លោក វ៉ាត់ ចំរើន អគ្គលេខាធិការ នៃគណៈកម្មាធិការជាតិអូឡាំពិកកម្ពុជា បានបញ្ជាក់ថា ការចូលរួមរបស់កម្ពុជា ក្នុងព្រឹត្តិការណ៍កីឡាស៊ីហ្គេមឆ្នាំ២០២៥ នឹងទទួលបានការគាំពារយ៉ាងពិសេសពីភាគីម្ចាស់ផ្ទះ ហើយប្រតិភូ កីឡាករ កីឡាការិនី នឹងស្នាក់នៅសណ្ឋាគារតែមួយជុំគ្នានៅក្រុងបាងកក។ លោកក៏បានរំឭកពីគោលការណ៍ចលនាអូឡាំពិក ដែលមិនមានការប្រកាន់ រើសអើងឡើយ។ ការប្រកួតកីឡាក៏មិនមែនជាវេទិការនយោបាយទេ តែជាការប្រកួតប្រជែងដោយបច្ចេកទេស ដែលបង្កើតឱ្យបាននូវសន្តិភាព សុខដុមនីយកម្ម។

សូមជម្រាបជូនថា ក្នុងការចូលរួមព្រឹត្តិការណ៍កីឡាប្រចាំឧបទ្វីបអាស៊ីអាគ្នេយ៍នេះ កម្ពុជានឹងបញ្ជូនប្រតិភូ គ្រូបង្វឹក កីឡាករ កីឡាការិនី សរុបចំនួន ៣៣៣ រូប។ សម្រាប់ប្រភេទកីឡាទាំង ២១ ដែលកម្ពុជា ត្រូវប្រកួតប្រជែងមាន អត្តពលកម្ម ហែលទឹក ជិះសេះ គុនដាវ កាយសម្ព័ន្ធ យូដូ តេក្វាន់ដូ WT ទ្រីយ៉ាត្លុង បាល់ទះ បាល់ទាត់ ចំបាប់ បញ្ចស៊ីឡាត់ ឃីកបុកស៊ីង ប៉េតង់ សីដក់ ម៉ូតូទឹក ការ៉ាតេ ជឺជីតស៊ូ វូស៊ូ បាល់ទាត់លើតុ និងកីឡាអេឡិចត្រូនិក។

គួរដឹងដែរថា ក្នុងព្រឹត្តិការណ៍កីឡាស៊ីហ្គេម ឆ្នាំ២០២៣ កម្ពុជាក្នុងនាមជាម្ចាស់ផ្ទះ បានបញ្ចប់នៅចំណាត់ថ្នាក់លេខ៤ ដោយទទួលបានមេដាយមាស ៨១ គ្រឿង ប្រាក់ ៧៤ គ្រឿង និង សំរឹទ្ធ ១២៧ គ្រឿង សរុប ២៨២ គ្រឿង៕

The post កម្ពុជានឹងចូលរួមប្រកួតប្រជែងក្នុងព្រឹត្តិការណ៍ កីឡាអាស៊ីអាគ្នេយ៍ ឆ្នាំ២០២៥ នៅប្រទេសថៃ  ក្រោយមានការធានាគាំពារពិសេសពីម្ចាស់ផ្ទះ appeared first on .

បើតាមរដ្ឋលេខាធិការក្រសួងព័ត៌មាន បានឱ្យដឹងទៀតថា មិនត្រឹមតែជាការលើកស្ទួយកិត្យានុភាពជាតិខ្មែរ នៅលើឆាកអន្តរជាតិប៉ុណ្ណោះទេ ប៉ុន្តែក៏មានអត្ថន័យជាច្រើនអនេកទៀតដូចជា៖

១. បណ្តុះស្មារតីកូនខ្មែរឲ្យស្រឡាញ់កីឡាកាន់តែខ្លាំងថែមទៀតស្របតាមគោលការណ៍ «មនុស្សម្នាក់លេងកីឡាមួយមុខយ៉ាងតិច»។

២. បណ្តុះមោទកភាពជាតិដល់ខ្មែរគ្រប់រូបតាមរយៈការគាំទ្រនិងការសាទរយ៉ាងគគ្រឹកគគ្រេងដល់អត្តពលិកជាតិដោយអារម្មណ៍ក្តុកក្តួលរហូតស្រក់ទឹកភ្នែកដោយមិនដឹងខ្លួនទោះជាពួកគេបានទទួលជោគជ័យឬបរាជ័យក្តីពីព្រោះពួកគេបានខិតខំដើម្បីមុខមាត់ប្រទេសជាតិ។

៣. មហាទស្សនីយភាពពេលបើកស៊ីហ្គេមដែលធ្វើឲ្យអ្នកទស្សនាព្រឺសម្បុរគ្រប់គ្នាគឺជាការដាស់ស្មារតីខ្មែរឲ្យឃើញពីអច្ឆរិយភាពក្នុងអតីតកាលដើម្បីកសាងភាពរុងរឿងមួយសម្រាប់បច្ចុប្បន្នកាលនិងអនាគតក្រោមម្លប់សុខសន្តិភាពដែលជាមូលដ្ឋានគ្រឹះដ៏រឹងមាំ។

៤. បង្ហាញពីភាពខ្លាំងដ៏គួរឲ្យស្ញប់ស្ញែងរបស់ខ្មែរតាមរយៈការដណ្តើមបានមេដាយយ៉ាង ច្រើនសន្ធឹកសន្ធាប់របស់អត្តពលិកខ្មែរ នាំមុខគេពេលកម្ពុជាធ្វើជាម្ចាស់ផ្ទះស៊ីហ្គេមលើក ដំបូងបន្ទាប់ពីទន្ទឹងរង់ចាំអស់រយៈពេល ៦៤ឆ្នាំ ស្របតាមស្មារតី «ខ្មែរអាចធ្វើបាន»។

៥. បង្ហាញពីភាពថ្លៃថ្នូរនិងឯកភាពជាតិខ្មែរគ្រប់មជ្ឈដ្ឋានក្នុងការចូលរួមលើកស្ទួយមុខមាត់ប្រទេសជាតិតាមរយៈការបង្ហាញស្នាមញញឹម រីករាយ រាក់ទាក់ និងស្វាគមន៍យ៉ាងកក់ក្តៅដល់ភ្ញៀវបរទេសទោះបីឈ្នះឬចាញ់ ស្រប តាមការចង់បានរបស់ប្រមុខដឹកនាំរាជរដ្ឋាភិបាលក្នុងអត្ថន័យ «កីឡារស់ក្នុងសន្តិភាព សន្តិភាពដើម្បីទាំងអស់គ្នា ទាំងអស់គ្នាដើម្បីសន្តិភាព»។

សូមរម្លឹកថា ព្រឹត្តិការណ៍បើកកីឡាស៊ីហ្គេមជាផ្លូវការ កាលពីថ្ងៃទី០៥ ឧសភា ក្រោមវត្តមានដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា និងថ្នាក់ដឹកនាំជាន់ខ្ពស់ជាច្រើនរូប។

គួរបញ្ជាក់ថា កម្ពុជានឹងធ្វើជាម្ចាស់ផ្ទះ ព្រឹត្តិការណ៍ប្រកួតកីឡាស៊ីហ្គេម លើកទី៣២ ចាប់ពីថ្ងៃទី០៥ ដល់ថ្ងៃទី១៧ ខែឧសភា។ ទីតាំងប្រកួត ដែលជាគោលធំៗ រួមមាន រាជធានីពេញ ខេត្តសៀមរាប ខេត្តព្រះសីហនុ ខេត្តកំពត និងខេត្តកែប៕

អត្ថបទ៖ ស៊ីណាត

The post លោក ប៉ែន បូណា៖ ស៊ីហ្គេមលើកទី៣២ ឆ្នាំ២០២៣ ជាការលើកស្ទួយកិត្យានុភាពជាតិខ្មែរ លើឆាកអន្តរជាតិ appeared first on .

បើយោងតាមអ្នកជំនាញខាងសេដ្ឋកិច្ច មើលឃើញថា កម្ពុជានឹងទទួលបានផលចំណេញធំៗ២យ៉ាង ខណៈអ្នកជំនាញខាងពាណិជ្ជកម្មថា ក្រៅពីសកលលោកស្គាល់កម្ពុជាកាន់តែច្បាស់ សម្រាប់អ្នកវិនិយោគបានមើលឃើញទឹកចិត្តថ្នាក់ដឹកនំារបស់ប្រទេសកម្ពុជា មានភាពទូលំទូលាយ។

លោកបណ្ឌិត គី សេរីវឌ្ឍន៍ មានប្រសាសន៍ថា ចំពោះការរៀបចំព្រឹត្តិការណ៍ស៊ីហ្គេមនេះ សម្រាប់កម្ពុជាទទួលបានផលចំណេញជាច្រើន៖១)- ផលចំណេញអំពីការផ្សាយពាណិជ្ជកម្មរបស់កម្ពុជា អស់រយៈពេលយូរណាស់ហើយមិនបានធ្វើជាម្ចាស់ផ្ទះ ទើបតែនៅឆ្នំា២០២៣នេះ ដែលយើងមានស្តាតមរតកតេជោ លក្ខណៈអន្តរជាតិ ដើម្បីទទួលរៀបចំការប្រកួតកីឡាគ្រប់សណ្ឋានបាន អ៊ីចឹងកម្ពុជានឹងត្រូវបានគេស្គាល់ជាច្រើន តាមរយៈការប្រកួតកីឡា ហើយធ្វើឱ្យពិភពលោកបានស្គាល់ប្រទេសកម្ពុជា សម្រាប់អនាគតរបស់យើង គឺការទាក់ទាញអ្នកវិនិយោគ និងការទាក់ទាញភ្ញៀវទេសចរ មកកាន់កម្ពុជាថែមទៀត។ ២)-ផលចំណេញអំពីការគ្រប់គ្រងរបស់សម្តេចតេជោហ៊ុនសែន ដែលរៀបចំធ្វើជាម្ចាស់ផ្ទះប្រកបដោយភាពជោគជ័យ នៅក្នុងការប្រកួតកីឡានេះ ដោយមានការទទួលបដិសណ្ឋារកិច្ច ភ្ញៀវ និងកីឡាករជាច្រើន ព្រមទំាងមិនយកថ្លៃសំបុត្រចូលទស្សនា ដែលបណ្តាប្រទេសផ្សេងៗនៅលើសកលលោកយកថ្លៃសំបុត្រ តែកម្ពុជាមិនយក ហើយនេះគឺជាកេរ្តិ៍ឈ្មោះដ៏ប្រសើរ ដែលកម្ពុជាជាប្រទេសតូចតែបេះដូងធំ។

លោកបណ្ឌិត សង្កត់ធ្ងន់ថា «ចំពោះការមិនយកថ្លៃសំបុត្រចូលទស្សនានេះ រដ្ឋចំណាយថវិកាជាច្រើនលានដុល្លារអាមេរិកនេះ វានឹងអាចផ្តល់ឱ្យកម្ពុជានៅក្នុងពេលអនាគតច្រើនជាងនេះ រហូតដល់១០ដងឬច្រើនជាងនេះ ដោយសារតែកេរ្តិ៍ឈ្មោះ និងភាពល្បីរន្ទឺរបស់កម្ពុជា ហើយនេះគឺជាប្រវិត្តិសាស្ត្រមួយនៅក្នុងវិស័យកីឡាដែលប្រទេសដទៃផ្សេងទៀតមិនអាចប្រកួតកីឡាបាន ដោយមិនយកថ្លៃសំបុត្រចូលទស្សនាដូចនិងប្រទេសកម្ពុជាអ៊ីចឹងទេ ម្លោះហើយភាពល្បីល្បាញនេះ នឹងជួយកិត្តិសព្ទ័កម្ពុជាកាន់តែល្បីថែមទៀត»។

លោក ឧកញ៉ា លឹម ហេង អនុប្រធានសភាពាណិជ្ជកម្មកម្ពុជា មានប្រសាសន៍ថា ព្រឹត្តិការណ៍ស៊ីហ្គេមដែលកម្ពុជាធ្វើជាម្ចាស់ផ្ទះនៅឆ្នំា២០២៣ មិនយកថ្លៃសំបុត្រចូលទស្សនា ខ្ញុំគិតថា នេះជារឿងមួយដ៏ល្អហើយក៏សំខាន់សម្រាប់កម្ពុជា ដែលមិនបានធ្វើជាម្ចាស់ផ្ទះជាង៦០ឆ្នំានេះ នឹងធ្វើឱ្យសកលលោក ក៏ដូចជាអ្នកចូលរួមមានការភ្ញាក់ផ្អើលនិងបានស្គាល់កម្ពុជាកាន់តែច្បាស់។

លោកឧកញ៉ា បន្តថា« ពិសេសធ្វើឱ្យអ្នកវិនិយោគ ឬអ្នករកស៊ី ពួកគាត់យល់ឃើញថា ទឹកចិត្តថ្នាក់ដឹកនំារបស់ប្រទេសកម្ពុជា មានភាពទូលំទូលាយណាស់ ដែលធ្វើឱ្យពួកគាត់មានចិត្តស្ទាក់ស្ទើរ ក្នុងការចូលមកបណ្តាក់ទុនវិនិយោគនៅកម្ពុជាទេ ព្រោះគាត់យល់ថា មនោសញ្ចេតនានិងមានការដោះស្រាយជាច្រើនសម្រាប់អ្នកវិនិយោគ ដោយមិនគិតតែទៅលើផលប្រយោជន៍។នេះជាភាពទាក់ទាញសម្រាប់អ្នកវិនិយោគ»។

បើតាម លោកឧកញ៉ា លឹម ហេង កម្ពុជាជាប្រទេសតូច តែមានទឹកចិត្តសប្បុរសធម៌ធំទូលាយ ហើយវាធ្វើឱ្យកូនខ្មែរនៅជំនាន់ក្រោយ ត្រូវរៀនសូត្រតាមថ្នាក់ដឹកនាំសព្វថ្ងៃ ហើយនេះជាគំរូវីរៈភាពមួយដែលមិនអាចកាត់ថ្លៃបាន។លើសពីនេះលោកឧកញ៉ាបានអំពាវនាវដល់ប្រជាពលរដ្ឋ យកកីឡានេះធ្វើជាការទាក់ទាញ និងផ្សព្វផ្សាយក្នុងការបង្កើតកិត្តិយសជាតិ។ស្នើសុំឱ្យមានការសាមគ្គីជាអន្តរជាតិ ចៀសវាងការយកកីឡាមកប្រកួតប្រជែងផ្នែកពូជសាសន៍ និងនយោបាយផ្សេងៗ។

ថ្មីៗនេះ បើយោងតាមសម្តេចតេជោ ហ៊ុនសែន នាយករដ្ឋមន្ត្រី មានប្រសាសន៍បញ្ជាក់ថា ព្រឹត្តិការណ៍ស៊ីហ្គេមលើកទី៣២ ដែលកម្ពុជាធ្វើជាម្ចាស់ផ្ទះរៀបចំ ហើយមិនយកប្រាក់នេះ ក្នុងគោលបំណងដើម្បីទាញយកមនុស្សទំាងឡាយចូលមកស្គាល់កម្ពុជា។

សម្តេចតេជោ ហ៊ុនសែន គូសបញ្ជាក់ថា «លុយចំនួន៧លានដុល្លារអាមេរិក យើងនឹងចាយថែមដើម្បីចិញ្ចឹមកីឡាករ កីឡាការិនី ហើយខ្ញុំជឿជាក់ថា ពេលព្រឹត្តិការណ៍ស៊ីហ្គេមនៅប្រទេសដទៃទទួលរៀបចំ គេក៏អត់យកលុយពីកម្ពុជាវិញដែរ។ប៉ុន្តែអ្វីដែលកម្ពុជាចង់បាន គឺចង់បង្ហាញទឹកចិត្តមួយដូចដែលកម្ពុជាធ្លាប់ធ្វើទៅលើនាវាវេស្ទើរដាម នៅខេត្តព្រះសីហនុ»។

បើយោងតាមប្រសាសាន៍របស់សម្តេចតេជោ សម្រាប់រាជរដ្ឋាភិបាលមិនយកថ្លៃសំបុត្រចូលទស្សនាក្នុងព្រឹត្តិការណ៍ស៊ីហ្គេមក្នុងមនុស្សម្នាក់៥០ដុល្លារអាមេរិកនេះ វាមិនធ្វើឱ្យកម្ពុជាក្លាយជាអ្នកមានបានដែរ៕

អត្ថបទ៖សារេត

The post ព្រឹត្តិការណ៍ស៊ីហ្គេមលើកទី៣២ នឹងផ្តល់ផលចំណេញឱ្យកម្ពុជានៅអ្វីខ្លះ នាពេលខាងមុខ? appeared first on .

ម្ចាស់មេដាយមាសស៊ីហ្គេម ៣សម័យ និងជាជំនួយការសម្ដេចប្រធានព្រឹទ្ធសភា លោកជំទាវ ស៊ន សៀវម៉ី បានបង្ហោះសាររំភើបរីករាយ ក្រោយពេលបានក្លាយជាម្ដាយមួយរូប យ៉ាងដូច្នេះថា៖ “អរគុណបងប្អូន មិត្តភក្ក អ៊ុំពូមីង ទាំងអស់គ្នាខ្លាំងណាស់ សម្រាប់ពាក្យជូនពរល្អៗ ក៏ដូចជាអបអរសាទស្វាគមន៍វត្តមានកូនស្រីរបស់ពួកខ្ញុំទាំងពីរអ្នក។ ជាពិសេសអរគុណខ្លាំងទៅដល់អ្នកគ្រូពេទ្យទាំងអស់សម្រាប់ការមើលថែទាំយ៉ាងដិតដល់និងយកចិត្តទុកដាក់យកមានសុវត្ថិភាពក្នុងពេលសំរាល។”

គួរបញ្ជាក់ថា ដោយសារតែកន្លងមកបញ្ហាកូវីដ-១៩ បន្តរីករាលដាលក្នុងសហគមន៍ រារាំងមិនឱ្យ លោកជំទាវ និងស្វាមី អាចរៀបចំពិធីអាពាហ៍ពិពាហ៍ធំដុំ តាមគម្រោងបាន ទើបសម្រេចធ្វើពិធីសែនព្រេន បង្រ្គប់កិច្ច ដោយគ្រាន់តែអញ្ជើញញាតិមិត្ត បងប្អូនមួយចំនួន មកចូលរួមដឹងឮតែប៉ុណ្ណោះ។

យ៉ាងណាមិញ វីរកីឡាការិនីតេក្វាន់ដូ ជម្រើសជាតិកម្ពុជា  រូបនេះធ្លាប់បានបញ្ជាក់ថា ប្រសិនបើមាន​ឱកាសល្អ នៅពេលក្រោយ លោកជំទាវ និងគ្រួសារ អាចនឹងមានរៀបចំពិធីមង្គលការ ​តាមប្រពៃណីខ្មែរ ម្តងទៀត៕

The post អបអរសាទរ! ម្ចាស់មេដាយមាសស៊ីហ្គេម៣សម័យ ជំទាវ ស៊ន សៀវម៉ី ឆ្លងទន្លេបានកូនស្រី appeared first on .