ប្រធានាធិបតីចិនបាននិយាយថា ស្ត្រីគឺជាកម្លាំងចលករដ៏សំខាន់បំផុតមួយ ក្នុងការអភិវឌ្ឍ​ប្រទេស​តាំងពីសម័យបុរាណ ហើយបច្ចុប្បន្នស្ត្រីក៏ជាផ្នែកសំខាន់មួយក្នុងការលើកមុខមាត់​ប្រទេសលើឆាកអន្តរជាតិផងដែរ។ នេះបើតាមការចុះផ្សាយពី CGTN។

គួររំលឹកដែរថា នៅក្នុងកិច្ចសំណេះសំណាលជាមួយស្ត្រីមកពីគ្រប់ក្រុមជនជាតិភាគតិច​នៃប្រទេស​ចិន ប្រធានាធិបតីចិនបានជូនពរ និងលើកតម្កើងស្ត្រីថាបានចូលរួម និងលើកកំពស់​ដល់​គ្រប់ជំហាន​នៃការអភិវឌ្ឍន៍ប្រទេសចិន​តាំងពីសម័យបុរាណ មកទល់បច្ចុប្បន្ន។

“ខ្ញុំសង្ឃឹមថា ស្ត្រីចិននឹងហ៊ានដើរតាមក្ដីស្រមៃរបស់ពួកគេ មិនខ្លាចរអាជាមួយឧបសគ្គ និងអាច​ចូលរួមចំណែកអភិវឌ្ឍន៍ជាតិកាន់តែខ្លាំង រួមដំណើរក្នុងការបង្កើតប្រទេសសង្គមនិយមទំនើប​ទាំងអស់គ្នា”។ នេះបើតាមសម្ដីរបស់ប្រធានាធិបតីបាននិយាយ៕

The post ប្រធានាធិបតីចិន គាំទ្រពេញទំហឹង និងជំរុញទឹកចិត្តឲ្យស្ត្រីឈោងចាប់ក្ដីស្រមៃរបស់ពួកគេ appeared first on .

លោក សាប់ សារុន ម្ចាស់កសិដ្ឋានចិញ្ចឹមបង្កង និងត្រីដែលមានទីតំាងនៅជាប់វាលស្រែប្រាំងមួយកន្លែង នៅឃុំសំបួរស្រុកទ្រាំង ខេត្តតាកែវ បានឱ្យដឹងថា នៅក្នុងមួយថ្ងៃពេញនៃទិវាអន្តរជាតិ៨មីនាឆ្នំា២០២៣នេះ យើងទទួលភ្ញៀវនៅក្នុងស្រុកចូលមកកម្សាន្ត និងកម្ម៉ង់បង្កង និងត្រីធ្វើជាមុខម្ហូបជួបជុំគ្នានៅនិងកន្លែងមានប្រហែល១០០នាក់ ពោលគឺមានការកើនឡើងច្រើនជាងពេលមុនៗ។

លោកបញ្ជាក់ថា «ក្នុងឱកាសនៃការប្រារព្ធទិវាអន្តរជាតិនារី ៨ មីនា ឆ្នាំ២០២៣ប្រជាពលរដ្ឋខ្មែរចូលមកលំហែរនៅកន្លែងរបស់យើងពួកគាត់បានទិញត្រីឱ្យធ្វើជាម្ហូបប្រមាណ៣០គីឡូក្រាម និងបង្កងប្រហែល៤០គីឡូក្រាមហើយនៅក្នុងបង្កងមួយគីឡូ ថ្លៃ២០ដុល្លារឬស្មើរប្រមាណ៨ម៉ឺនរៀល»។

បើតាមលោក សាប់ សារុន នៅពេលកន្លែងលំហែរបាននិងពុងទទួលការចាប់អារម្មណ៍ទំាងប្រជាពលរដ្ឋ និងក្រុមការងារភូមិឃុំ ក៏ដូចជាថ្នាក់ដឹកនាំស្ថាប័នរដ្ឋផ្សេងទៀត លោក ក៏បានបង្ហាញពីការចុះតម្លៃទៅលើមុខម្ហូបនៅទីតំាងរបស់ខ្លួន ដើម្បីរក្សាបានដល់ការលក់រាយលើមុខម្ហូបអាហារ។ លើសពីនេះលោកបានត្រៀមខ្លួនផ្តល់សេវានៅថ្ងៃចូលឆ្នំាថ្មីប្រពៃណីខ្មែរនាពេលខាងមុខ។

កញ្ញា ស៊ាន នីម ក្រុមការងារភូមិព្រៃភ្លង ក៏ដូចជា ឃុំសំបួរ បានឱ្យដឹងថា ការជ្រើសរើសយកន្លែងកម្សាន្តឬកសិដ្ឋានចិញ្ចឹមបង្កងខាងលើ ក្នុងថ្ងៃទិវាអន្តរជាតិនារី៨មីនាក្នុងគោលបំណងជួយជុំបានច្រើនគ្នាហើយសប្បាយ តែបើយើងជ្រើសរើសកន្លែងផ្សេងហើយឆ្ងាយគឺមានអ្នកចូលរួមបានតិច។យើងទៅកន្លែងកម្សាន្តនៅជិតមូលដ្ឋានរបស់យើងក្រៅពីចំណេញពេលវេលាធ្វើដំណើរ យើងនៅអាចទិញបង្កងបែបធម្មជាតិហូបថែមទៀតផង។បើតាមក្រុមការងារភូមិឃុំខាងលើ ក្នុងទិវាអន្តរជាតិនារី៨មីនាក្រុមការងារបានជួបជុំគ្នាជាង៤០នាក់ហើយចំណាយអស់លុយប្រមាណ១,៧លានរៀលសម្រាប់ការទិញត្រី និងបង្កងហូបជុំគ្នា៕អត្ថបទ៖សារេត

The post ទិវានារីអន្តរជាតិ៨មីនា ចូលរួមជំរុញការលក់រាយម្ហូបអាហារមានការកើនឡើងខ្ពស់តាមកន្លែងលំហែរ appeared first on .

យោងតាមការចុះផ្សាយពី VOA បានបង្ហាញថា ប្រធានបទដែល UN រៀបចំជាពិសេស​សម្រាប់​ទិវាសិទ្ធនារីឆ្នាំនេះគឺមានឈ្មោះថា DigitALL: Innovation and technology for gender equality (ការច្នៃប្រឌិត និងបច្ចេកវិទ្យាសម្រាប់សមភាពយេនឌ័រ)។

UN ក៏បានបញ្ជាក់ថា ក្នុងសម័យកាលឌីជីថលបែបនេះ ស្ត្រីក៏បានចូលរួមចំណែកធំលើវិស័យ​បច្ចេកវិទ្យាផងដែរ ប៉ុន្តែការចូលរួមនោះមិនសូវទទួលបានការគាំទ្រទូលំទូលាយឡើយ។

អង្គការអន្តរជាតិខ្នាតយក្សនេះក៏បន្ថែមថា ស្ត្រី ៣៧% ទូទាំងសកលលោកមិនចេះប្រើប្រាស់​អ៊ីនធឺណិត ខណៈមានស្ត្រីតិចជាងបុរសប្រមាណ ២៥៩ លាននាក់ ដែលបានប្រើប្រាស់​អ៊ីនធឺណិត ស្របពេលចំនួនស្ត្រីមានស្ទើតែពាក់កណ្ដាលនៃប្រជាជនសរុបទូទាំងសកលលោក។

“ការណែនាំឲ្យស្ត្រីស្គាល់កាន់តែច្បាស់លើវិស័យបច្ចេកវិទ្យា នឹងបង្កើតផលប្រយោជន័ជាច្រើន ហើយវាអាចនឹងមានការច្នៃប្រឌិតកាន់តែខ្ពស់ ដើម្បីអាចបំពេញតម្រូវការរបស់ពួកគាត់ ក៏ដូចជា​ផ្សព្វផ្សាយកាន់តែទូលាយចំពោះសមភាពយេនឌ័រ”។ នេះបើតាមការសរសេរលើគេហទំព័រផ្លូវការ​របស់ UN។

ក្រឡេកទៅមើលពីប្រវត្តិនៃការចាប់កំណើតនៃទិវាសិទ្ធនារីអន្តរជាតិបន្តិច គឺកើតឡើងតំបូង​ក្នុងថ្ងៃទី ០៨ មីនា ១៨៥៧ ដែលគ្រានោះក្រុមបុគ្គលិកនារីនាំគ្នា ធ្វើបាតុកម្មប្រឆាំងនឹងលក្ខខណ្ឌ​ការងារ​ដែលមានភាព​លំអៀង និងសិទ្ធមិនស្មើគ្នានៅរោងចក្រសំលៀកបំពាក់ និងទាមទារឲ្យ​មាន​ការ​តំឡើងប្រាក់ខែ និងម៉ោងការងារតិចជាងមុន។

ក្រោយមកទៀត នៅថ្ងៃទី ០៨ មីនា ១៩០៨ ក្រុមបុគ្គលិកនារីបាន​នាំគ្នាធ្វើបាតុកម្ម​ម្ដងទៀតនៅ​ទីក្រុង New York ប្រឆាំងពលកម្មកុមារ សិទ្ធការងារ និងទាមទារសិទ្ធស្ត្រីក្នុងការបោះឆ្នោត។

ទិវាសិទ្ធនារីអន្តរជាតិ ត្រូវបានប្រារព្វជាលើកដំបូងនៅថ្ងៃទី ១៩ មីនា ១៩១១ នៅប្រទេសអូទ្រីស ដាណឺម៉ាក អាល្លឺម៉ង់ និងស្វីស ដែលគ្រានោះមានប្រជាជនរាប់លាននាក់ ចេញគាំទ្រលើសិទ្ធស្ត្រី។

ក្រោយពីចប់សង្គ្រាមលោកលើកទី ២ ប្រទេសជាច្រើនចាប់ផ្ដើមប្រារព្វទិវាសិទ្ធនារីអន្តរជាតិនៅ​ថ្ងៃទី ០៨ មីនា ហើយ ២ឆ្នាំក្រោយមក អង្គការសហប្រជាជាតិប្រកាសជាផ្លូវការ កំណត់យកថ្ងៃ ០៨ មីនាជាទិវាសិទ្ធនារីអន្តរជាតិ ក្នុងឆ្នាំ ១៩៧៧ ខណៈចិន រុស្ស៊ី និងប្រទេសមួយចំនួន​ក៏ចាត់ទុក​ថ្ងៃ ០៨ មីនានេះ ជាថ្ងៃឈប់សម្រាកផងដែរ៕

The post ឆ្នាំនេះប្លែក UN រៀបចំប្រធានបទថ្មីស្រឡាង អបអរទិវាសិទ្ធនារីអន្តរជាតិ appeared first on .