លោក អ៊ុក ហាក់ នាយរងខណ្ឌរដ្ឋបាលជលផលនៃមន្ទីរកសិកម្មខេត្តតាកែវ បានឱដឹងថាមុខរបរចិញ្ចឹមបង្កងបែបធម្មជាតិរបស់ប្រជាពលរដ្ឋក្នុងខេត្តតាកែវ បើកសិករប្រៀបធៀបទៅនិងការធ្វើស្រែ ពួកគាត់គំនិតខុសប្លែកពីមុន ដោយសារមុខរបរចិញ្ចឹមបង្កងនេះវាមានរយៈពេលខ្លី ដូចទៅនិងការធ្វើស្រែប្រាំង បើកសិករទិញកូនបង្កងដែលមានទំហំធំស្រាប់យកមកចិញ្ចឹមបន្តរយៈពេលតែ២ទៅ៣ខែទៀត កសិករអាចប្រមូលផលបាន។ ដូចនេះកសិករ នឹងពង្រីកមុខរបរចិញ្ចឹមបង្កងរបស់ពួកគាត់ថែមទៀតដោយសារ មុខរបរចិញ្ចឹមបង្កងធម្មជាតិមួយនេះ វាមានលក្ខណៈងាយស្រួលជាងមុខរបរធ្វើស្រែ។

លោក បន្តថា ការកើនឡើងនូវទំនុកចិត្តលើមុខរបរចិញ្ចឹមបង្កងរបស់កសិករក្នុងតំបន់នេះ ដោយសារតែតម្លៃបង្កងនៅលើទីផ្សារសព្វថ្ងៃនេះនៅតែលក់បានថ្លៃ ហើយលើសពីនេះមានក្រុមហ៊ុនក្នុងស្រុកមួយបានប្រមូលទិញបង្កងសាច់នៅតាមតំបន់ ស្របពេលការផ្គត់ផ្គង់នៅមិនទាន់ឆ្លើយតបតម្រូវការនៅឡើយ ទើបធ្វើឱ្យកសិករមានជំនឿចិត្តកាន់តែខ្ពស់។

បើតាមមន្ត្រីជំនាញរូប សព្វថ្ងៃលោកកំពុងជំរុញធ្វើការផ្សព្វផ្សាយ និងកំពុងបញ្ជ្រៀបចំណេះដឹងដល់កសិករអំពីការចិញ្ចឹមបង្កង ហើយនៅពេលខាងមុខដ៏ខ្លីនេះ លោកនឹងបើកវគ្គបណ្តុះបណ្តាលពីបច្ចេកទេសចិញ្ចឹមបង្កង និងការរៀបចំផែនការនិងការគ្រប់គ្រង់អាជីវកម្មជូនដល់កសិករក្នុងតំបន់។

លោក អ៊ុក ហាក់ នាយរងខណ្ឌរដ្ឋបាលជលផលនៃមន្ទីរកសិកម្មខេត្តតាកែវគូសបញ្ជាក់ថា «បច្ចុប្បន្ននេះខេត្តដែលមានសក្តានុពលលើមុខរបរចិញ្ចឹមបង្កងធម្មជាតិ មានដូចជា ខេត្តតាកែវ ខេត្តកណ្តាល និងខេត្តព្រៃវែង ដែលស្ថិតនៅក្នុងទីតំាងជាប់ដែនធម្មជាតិ ហើយទាក់ទងនិងការចិញ្ចឹមបង្កងនេះដែរ ជាយុទ្ធសាស្ត្រក៏ដូចជាគោលការណ៍របស់ក្រសួងកំពុងឱ្យខេត្តតាកែវ កំពុងរៀបចំបង្កើតឱ្យមានសហគមន៍ចិញ្ចឹមបង្កងមួយ ដែលយើងកំពុងស្វះស្វែងចងក្រងក្រុមពួកគាត់ឱ្យដំណើរការ»៕ តាកែវ

The post តម្លៃនិងតម្រូវការបង្កងបែបធម្មជាតិលើទីផ្សារកំពុងធ្វើឱ្យកសិករកាន់តែមានទំនុកចិត្តខ្ពស់លើមុខរបរ appeared first on .

លោក សាប់ សារុន កសិករចិញ្ចឹមបង្កងទឹកសាបនៅឃុំសំបួរ ស្រុកទ្រាំងខេត្តតាកែវ បានឱ្យដឹងថា នៅក្នុងរដូវបុណ្យភ្ជុំបិណ្ឌឆ្នំានេះ ចាប់ពីថ្ងៃបិណ្ឌទីមួយការលលក់បង្កងរបស់លោកចាប់ផ្តើមមានការកើន បើប្រៀបធៀបទៅនិងថ្ងៃធម្មតា។ ជាក់ស្តែងចាប់ពីបិណ្ឌទី៣តទៅថ្លៃខ្លះ លោកអាចលក់បង្កងរបស់ខ្លួនបានដល់២០គីឡូ។ ពិសេសជាងនេះទៅទៀតនៅថ្ងៃបិណ្ឌទី១៤និង១៥ អាចលក់បានរហូតដល់៦០គីឡូក្នុងមួយថ្ងៃ។

លោក សាប់ សារុន បញ្ជាក់ថា «នៅក្នុងរដូវបុណ្យភ្ជុំបិណ្ឌឆ្នំា២០២៣នេះ ប្រជាពលរដ្ឋរស់នៅក្នុងតំបន់មកទិញផ្ទាល់នៅនិងកន្លែងចិញ្ចឹមមានច្រើនប្រហាក់ប្រហែលទៅនិងអ្នកកំម្ម៉ង់ទិញតាមទូរស័ព្ទ។ សម្រាប់បង្កងលេខ២លក់ក្នុងតម្លៃ៨ម៉ឺនរៀល និងលេខ៣ថ្លៃ៧ម៉ឺនរៀលក្នុងមួយគីឡូក្រាម»។

បើតាមកសិករចិញ្ចឹមបង្កង ខាងលើនៅក្នុងមួយរដូវបុណ្យភ្ជុំបិណ្ឌឆ្នាំ២០២៣ លោកលក់បានប្រហែល៥០០គីឡូក្រាម ហើយន្ទឹមនិងការលក់បង្កងនៅក្នុងរដូវភ្ជុំបិណ្ឌកើនឡើង បច្ចុប្បន្ននៅមានបង្កងបែបធម្មជាតិនៅក្នុងស្រែបង្កងប្រហែល២ម៉ឺនក្បាលសម្រាប់ផ្គត់ផ្គង់តម្រូវការទីផ្សារ ខណៈដែលថ្មីៗលោកសាប់សារុនក៏បាននិងដាក់កូនចិញ្ចឹមសម្រាប់ផ្គត់ផ្គង់សាច់ និងចែកចាយកូនបង្កងទៅដល់ប្រជាកសិករនៅក្នុងតំបន់រហូតដល់២០ម៉ឺនកូននៅក្នុងទីតំាងរបស់ខ្លួន។

លោក ថាយ សុមុនី ប្រធាននាយកដ្ឋានវារីវប្បកម្មនៃរដ្ឋបាលជលផល នៃក្រសួងកសិកម្ម រុក្ខាប្រមាញ់ និងនេសាទមានប្រសាសន៍ថា ក្រសួងកសិកម្មរុក្ខាប្រមាញ់និងនេសាទ ក៏ដូចជាមន្ទីរកសិកម្ម រដ្ឋបាលជលផលខេត្តតាកែវ ចង់ឃើញដីសណ្តទន្លេមេគង្គកម្ពុជា ពិសេសក្នុងខេត្តតាកែវ កណ្តាល ព្រៃវែង មានការពង្រីការចិញ្ចឹមបានកាន់តែច្រើន ដើម្បីចូលរួមកាត់បន្ថយការនាំចូលពីប្រទេសជិតខាង ឬអាចឈានដល់ការនាំចេញទៅថ្ងៃអនាគត។

លោកបញ្ជាក់ថា «ថ្មីៗនេះយើងបានអញ្ចើញអ្នកជំនាញការក៏ដូចជាសាស្ត្រាចិនចុះមកមើលទីតំាងចិញ្ចឹមបង្កងរបស់យើង និងបានភ្លក្សម្ហូបធ្វើពីបង្កងទឹកសាបហើយ គាត់ទទួលស្គាល់រសជាតិ និងមានការចាប់អារម្មណ៍ ហើយទីតំាងសមស្របអាចជំរុញការចិញ្ចឹមបង្កងទឹកសាប ។ជាទិសដៅរដ្ឋាបាលជលផលក៏បានស្នើសុំទៅក្រសួងកសិកម្មរុក្ខាប្រមាញ់និងនេសាទនៅការពង្រីកការចិញ្ចឹមបង្កងនៅតាមខេត្តគោលដៅ មានខេត្តតាកែវ កណ្តាលនិងខេត្តព្រៃវែង»៕ អត្ថបទ៖ សារេត

The post បង្កងចិញ្ចឹមបែបធម្មជាតិកំពុងក្លាយជាមុខម្ហូបពេញនិយមមួយសម្រាប់គ្រួសារនិងមិត្តភក្រ្ត័ក្នុងរដូវបុណ្យទាន appeared first on .

លោក ព្រំ វ៉ាត អ្នកជំនាញខាងវារីវប្បកម្មបានឱ្យដឹងថា នៅដើមឆ្នំា២០២៤ខាងមុខនេះលោកមានគម្រោងចិញ្ចឹមបង្កងប្រហែល៥០ម៉ឺនកូននៅលើផ្ទៃដីប្រមាណ១៥ហិកតាក្នុងតំបន់ ក្រៅពីចង់បង្ហាញឱ្យឃើញពីការចិញ្ចឹមបង្កងមានការរីកចម្រើននិងរក្សាបានអត្តសញ្ញាណបង្កងឆ្ងាញ់ជាងគេ គឺយើងមានគោលបំណងចង់ប្រែក្លាយស្រុកអង្គរបូរីនេះកា្លយជាតំបន់ផលិតនិងចែកចាយបង្កងបែបធម្មជាតិឱ្យបានទូទំាងប្រទេសនៅថ្ងៃអនាគត ដោយការផ្គត់ផ្គងបង្កងទំាងអស់ត្រូវចេញពីតំបន់យើងទៅ ព្រោះយើងទទួលបាននៅគម្រោងអភិវឌ្ឍន៍តេជោ១០០ ដែលថវិកាចំនួន២០ម៉ឺនដុល្លារសម្រាប់វិស័យវារីវប្បកម្មឬការចិញ្ចឹមបង្កងនេះ។

បើតាមអ្នកជំនាញខាងវារីវប្បកម្ម ផ្អែកលើគម្រោងអភិវឌ្ឍន៍តេជោ១០០នេះ នឹងធ្វើឱ្យវិស័យវារីវប្បកម្មនៅក្នុងស្រុកអង្គរបូរីមានការរីកចម្រើនកាន់តែធំនៅក្នុងតំបន់នេះ ពោលនឹងប្រែក្លាយស្រុកអង្គរបូរីក្លាយជាតំបន់ផលិតនិងចែកចាយបង្កងធំជាងគេនៅទូទំាងប្រទេសនៅថ្ងៃអនាគត។

លោក ព្រំ វ៉ាត មានប្រសាសន៍ថា« នៅពេលខាងមុខយើងនឹងបង្ហាត់បង្រៀនដល់កសិករឱ្យពួកគាត់ងាកពីការធ្វើស្រែ មកចិញ្ចឹមបង្កងឱ្យបានកាន់តែច្រើនដើម្បីឱ្យមានជីវភាពធូរធា ហើយឱ្យគេដឹងថាស្រុកអង្គរបូរី ឬនៅខេត្តតាកែវដែលមានអតសញ្ញាណបង្កងដែលល្អជាងគេនៅទូទំាងប្រទេស។យើងជឿជាក់ថានៅថ្ងៃអនាគតយើងអាចប្រែក្លាយស្រុកអង្គរបូរី ឱ្យក្លាយជាតំបន់ផលិតនិងចែកចាយបង្កងធំជាងគេ ដោយសារយើងមានជំនាញ មានចំណេះដឹងច្រើននៅក្នុងផ្នែកវារីវប្បកម្ម ហើយនៅខាងរដ្ឋាបាលជលផលពួកគាត់ក៏មានការជំរុញដល់ការចិញ្ចឹមបង្កងនិងបង្កាត់បង្កងក្នុងស្រុកអង្គរបូរីកន្លងមក។ដូចនេះខ្ញុំជឿថា យើងធ្វើបានដោយសារយើងមានឆន្ទៈច្បាស់លាស់»។

លោកលើកឡើងថា នៅឆ្នំា២០០៦ រាជរដ្ឋាភិបាលតាមរយៈរដ្ឋបាលជលផល បានឱ្យខ្ញុំទៅរៀនបច្ចេកទេសភ្ញាស់បង្កងនៅប្រទេសវៀតណាម ហើយនៅក្នុងពេលនោះដែរខ្ញុំក៏បានចាប់ផ្តើមផលិតនិងចែកចាយកូនបង្កងទូទំាងប្រទេសរហូតមកទល់បច្ចុប្បន្ន។

លោក ព្រំ វ៉ាត គូសបញ្ជាក់ថា« តាមការសង្កេតមកដល់បច្ចុប្បន្ននេះអ្នកចិញ្ចឹមបង្កងបែបធម្មជាតិនៅក្នុងខេត្តតាកែវមានជាង២០កន្លែង ហើយនៅកសិដ្ឋានខ្លះកសិករចិញ្ចឹមពី៥ម៉ឺនកូនដល់១០ម៉ឺនកូនផ្អែកទៅតាមទំហំកសិដ្ឋានជាក់ស្តែង»៕

អត្ថបទ៖សារេត

The post អ្នកជំនាញចង់ប្រែក្លាយស្រុកអង្គរបូរី ឱ្យទៅជាតំបន់ផលិតនិងចែកចាយបង្កងបែបធម្មជាតិ ធំជាងគេនៅក្នុងប្រទេស appeared first on .