ក្រុមហ៊ុនវិភាគទិន្នន័យអាកាសចរណ៍មួយនេះ បានឱ្យដឹងទៀតថា កៅអីសម្រាប់អ្នកដំណើរដែលអាចប្រើបាន（Available guest seats）នឹងឡើងដល់ ៥,១៨២,៨៦៤ កន្លែង កើនឡើង ១៤.៧% បើធៀបនឹងរយ:ពេលដូចគ្នាកាលពីឆ្នាំទៅ។

លោក វ៉ាង វិនពិន ឯកអគ្គរដ្ឋទូតចិនបានគូសបញ្ជាក់ថា តួលេខកំណើនជើងហោះហើរ និងកៅអីដ៏រឹងមាំនេះ បានបញ្ជាក់អំពីភាពរីកចម្រើនរបស់កម្ពុជាក្លាយជាគោលដៅទេសចរណ៍មួយចំណោមគោលដៅដទៃទៀតដែលប្រកបដោយកម្លាំងរស់រវើក និងសំទុះអភិវឌ្ឍន៍ខ្លាំងបំផុតនៅអាស៊ី។

គួរបញ្ជាក់ថា ក្នុងឆ្នាំ២០២៤ កម្ពុជាមានជើងហោះហើរសរុបចំនួន ៥៨ ៣៥៤ ជើង ដែលមានកំណើន១៤% បើប្រៀបធៀបទៅនឹងរយៈពេលដូចគ្នានៅក្នុងឆ្នាំ២០២៣ សរុបចំនួន ៥១ ១៤៩ ជើង។ ចំណែកជើងហោះហើររំលងមានសរុបចំនួន ៧១ ៦១៣ ជើង មានកំណើន ១៤% បើប្រៀប ធៀបទៅនឹងរយៈពេលដូចគ្នានៅក្នុងឆ្នាំ២០២៣ ដែលទទួលបានជើងហោះហើរសរុបចំនួន ៦៣ ០៨៧ ជើង៕

គិតក្នុងត្រីមាសទី១ ឆ្នាំ២០២៥ ប្រទេសកម្ពុជាទទួលបានអ្នកដំណើរតាមផ្លូវអាកាសសរុបចំនួន ១.៩៦ លាននាក់ កើនឡើង ១៩ ភាគរយ ធៀបនឹងរយៈពេលមួយឆ្នាំ។ អាកាសយានដ្ឋានរបស់ប្រទេសកម្ពុជាក៏បានកត់ត្រាការកើនឡើង ១០ ភាគរយនៃបរិមាណទំនិញតាមផ្លូវអាកាសដល់ ១៧,១៤៧ តោនផងដែរ។

រដ្ឋលេខាធិការដ្ឋានអាកាសចរស៊ីវិល បានព្យាករថា កម្ពុជានឹងទទួលបានអ្នកដំណើរតាមផ្លូវអាកាសចំនួន ៧,៥ លាននាក់ក្នុងឆ្នាំ ២០២៥ ដែលនឹងកើនឡើង ២០ ភាគរយពី ៦,២៤ លាននាក់ក្នុងឆ្នាំ២០២៤៕

The post ទិន្នន័យ Cirium៖ ឆ្នាំ២០២៥ កម្ពុជានឹងស្វាគមន៍ជើងហោះហើរជាង ៣ម៉ឺនលើក កើនឡើងជាង ១៤% appeared first on .

សម្តេចធិបតី បានឱ្យដឹងថា ជាលទ្ធផលក្នុងឆ្នាំ២០២៤កន្លងមក ការដឹកជញ្ជូនតាមផ្លូវអាកាសនៅកម្ពុជា បានសម្រេចដឹកជញ្ជូនអ្នកដំណើរតាមផ្លូវអាកាសបានសរុបចំនួន ៦,២៤ លាននាក់ កំណើនប្រមាណ ២២% ទទួលបានជើងហោះហើរសរុបចំនួន ៥៨ ៣៥៤ ជើង កំណើន ១៤% និងដឹកទំនិញតាមផ្លូវអាកាសមានចំនួន ៧៧ ៨៥២ តោន ដែលមានកំណើន ៤០% បើប្រៀបធៀបទៅនឹងរយៈពេលដូចគ្នា ក្នុងឆ្នាំ២០២៣។

ទន្ទឹមនឹងនេះ អាកាសយានដ្ឋានអន្តរជាតិទាំងបី (ភ្នំពេញ សៀមរាប និងព្រះសីហនុ) បានដើរតួនាទីយ៉ាងសំខាន់ លើការតភ្ជាប់ជើងហោះហើរអន្តរជាតិទៅកាន់១២ប្រទេស ព្រមទាំងតំបន់រដ្ឋបាល​ពិសេសហុងកុង និងកោះតែវ៉ាន់ផងដែរ ដោយគិតជាសរុបបានភ្ជាប់ការហោះហើរទៅកាន់គោលដៅ ឬរាជធានី/ទីក្រុងចំនួន ៣៤ ក្នុងតំបន់ និងសកលលោក ហើយមានក្រុមហ៊ុនអាកាសចរណ៍ជាតិនិងអន្តរជាតិសរុបចំនួន ៣១ក្រុមហ៊ុន។

សូមបញ្ជាក់ដែរថា ការដឹកជញ្ជូនតាមផ្លូវអាកាសនៅកម្ពុជា បើប្រៀបធៀបរវាងឆ្នាំ២០២៤ និងឆ្នាំ២០១៩ (មុនវិបត្តិជំងឺកូវីដ-១៩) កម្ពុជា បានសម្រេចបាន​ ៥៧% នៃការដឹកជញ្ជូនអ្នកដំណើរតាមផ្លូវអាកាស (២០១៩៖ ១១,០២៥លាននាក់, ២០២៤៖ ៦,២៤លាននាក់) ។ ជាមួយគ្នានេះ​ ការដឹកជញ្ជូនតាមផ្លូវអាកាស មានគោលដៅផងដែរ ដើម្បីចូលរួមអនុវត្ត “យុទ្ធសាស្ត្របញ្ចកោណ-ដំណាក់កាលទី១” របស់រាជរដ្ឋាភិបាលកម្ពុជានីតិកាលទី៧នៃរដ្ឋសភា ស្ថិតនៅក្នុងបញ្ចកោណទី២.ការធ្វើពិពិធកម្មសេដ្ឋកិច្ច និងការបង្កើនភាពប្រគួតប្រជែង និងមុំទី២.ការលើកកម្ពស់ការតភ្ជាប់ និងការបង្កើនប្រសិទ្ធភាពនៃវិស័យដឹកជញ្ជូន និងឡូជីស្ទីក វិស័យថាមពល វិស័យទឹកស្អាត និងវិស័យឌីជីថល។ នេះបើតាមការបញ្ជាក់បន្ថែមពីសម្តេចធិបតី ហ៊ុន ម៉ាណែត៕ អត្ថបទ៖ ហ្សាលីន

The post ឆ្នាំ២០២៤៖ កម្ពុជា ទទួលបានជើងហោះហើរសរុបចំនួនជិត ៦ម៉ឺនជើង មានកំណើន១៤% appeared first on .

របាយការណ៍អាកាសចរណ៍ស៊ីវិល បានឱ្យដឹងថា គិតចាប់ពីដើមខែមករា ដល់ខែកក្កដា ឆ្នាំ២០២៤ ស្ថានភាពវិស័យដឹកជញ្ជូនតាមផ្លូវអាកាសសម្រាប់អាកាសយានដ្ឋានអន្តរជាតិទាំង៣ ភ្នំពេញ-សៀមរាប-ព្រះសីហនុ មានជើងហោះហើរចេញ-ចូល (ទ្វេទិស) មានជាង ៣ម៉ឺនជើង អ្នកដំណើរចេញ-ចូល (ទ្វេទិស) មានជាង ៣លាននាក់ និងទំនិញតាមផ្លូវអាកាសចេញ-ចូល (ទ្វេទិស) មានជាង ៤២លានគីឡូក្រាម។

របាយការណ៍ខាងលើបានបន្តថា ក្នុងនោះអាកាសយានដ្ឋានអន្តរជាតិភ្នំពេញ មានអ្នកដំណើរចេញ-ចូល មានជាង២លាននាក់ កើនឡើងប្រមាណ ១៨,០៣% ខណៈចំនួនជើងហោះហើរមាន ១៩.៨៨៧កើនឡើងប្រមាណ ១២,៨៣% បើធៀបនឹងរយៈពេលដូចគ្នាកាលឆ្នាំមុន។

ចំណែកឯអាកាសយានដ្ឋានអន្តរជាតិសៀមរាបអង្គរ មានចំនួនអ្នកដំណើរចេញ-ចូលជាង៧១ម៉ឺននាក់ កើនឡើងប្រមាណ ៣៧% ខណៈជើងហោះហើរមាន ៧.៧៩០ជើង កើនឡើងប្រមាណ ២៧%។ រីឯអាកាសយានដ្ឋានអន្តរជាតិខេត្តព្រះសីហនុវិញ មានអ្នកដំណើរជាង៣ម៉ឺននាក់ កើនឡើងប្រមាណ ១២,៨៣% ខណៈជើងហោះហើរមាន ១.០៤៨ជើង កើនឡើងប្រមាណ ៣,៧៦%។

គួរបញ្ជាក់ថា បើប្រៀបធៀបរយៈពេល ៧ខែ ឆ្នាំ២០២៤ ទៅនឹងរយៈពេល ៧ខែ ឆ្នាំ២០២៣ ឃើញថា ចំនួនជើងហោះហើរមានការកើនឡើងប្រមាណ ១៣%, សម្រាប់ចំនួនអ្នកដំណើរកើនឡើងប្រមាណ ២០% និងសម្រាប់ចំនួនទំនិញតាមផ្លូវអាកាស កើនឡើងប្រមាណ ៤៤%៕

The post ៧ខែមកនេះ កម្ពុជាទទួលបានជើងហោះហើរជាង៣ម៉ឺនជើង ខណៈអ្នកដំណើរជាង៣លាននាក់ appeared first on .

USDOT បាននិយាយថា ការអនុម័តគឺជាជំហានដ៏សំខាន់មួយឆ្ពោះទៅមុខ ក្នុងការធ្វើឲ្យមានលក្ខណៈធម្មតាបន្ថែមទៀត នៃទីផ្សារសហរដ្ឋអាមេរិក-ចិន នៅក្នុងការរំពឹងទុកនៃរដូវកាលចរាចរក្នុងរដូវក្តៅ២០២៤ ។ មិនត្រឹមតែប៉ុណ្ណោះ USDOT បានបន្តទៀតថា ខ្លួនបានចូលរួមក្នុងកិច្ចសន្ទនាប្រកបដោយផលិតភាពជាមួយនិយតករអាកាសចរណ៍របស់ប្រទេសចិន ដើម្បីឆ្ពោះទៅរកការអនុវត្តផែនទីបង្ហាញផ្លូវដើម្បីផ្តល់នូវការបើកជាបណ្តើរៗ និងទូលំទូលាយនៃទីផ្សារសេវាកម្មផ្លូវអាកាសអាមេរិក-ចិន ក៏ដូចជាការវិលត្រឡប់ជាដំណាក់កាល ដែលបានបញ្ជាក់នៅក្រោមកិច្ចព្រមព្រៀងអាមេរិក-ចិន។

មិនត្រឹមតែប៉ុណ្ណោះ ក្រុមហ៊ុនអាកាសចរណ៍អាមេរិក ដែលមានក្រុមហ៊ុនដូចជា Delta Air Lines និងក្រុមហ៊ុន United Airlines ដែលហោះហើររួមគ្នា ៣១ជើងក្នុងមួយសប្តាហ៍ទៅកាន់ប្រទេសចិននោះបានលើកឡើងថា ខ្លួនគាំទ្រដល់វិធីសាស្រ្តរបស់រដ្ឋាភិបាលសហរដ្ឋអាមេរិក ក្នុងការបើកទីផ្សារឡើងវិញដោយសន្សឹមៗ បន្តិចម្តងៗ និងទៅវិញទៅមកជាមួយប្រទេសចិន ហើយវាជាការចាំបាច់ដែលរដ្ឋាភិបាលសហរដ្ឋអាមេរិករក្សាវិធីសាស្រ្តមួយនេះ។ ជាមួយគ្នានោះ ស្ថានទូតចិនប្រចាំនៅទីក្រុងវ៉ាស៊ីនតោនក៏បាននិយាយផងដែរថា ខ្លួនពិតជារីករាយដែលឃើញវឌ្ឍនភាពជាវិជ្ជមានលើការបង្កើនជើងហោះហើរដឹកអ្នកដំណើរផ្ទាល់រវាងចិន និងសហរដ្ឋអាមេរិកដូច្នេះ។

រម្លឹកទៅកាលពីខែសីហាឆ្នាំមុន រដ្ឋមន្ត្រីក្រសួងពាណិជ្ជកម្មអាមេរិកលោកស្រី Gina Raimondo ក៏បាននិយាយផងថា ខ្លួនចង់ជំរុញការធ្វើដំណើរ និងទេសចរណ៍រវាងប្រទេសទាំងពីរ។ ម្យ៉ាងវិញទៀត ប្រសិនបើប្រទេសចិនត្រឡប់ទៅកម្រិតទេសចរណ៍របស់សហរដ្ឋអាមេរិកដូចនៅឆ្នាំ២០១៩ វិញនោះ វានឹងបង្កើតប្រាក់ចំណូល ៣០ពាន់លានដុល្លារទៅក្នុងសេដ្ឋកិច្ចសហរដ្ឋអាមេរិក និងការងារប្រមាណ ៥០ ០០០កន្លែងនៅសហរដ្ឋអាមេរិក។

សូមជម្រាបថា មុនពេលដែលវិធានការចំពោះការរឹតបន្តឹងត្រូវបានអនុម័តនៅដើមឆ្នាំ២០២០ ដោយសារវត្តមានជំងឺរាតត្បាតកូវីឌ១៩ ជើងហោះហើរដឹកអ្នកដំណើរប្រចាំសប្តាហ៍ទៅមកដែលត្រូវបានអនុញ្ញាតដោយភាគីនីមួយៗមានចំនួនដល់ទៅជាង ១៥០ជើងឯណោះ ក៏ប៉ុន្តែរហូតដល់ខែសីហា ឆ្នាំ២០២៣ ក្រុមហ៊ុនអាកាសចរណ៍ចិន និងអាមេរិកអាចហោះហើរបានត្រឹមតែ ១២ជើងក្នុងមួយសប្តាហ៍ប៉ុណ្ណោះ យ៉ាងណាចំនួននេះវាបានបន្តកើនឡើងបន្តិចម្តងៗរហូតដល់ចំនួន ៣៥ជើងក្នុងមួយសប្តាហ៍សម្រាប់ក្រុមហ៊ុនដឹកជញ្ជូនរបស់ចិននៅក្នុងខែវិច្ឆិកា៕

The post ជើងហោះហើរទៅមកប្រចាំសប្តាហ៍ចិន-អាមេរិក នឹងកើនឡើងដល់ ៥០ជើងបន្ថែមទៀត appeared first on .

គោលបំណងនៃជំនួបនេះ ដើម្បីស្វែងរកដៃគូធុរកិច្ច វិនិយោគនៅកម្ពុជា ពីសភាពាណិជ្ជកម្មឌូបៃ ជាពិសេសមកចែករំលែកអំពីសកម្មភាពបរិយាកាសធុរកិច្ច និងវិនិយោគ និងព័ត៌មានធុរកិច្ចផ្សេងៗ របស់ខ្លួន ជូនដល់សមាជិកសមាជិកានៃសភពាណិជ្ជកម្មកម្ពុជា នឹងស្វែងយល់អំពីបិរយាកាសធុរកិច្ចនិងវិនយោគនៅកម្ពុជា។

អ្នកឧកញ៉ា គិត ម៉េង ប្រធានសភាពាណិជ្ជកម្ពុជា បានស្នើទៅកាន់សភាពាណិជ្ជកម្មឌូបៃឱ្យមានជើងហោះហើរត្រង់មកកម្ពុជាឱ្យប្រសើជាងមុន ដើម្បីពង្រីកកិច្ចសហប្រតិបត្តិការវិនិយោគ និងពាណិជ្ជកម្មបន្ថែមទៀត។

ក្រៅពីនេះ អ្នកឧកញ៉ា គិត ម៉េង ក៏បានស្នើទៅកាន់សភាពាណិជ្ជកម្មឌូបៃនូវចំនួន៥ចំនុចបន្ថែមទៀត ដោយក្នុងនោះរួមមានមាន៖ ១.ពិធីចុះអនុសារណយោគយល់គ្នារវាង សភាពាណិជ្ជកម្មទាំងពីរ ២.ស្នើឲ្យមានការធ្វើដំណើរទស្សនៈកិច្ច ដែលរៀបចំការអញ្ជើញដោយ សភាពាណិជ្ជកម្មឌូបៃ ៣. ស្នើបន្តកិច្ចសហប្រតិបត្តិការគាំទ្រដល់ធុរជន និងវិនិយោគិនទាំងពីរ ដោយផ្អែកលើវិស័យអថិភាពរួម ៤. ស្នើសុំឲ្យមានកាលើកលែងពិសេសសម្រាប់ធុរជនឬវិនិយោគិន ដែលកំពុងធ្វើសកម្មភាពធុរកិច្ច និងវិនយោគនានា ពីកម្ពុជា និង៥.ក្នុងកិច្ចប្រជុំអាស៊ាននៅឆ្នាំក្រោយ ក្នុងនាមប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ាន-កម្ពុជា អញ្ជើថ្នាក់ដឹកនាំនិងសមាជិកសមាជិកា នៃសភាពាណិជ្ជកម្មឌូបៃ។

ជាកាឆ្លើយតបពីសភាពាណិជ្ជកម្មឌូបៃ គឺបានទទួលយកតាមការស្នើសុំខាងលើ នឹងបន្តរក្សានូវទំនាក់ទំនងឱ្យមានប្រសិទ្ធភាព រវាងសភាពាណិជ្ជកម្មទាំងពីរ៕ អត្ថបទ៖ រង្សី

The post អ្នកឧកញ៉ា គិត ម៉េង ស្នើសភាពាណិជ្ជកម្មឌូបៃជំរុញឱ្យមានការជើងហោះហើរត្រង់មកកាន់កម្ពុជា appeared first on .

ក្នុងជំនួបនោះ លោកបានលើកឡើងបង្ហាញពីសក្តានុពល ក៏ដូចជាឱកាសវិនិយោគជាច្រើន ពិសេសលើវិស័យទេសចរណ៍ ដែលកំពុងត្រូវការការអភិវឌ្ឍបង្កើតផលិតផលទេសចរណ៍ថ្មី ដើម្បីរួមចំណែកក្នុងគោលនយោបាយទាក់ទាញភ្ញៀវទេសចរអន្តរជាតិបន្ថែម។

ក្នុងឱកាសនោះ លោករដ្ឋមន្រ្តីក៏ស្នើឱ្យលោក Thani bin Ahmed Al Zeyoudi រដ្ឋមន្ត្រីពាណិជ្ជកម្មអន្តរជាតិអេមីរ៉ាតអារ៉ាប់រួម ជួយជម្រុញឱ្យមានការហោះត្រង់របស់ក្រុមហ៊ុនអាកាសចរណ៍ Fly Emirates ពីឌូបៃមកកម្ពុជាឡើងវិញ ដើម្បីកំណើនទេសចរពីប្រទេសអេមីរ៉ាតអារ៉ាប់រួមមកកាន់កម្ពុជាបន្ថែមទៀត និងសហការជំរុញការចុះអនុស្សរណៈយោគយល់ស្ដីពីកិច្ចសហប្រត្តិការលើវិស័យទេសចរណ៍ឡើងវិញ ដែលធ្លាប់បានចុះហត្ថលេខាកាលពីឆ្នាំ២០១២ហើយ ដែលបច្ចប្បន្នបានអស់សុពលភាព។

ជាការឆ្លើយតប លោក ថានី ប៊ីន អាម៉េដ អាល់ ហ្សេយូឌី (Thani bin Ahmed Al Zeyoudi) បានបង្ហាញការអារម្មណ៍នៃការរីកចម្រើននៅប្រទេសកម្ពុជា ជាពិសេសចង់ស្វែងយល់ពីវិស័យទេសចរណ៍នៅកម្ពុជាផងដែរ។

គួរឱ្យដឹងផងដែរថា កន្លងមក កម្ពុជា-អេមីរ៉ាតអារ៉ាប់រួម មានការតភ្ជាប់ជើងហោះហើរឌូបៃ-យ៉ាងហ្គូន-ភ្នំពេញ ដែលជាមធ្យោបាយសម្រាប់ការធ្វើដំណើររបស់ទេសចរទៅមកប្រទេសទាំងពីរ និងទាក់ទាញលំហូរទេសចរប្រទេសទី៣ រួចមកហើយដែរ៕ អត្ថបទ៖ មុន្នី

The post រដ្ឋមន្ត្រីក្រសួងទេសចរណ៍ ស្នើឱ្យអេមីរ៉ាតអារ៉ាប់រួម បើកជើងហោះហើរត្រង់មកកម្ពុជាឡើងវិញ appeared first on .

លោក ង៉ូវ សេងកាក់ បានឱ្យដឹងថា មុនវិបត្តិកូវីដ១៩ ការហោះហើររបស់ភ្ញៀវទេសចរ មកកាន់ខេត្តសៀមរាប មានចន្លោះពី ៦០ ទៅ៧០ជើងក្នុងមួយ។

ពាក់ព័ន្ធនឹងការហោះហើររបស់ភ្ញៀវទេសចរនោះ លោក បានឱ្យដឹងថា ភ្ញៀវទេសចរអន្តរជាតិ ដែលចូលទស្សនាអង្គរមានចន្លោះ ២ ៥០០នាក់ ទៅ ២ ៧០០នាក់ ក្នុងមួយថ្ងៃ។

ជាមួយគ្នានោះ លោក ង៉ូវ សេងកាក់ បានដាក់ការរំពឹងថា ចាប់ពីឆ្នាំ២០២៥ ទៅភ្ញៀវទេសចរ នឹងមាន ការកើនឡើងសម្រាប់ខេត្តសៀមរាប នៅពេលខេត្តមានការរៀបចំហេដ្ឋារចនាសម្ព័ន្ធ ក៏ដូចជាសម្បទា គ្រប់គ្រាន់សម្រាប់ទទួលភ្ញៀវទេសចរឱ្យបានល្អប្រសើរ។ជាពិសេស បន្ទាប់ពីព្រលានយន្តហោះថ្មី ដែលគ្រោងនឹងសម្ពោធដាក់ឱ្យដំណើរការនៅខែតុលា ខាងមុខ ចំនួនភ្ញៀវទេសចរនឹងមានការកើនឡើង ដូចផែនការដែលបានគ្រោងទុក។

គួរឱ្យដឹងផងដែរថា ក្នុងឆ្នាំ២០២២ ភ្ញៀវទេសចរទៅកម្សាន្តក្នុងខេត្តសៀមរាប មានប្រមាណជាង ២លាននាក់ ក្នុងនោះភ្ញៀវ អន្តរជាតិ មានជាង២៨ម៉ឺននាក់៕

The post ជើងហោះហើរមកកាន់ខេត្តសៀមរាបបច្ចុប្បន្នមានចន្លោះពី១៥ ទៅ១៩ជើង ក្នុងមួយថ្ងៃ appeared first on .

នៅក្នុងឱកាសនោះ លោក គីកែវ ខាយ ខាំភូធូន បានលើកឡើងថា លោក មានអារម្មណ៍រំភើបចំពោះដំណើរទស្សនកិច្ចរបស់ លោករដ្ឋមន្រ្តី និងបានរំលឹកលទ្ធផលប្រកបដោយផ្លែផ្កានៃដំណើរទស្សនកិច្ច របស់សម្តេចតេជោនាយករដ្ឋមន្រ្តី។ លើសពីនេះ លោក នៅតែចាំមិនភ្លេច និងអរគុណដល់រាជរដ្ឋាភិបាលកម្ពុជាដែលបានផ្តល់ជំនួយជាវ៉ាក់សាំង សម្ភារពេទ្យ និងថវិកាដល់រដ្ឋាភិបាលឡាវសម្រាប់ប្រយុទ្ធប្រឆាំងនឹងជម្ងឺកូវីដ-១៩ ដែលរហូតមកដល់ពេលនេះ ប្រទេសឡាវអាចបើកដូចធម្មតាវិញ។

ជាមួយគ្នានោះ ភាគីទាំងពីរ ក៏បានឯកភាពគ្នា ក្នុងការតភ្ជាប់គោលដៅទេសចរណ៍សំខាន់ៗ នៃប្រទេសទាំងពីរតាមរយៈការបើកជើងហោះហើរបន្ថែម និងបានទទួលយកទៅពិនិត្យ ដើម្បីជំរុញឲ្យអាកាសចរឡាវ បើកការហោះហើរបន្ថែមមកកាន់កម្ពុជា។

គួរឱ្យដឹងផងដែរថា ថោង ខុន ក៏បានចូលជំនួបទ្វេភាគី ជាមួយ លោកជំទាវ សួនសាវ៉ាន់ វិញ៉ាកេត រដ្ឋមន្រ្តីក្រសួងព័ត៌មាន វប្បធម៌ និងទេសចរណ៍ឡាវ ដើម្បីពិភាក្សាលើសក្តានុពលក្នុងការជំរុញលំហូរទេសចររវាងប្រទេសទាំងពីរ និងពីប្រទេសទីបី និងពិនិត្យលើលទ្ធផលនៃកិច្ចប្រជុំឧត្តមមន្រ្តីទេសចរណ៍កម្ពុជា-ឡាវលើកទី២ កាលពីព្រឹកថ្ងៃទី១៣ ខែមីនា ឆ្នាំ២០២៣ ផងដែរ។ដោយភាគីទាំងពីរ បានពិនិត្យឃើញដូចគ្នានូវសក្តានុពលនៃហេដ្ឋារចនាសម្ព័ន្ធថ្មីៗក្នុងប្រទេសទាំងពីរ ដែលជាកាតាលិករសម្រាប់ទាក់ទាញភ្ញៀវទេសចរប្រទេសទាំងពីរ និងតំបន់។

ក្នុងនោះ រដ្ឋមន្រ្តីទាំងពីរ យល់ស្របគ្នាក្នុងការជំរុញឱ្យមន្រ្តីទេសចរណ៍នៃប្រទេសទាំងពីរពិនិត្យលើការសម្រួលការធ្វើដំណើរឆ្លងកាត់ព្រំដែន ជាពិសេសទេសចរណ៍បើកបរដោយខ្លួនឯងឆ្លងកាត់កម្ពុជា ប្រើប្រាស់ផ្លូវល្បឿនលឿន មកកាន់តំបន់ឆ្នេរសមុទ្រកម្ពុជា និងអាចឱ្យទេសចរកម្ពុជាអាចកំសាន្តតាមរថភ្លើងល្បឿនលឿនរបស់ឡាវពីទីក្រុងវៀងចន្ទន៍ទៅតំបន់ទាក់ទាញផ្សេងៗរបស់ឡាវ ជាពិសេសថែមទៀតនោះ គឺការជំរុញលំហូរទេសចរចិន និងប្រទេសទីបីផ្សេងទៀតមក ប្រទេសទាំងពីរតាមរយៈសក្តានុពលនៃរថភ្លើងល្បឿនលឿនរបស់ឡាវ ផ្លូវល្បឿនលឿនភ្នំពេញ-ខេត្តព្រះសីហនុ និងទេសចរណ៍បើកបរដោយខ្លួនឯងឆ្លងកាត់ព្រំដែននៃប្រទេសទាំងពីរ។

គួរគូសបញ្ជាក់ថា ទាក់ទងនឹងការហោះហើរ ភាគីកម្ពុជា បានស្វាគមន៍ និងត្រៀមពិនិត្យសម្រួលផ្តល់គោលនយោបាយ ពិសេសក្នុងការហោះហើរវៀងចន្ទន៍ ភ្នំពេញ ក្រុងព្រះសីហនុ ឬអាចសុំសិទ្ធនិងគោលនយោបាយ ពិសេសផ្សេងទៀត តាមការស្នើសុំរបស់មិត្តឡាវ៕

អត្ថបទ៖ ស៊ីណាត

The post កម្ពុជា-ឡាវ ឯកភាព ក្នុងការតភ្ជាប់គោលដៅទេសចរសំខាន់ៗ តាមរយៈការបើកជើងហោះហើរបន្ថែម appeared first on .

ការឯកភាពនេះ បានធ្វើឡើងក្នុងជំនួបទ្វេភាគីរវាងលោក ប្រាក់ សុខុន រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិកម្ពុជា និងលោក ហាយ៉ាហ្ស៊ី យ៉ូហ្ស៊ីម៉ាសា(HAYASHI Yoshimasa)រដ្ឋមន្រ្តីការបរទេសជប៉ុន ខណៈរដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិកម្ពុជា បំពេញទស្សនកិច្ចការងារផ្លូវការ នៅប្រទេសជប៉ុន ចាប់ពីថ្ងៃទី២១ ដល់ថ្ងៃទី២៤ ខែមករា ឆ្នាំ២០២៣។

ក្នុងជំនួបនោះលោក ប្រាក់ សុខុន ធ្វើការវាយតម្លៃខ្ពស់ចំពោះការបន្តគាំទ្ររបស់ជប៉ុន ក្នុងការអភិវឌ្ឍន៍កំពង់ផែស្វយ័តក្រុងព្រះសីហនុ និងដើម្បីសម្រេចគោលដៅ «កម្ពុជាគ្មានគ្រាប់មីននៅត្រឹកឆ្នាំ២០២៥»របស់កម្ពុជា។

ក្នុងនោះ ភាគីទាំងពីរក៏មានការសម្តែងការរីករាយចំពោះការកើនឡើងនូវទំហំពាណិជ្ជកម្មរវាងប្រទេសទាំងពីរ ដែលបានឈានជិតដល់កម្រិតមុនវិបត្តិជំងឺកូវីដ១៩ ព្រមទាំងលំហូរយ៉ាងខ្លាំងនៃវិនិយោគពីប្រទេសជប៉ុនមកកម្ពុជា ជាពិសេសរដ្ឋមន្រ្តីទាំងពីក៏ធ្វើការឯកភាពគ្នាយ៉ាងជិតស្និទ្ធ ក្នុងការលើកកម្ពស់បន្ថែមទៀតនូវកិច្ចសហប្រតិបត្តិការសេដ្ឋកិច្ចដែលកំពុងរីកចម្រើន ដែលជាការជំរុញឱ្យមានការងហោះហើរផ្ទាល់រវាងប្រទេសទាំងពីរឡើងវិញ។

ជាមួយគ្នានោះ រដ្ឋមន្រ្តីទាំងពីរ ក៏មានការឯកភាពគ្នាឱ្យមានការចាប់ផ្តើមឡើងវិញនូវកម្មវិធីសម្រាប់អ្នកនយោបាយវ័យក្មេងកម្ពុជា ដែលត្រូវបានខកខានដោយសារជំងឺរាតត្បាតសកល ដើម្បីស្វែងយល់ពីដំណើរការលទ្ធិប្រជាធិបតេយ្យពហុបក្ស នៅប្រទេសជប៉ុន និងបានសម្តែងការប្តេជ្ញាក្នុងការរក្សាខ្ជាប់នូវកិច្ចសន្ទនា ស្តីពីស្ថានភាពសិទ្ធិមនុស្ស ដែលមានស្រាប់រវាងប្រទេសទាំងពីរ។

ទន្ទឹមនឹងនោះ ភាគីទាំងពីរក៏បានផ្លាស់ប្តូរទស្សនៈគ្នាលើបញ្ហានៅក្នុងតំបន់ និងអន្តរជាតិដែលជាកង្វល់រួម ដូចជា សង្រ្គាមនៅអ៊ុយក្រែន និងសភាពការណ៍នៅឧបទ្វីបកូរ៉េ និងពិភាក្សាលើកិច្ចសហប្រតិបត្តិការពហុភាគី ឯកភាពគ្នាពង្រឹងភាពជាដៃគូ និងកិច្ចសហប្រតិបត្តិការបន្ថែមទៀត ពិសេសក្នុងក្របខណ្ឌអង្គការសហប្រជាជាតិ ព្រមទាំងក្របខណ្ឌពាក់ព័ន្ធអាស៊ានផងដែរ៕

The post កម្ពុជា-ជប៉ុន ឯកភាពគ្នាជំរុញឱ្យមានការហោះហើរផ្ទាល់ឡើងវិញ appeared first on .

ការសម្រេចបើកជើងហោះហើរត្រង់នេះ គឺបន្ទាប់ពីសម្តេច​តេ​ជោ ហ៊ុន សែន នៅ​ថ្ងៃទី​២២ ខែតុលា ឆ្នាំ​២០២១ បាន​ណែនាំ​ដល់​ក្រសួង​ស្ថាប័ន​ជំនាញ ធ្វើការ​ពិនិត្យមើល​អំពី​លទ្ធភាព​ក្នុង​បើក​ជើងហោះហើរ​ឡើងវិញ ជាមួយ​បណ្តា​ប្រទេស​ជា​សមាជិក​អាស៊ាន ដូចជា ឥណ្ឌូនេស៊ី​, ម៉ាឡេស៊ី និង​ហ្វីលីពីន​ជាដើម ដើម្បី​ទទួលភ្ញៀវ និង​អ្នកវិនិយោគ​មក​កម្ពុជា​។

សេចក្តីប្រកាសព័ត៌មាន បានឲ្យដឹងថា ការសម្រេចបើកជើងហោះហើរត្រង់នេះ ដើម្បី​ចូលរួម​ចំណែក​ការបើក​ដំណើរការ​ឡើងវិញ នូវ​សកម្មភាព​សេដ្ឋកិច្ច និង​សង្គម ជា​ជំហានៗ​លើ​គ្រប់​វិស័យ​តាម​គន្លង​ប្រក្រតីភាព​ថ្មី រួមទាំង​ការ​ស្តារឡើងវិញ នូវ​វិស័យ​ដឹកជញ្ជូន​តាមផ្លូវ​អាកាស និង​កិច្ចសហប្រតិបត្តិការ​ក្នុង​វិស័យនេះ។

គួររម្លឹកជូនថា រដ្ឋាភិបាលកម្ពុជា កាលពី​ថ្ងៃទី​១១ ខែសីហា ឆ្នាំ២០២០ កន្លងទៅ បានសម្រេចផ្អាក​ជា​បណ្តោះអាសន្ន​នូវ​ជើងហោះហើរ​ពី​ប្រទេស​ម៉ាឡេស៊ី ឥណ្ឌូនេស៊ី និង​ហ្វីលីពីន មកកាន់​​កម្ពុជា ដើម្បីទប់ស្កាត់ការរីករាលនៃជំងឺរាតត្បាតជាសកលកូវីដ-១៩៕

The post កម្ពុជា សម្រេច​បើក​ជើងហោះហើរ​ត្រង់​ពី​ប្រទេស​ចំនួន ៣ ក្នុងតំបន់អាស៊ាន appeared first on .