យោងតាមវេបសាយផ្លូវការរបស់ខ្លួននៅដើមខែធ្នូនេះ ធនាគារ ABA មានទ្រព្យសកម្មសរុប ៨.៨ពាន់លានដុល្លារអាមេរិក គិតត្រឹមថ្ងៃទី៣០ ខែវិច្ឆិកា ឆ្នាំ២០២២នេះ ខណៈបច្ចុប្បន្នគ្រប់គ្រងជាង ២.៥ លានគណនី តាមរយៈបណ្ដាញសាខាចំនួន ៨៥សាខា ម៉ាស៊ីនស្វ័យធនាគារជាង ១ពាន់គ្រឿង និងកម្មវិធីធនាគារអនឡាញសម្រាប់អាជីវកម្ម និងធនាគារតាមទូរស័ព្ទដ៏ទំនើប។

ថ្មីៗនេះ ធនាគារ ABA ទទួលបានពានរង្វាន់ដ៏មានកិត្យានុភាព “ធនាគារឆ្នើមបំផុតប្រចាំឆ្នាំ 2022 របស់ប្រទេសកម្ពុជា” ពីទស្សនាវដ្ដីហិរញ្ញវត្ថុ The Banker ដែលជាគ្រឹះស្ថានបោះពុម្ពផ្សាយធនាគារ និងហិរញ្ញវត្ថុរបស់ Financial Times Group នៅទីក្រុងឡុងដ៏ ចក្រភពអង់គ្លេស ជាលើកទី ៥។

ពានរង្វាន់របស់ទស្សនាវដ្ដីហិរញ្ញវត្ថុ The Banker គឺជាស្ដង់ដាគំរូនៅក្នុងវិស័យធនាគារ ពីគ្រឹះស្ថានបោះពុម្ភអន្ដរជាតិលំដាប់ពិភពលោក ដែលមាន វ័យចំណាស់ជាងគេ ហើយ ABA បានទទួលពានរង្វាន់កំពូលរួចមកហើយ កាលពីឆ្នាំ ២០១៤, ២០១៦, ២០១៩ និងឆ្នាំ ២០២១។

សូមបញ្ជាក់ថា The Banker គឺជាធនធានធនាគារ និងហិរញ្ញវត្ថុពិភពលោករបស់ក្រុមហ៊ុន Financial Times Group។ ចាប់ផ្តើមបោះពុម្ពផ្សាយនៅក្នុងឆ្នាំ ១៩២៩ ទស្សនាវដ្តីបានក្លាយជាប្រភពព័ត៌មានអំពីវិស័យធនាគារដ៏មានទំនុកចិត្ត និងអានដោយនាយកប្រតិបត្តិ នាយកហិរញ្ញវត្ថុ ហេរញ្ញិករបស់សាជីវកម្ម ទេសភិបាលធនាគារកណ្តាល និងនិយតករហិរញ្ញវត្ថុនៅជាង ១៨០ប្រទេស ទូទាំងពិភពលោក។

The Banker គឺជាប្រភពដ៏សំខាន់ក្នុងការផ្តល់ទិន្នន័យ និងការវិភាគសម្រាប់វិស័យធនាគារ។ ចំណាត់ថ្នាក់ធនាគារពិភពលោក កំពូលៗ ចំនួន១,០០០ របស់ The Banker ត្រូវបានប្រើប្រាស់ជាស្ដង់ដាតាំងពីឆ្នាំ ១៩៧០ ដោយផ្ដល់ការព័ត៌មានទាក់ទងនឹងទ្រព្យ សម្បត្តិ និងស្ថានភាពនៃ វិស័យធនាគារគ្រប់ជ្រុងជ្រោយ៕

The post ត្រឹមខែវិច្ឆិកាឆ្នាំ២០២២នេះ ABA មានទ្រព្យសកម្មសរុប ៨.៨ពាន់លានដុល្លារ appeared first on .

ជាមួយនឹងការសម្រេចចិត្តទិញមូលបត្របំណុលនេះធ្វើឡើងក្រោយប្រមុខរាជរដ្ឋាភិបាលកម្ពុជា សម្តេច តេជោ ហ៊ុន សែន ក្នុងពេលទៅពិនិត្យមើលវឌ្ឍនភាពសាងសង់គម្រោងព្រលានយន្តហោះអន្តរជាតិតេជោតាខ្មៅ កាលពីថ្ងៃទី ៩ ខែធ្នូ ឆ្នាំ២០២១កន្លងទៅ ។

បើតាមអ្នកឧកញ៉ា ពុង ឃាវសែ បានឱ្យដឹងកន្លងទៅថា ដំណើរការសាងសង់នេះប្រើប្រាស់កម្លាំងបុគ្គលិក និង កម្មករសរុប ៣,៧៤០នាក់ ។ ក្នុងនោះ កម្លាំងបុគ្គលិក និងកម្មករក្នុងស្រុក ៣,១២៥នាក់ ចំណែកឯ ៦១៥នាក់ ទៀតជាបុគ្គលិក និងកម្មករមកពីប្រទេសចំនួន ៩នៅអឺរ៉ុប ។

គួរឱ្យដឹងបន្ថែមថា អាកាសយានដ្ឋានអន្តជាតិក្រុងតាខ្មៅកំពុងដំណើរការសាងសង់យ៉ាងមមាញឹក ខណៈគិតមក ត្រឹមខែមិថុនា ឆ្នាំ២០២២នេះ សម្រេចការសាងសងបានប្រមាណ ៣៣ភាគរយ ហើយគ្រោងនឹងបញ្ជប់ការសាង សង់ដំណាក់កាល ទី ១ នៅក្នុងឆ្នាំ ២០២៤ ហើយដាក់ឱ្យដំណើរការផ្លូវនៅដើមឆ្នាំដើម២០២៥។

សូមបញ្ជាក់ថា «អាកាសយានដ្ឋានអន្តរជាតិតេជោ» ថ្មីនេះសាងសង់ឡើងលើផ្ទៃដីទំហំប្រមាណ ២,៦០០ហិកតា ស្ថិតនៅក្នុងក្រុងតាខ្មៅ និងស្រុកកណ្តាលស្ទឹង ខេត្តកណ្តាល និងដីខ្លះស្ថិតនៅក្នុងស្រុកបាទី ខេត្តតាកែវ។ អាកាសយានដ្ឋានអន្តរជាតិថ្មីនេះ ជាគម្រោងដ៏ធំនៅក្នុងប្រទេសកម្ពុជាដែលបានវិនិយោគក្នុងទឹកប្រាក់ប្រមាណ ១,៥០០លានដុល្លារ ដែលជាគម្រោងវិនិយោគ រវាងក្រុមហ៊ុនសាជីវកម្មវិនិយោគក្រៅប្រទេសកម្ពុជា (OCIC) របស់អ្នកឧកញ៉ា ពុង ឃាវសែ និងក្រុមហ៊ុននៃប្រទេសចិនផងដែរ៕

The post ថ្ងៃទី១៤ខែធ្នូ ឆ្នាំមុន ABA ទិញមូលបត្របំណុលតម្លៃ ៣០លានដុល្លារ សាងសង់ព្រលានយន្តហោះអន្តរជាតិតេជោតាខ្មៅ appeared first on .

តាមរយៈលិខិតមួយទំព័ររបស់សម្តេចតេជោ ហ៊ុន សែន នាយករដ្ឋមន្ត្រី ​​បាន​ថ្លែងអំណរគុណ​ និង​កោតសរសើរ​ដោយ​ស្មោះ​ចំពោះ​​ធនាគារ​ ដែល​បាន​ចូលរួម​ចំណែក​ក្នុង​ការ​បំពេញ​កាតព្វកិច្ច​បង់ពន្ធ​ដារ​ជូន​រដ្ឋ​។​

លិខិតដដែលបានបញ្ជាក់ថា៖ “ABA​ ជា​សហគ្រាស​ជាប់​ចំណាត់ថ្នាក់​លេខ​ 3​ ក្នុង​ចំណោម​អ្នក​បង់ពន្ធ​ច្រើន​ជាងគេ​ និង​ទទួល​បាន​អនុលោម​ភាព​សារពើពន្ធ​ ប្រភេទ​ “​មាស​”​ ពី​អគ្គនាយកដ្ឋាន​ពន្ធដារ​ សម្រាប់​ការ​បង្ហាញ​នូវ​ការ​ប្ដេជ្ញា​ចិត្ត​ដ៏​មោះមុត​ចំពោះ​អនុលោម​ភាព​សារពើពន្ធ​ ។​ ការបំពេញកាតព្វកិច្ចបង់ពន្ធរបស់ធនាគារ ABA គឺជា​ការ​ចូលរួម​ចំណែក​ដែល​មិន​អាច​ខ្វះ​បាន​ពី​វិស័យ​ឯកជន​ដែល​ជា​ដៃគូ​ដ៏​សំខាន់​របស់​រដ្ឋ​ និង​ជា​កម្លាំង​ច​លករ​សម្រាប់​ការ​អភិវឌ្ឍ​ និង​ការ​រីក​លូតលាស់​នៃ​សេដ្ឋកិច្ច​ និង​សង្គម​ជាតិ​កម្ពុជា”។

The post ធនាគារ ABA ជាប់ឈ្មោះជាអ្នកបង់ពន្ធជូនរដ្ឋច្រើនជាងគេទាំង៣ ប្រចាំឆ្នាំ២០២១ appeared first on .

ធនាគារ ABA ជារៀងរាល់ឆ្នាំ តែងតែចូលរួមបរិច្ចាគថវិកាជាមួយកាកបាទក្រហមកម្ពុជាក្នុងឱកាសខួបទី១៥៩ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ហើយក៏តែងតែបានចូលរួមឧបត្ថម្ភ ថវិកាជួយដល់យុទ្ធនាការផ្សេងៗរបស់ប្រមុខរាជរដ្ឋាភិបាល ព្រមទាំងបានចូលរួមជួយ ឧបត្ថម្ភដល់កម្មវិធីសប្បុរសជាច្រើនទៀត។

កាលពីពេលថ្មីៗនេះ ធនាគារ ABA ដែលចុះហត្ថលេខាជាមួយសមាគមគ្រូពេទ្យស្ម័គ្រចិត្តយុវជនសម្ដេចតេជោ(TYDA) ដើម្បីផ្តល់ទឹកប្រាក់ ២០ម៉ឺនដុល្លារ ខណៈទឹកប្រាក់ ១០ម៉ឺនដុល្លារ គឺប្រើប្រាស់ក្នុងរយៈពេល១ឆ្នាំ ដើម្បីចូលរួមចំណែកយ៉ាងសំខាន់ក្នុងសកម្មភាពមនុស្សធម៌ដើម្បីបុព្វហេតុសង្គមជាតិតាមរយៈការចុះពិនិត្យ និងព្យាបាលប្រជាពលរដ្ឋដោយឥតគិតថ្លៃនៅទូទាំងប្រទេស។

មួយផ្នែកទៀត ទឹកប្រាក់ចំនួន ១០ម៉ឺនដុល្លារក្នុងរយៈពេល១ឆ្នាំ ត្រូវបានជូនសមាគមសិស្សនិស្សិតអាហារូបករណ៍ AMT ក្នុងការផ្ដល់ឱកាសឱ្យសិស្ស និស្សិត អាហារូបករណ៍បានសិក្សារៀនសូត្រដើម្បីយកចំណេះដឹង ជំនាញកសាងអនាគតរបស់ពួកគេ៕

The post ទឹកប្រាក់ ២០ម៉ឺនដុល្លារ ធនាគារ ABA ឧបត្ថម្ភជូនកាកបាទក្រហមកម្ពុជា appeared first on .

ថ្លែងនៅក្នុងពិធីចុះអនុស្សារណៈយោគយល់នោះ លោក ហ៊ុន ម៉ាណែត បានស្នើឱ្យធនាគារ ABA ផ្តល់ឱកាសសម្រាប់សិស្ស និស្សិតអាហារូបករណ៍សម្ដេចអគ្គមហាសេនាបតីតេជោ ហ៊ុនសែន និងសម្ដេចកិតិ្តព្រឹទ្ធបណ្ឌិត មានឱកាសចុះធ្វើកម្មសិក្សាសាកល្បងការងារតាមជំនាញរបស់ពួកគេ ដើម្បីផ្ដល់ឱកាសឲ្យសិស្សនិស្សិតមានបទពិសោធន៍ និងការងារជំនាញរបស់ខ្លួនប្រកបដោយសមត្ថភាព និងប្រសិទ្ធភាពខ្ពស់។

លោកថ្លែងថា បើទោះបីជាធនាគារ ABA ជាក្រុមហ៊ុនឯកជនរកប្រាក់ចំណេញក្តី ប៉ុន្តែយើងមានបេសកកម្មសង្គមស្រដៀងគ្នាក្នុងការចូលរួមសកម្មភាពមនុស្សធម៌មនុស្សតាមរយៈការផ្ដល់សេវាសុខភាពជូនប្រជាពលរដ្ឋ។ ការចូលរួមចុះអនុស្សរណៈយោគយល់គ្នានេះបានផ្ដល់លទ្ធភាពឲ្យសមាគម TYDA បញ្ជូនកម្លាំងស្ម័គ្រចិត្តដែលមានជំនាញ ទឹកចិត្ត ឆន្ទ: ដើម្បីផ្ដល់សេវាសុខភាពជូនប្រជាពលរដ្ឋដោយឥតគិតថ្លៃនៅទូទាំងប្រទេស និងបានផ្តល់ក្តីសង្ឃឹម ស្នាមញញឹម និងក្តីសុខរបស់ប្រជាពលរដ្ឋ។

ជាមួយគ្នានេះ លោក ហ៊ុន ម៉ាណែត ក៏បានសូមថ្លែងអរគុណចំពោះធនាគារ ABA ដែលចុះអនុស្សារណៈយោគយល់ជាមួយសមាគម TYDA និងសមាគមសិស្សនិស្សិតអាហារូបករណ៍សម្ដេចអគ្គមហាសេនាបតីតេជោហ៊ុនសែន និងសម្ដេចកិតិ្តព្រឹទ្ធបណ្ឌិត(AMT) និងផ្ដល់ថវិកាចំនួន១០ម៉ឺនដុល្លាសហរដ្ឋអាមេរិកក្នុងរយៈពេល១ឆ្នាំ ដើម្បីចូលរួមចំណែកយ៉ាងសំខាន់ក្នុងសកម្មភាពមនុស្សធម៌ដើម្បីបុព្វហេតុសង្គមជាតិតាមរយៈការចុះពិនិត្យ និងព្យាបាលប្រជាពលរដ្ឋដោយឥតគិតថ្លៃនៅទូទាំងប្រទេស។

លើសពីនេះ ធនាគារ ABA ក៏បានផ្ដល់ថវិកាចំនួន ១០ម៉ឺនដុល្លាសហរដ្ឋអាមេរិក្នុងរយៈពេល១ឆ្នាំជូនសមាគមសិស្សនិស្សិតអាហារូបករណ៍ AMT ក្នុងការផ្ដល់ឱកាសឱ្យសិស្ស និស្សិត អាហារូបករណ៍បានសិក្សារៀនសូត្រដើម្បីយកចំណេះដឹង ជំនាញកសាងអនាគតរបស់ពួកគេ៕

The post លោក ហ៊ុន ម៉ាណែត ស្នើឲ្យ CEO ធនាគារ ABA ផ្តល់ឱកាសសម្រាប់សិស្សនិស្សិតចុះសាកល្បងការងារតាមជំនាញនៅ ABA appeared first on .

ពិធីចុះហត្ថលេខានេះ ធ្វើឡើងរវាងក្រុមហ៊ុន Overseas Cambodian Investment Corporation Ltd (OCIC), Cambodia Airport Investment Co., Ltd (CAIC) និងធនាគារ ABA សម្រាប់ការវិនិយោគទឹកប្រាក់ចំនួន៣០លានដុល្លារអាមេរិក លើសញ្ញាបណ្ណមានបុគ្គលធានារបស់គម្រោងសាងសង់អាកាសយាន្តដ្ឋានតេជោ ក្រោមវត្តមានអ្នកឧកញ៉ា ពុង ឃាវសែ។

ការសម្រេចចិត្តទិញមូលបំណុលតម្លៃ ៣០លានដុល្លារនេះ ធ្វើឡើងបន្ទាប់ពីប្រមុខរាជរដ្ឋាភិបាលកម្ពុជា សម្តេច ហ៊ុន សែន នាយករដ្ឋមន្ត្រី ក្នុងពេលទៅពិនិត្យមើលវឌ្ឍនភាពសាងសង់គម្រោងព្រលានយន្តហោះអន្តរជាតិតេជោតាខ្មៅ កាលពីថ្ងៃទី៩ ខែធ្នូ បានអំពាវនាវដល់គ្រឹះស្ថានធនាគារ និងហិរញ្ញវត្ថុនានា ទាំងក្នុង និងក្រៅប្រទេស ឲ្យជួយទិញសញ្ញាបណ្ណ (មូលបត្របំណុល-Bond) របស់ក្រុមហ៊ុនខេមបូឌា អ៊ែរផត អ៉ិនវេសមិន (CAIC) ដែលសាងសង់អាកាសយានដ្ឋានអន្តរជាតិតេជោ។

បើតាមអ្នកឧកញ៉ា មកដល់ពេលបច្ចុប្បន្ននេះដំណើរការសាងសង់សម្រេចបានប្រមាណ ២៧ភាគរយហើយ នៃគម្រោងទាំងមូល ដោយប្រើប្រាស់កម្លាំងបុគ្គលិក និងកម្មករសរុប ៣,៧៤០នាក់។ ក្នុងនោះកម្លាំងបុគ្គលិក និងកម្មករក្នុងស្រុកប្រមាណ ៣,១២៥នាក់ និងបុគ្គលិក កម្មករមកពីបរទេសមកពីប្រទេសចំនួន៩ នៅអឺរ៉ុប និងអាស៊ីចំនួន ៦១៥នាក់។

«អាកាសយានដ្ឋានអន្តរជាតិតេជោ» ថ្មីនេះសាងសង់ឡើងលើផ្ទៃដីទំហំប្រមាណ ២,៦០០ហិកតា ស្ថិតនៅក្នុងក្រុងតាខ្មៅ និងស្រុកកណ្តាលស្ទឹង ខេត្តកណ្តាល និងដីខ្លះស្ថិតនៅក្នុងស្រុកបាទី ខេត្តតាកែវ។ អាកាសយានដ្ឋានអន្តរជាតិថ្មីនេះ ជាគម្រោងដ៏ធំនៅក្នុងប្រទេសកម្ពុជាដែលបានវិនិយោគក្នុងទឹកប្រាក់ប្រមាណ ១,៥០០លានដុល្លារ ដែលជាគម្រោងវិនិយោគ​រវាងក្រុមហ៊ុនសាជីវកម្មវិនិយោគក្រៅប្រទេសកម្ពុជា (OCIC) របស់អ្នកឧកញ៉ា ពុង ឃាវសែ និងក្រុមហ៊ុននៃប្រទេសចិនផងដែរ៕

The post ធនាគារ ABA សម្រេចទិញមូលបត្របំណុលតម្លៃ ៣០លានដុល្លារ ពីក្រុមហ៊ុនអ្នកឧកញ៉ា ពុង ឃាវសែ សម្រាប់គម្រោងព្រលានយន្តហោះ appeared first on .

បើ​តាម​ការជូនព័ត៌មាន​របស់ធនាគារ​ ABA ទីតាំងថ្មីល្អប្រសើរជាងមុន ផ្តល់ការ​ប្រើប្រាស់សេវាធនាគាររបស់អតិថិជនកាន់តែងាយស្រួល។ សាខាដែលមានកម្ពស់ 8 ជាន់នេះ ស្ថិតនៅរង្វង់មូលតោពីរ តែងតែមាន​មនុស្ស​ម្នាឆ្លងកាត់។

សាខាថ្មី​ដែលទើប​ដាក់​ឲ្យដំណើរការ​នេះដែរ​ មាន​ទីតាំងស្វ័យធនាគារធំជាងមុន និងចំណតធំទូលាយ ដែលផ្តល់​ផាសុកភាពសម្រាប់អតិថិជន​ប្រើប្រាស់ផលិតផល និងសេវាកម្មទំនើបៗរបស់​ធនាគារ ABA៕

The post ABA ប្តូរសាខា​ថ្មី​ ដាក់​ទីតាំង​កាន់តែស្រួលជាងមុន លើអគារកម្ពស់ ៨ ជាន់ appeared first on .

ក្នុង​សេចក្តីប្រកាស​របស់​ព័ត៌មាន​របស់​ធនាគារ​ ការ​បើក​សាខា​ថ្មី​ដំបូង​នៅ​ខេត្ត​ប៉ៃលិន​ ដើម្បីផ្តល់​សេវា​កាន់​តែ​កៀក​ប្រជាពលរដ្ឋ​ ដោយ​មិនចាំបាច់ពិបាកធ្វើដំណើរឆ្ងាយដូចមុនទៀត។ ឥឡូវនេះអតិថិជន​អាចប្រើប្រាស់សេវាធនាគារដ៏ទំនើបបាន​ពេញលេញនៅក្នុងខេត្ត​ផ្ទាល់។

ធនាគារ​ ABA​ គឺជា​គ្រឹះស្ថាន​ហិរញ្ញវត្ថុ​ឯកជន​ឈានមុខ​មួយ​របស់​កម្ពុជា​ ​បង្កើត​ឡើង​ក្នុង​ឆ្នាំ ​១៩៩៦ និង​បច្ចុប្បន្ន​បាន​​ក្លាយជា​ធនាគារ​មួយ​ក្នុង​ចំណោម​ធនាគារពាណិជ្ជ​កំពូល​ទាំង​បី​ នៅ​ក្នុង​ប្រទេស​កម្ពុជា​។​ ជាមួយ​សាខា ៧៩​ កន្លែង​​ សេវា​ធនាគារ​អន​ឡាញ​ និង​ធនាគារ​តាម​ទូរស័ព្ទ​ដ៏​ទំនើប​ ធ្វើ​ឲ្យ​ធនាគារ​ ABA​ អាច​បម្រើ​អតិថិជន​បាន​កាន់តែ​ច្រើន​ឡើងៗ​ជាមួយ​សេវា​ហិរញ្ញវត្ថុ​ដ៏​ទំនើប​សម្បូរ​បែប​៕

The post ABA បើក​​​សាខាថ្មី​ដំបូងនៅខេត្ត​ប៉ៃលិន ផ្តល់​សេវា​កាន់តែ​កៀក​ដល់​ពលរដ្ឋ appeared first on .

ករណី​នេះ​ធនាគារ​មួយ​ចំនួន​ក៏​នឹង​គិត​ថ្លៃ​សេវា​ពី​អតិថិជន ​ដែល​បាន​ផ្ទេរ​ខុស​ដើម្បី​ទទួល​បាន​ទឹកប្រាក់​ត្រឡប់​ទៅ​វិញ។

យ៉ាងណាមិញ ឧកញ៉ា​ញូស៍​នឹង​បង្ហាញ​លេខទូរសព្ទ​​ធនាគារធំ​ ៣ សេវទុកមាន​ធនាគារ ABA ធនាគារ​ Wing និង​ធនាគារ Aceleda សុទ្ធ​តែ​ជា​ធនាគា​រ​ធំ​បំផុត​ដែលមានប្រើ​សេវា​វេរលុយ​មាន​សកម្មភាព​ច្រើន​ជាង​គេ​។

1/ធនាគារ ABA

ធនាគារ​ ABA​ គឺជា​គ្រឹះស្ថាន​ហិរញ្ញវត្ថុ​ឯកជន​ឈានមុខ​មួយ​របស់​កម្ពុជា​​។ សេវា​ធនាគារ​អន​ឡាញ​ និង​ធនាគារ​តាម​ទូរសព្ទ​ដ៏​ទំនើប​ ធ្វើ​ឲ្យ​ធនាគារ​ ABA​ ទទួលការ​គាំទ្រ​​ក្លាយ​ជា​​សេវា​ហិរញ្ញវត្ថុ​ដ៏​ទំនើប​សម្បូរ​បែប។​​

អតិថិជន​មាន​បញ្ហា​បន្ទាន់​ណាមួយ​អាច​ទំនាក់ទំនង​តាម​លេខ​៖ ០23 225 333/០98 203 203 ។

2/ធនាគារ Wing

ធនាគារឯកទេសវីង ទើប​ទទួលបានអាជ្ញាប័ណ្ណជា​ធនាគារពាណិជ្ជពីធនាគារជាតិនៃកម្ពុជា ​ហើយអាជ្ញាប័ណ្ណនេះអនុញ្ញាតឱ្យវីងធ្វើប្រតិបត្តិការជាធនាគារពាណិជ្ជក្រោមឈ្មោះ “ធនាគារ វីង (ខេមបូឌា) ម.ក”។ សេវាកម្មហិរញ្ញវត្ថុបែបឌីជីថលរបស់វីងដែលមានស្រាប់ តាម​រយៈ​ភ្នាក់ងារវីងដែលមានជាង ៩៣០០ កន្លែង និងកម្មវិធីស្មាតហ្វូនវីង ដែល​បង្កើត​បណ្តាញ​វេរលុយ​យ៉ាងទូលំទូលាយទូទាំំងប្រទេស។

អតិថិជន​មាន​បញ្ហា​បន្ទាន់​ណាមួយ​អាច​ទំនាក់ទំនង​តាម​លេខ​៖ ០23 999 989/ 012 999 489

3/ធនាគារ Aceleda

សេវា​ផ្ទេរ​ប្រាក់ គឺ​ជា​សេវា​មួយ​ដែល​ធនាគារ​​ Aceleda អនុញ្ញាតឱ្យ​អតិថិជន ធ្វើ​ការ​ផ្ទេរ ឬ​ទទួល​ប្រាក់​ទូទាំង​ប្រទេស និង​ផ្ទេរ ឬ​ទទួល​ប្រាក់​ក្រៅ​ប្រទេស ។ បច្ចុប្បន្ន​នេះ​ធនាគារ​អេស៊ីលីដា មាន​បម្រើ​សេវា​ផ្ទេរ​ប្រាក់​ដូច​ខាង​ក្រោម ៖

• សេវា​ផ្ទេរ​ប្រាក់​ក្នុង​ស្រុក
• សេវា​ផ្ទេរ​ប្រាក់​ក្រៅ​ប្រទេស​តាម​រយៈ​ប្រព័ន្ធ SWIFT
• សេវា​ផ្ទេរ​ប្រាក់​ក្រៅ​ប្រទេស​តាម​រយៈ វ៉េសស្ទឺន យូញៀន

អតិថិជន​មាន​បញ្ហា​បន្ទាន់​ណាមួយ​ អាច​ទំនាក់ទំនង​តាម​លេខ​៖ ០២៣ ៩៩៤ ៤៤៤/015 999 233

The post សេវ​លេខ​ធនាគារ​ធំ ៣ នេះទុក ការពារ​​វេរលុយ​ខុស​កុង​ ប្រញាប់ខល​ទាក់ទង​បន្ទាន់ appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព!

​អត្ថបទ​មួយ​នេះ ឧកញ៉ាញូវស៍​សូម​លើក​បង្ហាញ​ពី​ប្រវត្តិ​ត្រួសៗ​នៃ​ធនាគារ​ឯកជន​កំពូល​ទាំង ៥ ដែល​កំពុង​មាន​សក្ដានុពល​បំផុត​នៅ​ប្រទេស​កម្ពុជា​ដូច​តទៅ៖

ធនាគារ​អេស៊ីលីដា

ធនាគារ ACLEDA Bank Plc បង្កើត​ឡើង​នៅ​ក្នុង​ឆ្នាំ ១៩៩៣ ដែល​មាន​ទីតាំង​កណ្ដាល​នៅ​ទីក្រុង​ភ្នំពេញ និង​មាន​ ២៦១ សាខា​ទូទាំង​ប្រទេស​ ហើយ​ថែម​ទាំង​មាន​ ៤២ សាខា​នៅ​ប្រទេស​ឡាវ និង ៧​ថែមទៀត​នៅ​ប្រទេស​មីយ៉ាន់ម៉ា​។ ធនាគារ​អេស៊ីលីដា ត្រូវ​បាន​ចាត់ទុក​ជា​ធនាគារ​ធំ​ជាង​គេ​នៅ​កម្ពុជា​ បើ​គិត​ទៅ​លើ​ចំនួន​អតិថិជន និង​ស្ថិតិ​ទ្រព្យសម្បត្តិ​សរុប។
-ប្រាក់ចំណូល​គិត​ត្រឹម​ឆ្នាំ ២០២០៖ ៤០៥,៩៦ លាន​ដុល្លារ
-​ប្រាក់ចំណេញ​គិត​ត្រឹម​ឆ្នាំ​២០២០៖ ១៤១,៥ លាន​ដុល្លារ
-ទ្រព្យសម្បត្តិ​សរុប​២០២០៖ ៦,៥៥ ពាន់​លាន​ដុល្លារ

ធនាគារ​កាណាឌីយ៉ា

ជា​ធនាគារ​ធំ​បំផុត​មួយ​ប្រចាំ​ប្រទេស ដែល​មាន​ទំហំ​ទីផ្សារ​នៃ​ប្រាក់​បញ្ញើ និង​ប្រាក់​កម្ចី​ច្រើន​បំផុត។ ធនាគារ​មួយ​នេះ​មាន​ទីតាំង​កណ្ដាល​នៅ​ទីក្រុង​ភ្នំពេញ និង​មាន ៥៧ សាខា​ទូទាំង​ប្រទេស បង្កើត​ឡើង​ក្នុង​ឆ្នាំ ១៩៩១ ដែល​គ្រានោះ​មាន​ឈ្មោះ Canadia Gold & Trust Corporation Ltd។ ២ ឆ្នាំ​បន្ទាប់​ប្ដូរ​ឈ្មោះ​ទៅ​ជា​ធនាគារ Canadia Bank Ltd., និង​នៅ​ឆ្នាំ ២០០៣ ប្ដូរ​ទៅ​ជា ធនាគារ​ Canadia Bank Plc រហូត​មក​ទល់​សព្វថ្ងៃ​។
-ប្រាក់ចំណូល​គិត​ត្រឹម​ឆ្នាំ ២០១៩៖ ២១៧,២ លាន​ដុល្លារ
​-ប្រាក់ចំណេញ​គិត​ត្រឹម​ឆ្នាំ​២០១៩៖ ១២២,៦ លាន​ដុល្លារ
-ទ្រព្យសម្បត្តិ​សរុប​២០១៩៖ ៦,៥៥ ពាន់​លាន​ដុល្លារ

ធនាគារ ABA Bank

ជា​ធនាគារ​លេចធ្លោ​លើ​ការ​ប្រើប្រាស់​បច្ចេកវិទ្យាឈាន​មុខ​គេ​​ ដែល​ផ្ដល់​នូវ​សេវាកម្ម​រហ័ស​ទាន់​ចិត្ត​ដល់​អតិថិជន​។ ​ធនាគារ​ ABA​បង្កើត​ឡើង​នៅឆ្នាំ ១៩៩៦ ដែល​កាល​នោះ​មាន​ឈ្មោះ Advanced Bank of Asia Limited។
-ប្រាក់ចំណូល​គិត​ត្រឹម​ឆ្នាំ ២០១៩៖ ២១២,៤ លាន​ដុល្លារ
​-ប្រាក់ចំណេញ​គិត​ត្រឹម​ឆ្នាំ​២០១៩៖ ១២៧,៤ លាន​ដុល្លារ
-ទ្រព្យសម្បត្តិ​សរុប​២០១៩៖ ៤,៣៩ ពាន់​លាន​ដុល្លារ

ធនាគារ​ពាណិជ្ជកម្ម​ក្រៅប្រទេស​នៃ​កម្ពុជា

Foreign Trade Bank of Cambodia ឬ​គេ​និយម​ហៅ​កាត់ FTB គឺ​ជា​ធនាគារ​មាន​វ័យ​ចំណាស់​ជាងគេ​នៅ​កម្ពុជា​ ពោល​គឺ​បាន​បង្កើត​ឡើង​តាំង​ពី​ឆ្នាំ ១៩៧៩ ហើយ​ឈរ​ជើង​មាន​ឈ្មោះ​បោះ​សំឡេង​ដល់​សព្វថ្ងៃ។
-ប្រាក់ចំណូល​គិត​ត្រឹម​ឆ្នាំ ២០១៩៖ ៣៧,៤៥ លាន​ដុល្លារ
​-ប្រាក់ចំណេញ​គិត​ត្រឹម​ឆ្នាំ​២០១៩៖ ២៥ លាន​ដុល្លារ
-ទ្រព្យសម្បត្តិ​សរុប​២០១៩៖ ១,៤៩ ពាន់​លាន​ដុល្លារ

ធនាគារ J Trust Royal Bank

កាលពី​ដើម​ឡើយ​វា​មាន​ឈ្មោះ​ថា ANZ Royal Bank ដែល​បាន​បង្កើត​ឡើង​ក្នុង​ឆ្នាំ ២០០៥ តែ​ក្រោយ​មក​នៅ​ខែ​សីហា ២០១៩ ក៏​បាន​ប្ដូរ​ឈ្មោះ​ទៅជា​ធនាគារ J Trust Royal និង​ដំណើរការ​ជា​ក្រុមហ៊ុន​បុត្រ​សម្ព័ន្ធ​របស់​ក្រុមហ៊ុន J Trust Co., Ltd។
-ប្រាក់ចំណូល​គិត​ត្រឹម​ឆ្នាំ ២០១៦៖ ៤៧,៤៤ លាន​ដុល្លារ
​-ប្រាក់ចំណេញ​គិត​ត្រឹម​ឆ្នាំ​២០១៦៖ ២១,០៣ លាន​ដុល្លារ
-ទ្រព្យសម្បត្តិ​សរុប​២០១៦៖ ១,០៤ ពាន់​លាន​ដុល្លារ៕

ប្រភព: corporatefinanceinstitute

The post ​ណែនាំ​ឲ្យ​ស្គាល់​ធនាគារ​ឯកជន​កំពូលទាំង ៥ ​នៅ​ស្រុក​ខ្មែរ​ មាន​មួយ​បង្កើត​តាំង​ពី​ឆ្នាំ​១៩៧៩ appeared first on .