យោងតាមការចុះផ្សាយរបស់ប្រព័ន្ធផ្សព្វផ្សាយរដ្ឋចិន នៅថ្ងៃទី២៩ ខែមីនានេះ  បានឱ្យដឹងថា មជ្ឈមណ្ឌលស្រាវជ្រាវនេះមានសមាសភាគសំខាន់ៗចំនួន ៣ រួមមាន ជាវេទិកាបង្គោល (Main platform)មន្ទីរពិសោធន៍លើនាវា និងប្រព័ន្ធគាំទ្រនៅលើគោក។ ចំណុចពិសេសនៃគម្រោងនេះ គឺការរចនាបែប «ពាក់កណ្តាលលិចទឹក» (Semi-submersible twin-hull) ដែលវាមានសមត្ថភាពធ្វើដំណើរបានលឿនដូចនាវាស្រាវជ្រាវទូទៅផង និងអាចបោះទីតាំងស្នាក់នៅកណ្តាលសមុទ្របានយូរអង្វែងផង ទោះស្ថិតក្នុងលក្ខខណ្ឌអាកាសធាតុអាក្រក់ ឬមានព្យុះខ្លាំងក៏ដោយ។

បច្ចេកវិទ្យា «ពាក់កណ្តាលលិចទឹក» (Semi-submersible twin-hull) គឺជាការរចនានាវាដែលមានជើងពីរយ៉ាងរឹងមាំនៅសងខាង ដែលអាចបញ្ចូលទឹកឱ្យលិចចុះក្រោមផ្ទៃទឹកមួយផ្នែកធំដើម្បីរក្សាលំនឹងឱ្យឈរនឹងថ្កល់ដូចជា «កោះ» ទោះបីជាស្ថិតក្នុងស្ថានភាពព្យុះបោកបក់ខ្លាំងក៏ដោយ ហើយវាក៏អាចបង្ហូរទឹកចេញវិញដើម្បីអណ្តែតខ្ពស់ឱ្យមានសមត្ថភាពបើកបរបានលឿនដូចជា «នាវា» ទូទៅផងដែរ។

កោះបណ្តែតទឹកនេះនឹងក្លាយជាទីលានពិសោធន៍ដ៏សំខាន់សម្រាប់ការទាញយកធនធានរ៉ែក្នុងសមុទ្រ ការអភិវឌ្ឍហេដ្ឋារចនាសម្ព័ន្ធប្រេង និងឧស្ម័ន ក៏ដូចជាការសិក្សាពីការវិវត្តនៃប្រព័ន្ធអេកូឡូស៊ី និងដើមកំណើតនៃជីវិតក្នុងមហាសមុទ្រ។ លើសពីនេះ វាក៏នឹងជួយបង្កើនសមត្ថភាពនៃការទស្សន៍ទាយគ្រោះមហន្តរាយធម្មជាតិដូចជាព្យុះទីហ្វុង ឱ្យកាន់តែមានភាពសុក្រឹត ដើម្បីកាត់បន្ថយហានិភ័យផ្សេងៗ។

តាមការគ្រោងទុក គម្រោងសាងសង់ហេដ្ឋារចនាសម្ព័ន្ធវិទ្យាសាស្ត្រដ៏អស្ចារ្យនេះ នឹងត្រូវបញ្ចប់ជាស្ថាពរនៅឆ្នាំ២០៣០ ខាងមុខ៕

The post ចិនគ្រោងសាងសង់ «កោះស្រាវជ្រាវបណ្តែតទឹក» ក្នុងមហាសមុទ្រដំបូងគេលើលោក appeared first on .

យោងតាមរបាយការណ៍ រ៉ែ​អុកស៊ីដ​ (oxides) ដ៏កម្រសរុប​ប្រមាណ​ ៩៦៦៥៦ លានតោន រួមជាមួយហ្វ្លុរីត (fluorite) ប្រមាណ ​​​២៧១៣៥៤ ​លាន​តោន និងបារីត (barite) ប្រមាណ​ ៣៧២២៧៧ លានតោន បានរកឃើញនៅក្នុងស្រុកមៀននីង បានក្លាយជាធនធានដ៏សំខាន់មួយ ដែលដើរតួនាទីនៅក្នុងវិស័យឧស្សាហកម្មទំនើបជាច្រើន​​របស់​ប្រទេស​ចិន​​ក្នុង​ពេល​​អនាគត​។

ការរកឃើញរ៉ែ​អុកស៊ីដ​ដ៏កម្រថ្មីនៅក្នុងតំបន់នេះ បានធ្វើឲ្យការកើនឡើងនៃ​​ធនធាន​បម្រុងជាង ៣០០ភាគរយ ក្លាយជារ៉ែដ៏កម្រ​ធំជាងគេទីពីររបស់ពិភពលោក បន្ទាប់ពីរ៉ែ Bayan Obo នៅក្នុងតំបន់ស្វយ័តម៉ុងហ្គោលី ភាគខាងជើងប្រទេសចិន។

ការរកឃើញចុងក្រោយនេះមានសារៈសំខាន់យ៉ាងខ្លាំង ជាពិសេសនៅពេលដែលតម្រូវការរ៉ែសំខាន់ៗទូទាំងពិភពលោកកាន់តែខ្លាំងឡើង និងសន្តិសុខខ្សែសង្វាក់ផ្គត់ផ្គង់ក្លាយជាអាទិភាពកំពូលសម្រាប់សេដ្ឋកិច្ចធំៗ៕

The post ចិន​​​​រកឃើញ​ប្រភព​​រ៉ែ​កម្រ​​ដ៏ធំមហិមា ​នៅខេត្តស៊ីឈួន ជាកំណប់រ៉ែ​កម្រ​​ធំជាងគេទីពីលើលោក appeared first on .

យោងតាមសារព័ត៌មាន China Daily បេក្ខជនមានពិន្ទុគេង បានស្កប់បំផុតនឹងទទួលបានប្រាក់រង្វាន់ ៣,០០០ យ័ន (ប្រហែល ៤៣៥ ដុល្លារ) ចំណែកអ្នកឆាប់គេងលក់ជាងគេនឹងទទួលបាន ២,០០០ យ័ន(ប្រហែល ២៩០ដុល្លារ) ហើយបេក្ខជនផ្សេងទៀតអនុវត្តតាមច្បាប់រហូតដល់ចប់ ក៏នឹងត្រូវបែងចែកប្រាក់រង្វាន់សរុបចំនួន ១០,០០០ យ័ន (ប្រហែលជិត ១៥០០ដុល្លារ)។

កម្មវិធីនេះមានគោលបំណងជួយឱ្យអ្នករស់នៅទីក្រុងបានសម្រាកពីភាពមមាញឹក និង ភាពតានតឹង ដោយទាញយកថាមពលពីធម្មជាតិមកជួយឱ្យរាងកាយ និងស្មារតីមានភាពធូរស្រាល។ លក្ខខណ្ឌនៃការប្រកួតតម្រូវឱ្យបេក្ខជនមានអាយុចន្លោះពី ១៨ ដល់ ៥០ ឆ្នាំ ហើយក្នុងអំឡុងពេលប្រកួត ពួកគេមិនត្រូវបានអនុញ្ញាតឱ្យប្រើប្រាស់ទូរស័ព្ទ ញ៉ាំអាហារ (លើកលែងតែទឹក) ជជែកគ្នា ឬក្រោកចេញពីពូកឡើយ បើមិនដូច្នេះទេនឹងត្រូវចាត់ទុកថាចាញ់ការប្រកួតភ្លាមៗ។

គួរបញ្ជាក់ថា ការប្រកួតដ៏ប្លែកនេះកំពុងទទួលបានការចាប់អារម្មណ៍យ៉ាងខ្លាំងនៅលើបណ្តាញសង្គម និងត្រូវបានរៀបចំលើកោះ Chongming ដែលត្រូវបានគេស្គាល់ថាជាតំបន់ដែលមានគុណភាពខ្យល់ល្អបំផុត និងមានផ្ទៃដីព្រៃឈើធំជាងគេក្នុងទីក្រុងសៀងហៃ ប្រទេសចិន៕

The post ចិនផ្តល់រង្វាន់ជាង៤០០ដុល្លារ ដល់អ្នកគេងក្នុងព្រៃ ដើម្បីអបអរសាទរទិវាគេងពិភពលោក appeared first on .

អ្នកនាំពាក្យក្រសួងការបរទេសចិន លោក Guo Jiakun បានឱ្យដឹងកាលពីថ្ងៃទី១៧មីនាថា តាមរយៈជំនួយមនុស្សធម៌នេះ រដ្ឋាភិបាលទីក្រុងប៉េកាំងរំពឹងថា នឹងជួយសម្រាលទុក្ខលំបាករបស់ប្រជាជនកំពុងរងគ្រោះ ខណៈស្ថានភាពមនុស្សធម៌មានភាពកាន់តែដុនដាប។

អ្នកនាំពាក្យក្រសួងការបរទេសចិន បានសង្កត់ធ្ងន់ថា ប្រទេ​សចិន នឹងបន្តខិតខំប្រឹងប្រែងជំរុញឱ្យមានការឈប់បាញ់ ដើម្បីនាំយកសន្តិភាព និង ស្ថិរភាពត្រឡប់មកកាន់តំបន់នេះវិញឱ្យបានឆាប់រហ័ស ព្រមទាំងទប់ស្កាត់កុំឱ្យវិបត្តិមនុស្សធម៌នេះរីករាលដាលបន្តទៀត។

លោកបានគូសបញ្ជាក់ថា ជំហររបស់ទីក្រុងប៉េកាំងនៅតែបន្តប្រកាន់ខ្ជាប់នូវការរក្សាសន្តិសុខតាមរយៈកិច្ចចរចា និង បានបដិសេធសំណើរបស់លោក ត្រាំ ក្នុងការបញ្ជូននាវាចម្បាំងទៅកាន់ច្រកសមុទ្រហ័រមូស (Strait of Hormuz) ព្រោះបារម្ភថា សកម្មភាពយោធាអាចនឹងធ្វើឱ្យជម្លោះកាន់តែឆេះឡើងខ្លាំង ហើយវាមិនមែនជាវិធីសាស្ត្រក្នុងការដោះស្រាយសង្គ្រាមនេះឡើយ៕

The post ចិន ប្រកាសផ្តល់ជំនួយមនុស្សធម៌បន្ទាន់ដល់ ៤ ប្រទេសនៅមជ្ឈិមបូព៌ា ដែលរងគ្រោះពីសង្គ្រាម appeared first on .

ប្រទេសដែលស្ថិតនៅភូមិផងរបងក្បែរគ្នា ប្រាកដណាស់ចង់មិនចង់លំហូរនៃប្រជាជន តែងតែមានទំនាក់ទំនងគ្នាទៅវិញទៅមក តាមរយៈការធ្វើអាជីវកម្ម ក៏ដូចជាចំណាកស្រុកជាដើម ដោយក្នុងនោះ ឥណ្ឌូណេស៊ី ថៃ ហើយនិងប្រទេសម៉ាឡេស៊ី បានក្លាយជាផ្ទះធំទីពីររបស់ប្រជាជនចិន ខណៈមហាអំណាចសេដ្ឋកិច្ច ដែលជាសហរដ្ឋអាមេរិកវិញនោះ ក៏មានប្រជាជនចិនរស់នៅច្រើនដូចគ្នា។

១. ប្រទេសឥណ្ឌូណេស៊ី មានប្រជាជនចិនកំពុងរស់នៅចំនួន ១១,២លាននាក់

២. ប្រទេសថៃ មានប្រជាជនចិនរស់នៅចំនួន ៧លាននាក់

៣. ប្រទេសម៉ាឡេស៊ី មានប្រជាជនចិនរស់នៅចំនួន ៦,៩លាននាក់

៤. សហរដ្ឋអាមេរិក មានប្រជាជនចិនរស់នៅចំនួន ៥,៨លាននាក់

៥. ប្រទេសសិង្ហបុរី មានប្រជាជនចិនរស់នៅចំនួន ៣,១លាននាក់

៦. ប្រទេសកាណាដា មានប្រជាជនចិនរស់នៅចំនួន ២លាននាក់

៧. ប្រទេសអូស្ត្រាលី មានប្រជាជនចិនរស់នៅចំនួន ១,៥លាននាក់

៨. ប្រទេសបារាំង មានប្រជាជនចិនរស់នៅចំនួន ៨០ម៉ឺននាក់

៩. ប្រទេសអាហ្វ្រិកខាងត្បូង មានប្រជាជនចិនរស់នៅចំនួន ៥០ម៉ឺននាក់

១០. ប្រទេសអង់គ្លេស មានប្រជាជនចិនរស់នៅចំនួន ៥០ម៉ឺននាក់

១១. ប្រទេសអ៊ីតាលី មានប្រជាជនចិនរស់នៅចំនួន ៣០ម៉ឺននាក់

១២. ប្រទេសញូសេឡែន មានប្រជាជនចិនរស់នៅចំនួន ៣០ម៉ឺននាក់៕

The post ប្រទេសទាំង១២នេះ ដែលប្រជាជនចិន រស់នៅច្រើនជាងគេបំផុតនៅលើពិភពលោក appeared first on .

យោងតាមអ្នកនាំពាក្យសកលរបស់ Starbucks បាននិយាយនៅក្នុងសេចក្តីថ្លែងការណ៍មួយថា ៖”យើងប្តេជ្ញាអស់ពីចិត្តចំពោះអាជីវកម្មរបស់យើងនៅក្នុងប្រទេសចិន រួមជាមួយដៃគូរបស់យើង និងការអភិវឌ្ឍរយៈពេលវែងនៅក្នុងទីផ្សារប្រទេសនេះ” ។

ក្រុមហ៊ុនបានបន្ថែមឲ្យដឹងទៀតថា “ដូចដែលបានបង្ហាញនៅក្នុងលទ្ធផលប្រាក់ចំណូលនៅក្នុងត្រីមាសទី៤ យើងកំពុងចំណាយពេលដើម្បីទទួលបានការយល់ដឹងកាន់តែស៊ីជម្រៅបន្ថែមទៀតអំពីប្រតិបត្តិការអាជីវកម្មរបស់យើងនៅក្នុងប្រទេសចិន និងបរិយាកាសទីផ្សារដែលមានការប្រកួតប្រជែងខ្លាំង។ យើងកំពុងខិតខំប្រឹងប្រែងឲ្យអស់ពីលទ្ធភាពដើម្បីកំណត់ផ្លូវឆ្ពោះទៅរកការរីកចម្រើនដ៏ល្អបំផុត រួមទាំងការស្វែងរកភាពជាដៃគូយុទ្ធសាស្ត្រផងដែរ”។

យោងតាមរបាយការណ៍ចុះផ្សាយដោយសារព័ត៌មាន Bloomberg News កាលពីថ្ងៃព្រហស្បតិ៍ បានបង្ហាញថា Starbucks កំពុងវាយតម្លៃជម្រើសផ្សេងៗសម្រាប់អាជីវកម្មនៅក្នុងប្រទេសចិនរបស់ខ្លួន រួមទាំងការលក់ភាគហ៊ុនដ៏មានសក្តានុពលផងដែរ។ សកម្មភាពបែបនេះ អាចទាក់ទាញចំណាប់អារម្មណ៍កាន់តែខ្លាំងពីសំណាក់បណ្តាក្រុមហ៊ុនចិន ឬក្រុមហ៊ុនក្នុងស្រុកដែលមានបទពិសោធននៅក្នុងឧស្សាហកម្មដូចគ្នានេះ។

គួរឲ្យដឹងផងដែរថា យុទ្ធសាស្រ្តស្រដៀងគ្នានេះ ក៏ត្រូវបានអនុវត្តដោយក្រុមហ៊ុនម៉ាកយីហោធំៗរបស់ពិភពលោកផ្សេងទៀត រួមទាំងក្រុមហ៊ុន McDonald’s Corp និង Yum Brands Inc ផងដែរ ដែលបានលក់ភាគហ៊ុននៅក្នុងអាជីវកម្មចិនរបស់ពួកគេ ទៅឲ្យក្រុមហ៊ុនឯកជន ដើម្បីបង្កើនចំណែកទីផ្សារ និងស្របតាមយុទ្ធសាស្រ្តក្នុងស្រុក។

ជម្រាបជូនផងដែរថា បច្ចុប្បន្នក្រុមហ៊ុន Starbucks ដំណើរការហាងជាង ៧ ៥០០ កន្លែង នៅក្នុងទីក្រុងជាង ២៥០ នៅក្នុងប្រទេសចិន៕

The post Starbucks កំពុងពិចារណាលក់ភាគហ៊ុននៅក្នុងប្រទេសចិន ចំពេលមានការប្រកួតប្រជែងកាន់តែខ្លាំង appeared first on .

ក្រុមហ៊ុនដែលមានមូលដ្ឋាននៅទីក្រុង Shenzhen បានចែកចាយរថយន្តអគ្គិសនី និងរថយន្តប្រភេទកូនកាត់ Hybrid របស់ខ្លួន ចំនួន ២,៩ លានគ្រឿងដល់អតិថិជនទូទាំងពិភពលោកក្នុងឆ្នាំនេះ គិតត្រឹមខែតុលា ពោលគឺបានកើនឡើង ៣៥% បើធៀបនឹងរយ:ពេលដូចគ្នាទៅនឹងឆ្នាំមុន។

យោងតាមក្រុមហ៊ុនផ្តល់ទិន្នន័យ CnEVPost បានបង្ហាញឲ្យដឹងទៀតថា ការលក់របស់ក្រុមហ៊ុន BYD ទំនងជាបន្តកើនឡើងដល់ទៅ ៤ លានគ្រឿង នៅឆ្នាំនេះ ជាមួយនឹងកម្មវិធីប្រម៉ូសិនលក់ដំណាច់ឆ្នាំរបស់ខ្លួន ទំនងជាធ្វើឲ្យការលក់កើនឡើង។

ទន្ទឹមនឹងនេះ រោងចក្ររបស់ក្រុមហ៊ុន Volkswagen នៅក្នុងប្រទេសចិន បានចែកចាយរថយន្តអគ្គិសនី និងរថយន្តដើរដោយប្រេងសាំង សរុប ២,២៣ លានគ្រឿង ប៉ុណ្ណោះ ក្នុងរយៈពេល ១០ខែដំបូងនៃឆ្នាំនេះ ខណ:កន្លងមកក្រុមហ៊ុនផលិតរថយន្តអាឡឺម៉ង់ គឺជាអ្នកនាំមុខគេនៅក្នុងឧស្សាហកម្មរថយន្តរបស់ប្រទេសចិន ចាប់តាំងពីខ្លួនបានចូលមកបណ្តាក់ទុនជាមួយក្រុមហ៊ុនផលិតរថយន្តក្នុងស្រុក SAIC Motor និង FAW ក្នុងអំឡុងឆ្នាំ១៩៨៤ មក។

ជម្រាបជូនផងដែរថា BYD ក៏វ៉ាដាច់ក្រុមហ៊ុន Tesla ទាក់ទងនឹងបរិមាណលក់ និងប្រាក់ចំណូល ក្នុងត្រីមាសទី៣ ផងដែរ ដោយខ្លួនបានចែកចាយរថយន្តអគ្គិសនីសរុបចំនួន ១,១៣លានគ្រឿង ក្នុងរយៈពេលបីខែចុងក្រោយ ស្របពេល Tesla បានកត់ត្រាចំនួនលក់ត្រឹម ៤៦២ ៨៩០ គ្រឿងប៉ុណ្ណោះ ក្នុងរយៈពេលដូចគ្នា៕

The post BYD ទំនងវ៉ាដាច់ក្រុមហ៊ុនយក្សអាល្លឺម៉ង់ Volkswagen ក្នុងនាមជាអ្នកផលិតរថយន្តធំបំផុតរបស់ចិន នៅឆ្នាំនេះ appeared first on .

ការជូនដំណឹងនេះ បានកើតឡើងចំពេលមានការព្រួយបារម្ភកាន់តែខ្លាំងអំពីផលប៉ះពាល់នៃវេទិកាលក់ទំនិញអនឡាញរបស់ចិន នៅលើទីផ្សារក្នុងស្រុក ដោយសារតែការបញ្ចុះតម្លៃយ៉ាងខ្លាំងទៅលើផលិតផល និងគុណភាពនៃទំនិញរបស់ពួកគេ។

ទន្ទឹមនឹងនេះ អនុរដ្ឋមន្ត្រីក្រសួងពាណិជ្ជកម្មវៀតណាម លោក Nguyen Hoang Long បានប្រាប់នៅក្នុងកិច្ចប្រជុំរដ្ឋាភិបាលកាលពីចុងសប្តាហ៍មុនថា ក្រសួងបានធ្វើការជាមួយ ទាំងក្រុមហ៊ុន Shein និង Temu ទាក់ទងទៅលើបញ្ហាអាជ្ញាប័ណ្ណនេះ។

លោក Long បានបន្ថែមឲ្យដឹងទៀតថា ៖”បន្ទាប់ពីការជូនដំណឹងរបស់ក្រសួង ប្រសិនបើវេទិកាអនឡាញទាំងនេះមិនព្រមអនុវត្តតាមទេនោះ ក្រសួងឧស្សាហកម្ម និងពាណិជ្ជកម្ម នឹងសម្របសម្រួលជាមួយភ្នាក់ងារពាក់ព័ន្ធទាំងអស់ដើម្បីអនុវត្តវិធានការបច្ចេកទេស ដូចជាការទប់ស្កាត់ ឬអាចបិទចោលកម្មវិធីទាំងស្រុង”។

ជម្រាបជូនផងដែរថា Shein ដែលជាហាងលក់សម្លៀងបំពាក់ បាននឹងកំពុងដាក់លក់ផលិតផលរបស់ខ្លួន នៅក្នុងប្រទេសវៀតណាមមួយរយៈមកហើយ ស្របពេល Temu ដែលគ្រប់គ្រងដោយក្រុមហ៊ុនអេឡិចត្រូនិកខ្នាតយក្សរបស់ចិន PDD Holdings បានចាប់ផ្តើមអនុញ្ញាតឲ្យអ្នកប្រើប្រាស់នៅក្នុងប្រទេសវៀតណាមទិញទំនិញរបស់ខ្លួន កាលពីខែមុន៕

The post វៀតណាម ព្រមានបិទចោលក្រុមហ៊ុនលក់ទំនិញអនឡាញខ្នាតយក្សរបស់ចិនពីរ បើមិនព្រមចុះឈ្មោះក្នុងបញ្ជី appeared first on .

ជុំវិញផែនការបង្កើនការផលិតនេះ ត្រូវបានចាត់ទុកថាជាយុទ្ធសាស្រ្តថ្មីចុងក្រោយមួយរបស់ Toyota ដើម្បីគូសបញ្ជាក់ពីមហិច្ឆតារបស់ខ្លួន ក្នុងការដំណ្តើមយកមកវិញនូវចំណែកទីផ្សាររបស់ខ្លួនដែលបាត់បង់ទៅឲ្យក្រុមហ៊ុន BYD និងក្រុមហ៊ុនផលិតរថយន្តក្នុងស្រុកផ្សេងទៀត ក្នុងរយ:ពេលប៉ុន្មានឆ្នាំថ្មីៗនេះ។

មិនតែប៉ុណ្ណោះ វាត្រូវបានគេយល់ឃើញទៀតថា យុទ្ធសាស្ត្ររបស់ក្រុមហ៊ុន Toyota នេះ គឺហាក់ផ្ទុយពីក្រុមហ៊ុនផលិតរថយន្តរបស់ពិភពលោកផ្សេងទៀត រួមទាំងក្រុមហ៊ុនជប៉ុនផងដែរ ដែលកំពុងតែដកថយ ឬដកខ្លួនចេញពីទីផ្សារប្រទេសចិនតែម្តង។

ទន្ទឹមនឹងនេះ ក្រុមហ៊ុន Toyota ក៏បានជូនដំណឹងដល់អ្នកផ្គត់ផ្គង់មួយចំនួនរួចផងដែរ អំពីការបង្កើនការផលិតដែលខ្លួនបានគ្រោងទុក ដោយសង្ឃឹមថានឹងអាចធានាដល់អ្នកផលិតគ្រឿងបន្លាស់ឡើងវិញ ពីការប្តេជ្ញាចិត្តរបស់ខ្លួនចំពោះប្រទេសចិន និងធានាបាននូវខ្សែសង្វាក់ផ្គត់ផ្គង់បន្ថែមទៀត។

ជម្រាបជូនផងដែរថា ជុំវិញការបង្កើនចំនួនផលិតឲ្យដល់ ២,៥ លានគ្រឿងក្នុងមួយឆ្នាំនេះ គឺកើនឡើង ៦៣% បើធៀបទៅនឹងចំនួនកំណត់ត្រា ១,៨៤ លានគ្រឿងដែល Toyota បានផលិតនៅក្នុងប្រទេសចិន ក្នុងឆ្នាំ២០២២ ខណ:កាលពីឆ្នាំ២០២៣ ពួកគេផលិតរថយន្តបាន ១,៧៥ លានគ្រឿង៕

The post Toyota ដាក់គោលដៅផលិតរថយន្តឲ្យបាន ២,៥ លានគ្រឿងក្នុងមួយឆ្នាំ នៅប្រទេសចិន appeared first on .

រូបភាពថ្មីចុងក្រោយនៃរ៉ុក្កែតជំនាន់ថ្មីនេះ ត្រូវបានឲ្យឈ្មោះថា Long March 9 ដែលត្រូវបានដាក់តាំងបង្ហាញនៅឯការតាំងពិពណ៌អាកាសចិនលើកទី១៥ រៀបចំធ្វើឡើងនៅក្នុងទីក្រុង Zhuhai ប្រទេសចិន។

យោងតាមបទបង្ហាញនៅក្នុងកម្មវិធីនោះ រ៉ុក្កែតនេះ នឹងត្រូវបង្កើតឡើងចែកចេញជាពីរដំណាក់កាល សម្រាប់ផែនការបាញ់បង្ហោះអវកាសយានិកទៅកាន់ឋាន​ព្រះ​ច័ន្ទ​ ខណ:លក្ខណ:ពិសេសរបស់វា គឺនឹងអាចយកប្រើប្រាស់ឡើងវិញបានទាំងស្រុង ពោលគឺដូចគ្នាទៅនឹងយាន Starship របស់មហាសេដ្ឋី Elon Musk ដែរ។

ក្រៅពីនេះ ក៏នៅមានភាពដូចគ្នាមួយចំនួនផ្សេងទៀត ដូចជាឧបករណ៍រុញច្រានយាននៅដំណាក់កាលទី១ របស់ Long March 9 នឹងត្រូវបំពាក់ដោយម៉ាស៊ីន YF-215 ចំនួន ៣០ ដែលដំណើរការដោយអុកស៊ីសែនរាវ និងឧស្ម័នមេតានរាវ ពោលគឺដូចទៅនឹងឧបករណ៍រុញយាន Starship ដែលត្រូវបានគេស្គាល់ថាជា Super Heavy ដែរ ដោយវាមានម៉ាស៊ីន Raptor ជំនាន់ថ្មីចំនួន ៣៣ គ្រឿង ដែលប្រើប្រាស់ម៉ាស៊ីនដំណើរការដោយថាមពលដូចគ្នានេះ។

គួរឲ្យដឹងផងដែរថា យាន Long March 9 ដែលកំពុងត្រូវបានបង្កើតឡើងដោយសាជីវកម្មរដ្ឋ China Academy of Launch Vehicle Technology (CALT) នេះ នឹងមានកម្ពស់ ១១៤ម៉ែត្រ និងមានសមត្ថភាពផ្ទុកបន្ទុកយ៉ាងតិច ១៥០ តោនទៅកាន់គន្លងផែនដីទាប (LEO ) ខណ:យាន Starship មានកម្ពស់ ១២២ម៉ែត្រ ជាមួយនឹងសមត្ថភាពផ្ទុកបន្ទុក LEO ស្រដៀងគ្នា ផងដែរ។

ជម្រាបជូនផងដែរថា បើទោះបីជាមានភាពដូចគ្នាច្រើនក៏ដោយ ប៉ុន្តែយាន Long March 9 ត្រូវបានគេរំពឹងថានឹងចាប់ផ្តើមបាញ់បង្ហោះជាលើកដំបូង ក្នុងឆ្នាំ២០៣៣ ចំណែកឯ Starship មានការបាញ់សាកល្បងចំនួន ៥លើករួចមកហើយ ខណ:ការតេស្តសាកឡើងលើកទី៦ នឹងត្រូវចាប់ផ្តើមឡើងនៅថ្ងៃទី១៨ ខែវិច្ឆិកាខាងមុខ៕

The post ចិន បញ្ចេញរ៉ុក្កែតជំនាន់ថ្មី ដូចគ្នាស្ទើទាំងស្រុងទៅនឹងយាន Starship របស់ក្រុមហ៊ុន ​SpaceX appeared first on .