រាល់កិច្ចការចាំបាច់នានា ធនាគារ អេស៊ីលីដា ភីអិលស៊ី នឹងសហការចូលរួមក្នុងការសម្របសម្រួលធ្វើកិច្ចការដ៏មានសារៈសំខាន់នេះ ជាមួយធនាគារជាតិនៃកម្ពុជា។

ថ្លែងប្រាប់ សារព័ត៌មានឧកញ៉ាញូស៍ លោកបណ្ឌិត អុិន ចាន់នី ប្រធាននាយកប្រតិបត្តិ ធនាគារ អេស៊ីលីដា ភីអិលស៊ី បញ្ជាក់ថា «ឥឡូវនេះ ធនាគារ អេស៊ីលីដា យើងខ្ញុំអត់ទាន់ទទួលទិន្នន័យជាក់លាក់ពីចំនួន បងប្អូនជាវីរៈកងទ័ពបានពលីជីវិត និងអ្នករួមខ្ចី នៅឡើយទេ ប៉ុន្តែឱ្យតែសាច់ញាតិផ្ទាល់របស់បងប្អូនយោធិនពលីជីវិត ពួកគាត់ទាក់ទងមក ធនាគារ យើងខ្ញុំ នឹងចាត់ចែងជូនដូចសេចក្ដីប្រកាស»។

គួរបញ្ជាក់ថា សេចក្តីជូនដំណឹង របស់ធនាគារ អេសុីលីដា ភីអុិលស៊ី ធ្វើឡើងស្របតាមសេចក្តីអំពាវនាវរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងសេចក្តីណែនាំរបស់ធនាគារជាតិនៃកម្ពុជា និងក្នុងស្មារតីសាមគ្គីភាព មនុស្សធម៌ រួមគ្នាដើម្បីជួយសម្រាលបន្ទុកដល់យោធិន ដែលបានពលីអាយុជីវិត ការពារបូរណភាព អធិបតេយ្យភាពដែនដីខ្មែរពីការឈ្លានពានរបស់សត្រូវ។

ហេតុដូច្នេះ ធនាគារ អេស៊ីលីដា ភីអិលស៊ី សូមជម្រាបជូនដល់អតិថិជន និងសាច់ញាតិយោធិនពលីទាំងអស់ ដែលរងនូវផលប៉ះពាល់ ដូចបានប្រកាសខាងលើ សូមទំនាក់ទំនងមកកាន់ការិយាល័យ-សាខាធនាគារ អេស៊ីលីដា នៅជិតលោកអ្នកបំផុត៕

The post ធនាគារ អេស៊ីលីដា សម្រេចលុបចោលបំណុលទាំងស្រុង ជូនដល់យោធិនពលីជីវិត និងអ្នករួមខ្ចី ដែលបំពេញប្រតិបត្តិការក្នុងសមរភូមិការពារបូរណភាពទឹកដីកម្ពុជា appeared first on .

លោកបណ្ឌិត គី សេរីវឌ្ឍន៍ ប្រធានវិទ្យាស្ថានសិក្សាចិននៃរាជបណ្ឌិត្យសភាកម្ពុជា មានប្រសាសន៍ថា ចំពោះបញ្ហាដួលរលំធនាគារធំៗរបស់សហរដ្ឋអាមេរិកគឺជាការដួលរំលំនៃវិស័យធនាគារឯកជនផ្ទាល់ខ្លួនវាមិនមែនប្រព័ន្ធហិរញ្ញវត្ថុរបស់សហរដ្ឋអាមេរិកនោះទេ។

លោកបណ្ឌិត មានប្រសាសន៍ថា៖ «យើងឃើញថា នៅពេលបច្ចុប្បន្ននេះ ធនាគារកណ្តាលរបស់សហរដ្ឋអាមេរិក មិនទាន់ធ្វើអន្តរាគមន៍ណាមួយចូលទៅជួយធនាគារ ដែលបានដួលរលំនៅឡើយទេ។ គេកំពុងតែធ្វើការស៊ើបអង្កេត ហើយមូលហេតុធនាគារទាំងនេះដួលរលំ ព្រោះតែវិបត្តិនៃ Cryptocurrency វាឡើងដល់កម្រិតខ្ពស់ពេកហើយវាជាប់គាំង ។ អុីចឹង កត្តានេះគឺជាមូលហេតុមួយធ្វើឱ្យដួលរលំធនាគារឯកជន វាមិនជាប់ពាក់ព័ន្ធទៅ នឹងប្រព័ន្ធហិរញ្ញវត្ថុរបស់ធនាគារធំៗផ្សេងទៀតនោះទេ ។ ម្លោះហើយ បញ្ហាដែលកើតឡើងដោយសារវិបត្តិនៃ Cryptocurrencyវាមិនមានផលប៉ះពាល់មកដល់ប្រព័ន្ធធនាគារនៅកម្ពុជាទេ ខណៈនៅកម្ពុជាយើងមិនបានប្រើប្រាស់ Cryptocurrency»។

ផ្ដល់បទសម្ភាសន៍ជាមួយ Oknha News ផ្ទាល់ លោកបណ្ឌិត អុិន ចាន់នី ប្រធាននាយកប្រតិបត្តិនៃធនាគារអេស៊ីលីដា មានប្រសាសន៍ថា បញ្ហាធនាគារមួយចំនួនដួលរលំនៅសហរដ្ឋអាមេរិកនេះ គ្មានពាក់ព័ន្ធទាល់តែសោះ និងប្រព័ន្ធធនាគារនៅកម្ពុជា ព្រោះធនាគារនៅកម្ពុជា ស្ថិតនៅក្រោមច្បាប់និយ័តកម្មស្តីពីការគ្រប់គ្រងធនាគារនិងហិរញ្ញវត្ថុនៅកម្ពុជា ដែលមានស្ថាប័នធនាគារជាតិនៃកម្ពុជា ជាអាណាព្យាបាល។ យើងមានបទប្បញ្ញត្តិប្រុងប្រយ័ត្នតឹងរឹង និងរឹងមាំ ដែលធនាគារ និងគ្រឹះស្ថានមីក្រូហិរញ្ញវត្ថុទាំងអស់ បានអនុវត្តយ៉ាងខ្ជាប់ខ្ជួន ទៅតាមប្បញ្ញត្តិច្បាប់នៃធនាគារជាតិនៃកម្ពុជា។

លោកបណ្ឌិត បញ្ជាក់ថា៖ «អុីចឹងសូមបញ្ជាក់ម្តងទៀតថា ការដួលរលំធនាគារមួយចំនួននៅសហរដ្ឋអាមេរិកនេះ គឺគ្មានពាក់ព័ន្ធជាមួយកម្ពុជាទេ ព្រោះសេវាកម្មធនាគារដែលផ្តល់ជូនពលរដ្ឋនៅពេលសព្វថ្ងៃនេះដូចជា ការប្រមូលប្រាក់បញ្ញើសន្សំ,ប្រាក់កម្ចី និងផ្តល់មធ្យោបាយទូទាត់ ទាំងនេះ ធ្វើនៅតែនៅកម្ពុជាទេ។ អុីចឹង មិនមែនធនាគារនៅក្នុងស្រុកប្រមូលប្រាក់បញ្ញើសន្សំពីក្នុងស្រុកយកទៅធ្វើអាជីវកម្មនៅបរទេស គ្មានទាល់តែសោះ គឺសម្រាប់តែផ្តល់សេវាកម្មនៅកម្ពុជា»។

លោកបណ្ឌិតលើកឡើងថា សម្តេចតេជោហ៊ុនសែន នាយករដ្ឋមន្ត្រី លោកក៏ទើបតែបានអំពាវនាវដល់ប្រជាពលរដ្ឋកម្ពុជាកាលថ្មីៗនេះ ពិតជាមានសារៈសំខាន់ណាស់ គឺជាសេចក្តីអំពាវនាវដ៏ថ្លៃថ្លា ពិសេសអតិថិជនរបស់គ្រឹះស្ថានធនាគារ និងហិរញ្ញវត្ថុ ត្រូវតោងគិតថា អ្វីដែលយើងកំពុងតែប្រើប្រាស់សេវាហិរញ្ញវត្ថុនៅកម្ពុជា គឺមានសុវត្ថិភាពខ្ពស់ ស្ថិតនៅក្រោមច្បាប់ដែលគ្រប់គ្រងដោយធនាគារជាតិនៃកម្ពុជា ហើយមូលនិធិដែលវិស័យធនាគារ និងហិរញ្ញវត្ថុបានប្រមូលបាន គឺវិនិយោគនៅក្នុងស្រុក មិនបានយកទៅវិនិយោគនៅខាងក្រៅប្រទេសនោះទេ។ ដូចនេះ មិនគួរគម្បីប្រជាពលរដ្ឋ ក៏ដូចជាអតិថិជនរបស់ធនាគារមានការភ័យព្រួយ។

ជុំវិញការបកស្រាយពីអ្នកជំនាញក្នុងវិស័យធនាគារ និងហិរញ្ញវត្ថុ ដែលកំពុងក្លាយជាប្រធានបទរសើបនេះដែរ អ្នកនាំពាក្យរបស់សមាគមមីក្រូហិរញ្ញវត្ថុកម្ពុជា ក៏បានថ្លែងអណរគុណទៅប្រមុខរាជរដ្ឋាភិបាលកម្ពុជា ដែលបានចេញមុខមកបកស្រាយ និងបង្ហាញអំពីស្ថានភាពពិតជាក់ស្តែងរបស់វិស័យហិរញ្ញវត្ថុនៅកម្ពុជា។

លោក កាំង តុងងី អ្នកនាំពាក្យរបស់សមាគមមីក្រូហិរញ្ញវត្ថុកម្ពុជាបានឱ្យដឹងថា នៅប៉ុន្មានថ្លៃកន្លងមកនេះយើងឃើញថាសាធារណជនទទួលបានព័ត៌មាន ពីបណ្តាញផ្សព្វផ្សាយនានានៅក្នុងសង្គម ហើយមានប្រជាពលរដ្ឋខ្លះ មានការបារម្ភ ថាតើការដួលរលំធនាគារនៅសហរដ្ឋអាមេរិកនេះ វាអាចដូចទៅនិងឆ្នាំ២០០៨ ដែលវារាលដាលទៅជាវិបត្តិសកលដែរ ឬក៏ទេ?

លោកលើកឡើងថា ការចេញមុខមកធានារបស់សម្តេចតេជោហ៊ុនសែន វាមានតួនាទីសំខាន់ណាស់ដើម្បីសាងនៅទំនុកចិត្តនិងកសាងនៅស្ថិរភាពរបស់វិស័យយើង ពីព្រោះនៅប្រទេសណាក៏ដូចគ្នាទេវិស័យធនាគារ និងហិរញញវត្ថុយើងពឹងច្រើនទៅលើការដាក់បញ្ញើរបស់ប្រជាពលរដ្ឋ អុីចឹងកាលណាប្រជាពលរដ្ឋអត់មានទំនុកចិត្ត ហើយពេលខ្លះគាត់មានការភ័យស្លន់ស្លោរនៅពេលរឿងការពិតវាមិនអាចកើតឡើង វាក៏អាចធ្វើឱ្យប៉ះពាល់អវិជ្ជមានមកលើវិស័យហិរញ្ញវត្ថុដែរ ។ ដូចយើងបានដឹងហើយថា វិស័យហិរញ្ញវត្ថុកាលណាវាប៉ះពាល់ វានឹងរាលដាលទៅដល់វិស័យផ្សេងទៀតដែរ។

លោក កាំង តុងងី បញ្ជាក់ថា៖ «បើយើងមើលឱ្យលម្អិតវិបត្តិនៃការដួលរំលំធនាគារនៅសហរដ្ឋអាមេរិកនេះមិនអាចជះឥទ្ធិពលមកលើវិស័យហិរញ្ញវត្ថុនៅកម្ពុជាបានទេ ដោយសារធនារគារនៅសហរដ្ឋអាមេរិក២ឬ៣ បានដួលរលំនេះ សុទ្ធតែជាប់ពាក់ព័ន្ធជាមួយនិងCryptocurrency ពាក់ព័ន្ធ និងការវិនិយោគស្តុក និងបច្ចេកវិទ្យាជាដើម។ ចំណែកនៅកម្ពុជាCryptocurrency មិនត្រូវបានទទួលស្គាល់ទេ គឺយើងចាត់ទុកថាវាខុសច្បាប់ ហើយដោយឡែកនៅកម្ពុជា ធនាគារអត់អាចវិនិយោគដូចនៅសហរដ្ឋអាមេរិកបានទេ»។

គួររំឭកដែរថា កាលពីព្រឹកថ្ងៃទី១៦ ខែមីនា ឆ្នាំ២០២៣នេះ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានអំពាវនាវដល់បងប្អូនប្រជាពលរដ្ឋ ដែលបានដាក់ប្រាក់បញ្ញើតាមប្រព័ន្ធធនាគារនៅកម្ពុជា កុំមានការភ័យស្លន់ស្លោ រឿងធនាគារពាណិជ្ជចំនួន ២របស់អាមេរិកដួលរលំ ព្រោះមិនប៉ះពាល់ប្រព័ន្ធធនាគារកម្ពុជាទេ។

សម្តេចតេជោបញ្ជាក់ថា៖ «ការភ័យស្លន់ស្លោរត់ទៅដក ប្រាក់ចេញពីប្រព័ន្ធធនាគារមុនកាលកំណត់ គឺជាការខាងបង់ប្រយោជន៍ របស់បងប្អូនទៅវិញ ព្រោះតែខាតបង់ការប្រាក់ ដែលព្រមព្រៀងជាមួយធនាគារ។»

ជាមួយគ្នានេះ សម្តេចតេជោ ហ៊ុន សែន បានអំពាវនាវដល់បងប្អូនប្រជាពលរដ្ឋ ជឿទុកចិត្តសមត្ថភាពគ្រប់គ្រងរបស់រាជរដ្ឋាភិបាល លើវិស័យហិរញ្ញវត្ថុ និងធនាគារនៅកម្ពុជា មានភាពរឹងមាំ មិនមានផលប៉ះពាល់អ្វីនោះឡើយ។ អត្ថបទ៖សារេត

The post អ្នកជំនាញ៖ បញ្ហាធនាគារមួយចំនួនដួលរលំនៅសហរដ្ឋអាមេរិកនេះ គ្មានពាក់ព័ន្ធទាល់តែសោះ ជាមួយប្រព័ន្ធធនាគារនៅកម្ពុជា appeared first on .

សំណង់​អគារការិយាល័យ​កណ្តាល ដែលជាកន្លែងស្នូលធំធ្វើការរបស់បណ្ឌិត អ៉ិន ចាន់នី ប្រធានអគ្គនាយកប្រតិបត្តិ អេស៊ីលីដា ចាប់​ផ្តើមសាងសង់​ក្នុង​ខែ​មករា ឆ្នាំ​២០១៣ ដែល​មាន​កម្ពស់ ២០ជាន់ និង​អគារ​ក្រោមដី​ចំនួន ៤ជាន់ មាន​ផ្ទៃក្រឡា​បម្រើ​ការងារ​សរុប​ចំនួន ៤៣.០០០ ម៉ែត្រការ៉េ ហើយយចាយថវិកា​ចំនួនប្រមាណ ៧៦.៦៩៥.២២៤ ដុល្លារ​អាមេរិក។

អគារការិយាល័យ​កណ្តាល​នេះ គូស​ប្លង់​​ដោយ​ក្រុមហ៊ុន Aedas មាន​មូលដ្ឋាននៅ​ទីក្រុង​ហុងកុង និង​ក្រុមហ៊ុន iLi Consulting Engineers Mekong Ltd. ជា​ទីប្រឹក្សា​បច្ចេកទេស​ផ្នែក​វិស្វកម្ម, Optima Consultant Ltd. ជា​ទីប្រឹក្សា​បច្ចេកទេស​ផ្នែក​មេកានិក អគ្គិសនី និង​ប្រព័ន្ធ​បណ្តាញ​ទឹក និង BK Asia Pacific ជា​ទីប្រឹក្សា​ផ្នែក​គ្រប់គ្រង​ចំណាយ។

អគារ​នេះសាងសង់ដោយ​ក្រុមហ៊ុន HYUNDAI Eengineering Co., Ltd. ប្រើប្រាស់​រយៈពេល​សាងសង់​ចំនួន ៣៤ខែ បំពាក់​ទៅ​ដោយ​ឧបករណ៍​​សម្ភារ​ការិយាល័យ​ទំនើប និង​ទាន់សម័យ ព្រមទាំង​មានប្រព័ន្ធ​ការពារ​សន្តិសុខ ការសន្សំសំចៃ​ថាមពល​ប្រើប្រាស់ ការបង្ការ​អគ្គិភ័យ បណ្តាញ​ត្រួតពិនិត្យ និង​ប្រព័ន្ធ​ទូរគមនាគមន៍ ហើយនិង​ប្រព័ន្ធ​គាំទ្រ​បច្ចេកវិជ្ជា​ព័ត៌មាន រួមទាំង​មានកន្លែង​សម្រាប់​ចតយានយន្ត​គ្រប់ប្រភេទ​ចំនួន ១.២៣៩ គ្រឿង និងមាន​អាហារដ្ឋាន​សម្រាប់​បុគ្គលិក​ដែលប្រកបដោយ​ផាសុកភាព​ខ្ពស់៕

The post តើបណ្ឌិត អ៉ិន ចាន់នី ចាយលុយអស់ប៉ុន្មានសង់អគារការិយាល័យកណ្តាល ធនាគារ អេស៊ីលីដា? appeared first on .

លោក​អ៊ិន ចាន់នី ប្រធាននាយកប្រតិបត្តិ ធនាគារ អេស៊ីលីដា ភីអិលស៊ី បានថ្លែងថា សហហិរញ្ញប្បទាននេះ នឹងជួយលើកស្ទួយដល់ផលិតកម្មកសិកម្ម និងការអភិវឌ្ឍសេដ្ឋកិច្ចសង្គម។

ខណៈ​ដែល​ធនាគារ អេស៊ីលីដា ជាធនាគារពាណិជ្ជធំមួយ ដែលមានបណ្តាញប្រតិបត្តិការច្រើនជាងគេក្នុងព្រះរាជាណាចក្រកម្ពុជា ដែល​នឹង​ផ្តល់ភាពងាយស្រួលជូនដល់ប្រជាជនកម្ពុជា គ្រប់មជ្ឈដ្ឋានក្នុងសហគមន៍ ជាពិសេសអ្នកដែលរស់នៅជនបទអាចប្រើប្រាស់សេវាកម្មហិរញ្ញវត្ថុគ្រប់ប្រភេទរបស់ធនាគារ រួមទាំងសេវាកម្មឥណទាន ដែលមានគោលដៅ សម្រាប់ពង្រឹងនិងពង្រីកវិស័យកសិកម្មនៅតាមជនបទ។

លោក អ៊ិន ចាន់នី​បាន​បន្ត​ថា គម្រោងសហហិរញ្ញប្បទានរយៈពេលវែង ដែលទទួលបានពីទីភ្នាក់ងារសហប្រតិបត្តិការអន្តរជាតិជប៉ុន (JICA) និងធនាគារ SMBC ពិតជាមានសារៈសំខាន់យ៉ាងខ្លាំង សម្រាប់ធនាគារ អេស៊ីលីដា ក្នុងការផ្តល់កម្ចីដល់សហគ្រាសខ្នាតតូចបំផុត ខ្នាតតូច និងខ្នាតមធ្យម ដែលមានតម្រូវការឥណទានក្នុងការចាប់ផ្តើមពង្រីកផលិតកម្មកសិកម្ម ដើម្បីបង្កើនប្រាក់ចំណូល៕

The post ធនាគារ អេស៊ីលីដា ទទួល​បាន​ហិរញ្ញប្បនទាន ១៣៥ លាន​ដុល្លារ សម្រាប់ផ្តល់កម្ចីដល់វិស័យកសិកម្ម appeared first on .

ជាមួយគ្នា​នេះ​ប្រាក់​ចំណេញបានចំនួន ១២០,១២២,០៧៤ ដុល្លារ បើធៀបនឹងរយៈពេលដូចគ្នានៅឆ្នាំ ២០២០ បាន​ចំនួន​៩៨,៣៥៦,៤៤៣ ដុល្លារ កើនឡើង ២២ ភាគរយ។

គិតត្រឹមថ្ងៃទី៣០ ខែកញ្ញា ឆ្នាំ២០២១ ធនាគារ អេស៊ីលីដា មានប្រាក់បញ្ញើសរុបបានកើនឡើងចំនួន ៨២៧.៩៨ លានដុល្លារអាមេរិក ហើយសមតុល្យឥណទានសរុបបានកើនឡើងចំនួន ៥៣២.០៩ លានដុល្លារអាមេរិក បើធៀបដំណាច់ឆ្នាំ២០២០។ បើធៀបនឹងដំណាច់ខែកញ្ញា ឆ្នាំ២០២០ ប្រាក់បញ្ញើសរុប​និងសមតុល្យឥណទានសរុប បានកើនឡើងចំនួន ៩១៣.២១ លានដុល្លារអាមេរិក (២០.១៨%) និង ៨៩៤.៧៣លានដុល្លារអាមេរិក (២១.៥៩%) តាមលំដាប់៕

The post រយៈពេល ៩ ខែ ឆ្នាំ២០២១ ធនាគារ​​អេស៊ីលីដា ប្រកាស​​ប្រាក់​ចំណេញ​​កើន ២២ ភាគរយ appeared first on .

ជំនាញ​ដែល​ប្រកាស​ជ្រើសរើស​មាន​ដូចជា៖

១-អ្នកបង្កើតកម្មវិធីកុំព្យូទ័រ (Programmer) ១០នាក់
២-បុគ្គលិកនាយកដ្ឋានគ្រប់គ្រងសេវាកម្មឌីជីថល (Staff of Digital & Customer Experience Division) ១០នាក់
៣-បុគ្គលិកផ្នែកទីផ្សារ (អ្នកច្នៃប្រឌិត និងរចនា) staff of Marketing (Creative & Designer) ចេះភាសាចិន ០១នាក់
៤-ភ្នាក់ងារទីផ្សារ ចេះភាសាចិន អាន សរសេរ និយាយបានល្អ (Marketing Officer) ចំនួន ០១នាក់

ព័ត៌មានបន្ថែមអាចទំនាក់ទំនង​​
លេខទូរសព្ទ៖ 015 800 360 ឬអីម៉ែល៖ hr.rer@acledabank.com.kh

The post ប្រញាប់ឡើង អេស៊ីលីដា​ប្រកាស​ជ្រើសរើស​បុគ្គលិក​ជា​ច្រើននាក់ មានទាំង​អ្នក​ចេះ​ភាសា​ចិន​ទៀត appeared first on .

បុណ្យ​ភ្ជុំបិណ្ឌ​ជា​ពិធី​សាសនា​ដ៏ធំ​​ មាន​ពលរដ្ឋ​និង​ពុទ្ធបរិស័ទ ​ត្រូវ​កាន់​បិណ្ឌតាម​វត្ត ក៏​បង្ការ​ការពារ​សុវត្ថិភាព​មិន​អាច​ប្រហែសបាន។

បណ្តាធនាគារ​ធំៗ​ បាន​ដាក់​ឲ្យ​ដំណើរការ​កម្មវិធី APP ដែលអាច​គ្រប់គ្រង​ការ​ប្រើប្រាស់​សាច់ប្រាក់ ការទូទាត់​ចំណាយ និង​ការ​បង់​ថ្លៃ​សេវា​ផ្សេងៗដែល​ផ្តល់​ភាព​ងាយ​ស្រួល រហ័ស​ទាន់​ចិត្ត និង​មាន​សុវត្ថិភាព​ខ្ពស់​។

ជាក់ស្តែងធនាគារអេស៊ីលីដាបាន​ដាក់​ឲ្យដំណើរការ​កម្មវិធី​អេស៊ីលីដាម៉ូបាល ​ដែលជាប្រព័ន្ឋឌីជីថលដ៏ទំនើប ជួយអ្នកប្រើប្រាស់​​អាច​គ្រប់​គ្រងការ​ចាយ​វាយ​សាច់ប្រាក់ក្នុងពេលកូវីដ។ តាមរយៈ​ទូរសព្ទ អតិថិជនអាចធ្វើការបញ្ចូលទឹកប្រាក់ទូរស័ព្ទ ផ្ទេរប្រាក់ ទូរទាត់ប្រាក់តាមឃ្យូអាកូដ (QR Code) ដកប្រាក់ដោយមិនប្រើកាត (Card less) ដកប្រាក់រហ័ស (Quick Cash)​​​​​​​​​​​​​​​​​​​​​​​​​​​​​​​​ បង់ថ្លៃទឹក ភ្លើង, បង់ពន្ធ, ចែកគ្នាទូទាត់វិក្កយបត្រ (Share Bill), ទារប្រាក់ពីអ្នកជំពាក់, ស្នើសុំប្រាក់កម្ចី, បង់ថ្លៃសាលា ចូលបុណ្យដោយស្កេនជាមួយ QR Code និងបង់ការចំណាយសព្វបែបសព្វយ៉ាង៕

The post បាន​បុណ្យ​ច្រើន​ណាស់ គិត​ពីសុវត្ថិភាព ប្រគេន​ចង្ហាន់​ហើយ​​ ថែមទាំងបាញ់លុយ​ជួយ​កសាង​ថែម​ទៀត appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

អេស៊ីលីដា បន្តសកម្មភាពរបស់ខ្លួនឥតឈប់ឈរជាមួយនិងការ​ជួយ​ជ្រោមជ្រែង​ពី​ស្ថាប័ន​មួយ​ចំនួន​ដូចជា USAID កម្មវិធី​អភិវឌ្ឍន៍​វិស័យ​ឯកជន​តំបន់​ទន្លេ​មេគង្គ (MPDF/IFC) និង​UNDP ខណៈអង្គការក្រៅរដ្ឋាភិបាលមួយនេះទទួល​បាន​អាជ្ញាប័ណ្ណ​ជា​ធនាគារ​ឯកទេស នៅ​ក្នុង​ខែ​តុលា ឆ្នាំ​២០០០ ដែលជាសមិទ្ធផលជោគជ័យថ្មីបន្ថែមទៀត។

បន្ទាប់​ពី​បង្កើន​ដើម​ទុន​របស់​ខ្លួន​មួយ​ទ្វេរ​ជា​បី ឡើង​ដល់ ១៣​លាន​ដុល្លារ​អាមេរិក ធនាគារ​អេស៊ីលីដា បាន​ទទួល​អាជ្ញាប័ណ្ណ​ជា​ធនាគារ​ពាណិជ្ជ នៅ​ថ្ងៃ​ទី​០១ ខែ​ធ្នូ ឆ្នាំ​២០០៣ ហើយ​ត្រូវ​ប្តូរ​ឈ្មោះ​មក​ជា “ធនាគារ អេស៊ីលីដា ភីអិលស៊ី” ។

​នៅឆ្នាំ​២០១៩ ធនាគារ អេស៊ីលីដា ភីអិលស៊ី មាន​ទ្រព្យ​សកម្ម​សរុប ៦.១៧៥ លាន​ដុល្លារ​អាមេរិក ព្រមទាំង​កាន់​កាប់​ទីផ្សារ​បាន​ប្រមាណ ១៤,៣% នៃ​ទំហំ​ទ្រព្យ​សកម្ម​សរុប, ១៤,៨% (សមតុល្យ​ឥណទាន) និង ៤៥,៨% (ចំនួន​អតិថិជន) នៃ​ទំហំ​ទីផ្សារ​ឥណទាន​សរុប, និង ១៦,៥% (សមតុល្យ​ប្រាក់​បញ្ញើ) និង ៤៨,២% (ចំនួន​គណនី) នៃ​ទំហំ​ទីផ្សារ​ប្រាក់​បញ្ញើ​សរុប នៅ​ក្នុង​វិស័យ​ធនាគារ​នៅ​ក្នុង​ប្រទេស​កម្ពុជា (មិន​រាប់​បញ្ចូល​ស្ថាប័ន​មីក្រូហិរញ្ញវត្ថុ និង​អង្គការ​ក្រៅ​រដ្ឋាភិបាល) ។

នេះបើយោងតាមគេហទំព័ររបស់ធនាគារ អេស៊ីលីដា គិតមកដល់ពេលបច្ចុប្បន្ន ធនាគារដែលឈានមុខគេនៅកម្ពុជាមួយនេះ មាន​សមតុល្យ​ឥណទាន​សរុប​ប្រមាណ ៤៣១៥,២៩​លាន​ដុល្លារ​អាមេរិក នៅ​លើ​ដៃ​អតិថិជន​ជាង ៤១៧.៦៦៨​នាក់ ដែល​ក្នុង​នោះ​មាន ៥៥% ជា​ស្ត្រី ។ ធនាគារ​មាន​បុគ្គលិក​សរុប ១២.១៦៦នាក់ កំពុង​បម្រើ​ការងារ​នៅ​ក្នុង ២៦២​សាខា ដែល​គ្របដណ្តប់​គ្រប់​ខេត្ត-​រាជធានី​នៃប្រទេសកម្ពុជា។

សូមជម្រាបជូនលោកអ្នកនាងដែលថា ក្រៅ​ពី​សេវា​ឥណទាន និង​សេវា​បញ្ញើ-សន្សំ ធនាគារ អេស៊ីលីដា មាន​បម្រើ​ជូន​នូវ​សេវា​ផ្ទេរ​ប្រាក់​ក្នុង និង​ក្រៅ​ប្រទេស​តាម​រយៈ Western Union និង SWIFT (សង្គម​ជុំវិញ​ពិភពលោក​សម្រាប់​ទូរគមនាគមន៍​ហិរញ្ញវត្ថុ​អន្តរជាតិ) ។ មិនតែប៉ុណ្ណោះក៏មានសេវាប័ណ្ណ ​សេវា​ឌីជីថល សេវា​ហិរញ្ញប្បទាន​ពាណិជ្ជកម្ម និង សេវា​ចាត់ចែង​សាច់​ប្រាក់ និង​សេវា​ធនាគារ​ដទៃ​ជា​ច្រើន​ទៀត៕ សូមតាមបន្តជាមួយគេហទំព័រឧកញ៉ាញូស៍ នៅពេលបន្ទាប់…….!

The post សាវតាមុនវិវឌ្ឍន៍មកជា “ធនាគារអេស៊ីលីដា” ដែលមាន​ទ្រព្យ​សកម្ម​សរុប ៦.១៧៥ លាន​ដុល្លារ​អាមេរិក appeared first on .