កសិករ ចន គឹមស្រស់ បាននិយាយថា ក្នុងរយៈពេលជាង២០ឆ្នាំមកនេះ លោកមានសមត្ថភាពរកចំណូលពីការដាំលើទីវាល ក្នុងមួយឆ្នាំបានយ៉ាងច្រើន២០លានរៀលប៉ុណ្ណោះ ប៉ុន្តែនៅពេលមកចាប់ផ្តើមដាំបន្លែនៅក្នុងផ្ទះសំណាញ់រយៈពេល៦ខែអាចរកប្រាក់ចំណូលបានដល់៤០លានរៀល ហើយក្នុងឆ្នាំ២០២៦នេះ លោកនៅតែមានជំនឿចិត្តថា នៅតែអាចរកប្រាក់ចំណូលបាន៤០លានរៀលដូចពេលកន្លងទៅ ព្រោះលោកបានសាងសង់ផ្ទះសំណាញ់សម្រាប់ដាំបន្លែបន្ថែមឱ្យបានដល់១០ខ្នង ច្រើនជាងនាពេលសព្វថ្ងៃ។

ការដាំបន្លែនៅលើទីវាបើកសិករចំណាយដើមទុនអស់ប្រាក់៧០ម៉ឺនរៀល ពេលប្រមូលផលត្រឡប់មកវិញបានប្រាក់តែជាង១លានរៀល ហើយបើកាត់ថ្លៃចំណាយអស់គឺនៅសល់ប្រាក់តិចប៉ុណ្ណោះ។ ប៉ុន្តេបើកសិករដាំបន្លែនៅក្នុងផ្ទះសំណាញ់វិញ ចំណាយទុនអស់តិច តែចំណូលបានមកវិញច្រើន។

ផ្អែកលើបទពិសោធន៍ដាំបន្លែលើទីវាលជាង២០ឆ្នាំ, កសិករ ចន គឹមស្រស់ បាននិយាយទៀតថា ការដាំបន្លែនៅក្នុងផ្ទះសំណាញ់កសិករទទួលបានទិន្នផលបន្លែច្រើន ចំណាយថ្លៃផលិតតិច តែទទួលបានប្រាក់ចំណូលខ្ពស់ជាងការដាំបន្លែនៅលើទីវាល ។តួយ៉ាងនៅខែមីនាឆ្នាំ២០២៦ខាងមុខនេះ គ្រោងប្រមូលផលបន្លែរបស់ខ្លួនប្រមាណ៣ទៅ៤តោន ហើយរំពឹងថាលក់បានតម្លៃល្អប្រសើរ។

កសិករ ចន គឹមស្រស់ មានជំនឿយ៉ាងមុតមាំថា មុខរបរដាំបន្លែក្នុងផ្ទះសំណាញ់ក្នុងពេលសព្វថ្ងៃនេះនឹងជួយឱ្យគ្រួសាររបស់លោកមានប្រភពប្រាក់ចំណូលកាន់តែរឹងមាំបន្ថែមទៀតនៅពេលខាងមុខ ខណៈបច្ចុប្បន្នលោកមានទីផ្សារចាំទទួលទិញនៅតាមខេត្តមានច្រើនកន្លែង៕

The post កសិករក្នុងខេត្តព្រះវិហារម្នាក់អាចរកប្រាក់ចំណូលបានដល់៤០លានរៀលពីការដាំបន្លែរយៈពេល៦ខែ appeared first on .

បើធៀបទៅនឹងរយៈពេលដូចគ្នាកាលពីឆ្នាំមុន ការនាំចេញនៅក្នុងខែកញ្ញា បានកើនឡើងដល់ ៥០%។ ហើយបើគិតក្នុងរយៈពេល ៩ខែដំបូងនៃឆ្នាំនេះ ប្រទេសចិន បានចំណាយទឹកប្រាក់ជាង ៣,៨ពាន់លានដុល្លារ ដើម្បីទិញបន្លែ និងផ្លែឈើរបស់វៀតណាម ពោលគឺកើនឡើង ២% បើធៀបទៅនឹងឆ្នាំមុន។

យ៉ាងណាមិញ​ ចំពោះកត្តាជំរុញសំខាន់បំផុត គឺទទួលបានពីការនាំចេញផ្លែទុរេន ជាមួយនឹងប្រាក់ចំណូលប៉ាន់ស្មានសរុប ចន្លោះពី ២,៥-២,៦ពាន់លានដុល្លារ ក្នុងរយៈពេល ៩ខែដំបូងនេះ។

ជម្រាបជូនថា មិនត្រឹមតែផ្លែឈើស្រស់ប៉ុណ្ណោះទេ ផលិតផលក្លាសេ និងកែច្នៃកាន់តែច្រើនឡើងពីប្រទេសវៀតណាម ត្រូវបានអនុញ្ញាតឲ្យនាំចូលទៅកាន់ប្រទេសចិន ដែលជួយឱ្យចំណូលក្នុងប៉ុន្មានខែចុងក្រោយនៃឆ្នាំនេះ បន្តកើនឡើងយ៉ាងខ្លាំង៕​

The post ចិន ចាយលុយជាង ១ពាន់លានដុល្លារ ទិញបន្លែ ផ្លែឈើរបស់វៀតណាម នៅក្នុងខែកញ្ញា appeared first on .

នេះបើតាមការឱ្យដឹងតាមរយៈដំណើរចុះជួបសំណេះសំណាល សួរសុខទុក្ខ ជំរុញលើកទឹកចិត្តកសិករដាំបន្លែ នៅខេត្តមណ្ឌលគិរី ដឹកនាំដោយ លោក ហ៊ាន វណ្ណហន រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ  អមដោយថ្នាក់ដឹកនាំមន្ទីរកសិកម្ម រុក្ខាប្រមាញ់ និងនេសាទ ខេត្តមណ្ឌលគីរី កាលពីថ្ងៃទី១៤​ខែតុលា ឆ្នាំ២០២៥។

ក្នុងដំណើរនេះ លោករដ្ឋលេខាធិការ បានចុះពិនិត្យមើលកសិដ្ឋានដាំដុះបន្លែរបស់កសិករ Wang lei lei (ជនជាតិចិន) លើផ្ទៃដីចំនួន ១០ ហិកតា ក្នុងនោះដាំដុះក្នុងផ្ទះសំណាញ់ចំនួន ៤០ខ្នង ក្រៅពីនេះដាំដុះនៅទីវាលដែលមានប្រភេទបន្លែដូចជា តាសក់វែង ម្ទេសវែង ត្រប់ សណ្ដែកកួរ (សុទ្ធសឹងតែពូជដែលមានតម្លៃខ្ពស់) និងដំណាំរួមផ្សំផ្សេងទៀត  ស្ថិតនៅភូមិពូលូង សង្កាត់រមនា ក្រុងសែនមនោរម្យ។

កសិដ្ឋានដាំដុះបន្លែមួយនេះ សមត្ថភាពផលិតកម្មនាពេលបច្ចុប្បន្ន អាចបាន២តោនបន្លែចម្រុះក្នុងរយ:ពេល៣ថ្ងៃ សម្រាប់ផ្គត់ផ្គង់ទៅកាន់ទីផ្សារចិន នៅក្រុងភ្នំពេញ និងក្រុងព្រះសីហនុ ជំនួសឱ្យបន្លែដែលនាំចូលពីប្រទេសចិនក្នុងពេលកន្លងមក។ កសិដ្ឋានមានគម្រោងពង្រីកបង្កើនផលិតកម្មបន្លែចម្រុះឱ្យបានរហូត២០តោនក្នុង១ថ្ងៃផងដែរ។

គួរឱ្យដឹងក្នុងឱកាសនោះ លោករដ្ឋលេខាធិការក្រសួងកសិកម្មក៏បានចុះជួបសួរសុខទុក្ខ និងពិនិត្យចម្ការបន្លែរបស់កសិករ លឿង វ៉ាន់ថន ស្ថិតនៅក្នុងភូមិចំការតែ សង្កាត់ស្ពានមានជ័យ ក្រុងសែនមនោរម្យ ដាំដុះដំណាំចម្រុះលើផ្ទៃដីចំនួន២ ហិកតា រួមមាន  ស្ពៃក្តោប ស្ពៃបូកគោ ការ៉ុត ដំឡូងជ្វាជប៉ុនផងដែរ។ ចម្ការនេះ ជាប្រភពផ្គត់ផ្គង់ស្ពៃក្តោប និងស្ពៃបូកគោ ដែលមានគុណភាពប្រកបដោយរសជាតិ ពិសេសតំណាងឱ្យផលិតផលខេត្តមណ្ឌលគិរី។

លោកបានណែនាំដល់ម្ចាស់កសិដ្ឋានទាំងពីរ ត្រូវអនុវត្តនិងប្រកាន់ខ្ជាប់នូវការថែរក្សាឱ្យបាននូវគុណភាព សុវត្ថិភាពដល់អ្នកប្រើប្រាស់ និងសហការជាមួយមន្ទីរ ដើម្បីឈានទៅការទទួលបាននូវវិញ្ញាបនកម្មនៃការអនុវត្តតាមគោលការណ៍កសិកម្មល្អ (GAP) ឱ្យសមស្របទៅតាមតម្រូវការទីផ្សារនាពេលបច្ចុប្បន្ន៕

The post កសិដ្ឋានដាំដុះបន្លែមួយនៅខេត្តមណ្ឌលគិរី អាចផ្គត់ផ្គង់ទៅទីផ្សារចិន ជំនួសឱ្យបន្លែដែលនាំចូលពីប្រទេសចិនវិញ appeared first on .

តាមរយៈជំនួបពិភាក្សាការងាររវាងលោក ឃឹម ហ្វីណង់ អនុរដ្ឋលេខាធិការ និងជាអ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ ជាមួយក្រុមហ៊ុនNova Genetic កាលពីពេលថ្មីៗនេះបានឱ្យដឹងថា ក្រុមហ៊ុនNova Genetic ដែលជាក្រុមហ៊ុននាំមុខគេមួយលើផ្នែកផលិតពូជបន្លែមកពីប្រទេសបារាំង និងមានបំណងចង់សិក្សាពីលទ្ធភាពវិនិយោគលើការពិសោធន៍និងអភិវឌ្ឍពូជបន្លែនៅក្នុងប្រទេសកម្ពុជា។

សូមបញ្ជាក់ថា កម្ពុជាកំពុងបង្កើនការដាំដុះបន្លែ ដោយកាន់តែមានកំណើនសម្រាប់ផ្គត់ផ្គង់ក្នុងស្រុក ដោយរដ្ឋាភិបាលកំពុងពង្រីកសហគមន៍កសិកម្មទំនើបនៅតាមបណ្តាខេត្ត និងគ្របដណ្តប់លើដំណាំដែលមានសក្តានុពលខ្ពស់៕

The post ប្រទេសបារាំង មានបំណងសិក្សាពីលទ្ធភាពវិនិយោគលើការពិសោធន៍និងអភិវឌ្ឍពូជបន្លែនៅក្នុងប្រទេសកម្ពុជា appeared first on .

​សមាគមន៍​បន្លែ និងផ្លែឈើវៀតណាម បានបង្ហាញឲ្យដឹងថា ទីផ្សារធំៗដូចជាប្រទេសចិន ថៃ និងកូរ៉េខាងត្បូង បានបង្កើនការនាំចូលពីប្រទេសវៀតណាម ចន្លោះពី ៣០% ទៅ ៦០% ខណ:ទីផ្សារសំខាន់ៗមួយចំនួនផ្សេងទៀត បានបង្កើនការនាំចូល ពី ១០% ទៅ ៥០%។

គួរឲ្យដឹងផងដែរថា ចំពោះប្រទេសចិនដែលជាទីផ្សារធំជាងគេបំផុត បានចំណាយទឹកប្រាក់ដល់ទៅ ១,៧ពាន់លានដុល្លារ ចំពោះការនាំចូលបន្លែ និងផ្លែឈើរបស់វៀតណាម ក្នុងរយ:ពេល ៥ខែដំបូងឆ្នាំនេះ។

លោក Dang Phuc Nguyen អគ្គលេខាធិកា​សមាគម​បានមានប្រសាសន៍ថា វៀតណាម មាន​លក្ខណ:​សម្បត្តិ​ជាច្រើនជុំវិញការនាំចេញទៅកាន់ប្រទេសចិន ដោយសារទីតាំងភូមិសាស្ត្រនៅជិតគ្នា និងភាពស្រដៀងគ្នានៃម្ហូប អាហារ។ លោក​បាន​បន្ត​ទៀតថា ប្រទេស​ចិន​នឹង​ចុះ​ហត្ថលេខា​លើ​ពិធីសារ​ដែល​អនុញ្ញាត​ឲ្យ​វៀតណាម ​អាច​នាំ​ចេញ​ទុរេន​ក្លាសេ និង​ផលិតផល​កសិកម្ម​មួយ​ចំនួន​ទៀត​ដូច​ជា​រុក្ខជាតិឱសថ ដូង និង​ផ្លែឈើ​កក។

លោក Dang ក៏បានសង្កត់ធ្ងន់ទៀតផងដែរថា ប្រសិន​បើ​ក្រុមហ៊ុនអាជីវកម្មក្នុងស្រុក ​អាច​ទាញ​យក​ផល​ចំណេញ​បានពីកិច្ចព្រមព្រៀងខាងលើនេះ នោះការ​នាំ​ចេញ​បន្លែ និង​ផ្លែ​ឈើ​អាច​នឹង​កើន​ឡើង ១៥%ទៅ២០% នៅ​ឆមាស​ទីពីរ ហើយ​អាចរកចំណូលបានច្រើនជាង ៧ពាន់​លាន​ដុល្លារ​សម្រាប់​ឆ្នាំ​នេះ៕

The post ៦ខែដំបូង វៀតណាម នាំចេញបន្លែ និងផ្លែឈើ ក្នុងតម្លៃជាង ៣ពាន់លានដុល្លារ appeared first on .

លោក ជួ មករា ប្រធានសហភាពសហគមន៍បន្លែសុវត្ថិភាពកម្ពុជាបានឱ្យដឹងថា ផ្សារទំនើប ពួកគាត់មិនអាចទទួលយកបន្លែពីយើងបានច្រើននៅឡើយនោះទេ ទើបតែបាន៧០ទៅ៨០% ខណៈការដាំបន្លែនៅក្នុងស្រុក សព្វថ្ងៃនៅមិនទាន់អាចទាញយកចំណែកទីផ្សារនៃការនាំចូលបន្លែពីខាងក្រៅ ទើបបានប្រហែល៥%ប៉ុណ្ណោះ ដោយសារកសិករក្នុងស្រុកគាត់មិនទាន់ប្រមូលផ្តុំគ្នាឱ្យពេញលេញ។ ដូចនេះការនាំចូលបន្លែមកពីខាងក្រៅនៅមានចំនួនច្រើនលើសលុបដដែល។

លោក ជួ មករា សង្កត់ធ្ងន់ថា «ទោះជាបែបនេះក្តី ខ្ញុំគិតថានៅក្នុងរយៈពេលយ៉ាងយូរ២ឆ្នាំទៀត យើងអាចទាញយកចំណែកទីផ្សារពីការនាំចូលបន្លែមកពីខាងក្រៅបានច្រើន អាចឈានទៅពី២០ទៅ៣០% ដោយសារពលរដ្ឋមាននិន្នាការពលរដ្ឋគាំទ្របន្លែក្នុងស្រុក ហើយពលរដ្ឋព្យាយាមដាំដុះបន្លែនៅក្នុងផ្ទះសំណាញ់ និងម្យ៉ាងទៀតរាជរដ្ឋាភិបាលបានដាក់ចេញគោលនយោបាយអាទិភាពទី៥និងទី៦ បង្កើតឱ្យមានសហគមន៍កសិកម្មទំនើបប្រមូលផ្តុំឱ្យមានការផលិតរួមគ្នា។ លើសពីនេះការដាំបន្លែនៅទីវាលមកដល់ពេលនេះវាជួបបញ្ហានៅពេលអាកាសធាតុប្រែប្រួល ធ្វើឱ្យកើតនៅសត្វល្អិតកាន់តែច្រើន ជាហេតុធ្វើឱ្យកសិករពិបាកក្នុងការដាំដុះ»។

បើយើងតាម លោក ជួ មករា ប្រធានសហភាពសហគមន៍បន្លែសុវត្ថិភាពកម្ពុជា បច្ចុប្បន្នកសិករស្ថិតនៅក្នុងផែនការផលិតកម្មមានចំនួន៥០គ្រួសារ បើគិតជាចំនួនរោងផ្ទះសំណាញ់មានចន្លោះពី៤០០ទៅ៥០០ខ្នង ហើយក្នុងមួយថ្ងៃអាចប្រមូលផលបន្លែចម្រុះពី១តោនទៅ២តោន៕ តាកែវ

The post ការផ្គត់ផ្គង់បន្លែនៅក្នុងស្រុកអាចទាញយកចំណែកទីផ្សារពីការនាំចូលបន្លែខាងក្រៅបាន៣០%ក្នុងរយៈពេល២ឆ្នាំទៀត appeared first on .