រដ្ឋមន្ត្រីសម្របសម្រួលកិច្ចការសេដ្ឋកិច្ចឥណ្ឌូណេស៊ី លោក Airlangga Hartarto បាននិយាយកាលពីថ្ងៃទី៨ ខែសីហាកន្លងទៅថា កិច្ចសហប្រតិបត្តិការនេះ ត្រូវបានគូសបញ្ជាក់ នៅក្នុងផែនការសកម្មភាពដៃគូគ្រប់ជ្រុងជ្រោយឥណ្ឌូណេស៊ី-នូវែលហ្សេឡង់ ឆ្នាំ២០២៥-២០២៩។

លោក Hartarto បានបញ្ជាក់ទៀតថា កិច្ចសហប្រតិបត្តិការពាណិជ្ជកម្មស្ថិតនៅក្នុងចំណោមប្រធានបទដែលបានពិភាក្សាជាមួយរដ្ឋមន្ត្រីពាណិជ្ជកម្ម និងការវិនិយោគនូវែលហ្សេឡង់ លោក Todd McClay ក្នុងអំឡុងកិច្ចប្រជុំនាពេលថ្មីៗនេះ។

ក្នុងអំឡុងកិច្ចប្រជុំនោះ រដ្ឋមន្ត្រីប្រទេសទាំងពីរ បានលើកឡើងពីសារៈសំខាន់នៃការដោះស្រាយបញ្ហាជុំវិញផលិតផលសាកវប្បកម្ម សត្វ និងការនាំចូលផលិតផលសត្វ ដែលបច្ចុប្បន្នកំពុងត្រូវបានដោះស្រាយនៅអង្គការពាណិជ្ជកម្មពិភពលោក (WTO)។

លោក Hartarto បានបន្ថែមថា តាមរយៈការដោះស្រាយបញ្ហាទាំងនេះ ឥណ្ឌូណេស៊ី និងនូវែលសេឡង់អាចផ្តោតលើគំនិតផ្តួចផ្តើមយុទ្ធសាស្ត្រផ្សេងទៀត ដែលអនុញ្ញាតឲ្យមានកិច្ចសហប្រតិបត្តិការសេដ្ឋកិច្ចកាន់តែប្រសើរឡើង រវាងប្រទេសទាំងពីរ។

ជម្រាបជូនថា ពាណិជ្ជកម្មសរុបរវាងប្រទេសទាំងពីរក្នុងឆមាសទីមួយនៃឆ្នាំ ២០២៥នេះ សម្រេចបាន ៩៦៣,២លានដុល្លារអាមេរិក កើនឡើង ២១,៥% បើធៀបនឹងចំនួន ៧៩២,៣លានដុល្លារ ក្នុងរយៈពេលដូចគ្នាកាលពីឆ្នាំមុន។ ក្នុង​ចំនួន​នេះ ការ​នាំ​ចេញ​របស់​ឥណ្ឌូណេស៊ី​ទៅ​នូវែលហ្សេឡង់​ មាន​ចំនួន​សរុប ៣៧៤,៨លាន​ដុល្លារ ខណៈ​ការ​នាំ​ចូល​មាន​ចំនួន ៥៨៨,៣លាន​ដុល្លារ៕

The post ឥណ្ឌូណេស៊ី និងនូវែលហ្សេឡង់ ដាក់គោលដៅបង្កើនពាណិជ្ជកម្មទេ្វភាគី ដល់ ៣,៦ពាន់លានដុល្លារ នៅឆ្នាំ២០២៩ appeared first on .

បើតាមប្រព័ន្ធផ្សព្វផ្សាយរបស់ប្រទេសនូវែលហ្សេឡង់បានរាយការណ៍ថាយន្តហោះប្រភេទ Boeing 757 ដែលដឹកនាយករដ្ឋមន្ត្រីនោះបានខូច ក្នុងអំឡុងពេលឈប់ចាក់ប្រេង នៅក្នុងប្រទេស Papua New Guinea ដោយទុកឲ្យគណៈប្រតិភូធុរកិច្ច និងអ្នកកាសែតត្រូវជាប់គាំងនៅ​ប្រលាន​យន្តហោះ Port Moresby ខណៈពេលដែលនាយករដ្ឋមន្ត្រី លោក​ Luxon ត្រូវសម្រេចចិត្តប្តូរទៅជិះយន្តហោះធម្មតាជំនួសវិញ ដើម្បីទៅកាន់ប្រទេសជប៉ុនទាន់ពេលវេលា។

ទន្ទឹមនឹងនេះ រដ្ឋមន្ត្រីការពារជាតិនូវែលហ្សេឡង់ លោក Judith Collins បានប្រាប់ស្ថានីយវិទ្យុ Newstalk ZB កាលពីថ្ងៃចន្ទថា បញ្ហាហោះហើររបស់យន្តហោះ Boeing 757 នេះតែងកើតឡើងញឹកញាប់ ដោយសារតែវាមានអាយុកាលចាស់ទៅហើយ ខណ:ក្រសួង កំពុងត្រៀមផ្លាស់ប្តូរយន្តហោះប្រភេទថ្មី សម្រាប់ដឹកលោក Luxon និងគណៈប្រតិភូរបំពេញការងារ ចាប់ពីពេលនេះតទៅ។

ជម្រាបជូនផងដែរថា លោក Luxon កំពុងចំណាយពេល ៤ថ្ងៃនៅក្នុងប្រទេសជប៉ុន ដែលជាកន្លែងលោកត្រូវបានគេរំពឹងថានឹងជួបពិភាក្សាការងារជាមួយនាយករដ្ឋមន្ត្រីជប៉ុន លោក​ Fumio Kishida និងចំណាយពេលផ្សព្វផ្សាយពាណិជ្ជកម្មរបស់នូវែលហ្សេឡង់ ផងដែរ៕

The post យន្តហោះដឹកនាយករដ្ឋមន្ត្រីនូវែលហ្សេឡង់ ខូចពាក់កណ្តាលផ្លូវ អំឡុងពេលធ្វើដំណើរទៅកាន់ប្រទេសជប៉ុន appeared first on .

តាមរយ:កិច្ចប្រជុំសមាជិកបក្សកន្លងទៅនេះ លោក Hipkins ដែលជារដ្ឋមន្ត្រីក្រសួងអប់រំ ជាប៉ូលីស ទទួលបន្ទុកលើសេវាសាធារណ: និងជាប្រធានសភាផងនោះ បានក្លាយជាបេក្ខភាពតែមួយរូបគត់ ដើម្បីចូលទៅជំនួសតំណែងរបស់លោកស្រី Jacinda Ardern ដែលបានប្រកកាសលាលែងចេញពីតំណេងជានាយករដ្ឋមន្ត្រី កាលពីថ្ងៃព្រហស្បតិ៍សប្តាហ៍មុន ។

ក្នុងនាមជាបេក្ខភាពតែម្នាក់គត់ ក្នុងការឡើងកាន់តំណែងជានាយករដ្ឋមន្ត្រីថ្មីនេះ លោក Hipkins បានធ្វើការប្រកាសនៅថ្ងៃចន្ទនេះថា រដ្ឋាភិបាលរបស់លោក នឹងមានការធ្វើកំណែទម្រង់ឡើងវិញ ជាមួយនឹងការកាត់ចោលគោលនយោបាយដែលមិនខាន់មួយចំនួនចេញ ដើម្បីងាកមកផ្តោតតែលើបញ្ហាប្រឈមធំៗជំនួសវិញ។

ជាងនេះទៅទៀត លោក Hipkins បានធ្វើការប្តេជ្ញាចិត្ត ចំពោះការផ្តោតទៅលើបញ្ហាក្នុងស្រុក ដោយបាននិយាយថា អតិផរណាខ្ពស់ តម្លៃលំនៅឋានខ្ពស់ រួមទាំងបញ្ហាច្បាប់ និងសណ្តាប់ធ្នាប់ និងក្លាយជាគោលនយោបាយដ៏សំខាន់ សម្រាប់រដ្ឋាភិបាលរបស់លោក ដែលត្រូវដោះស្រាយ ស្របពេលលោកបញ្ជាក់ទៀតថា ដំណើរទស្សនកិច្ចក្រៅប្រទេសជាលើកដំបូង ទៅកាន់ចិន ក៏នឹងស្ថិតនៅក្នុងបញ្ជីអាទិភាពរបស់លោកផងដែរ នៅពេលឡើងកាន់តំណែងជាផ្លូវការ ។

ជាការពិតណាស់ ប្រទេសនូវែលសេឡង់ បានកត់សម្គាល់ឃើញថាអត្រាអតិផរណាប្រចាំឆ្នាំរបស់ខ្លួន បានកើនឡើងដល់កម្រិតខ្ពស់បំផុតមិនធ្លាប់មាន រយ:ពេល ៣ ទសវត្សរ៍កាលពីខែមុន នៅពេលដែលតម្លៃស្បៀងអាហារ បានកើនឡើងជាង ១១ % ។

សូមជម្រាបជូនផងដែរថា លោក Hipkins រំពឹងថានឹងស្បថចូលកាន់តំណែងជានាយករដ្ឋមន្ត្រីជាផ្លូវការ នៅថ្ងៃពុធខាងមុខនេះ ខណ:ការរុះរើគណៈរដ្ឋមន្ត្រី ក៏នឹងត្រូវរៀបចំធ្វើឡើង នៅក្នុងសប្តាហ៍ខាងមុខនេះផងដែរ ៕

The post អនាគតនាយករដ្ឋមន្ត្រីនូវែលសេឡង់ថ្មី ប្រកាសដាក់ចេញគោលនយោបាយសំខាន់ៗមួយចំនួន appeared first on .

ដោយថ្លែងនៅក្នុងសន្និសីទសារព័ត៌មានមួយ លោកស្រី Ardern បាននិយាយថា លោកស្រីនឹងប្រកាសចុះចេញពីតំណែងជាផ្លូវការ មិនលើសពីដើមខែក្រោយនោះឡើយ ស្របពេលអាណត្តិបច្ចុប្បន្នរបស់លោកស្រី នឹងត្រូវបញ្ចប់ នៅត្រឹមថ្ងៃទី ៧ ខែកុម្ភ:ខាងមុខ ។

ដោយនិយាយអំពីការសម្រេចចិត្ត នៅក្នុងកិច្ចប្រជុំរបស់គណបក្សពលករ លោកស្រី Ardern បានលើកឡើងថា ៖ ” ខ្ញុំនឹងចាកចេញពីមុខតំណែងនេះ។ ខ្ញុំដឹងថាការងារនេះមានទំនួលខុសត្រូវខ្ពស់ ហើយខ្ញុំដឹងថានៅពេលណា ដែលចាំបាច់ត្រូវរកមនុស្សត្រឹមត្រូវ ដើម្បីចូលមកកាន់តំណែងនេះវិញ។ ខ្ញុំជាមនុស្ស ហើយយើងបានផ្តល់សមត្ថភាព និងអ្វីគ្រប់យ៉ាង ដែលយើងអាចធ្វើទៅបានក្នុងរយ:ពេលកន្លងមកនេះ។ ហើយបន្ទាប់មកគឺវាដល់ពេលហើយ។ សម្រាប់ខ្ញុំគឺដល់ពេលហើយ ដើម្បីចុះចេញពីតំណែងនេះ ” ។

គួរឱ្យដឹងថា លោកស្រី Ardern បានក្លាយជាប្រមុខរដ្ឋាភិបាលស្រ្តី ដែលមានវ័យក្មេងជាងគេបំផុត លើពិភពលោក នៅពេលដែលលោកស្រីបានជាប់ឆ្នោតជានាយករដ្ឋមន្ត្រី នៅក្នុងឆ្នាំ ២០១៧ ដែលគ្រានោះ លោកស្រីមានវ័យត្រឹម ៣៧ ឆ្នាំ។

មិនតែប៉ុណ្ណោះ អំឡុងពេលកាន់តំណែងនោះ លោកស្រី បានដឹកនាំប្រទេសនូវែលសេឡង់ហែឆ្លងឧបសគ្គជាច្រើន ដូចជាវិបត្តិជំងឺរាតត្បាតកូវីដ-១៩ និងគ្រោះមហន្តរាយជាបន្តបន្ទាប់ បន្ទុះភ្នំភ្លើង និងការវាយប្រហារភេរវកម្ម នៅវិហាអ៊ីស្លាមជាដើម៕

The post លោកស្រី Jacinda Ardern ប្រកាសលាឈប់ពីតំណែងជានាយករដ្ឋមន្ត្រីប្រទេសនូវែលសេឡង់ appeared first on .

កិច្ច​ព្រមព្រៀង​សន្តិភាព​មួយ​នេះ​គឺ​ជា​ផ្លូវ​ដ៏​សំខាន់​បំផុត​សម្រាប់​ប្រទេស​ចិន​ក្នុង​ការ​ធ្វើ​ពាណិជ្ជកម្ម​នៅ​តំបន់ Pacific ដែល​សំបូរ​ទៅ​ដោយ​ធនធាន​យ៉ាង​សំបូរបែប ហើយ​​សម្រាប់​អូស្ត្រាលី និង​នូវែលសេឡង់​ក៏​បាន​ចាត់ទុក​ទីនោះ​ជា​ប្រភព​ចំណូល​ដ៏​ធំ​អស់​ជា​ច្រើន​ទសវត្ស​មក​ហើយ។

ដោយឡែក សម្រាប់​សហរដ្ឋអាមេរិក​វិញ​ក៏​បាន​បង្ហាញ​ការ​ព្រួយ​បារម្ភ​សម្រាប់​ការ​ចុះ​កិច្ច​ព្រមព្រៀង​សន្តិភាព​មួយ​នេះ​ផងដែរ ដោយ​ពួកគេបាន​ចេញ​លិខិត​នៅ​ក្នុង​សប្ដាហ៍​នេះ​ថា អាមេរិក ជប៉ុន​ ​អូស្ត្រាលី និង​នូវែលសេឡង់​គឺ​កំពុង​មាន​ការ​ព្រួយ​បារម្ភ។

“​កិច្ច​ព្រមព្រៀង​មួយ​នេះ​ទំនង​នឹង​ជះ​ឥទ្ធិពល​ដល់​តំបន់​សុវត្ថិភាព​ជាច្រើន ដូច្នេះ​ពួកយើង​គឺ​កំពុង​តែ​ធ្វើការ​សង្កេត​យ៉ាង​ល្អិតល្អន់។ វា​អាច​នឹង​មាន​ការ​ពិភាក្សា​ដោយ​សេរី និង​បើក​ចំហ​អំពី​បញ្ហា​ទាក់ទង​នឹង​តំបន់​ឥណ្ឌូប៉ាស៊ីហ្វិក រវាង​ថ្នាក់​ដឹកនាំ​ទាំង​ ២”។ នេះ​ជា​អ្វី​ដែល​លោក Hirokazu Matsuno ប្រមុខ​ខុទ្ទកាល័យ​ជប៉ុន​បាន​និយាយ។

បើ​ទោះ​ជា​មន្ត្រី​ខាងលើ​មិនបាន​បញ្ជាក់​លំអិត​ក៏​ដោយ តែ​វា​ប្រហែល​ជា​អាច​នឹង​បង្ហាញ​ឲ្យ​ដឹង​ពេល​ដែល​នាយករដ្ឋមន្ត្រី​ជប៉ុន Fumio Kishida និង​នាយករដ្ឋមន្ត្រី​នូវែលសេឡង់ Jacinda Ardern ជួប​គ្នា​ពិភាក្សា​អំពី​បញ្ហា​ខាងលើ​នៅ​ពេល​ដ៏​ខ្លីខាងមុខ​នេះ។

មូលហេតុ​មួយ​ទៀត​ក្រៅពី​ផ្លូវ​ពាណិជ្ជកម្ម​ដែល​ធ្វើ​ឲ្យ​មហាអំណាច​លោក​ខាងលិច​ខ្លាចរអា គឺ​ពួកគេ​បារម្ភ​ខ្លាច​ចិន​នឹង​ប្រើប្រាស់​ប្រជុំ​កោះ​ដែល​មាន​ចំងាយ​ត្រឹម ២ ០០០ គីឡូម៉ែត្រ​ពី​អូស្ត្រាលី ធ្វើ​ជា​មូលដ្ឋាន​ពង្រីក​កម្លាំង​យោធា​នៅ​តំបន់​ប៉ាស៊ីហ្វិក ហើយ​ចំណុច​នេះ​ទៀត​សោត​បាន​ធ្វើ​ឲ្យ​តៃវ៉ាន់​កាន់តែ​បារម្ភ ដ្បិត​បច្ចុប្បន្ន​ទំនាក់ទំនង​រវាង​តៃវ៉ាន់​ និង​ចិន​ប្រៀប​ដូចជា​ទឹក​ និង​ប្រេង៕

ប្រភព: CNA

The post កិច្ច​ព្រមព្រៀង​សន្តិភាព​ចិន-​កោះ​សូឡូម៉ូន ធ្វើ​ឲ្យ​​មហាអំណាច​លោកខាងលិច​ដេក​ព្រួយ appeared first on .

ជាក់ស្តែង ការប្រកាសនេះ ត្រូវបានធ្វើឡើង បន្ទាប់ពីកិច្ចព្រមព្រៀងមួយ ដែលត្រូវបានចុះហត្ថលេខាដោយរដ្ឋាភិបាលប្រទេសទាំង ២ កាលពីខែមករា ដើម្បីធ្វើឱ្យ​ប្រសើរ​ឡើងនូវកតិកាសញ្ញាពាណិជ្ជកម្មសេរី ដែលមានស្រាប់របស់ប្រទេសទាំងពីរ ដែលអនុញ្ញាតឱ្យ ៩៩% នៃពាណិជ្ជកម្មឈើ និងក្រដាស តម្លៃ ៣ ពាន់លានដុល្លារ របស់ប្រទេសនូវែលហ្សេឡង់ ដែលនាំចូលមកកាន់ប្រទេសចិន ដោយមិនត្រូវបានគិតពន្ធឡើយ ក្នុងរយ:ពេលអនុវត្ត ១០ ឆ្នាំ​។

គួរឱ្យដឹងថាផលិតផល ដែលត្រូវបានលើកលែងពន្ធ មានដូចជាក្រដាសអនាម័យ ឬក្រដាសជូតមុខ និងក្រដាសដែលប្រើប្រាស់ សម្រាប់ការសរសេរ នឹងត្រូវកាត់បន្ថយពន្ធមកសល់ត្រឹម ៦,៨% និង ៤,៥% ចាប់ពីថ្ងៃទី ៧ ខែមេសា ពីអត្រាពន្ធបច្ចុប្បន្ន ៧,៥% និង ៥% ហើយនឹងត្រូវបន្តកាត់បន្ថយជាបណ្តើរៗ ដើម្បីឈានដល់កម្រិតសូន្យ នៅពេល ១០ ឆ្នាំខាងមុខ ។

បញ្ជាក់ផងដែរថា ប្រទេសចិនបានលុបចោល ឬកាត់បន្ថយពន្ធលើពន្ធឈើ និងក្រដាសចំនួន ៧៥ សម្រាប់ផលិតផលរបស់ប្រទេសនូវែលហ្សេឡង់ ចាប់តាំងពីកិច្ចព្រមព្រៀងពាណិជ្ជកម្មសេរីចិន-នូវែលហ្សេឡង់ (FTA) ត្រូវចូលជាធរមាន ក្នុងឆ្នាំ​ ២០០៨ ៕

ប្រភព: CNA

The post ចិន នឹងកាត់បន្ថយពន្ធឈើ និងក្រដាស ពីប្រទេសនូវែលហ្សេឡង់ ចាប់ពីថ្ងៃទី ៧ មេសា appeared first on .