កម្មវិធីចុះសំណេះសំណាល និងប្រគល់ថវិការជូនមណ្ឌលកុមារកំព្រាចំនួន ៤ ក្នុងខេត្តកំពង់ស្ពឺ នេះក៏មានការអញ្ជើញចូលរួមពីសំណាក់ឯកឧត្តម វុី សំណាង អភិបាលនៃគណៈអភិបាលខេត្តកំពង់ស្ពឺ ព្រមទាំងថ្នាក់ដឹកនាំ និងតំណាងមន្ទីរ ក៏ដូចជាស្ថាប័នមួយចំនួននៅក្នុងខេត្តកំពង់ស្ពឺផងដែរ។

ឯកឧត្តម វុី សំណាង បានមានប្រសាសន៍ថា មណ្ឌលទាំង៤នេះ រួមមាន៖ មណ្ឌលកុមារកំព្រាខេត្តកំពង់ស្ពឺ មណ្ឌលកុមារព្រៃជុំ សហគមន៍ផ្ទះជាក្រុមរបស់យើង និងមណ្ឌលកុមារក្តីសង្ឃឹមថ្មីដែលមានចំនួនកុមារ ២០៦នាក់ក្នុងនោះកុមារី ៨២នាក់ រួមជាមួយបុគ្គលិកមេីលថែកុមារចំនួន ២៨នាក់។

ឯកឧត្តម បានបន្ថែមថា ជានិច្ចកាល ថ្នាក់ដឹកនាំខេត្តតែងតែយកចិត្តទុកដាក់គិតគូដល់សុខទុក្ខរបស់កុមារទាំងអស់ ដោយបានព្យាយាមស្វែងរកជំនួយនានាដើម្បីឧបត្ថម្ភដល់ការផ្គត់ផ្គង់អាហារ និងការរៀនសូត្ររបស់ពួកគេ ស្របទៅតាមគោលនយោបាយសង្គមកិច្ចរបស់រាជរដ្ឋាភិបាលកម្ពុជា ក្រោមការដឹកនាំរបស់សម្តេចធិបតីនាយករដ្ឋមន្ត្រី ។

អ្នកឧកញ៉ា លី យ៉ុងផាត់ ប្រធានសមាគមឧកញ៉ាកម្ពុជា បានថ្លែងថា ដោយមើលឃើញពីការខ្វះខាត និងតម្រូវការជាក់ស្តែងរបស់មណ្ឌលកុមារកំព្រាទាំង ៤នេះ សមាគមឧកញ៉ាកម្ពុជា បានកៀរគរសប្បុរសជននានា ដែលជាសមាជិករបស់សមាគមដើម្បីជួយដល់កុមារកំព្រា និងអ្នកមើលថែសរុបចំនួន ២៣៤នាក់ ដោយអំណោយទាំងនេះមានដូចជា៖ គ្រឿងឧបភោគ បរិភោគប្រចាំថ្ងៃ និងសម្លៀកបំពាក់ជាដើមសរុបជាថវិកាចំនួន  ៤០,៣៤៧ ដុល្លារអាមេរិច។

អ្នកឧកញ៉ា លី យ៉ុងផាត់ បានបន្តថាតាមរយៈអំណោយនៅថ្ងៃនេះ គឺជាការចូលរួមបរិច្ចាគរបស់សប្បុរសជននានា ដែលជាសមាជិករបស់សមាគម និងថវិការបស់សមាគម ក្រោមសកម្មភាពសប្បុរសធម៌។ អ្នកឧកញ៉ា មានក្តីសង្ឃឹមយ៉ាងមុតមាំថា អំណោយដែលសមាគមឧកញ៉ាកម្ពុជា ផ្តល់ជូននៅពេលនេះ នឹងត្រូវបានប្រើប្រាស់ចំគោលដៅ និងបានបំពេញតម្រូវការរបស់ក្មួយៗ ដែលកំពុងស្នាក់នៅ និងសិក្សានៅក្នុងមណ្ឌលទាំង៤នេះ។

អ្នកឧកញ៉ា លី យ៉ុងផាត់ ក៏បានផ្តាំផ្ញើ និងលើកទឹកចិត្តដល់ក្មួយៗទាំងអស់ត្រូវខឹកខំប្រឹងប្រែងរៀនសូត្រ ឱ្យខ្លាំងពូកែដើម្បីជាទំពាំងស្នងឬស្សី សម្រាប់បន្តវេនក្នុងការថែរក្សា ការពារជាតិ មាតុភូមិ ក្នុងការចូលរួមអភិវឌ្ឍសេដ្ឋកិច្ច និងប្រទេសជាតិរបស់យើងទាំងអស់គ្នា ជាពិសេសជៀសឱ្យឆ្ងាយពីគ្រឿងញៀន និងល្បែងអបាយមុខទាំងឡាយ ព្រមទាំងចូលរួមគោរពច្បាប់ចរាចរណ៍ទាំងអស់គ្នាដើម្បីខ្លួនឯង គ្រួសារ និងសង្គមជាតិទាំងមូល។

សកម្មភាពសប្បុរសធម៌នេះ គឺជា បេសកកម្មមួយរបស់សមាគមឧកញ៉ាកម្ពុជាក្នុងការចូលរួម អភិវឌ្ឍសេដ្ឋកិច្ច និងសង្គមកម្ពុជាតាមរយៈសកម្មភាពពាណិជ្ជកម្ម ការបង្កើតការងារ និងការចែករំលែកធនធានក៏ដូចជាសម្ភារៈដើម្បីសម្រាលការលំបាកផ្សេងៗរបស់ប្រជាជនកម្ពុជាផងដែរ។

The post ថ្នាក់ដឹកនាំសមាគមឧកញ៉ាកម្ពុជា នាំយកសម្ភារៈ គ្រឿងឧបភោគបរិភោគ និងថវិកាជាង ៤មុឺនដុល្លារ ជួយមណ្ឌលកុមារកំព្រាចំនួន ៤ ក្នុងខេត្តកំពង់ស្ពឺ appeared first on .

ក្នុងជំនួបសំណេះសំណាល នាឱកាសប្រគល់-ទទួលរថយន្តគិលានសង្គ្រោះ ចំនួន ០៥គ្រឿង ដែលជាអំណោយពីសប្បុរសជនកម្ពុជា និងជប៉ុន  នោះដែរ ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក និងជាមេបញ្ជាការ បញ្ជាការដ្ឋានជាតិកម្លាំងពិសេសប្រឆាំងភេរវកម្ម ក៏បានថ្លែងអំណរគុណចំពោះទឹកចិត្តដ៏សប្បុរស និងការចែករំលែកដ៏មានសារៈសំខាន់នេះ ដើម្បីជាការគាំទ្រមួយដល់កងទ័ព ក៏ដូចជាការបញ្ជាក់នូវភាពស្និទ្ធស្នាល រវាងវិស័យឯកជនជាមួយរាជរដ្ឋាភិបាលផងដែរ។

ជាមួយគ្នានោះ ឯកឧត្តម មេបញ្ជាការ ក៏បានថ្លែងនូវការកោតសរសើរ ចំពោះសកម្មភាពមនុស្សធម៌នានាកន្លងមក ក៏ដូចជាពេលនេះ និងបានលើកទឹកចិត្តដល់សប្បុរសជនដែលជាវិនិយោគិនកម្ពុជា និងជប៉ុន ឱ្យបន្តនូវកាយវិការដ៏ប្រពៃនេះ ព្រមទាំងជូនពរក្នុងការពង្រឹង និងពង្រីកអាជីវកម្មរបស់ខ្លួន ដើម្បីភាពរីកចម្រើនលូតលាស់ជានិរន្តរ៍តរៀងទៅ។

គួរបញ្ជាក់ដែរថា ឧកញ៉ា សំ សុខនឿន ក្នុងនាមជាសហគ្រិនក្នុងវិស័យអចលនទ្រព្យមួយរូបនៅកម្ពុជាំ ជានិច្ចជាកាល លោកឧកញ៉ា តែងតែបរិច្ចាគធនធាន មិនថាជាសម្ភារៈ និងថវិកាផ្ទាល់ខ្លួន ក៏ដូចជាដឹកនាំក្រុមការងារ សប្បុរសជន នាំយកអំណោយ និងជំនួយជាហូរហែផ្ដល់ជូនដល់ប្រជាពលរដ្ឋខ្វះខាតទូទាំងប្រទេស និងស្ថាប័នរដ្ឋ ដែលត្រូវការជំនួយឧបត្ថម្ភចាំបាច់ណាមួយ៕

The post ឧកញ៉ា សំ សុខនឿន នាំយករថយន្តគិលានសង្គ្រោះចំនួន ៥គ្រឿង ជូនបញ្ជាការដ្ឋានជាតិកម្លាំងពិសេសប្រឆាំងភេរវកម្ម appeared first on .

ក្រោមចលនាជាតិរបស់ សម្តេចតេជោ ហ៊ុន សែន នាយករដ្ឋមន្ត្រី មានប្រជាជនគ្រប់ទិសទីបានគាំទ្រ និងចូលរួមយ៉ាងផុសផុលបរិច្ចាគវិភាគទានផ្ទាល់ខ្លួន គាំទ្រដល់យុទ្ធនាការនេះ។ បើគិតត្រឹមខែកក្កដា ឆ្នាំ២០២២ យុទ្ធនាការកៀរគងថវិកាសប្បុរសធម៌ ចូលរួមបោសសម្អាតមីននៅកម្ពុជានេះ រាជរដ្ឋាភិបាលទទួលបានថវិកាសរុបប្រមាណជាង ១៧លានដុល្លារអាមេរិក។

ក្នុងនោះ មានអ្នកឧកញ៉ា ឧកញ៉ា និងលោកជំទាវឧកញ៉ា សរុបចំនួន ៥៧រូប ក្រោមការដឹកនាំរបស់ អ្នកឧកញ៉ា លី យ៉ុងផាត់ ប្រធានសមាគមឧកញ៉ាកម្ពុជា ប្រមូលថវិកាក្នុងយុទ្ធនាការសប្បុរធម៌បានទឹកប្រាក់​ចំនួន ១,៧៤២,៩១០ ដុល្លារ​អាមេរិក ជូនដល់​រាជរដ្ឋាភិបាល សម្រាប់​ការ​គាំទ្រ​ដល់​ដំណើរការ​នៃ​សកម្មភាព​បោស​សំអាត​មីន និង​គ្រាប់​យុទ្ធភណ្ឌ​មិន​ទាន់​ផ្ទុះ​ផ្សេង​ទៀត នៅ​ក្នុង​ព្រះរាជាណាចក្រកម្ពុជា។

គួរបញ្ជាក់ផងដែរថា ក្នុងរយៈពេលជាង ៣០ឆ្នាំនេះ រាជរដ្ឋាភិបាល បានផ្ដល់ថវិកាជាង ២០០លានដុល្លារអាមេរិក សម្រាប់ចូលរួមក្នុងការងារសកម្មភាពមីននៅកម្ពុជា ព្រមទាំងទ្រទ្រង់ដល់ដំណើរការស្ថាប័ន និងការត្រួតពិនិត្យតាមដានការអនុវត្តផែនការយុទ្ធសាស្ត្រជាតិ។  

បើយោងតាម ទេសរដ្ឋមន្ត្រី លោក លី ធុជ អនុប្រធានទី១ អាជ្ញាធរកម្ពុជាគ្រប់គ្រងសកម្មភាពកំចាត់មីន និងសង្គ្រោះជនពិការដោយសារមីន ក្នុងកម្មវិធីបិទសន្និបាតជាតិខួប៣០ឆ្នាំនៃសកម្មភាពមីននៅកម្ពុជា កាលពីថ្ងៃទី២២ ខែវិច្ឆិកា ឆ្នាំ២០២២ នៅសាលមហោស្រពកោះពេជ្រ បានលើកឡើងថា ផ្ទៃដីប្រមាណ ២,៥៣១ គីឡូម៉ែត្រក្រឡា ត្រូវបានបោសសម្អាតរួច និងប្រែក្លាយជាដីសុវត្ថិភាពសម្រាប់ប្រជាជនប្រមាណ ៩លាននាក់ ប្រើប្រាស់ និងរាប់បញ្ចូលទាំងការសាងសង់លំនៅដ្ឋាន សាលារៀន មន្ទីរពេទ្យ ស្ពានថ្នល់ និងកសិកម្មជាដើម ជាពិសេសបានប្រែក្លាយ ដីមីន ទៅជាដីមាស។

លោកទេសរដ្ឋមន្ត្រី បន្តថា រយៈពេល ៣០ឆ្នាំនេះ ចាប់តាំងពីឆ្នាំ១៩៩២ ដល់ឆ្នាំ២០២២ កម្ពុជា ក្នុងបេសកកម្មសកម្មភាពមីនរួមគ្នា របស់រាជរដ្ឋាភិបាលកម្ពុជា ប្រទេសផ្តល់ជំនួយ ដៃគូអភិវឌ្ឍន៍ ប្រតិបត្តិករជាតិ-អន្តរជាតិ និងគ្រប់ភាគីពាក់ព័ន្ធ បានរួមចំណែកយ៉ាងធំធេង ក្នុងការដោះស្រាយផលប៉ះពាល់ដោយសារមីន និងសំណល់ជាតិផ្ទុះពីសង្គ្រាមនៅកម្ពុជា៕

The post អ្នកឧកញ៉ា ឧកញ៉ា ជាច្រើនរូបពីសមាគមឧកញ៉ាកម្ពុជាចូលរួមកម្មវិធីបិទសន្និបាតជាតិខួប៣០ឆ្នាំនៃសកម្មភាពមីននៅកម្ពុជា appeared first on .

តាំងពីសង្គ្រាមបាន​ផ្ទុះ​ឡើង​ភ្លាមៗ អ៊ុយក្រែន​ទទួល​បាន​កញ្ចប់​ជំនួយ​សព្វគ្រប់បែបយ៉ាងពីប្រទេស​ផ្សេងៗ​ទូទាំង​សកលលោក ជាពិសេស​ពី​សហភាពអឺរ៉ុប និងបណ្ដាប្រទេសលោកខាងលិច។

យោងតាម​ការស្រាវជ្រាវពី Kiel បាន​ឲ្យដឹងថា រយៈពេល ៦ ខែតំបូង​នៃ​ការ​ផ្ទុះ​សង្គ្រាម​នេះ អ៊ុយក្រែន​ទទួល​បាន​ជំនួយ​ផ្នែកហិរញ្ញវត្ថុ​ប្រហែល​ជាង ៨០ ពាន់​លាន​ដុល្លារ។​ នេះ​បើតាម​ការ​ចុះផ្សាយពី Nytimes។

ប្រភពដដែល​បន្ថែម​ទៀត​ថា ក្នុង​នោះ​សហភាព​អឺរ៉ុប​ផ្ដល់​ជំនួយ​ហិរញ្ញវត្ថុ​ច្រើនជាង​គេ ១២,៣ ពាន់​លាន​ដុល្លារ សហរដ្ឋអាមេរិក ១០,៣ ពាន់​លាន​ដុល្លារ អង់គ្លេស ២,១ ពាន់​លាន​ដុល្លារ កាណាដា ១,៨ ពាន់​លានដុល្លារ និង​អាល្លឺម៉ង់ ១,១៥ ពាន់​លាន​ដុល្លារ និង​ប្រទេស​ផ្សេងៗទៀត សរុប​ជារួម គឺ​មាន​ប្រហែល ៨៣ ពាន់​លាន​ដុល្លារ៕

The post ៦ខែតំបូងនៃការផ្ទុះសង្គ្រាម អ៊ុយក្រែនទទួលបានជំនួយហិរញ្ញវត្ថុជាង ៨០ ពាន់លានដុល្លារ appeared first on .

នៅ​ក្នុង​លិខិត​ដែល​ចេញ​ដោយ World Bank ផ្ទាល់​ បាន​ឲ្យ​ដឹង​ថា ស្រីលង្កា​ចាំបាច់​ត្រូវ​ធ្វើ​កំណែ​ទម្រង់​រចនា​សម្ព័ន្ធ​ដែល​ផ្ដោត​សំខាន់​លើ​ស្ថិរភាព​សេដ្ឋកិច្ច និង​ការ​ដោះស្រាយ​ឫសគល់​នៃ​បញ្ហា​ដែល​កំពុង​កើតមាន ដែល​បណ្ដាល​ឲ្យ​កើត​ជា​បញ្ហា​ចំបង​ផ្សេងៗ​ដូចជា កង្វះ​ខាត​ចំណី​អាហារ ប្រេង និង​ថ្នាំសង្កូវ។

បន្ថែម​ពី​នោះ ធនាគារពិភពលោក​ក៏​កំពុង​សិក្សា​ឡើងវិញ​ពី​គោលបំណង​នៃ​ប្រាក់​កម្ចី​ដែល​មាន​ស្រាប់ ក្នុង​ការ​ជួយ​សម្រួល​ដល់​កត្តា​សំខាន់ៗ​ដែល​ប្រជាជន​ស្រីលង្កា​កំពុង​ជួប​ប្រទះ ដូចជា​កង្វះខាត​ថ្នាំ​សង្កូវ ហ្គាស​ ជី អាហារូបត្ថម្ភ​សម្រាប់​កុមារ និង​ថវិកា​មួយ​ចំនួន​សម្រាប់​ប្រជាជន​នៅ​ទីនោះ។

សូមជម្រាបដែរ​ថា ស្រីលង្កា​បាន​ប្រកាស​ភាព​អាសន្ន​តាំងពី​ថ្ងៃទី ១៣ ខែកក្កដា បន្ទាប់​ពី​ក្រុម​បាតុករ​សម្រុក​ចូល​ភូមិគ្រឹះ​អតីត​ប្រធានាធិបតី Gotabaya Rajapaksa ដើម្បី​ទាមទារ​ឲ្យ​លោក​ចុះចេញ​ពី​តំណែង៕

The post ធនាគារ​ពិភពលោក​គ្មាន​គម្រោង​នឹង​ផ្ដល់​ជំនួយ ដល់​ប្រទេស​ស្រីលង្កា​ទៀត​ទេ appeared first on .

ខុសពីសព្វមួយដង ដែលលោកតែងតែ មានពេលវេលាគ្រប់គ្រាន់រៀបចំកញ្ចប់អំណោយសប្បុរធម៌ មានទាំងថវិកា ស្បៀងអាហារ និងគ្រឿងឧបភោគបរិភោគចាំបាច់មួយចំនួនផ្សេងទៀត លើកនេះ ឧកញ៉ា វ័យក្មេង និងជាអគ្គនាយកក្រុមហ៊ុន GM TRADING CO.LTD ថា ការចែកអំណោយបន្តិចបន្ទួច ដោយមិនបានរៀបចំធំដុំដូចរាល់ដង ដូចដែលលោកធ្លាប់ចុះជួយប្រជាពលរដ្ឋខ្វះខាតកន្លងមក ដោយសារតែពេលនោះ លោកអញ្ជើញទៅសួរសុខទុក្ខឳពុកម្ដាយនៅស្រុកកំណើត ហើយក៏ទទួលអ្នកផ្ទះ ប្រាប់ថា ពលរដ្ឋនៅស្រុកភូមិជាច្រើនគ្រួសារកំពុងខ្វះខាត លោកក៏គិតគូចាត់ចែងជាមួយអ្នកផ្ទះធ្វើរឿងនេះភ្លាមៗតែម្ដង។

ឧកញ៉ា ម៉េន កានី បញ្ជាក់ថា៖ “ពេលហ្នឹងខ្ញុំទៅសួរសុខទុក្ខឳពុកម្ដាយខ្ញុំនៅស្រុកដូចរាល់ដង តែពួកគាត់ក៏ប្រាប់ខ្ញុំថា មានអ្នកភូមិយើងមួយចំនួនកំពុងខ្វះខាត អ្នកខ្លះខ្វះខាតដោយសារបញ្ហាកូវីដធ្វើឱ្យប៉ះពាល់ជីវភាព អ្នកខ្លះទៀត ក៏ឈឺថ្កាត់ និងជាប់ចត្តាឡីស័កផ្សេងៗ អ៊ីចឹង ខ្ញុំ និងក្រុមគ្រួសារ ក៏រៀបចាំចាត់ចែងភ្លាមៗទាំងប្រថុចញុច ជួយពួកគាត់បានបន្តិចបន្ទួច ចំនួន ៣៣គ្រួសារ តាមជាក់ស្ដែងហ្នឹងឯង”។

លោកថាការចែកអំណោយជូនបងប្អូនប្រជាពលរដ្ឋខ្វះខាតលើកនេះ មិនជាច្រើនប៉ុន្មានទេ ប៉ុន្តែលោកថា តិច ឬច្រើន មិនសំខាន់ សំខាន់យើងបានចូលរួមធ្វើអំពើល្អក្នុងសង្គម ទៅតាមលទ្ធភាព។ “ហើយនេះក៏មិនមែនជាលើកទី១ដែរ គ្រាន់តែថា ការចែកអំណោយលើកនេះ ខ្ញុំធ្វើទាំងប្រថុចញុច ព្រោះគ្រាន់តែអ្នកផ្ទះប្រាប់ដំណឹងនេះភ្លាម ខ្ញុំចាត់ចែងភ្លាមៗ តាមជាក់ស្ដែងតែម្ដង”។ ឧកញ៉ា ម៉េន កានី បន្ថែម។

អំណោយដែល ឧកញ៉ា ម៉េន កានី ចែកជូនបងប្អូនប្រជាពលរដ្ឋខ្វះខាត ចាស់ជរា និងកុមារ ជាង ៣០គ្រួសារ កាលពីពេលថ្មីៗកន្លងទៅធ្វើឡើងនៅ ភូមិថ្នល់បន្ទាយ សង្កាត់ពន្សាំង ខណ្ធព្រែកព្នៅ រាជធានីភ្នំពេញ។ អំណោយទាំងនោះ រួមមានដូចជា អង្ករមួយបេ និងមីកំប៉ុងមួយយួរ ហើយការចែកជូននេះ ធ្វើឡើងនៅផ្ទះឳពុកម្ដាយលោក ដែលលោកទើបតែសាងសងជូនអ្នកមានគុណកាលពីពេលថ្មីៗកន្លងទៅ។ អំណោយទាំងអស់នោះទៀតសោត ក៏មិនបានធ្វើឡើងឱ្យពេញលេញ ឬចែកផ្ទាល់ដៃជូនពួកគាត់ដូចរាល់ដងដែរ ដោយសារតែចូលរួមទប់ស្កាត់ការឆ្លងរីករាលដាលកូវីដ។

ឧកញ៉ា ម៉េន កានី អគ្គនាយកក្រុមហ៊ុន GM TRADING CO.LTD និងជាម្ចាស់គម្រោងបុរី GM ជាសប្បុរជនមួយរូប ក្នុងចំណោម អ្នកឧកញ៉ា ឧកញ៉ា និងសប្បុរជនផ្សេងៗទៀត ដែលតែងតែចេញមុខ ចំណាយធនធាន ថវិកា ស្បៀងអាហារ និងសម្ភារៈចាំបាច់ផ្សេងៗ ជួយដល់ប្រជាពលរដ្ឋរងការខ្វះខាតក្នុងសង្គមជាហូរហែ ដូចភ្លៀងរលឹម៕

The post គ្រាន់តែអ្នកផ្ទះប្រាប់ដំណឹង ឧកញ៉ា ម៉េន កានី ធ្វើរឿងនេះភ្លាមៗដោយមិនបានព្រាងទុកមុន appeared first on .

តាមរយៈ ឯកឧត្តម សោម ពិសិដ្ឋ អភិបាលនៃគណណៈអភិបាលខេត្តកែប ឧកញ៉ា សំ សុខនឿន បានរៀបចំជាអំណោយជាច្រើនប្រភេទ ដូចជាសម្ភារៈសិក្សា កង់ អាល់កុល ទឹកប្រាក់មួយចំនួន ជាពិសេស គឺមានជាអាវរងា សម្រាប់លោកពូអ្នកមីង លោកយាយ លោកតា ស្របពេលដែលខែកត្កិកធ្លាក់ខ្យល់ត្រជាក់ កំពុងរំកិលខ្លួនចូលមកដល់។

អំណោយ និងថវិកា ដែលកើតចេញពីទឹកចិត្តសប្បុរធម៌របស់ ប្រធានសមាគមអចលនទ្រព្យសកល ឧកញ៉ា សំ សុខនឿន និងក្រុមការងារ រួមមាន៖  ​​

 ១. កង់ចំនួន ១០ គ្រឿង

២. កាតាបស្ពាយរៀន ចំនួន ៤០

៣. សៀវភៅចំនួន ២០០ ក្បាល

៤. ទឹកសំលាប់មេរោគចំនួន ២០ កាន

៥. ដបបាញ់(ស្រ្ពាយ) ចំនួន ២០០ ដប

៦. អាវរងាសម្រាប់ចាស់ជរាខែរងា ចំនួន ២៣០ អាវ

៧. និងទឹកប្រាក់ចំនួន ១០ លានរៀល។

គួរបញ្ជាក់ថា កាលពីថ្ងៃទី១១ ខែវិច្ឆិកា កន្លងទៅ លោក បឿន រឹទ្ធិ ប្រធានសមាគមអចលនទ្រព្យសកលប្រចាំខេត្តសៀមរាប តំណាង ឧកញ៉ា សំ សុខនឿន ក៏បាននាំយកនូវថវិកាចំនួន ៥លានរៀល  និងអាវយឺតចំនួន ៣០០អាច ចែកជូនដល់ស្រ្តីមេម៉ាយ និងចាស់ជរា កំពុងខ្វះខាតជីវភាព ចំនួន ៣០គ្រួសារ នៅក្នុងភូមិខ្នារសណ្តាយ ឃុំខ្នារសណ្តាយ ស្រុកបន្ទាយស្រី ខេត្តសៀមរាប តាមរយៈលោក ឃឹម ហ្វីណង់ អភិបាលនៃគណៈអភិបាលស្រុកបន្ទាយស្រី ផងដែរ៕

The post ខែរងាមកដល់ ឧកញ៉ា សំ សុខនឿន ដឹកនាំសហការីចុះជួយកុមារកំព្រា និងចាស់ជរា ដល់ខេត្តកែប appeared first on .

លោក ឃឹម ហ្វីណង់ អភិបាលនៃគណៈអភិបាលស្រុកបន្ទាយស្រី ក្នុងពិធី ចែកអំណោយជូនស្រ្តីមេម៉ាយ ចំនួន៣០គ្រួសារ ក៏បានសម្តែងនូវការកោតសសើរដ៏ស្មោះអស់ពីចិត្ត ចំពោះសណ្តានចិត្ត និងការចូលរួមចំណែកនៅក្នុងបុព្វហេតុប្រកបដោយមានអត្ថន័យមួយនេះ។

អំណោយដែល សមាគមអចលនទ្រព្យសកលប្រចាំខេត្តសៀមរាប យកជូនចាស់ជរា និងស្ត្រីមេម៉ាយទុរគត តាមរយៈ លោក អភិបាលនៃគណៈអភិបាលស្រុកបន្ទាយស្រី រួមមាន អាវយឺតចំនួន ៣០០ អាវ និង ទឹកប្រាក់ចំនួន ៥ លានរៀល។  

ក្នុងថ្ងៃជាមួយគ្នានោះដែរ ក៏មានសប្បុរជន និងបណ្ដាក្រុមហ៊ុនឯកជននានាពីរាជធានីភ្នំពេញ បានចូលរួមផ្ដល់ជាអំណោយផ្សេងៗដល់ពលរដ្ឋដែលមានជីវភាពខ្វះខាត ក៏ដូចជារងផលប៉ះពាល់ពីការរីករាយដាលនៃជំងឺកូវីត-១៩ ក្នុងភូមិខ្នារសណ្តាយ ឃុំខ្នារសណ្តាយ ស្រុកបន្ទាយស្រី ខេត្តសៀមរាប ផងដែរ។ នេះបើតាមការបញ្ជាក់ឱ្យដឹងពី រដ្ឋបាលស្រុកបន្ទាយស្រី៕

The post តំណាង ឧកញ៉ា សំ សុខនឿន នាំយកថវិកាជូនស្ត្រីមេម៉ាយ ៣០គ្រួសារ ក្នុងស្រុកបន្ទាយស្រី appeared first on .

អំណោយសប្បុរធម៌ដែល លោកជំទាវ ហ៊ុន ស៊ីណាត និងក្រុមគ្រួសារ ផ្ដល់ជូនដល់អភិបាលខេត្តកំពតរួមមាន៖ អង្ករ ចំនួន ២០តោន ត្រីខ ចំនួន ១០០កេស មី ចំនួន ១០០កេស និងទឹកស៊ីអ៊ីវ ចំនួន ៥៥យួរ។  ស្បៀងអាហារបំរុង ដែល លោកជំទាវ នាំយកមកជូនលោកអភិបាលខេត្តកំពត គឺជាការចូលរួមពីសំណាក់ឧកញ៉ាទាំង ៣រូប គឺឧកញ៉ា នួន​ អក​, ឧកញ៉ា​ ភិរម្យ​ ​វិចិត្រដារ៉ា​ និងឧកញ៉ា​ ម៉េន​ កានី។  

ទទួល​ជួប​សំណេះសំណាល និងទទួល​បដិ​សណ្ឋារកិច្ច​ យ៉ាងកក់ក្ដៅ​ជាមួយ​ សប្បុរសជន​ដែល​បាន​ ចូលរួម​ផ្ដល់​ស្បៀង​ជូន​រដ្ឋបាល​ខេត្ត​ សម្រាប់​ប្រេីប្រាស់​ ចែក​ជូន​ប្រជាពលរដ្ឋ​ ​មាន​ជីវភាព​ខ្វះខាត​ ក្នុង​កំឡុង​ពេល​នៃ​ការ​រីករាលដាល​នៃ​ជំងឺ​កូវីដ​១៩​  អភិបាលខេត្តកំពត ឯកឧត្ដម ម៉ៅ ធនិន ក៏បានថ្លែងអំណរគុណជាអនេក ដល់សប្បុរសជន លោកឧកញ៉ាៗ ចិត្តធម៌ទាំង៣រូប ជាពិសេស លោកជំទាវ ហ៊ុន ស៊ីណាត និងក្រុមគ្រួសារ ដែលបានចំណាយពេលវេលាដ៏មានតម្លៃដឹកនាំយកមកជូនដោយផ្ទាល់។

គួរបញ្ជាក់ផងដែរថា បន្ទាប់ពីឯកឧត្តម ម៉ៅ ធនិន ត្រូវបានរាជរដ្ឋាភិបាល ផ្លាស់តួនាទីពីអភិបាល​នៃ​គណៈ​អភិបាល​ខេត្ត​ពោធិ៍សាត់ មកកាន់រដ្ឋបាលខេត្តកំពត ឃើញថាមានសប្បុរសជន អ្នកឧកញ៉ា ឧកញ៉ា និងអ្នកមុខអ្នកការ ជាច្រើនជាបន្តបន្ទាប់ បានដឹកនាំយកអំណោយជាស្បៀងអាហារ និងថវិកា ហូរហែមិនដែលដាច់ ជូនដល់លោកអភិបាលខេត្ត រហ័សនាមលោកម្ចាស់ ប៉ាវចិន ខ្មែរ ដើម្បីបន្តកិច្ចការងារជួយសង្គ្រោះបងប្អូនប្រជាពលរដ្ឋ៕  

The post លោកជំទាវ ​ហ៊ុន​ ស៊ីណាត នាំយកអំណោយ​ឧកញ៉ា ៣រូប ជូនឯកឧត្ដម ម៉ៅ ធនិន អភិបាលខេត្តកំពត appeared first on .

ឧកញ៉ា ហេង បូរិន បានប្រាប់ថា៖ “មើលទៅបងប្អូនអ្នកភូមិ ពួកគាត់ឈរមើល ហើយសប្បាយចិត្តញញឹមញញែម សឹងគ្រប់គ្នា ពេលដែលស្ងាត់ៗខាងក្រុមហ៊ុនខ្ញុំ ចូលទៅឈូសឆាយ ចាក់ដី ត្រៀមធ្វើផ្លូវបេតុងជូនពួកគាត់ ឱ្យងាយស្រួលធ្វើដំណើរជាងមុន”។

សម្រាប់លោក ការចំណាយទឹកប្រាក់ផ្ទាល់ខ្លួនចូលខ្ទង់ជាង ១០ម៉ឺនដុល្លារ និងការភ្ជាប់ផ្លូវបេតុងយុទ្ធសាស្ត្រនេះចូលទៅកាន់គម្រោងបុរី ហេង បូរិន ជារឿងមួយ អ្វីដែលសំខាន់មួយទៀតនោះ គឺការរួមចំណែកជាមួយអាជ្ញាធរ អភិវឌ្ឍន៍ហេដ្ឋារចនាសម្ព័ន្ធនៅមូលដ្ឋានភូមិរការធំ សង្កាត់បែកចាននោះ ឱ្យបានកាន់តែល្អប្រសើរជាងពីមុន។

កំពុងចុះផ្ទាល់ត្រួតពិនិត្យគ្រឿងចក្រ ដែលកំពុងឈូសឆាយផ្លូវ និងដាក់ប្រព័ន្ធលូរតាមផ្លូវ ឧកញ៉ា ហេង បូរិន បញ្ជាក់បន្ថែមប្រាប់ Oknha News ថា៖ “ដំបូង ខ្ញុំចាក់បេតុង និងដាក់ប្រព័ន្ធលូ ក្បែរគម្រោងបុរីរបស់ខ្ញុំ ហើយក៏គិតឃើញថា គួរតែបង្ហួសចូលទៅដល់ផ្លូវអ្នកភូមិតែម្ដងទៅ ដើម្បីកុំឱ្យពួកគាត់ពិបាកធ្វើដំណើរ ខណៈពីមុនផ្លូវនេះលិចទឹក បែកភក់ ពិបាកធ្វើដំណើរខ្លាំងណាស់”។

គួរបញ្ជាក់ផងដែរថា ក្នុងទីតាំងខាងលើដដែលនោះ ឧកញ៉ា ហេង បូរិន ក៏កំពុងតែមានជាកាដូពិសេសផ្សេងទៀត គិតជាទឹកប្រាក់ចូលជាង ៣០ម៉ឺនដុល្លារឯណោះ ជូនដល់អតិថិជនដែលអញ្ជើញមកទិញផ្ទះបុរីក្នុងគម្រោងរបស់លោកផងដែរ។ ទិញផ្ទះនៅ បុរី ហេង បូរិន គ្រុប នឹងមានការថែមជូនប្រូម៉ូសិនខ្នាតធំដ៏ច្រើនសន្ធឹកសន្ធាប់ ដូចជា៖

– ទិញផ្ទះ ថែមជូនរថយន្ត Toyota Prius ស៊េរី ឆ្នាំ 2005 (ចំនួន 24 គ្រឿង)

– ទិញផ្ទះ ថែមម៉ូតូ Honda PCX ស៊េរី ឆ្នាំ 2021 (ចំនួន 18 គ្រឿង)

– ទិញផ្ទះ ថែមទូរស័ព្ទ Iphone 13 Pro (ជាច្រើនគ្រឿង)

ក្រៅពីនោះ ក្រុមហ៊ុនក៏បន្តថែមជូនសម្ភារៈប្រើប្រាស់ផ្សេងៗទៀតដូចជា៖ ទូរចង្រ្កានបាយស្រស់ស្អាត សម្ភារះបន្ទប់ទឹកទំនើប ប្រពន្ធ័ទឹករដ្ឋ ប្រពន្ធ័ភ្លើងរដ្ឋ (20 អំពែ , 10 អំពែ) និងការតប្រពន្ធ័ម៉ាស៊ីនត្រជាក់ជូនដោយឥតគិតថ្លៃថែមទៀតផង។ ទំនាក់ទំនងព័ត៌មានបន្ថែម: 068/078/015 88 70 70 ៕

The post ឧកញ៉ា ហេង បូរិន ចំណាយលុយជាង ១០ម៉ឺនដុល្លារ ប្ដូរស្នាមញញឹមប្រជាពលរដ្ឋរាប់ពាន់គ្រួសារក្នុងភូមិរការធំ appeared first on .