តាមរយៈទំព័រហ្វេសប៊ុកផ្លូវការ លោក លី រស្មី បានឲ្យដឹងថា ក្រោមការដឹកនាំ និងចង្អុលបង្ហាញពីលោក ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី ក្រុមការងារខិតខំប្រឹងប្រែងធ្វើកិច្ចការ រហូតបានសមិទ្ធផលថ្មីមួយទៀត លេចរូបរាងឡើងនៅលើទឹកដីអង្គរ ដែលនឹងត្រូវដាក់ឱ្យប្រើប្រាស់ក្នុងពេលឆាប់ៗនេះ គឺគម្រោងកោងកាងសាងស្នេហ៍ ដែលបានកែប្រែប្រឡាយលូទឹកកខ្វក់ដែលមានក្លិនមិនល្អ ប៉ះពាល់ដល់បរិស្ថាន ស្ថិតនៅកណ្តាលក្រុងសៀមរាប ទៅជាផ្លូវដែលមានលម្អដោយអាងទឹក និងដើមឈើ ដែលនឹងក្លាយជាគោលដៅទេសចរណ៍ថ្មីមួយទៀតសម្រាប់ភ្ញៀវទេសចរណ៍ជាតិ និងអន្តរជាតិ ដើរកម្សាន្ត គួរជាទីមនោរម្យ។

អតីតប្រឡាយទឹកស្អុយមួយនេះមានទទឹង ៥ម៉ែត្រ ប្រវែង ៦៣០ម៉ែត្រ តភ្ជាប់ពីផ្លូវជាតិលេខ៦ ចំណុចមុខសណ្ឋាគារសុខា ឆ្ពោះទៅវិថីព្រះសង្ឃរាជ ទេព វង្ស ជិតផ្សាររាត្រី ស្ថិតនៅសង្កាត់ស្វាយដង្គុំ ក្រុងសៀមរាប ខេត្តសៀមរាប ដែលប្រជាពលរដ្ឋនៅទីនោះតែងថ្ងូរថាមានក្លិនស្អុយខ្លាំង ប៉ះពាល់ដល់សុខភាព ជីវភាពរស់នៅ និងបរិស្ថានយ៉ាងខ្លាំងនៅតំបន់នេះ ត្រូវបានធ្វើការកែលម្អមកជាផ្លូវសម្រាប់ថ្មើរជើង នឹងក្លាយជាផលិតផលទេសចរណ៍ថ្មីមួយទៀតក្នុងទឹកដីអង្គរ។

សូមជម្រាបថា ផ្លូវ៣៨ខ្សែ និងការកែលំអរដងស្ទឹងសៀមរាប ព្រមទាំងហេដ្ឋារចនាសម្ព័ន្ធរូបវន្តមួយចំនួនទៀតក្នុងក្រុងសៀមរាប ត្រូវបានសម្ពោធដាក់ឱ្យប្រើប្រាស់ជាផ្លូវការកាលពីថ្ងៃទី០៤ ខែមេសា ឆ្នាំ២០២២ ដែលធ្វើឱ្យខេត្តសៀមរាបប្រែមុខមាត់ថ្មី ទោះបីស្ថិតក្នុងស្ថានភាពជំងឺកូវីដ-១៩ ក៏ដោយ។

គួររំលឹកថា លោក លី រស្មី ជារដ្ឋលេខាធោការក្រសួងរៀបចំដែនដី ដែលមានបទពិសោធស្នាដៃស្ថាបត្យកម្មជាច្រើននៅកម្ពុជា រួមមាន៖ អគារវិមាន៧មករា ទីស្នាក់ការកណ្តាលគណបក្សប្រជាជនកម្ពុជា និងអគារទីស្តីការក្រសួងរៀបចំដែនដី នគរូបនីយកម្ម និងសំណង់ ចេតិយ​តតម្កល់សព សម្តេចវិបុលបញ្ញា សុខ អាន ​អគារសហភាព​សហព័ន្ធ​យុវជន​កម្ពុជា ​សាកលវិទ្យាល័យ​អាមេរិកាំងភ្នំពេញ​ (AUPP) ក្រសួងបរិស្ថាន ​និងរដ្ឋលេខា​ធិការដ្ឋាន​អាកាសចរ​ស៊ីវិល​ជាដើម។​

ជាមួយគ្នានេះ លោកក៏បានចូលរួមរៀបចំ និងសាងសង់ផ្លូវក្នុងក្រុងព្រះសីហនុ និងការរៀបហេដ្ឋារចនាសម្ព័ន្ធមួយចំនួនក្នុងក្រុងសៀមរាប រួមមានការកែលំអរស្ទឹង និងប្រែក្លាយប្រឡាយទឹកស្អុយផងដែរ៕

The post បណ្ឌិតស្ថាបត្យករ លី រស្មី បង្ហាញស្នាដៃកែប្រែប្រឡាយលូទឹកកខ្វក់កណ្តាលក្រុងសៀមរាប appeared first on .

បើតាមន្ត្រីជាន់ខ្ពស់ក្រសួងរៀបចំដែនដី នគរូនីយកម្ម និងសំណង រូបនេះ៖ «៦ខែនៅក្នុងឆ្នាំ២០២២នេះ ការវិនិយោគក្នុងវិស័យសំណង់មានប្រមាណជា ២០០០ពាន់គម្រោង មានផ្ទៃក្រឡាសំណង់សរុបទាំងអស់ប្រមាណជា ២,៨ លានម៉ែត្រការ៉េ ដែលមានទុនវិនិយោគ១២០ ៦លានដុល្លារអាមេរិក បើធៀបនឹងឆ្នាំ២០២១ មាន ៤៣០៣គម្រោង មានផ្ទៃក្រឡាសំណង់ជាង ១២លានម៉ែត្រការ៉េ ជាមួយនឹងទុនវិនិយោគប្រមាណជា ៥៣៣៣ លានដុល្លារអាមេរិក»។

សូមជម្រាបជូនថា គម្រោងអគារខ្ពស់ៗ ចាប់ពី៥ជាន់ឡើង នៅទូទាំងប្រទេសមានចំនួន ២,៤៧២អគារ គម្រោងបុរីលំនៅឋាន និងបណ្ដូលំនៅឋានមានលក្ខណៈជាបុរីមានចំនួន ៤៨២គម្រោង និងបានផ្តល់វិញ្ញាបនបត្រប្រកបអាជីវកម្ម ក្នុងវិស័យសំណង់ដល់ក្រុមហ៊ុនប្រកបអាជីវកម្មសិក្សាគម្រោងប្លង់ និងសាងសង់បានចំនួន ៣,២៤៤ក្រុមហ៊ុន៕

The post មន្រ្តីជាន់ខ្ពស់ក្រសួងដែនដី ពន្យល់យន្ដការដើម្បីបង្ការការរលំបាក់អាគារ (វីដេអូ) appeared first on .

កាល​ពី​ព្រឹក​​ថ្ងៃ​ទី​០១ ខែ​មិថុនា ឆ្នាំ​២០២២ ​​ឯកឧត្តម លី រស្មី ដែល​ជា​ស្ថាបត្យករ​ខ្មែរ​ដ៏​ល្បី និង​ជា​រដ្ឋលេខាធិការ​​ បាន​ដឹក​នាំ​ក្រុមការងារ​​បច្ចេកទេស នៃ​ក្រសួង​រៀបចំ​ដែនដី នគរូបនីយកម្ម និង​សំណង់ ចូលរួម​ធ្វើ​បទ​បង្ហាញ ស្តីពី​គម្រោង​ប្លង់​ស្ថាបត្យកម្ម​វិមាន​រដ្ឋធម្មនុញ្ញ ក្រោម​អធិបតីភាព​ដ៏​ខ្ពង់​ខ្ពស់ ឯកឧត្តម​កិត្តិនីតិកោសល​បណ្ឌិត​ អ៊ឹម ឈុនលឹម ប្រធាន​ក្រុម​ប្រឹក្សា​ធម្មនុញ្ញ នៅ​សាល​ប្រជុំ​ក្រុមប្រឹក្សា​ធម្មនុញ្ញ។

យ៉ាងណាក្តី ​​អំពី​គម្រោង​លម្អិត​យ៉ាងណា ​​​​នៅ​មិន​ទាន់​អាច​ឱ្យសាធារណៈ​ជន​ដឹង​នោះ​ទេ ​ព្រោះ​ក្រុមការងារ​បច្ចេកទេស កំពុង​សិក្សា​បន្ថែម​ទៀត ប៉ុន្តែ​​បើ​តាម​កិច្ចប្រជុំ កាល​ពី​ម្សិល​មិញ បាន​​បង្ហាញ​ឱ្យ​ដឹង​ត្រួសៗ​ខ្លះ​ថា វិមានរដ្ឋធម្មនុញ្ញ ​​​នឹង​មាន​ទីតាំង​​នៅ​​វិថីព្រះសីហនុ និង​ផ្លូវ​លេខ​៥១, ខាង​ជើង​វត្តលង្កាព្រះកុសុមារាម និង​នៅ​ខាង​លិច​វិមានឯករាជ្យ រាជធានីភ្នំពេញ។

គួរ​បញ្ជាក់​ថា រដ្ឋធម្មនុញ្ញនៃ​ព្រះរាជាណាចក្រកម្ពុជា ​​ត្រូវ​បាន​សភា​ធម្មនុញ្ញ​អនុម័ត នៅ​ថ្ងៃ​ទី​២១ ខែ​កញ្ញា ឆ្នាំ​១៩៩៣ ហើយ​ត្រូវ​បាន​ព្រះមហាក្សត្រ ឡាយ​ព្រះហស្ថ​លេខា​លើ​ព្រះរាជក្រម​ ប្រកាស​ឱ្យ​ប្រើ​នៅ​ថ្ងៃ​ទី​២៤ ខែ​កញ្ញា ឆ្នាំ​១៩៩៣។ រដ្ឋធម្មនុញ្ញ គឺជា​ច្បាប់​កំពូល នៃ​ព្រះរាជាណាចក្រកម្ពុជា។ ច្បាប់ និង​សេចក្តីសម្រេច​ទាំង​ឡាយ នៃ​ស្ថាប័ន​នានា​របស់​រដ្ឋ ត្រូវ​តែ​ស្រប​នឹង​រដ្ឋធម្មនុញ្ញ​ជា​ដាច់ខាត៕

The post វិមានរដ្ឋធម្មនុញ្ញ នឹងលេចរូបរាងឡើងនៅលើសួនច្បារ ក្បែរវិមានឯករាជ្យ រាជធានីភ្នំពេញ appeared first on .