នេះបើតាមការលើកឡើងរបស់ លោក ឃុត ចាន់ដារ៉ា សមាជិកគណៈកម្មការទី៩ នៃរដ្ឋសភា ក្នុងឱកាសចូលរួមវេទិកាត្រីភាគីលើកទី២ ស្តីពី “ការកាត់បន្ថយគម្លាត៖ ការធានានូវលទ្ធភាពទទួលបានតម្លៃសមរម្យ ភាពជឿជាក់ និរន្តរភាពក្នុងថាមពលកកើតឡើងវិញ” នៅប្រទេសម៉ាឡេស៊ី កាលពីចុងសប្តាហ៍កន្លងទៅ។

ក្នុងឱកាសចូលរួមជាវាគ្មិនក្នុងកិច្ចពិភាក្សាទី១ លើប្រធានបទអំពី «សន្តិសុខថាមពលក្នុងពិភពលោកដែលមិនប្រាកដប្រជា៖ ការកាត់បន្ថយការពឹងផ្អែកក្នុងគ្រាមានភាពតានតឹងភូមិសាស្ត្រនយោបាយ» លោក ឃុត ចាន់ដារ៉ា បានគូសបញ្ជាក់ថា ដើម្បីឆ្លើយតបទៅ នឹងភាពតានតឹងផ្នែកភូមិសាស្ត្រ នយោបាយពិភពលោក កម្ពុជាត្រៀមខ្លួនជាស្រេចក្នុងការរៀបចំឱ្យមានយុទ្ធសាស្ត្រថាមពលរួម ដោយផ្អែកលើអធិបតេយ្យភាពជាតិ និងកិច្ចសហប្រតិបត្តិការក្នុងតំបន់អាស៊ាន។

លោកបន្តថា ៖ដំណោះស្រាយ  គឺត្រូវផ្លាស់ប្តូរពីប្រព័ន្ធដែលផុយស្រួយ ដែលពឹង លើការនាំចូលទៅជាប្រព័ន្ធមានភាពធន់ ដោយឈរលើមូលដ្ឋានសំខាន់ចំនួន ៣ ៖ទី១.ការធ្វើពិពិធកម្មថាមពលកកើតឡើងវិញដូចជាអភិវឌ្ឍឱ្យកាន់តែខ្លាំងនូវថាមពលពន្លឺព្រះអាទិត្យ ខ្យល់ ជីវឧស្ម័ន និងវារីអគ្គិសនីជាដើម ដើម្បីកាត់បន្ថយការពឹងផ្អែកលើការនាំចូល ទី២.វិ មជ្ឈការភាពធន់នៃការផ្គត់ផ្គង់ និងប្រើប្រាស់ថាមពល ដូចជាកសាង និងប្រើប្រាស់បណ្តាញអគ្គិសនីឆ្លាតវៃ និងទី៣.សហប្រតិបត្តិការរួមក្នុងតំបន់ ឧទាហរណ៍ ពន្លឿនការអនុវត្តបណ្តាញថាមពលអាស៊ាន ដែលនាំឱ្យ ប្រជាជាតិអាស៊ានអាចចែករំលែកថាមពល និងបង្ហាញនូវរណសិរ្សរួបរួមប្រឆាំងនឹងការប្រែប្រួលទីផ្សារ ថាមពល។

ឆ្លៀតក្នុងឱកាសនោះ លោក ឃុត ចាន់ដារ៉ា ក៏បានអំពាវនាវឱ្យសមាជិកសភាទាំងអស់ធ្វើជា ស្ពានរវាងមហិច្ឆតានិង សកម្មភាព ដោយអនុម័តច្បាប់ដែលទាក់ទាញការវិនិយោគឯកជន ផ្តល់អាទិភាពដល់ថវិកាសម្រាប់ទំនើបកម្មបណ្តាញអគ្គិសនី និងការស្រាវ ជ្រាវនិងស្វែងរកការឯកភាពក្នុង តំបន់អាស៊ានលើលក្ខខណ្ឌ និងស្តង់ដានៃគម្រោងថាមពល។ វិបត្តិបច្ចុប្បន្ន គឺជាឱកាសមួយសម្រាប់អាស៊ាន ដើម្បីក្លាយជាសហគមន៍ថាមពល ដែលមានទំនុកចិត្ត ភាពធន់ និងនិរន្តរភាព ដែលដំណើរការដោយធនធានផ្ទាល់ខ្លួននៃប្រទេសសមាជិកអាស៊ាននីមួយៗនិងឆន្ទៈរួម។

គូសបញ្ជាក់ថា គោលបំណងនៃវេទិកាត្រីភាគីលើកទី២ គឺដើម្បីដោះស្រាយបញ្ហាសន្តិសុខថាមពលរបស់អាស៊ាននៅក្នុងបរិបទនៃភាពតានតឹងផ្នែកភូមិសាស្ត្រនយោបាយដែលកំពុងកើនឡើងនិងស្វែងយល់ពីបញ្ហាប្រឈម និងកាលានុវត្តភាពនៃការ វិនិយោគក្នុងវិស័យថាមពលកកើតឡើងវិញ ព្រមទាំងពិភាក្សា អំពីគោលនយោបាយ និងបទប្បញ្ញត្តិដែលចាំបាច់ដើម្បីជួយសម្រួល ដល់ដំណើរការនៃការផ្លាស់ប្តូរថាមពលប្រកបដោយសមធម៌៕

The post កម្ពុជាត្រៀមខ្លួនជាស្រេចក្នុងការរៀបចំឱ្យមានយុទ្ធសាស្ត្រថាមពលរួម ដោយផ្អែកលើអធិបតេយ្យភាពជាតិ និងកិច្ចសហប្រតិបត្តិការក្នុងតំបន់អាស៊ាន appeared first on .

តាមរយ:គម្រោងដ៏ធំនេះ គឺស្របតាមគោលដៅរបស់ប្រទេសហ្វីលីពីន ក្នុងការកាត់បន្ថយការពឹងផ្អែកលើឥន្ធនៈហ្វូស៊ីល និងការបង្កើនចំណែកនៃថាមពលស្អាត នៅក្នុងល្បាយថាមពលរបស់ខ្លួន។

រដ្ឋលេខាធិការថាមពលជាតិរបស់ហ្វីលីពីន លោក Raphael Lotilla បាននិយាយនៅក្នុងសេចក្តីថ្លែងការណ៍រួមជាមួយ Masdar ថា៖”ភាពជាដៃគូនេះជាមួយ Masdar នេះ គឺជាបោះជំហានផ្លាស់ប្តូរមួយ នៅក្នុងដំណើរការផលិតថាមពលកកើតឡើងវិញរបស់យើង”។

គួរឲ្យដឹងថា ប្រទេសហ្វីលីពីនដែលនាំចូលភាគច្រើននៃប្រេងឥន្ធនៈដើម្បីបំពេញតម្រូវការថាមពលរបស់ខ្លួននោះ មានគោលបំណងបង្កើនចំណែកនៃថាមពលកកើតឡើងវិញ នៅក្នុងល្បាយថាមពលរបស់ខ្លួនដល់ ៣៥% នៅឆ្នាំ២០៣០ និង ៥០% នៅឆ្នាំ២០៤០។ ក្នុងឆ្នាំ២០២២ ថាមពលកកើតឡើងវិញមានចំនួន ២២,៨ នៃល្បាយថាមពលសរុបរបស់ហ្វីលីពីន។

ទន្ទឹមនឹងនេះ នាយកប្រតិបត្តិក្រុមហ៊ុន Masdar លោក Mohamed Jameel Al Ramahi បាននិយាយថា ៖”យើងទន្ទឹងរង់ចាំការប្រើប្រាស់ជំនាញ និងបទពិសោធន៍ទាំងអស់របស់យើង ដើម្បីគាំទ្រដល់ហ្វីលីពីន ក្នុងការសម្រេចបាននូវគោលដៅថាមពលប្រកបដោយមហិច្ឆតារបស់ប្រទេសនេះ” ។

ជម្រាបជូនផងដែរថា កន្លងមកហ្វីលីពីន បានចេញច្បាប់ថ្មីដើម្បីអនុញ្ញាតឲ្យមានការកាន់កាប់សិទ្ធិពេញលេញរបស់ក្រុមហ៊ុនបរទេស នៅក្នុងវិស័យថាមពលកកើតឡើងវិញ ដើម្បីទាក់ទាញអ្នកវិនិយោគកាន់តែច្រើនបន្ថែមទៀត៕

The post ហ្វីលីពីន ចុះកិច្ចព្រមព្រៀងជាមួយក្រុមហ៊ុនអារ៉ាប់រួម លើគម្រោងថាមពលកកើតឡើងវិញតម្លៃ ១៥ពាន់លានដុល្លារ appeared first on .

លោកបានឲ្យដឹងទៀតថា ប្រទេសកម្ពុជា នឹងនាំចូលថាមពលពន្លឺព្រះអាទិត្យ និងថាមពលវារីអគ្គិសនី ៣០០ មេហ្គាវ៉ាត់ ពីប្រទេសឡាវ ចាប់ពីឆ្នាំ២០២៦ ទៅ ខណ:បច្ចុប្បន្ន កម្ពុជាក៏កំពុងស្ថិតនៅក្នុងដំណាក់កាលចុងក្រោយនៃការអនុម័តលើកិច្ចព្រមព្រៀងនាំចូលអគ្គិសនីជិតពីរដងជាមួយប្រទេសវៀតណាម ហើយក៏អាចនាំចូលថាមពល ១០០ មេហ្គាវ៉ាត់បន្ថែមទៀត ពីប្រទេសថៃ ផងដែរ។

មិនតែប៉ុណ្ណោះ​ លោក កែវ រតនៈ បាននិយាយក្នុងបទសម្ភាសមួយនៅឯ​វេទិកា​ថាមពលអន្តរជាតិសិង្ហបុរី (SIEW) ថា៖ “យើងទើបតែបានចុះហត្ថលេខាកាលពីសប្តាហ៍មុន សម្រាប់ការនាំចូលអគ្គិសនីជាង ៣០០ មេហ្គាវ៉ាត់ រួមបញ្ចូលគ្នានូវថាមពលពីវារីអគ្គិសនី និងសូឡា ជាមួយប្រទេសឡាវ។ ដូច្នេះវានឹងមកដល់ប្រទេសកម្ពុជា នៅឆ្នាំ២០២៦” ។

បច្ចុប្បន្នកម្ពុជាមានកិច្ចសន្យានាំចូលថាមពលចំនួន ១ ០៣០ MW ពីប្រទេសថៃ វៀតណាម និងឡាវ ដែលស្មើនឹងជិតមួយភាគបួននៃសមត្ថភាពសរុបដែលប្រើប្រាស់សម្រាប់ផ្គត់ផ្គង់ថាមពលនៅក្នុងប្រទេសកម្ពុជាទាំងមូល។ នេះបើយោងតាមរបាយការណ៍ពីរដ្ឋបាលពាណិជ្ជកម្មអន្តរជាតិរបស់សហរដ្ឋអាមេរិក។

ទន្ទឹមនឹងនេះ លោក កែវ រតនៈ បានបន្ថែមឲ្យដឹងទៀតថា លោករំពឹងថានឹងអាចចុះកិច្ចសន្យានាំចូលអគ្គិសនីបន្ថែម ២០០ MW ពីប្រទេសវៀតណាម ហើយក៏បានបន្តនាំចូលលើសពី ១០០ MW ពីប្រទេសថៃ ផងដែរ។

ជម្រាបជូនថា ប្រទេសសមាជិកទាំង ១០ នៃសមាគមប្រជាជាតិអាស៊ីអាគ្នេយ៍ (អាស៊ាន) បានព្យាយាមអស់ជាច្រើនទស្សវត្សមកហើយ ដើម្បីបង្កើតបណ្តាញតភ្ជាប់ក្នុងតំបន់ ដើម្បីជួយសម្រួលដល់ការធ្វើពាណិជ្ជកម្មថាមពលពហុភាគី ប៉ុន្តែវឌ្ឍនភាពត្រូវបានកំណត់ចំពោះកិច្ចព្រមព្រៀងទ្វេភាគី៕

The post កម្ពុជា នឹងនាំចូលថាមពលស្អាតពីប្រទេសឡាវ វៀតណាម និងថៃ បន្ថែមទៀត ក្នុងពេលពីរឆ្នាំខាងមុខ appeared first on .

ការវិនិយោគដែលបានគ្រោងទុកនេះ នឹងត្រូវធ្វើឡើងតាមរយ:ក្រុមហ៊ុន Pertamina New & Renewable Energy (NRE) ដែលជាក្រុមហ៊ុនបុត្រសម្ព័ន្ធមួយរបស់ Pertamina ។

គួរឲ្យដឹងផងដែរថា ចំពោះផ្នែកមួយនៃការវិនិយោគដ៏ធំនេះ នឹងត្រូវធ្វើឡើងដើម្បីពង្រីកសមត្ថភាពបន្ថែមក្នុងការផលិតអគ្គិសនីកាបូនកម្រិតទាបរបស់ខ្លួន ពីកម្លាំង ២,៦ GW ដល់ ៦ GW និងដើម្បីផ្គត់ផ្គង់អ៊ីដ្រូសែនស្អាត ជីវអេតាណុល រួមទាំងអាគុយរថយន្តអគ្គិសនី។

ទន្ទឹមនឹងនេះ ក្រុមហ៊ុន NRE ក៏កំពុងសម្លឹងរកមើលការផលិតថាមពលអ៊ីដ្រូសែនស្អាតឲ្យបានចំនួន ៧ ០០០ តោនក្នុងមួយឆ្នាំ នៅត្រឹមឆ្នាំ២០២៩ ផងដែរ។

ជម្រាបថា Pertamina គឺជាកូនសោរដ៏សំខាន់របស់រដ្ឋាភិបាលឥណ្ឌូណេស៊ី ក្នុងការសម្រេចបាននូវមហិច្ឆិតារបស់ខ្លួនស្តីពីអព្យាក្រឹតភាពកាបូន នៅត្រឹមឆ្នាំ២០៦០ ឬឆាប់ជាងនេះ៕

The post ក្រុមហ៊ុនថាមពលរដ្ឋឥណ្ឌូណេស៊ី ប្រកាសចាក់លុយវិនិយោគជាង ៦ពាន់លានដុល្លារ អភិវឌ្ឍលើថាមពលស្អាត appeared first on .

យោងតាមការចុះផ្សាយពីគេហទំព័រ Business Insider បានបង្ហាញថា ក្រុមហ៊ុន Adani Green Energy Limited (AGEL) គឺកំពុងសាងសង់រោងចក្រថាមពលដើរដោយកម្លាំងខ្យល់ និងបន្ទះសូឡា នៅស្រែអំបិលភាគខាងលិចនៃរដ្ឋ Gujarat ខណៈក្រុមហ៊ុនបានបង្ហាញពី​មហិច្ឆតា ចង់ក្លាយខ្លួនជាម្ចាស់រោងចក្រថាមពលបៃតងធំបំផុតលើលោក។

ជាមួយគ្នា ក្រុមហ៊ុន Adani Group ក៏បានបញ្ចេញសេចក្ដីថ្លែងការណ៍មួយថា ក្រុមហ៊ុនមានបំណង​ចាយលុយ ៧០ពាន់លានដុល្លារ ត្រឹមឆ្នាំ២០៣០ ដើម្បីកែប្រែឥណ្ឌាឲ្យក្លាយជាប្រទេសមួយ ដែលមានថាមពលបៃតងប្រើប្រាស់គ្រប់គ្រាន់។

ទោះជាយ៉ាងណា ផែនការរបស់ក្រុមហ៊ុនមហាសេដ្ឋីឥណ្ឌា មិនងាយសម្រេចបានងាយៗឡើយ ដ្បិតឥណ្ឌាគឺជាប្រទេស ដែលមានអត្រាផ្សែងពុល និងប្រើប្រាស់ធ្យូងធំបំផុតទី៣ លើលោក ស្របពេលរដ្ឋាភិបាលប្ដេជ្ញាលុបបំបាត់ការបំភាយឧស្ម័នកាបូនឌីអុកស៊ីតទាំងស្រុង នៅក្នុងឆ្នាំ២០៧០ និងសង្ឃឹមលុបចោលបានពាក់កណ្ដាល ត្រឹមឆ្នាំ២០៣០។

សូមជម្រាបបន្ថែមថា គ្រោងការរបស់ក្រុមហ៊ុន Adani Group ក្នុងការបង្កើតរោងចក្រថាមពលបៃតងធំបំផុតលើលោក នឹងសម្រេចរួចរាល់ក្នុងរយៈពេល ៥ឆ្នាំខាងមុខ ហើយវានឹងអាចបង្កើតការងារដល់មនុស្ស ១៥ ២០០នាក់ និងថែមទាំងផ្គត់ផ្គង់ថាមពលបៃតង ដល់ប្រជាជនឥណ្ឌាប្រហែល ១៦លានគ្រួសារផងដែរ៕

The post ស្ដេចត្រាញ់ឥណ្ឌាចាយលុយ ២០ពាន់លានដុល្លារ បង្កើតរោងចក្រថាមពលបៃតងធំបំផុតលើលោក appeared first on .

លោក Patrick POUYANNÉ ប្រធាន និងជានាយកប្រតិបត្តិ ក្រុមហ៊ុន TotalEnergies ជម្រាបជូនសម្តេចធិបតី ថា ក្រុមហ៊ុន TotalEnergies គឺជាក្រុមហ៊ុនមានកិត្តិនាមល្បីល្បាញលើវិស័យប្រេង និងឧស្ម័ន នៅព្រះរាជាណាចក្រកម្ពុជា ហើយក្រៅពីវិស័យនេះ ក្រុមហ៊ុនក៏មានអាជីវកម្មលើវិស័យថាមពលអគ្គីសនីផងដែរ។

ក្នុងជំនួបនោះ លោកក៏បានបង្ហាញអំពីបំណងក្នុងការស្វែងរកឱកាសវិនិយោគលើវិស័យថាមពលកកើតឡើងវិញ ដោយបច្ចុប្បន្ន ក្រុមហ៊ុន TotalEnergies កំពុងស្វែងរកឱកាសវិនិយោគលើវិស័យថាមពលកកើតឡើងវិញនៅប្រទេសសិង្ហបុរី ហើយជោគជ័យនៃគម្រោងនេះនឹងជំរុញដល់ការវិនិយោគលើថាមពលកកើតឡើងវិញនៅកម្ពុជា ដែលនឹងធ្វើឱ្យកម្ពុជាកាន់តែមានជម្រើសប្រភពថាមពលបន្ថែម។ 

ជាការឆ្លើយតប សម្តេចធិបតីនាយករដ្ឋមន្រ្តី បានស្វាគមន៍ចំពោះលោក Patrick POUYANNÉ ដែលបានបង្ហាញក្តីរីករាយ និងគាំទ្រចំពោះគម្រោងរបស់ក្រុមហ៊ុនក្នុងការបោះទុនវិនិយោគនៅកម្ពុជាទៅលើវិស័យថាមពលកកើតឡើងវិញ ព្រោះថាកម្ពុជាមានគោលនយោបាយច្បាស់លាស់ក្នុងការជំរុញការបង្កើតប្រភពថាមពលកកើតឡើងវិញនេះ។

សម្តេចក៏បានបង្ហាញការគាំទ្រ និងផ្ដល់កិច្ចសហប្រតិបតិ្តការ លើការវិនិយោគនៃការតភ្ជាប់បណ្តាញចរន្តអគ្គីសនីក្រោមបាតសមុទ្រពីកម្ពុជាទៅសិង្ហបុរី ផងដែរ។ សម្ដេចធិបតីក៏បានលើកទឹកចិត្ត និងជំរុញឱ្យក្រុមហ៊ុន បន្ដកិច្ចសហការជាមួយក្រសួង ស្ថាប័នពាក់ព័ន្ធ ជាពិសេស ក្រសួងរ៉ែ និងថាមពល៕

The post ចំពោះមុខសម្តេចធិបតី ហ៊ុន ម៉ាណែត ក្រុមហ៊ុនTotalEnergies បង្ហាញគម្រោងពង្រីកការវិនិយោគរបស់ខ្លួននៅកម្ពុជា appeared first on .

បើតាមក្រសួងការបរទេសឥណ្ឌូនេស៊ី បាននិយាយនៅក្នុងសេចក្តីថ្លែងការណ៍មួយកាលពីថ្ងៃព្រហស្បតិ៍ទី១៩ ខែតុលា ថា ការប្តេជ្ញាចិត្តរបស់ក្រុមហ៊ុនអឺរ៉ុបទាំងនេះ គឺចង់ជួយជំរុញដល់ការផ្លាស់ប្តូរថាមពលរបស់ប្រទេសឥណ្ឌូនេស៊ី ដែលកំពុងមានភាពរីកចម្រើនយ៉ាងឆាប់រហ័ស។ ​

ទោះបីជាអត្តសញ្ញាណរបស់ក្រុមវិនិយោគិនទាំងនោះ មិនត្រូវបានបង្ហាញឱ្យដឹងក៏ដោយ ប៉ុន្តែមន្ត្រីការទូតជាន់ខ្ពស់ឥណ្ឌូនេស៊ី លោក Umar Hadi បានចែករំលែកថា ការប្តេជ្ញាចិត្តចំពោះការវិនិយោគនេះ គឺមានតម្លៃប្រហែល ៥ដងនៃកិច្ចព្រមព្រៀងប្រតិបត្តិការរបស់ IEBF និង INA-LAC ដែលធ្លាប់បានធ្វើកន្លងមក ។

លោក Umar បានបន្ថែមឱ្យដឹងទៀតថា មួយក្នុងចំណោមកិច្ចព្រមព្រៀងនេះ គឺជាអនុស្សរណៈនៃការយោគយល់ (MOU) ស្តីពីកិច្ចសហប្រតិបត្តិការរវាង Ecoener ដែលជាក្រុមហ៊ុនអភិវឌ្ឍថាមពលកកើតឡើងវិញរបស់ប្រទេសអេស្ប៉ាញ និង Dredolf ដែលជាក្រុមហ៊ុនរបស់ឥណ្ឌូនេស៊ី មានឯកទេសក្នុងប្រតិបត្តិការ និងថែទាំ សម្រាប់ការផលិតថាមពល និងការចែកចាយអគ្គិសនី។

ជម្រាបជូនផងដែរថា វិនិយោគិនធំៗរបស់​អឺរ៉ុប ​ហាក់​ដូច​ជា​កំពុងងាកមកផ្តោតលើប្រទេស​ឥណ្ឌូនេស៊ីកាន់តែច្រើន ខណ:កាល​ពី​សប្តាហ៍​មុន ក្រុមហ៊ុន​អឺរ៉ុប​មួយ​ ក៏បាន​ប្រកាស​ពី​គម្រោង​សាងសង់​រោងចក្រ​ចម្រាញ់​រ៉ែនីកែល ​ក្នុង​ប្រទេស​អាស៊ីអាគ្នេយ៍​មួយ​នេះ ផងដែរ៕

The post ក្រុមហ៊ុនអឺរ៉ុប សន្យាបោះទុនវិនិយោគ ២ពាន់លានដុល្លារ ក្នុងថាមពលកកើតឡើងវិញរបស់ឥណ្ឌូនេស៊ី appeared first on .

នៅក្នុងការបង្ហោះសារមួយនៅលើបណ្តាលសង្គមហ្វេសប៊ុក លោក Anwar បានបង្ហាញថា ផែនការនេះ គឺជាផ្នែកមួយនៃអនុស្សរណៈនៃការយោគយល់គ្នា ដែលបានចុះហត្ថលេខា ដោយអាជ្ញាធរអភិវឌ្ឍការវិនិយោគម៉ាឡេស៊ី (MIDA) និងក្រុមហ៊ុន Abu Dhabi Future Energy Co. ក្នុងអំឡុងដំណើរទស្សនកិច្ចរបស់លោក ទៅកាន់ទីក្រុង Abu Dhabi ប្រទេសអារ៉ាប់រួម កាលពីថ្ងៃព្រហស្បតិ៍។

គួរឱ្យដឹងថា ម៉ាឡេស៊ី មានបំណងទាញឱ្យបាន ៧០% នៃការផ្គត់ផ្គង់ថាមពលសរុបរបស់ខ្លួន ពីប្រភពកកើតឡើងវិញ នៅត្រឹមឆ្នាំ ២០៥០ បើធៀបទៅនឹងគោលដៅប្រហែល ២៥% ដែលបានលើកឡើងកាលពីចុងខែមីនា ខណ:រដ្ឋភិបាល បានប៉ាន់ប្រមាណថា ខ្លួននឹងត្រូវការវិនិយោគទឹកប្រាក់ដល់ទៅ ១៣៥ពាន់លានដុល្លារឯណោះ ដើម្បីបំពេញគោលដៅនេះ។

ទន្ទឹមនឹងនេះ លោក Anwar ក៏បាននិយាយផងដែរថា ម៉ាឡេស៊ី និងអារ៉ាប់រួម នឹងបន្តពង្រឹងទំនាក់ទំនងជាមួយគ្នាបន្ថែមទៀត តាមរយៈកិច្ចព្រមព្រៀងវិនិយោគ រវាង MIDA និងក្រុមប្រឹក្សាវិនិយោគអន្តរជាតិរបស់ប្រទេសអារ៉ាប់រួម នៅពេលដែលលោក បានជួបជាមួយប្រធានាធិបតីអារ៉ាប់រួម លោក Heikh Mohamed bin Zayed Al Nahyan ក្នុងអំឡុងដំណើរទស្សនកិច្ចទៅកាន់ប្រទេសនេះ ៕

The post អារ៉ាប់រួម បណ្តាក់ទុន ៨ពាន់លានដុល្លារ ជួយម៉ាឡេស៊ីអភិវឌ្ឍលើថាមពលកកើតឡើងវិញ appeared first on .

ពេលវេលានៃការបណ្ដាក់ទុនដ៏សំបើមនេះ គឺស្របទៅនឹងការសន្យារបស់ប្រធានាធិបតី ស៊ី ជិនពីង ដែលបានអះអាងថា ចិននឹងលុបចោលនូវការបំភាយឧស្ម័នផ្ទះកញ្ចក់ និងកាបូនឌីអុកស៊ីត ត្រឹមឆ្នាំ២០៦០។

គួររំលឹកដែរថា កាលពីឆ្នាំ២០២២ ក្រុមហ៊ុនថាមពលធំៗនៅចិនបានធ្វើការវិនិយោគសរុប នៅក្នុងវិស័យមួយនេះប្រមាណ ១,២៥ទ្រីលានយ៉ន់ ដោយក្នុងនោះ​ការបណ្ដាក់ទុន​នៅក្នុងវិស័យ​ផលិតថាមពលសូឡា កើនឡើង២៣២,៧% ប្រមាណ ២៨៦,៦ពាន់លានយ៉ន់។

ជាមួយគ្នានោះ ទីភ្នាក់ងាររៀបចំផែនការរដ្ឋចិនក៏បង្ហើបដែរថា ចិនមានបំណងទាញយក​ថាមពល​ពីប្រភពថាមពលកកើតឡើងវិញ ប្រមាណ ៣៣% មកប្រើប្រាស់នៅក្នុងឆ្នាំ២០២៥ ដើម្បីកាត់បន្ថយការបំភាយឧស្ម័នកាបូនឌីអុកស៊ីត៕

The post វិស័យថាមពលចិន អាចទទួលបានការវិនិយោគជិត ១៤ទ្រីលានដុល្លារ ត្រឹមឆ្នាំ២០៦០ appeared first on .

អំឡុងពេលថ្លែងប្រាប់ទៅក្នុងកិច្ចប្រជុំកំពូលអាស៊ាន កាលពីថ្ងៃអង្គារមិ្សលមិញ លោក វីដូដូ បានលើកឡើងថា ដំណើរការនៃការផ្លាស់ប្តូរទៅជាថាមពលស្អាត គួរតែបើកចំហរឱ្យមានសក្តានុពល តាមរយ:កិច្ចសហប្រតិបត្តិការហិរញ្ញវត្ថុ ជាមួយដៃគូ ដើម្បីកសាងបរិយាកាសហិរញ្ញវត្ថុប្រកបដោយស្ថិរភាព និងបង្កើតប្រាក់ចំណេញសម្រាប់គ្រប់ភាគីពាក់ព័ន្ធ នាពេលអនាគត។

ដោយបន្ថែមពីលើប្រធានបទនៃការផ្លាស់ប្តូរថាមពលនេះ ប្រធានាធិបតីឥណ្ឌូនេស៊ី ក៏បានលើកពីគំនិតផ្តួចផ្តើមចំនួនពីរផ្សេងទៀតផងដែរ រួមមានហេដ្ឋាចរនាសម្ព័ន្ធបៃតង ដើម្បីធានាបាននូវខ្សែសង្វាក់ផ្គត់ផ្គង់រឹងមាំ និងការផ្លាស់ប្តូរប្រព័ន្ធឌីជីថល គួបផ្សំជាមួយនឹងសេដ្ឋកិច្ចច្នៃប្រឌិតបន្ថែម ។

ជម្រាបជូនផងដែរថា មកទល់នឹងពេលនេះ តំបន់អាស៊ាន បានធ្វើការអនុម័តទៅលើគម្រោងសហប្រតិបត្តិការចំនួន ៩៣ រួចមកហើយ ដែលមានតម្លៃ ៣៨,២ពាន់លានដុល្លារ ដោយក្នុងនោះ ៧៣ គម្រោងមានតម្លៃ ១៧,៨ពាន់លានដុល្លារ នឹងដាក់ឱ្យដំណើរការក្នុងពេលឆាប់ៗខាងមុខ ៕

The post លោក ចូកូ វីដូដូ៖ អាស៊ានត្រូវការថវិកាជិត ៣០ទ្រីលានដុល្លារ សម្រាប់ការផ្លាស់ប្ដូរថាមពលស្អាត appeared first on .