ការនាំចេញផលិតផលកសិកម្មវៀតណាមទៅកាន់ប្រទេសចិន ត្រូវបានគេរំពឹងថានឹងមានការកើនឡើងយ៉ាងខ្លាំងព្រោះថា ប្រទេសចិននាពេលបច្ចុបន្ននេះកំពុងតែជួបប្រទះនឹងអាកាសធាតុចុះត្រជាក់នៅតំបន់មួយចំនួន កត្តានេះហើយបានបណ្តាលឲ្យផលិតផលដូចជាចេកជាដើមនោះប្រែប្រួលពណ៌ទៅជាជាំ ម្យ៉ាងវិញទៀតគួបផ្សំនឹងរដូវកាលប្រមូលផលផ្លែស្រកានាគរបស់ចិនបានកន្លងផុតទៅ ជាហេតុធ្វើឲ្យមានការខ្វះខាតផលិតផលកសិកម្មនៅរដូវកាលចូលឆ្នាំថ្មីខាងមុខ។

ក្នុងនោះសមាគមផ្លែឈើ និងបន្លែវៀតណាមបានលើកឡើងថា ដោយសារតែមានតម្រូវការពីប្រទេសចិន ការនាំចេញបន្លែ ក៏ដូចជាផ្លែឈើស្រស់របស់ខ្លួននៅឆ្នាំ២០២៤នេះ នឹងមានតម្រូវការកើនឡើង៨៩,២% ឬដល់ចំនួន ៤៥៩លានដុល្លារ។

គួររម្លឹកដែរថា កាលពីអំឡុងដំណើរទស្សនកិច្ចរបស់ប្រធានាធិបតីចិនលោក ស៊ី ជិនពីង ទៅកាន់ប្រទេសវៀតណាមកាលពីពេលថ្មីៗនេះ បាននាំមកនូវសមិទ្ធផលយ៉ាងច្រើនមកកាន់ទីក្រុងហូជីមិញ ដោយកាលនោះភាគីចិនបាននិយាយថា ពួកគេនឹងបើកទីផ្សារដល់ផលិតផលកសិកម្មវៀតណាមជាច្រើនប្រភេទរួមមាន ដូងស្រស់ ផលិតផលផ្លែឈើក្លាសេ ផ្លែក្រូចឆ្មារ ផ្លែបឺរ ផ្លែទាប និងផ្លែជម្ពូជាដើម បន្ថែមពីនោះ ភាគីទាំងពីរក៏បានចុះហត្ថលេខាលើពិធីសារសម្រាប់ការនាំចេញផ្លែឪឡឹកផងដែរ។

សូមជម្រាបថា ចិនមិនមែនជាច្រកទ្វារទីផ្សារដែលវៀតណាមអាចនាំចេញផ្លែឈើកសិកម្មតែមួយគត់នោះទេ សហរដ្ឋអាមេរិក សហភាពអឺរ៉ុប និងបណ្តាប្រទេសអាស៊ីមួយចំនួន ក៏គ្រោងនឹងបើកទ្វារទទួលផ្លែឈើវៀតណាមបន្ថែមទៀត។ លើសពីនោះសហរដ្ឋអាមេរិក និងអូស្ត្រាលី គ្រោងនឹងនាំចូលផ្លែផាស៊ិន ខណៈបណ្តាប្រទេសមួយចំនួនទៀតតួយ៉ាងជប៉ុន កូរ៉េខាងត្បូង អូស្ត្រាលី និងឥណ្ឌាក៏មានបំណងចង់ទិញក្រូចថ្លុង និងនាំចូលទុរេនវៀតណាមផងដែរ៕

The post ផ្លែឈើកសិកម្មវៀតណាមកំពុងត្រូវប៉ាន់នៅប្រទេសចិន ក្នុងពិធីបុណ្យចូលឆ្នាំ appeared first on .

តួលេខនេះគិតទៅស្មើរនឹងការកើនឡើងដល់ទៅចំនួន៤៤,៩% បើប្រៀបធៀបទៅនឹងរយៈពេលដូចគ្នាកាលពីឆ្នាំ២០២៣ ហើយក៏កើនឡើង៩,៨% ផងដែរបើប្រៀបធៀបទៅនឹងកម្រិតនៃការធ្វើដំណើរមមាញឹក អំឡុងពិធីបុណ្យចូលឆ្នាំចិនកាលពីឆ្នាំ២០១៩ ។

ក្នុងនោះ មន្ត្រីរដ្ឋបាលអាកាសចរណ៍ស៊ីវិលចិនលោក Liang Nan បាននិយាយថា ការធ្វើដំណើរកម្សាន្តអំឡុងពិធីបុណ្យចូលឆ្នាំចិន នឹងមានរយៈពេលរហូតដល់ ៤០ថ្ងៃថ្ងៃដោយចាប់ផ្តើមពីថ្ងៃទី២៦ ខែមករា ដល់ថ្ងៃទី៥ ខែមីនា។

លោក Liang បានបន្តថា វិស័យដឹកជញ្ជូនតាមផ្លូវអាកាសនឹងទទួលអ្នកធ្វើដំណើរជាមធ្យមប្រមាណ ២លាននាក់ជារៀងរាល់ថ្ងៃ ហើយបរិមាណនៃការធ្វើដំណើរត្រូវបានគេរំពឹងថា នឹងកើនឡើងខ្លាំងជាបន្តបន្ទាប់នៅថ្ងៃទី៨ ទី១៦ ទី២០ ក៏ដូចជាថ្ងៃទី២៥ ខែកុម្ភៈ។

ម្យ៉ាងវិញទៀត លោកក៏បានលើកឡើងបន្ថែមថា វិស័យដឹកជញ្ជូនតាមផ្លូវអាកាសនឹងមានជើងហោះហើរជាមធ្យមប្រហែល ១៦ ៥០០ជើងក្នុងមួយថ្ងៃ ខណៈចំនួននេះគឺប្រហាក់ប្រហែលនឹងកម្រិតដែលបានកើតឡើងកាលពីក្នុងឆ្នាំ២០១៩ ហើយក៏ស្មើរនឹងការកើនឡើង២៤% ផងដែរបើប្រៀបធៀបទៅនឹងកម្រិតកាលពីឆ្នាំ២០២៣៕

The post ចិនរំពឹងទទួលបានអ្នកដំណើរតាមផ្លូវអាកាស រហូតដល់ ៨០លាននាក់ ក្នុងរដូវបុណ្យចូលឆ្នាំថ្មី appeared first on .

បុណ្យចូលឆ្នាំថ្មីប្រពៃណីចិនឆ្នាំនេះជាបុណ្យចូលឆ្នាំថ្មីប្រពៃណីចិនទីមួយបន្ទាប់ពីការងារបង្ការនិងគ្រប់គ្រងជំងឺកូវីដ១៩របស់ចិនឈាន​ចូលដំណាក់កាលថ្មី “ប្រទេសចិនដ៏មានភាពរស់រវើក”បានត្រឡប់មកវិញក្នុងពេលឆាប់ៗ ទិន្នន័យដ៏ល្អប្រសើរ​បានបង្ហាញពីកម្លាំងរស់រវើកនៃការប្រើប្រាស់របស់ចិន ។

ច្រើនឆ្នាំកន្លងទៅនេះ ការប្រើប្រាស់ជាកម្លាំងជំរុញធំទីមួយនៃសេដ្ឋកិច្ចប្រទេសចិន ។ កិច្ចប្រជុំការងារសេដ្ឋកិច្ចមជ្ឈិមចិន​ដែលបើកធ្វើនៅចុងឆ្នាំទៅមិញបានលើកឡើងយ៉ាងច្បាស់លាស់ថា នៅឆ្នាំ២០២៣ ត្រូវតម្កល់ទុកការស្តារឡើងវិញនិង​ពង្រីកការប្រើប្រាស់ជាការងារអាទិភាព ។

ទន្ទឹមនឹងការងារបង្ការនិងគ្រប់គ្រងជំងឺកូវីដ១៩របស់ចិនឈានចូលដំណាក់កាលថ្មី តំបន់នានាបានចេញវិធានការជំរុញការ​ប្រើប្រាស់​​មួយចំនួនដូចជាចែកចាយប័ណ្ណប្រើប្រាស់និងរៀបចំធ្វើ “បុណ្យទំនិញសម្រាប់អបអរសាទរបុណ្យចូលឆ្នាំថ្មី”ជាដើម ក្រៅពីនេះ ក្រសួងពាណិជ្ជកម្មចិនក៏បានចាត់ទុកឆ្នាំ២០២៣ជា “ឆ្នាំជំរុញការប្រើប្រាស់”ផងដែរ ។

កត្តាច្រើនបែបយ៉ាងបានដើរតួនាទីចម្រុះ ដូច្នេះ “សប្តាហ៍មាស”នៃបុណ្យចូលឆ្នាំថ្មីប្រពៃណីចិនឆ្នាំនេះបានបង្ហាញពីតម្លៃ​​របស់​​វាម្តងទៀត ហើយពិភពលោកក៏បានចែករំលែកភាគលាភរបស់បុណ្យចូលឆ្នាំថ្មីប្រពៃណីចិនផងដែរ ។

ព្រមពេលជាមួយគ្នានេះ អ្នកទេសចរចិនកាន់តែច្រើនឡើងៗបានចេញទៅបរទេសដើម្បីអបអរសាទរ “បុណ្យចូល​ឆ្នាំថ្មី​ចិន” ។ តាមទិន្នន័យនៃស្ថាប័នពាក់ព័ន្ធឱ្យដឹងថា ក្នុងអំឡុងពេលបុណ្យចូលឆ្នាំថ្មីប្រពៃណីចិន ចំនួនសរុប​នៃ​​បញ្ជី​​ទិញ​សេវា​កម្មទេសចរណ៍នៅបរទេសរបស់អ្នកទេសចរចិនបានកើនឡើង៦៤០ភាគរយបើប្រៀបធៀបនឹងរយៈពេលដូចគ្នានាឆ្នាំទៅមិញ ។ ប្រព័ន្ធសារព័ត៌មានបរទេសបានលើកឡើងថា ការមកដល់នៃអ្នកទេសចរចិនចំនួនរាប់លាននាក់នឹងជំរុញ​ឱ្យមុខ​របរសណ្ឋាគារ ទេសចរណ៍និងពាណិជ្ជកម្មទូទាំងពិភពលោកងើបឡើងវិញដោយនឹងនរ ។

ក្នុងនាមជាបង្អួចមួយសម្រាប់សង្កេតមើលទីផ្សារប្រើប្រាស់របស់ចិន ការប្រើប្រាស់ក្នុងអំឡុងពេលបុណ្យចូលឆ្នាំថ្មី​​ប្រពៃ​ណី​​​​​ចិន​​មានភាពកក់ក្តៅ ការនេះបាននាំមកនូវការចាប់ផ្តើមដ៏ល្អប្រសើរសម្រាប់ជំរុញសេដ្ឋកិច្ចពេញមួយឆ្នាំ ក៏ដូច​​ជាបាន​បញ្ជាក់ម្តងទៀតថា លក្ខណៈពិសេសនៃទីផ្សារប្រើប្រាស់របស់ចិនដែលមានភាពធន់យ៉ាងខ្លាំងនិង​សក្តានុពល​​ដ៏គ្រប់​គ្រាន់​គឺមិនបានកែប្រែទេ ។

និយាយចំពោះសេដ្ឋកិច្ចពិភពលោក នេះជាដំណឹងល្អ ។ អង្គការសហប្រជាជាតិបានចេញផ្សាយរបាយការណ៍ព្យា​ករណ៍​កាល​ពីថ្ងៃទី២៥ខែមករាថា កំណើនសេដ្ឋកិច្ចពិភពលោកនៅឆ្នាំ២០២៣នឹងធ្លាក់ចុះពីប្រហែល​៣ភាគរយ​នៅឆ្នាំ២០២២​ដល់១,៩ភាគរយ រីឯកំណើនសេដ្ឋកិច្ចចិននឹងឡើងដល់៤,៨ភាគរយ ។ វេបសាយកាសែត Financial Times របស់​អង់​គ្លេស​បាន​ចុះផ្សាយ​​អត្ថបទនៅពេលថ្មីៗកន្លងទៅនេះថា បន្ទាប់ពីប្រទេសចិនបានកែសម្រួលវិធានការបង្ការជំងឺកូវីដ​១៩ អ្នកប្រើប្រាស់ទាំងឡាយបាននាំគ្នាទៅចំណាយលុយ ការប៉ាន់ប្រមាណចំពោះតម្រូវការដែលស្តុកទុកជាយូរណាស់មកហើយ នឹងក្លាយជា“ក្តីសង្ឃឹមនៃការស្តារសេដ្ឋកិច្ចសកលឡើងវិញ” ។

បច្ចុប្បន្ននេះ បរិយាកាសអន្តរជាតិនៅតែមានបម្រែបម្រួលយ៉ាងស្មុគ្រស្មាញ មូលដ្ឋាននៃការស្តារសេដ្ឋកិច្ចចិនឡើងវិញ​​មិនសូវរឹងមាំទេ ប៉ុន្តែប្រជាជនចិនមានជំនឿចិត្តនិងសមត្ថភាពជំរុញឱ្យសេដ្ឋកិច្ចចិនឆ្នាំ២០២៣បន្តងើបឡើងវិញ ។ ការ​​ចាប់​ផ្តើមដ៏ល្អប្រសើរនៃការប្រើប្រាស់ក្នុងបុណ្យចូលឆ្នាំថ្មីប្រពៃណីចិនជាទីចាប់ផ្តើមដ៏ល្អមួយ ហើយក៏បាននាំមកនូវកម្លាំង​ជំរុញដល់សេដ្ឋកិច្ចពិភពលោកដែលបាននិងកំពុងរងភាពលំបាកផងដែរ ៕

អត្ថបទ៖ បទវិភាគ៖​​ការចាប់ផ្តើមដ៏ល្អប្រសើរ​នៃការប្រើប្រាស់​ ក្នុង​បុណ្យ​​ចូលឆ្នាំថ្មីប្រពៃណី​​ចិន​នាំមក​នូវ​កម្លាំងជំ​រុញ​​ដល់​​សេ​​ដ្ឋ​​កិ​ច្ច​​​ពិភព​លោក appeared first on .

រដ្ឋបាលរាជធានីភ្នំពេញ បានណែនាំ ចាប់ពីពេលនេះ​តទៅអាជ្ញាធរមាន​សមត្ថកិច្ចគ្រប់ថ្នាក់ត្រូវ​ចាត់វិធានការឱ្យ​ម៉ឹង​ម៉ាត់​​បំផុត កុំឱ្យមានការ នាំចូលផាវ កាំជ្រួច ជាតិផ្ទុះគ្រប់ប្រភេទ​​តាមច្រក​ចូលរាជធានីភ្នំពេញ និងត្រូវត្រួតពិនិត្យដកហូត ដែលមានតាំងលក់នៅ​គ្រប់ទីកន្លែងក្នុង​រាជធានី​ភ្នំពេញ។

ចំពោះការហែក្បួនផ្សេងៗទាំងបែបសាសនា ឬប្រពៃណី​ដែលគ្មានការអនុញ្ញាត រដ្ឋបាលរាជធានីភ្នំពេញ ក៏ហាមឃាត់​ផង​ដែរ​។ នៅគ្រប់ទីកន្លែងកម្សាន្តសប្បាយនានា មន្ទីរអង្គភាព រោងចក្រ សហគ្រាស គេហ​ដ្ឋាន ត្រូវរក្សាសន្តិសុខ សុវត្ថិភាព និង​ត្រូវ​ប្រុង​ប្រយ័ត្នក្នុងការអុជទៀនធូប ក្រដាសសែន ភ្លើង ចង្ក្រាន ចរន្ត​អគ្គិសនី ដែលអាចបង្កឱ្យមានគ្រោះអគ្គិភ័យ​កើតឡើង​ជាយថាហេតុ។ ដោយឡែក​ការដុតក្រដាស​សែនត្រូវប្រើធុងដែក ឬឆ្នាំងដី ដើម្បីដុតហាមដាច់ខាតមិនឱ្យដុតលើ ចិញ្ចើមផ្លូវឬទ្រូង ផ្លូវសាធារណៈ ។

រដ្ឋបាលរាជធានីភ្នំពេញ ក៏ព្រមានផងដែរ ចំពោះ ជនណាបំពាន​​នឹងការណែនាំនេះឬប្រព្រឹត្តល្មើសបង្ក​ឱ្យមានចល័ចលក្នុង​សង្គម បាត់សណ្ដាប់ធ្នាប់ សន្តិសុខ សុវត្ថិភាព និងរបៀបរៀបរយ​សាធារណៈ​​ត្រូវទទួលទោសតាមច្បាប់ជាធរមាន៕

The post ចូល​ឆ្នាំប្រពៃណីចិន​និងវៀតណាម អាជ្ញាធររាជធានី​ភ្នំ​​ពេញ ហាមមិនឲ្យដុតផាវ​ និងលេងល្បែង​ស៊ីសង appeared first on .