទ៖ រង្សី

The post មន្ត្រីជាន់ខ្ពស់៖ការចិញ្ចឹមជ្រូកនឹងអាចផ្គត់ផ្គងទីផ្សារកម្ពុជាបាន យ៉ាងយូរនៅបំណាច់ឆ្នាំ២០២២នេះ appeared first on .

ថ្លែងក្នុងពិធីនោះ អ្នកឧកញ៉ា ម៉ុង ឫទ្ធី អគ្គនាយកក្រុមហ៊ុន ម៉ុងឫទ្ធី គ្រុប ដែលមានភាពលេចធ្លោខាងវិស័យកសិកម្ម បានបង្ហាញអំ​ពីសាវតា ដែល​ជម្រុញឱ្យ​រូបលោកប្រកបមុខ​របរ​អាជីវកម្ម​ចិញ្ចឹម​ជ្រូក​។

លោកថ្លែងរំលឹកថា កាលពីថ្ងៃទី​១៨ ខែឧសភា ​ឆ្នាំ​២០០៨ ​​លោកបានដឹកនាំ​គណប្រតិភូ​កម្ពុជា​ កសិករ​ខ្នាតតូច​និងតូច​បំផុត​ចំនួន​១៦នាក់​ ទៅបំពេញ​ទស្សនកិច្ច​រយៈពេល​១៥ថ្ងៃ​ នៅសហរដ្ឋអាមេរិក ដែលឧបត្ថម្ភ​ដោយ​អង្គការ​ USAID ហើយបានទៅកសិដ្ឋាន​ចិញ្ចឹម​ជ្រូក​នៅរដ្ឋ​ North Carolina USA​ ក្រោយបានឃេីញ​សកម្មភាព​របស់​កសិករ​អាមេរិក​បាននាំគ្នា​ចិញ្ចឹម​ជ្រូក​យ៉ាងច្រេីន​មហិមា​ រហូតឈានទៅដល់ការនាំចេញ​ទៅលក់នៅឯ​បរទេស​រាប់ពាន់លាន​ដុល្លារ​ជារាងរាល់ឆ្នាំ​។

អ្នកឧកញ៉ាថ្លែងក្នុងន័យដើមយ៉ាងដូច្នេះថា៖ ខ្ញុំ​គិតថា​កសិករ​ទាំងអស់​គ្នា​ដែលទៅ​បំពេញ​ទស្សនកិច្ច​នេះ​ ពិតជា​មិនអាច​មានអ្នកណាម្នាក់​មាន​​លទ្ធភាព​អាចធ្វេីបាននោះ​ទេ​ សំខាន់ដោយ​សារតែ​នៅ​កម្ពុជា​យេីងនៅ​មិនទាន់មាន​ស្ថាប័ន​ហិរញ្ញបទាន​ណា​គាំទ្រ​ប្រាក់​កម្ចី​ ទៅលេី​វិស័យ​កសិកម្ម​ កសិឧស្សាហកម្ម​ដាំដុះ​និង​ចិញ្ចឹម​សត្វ​នៅឡេីយទេ​។

លោកបន្ថែមថា មុនពេលទៅ​បំពេញ​ទស្សនកិច្ច​នេះ​ខ្ញុំ​ពិតជាមិនបានដឹងទេថា​ ជ្រូកមាន​ប៉ុន្មាន​ពូជ​ តំណរ​ពូជ​មាន​ប៉ុន្មាន​ឈាម​ ក្រោយបានចូលទៅ​ស្តាប់ការ​ពន្យល់​របស់​លោក​សាស្ត្រាចារ្យ​នៃ​សាកល​វិទ្យាល័យ​ ​កសិដ្ឋាន របស់ មហាវិទ្យាល័យជាតិ NORTH CAROLINA A&T​ រយៈពេល​៤០នាទី​រួចមក​ ​ធ្វើឱ្យខ្ញុំ​មានការ​យល់ដឹង​កាន់តែ​ច្បាស់​អំពី​វិស័យ​ចិញ្ចឹម​ជ្រូក​នេះ​។

លោកបន្ថែមទៀតថា ក្រោយ​ពីបាន​វិលត្រឡប់​មកដល់​មាតុភូមិ​កម្ពុជា​យេីងវិញ​ ដេីម្បី​កុំឱ្យខាតបង់ប្រាក់​ររបស់ USAID ថ្លៃ​សំបុត្រ​យន្តហោះ​ ស្នាក់នៅ​ ហូបចុក​ និង​ដេីម្បី​ជា​កិត្តិយស​របស់​កម្ពុជា​យេីងផង​ ខ្ញុំ​ក៏បាន​ទំនាក់ទំនង​សុំទិញ​ពូជ​ជ្រូក​ដូនតាទួត​ពី​សហរដ្ឋអាមេរិក​ តែមិនអាច​ធ្វើ​ទៅរួចទេ​គឺជួបការលំបាក​សព្វ​បែបយ៉ាង​ ដោយ​អស់សង្ឃឹមពេក​ខ្ញុំ​ក៏បាន​ទំនាក់ទំនង​ទិញ​ពូជជ្រូក​យ៉កសៀរ ជាពូជ​​ដូនតាទួត​ មកពី​ចក្រភព​អង់គ្លេស​វិញម្តង​បានដូចបំណង​ពិតមែន​ នៅថ្ងៃ​ទី១៥ ខែ១២ ឆ្នាំ២០០៨។

បើតាមអ្នកឧកញ៉ា ក្រុមហ៊ុន M’s Pig ACMC (Cambodia) បាននាំចូលពូជជ្រូក​ដូនតាទួត GGP ដែលមានមេពូជ ៦០០ ក្បាល និងបាពូជ ៣០ក្បាល ពីទីក្រុងយ៉កសៀរ ចក្រភពអង់គ្លេស ដឹកជញ្ជូន​តាមយន្តហោះ​ចំនួន ៣ ជេីង​ ក្នុង​តមម្លៃ​១លានដុល្លារ​សហរដ្ឋអាមេរិក​ក្នុងមួយជេីង​ មកកាន់ព្រះរាជាណាចក្រកម្ពុជា ជាលើកដំបូងក្នុងប្រវត្តិសាស្ត្រ​នៃ​ព្រះរាជាណាចក្រ​កម្ពុជា​។

អ្នកឧកញ៉ាគូសបញ្ជាក់ថា រយៈពេល​២ម៉ោងពេញ​នៅ​សណ្ឋាគារ​កាំបូឌីយ៉ាណា​ សហគម​កសិករ​សណ្តែក​សៀង​សហរដ្ឋអាមេរិក​ នាំគ្នា​ជជិក​សាកសួរ​ដេញដោល​ថាតេីហេតុអ្វី​បាន​ជាទៅរៀន​តែ៤០នាទី​សោះ​ យកមក​អនុវត្តន៍​បានល្អ​រហូត​ផ្គត់ផ្គង់​ជ្រូក​ ជាប់​ចំណាត់ថ្នាក់លេខ​២នៅក្នុង​ព្រះរាជាណាចក្រ​កម្ពុជា​។

គួររំលឹកថា ក្នុងឆ្នាំ ២០០៨ ក្រុមហ៊ុន M’s Pig ACMC ត្រូវបានគេមើលឃើញថា ដើរតួនាទីយ៉ាងសំខាន់ក្នុងការផ្លាស់ប្ដូរនូវវិស័យម្ហូបអាហារក្នុងប្រទេសកម្ពុជា ដោយផ្គត់ផ្គង់នូវជ្រូកមេ និងជ្រូកបាពូជមានគុណភាពខ្ពស់សម្រាប់ការប្រើប្រាស់ក្នុងស្រុក ដែលពីមុនសាច់ជ្រូកមានគុណភាពខ្ពស់គឺមានតែនាំចូលតែប៉ុណ្ណោះ។

លើសពីនេះ ក៏ជាក្រុមហ៊ុនដំបូងដែលបាននាំចូលពូជជ្រូកបាពី Yorkshire ចក្រភពអង់់គ្លេស នឹងបង្កើនជ្រូកមេរហូតដល់ ១៨.០០០ ក្បាល នៅឆ្នាំ ២០១៨៕

The post អ្នកឧកញ៉ា ម៉ុង ឫទ្ធី ទៅរៀន​តែ៤០នាទី​សោះពីការចិញ្ចឹមជ្រូកនៅសហរដ្ឋអាមេរិក រហូតជោគជ័យយ៉ាងសម្បើម appeared first on .

សូមចុច Subscribe Telegram oknha_news នឹងទទួលបានព័ត៌មានពី​សកម្មភាព​ឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

ការអនុញ្ញាតឲ្យវិស័យឯកជននាំចូលសត្វជ្រូកសាច់រស់ចំនួន ១លានក្បាលនេះ ដោយក្រសួងកសិកម្ម និងក្រសួងពាណិជ្ជកម្ម  អះអាងថា ដើម្បីត្រៀមស្បៀងបម្រុងទុកសម្រាប់តម្រូវការនៅក្នុងស្រុកឲ្យបានគ្រប់គ្រាន់ សំដៅធានាសន្តិសុខស្បៀង និងស្ថិរភាពតម្លៃសត្វ-សាច់ក្នុងដំណាក់កាលដែលមានផលប៉ះពាល់ដោយវីរុសជាសកលកូវីដ-១៩អូសបន្លាយរយៈពេលយូ។

ក្រសួងកសិកម្មរុក្ខាប្រមាញ់ និងនេសាទ កន្លងមកបានធ្វើការកាត់បន្ថយចំនួនជ្រូកនាំចូលពីបរទេសពី ២០.៤០០ក្បាល/១ថ្ងៃ នៅខែមករា ឆ្នាំ២០២០ មកត្រឹមចំនួន ៦.៧០០ក្បាល/១ថ្ងៃ ត្រឹមថ្ងៃខែកុម្ភៈ ឆ្នាំ២០២០។ បច្ចុប្បន្នក្រសួងឲ្យនាំចូលនៅត្រឹមតែតែចំនួន ៦.៣០០ក្បាល/១ថ្ងៃ គឺក្នុងន័យបង្កើនផលិតកម្មសត្វជ្រូកក្នុងស្រុក និងរកទីផ្សារជូនកសិករ ក្រុមហ៊ុនចិញ្ចឹមជ្រូក និងសមាគមអ្នកចិញ្ចឹមសត្វកម្ពុជា ដើម្បីបំពេញនូវកង្វះខាត ១៨%តែប៉ុណ្ណោះ។

ក្រសួងកសិកម្មបញ្ជាក់ថា ការកាត់បន្ថយការនាំចូលមួយរយៈពេលមកនេះ តម្លៃជ្រូករស់មានការកើនឡើង និងការផ្គត់ផ្គង់ក្នុងស្រុកមានស្ថេរភាព ក្នុងរង្វង់ចន្លោះពី ១១.០០០រៀល ទៅ១២.៨០០រៀលក្នុងមួយគីឡូក្រោម ដែលតម្លៃនេះប្រជាកសិករ អ្នកចិញ្ចឹមសត្វ និងប្រជាពលរដ្ឋអាចទទួលយកបាន។

ក្រសួងពាណិជ្ជកម្ម និងក្រសួងកសិកម្ម នឹងបន្តកិច្ចសហការចាត់វិធានការលើការនាំចូលជ្រូក និងស្បៀងអាហារផ្សេងទៀត ក៏ដូចជាការជំរុញផលិតកម្មក្នុងស្រុកតាមរយៈជួយដល់សហគ្រាសតូចៗ និងកសិករ ដើម្បីទទួលបានឥណទាននានា និងបន្តរៀបចំគោលនយោបាយគាំទ្រជាអន្តរវិស័យដើម្បីលើកទឹកចិត្តដល់ការចិញ្ចឹម លក់សាច់ជ្រូក និងផលិតកម្មចំណីអាហារផ្សេងទៀតនៅប្រទេសកម្ពុជា៕

The post រដ្ឋមន្រ្តី៖ កន្លងមករាជរដ្ឋាភិបាលសម្រេចឯកភាពរួចមកហើយឲ្យវិស័យឯកជនសាកល្បងនាំចូលសត្វជ្រូកសាច់រស់ចំនួន ១លានក្បាលពីប្រទេសថៃ appeared first on .

ការលើកឡើងពីសំណាក់លោកឧកញ៉ា ម៉ុង ឬទ្ធី សហប្រធានសមាគមអ្នកចិញ្ចឹម​សត្វកម្ពុជានៅ​ពេលនេះ ត្រូវបានធ្វើឡើងក្នុងជំនួបជាមួយឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ កាលពីថ្ងៃទី១០ ខែមីនា ឆ្នាំ២០២០ កន្លងទៅ។

លោក ឧកញ៉ា ម៉ុងឬទ្ធី បានឲ្យដឹងតាមទំព័រហ្វេសប៊ុករបស់ការរបស់លោក ឧកញ៉ាថា ក្រោយបាន ពិភាក្សាគ្នារួចមកឯកឧត្តមរដ្ឋមន្ត្រី បានគាំទ្រពេញទំហឹងលើសំណើរ​របស់ក្រុមសមាគមអ្នកចិញ្ចឹមសត្វកម្ពុជា លើការជំរុញការចិញ្ចឹមជ្រូកអោយ​បានកាន់តែ​ច្រើន សម្រាប់បំពេញតម្រូវការទីផ្សារ អោយបានគ្រប់គ្រាន់  ដើម្បីឈានទៅកាត់បន្ថយ ការនាំចូលជ្រូកមកពីប្រទេសជិតខាង។

ក្នុងនោះដែរ សមាគមអ្នកចិញ្ចឹមសត្វកម្ពុជា ក៏បានបង្ហាញការគាំទ្រ ចំពោះចំណាត់ការ​របស់អគ្គនាយកដ្ធានសុខភាពសត្វ និងផលិតកម្មសត្វ និងក្រសួងកសិកម្ម ក្នុងការកាត់​បន្ថយការនាំចូលសត្វ ពិសេសគាំទ្រប្រសាសន៍ដ៏ថ្លៃថ្លារបស់ប្រមុខរាជរដ្ធាភិបាល សម្ដេច ហ៊ុន សែន នាយករដ្ធមន្ដ្រីនៃព្រះរាជាណាចក្រកម្ពុជា ដែលអោយ​កាត់បន្ថយ​ការនាំចូលបន្លែ សាច់សត្វ និងសត្វរស់ ដើម្បីលើកទឹកចិត្តដល់អ្នកផលិតក្នុងស្រុក ឈានទៅដល់ការនាំចេញ៕ អត្ថបទ៖ សិរីការ

The post ឧកញ៉ា ម៉ុង ឬទ្ធី​ ​ជំរុញ​ការ​ចិ​ញ្ចឹម​ជ្រូ​ក​​​នៅកម្ពុជា ឲ្យបាន​កាន់តែ​ច្រើ​ន សម្រាប់​បំ​ពេញត​ម្រូវការ​ទី​ផ្សារ appeared first on .