លោក ម៉េត មាសភក្តី បានបន្តថា បានកត់សម្គាល់ថា ចំនួនអ្នកជិះរថយន្តក្រុង ប្រមាណជាង៨ម៉ឺននាក់នៅក្នុងឱកាសបុណ្យចូលឆ្នាំថ្មីនេះ គឺមានការកើនឡើងជាង ២ម៉ឺននាក់ ស្មើ៣៥% បើប្រៀបធៀបទៅនឹងការដឹកជញ្ជូន កាលពីបុណ្យចូលឆ្នាំថ្មីប្រពៃណីជាតិឆ្នាំ២០២៣។ខេត្តដែលមានពលរដ្ឋជិះរថយន្តក្រុងទៅច្រើន មានចំនួន២ខេត្ត រួមមានខេត្តសៀមរាប និងខេត្តបាត់ដំបង ក្នុងនោះ ខេត្តសៀមរាប មានចំនួនប្រមាណ២ម៉ឺន៥ពាន់នាក់ និងខេត្តបាត់ដំបង មានចំនួនជាង១ម៉ឺននាក់ ។

អ្នកនាំពាក្យរូបនេះបន្តថា ក្នុងអំឡុងពេលដឹកជញ្ជូនអ្នកដំណើរនៅក្នុងអំឡុងពេលពិធីបុណ្យចូលឆ្នាំថ្មីនេះ គឺមិនមានបញ្ហាអ្វីកើតឡើងគួរឲ្យកត់សម្គាល់នោះទេ ពោលគឺការដឹកជញ្ជូនបានដំណើរការដោយ រលូនប្រកបដោយសុខសុវត្ថិភាពល្អប្រសើរ។ ជាមួយគ្នានេះ ពលរដ្ឋគ្រប់មជ្ឈដ្ឋានក៏បានសាទរ និងថ្លែងអំណរគុណសម្តេចធិបតី ហ៊ុន ម៉ាណែត នាយករដ្ឋមន្ត្រី ក៏ដូចជារដ្ឋបាលរាជធានីភ្នំពេញ ចំពោះការបន្តផ្តល់រថយន្តក្រុងឥតគិតថ្លៃ ទៅស្រុកកំណើតតាមបណ្តាខេត្តនានា នៅក្នុងឳកាសពិធី បុណ្យចូលឆ្នាំថ្មីនេះ។

គួរបញ្ជាក់ថា ដើម្បីជួយសម្រួលបន្ទុកចំណាយរបស់ប្រជាពលរដ្ឋដែលត្រូវធ្វើដំណើរទៅស្រុកកំណើតជួបជុំក្រុមគ្រួសារនៅក្នុងឱកាសពិធីបុណ្យចូលឆ្នាំថ្មី ប្រពៃណីជាតិខ្មែរ សម្រាប់ឆ្នាំនេះ រដ្ឋបាលរាជធានីភ្នំពេញ បានបញ្ចេញរថយន្តក្រុងចំនួន៤៥៥គ្រឿង សម្រាប់ដឹកពលរដ្ឋដោយឥតគិតថ្លៃ រយៈពេល ០៦ថ្ងៃ ចាប់ពីថ្ងៃទី១២ ដល់ថ្ងៃទី១៧ ខែមេសា ។

ក្នុងចំណោមរថយន្តក្រុងចំនួនជាង ៤០០គ្រឿងនេះ បានប្រើសម្រាប់សេវាដឹកជញ្ជូនប្រជាពលរដ្ឋនៅក្នុងរាជធានីភ្នំពេញ ចំនួន ៦០គ្រឿង និងសម្រាប់សេវាដឹកជញ្ជូនប្រជាពលរដ្ឋ ធ្វើដំណើរពីរាជធានីភ្នំពេញទៅស្រុកកំណើតតាមបណ្តាខេត្ត និងពីបណ្តា ខេត្តត្រលប់មករាជធានីភ្នំពេញវិញ ចំនួន ៣៩៥គ្រឿង៕

The post កម្មករ កម្មការិនី និងប្រជាពលរដ្ឋជាង៨ម៉ឺននាក់ បានជិះរថយន្តក្រុងឥតគិតថ្លៃក្នុងឱកាសពិធីបុណ្យចូលឆ្នាំខ្មែរ appeared first on .

លោក ធឿន វុឌ្ឍី មគ្គុទេសក៍ ទេសចរណ៍ប្រចាំខេត្តសៀមរាប បានឱ្យដឹងថា «នៅឆ្នាំ២០២៤នេះ តាមរយៈការយល់ផ្ទាល់ខ្លួន និងតាមព័ត៌មានដែលទទួលបានពីខាងក្រៅ ថាការដើរកម្សាន្តនៅតាមរមណីយដ្ឋាន និងនៅតាមប្រាង្គប្រាសាទនានាប្រហែលមិនសូវទទួលបានភ្ញៀវច្រើនដូចឆ្នាំ២០២៣នោះទេ ព្រោះឥឡូវនេះអាកាសធាតុក្តៅខ្លាំង ហើយជាទូទៅមុនពេលជិតចូលដល់ឆ្នាំថ្មីប្រពៃជាតិខ្មែរមួយសប្តាហ៍ឬពីរសប្តាហ៍តែងមានបងប្អូននៅខេត្តឆ្ងាយៗចូលមកដើរលេងនៅតំបន់ប្រាសាទបុរាណ ក្នុងខេត្តសៀមរាប តែនៅឆ្នាំនេះមិនមានអ្វីខុសប្លែកទេ»។

បើតាមមគ្គុទេសក៍ ទេសចរណ៍ខាងលើ នៅក្នុងកំឡុងពេលបុណ្យចូលឆ្នាំខ្មែរឆ្នាំ២០២៤នេះ អាចនឹងធ្វើឱ្យម្ចាស់អាជីវកម្មដែលផ្តល់សេវាកម្មនាំភ្ញៀវដើរទស្សនានៅតំបន់ក្នុងខេត្តសៀមរាប រួមនិងរូបលោក អាចបាត់បង់ប្រាក់ចំណូលរបស់ខ្លួនបើប្រៀបទៅនឹងពេលដូចគ្នាឆ្នាំ២០២៣។ តែទោះជាបែបនេះក្តី រដ្ឋបាលខេត្តសៀមរាបបាននិងកំពុងរៀបចំការធ្វើការ ទាក់ទាញភ្ញៀវមកទស្សនាក្នុងខេត្តឱ្យច្រើន។

ស្របពេលអាកាសធាតុកើនឡើងកំដៅហើយការរៀបចំពិធីបុណ្យចូលឆ្នាំខ្មែរនឹងចូលមកដល់នាពេលដ៏ខ្លីខាងមុខនេះ, លោក ធឿន វុឌ្ឍី បានសំណូមពរសូមឱ្យប្រជាពលរដ្ឋខ្មែរដែលមានបំណងមកទស្សនានៅប្រាង្គប្រាសាទក្នុងខេត្តសៀមរាប បើទោះជាអាកាសធាតុមានការកើនឡើងកំដៅយ៉ាងណាក៏ដោយ គួរតែកុំលុបចោលគម្រោងរបស់ខ្លួនអី។ បើថ្ងៃក្តៅខ្លាំងអាចស្នាក់នៅក្នុងផ្ទះសំណាក់ឬសណ្ឋាគារ រងចាំពេលល្ងាចថយកំដៅ ចំាចេញមកដើរលេក្នុងខេត្ត៕ តាកែវ

The post អាកាសធាតុកើនឡើងកំដៅអាចនឹងធ្វើឱ្យពលរដ្ឋកាត់បន្ថយគម្រោងដំណើរកម្សាន្តនៅថ្ងៃបុណ្យចូលឆ្នាំខ្មែរនេះ appeared first on .

ក្នុងពិធីសម្ពោធដាក់ឲ្យប្រើប្រាស់ជាផ្លូវការ នូវអគារសម្ភព ស្ថិតនៅក្នុងបរិវេណនៃមន្ទីរពេទ្យកុមារជាតិ នាព្រឹកថ្ងៃទី២០ ខែមេសា ឆ្នាំ២០២៣ សម្តេចតេជោ ហ៊ុន សែន បានលើកឡើងថា ក្រោយពិធី​បុណ្យចូលឆ្នាំថ្មី ប្រពៃណីជាតិ បានបញ្ចប់ មានប្រជាពលរដ្ឋជាច្រើនបានធ្វើដំណើរចាកចេញពីស្រុកកំណើតរៀងខ្លួន ដោយបានប្រើប្រាស់មធ្យោបាយរថយន្តក្រុងសាធារណៈរបស់រដ្ឋ ដោយឥតគិតថ្លៃ ដើម្បីកាត់បន្ថយចំណាយ និងត្រឡប់មកបំពេញការងាររបស់ខ្លួនឡើងវិញ។

ខណៈសម្តេចតេជោ ក៏បានបង្ហាញក្តីរីករាយពេលឃើញប្រជាពលរដ្ឋ ប្រើប្រាស់សេវារថយន្តក្រុងរបស់សាលារាជធានីភ្នំពេញ ដែលអាចកាត់បន្ថយការចំណាយ និងបានជួយឲ្យរថយន្តឈ្នួល ឬតាក់ស៉ី មិនដំឡើងថ្លៃដូចពេលមុនៗផងដែរ។

សូមរម្លឹកដែរថា រដ្ឋបាលរាជធានីភ្នំពេញ កាលថ្ងៃទី៣ ខែមេសា ឆ្នាំ២០២៣ ធ្លាប់បានឱ្យដឹងថា ដើម្បីជួយសម្រួលដល់ការចំណាយជូនបងប្អូនប្រជាពលរដ្ឋក្នុងការធ្វើដំណើរទៅលេង ស្រុកកំណើត ជួបជុំបងប្អូនក្រុមគ្រួសារ ក្នុងពិធីបុណ្យចូលឆ្នាំថ្មី ប្រពៃណីជាតិខ្មែរ ដោយរដ្ឋបាលរាជធានីភ្នំពេញ​បានរៀបចំរថយន្តក្រុងចំនួន ៣៤៥គ្រឿង សម្រាប់បម្រើសេវាដឹកជញ្ជូនសាធារណៈដោយមិនគិតប្រាក់ផងដែរ។

រដ្ឋបាលរាជធានីភ្នំពេញ ក៏​បានបញ្ជាក់ទៀតថា រយៈពេល ០៥ថ្ងៃ ចាប់ពីថ្ងៃទី១៣ ដល់ថ្ងៃទី១៧ ខែមេសា ឆ្នាំ២០២៣ សម្រាប់សេវាដឹកជញ្ជូនប្រជាពលរដ្ឋនៅក្នុងរាជធានីភ្នំពេញ គឺប្រើប្រាស់រថយន្តក្រុងចំនួន ៧០គ្រឿង ខណៈសម្រាប់សេវាដឹកជញ្ជូនប្រជាពលរដ្ឋ ដែលត្រូវធ្វើដំណើរពីរាជធានីភ្នំពេញទៅតាមបណ្ដាខេត្ត និងពីបណ្ដា ខេត្តត្រលប់មករាជធានីភ្នំពេញវិញ គឺត្រូវបានប្រើប្រាស់រថយន្តក្រុងចំនួន ២៧៥គ្រឿង៕

The post ពលរដ្ឋរហូត៥ម៉ឺននាក់ បានជិះរថយន្តក្រុងរបស់រដ្ឋក្នុងឱកាសបុណ្យចូលឆ្នាំដោយឥតគិតថ្លៃ appeared first on .

ក្នុងរបាយការណ៍ខ្លួនក្រសួងទេសចរណ៍បានបង្ហាញតួលេខគោលដៅទេសចរណ៍សំខាន់ៗរយៈពេល៣ថ្ងៃ រួមមាន៖

១− ខេត្តសៀមរាប ២.១២០.៣៧៣ នាក់

២− ខេត្តបាត់ដំបង ១.៥០០.១៦៨ នាក់

៣− ខេត្តកំពង់ចាម ១.៤០៨.៨១១ នាក់

៤− រាធានីភ្នំពេញ ១.០៨០.៥០៩ នាក់

៥− ខេត្តព្រះសីហនុ ៨៨៧.៨៩៣ នាក់

៦− ខេត្តកំពត ៨៧០.៣៩៩ នាក់

៧− ខេត្តស្វាយរៀង ៧៦០.៣៩៩ នាក់

៨− ខេត្តកំពង់ឆ្នាំង ៧៣៩.១៥៩ នាក់

៩− ខេត្តបន្ទាយមានជ័យ ៦៥០.០១៣ នាក់

១០− ខេត្តកំពង់ស្ពឺ ៥១២.៨៩៨ នាក់

ចំនួនភ្ញៀវទេសចរ និងបងប្អូនប្រជាពលរដ្ឋប្រមាណជាង ១៣ លាននាក់ ក្នុងរយៈពេល៣ថ្ងៃនេះ ក្រសួងទេសចរណ៍អះអាងថា គឺជាចំនួនមួយដ៏ច្រើនលើសលុបលើសពីការរំពឹងទុក និងច្រើនជាងពេលមុនវិបត្តិជំងឺកូវីដ-១៩ទៅទៀត។

បើតាមក្រសួងទេសចរណ៍ ចរន្តភ្ញៀវទេសចរដ៏ច្រើននេះ បានបង្កើតជាផលប្រយោជន៍សេដ្ចកិច្ចដ៏ច្រើនទាំងនៅថ្នាក់ជាតិ និងនៅតាមមូលដ្ឋាន។ បណ្តាសណ្ឋាគារ ផ្ទះសំណាក់ និងសេវាស្នាក់នៅផ្សេងៗនៅស្ទើរគ្រប់ខេត្ត បានទទួលភ្ញៀវស្ទើរពេញស្ទើរ ១០០%។ ទន្ទឹមនឹងនេះ បណ្តាភោជនីយដ្ឋាន និងអាហារដ្ឋាន ក៏មានភ្ញៀវចូលពេញៗក្នុងរយៈពេល៣ថ្ងៃនេះ ដែលមានភាពខុសគ្នាធៀបនឹងពេលកំពុងមានវិបត្តិកូវីដ-១៩ខ្លាំង ដែលពួកគាត់ភាគច្រើនបានរៀបចំម្ហូបអាហារដោយខ្លួនឯងសម្រាប់បរិភោគជាដើម៕

The post តើរាជធានីខេត្តណាខ្លះឈរលើកំពូលតារាមានទេសចរច្រើនក្នុងចំណោម​​​Top10 នៃបុណ្យចូលឆ្នាំប្រពៃណីខ្មែរ២០២៣ appeared first on .

បើតាមក្រសួងទេសចរណ៍នៅរសៀលថ្ងៃចន្ទ ទី១៧ ខែមេសានេះ បានបង្ហាញតួលេខប្រចាំថ្ងៃនៃចំនួនភ្ញៀវទេសចរ ក្នុងនោះកាលថ្ងៃទី១៤ ភ្ញៀវមានចំនួន ២.០៩៨.៥០១ នាក់ ថ្ងៃទី១៥ ភ្ញៀវមានចំនួន ៤.២៣៧.៧៨០ នាក់ និងថ្ងៃទី១៦ ភ្ញៀវមានចំនួន ៦.៨៥១.៤៩០ នាក់។

សម្រាប់គោលដៅទេសចរណ៍សំខាន់ៗរយៈពេល០៣ថ្ងៃនេះ រួមមាន៖ ខេត្តសៀមរាប ២.១២០.៣៧៣ នាក់ ខេត្តបាត់ដំបង ១.៥០០.១៦៨ នាក់ ខេត្តកំពង់ចាម ១.៤០៨.៨១១ នាក់ រាធានីភ្នំពេញ ១.០៨០.៥០៩ នាក់ ខេត្តព្រះសីហនុ ៨៨៧.៨៩៣ នាក់ ខេត្តកំពត ៨៧០.៣៩៩ នាក់​ ខេត្តស្វាយរៀង ៧៦០.៣៩៩ នាក់ ខេត្តកំពង់ឆ្នាំង ៧៣៩.១៥៩ នាក់ ខេត្តបន្ទាយមានជ័យ ៦៥០.០១៣ នាក់ និងខេត្តកំពង់ស្ពឺ ៥១២.៨៩៨ នាក់។

ក្រសួងទេសចរណ៍ បានកត់សម្គាល់ឃើញថា ចំនួនភ្ញៀវទេសចរ និងបងប្អូនប្រជាពលរដ្ឋប្រមាណជាង ១៣ លាននាក់ ក្នុងរយៈពេល៣ថ្ងៃនេះ គឺជាចំនួនមួយដ៏ច្រើនលើសលុបលើសពីការរំពឹងទុក និងច្រើនជាងពេលមុនវិបត្តិជំងឺកូវីដ-១៩ទៅទៀត។ យ៉ាងណា ចំនូនភ្ញៀវទាំងជាង ១៣លាននាក់នេះ គឺរដ្ឋបាលរាជធានី ខេត្ត រាប់បញ្ចូលចំនួនភ្ញៀវទេសចរដែលធ្វើដំណើរកម្សាន្តនៅតាមរមណីយដ្ឋាន និងគោលដៅទេសចរណ៍ទូទាំងប្រទេស ចំនួនបងប្អូនប្រជាជនដែលបានចូលរួមលេងកម្សាន្តនៅតាមទីតាំងដែលមានការរៀបចំកម្មវិធីសង្រ្កាន្ត ព្រមជាមួយបងប្អូនប្រជាពលរដ្ឋដែលលេងកម្សាន្តនៅតាមភូមិស្រុក និងកន្លែងជួបជុំនានា។

ជារួម ក្រសួងទេសចរណ៍កម្ពុជា អាចវាយតំលៃបានថា ចរន្តភ្ញៀវដ៏ច្រើនកុះករមិនធ្លាប់មានក្នុងឱកាសចូលឆ្នាំនេះ គឺបានមកពីការជឿជាក់លើភាពស៊ាំសហគមន៍ក្នុងការគ្រប់គ្រងជំងឺកូវីដ-១៩ ការរៀបចំព្រឹត្តិការណ៍កម្សាន្តដ៏សំបូរបែប ពិសេសព្រឹត្តិការណ៍អង្គរសង្រ្កាន្ត និងការធានាបាននូវសុខសន្តិភាពពេញលេញដែលអនុញ្ញាតឲ្យប្រជាពលរដ្ឋដើរកម្សាន្តបានទូទាំងប្រទេស៕

The post មិនធ្លាប់មាន! រយៈពេល៣ថ្ងៃកម្ពុជាទទួលបានទេសចរសរុបជាង ១៣លាននាក់ នៃបុណ្យចូលឆ្នាំប្រពៃណីជាតិ appeared first on .

បើតាមរបាយការណ៍មន្ទីទេសចរណ៍ខេត្តពោធិ៍សាត់ បានឱ្យដឹងថា សម្រាប់រយៈពេល៣ថ្ងៃ ភ្ញៀវទេសចរមានចំនួនសរុប ១៤១,៣៧០នាក់ ក្នុងនោះទេសចរជាតិ ចំនួន ១៤១,៣៤៦នាក់ និងទេសចរបរទេស ចំនួន ២៤នាក់ បើប្រៀបធៀបនឹងរយៈពេល៣ថ្ងៃដូចគ្នា កាលពីឆ្នាំមុន ភ្ញៀវមានការថយចុះ ៥២,៥៦% (ឆ្នាំមុនភ្ញៀវមានចំនួន ២៩៨,០៣៧នាក់) ។

ពាក់ព័ន្ធទៅនឹងការថយចុះនៃចំនួនភ្ញៀវទេសចរនេះ បើតាមមន្ទីទេសចរណ៍ខេត្តពោធិ៍សាត់ បានបញ្ជាក់ថា អាចបណ្តាលមកពីកត្តាមួយចំនួនដូចជា៖
ទី១,ភ្នំ១៥០០(ផ្លូវបុប្ផាលាក់ខ្លួន) ភ្ញៀវមានការធ្លាក់ចុះខ្លាំង ដោយសារឆ្នាំនេះអាកាសធាតុក្តៅខ្លាំង ធ្វើឱ្យទេសភាពមិនសូវស្រស់ស្អាតដូចឆ្នាំមុន ។
ទី២,ស្រុកតាលោសែនជ័យ (សួនកម្សាន្តពូរីសត ) ឆ្នាំមុនជួលតារាល្បីៗមករាំលេងកម្សាន្ត តែដោយឡែកឆ្នាំនេះពុំមានជួលតារាល្បីមកសម្ដែងទេ។
ទី៣,មានព្រឹត្តិការណ៍អង្គរសង្ក្រាន្តនៅខេត្តសៀមរាប
ទី៤,មានការរៀបចំព្រឹត្តិការណ៍សង្ក្រាន្ត តាមមូលដ្ឋានខេត្តនីមួយៗ
ទី៥,ផ្លូវល្បឿនលឿនភ្នំពេញ-ព្រះសីហនុ ជាគោលដៅទេសចរណ៍ថ្មី រហ័សតាមរយៈការវិនិយោគរបស់រដ្ឋ។

គួរឱ្យដឹងផងដែរថា នៅថ្ងៃទី១ នៃបុណ្យចូលឆ្នាំប្រពៃណីជាតិត្រូវនឹងថ្ងៃទី១៤ ខែមេសា ឆ្នាំ២០២៣ មានភ្ញៀវទេសចរដើរលេងកម្សាន្តនៅតំបន់ទេសចរណ៍ និងរមណីយដ្ឋានទេសចរណ៍ ទូទាំងប្រទេសសរុបចំនួន ២.០៩៨.៥០១ នាក់ ក្នុងនោះភ្ញៀវជាតិ ២.០៧៩.៦៧០ នាក់ និងភ្ញៀវបរទេសផ្ទៃក្នុង ១៨.៨៣១ នាក់។ដោយឡែកសម្រាប់ថ្ងៃទី២ មានភ្ញៀវទេសចរដើរលេងកម្សាន្តប្រមាណ ៤,២៣៧,៧៨០នាក់ ក្នុងនោះភ្ញៀវជាតិ៤,២១៩,០២១នាក់ និងភ្ញៀវបរទេសផ្ទៃក្នុង១៨,៧៥៩នាក់។សរុបទាំង២ថ្ងៃ មានភ្ញៀវទេសចរសរុបមានចំនួនប្រមាណ៦,៣៣៦,២៨១នាក់៕

The post ចូលឆ្នាំ៣ថ្ងៃ ឆ្នាំនេះ ភ្ញៀវទេសចរមកលេងក្នុងខេត្តពោធិ៍សាត់ ធ្លាក់ចុះប្រមាណ៥០ភាគរយ appeared first on .

បើតាមក្រសួងទេសចរណ៍គោលដៅទេសចរណ៍សំខាន់ៗ រួមមាន៖ − ខេត្តសៀមរាប ៤៣៦.៦៧៩ នាក់ − ខេត្តបាត់ដំបង ៣០៥.៦១៥ នាក់ − រាជធានីភ្នំពេញ ២៦៣.៥៤៩ នាក់ − ខេត្តស្វាយរៀង ១៤៤.៧៧៨ នាក់ − ខេត្តកណ្តាល ១២៨.៦៩១ នាក់ − ខេត្តបន្ទាយមានជ័យ ១០៨.៥១៤ នាក់ − ខេត្តកំពង់ឆ្នាំង ១០៣.៧៨៤ នាក់ − ខេត្តព្រះសីហនុ ១០២.០៩៦ នាក់ − ខេត្តកំពត ៩៥,៣៤៤ នាក់។

ក្រសួងទេសចរណ៍បានកត់សម្គាល់ថា ចរន្តនៃការដើរកម្សាន្តនាថ្ងៃចូលឆ្នាំប្រពៃណីជាតិថ្ងៃទី១ឆ្នាំ២០២៣នេះ មានសភាពផុសផុលខ្លាំងធៀបនឹងថ្ងៃចូលឆ្នាំទី១កាលពីឆ្នាំ២០២២។ ជាក់ស្តែង តួលេខខាងលើ មានការកើនឡើងប្រមាណ ១៤៣,១៩% ធៀបនឹងថ្ងៃចូលឆ្នាំទី១ ឆ្នាំ២០២២ ដែលភ្ញៀវសរុបមានត្រឹមតែប្រមាណ ៨៦ ម៉ឺននាក់ប៉ុ​ណ្ណោះ។

ដោយឡែក ស្ថិតិខាងលើ គឺរាប់តែចំនួនភ្ញៀវទេសចរដែលទៅកម្សាន្តនៅរមណីយដ្ឋាន នីងគោលដៅទេសចរណ៍ និងចំនួនភ្ញៀវ និងបងប្អូនប្រជាពលរដ្ឋដែលទៅកម្សាន្តនៅតាមកន្លែងសំខាន់ៗប្រារព្វសង្រ្កាន្តតែប៉ុណ្ណោះ ដោយមិនបានគិតដល់ចំនួនបងប្អូនប្រជាពលរដ្ឋជាច្រើនផ្សេងទៀតដែលលេងកម្សាន្តនៅតាមភូមិស្រុក ឬកម្មវិធីសង្រ្កាន្តជាលក្ខណៈឯកជន ឬក្នុងទ្រង់ទ្រាយតូច។

ក្រៅតែពីការដើរកម្សាន្តនៅតាមគោលដៅទេសចរណ៍ និងកម្មវិធីសង្រ្កាន្ត ក្រសួងទេសចរណ៍ក៏សង្កេតឃើញបងប្អូនប្រជាពលរដ្ឋនៅតាមភូមិស្រុកនានា ទាំងក្មេងៗ យុវជន និងពុកម៉ែមាមីង បាននាំគ្នាជួបជុំលេងល្បែងកម្សាន្ត ច្រៀងរាំសប្បាយ និងលេងល្បែងប្រជាប្រិយនានា។ ខ្លះជិះម៉ូតូ ខ្លះជិះតាមរថយន្តដោយមានដាក់ធុងទឹក និង លេងកំាភ្លើងបាញ់ទឹក ប៉ាតផ្សៅ ធ្វើដំណើរចេញពីភូមិស្រុកមួយទៅមួយដោយក្តីរីករាយ។

ជារួម សភាពការណ៍សន្តិសុខ សណ្តាប់ធា្នប់ សុវត្ថិភាព ការគ្រប់គ្រងចរន្តភ្ញៀវ និងការគ្រប់គ្រងគុណភាព និងតម្លៃសេវាទេសចរណ៍នានា មិនមានបញ្ហាធំដុំណាមួយកើតឡើងទេនៅថ្ងៃចូលឆ្នាំទី១នេះ ហើយចរន្តភ្ញៀវត្រូវបានរំពឹងថានឹងមានសភាពកាន់តែផុសផុសនាថ្ងៃទី២នេះ ដោយសារបងប្អូនប្រជាពលរដ្ឋមួយចំនួននៅចាំទទួលទេវតាកាលពីរសៀលថ្ងៃម្សិលមុិញ៕

The post ថ្ងៃទី១បុណ្យចូលឆ្នាំមានភ្ញៀវទេសចរដើរកម្សាន្តជាង ២លាននាក់ តើរាជធានីខេត្តណាខ្លះស្ថិតក្នុងចំណោម Top 5 appeared first on .

កាំភ្លើងបាញ់ទឹកត្រូវបានទិញក្នុងចន្លោះពី ១៥ដុល្លារ ទៅ ៤០ដុល្លារក្នុងមួយដើម ខណៈដែលថ្ងៃទី១ នៃពិធីបុណ្យចូលឆ្នាំខ្មែរមិនសូវមានអ្នកទិញនោះទេ ប៉ុន្តែសម្រាប់ថ្ងៃទី ២ ទី៣ មានអ្នកសម្រុកទៅទិញសឹងតែអស់ពីស្តុករកកាំភ្លើងលក់មិនបានផង។ នេះបើតាមអ្នកលក់កាំភ្លើងបាញ់ទឹកនៅខេត្តបន្ទាយមានជ័យ មួយរូបសុំមិនបញ្ចេញឈ្មោះ បានប្រាប់ឧកញ៉ាញូស៍។

ប្រភពបានបន្តថា កាំភ្លើងបាញ់ទឹកដែលកំពុងពេញនិយមខ្លាំងនៅថ្ងៃចូលឆ្នាំខ្មែរនេះ គឺបាននាំចូលពីប្រទេសចិន វៀតណាម និងប្រទេសថៃ។

យ៉ាងណា ជុំវិញព្រឹត្តិការណ៍បុណ្យចូលឆ្នាំថ្មីប្រពៃណីជាតិខ្មែរនេះ មានអ្នកលេងបាញ់ទឹកពេញនិយមជាងល្បែងប្រជាប្រិយ លោកបណ្ឌិត សុខ ទូច ប្រធានរាជបណ្ឌិតសភា្យកម្ពុជា បានគូសបញ្ជាក់ដែរថា យើងឃើញថា វប្បធ៌មបាញ់ទឹកដាក់គ្នាហាក់មានភាពរីកដុះដាលពេញផ្ទៃប្រទេស ប៉ុន្តែលោកថា សូមបន្តវប្បធម៌បាញ់ទឹកដើម្បីភាពត្រជាក់ត្រជុំនេះ ដោយបង្វែពីការបាញ់ទឹកដាក់មនុស្ស មកបាញ់ដាក់ដំណាំវិញ យើងសង្ឃឹមថា បន្លែស្រុកយើងនឹងសម្បូរហូរហៀរ នឹងមិននាំចូលពីប្រទេសជិតខាងទៀតទេ។

គួរបញ្ជាក់ថា កម្ពុជាប្រារព្ធពិធីបុណ្យចូលឆ្នាំថ្មីប្រពៃណីជាតិ កាលពីថ្ងៃទី១៤ ទី១៥ និងទី១៦ ខែមេសា ។ បុណ្យចូលឆ្នាំថ្មីប្រពៃណីជាតិឆ្នាំនេះ នៅតាមបណ្តាខេត្ត រាជធានី មានការរៀបចំកម្មវីធីសង្រ្កាន្ត ដោយមានប្រជាជនជួបជុំគ្នាលេងល្បែងប្រជាប្រិយ រាំកម្សាន្តសប្បាយក្រោមដំណកទឹកដែលបាញ់ពីឡានទឹក យ៉ាងច្រើនកុះករ ។  

តាមរបាយការណ៍របស់ក្រសួងទេសចរណ៍ រយៈពេល៣ថ្ងៃ នៃពិធីបុណ្យចូលឆ្នាំខ្មែរ កម្ពុជាទទួលបានទេសចរជាតិ-អន្តរជាតិ សរុបជិត ៤,៦លាននាក់ ។ ក្នុងនោះ ខេត្តបាត់ដំបង កំពង់ចាម និងសៀមរាប មានទេសចរទៅកម្សាន្តច្រើនជាងគេ៕

The post កាំភ្លើងបាញ់ទឹក ត្រូវប៉ាន់ខ្លាំងនៅថ្ងៃចូលឆ្នាំ ដោយតម្លៃចន្លោះពី ១៥ដុល្លារ ដល់ ៤០ដុល្លារក្នុងមួយដើម appeared first on .