ចាប់ពីថ្ងៃទី ១ខែមករា ដល់ថ្ងៃទី៣០ ខែកញ្ញា ការមកដល់របស់ភ្ញៀវទេសចរបទេស នៅក្នុងប្រទេសថៃ មានចំនួនសរុប ២៤ ១១៥ ៣២៨ នាក់ ពោលគឺបានថយចុះអស់ ៧,៥% បើធៀបទៅនឹងរយៈពេលដូចគ្នា កាលពីឆ្នាំមុន។

ក្នុងអំឡុងពេលនោះ ប្រទេសថៃ ទទួលបានប្រាក់ចំណូលសរុប ១,១ទ្រីលានបាត (ឬប្រមាណជាង ៣៣ពាន់លានដុល្លារ) ពីភ្ញៀវទេសចរបទេស ពោលគឺបានធ្លាក់ចុះអស់ ៥,៨៥% បើធៀបទៅនឹងឆ្នាំ២០២៤។

យ៉ាងណាមិញក្នុងចំណោមនោះ ភ្ញៀវទេសចរម៉ាឡេស៊ី នាំមុខគេ ក្នុងការចូលមកលេងកម្សាន្តនៅក្នុងប្រទេសថៃ ដោយមានចំនួនសរុប ៣,៤៧ លាននាក់ ធ្លាក់ចុះអស់ ៧,០៥% និងតាមពីក្រោយដោយ ចិន មានចំនួន ៣,៤១ លាននាក់ ធ្លាក់ចុះអស់ ៣៤,៩៧% ។

ជម្រាបជូនផងដែរថា យោងតាមក្រសួងទេសចរណ៍ ក៏បានរាយការណ៍ទៀតថា វិស័យទេសចរណ៍ក្នុងស្រុកបានឃើញការកើនឡើងជាវិជ្ជមាន ជាមួយនឹងការធ្វើដំណើរទេសចរណ៍ក្នុងស្រុកមានចំនួន ១៤៨,៧ លានដង ក្នុងអំឡុងពេល​ ៩ខែដំបូងនៃឆ្នាំ២០២៥ ពោលគឺបានកើនឡើង ២,៨៩%៕​

The post ភ្ញៀវបរទេសទៅលេងថៃ​ ធ្លាក់ដាំក្បាលចុះជិត ៨% ក្នុងរយៈពេល ៩ខែដំបូងឆ្នាំនេះ appeared first on .

ក្រសួងបាននិយាយនៅក្នុងសេចក្តីថ្លែងការណ៍មួយថា មានភ្ញៀវទេសចរបរទេសប្រហែល ២០,៨១ លាននាក់ អំឡុងពេលនោះ ស្របពេលជនជាតិចិន នៅតែជាប្រភពទីផ្សារធំជាងគេ ដោយមានអ្នកមកទស្សនាប្រទេសថៃ សរុបជិត ៣ លាននាក់។

កាលពីថ្ងៃចន្ទ ទីភ្នាក់ងារផែនការរដ្ឋ បានកាត់បន្ថយការព្យាកររបស់ខ្លួន សម្រាប់ការមកដល់របស់ភ្ញៀវបរទេស ក្នុងឆ្នាំនេះ មកនៅត្រឹមតែ ៣៣ លាននាក់ ពោលគឺធ្លាក់ចុះពីចំនួន ៣៧ លាននាក់។

ជម្រាបជូនថា ការធ្លាក់ចុះនេះ ហាក់កំពុងបង្កជាបញ្ហាប្រឈមដ៏ធំសម្រាប់វិស័យទេសចរណ៍ដ៏សំខាន់របស់ប្រទេស បន្ទាប់ពីពួកគេទទួលបានកំណត់ត្រាចំនួនជិត ៤០ លាននាក់ ក្នុងអំឡុងពេលមុនជំងឺរាតត្បាតកូវីដ-១៩ ក្នុងឆ្នាំ២០១៩។ បន្ថែមពីលើនេះ ការព្រួយបារម្ភផ្នែកនយោបាយ រួមទាំងការភ័យខ្លាចអស្ថិរភាពដែលកើតចេញពីបញ្ហាផ្ទៃក្នុងរបស់ប្រទេសថៃ ក៏កំពុងទាញទម្លាក់វិស័យនេះ ផងដែរ៕​

The post ការមកដល់របស់ភ្ញៀវទេសចរបទេស ក្នុងប្រទេសថៃ ធ្លាក់ចុះជាង ៧% ត្រឹម ៨ខែដំបូង​ appeared first on .

យោងតាមទិន្នន័យដែលចេញផ្សាយដោយក្រុមប្រឹក្សាទេសចរណ៍សិង្ហបុរី នៅថ្ងៃចន្ទ ទី១៦ ខែមិថុនានេះ បានបង្ហាញឲ្យដឹងថា ក្នុងចំណោមភ្ញៀវទេសចរសរុប ក្នុងនោះប្រទេសចិន ឈរនៅលើគេ តាមពីក្រោយដោយឥណ្ឌូណេស៊ី និងឥណ្ឌា។

យ៉ាងណាមិញ សម្រាប់រយៈពេលប្រាំខែដំបូងនៃឆ្នាំ២០២៥ នេះ សិង្ហបុរី បានស្វាគមន៍ភ្ញៀវទេសចរសរុបប្រមាណ ៧,០៩លាននាក់ ពោលគឺបានកើនឡើង ២,៣% បើធៀបនឹងរយៈពេលដូចគ្នាកាលពីឆ្នាំមុន។ ហើយក្នុងអំឡុងពេលនោះ ចិន ឥណ្ឌូណេស៊ី និងឥណ្ឌា នៅតែជាប្រភពទេសចរណ៍ធំជាងគេរបស់សិង្ហបុរី ផងដែរ៕

The post ចិន ដណ្តើមចំណាត់ថ្នាក់លើគេ នាមភ្ញៀវទេសចរមកលេងកម្សាន្តសិង្ហបុរីច្រើនបំផុត appeared first on .

ជុំវិញការព្យាករបច្ចុប្បន្ននេះ ហាក់បានឆ្លុះបញ្ចាំងពីការវិលត្រលប់ទៅកាន់កម្រិតមុនជំងឺរាតត្បាតកូវីដ-១៩វិញ ដែលកាលនោះ ទទួលបាន ២ទ្រីលានបាតពីភ្ញៀវទេសចរណ៍អន្តរជាតិ និង ១ទ្រីលានបាត ពីអ្នកធ្វើដំណើរក្នុងស្រុក។ ប៉ុន្តែទោះជាយ៉ាងនេះក្តី ការព្យាករថ្មីៗនេះ គឺទាបជាគោលដៅរបស់ក្រសួង។

ទន្ទឹមនឹងនេះ លោកស្រី Nattareeya Thaweewong លេខាធិការ​អចិន្ត្រៃយ៍​របស់​ក្រសួងទេសចរណ៍ និងកីឡាថៃ បានកត់សម្គាល់ថាក្រសួងបានណែនាំដល់អាជ្ញាធរទេសចរណ៍ថៃ (TAT) ឲ្យធ្វើការពិនិត្យឡើងវិញនូវផែនការទីផ្សាររបស់ខ្លួន សម្រាប់ឆមាសទីពីរនៃឆ្នាំ២០២៥ ដោយសារកត្តាមួយចំនួន រួមទាំងការព្រួយបារម្ភអំពីសុវត្ថិភាពទេសចរណ៍ និងការរញ្ជួយដី ក៏ដូចជាឥទ្ធិពលខាងក្រៅ និងបញ្ហាពន្ធគយទៅវិញទៅមករបស់ប្រធានាធិបតីអាមេរិក ដូណាល់ ត្រាំ ជាដើម។

លោកស្រី Nattareeya បាននិយាយទៀតថា TAT ត្រូវតែតម្រង់ទិសដៅរបស់ខ្លួនឡើងវិញ ដើម្បីផ្តោតកាន់តែខ្លាំងលើការទាក់ទាញភ្ញៀវទេសចរដែលមានការចំណាយខ្ពស់ ជាពិសេសអ្នកទេសចរមកពីតំបន់មជ្ឈិមបូព៌ា ដែលតែងតែធ្វើដំណើរជាលក្ខណៈគ្រួសារសម្រាប់ទេសចរណ៍វេជ្ជសាស្រ្ត នៅក្នុងប្រទេសថៃ។

មិនតែប៉ុណ្ណោះ លោកស្រី Nattareeya បានសង្កត់ធ្ងន់បន្ថែមទៀតថា TAT នឹងកាត់បន្ថយការចំណាយលើព្រឹត្តិការណ៍នៅក្នុងទីផ្សារដែលមិនដំណើរការ ដើម្បីធានាឲ្យមានការបែងចែកធនធានកាន់តែមានប្រសិទ្ធភាពជាងមុន៕

The post ថៃ ទម្លាក់ការព្យាករប្រាក់ចំណូលពីវិស័យទេសចរណ៍ឆ្នាំនេះ មកនៅត្រឹមជាង ៩០ពាន់លានដុល្លារ appeared first on .

លោកស្រី Thapanee Kiatphaibool អភិបាល TAT បានមានប្រសាសន៍ថា ពិធីបុណ្យដែលបានប្រារព្ធឡើងនៅតាមបណ្តោយផ្លូវ Ratchadamnoen និងនៅ Sanam Luang ក្នុងសង្កាត់ Phra Nakhon បានទទួលការចាប់អារម្មណ៍ខ្លាំង យ៉ាងលើសលុបពីសំណាក់ភ្ញៀវទេសចរថៃ និងអន្តរជាតិ។ ហើយអ្នកចូលរួមសរុប ក្នុងរយៈពេលបីថ្ងៃដំបូងនោះ មានជនជាតិថៃចំនួន ៥២៣​ ៤៥៦នាក់ និងជនបរទេសចំនួន ៣៤ ៥៥៩នាក់។

មិនតែប៉ុណ្ណោះ TAT ក៏បានព្យាករទៀតថា ភ្ញៀវទេសចរបរទេសសរុបចំនួន ៤៧៦ ០០០ នាក់ នឹងមកលេងប្រទេសថៃក្នុងអំឡុងថ្ងៃបុណ្យសង្ក្រាន្តទាំងមូល (ចាប់ពីថ្ងៃទី ១២-១៦ ខែមេសា) ពោលគឺកើនឡើង ៣% និងបង្កើតប្រាក់ចំណូលសរុបចំនួន ៧,៣ពាន់លានបាត កើនឡើង ៧% ធៀបនឹងឆ្នាំមុន។

ជាមួយគ្នានេះ ការ​ធ្វើ​ដំណើរ​ក្នុង​ស្រុក​ក៏នឹងមានការកើនឡើង ៦% ផងដែរ ដល់​ចំនួន ៤,៤២ លាន​ដង ដោយ​រួម​ចំណែក​ដល់​សេដ្ឋកិច្ចចំនួន ១៩,២ពាន់​លាន​បាត ពោលគឺកើន​ឡើង ៩% បើធៀបទៅនឹងឆ្នាំមុន៕

The post ពិធីបុណ្យ​សង្រ្កាន្ត​ ៣ថ្ងៃ​ ថៃប្រមូលចំណូលពីទេសចរណ៍បានជាង ៥០លានដុល្លារ appeared first on .

យោងតាមក្រុមប្រឹក្សាទេសចរណ៍ពិភពលោក (WTTC) បានព្យាករថា ឆ្នាំ២០២៤ នេះ នឹងក្លាយជាឆ្នាំបំបែកកំណត់ត្រាសម្រាប់ការធ្វើដំណើរ និងទេសចរណ៍ ជាមួយនឹងទិន្នផលសេដ្ឋកិច្ចក្នុងចំនួនខ្ពស់បំផុតរហូតដល់ទៅ ១១,១ទ្រីលានដុល្លារ ពីឧស្សាហកម្មនេះ។

លើសពីនេះ ស្ថាប័ន WTTC ក៏បានចាត់ចំណាត់ថ្នាក់ប្រទេសទាំង១០ ដែលទទួលបានភ្ញៀវទេសចរទៅលេងកម្សាន្តច្រើនជាងគេបំផុតនៅលើពិភពលោក សម្រាប់ឆ្នាំ២០២៤ នេះផងដែរ៖

១. ប្រទេសបារាំង (មានចំនួនភ្ញៀវទេសចរសរុប ៨៩,៤ លាននាក់)

២. ប្រទេសអេស្ប៉ាញ (មានចំនួនភ្ញៀវទេសចរសរុប ៨៣,៧ លាននាក់)
៣. សហរដ្ឋអាមេរិក (មានចំនួនភ្ញៀវទេសចរសរុប ៧៩,៣ លាននាក់)
៤. ប្រទេសចិន (មានចំនួនភ្ញៀវទេសចរសរុប ៦៥,៧ លាននាក់)
៥. ប្រទេសអ៊ីតាលី (មានចំនួនភ្ញៀវទេសចរសរុប ៦៤,៥ លាននាក់)
៦. ប្រទេសតួកគី (មានចំនួនភ្ញៀវទេសចរសរុប ៥១,២ លាននាក់)
៧. ប្រទេសម៉ិកស៊ិក (មានចំនួនភ្ញៀវទេសចរសរុប ៤៥ លាននាក់)
៨. ប្រទេសថៃ (មានចំនួនភ្ញៀវទេសចរសរុប ៣៩,៨ លាននាក់)
៩. ប្រទេសអាល្លឺម៉ង់ (មានចំនួនភ្ញៀវទេសចរសរុប ៣៩,៦ លាននាក់)
១០. ចក្រភពអង់គ្លេស (មានចំនួនភ្ញៀវទេសចរសរុប ៣៩,៤ លាននាក់)៕

The post ប្រទេសទាំង១០ នេះ ទាក់ទាញភ្ញៀវទេសចរទៅទស្សនាច្រើនជាងគេបំផុតលើពិភពលោក ក្នុងឆ្នាំ២០២៤ appeared first on .

អភិបាលអាជ្ញាធរទេសចរណ៍ថៃ លោកស្រី Thapanee Kiatphaibool បាននិយាយថា ចាប់ពីថ្ងៃទី២១ ខែធ្នូ ដល់ថ្ងៃទី១ ខែមករា ប្រទេសថៃ ត្រូវបានព្យាករថានឹងទទួលបានភ្ញៀវទេសចរបរទេសសរុបចំនួន ១,៥៦ លាននាក់ ដោយនឹងផ្តល់ចំណូលជាទឹកប្រាក់ប្រមាណ ៤៥ពាន់លានបាត។

ទន្ទឹមនឹងនេះ សម្រាប់ភ្ញៀវទេសចរក្នុងស្រុកវិញ TAT រំពឹងទុកថានឹងមានចំនួនសរុប ៤,៤១ លាននាក់ ក្នុងអំឡុងពេលឈប់សម្រាករយ:ពេល ៥ថ្ងៃនោះ ដែលនឹងផ្តល់នូវប្រាក់ចំណូលដល់វិស័យទេសចរណ៍សរុបចំនួន ១៧ពាន់លានបាត ពោលគឺកើនឡើង ២៩% ចំពោះបរិមាណ និង ៣០% ចំពោះប្រាក់ចំណូល។

ជុំវិញការកើនឡើងនេះ ត្រូវបានគេយល់ឃើញថាដោយសារតែត្រូវបានជំរុញដោយកត្តាសំខាន់ៗមួយចំនួន ដូចជាភាពងាយស្រួលនៃការធ្វើដំណើរ រួមទាំងផែនការលើកលែងទិដ្ឋាការ និងការផ្អាកការរឹតបន្តឹងនៅតាមប៉ុស្តិ៍ត្រួតពិនិត្យចំនួន ១៦ សម្រាប់ការមកដល់របស់ភ្ញៀវទេសចរតាមរយ:ផ្លូវគោក និងសមុទ្រ។

ទន្ទឹមនឹងនេះ រដ្ឋាភិបាលថៃ ក៏បានបន្ថែមជើងហោះហើរថ្មីៗចំនួន ៣០ ពីទីផ្សារធំៗ រួមមានប្រទេសចិន កូរ៉េខាងត្បូង តៃវ៉ាន់ ឥណ្ឌា ស្កែនឌិណាវី និងប្រទេសបារាំង ផងដែរ៕

The post ថៃ រំពឹងទុកថានឹងកើបចំណូលជាង ១,៨ពាន់លានដុល្លារ អំឡុងពិធីបុណ្យឆ្លងឆ្នាំសកលខាងមុខ appeared first on .

ថ្លែងនៅក្នុងកិច្ចប្រជុំជាមួយគណៈកម្មការទី៧ នៃសភាតំណាងឥណ្ឌូណេស៊ី នៅទីក្រុងហ្សាកាតា នាពេលថ្មីៗនេះ លោកស្រី Widiyanti បាននិយាយថា កញ្ចប់ថវិកាថ្មីនេះ នឹងត្រូវស្នើឡើង ដើម្បីបង្កើនពីចំនួនថវិកាពីមុន ដែលមានត្រឹមតែ ១,៤ទ្រីលានរូពៀប៉ុណ្ណោះ សម្រាប់ឆ្នាំ២០២៥។

ទន្ទឹមនឹងនេះ លោកស្រី Wardhana សង្កត់ធ្ងន់ទៀតថា ក្រសួងចាំចាប់ត្រូវស្នើសុំកញ្ចប់ថវិកាបន្ថែម សម្រាប់ឆ្នាំក្រោយ ខណ:ចំនួននេះ នៅតែទាបជាងខ្លាំង បើប្រៀបធៀបទៅនឹងកញ្ចប់ថវិកាដែលទទួលបានដល់ទៅជាង ៣,១ទ្រីលានរូពៀ នៅក្នុងឆ្នាំ២០២៤នេះ។

ជម្រាបជូនផងដែរថា ឥណ្ឌូណេស៊ី ដែលជាប្រទេសមានសេដ្ឋកិច្ចធំជាងគេនៅក្នុងតំបន់អាស៊ីអាគ្នេយ៍ បានទទួលបានទទួលភ្ញៀវទេសចរបរទេសសរុបជាង ១០ លាននាក់ នៅក្នុងរយ:ពេល ៩ខែដំបូងឆ្នាំនេះ ពោលគឺបានកើនឡើង ២០,២% បើធៀបទៅនឹងរយ:ពេលដូចគ្នាកាលពីឆ្នាំមុន៕

The post ឥណ្ឌូណេស៊ី គ្រោងបង្កើនកញ្ចប់ថវិកាដល់ជាង ១៤០លានដុល្លារ ដើម្បីគាំទ្រលើវិស័យទេសចរណ៍ appeared first on .

ក្នុងចំណោមភ្ញៀវទេសចរមកពីបណ្តាប្រទេសទាំងអស់នៅលើពិភពលោក ភ្ញៀវទេសចរដែលធ្វើដំណើរមកកាន់ប្រទេសកម្ពុជាច្រើនជាងគេនៅរយៈពេលចន្លោះពីខែមករា ដល់ខែកញ្ញា ឆ្នាំ២០២៤នេះ គឺជាភ្ញៀវមកពីប្រទេសថៃ ដែលមានចំនួនប្រមាណ ១,៥២លាននាក់ តាមពីក្រោយដោយភ្ញៀវទេសចរមកពីប្រទេសវៀតណាមមានចំនួនជាង ៩៧៣ ០០០នាក់ និងភ្ញៀវមកពីប្រទេសសចិនមានចំនួនប្រមាណ ៦០៧ ០០០នាក់។ នេះបើតាមរបាយការណ៍ពីក្រសួងទេសចរណ៍កម្ពុជា។

យ៉ាងណា បើងាកទៅអំឡុងពេលដែលមានជំងឺឆ្លងរាតត្បាតកូវីដ១៩ វិញ ប្រទេសហ្វីលីពីនបានទទួលស្វាគមន៍ភ្ញៀវទេសចរបរទេសប្រមាណ ៨,២លាននាក់ ស្របពេលប្រទេសកម្ពុជាឯណេះវិញ បានទទួលស្វាគមន៍ត្រឹមចំនួន ៦,៦លាននាក់ប៉ុណ្ណោះ។

ថ្វីត្បិតដូច្នេះមែន ឧស្សាហកម្មទេសចរណ៍របស់ហ្វីលីពីន កំពុងសម្លឹង និងដាក់គោលដៅកំណត់ទាក់ទាញទេសចរបរទេសឲ្យចូលមកកាន់ប្រទេសរបស់ខ្លួនឲ្យបានចំនួន ៧,៧លាននាក់ត្រឹមចុងឆ្នាំ២០២៤។

សូមជម្រាបជូនថា នៅឆ្នាំ២០១៩ មុនពេលដែលមានការរាតត្បាតជំងឺឆ្លងជាសកលនោះ ចិនគឺជាប្រភពទេសចរធំបំផុតទីពីររបស់ហ្វីលីពីន ពោលមានរហូតដល់ទៅចំនួន ១,៧លាននាក់ យ៉ាងណាក៏ដោយនៅឆ្នាំ២០២៣ ការមកដល់របស់ទេសចរចិនមានត្រឹម២០% ប៉ុណ្ណោះបើធៀបនឹងមុនការរីករាលដាលនៃជំងឺឆ្លង ដោយមានត្រឹម ២៦៣ ០០០នាក់៕

The post កម្ពុជានាំមុខហ្វីលីពីន ទាក់ទាញភ្ញៀវទេសចរបរទេសច្រើនជាងគេ នៅរយៈពេល ៩ខែដំបូងឆ្នាំនេះ appeared first on .

លោក សុខ សូកេន រដ្ឋមន្ត្រីក្រសួងទេសចរណ៍និងជាប្រធានគណៈកម្មាធិការជាតិគ្រប់គ្រង និងអភិវឌ្ឍសហគមន៍ទេសចរណ៍ និងអេកូទេសចរណ៍ បានថ្លែងថា៖ វេទិកានេះ ជាឱកាសនៃការជួបជុំដ៏សំខាន់មួយ ដោយមានការអញ្ជើញចូលរួមពីគ្រប់ភាគីពាក់ព័ន្ធ ទាំងថ្នាក់ជាតិ និងថ្នាក់ក្រោមជាតិ វិស័យឯកជន រួមជាមួយស្ថាប័នដៃគូអភិវឌ្ឍន៍ជាតិ-អន្តរជាតិ និងបងប្អូនប្រជាសហគមន៍មកពីបណ្តារាជធានី ខេត្តទូទាំងប្រទេស ដើម្បីពិភាក្សាអំពីការជំរុញការអភិវឌ្ឍវិស័យទេសចរណ៍សហគមន៍ និងអេកូទេសចរណ៍នៅតំបន់បឹងទន្លេសាប តាមរយៈយន្តការស្ថាប័នមួយក្រោមចំណុះគណៈកម្មាធិការជាតិគ្រប់គ្រង និងអភិវឌ្ឍសហគមន៍ទេសចរណ៍ និងអេកូទេសចរណ៍ (គ.ជ.អ.អ.) និងក្រសួងទេសចរណ៍ គឺ “បណ្តាញអេកូទេសចរណ៍បឹងទន្លេសាប”។

លោកបានបញ្ជាក់បន្ថែមថា៖វេទិកានេះផងដែរក៏ជាឱកាសក្នុងការផ្សព្វផ្សាយទៅដល់ប្រជាសហគមន៍នៅទូទាំងប្រទេសអំពីអត្ថប្រយោជន៍សង្គមនិងសេដ្ឋកិច្ចនៃគម្រោងព្រែកជីកហ្វូណនតេជោ ដែលជាសមិទ្ធផលជាប្រវត្តិសាស្ត្ររបស់ប្រទេសជាតិយើង។

មិនតែប៉ុណ្ណោះប្រជាសហគមន៍ក៏ដូចជាប្រតិបត្តិករទេសចរណ៍ ក្នុងឧស្សាហកម្មទេសចណ៍ទាំងអស់បានសាទរនូវសមិទ្ធផលក្នុងរយៈពេល១ឆ្នាំដំបូងរបស់រាជរដ្ឋាភិបាលនីតិកាលទី៧នេះជាពិសេសគឺការគាំទ្រនិងជឿជាក់លើកិច្ចសហប្រតិបត្តិការតំបន់ត្រីកោណអភិវឌ្ឍន៍ CLV-DTA របស់រាជរដ្ឋាភិបាលកម្ពុជា៕​

The post រដ្ឋាភិបាលពង្រឹងសេវាកម្មទេសចរណ៍ និងអេកូទេសចរណ៍ appeared first on .