លោក Nikhil Ravishankar នាយកប្រតិបត្តិក្រុមហ៊ុន Air New Zealand បាននិយាយថា ប្រហែល ៥% នៃជើងហោះហើររបស់ខ្លួននឹងត្រូវលុបចោល ដោយនឹងធ្វើឲ្យប៉ះពាល់ដល់អ្នកដំណើរចំនួន ៤៤ ០០០ នាក់។

លោក Ravishankar បាននិយាយទៀតថា ជើងហោះហើរដែលត្រូវបានលុបចោលភាគច្រើនស្ថិតនៅលើផ្លូវហោះហើរក្នុងស្រុក នៅក្នុងប្រទេសនូវែលសេឡង់ ប៉ុន្តែក៏នឹងរួមបញ្ចូលជើងហោះហើរអន្តរជាតិមួយចំនួនផងដែរ។

លោក Ravishankar បានលើកឡើងទៀតថា ៖”ជាមួយនឹងការប្រែប្រួលមិនធ្លាប់មានពីមុនមកនៃតម្លៃប្រេងឥន្ធនៈយន្តហោះដោយសារតែជម្លោះនៅមជ្ឈិមបូព៌ា ក្រុមហ៊ុនអាកាសចរណ៍នៅជុំវិញពិភពលោកកំពុងកែសម្រួលតម្លៃសំបុត្រយន្តហោះ និងកាលវិភាគរបស់ពួកគេ ដើម្បីជួយគ្រប់គ្រងផលប៉ះពាល់នៃការចំណាយដែលកើនឡើងគួរឲ្យកត់សម្គាល់ទាំងនេះ”។

ជម្រាបជូនផងដែរថា ប្រេងឥន្ធនៈយន្តហោះជាធម្មតាមានតម្លៃប្រហែល ៨៥ដុល្លារក្នុងមួយបារ៉ែល ប៉ុន្តែតម្លៃឥឡូវនេះបានកើនឡើងទ្វេដង។ ការ​លុប​ចោល​ជើងហោះហើរ​ទាំងនេះ នឹង​ជួយ​រក្សា​ការ​ហោះហើរ​ឲ្យ​មាន​តម្លៃ​សមរម្យ​តាម​ដែល​អាច​ធ្វើ​ទៅ​បាន និង​ធានា​ថា​ក្រុមហ៊ុន​នៅតែមាន​ប្រេងឥន្ធនៈគ្រប់គ្រាន់សម្រាប់ផ្គត់ផ្គង់រយៈពេលវែង៕​

The post អាកាសចរណ៍នូវែលសេឡង់ កាត់បន្ថយជើងហោះហើរជាង ១ ពាន់ជើង ក្រោយតម្លៃប្រេងសាំងឡើងថ្លៃខ្លាំង appeared first on .

គួរឲ្យដឹងថា កាលពីខែមេសា រដ្ឋាភិបាននូវែលសេឡង់ បានបន្ធូរបន្ថយច្បាប់ទៅលើទិដ្ឋការស្នាក់នៅរបស់ជនបរទេស សម្រាប់ការវិនិយោគ ដោយក្នុងនោះរាប់បញ្ចូលទាំងការបន្ថយមូលនិធិដែលត្រូវការ សម្រាប់ការវិនិយោគពី ១៥លានដុល្លារនូវែលសេឡង់ មកនៅត្រឹម ៥លានដុល្លារនូវែលសេឡង់ និងដកតម្រូវការភាសាអង់គ្លេស ចេញផងដែរ។

ប៉ុន្តែទោះជាយ៉ាងណាក៏ដោយ ជនបរទេសដែលមានទិដ្ឋាការដែលមិនស្ថិតនៅក្នុងប្រទេសនូវែលសេឡង់រយៈពេល ៦ខែ ក្នងមួយឆ្នាំទេនោះ នៅតែមិនអាចមានសិទ្ធិទិញអចលនទ្រព្យបាននោះឡើយ។

យ៉ាងណាមិញ លោក Luxon បាននិយាយនៅក្នុងសេចក្តីថ្លែងការណ៍មួយថា ៖” រដ្ឋាភិបាលនឹងធ្វើការផ្លាស់ប្តូរដើម្បីអនុញ្ញាតឲ្យអ្នកដែលមានទិដ្ឋាការ អាចទិញ ឬសាងសង់ផ្ទះនៅបាន។ ហើយអចលនទ្រព្យទាំងនោះ ត្រូវតែមានតម្លៃយ៉ាងហោចណាស់ ៥លានដុល្លារនូវែលសេឡង់”។

“ការផ្លាស់ប្តូរនេះ គឺជាការបង្ហាញផ្លូវថ្មីមួយ ចំពោះអ្នកដែលចង់បានភាពជាម្ចាស់ និងមានបំណងដើម្បីទាក់ទាញអ្នកវិនិយោគដែលមានទ្រព្យសម្បត្តិច្រើន ដោយធ្វើឱ្យទំនាក់ទំនងរបស់ពួកគេកាន់តែស៊ីជម្រៅ ជាមួយប្រទេសរបស់យើង និងជួយឲ្យសេដ្ឋកិច្ចជាតិយើងរីកចម្រើន” នេះបើតាមការបញ្ជាក់បន្ថែមពីលោក Luxon៕​

The post នូវែលសេឡង់ នឹងអនុញ្ញាតឲ្យជនបរទេសមានទ្រព្យសម្បត្តិ អាចទិញផ្ទះនៅបាន appeared first on .

នាយករដ្ឋមន្ត្រីនូវែលសេឡង់ លោក Christopher Luxon បាននិយាយនៅថ្ងៃទី៦ ខែឧសភានេះថា ៖”វាដល់ពេលហើយសម្រាប់ប្រទេសនូវែលសេឡង់ ក្នុងការរទទួលស្គាល់ថា បើទោះបីជាប្រព័ន្ធផ្សព្វផ្សាយសង្គមអាចប្រភពដ៏ល្អមួយក៏ដោយ ប៉ុន្តែវានឹងមិនមែនជាកន្លែងសុវត្ថិភាពសម្រាប់យុវវ័យនោះឡើយ”។

យ៉ាងណាមិញ​ ប្រសិនបើច្បាប់ថ្មីនេះត្រូវបានអនុម័ត នោះក្រុមហ៊ុនប្រព័ន្ធផ្សព្វផ្សាយសង្គមទាំងអស់ដែលប្រតិបត្តិការ នៅក្នុងប្រទេសនូវែលសេឡង់ និងត្រូវផ្ទៀងផ្ទាត់អាយុរបស់អ្នកប្រើប្រាស់ ហើយនឹងមិនអនុញ្ញាតឲ្យមានការបង្កើតគណនីសម្រាប់មនុស្សដែលមានអាយុ ក្រោម ១៦ឆ្នាំនោះឡើយ។ ហើយប្រសិនបើក្រុមហ៊ុនណាមួយហ៊ានបំពានច្បាប់ អាចប្រឈមមុខនឹងការផាកពិន័យជាទឹកប្រាក់ប្រមាណ ១,២លានដុល្លារ។

មិនតែប៉ុណ្ណោះ លោក Luxon បានសង្កត់ធ្ងន់ទៀតថា ៖”យើងត្រូវតែប្រកាន់យកវេទិកាទាំងនេះ ដោយការទទួលខុសត្រូវចំពោះការការពារកុមារ ដែលស្ថិតក្នុងចំណោមអ្នកដែលងាយរងគ្រោះបំផុតនៅក្នុងសង្គម ពីខ្លឹមសារដែលបង្កគ្រោះថ្នាក់ អំពើហិង្សាតាមអ៊ីនធឺណិត និងការរំលោភបំពាន។ ក្នុងនាមជាឪពុក ម្តាយ ខ្ញុំដឹងច្បាស់ថា យើងត្រូវតែធ្វើអ្វីបន្ថែមទៀតដើម្បីការពារកូនៗរបស់យើងពីគ្រោះថ្នាក់គ្រប់ប្រភេទ។ យើងមានវិធានការណ៍ដើម្បីការពារកុមារនៅក្នុងពិភពពិត ប៉ុន្តែយើងមិនបានធ្វើអ្វីគ្រប់គ្រាន់ដើម្បីការពារកុមារនៅក្នុងពិភពនិម្មិតនោះឡើយ។ ហើយនេះជាអ្វីដែលត្រូវតែផ្លាស់ប្តូរ”។

ជម្រាបជូនផងដែរថា វាហាក់នៅមិនទាន់ត្រូវបានគេដឹងច្បាស់នៅឡើយទេថា ច្បាប់ថ្មីនេះ នឹងត្រូវចូលជាធរមាននៅពេលណា ខណ:ពេលដែលលោក Luxon បានបង្ហាញក្តីរំពឹងទុកខ្ពស់ថា ច្បាប់នេះ នឹងទទួលបានការគាំទ្រយ៉ាងខ្លាំងពីសមាជិកសភានូវែលសេឡង់ទាំងអស់៕

The post នូវែលសេឡង់ ពិចារណាហាមឃាត់ក្មេងអាយុក្រោម ១៦ឆ្នាំ ពីការប្រើប្រាស់បណ្តាញសង្គម appeared first on .

ទិន្នន័យដែលបានចេញផ្សាយដោយស្ថិតិផ្លូវការរបស់នូវែលសេឡង់ កាលពីថ្ងៃអង្គារ បានបង្ហាញថាមនុស្សជាង ១៣ ម៉ឺននាក់ បានចាកចេញពីប្រទេសនូវែលសេឡង់ ក្នុងឆ្នាំដែលបានបិទបញ្ចប់កាលពីខែមិថុនា ឆ្នាំ២០២៤ ដែលនេះជាតួលេខខ្ពស់បំផុតក្នុងប្រវត្តិសាស្រ្ត ខណ:ប្រហែលមួយភាគបីនៃចំនួនទាំងនេះគឺបានធ្វើដំណើរទៅកាន់ប្រទេសអូស្ត្រាលី។

គួរឲ្យដឹងថា ចំនួនអ្នកចំណាកស្រុក បើធៀបទៅនឹងចំនួនអ្នកចូលមកកាន់ប្រទេសវិញ នៅតែមានកម្រិតខ្ពស់ ព្រោះតែចំនួនជនបរទេសដែលចង់មករស់នៅប្រទេសនូវែលសេឡង់ បានធ្លាក់ចុះយ៉ាងខ្លាំង ដោយសារតែសេដ្ឋកិច្ចមានភាពទន់ខ្សោយ។

ជម្រាបជូនថា សេដ្ឋកិច្ចរបស់ប្រទេសនូវែលសេឡង់ កំពុងជួបបញ្ហាជាច្រើន បន្ទាប់ពីធនាគារកណ្តាល បានដំឡើងអត្រាការប្រាក់ដល់ ៥២១ ពិន្ទុ ពីអត្រាមូលដ្ឋាន នៅក្នុងការរឹតបន្តឹងដ៏ខ្លាំងក្លាបំផុត ចាប់តាំងពីអត្រាការប្រាក់ជាផ្លូវការត្រូវបានណែនាំជាលើកដំបូងក្នុងឆ្នាំ១៩៩៩។ ទន្ទឹមនឹងនេះ កំណើនសេដ្ឋកិច្ចប្រចាំឆ្នាំមានកម្រិតត្រឹមតែ ០,២% ប៉ុណ្ណោះនៅក្នុងត្រីមាសទីមួយ ខណ:អត្រាអត់ការងារធ្វើបានកើនឡើងដល់ ៤,៧% នៅក្នុងត្រីមាសទី២ និងអត្រាអតិផរណានៅតែកម្រិតខ្ពស់ ៣,៣% ៕

The post ពលរដ្ឋនូវែលសេឡង់ នាំគ្នាសម្រុកចាកចេញពីប្រទេស ដោយសារអត្រាអត់ការងារធ្វើកើនឡើង appeared first on .

ដំណើរមកដល់របស់លោក Li ត្រូវបានស្វាគមន៍តាមបែបប្រពៃណី និងកក់ក្ដៅបំផុត ដោយមាននាយករដ្ឋមន្ត្រី លោក Christopher Luxon និងអគ្គទេសាភិបាល លោកស្រី Cindy Kiro រង់ចាំទទួលលោកនៅក្នុងរដ្ឋធានី Wellington។

ចុះដល់ដីនូវែលសេឡង់ភ្លាម នាយករដ្ឋមន្ត្រីចិនក៏បានប្រាប់ពីគោលបំណងនៃដំណើរទស្សនកិច្ចសារនេះ ដោយបាននិយាយថា៖ ការបំពេញទស្សនកិច្ចរបស់ខ្ញុំលើកនេះ គឺដើម្បីពង្រឹងទំនាក់ទំនងរបស់យើងឡើងវិញ ជំរុញកិច្ចសហប្រតិបត្តិការ ដែលមានផលប្រយោជន៍ទៅវិញទៅមក និងជំរុញការអភិវឌ្ឍន៍រួមនៃប្រទេសទាំងពីរ។

សូមជម្រាបដែរថា លោក Li Qiang នឹងបំពេញទស្សនកិច្ចនៅប្រទេសនូវែលសេឡង់ រយៈពេល ២ថ្ងៃ រួចហើយនឹងបន្តដំណើរទស្សនកិច្ចទៅកាន់ប្រទេសអូស្ត្រាលី ដែលលោកនឹងចំណាយពេលនៅទីនោះរយៈពេល ៤ថ្ងៃបន្ថែមទៀត៕

The post នាយករដ្ឋមន្ត្រីចិន ធ្វើដំណើរទៅដល់ប្រទេសនូវែលសេឡង់ សម្រាប់ដំណើរទស្សនកិច្ចដ៏កម្រ appeared first on .

ដំណើរទស្សនកិច្ចមួយនេះធ្វើឡើងក្នុងគោលបំណង បង្កើនទំនាក់ទំនងពាណិជ្ជកម្មរវាង​នូវែលសេឡង់ ជាមួយមហាអំណាចសេដ្ឋកិច្ចធំបំផុតទី ២ លើលោក ដ្បិត​ចំណូលបានពីការ​នាំចេញ​របស់​ប្រទេសលោកខាងលិចមួយនេះ ប្រហែល ១/៤ គឺបានមកពី​ប្រទេសចិន ដែលមានន័យថា នូវែលសេឡង់​ពឹងផ្អែកលើ​មហាអំណាចអាស៊ីជាខ្លាំង។

នាយករដ្ឋមន្ត្រី Hipkins ក៏បាន​និយាយជាមួយ​លោក ស៊ី ជិនពីង អំពីការពង្រឹងទំនាក់ទំនង​ទ្វេភាគី​លើ​វិស័យនានា ដូចជា ពាណិជ្ជកម្ម ការអប់រំ វិទ្យាសាស្ត្រ និងនវានុវត្តន៍ កសិកម្ម និងទេសចរណ៍ជាដើម។

ជាការឆ្លើយតប ប្រធានាធិបតីចិនបានប្រាប់ទៅកាន់លោក Hipkins ថា ទំនាក់ទំនងទ្វេភាគីបាន “បន្តអភិវឌ្ឍប្រកបដោយសុខុមាលភាព និងស្ថិរភាព ថែមទាំងនាំមកនូវផលប្រយោជន៍ជាក់ស្តែងដល់ប្រជាជនទាំងសងខាង”។

បន្ថែមពីនោះ ថ្នាក់ដឹកនាំកំពូលចិនក៏បានលើកឡើងទៀតថា ភាគីទាំងពីរគួរតែធ្វើការរួមគ្នាដើម្បី “ជំរុញការអភិវឌ្ឍន៍ប្រកបដោយស្ថិរភាព និងយូរអង្វែង នៃទំនាក់ទំនងភាពជាដៃគូយុទ្ធសាស្ត្រគ្រប់ជ្រុងជ្រោយចិន-នូវែលសេឡង់”៕

The post នាយករដ្ឋមន្ត្រីនូវែលសេឡង់ ជួបជាមួយប្រធានាធិបតីចិន ពង្រឹងទំនាក់ទំនងទ្វេភាគី appeared first on .

យោងតាម​ការចុះផ្សាយពី CNA បានឲ្យដឹងថា លោក Hipkins នឹងជួប​ពិភាក្សា​ការងារ​ជាមួយ​ប្រធានាធិបតីចិន ស៊ី ជិនពីង ទន្ទឹមនឹងនោះក៏នឹងជួបជាមួយនាយករដ្ឋមន្ត្រី លោក Li Qiang និងជួបប្រធានគណៈកម្មាធិការអចិន្ត្រៃយ៍ នៃសភាប្រជាជនជាតិ លោក Zhao Leji ក្នុងអំឡុងពេលទស្សនកិច្ចនាទីក្រុងប៉េកាំង។

នាយករដ្ឋមន្ត្រីថ្មីនូវែលសេឡង់រូបនេះបាននិយាយបន្តថា៖ ​ខ្ញុំទន្ទឹងរង់ចាំជួបជាមួយថ្នាក់ដឹកនាំរបស់ប្រទេសចិន តាមរយៈកិច្ចប្រជុំទ្វេភាគីនានា ក្រោមប្រធានបទដូចជា ការប្រែប្រួលអាកាសធាតុ ស្ថិរភាពសេដ្ឋកិច្ច សន្តិសុខក្នុងតំបន់ និងពិភពលោក សិទ្ធិមនុស្ស ខណៈបញ្ហាសង្រ្គាមនៅអ៊ុយក្រែន ក៏នឹងត្រូវយកមកជជែកគ្នាដែរ។

សូមជម្រាបជូនដែរថា ប្រទេសចិនគឺជាទីផ្សារនាំចេញធំបំផុត​របស់​នូវែលសេឡង់ ពោល​កាលពីឆ្នាំ ២០២២ ពួកគេបាន​នាំទំនិញទៅកាន់​មហាអំណាចសេដ្ឋកិច្ចទី ២ លើ​លោក ប្រហែល ២០ពាន់លានដុល្លារ៕

The post នាយករដ្ឋមន្ត្រីថ្មីនូវែលសេឡង់ នឹងនាំវិនិយោគិនរបស់ខ្លួនបំពេញទស្សនកិច្ចទៅចិន ជួបលោក ស៊ី ជិនពីង appeared first on .

ក្រៅពីការ​ផ្លាស់ប្តូរយោបល់ និងពិភាក្សាលើវឌ្ឍន​ភាពនៃ​កិច្ចសហប្រតិបត្តិការ​វិស័យសេដ្ឋកិច្ច-ពាណិជ្ជកម្មក្រោមក្របខ័ណ្ឌតំបន់ជាមួយគ្នា ក្នុងជំនួបនោះ លោក ប៉ាន សូរស័ក្ដិ រដ្ឋមន្រ្ដីក្រសួង​ពាណិជ្ជកម្ម និង​ក្នុងនាមជា​ប្រធាន​​នៃកិច្ចប្រជុំរដ្ឋមន្រ្តីសេដ្ឋកិច្ចអាស៊ាន ក៏បានជម្រាបជូនលោកអនុរដ្ឋមន្ត្រីពាណិជ្ជកម្ម និងនាំចេញនៃប្រទេសនូវែល​សេ​ឡង់ អំពី​វឌ្ឍនភា​ព​នៃការចរចាលើការ​ធ្វើឱ្យ​ប្រសើរ​ឡើងនៃកិច្ចព្រមព្រៀងតំបន់ពាណិជ្ជកម្មសេរីអាស៊ាន-អូស្ត្រាលី-នូវែលហ្សេឡង់ (AAN​​ZF​TA Upgrade) ដែលជាសមិទ្ធផលអាទិភាពសេដ្ឋកិច្ច (Priority Economic Delivera​ble) មួយក្នុងចំណោមសមិទ្ធផលអាទិភាពសេដ្ឋកិច្ចដទៃទៀត​របស់កម្ពុជា សម្រាប់ឆ្នាំ២០២២ ដែលស្ថិតក្រោមគោលដៅយុទ្ធសាស្ត្រគន្លឹះទី៤ ស្តីពីសាក​លភា​វូបនីយកម្មអា​ស៊ាន​ដើម្បី​ភាពរី​ក​ចម្រើន និងអភិវឌ្ឍន៍។

បន្ថែមពីនេះ លោករដ្ឋមន្រ្ដី ក៏បានលើឡើងពីការជំរុញ និងពន្លឿនការចរចាលើបញ្ហាដែល​នៅសេស​​សល់ ដើម្បីបញ្ចប់ការចរចា ក្នុងគោលបំណងធ្វើឱ្យប្រសើរឡើងនៃកិច្ច​ព្រមព្រៀង​តំបន់​ពាណិជ្ជកម្មសេរី AANZFTA ឱ្យស្របតាមពេលវេលាកំណត់ ក្នុងឆ្នាំ២០២២។

លោករដ្ឋមន្រ្ដី ក៏បានជម្រាបដល់ភាគីនូវែលសេឡង់ អំពីវឌ្ឍនភាពនៃដំណើរការផ្តល់សច្ចាប័ន​លើកិច្ចព្រមព្រៀងគ្រប់ជ្រុងជ្រោយតំបន់ (RCEP) របស់រដ្ឋសមាជិកអាស៊ានដែល​កំពុងបំពេញ​នីតិវិធីក្នុងស្រុក ដើម្បីឱ្យកិច្ចព្រមព្រៀងនេះ អាចចូលជាធរមានបានពេញលេញ ដែលការចូល​ជាធរមាននេះ គឺជាសមិទ្ធផលអាទិភាពសេដ្ឋកិច្ចមួយក្រោមភាពជា​ប្រធានអាស៊ាន​របស់កម្ពុជា សម្រាប់ឆ្នាំ២០២២នេះផងដែរ។

ជាការឆ្លើយតប លោក Phil Twyford អនុរដ្ឋមន្ត្រីពាណិជ្ជកម្ម និងនាំចេញ នៃប្រទេសនូវែល​សេ​ឡង់ បានបង្ហាញការកោតសរសើរ និងវាយតម្លៃខ្ពស់ចំពោះសមិទ្ធផលអាទិភាពសេដ្ឋកិច្ច​កម្ពុជាដែលបានស្នើឡើង និងបានឆ្លុះបញ្ចាំងអំពីការឆ្លើយតបទៅនឹងការវិវត្តសកល ហើយចាត់​ទុកការបញ្ចប់ការចរចាធ្វើឱ្យប្រសើរឡើងនៃកិច្ចព្រមព្រៀងតំបន់ពាណិជ្ជកម្មសេរី AANZFTA ជាកិច្ចការអាទិភាពសម្រាប់កិច្ចសហប្រតិបត្តិការរវាងអាស៊ាន និងភាគីហត្ថលេខី ក្នុងឆ្នាំ​២០២២។

ទន្ទឹមនឹងនេះ លោកអនុរដ្ឋមន្ត្រី ក៏បានបញ្ជាក់ពីការបន្តគាំទ្ររបស់នូវែលសេឡង់ចំពោះកម្ពុជា ក្នុងនាមជាប្រធានអាស៊ានឆ្លាស់វេនឆ្នាំ២០២២ និងប្តេជ្ញាបន្តកិច្ចសហការយ៉ាងជិតស្និទ្ធ​ជាមួយ​កម្ពុជា សំដៅអាចសម្រេចបាននូវសមិទ្ធផលអាទិភាពកម្ពុជាប្រកបដោយជោគជ័យ ដើម្បី​កសាង​សហគមន៍អាស៊ាន និងការអភិវឌ្ឍសេដ្ឋកិច្ចតំបន់ប្រកបដោយបរិយាប័ន្ន ចីរភាព និងភាព​ធន់រឹងមាំ ៕ អត្ថបទ៖ ពុធិកា

The post កម្ពុជា និងនូវែលសេឡង់ ប្តេជ្ញាបន្តជំរុញវិស័យពាណិ​ជ្ជកម្ម​ទ្វេភាគី និង​ជំរុញ​កំណើន​វិនិយោគបន្ថែម​ទៀត appeared first on .