សម្តេចធិបតី មានប្រសាសន៍ថា ចាប់តាំងពីឡើងកាន់ដំណែងជានាយករដ្ឋមន្ត្រី ចាប់ពីខែសីហា ឆ្នាំ២០២៣មកដល់ពេលនេះ គឺបានទាក់ម៉ូយបានប្រមាណ១៧២គម្រោង មានទុនវិយោគ៣,៨៦ពាន់លានដុល្លារ និងអាចបង្កើតការងារជូនប្រជាពលរដ្ឋជាង១៩ម៉ឺនកន្លែង។

សម្តេចធិបតីបន្តថា រយៈពេលប៉ុន្មានខែមកនេះ សម្តេចធិបតីបានទាក់ម៉ូយច្រើនទ្វីបមកហើយ ទាក់តាំងពីទ្វីបអាស៊ីរហូតដល់ទ្វីបអ៊ឺរ៉ុបរហូតដល់អាមេរិក ហើយខែក្រោយនេះសម្តេចធិបតីនឹងជិះយន្តហោះឆ្លងទ្វីបទាក់ម៉ូយនៅអូស្រ្តាលីទៀត ដើម្បីកៀគរអ្នកវិនិយោគមកវិនិយោគនៅកម្ពុជា។

សម្តេចធិបតីនាយករដ្ឋមន្រ្តី បានគូសបញ្ជាក់ថា ទាក់ម៉ូយជាការដើរកៀគរ ដើរផ្សព្វផ្សាយ ដើរទៅបង្ហាញ និងសង្ឈឹមថានឹងមានការចំណាប់អារម្មណ៍នៃវិស័យឯកជនដែលបានកំពុងធ្វើសកម្មភាពនៅកម្ពុជា មានឱកាសបង្ហាញសុំបន្តជឿទុកចិត្តលើកម្ពុជា មានឱកាសពង្រីកខ្លួន ដើម្បីធ្វើកិច្ចការងារនៅក្នុងការពង្រីកវិសាលភាពនៅកម្ពុជា៕

The post ខែក្រោយសម្តេចធិបតីនឹងជិះយន្តហោះទៅទាក់ម៉ូយនៅអូស្រ្តាលី ដើម្បីមកវិនិយោគនៅកម្ពុជា appeared first on .

សម្តេចធិបតីថ្លែងបែបនេះ នៅក្នុងពិធីបិទសន្និបាតក្រសួងពាណិជ្ជកម្មឆ្នាំ២០២៣ និងលើកទិសដៅការងារពាណិជ្ជកម្មឆ្នាំ២០២៤ នៅរសៀលថ្ងៃទី២២ ខែធ្នូ ឆ្នាំ២០២៣នេះ។

ក្នុងឱកាសនោះ ​សម្តេចធិបតី មានប្រសាសន៍ថា គ្រប់ដំណើរទស្សនកិច្ចរបស់សម្ដេចធិបតីនៅក្រៅប្រទេស គឺសម្ដេចធិបតីតែងតែយកពេលដើរគោះទ្វារ ដើម្បីទាក់ទាញវិនិយោគិននានាឱ្យមកវិនិយោគនៅកម្ពុជា តាមរយៈកិច្ចប្រជុំដោយផ្ទាល់ ឬការដាក់តាំងពិព័រណ៍ផលផលិតផលខ្មែរ និងការធ្វើសិក្ខាសាលារវាងវិនិយោគិនបរទេស និងវិនិយោគិនកម្ពុជាជាដើម។

ជាមួយគ្នានោះ សម្តេចធិបតី ក៏បានប្រាប់ដល់រដ្ឋមន្ត្រីទាំងអស់ ដែលអមដំណើរសម្តេចធិបតីទៅក្រៅប្រទេស កុំទៅអង្គុយតែអមពីក្រោយ គឺត្រូវតែឆ្លៀតយកឱកាសនោះ ដើម្បីជួបផ្ទាល់ ធ្វើការផ្ទាល់ជាដៃគូអន្តរជាតិទាំងនោះជាមុន ដែលចាត់ទុកថាជាការដើរគោះទ្វារ ដើម្បីទាញលំហូរពាណិជ្ជកម្មផងដែរ។

លើសពីនោះ សម្តេចធិបតីនាយករដ្ឋមន្រ្តី បានណែនាំដល់ក្រសួងពាណិជ្ជកម្ម ក៏ដូចជាក្រសួងពាក់ព័ន្ធត្រូវរួមគ្នាថែរក្សានូវកិច្ចព្រមព្រៀងពាណិជ្ជកម្មដែលកម្ពុជាមានស្រាប់ជាមួយប្រទេសជាមិត្ត និងបន្តស្វែងរកទីផ្សារថ្មីបន្ថែមទៀតសម្រាប់ការនាំចេញផលិតផលរបស់កម្ពុជាទៅកាន់ប្រទេសផ្សេងៗ នៅលើពិភពលោក៕

The post គ្រប់ដំណើរទស្សនកិច្ចនៅក្រៅប្រទេស សម្តេចធិបតីតែងយកពេលដើរគោះទ្វារ ដើម្បីទាក់ទាញវិនិយោគិនឱ្យមកវិនិយោគនៅកម្ពុជា appeared first on .