លោក កើត រិទ្ធ រដ្ឋមន្ដ្រីក្រសួងយុត្តិធម៌ កាលថ្ងៃទី១៤ សីហា ឆ្នាំ២០២៣ បានចេញលិខិតបង្គាប់ការបង្គាន់មកឲ្យលោក ជីវ កេង អនុប្រធានតុលាការកំពូលបច្ចុប្បន្នឲ្យទទួលបន្ទុកជាប្រធានស្ដីទីតុលាការកំពូលបណ្ដោះអាសន្ន រហូតមានការតែងតាំងជាផ្លូវការ។

ក្នុងលិខិតបង្គាប់ការលោក កើត​ រិទ្ធ ណែនាំឲ្យលោក ជីវ កេង អនុវត្តនូវលិខិតបង្គាប់ការនេះឲ្យមានប្រសិទ្ធភាពបំផុត។

លោកជីវ កេង ជាអតីតប្រ​ធាន​តុលា​ការ​សា​លា​ដំបូង​រាជ​ធានី​ភ្នំ​ពេញ អស់​រយៈ​ពេល​ពីរ​អាណត្តិ​ ដែលដាក់ជំនួសមកវិញដោយ​លោក អាំង មាលតី ដែល​ជា​អតីត​ប្រធាន​តុលាការ​សាលា​ដំបូង​ខេត្ត​បន្ទាយ​មានជ័យ កាល​ពីថ្ងៃ​ទី២១ មេសា​ ឆ្នាំ២០១៤។

លោក ជីវ កេង ក៏មានកូនប្រុសម្នាក់ផងដែរជានាយកសាលា​ភូមិន្ទ​ចៅក្រម​នៃរាជបណ្ឌិតសភាវិជ្ជាជីវៈតុលាការ មានឋានៈស្មើអនុរដ្ឋលេខាធិការ គឺលោក កេង សុម៉ារិទ្ធ។ ចាប់តាំងពីឆ្នាំ ២០១៤ រហូតមកដល់បច្ចុប្បន្នកូនប្រុសរបស់អនុប្រធានតុលាការកំពូលនេះ មានមុខតំណែងនៅ​ក្នុងក្របខណ្ឌក្រសួងយុត្តិធម៌ ដែលផ្ទេរមកពីចៅក្រមសាលាដំបូងខេត្តកណ្ដាល៕

The post រដ្ឋមន្រ្តីក្រសួងយុត្តិធម៌ បង្គាប់ឲ្យលោក ជីវ កេង ទទួលបន្ទុកជាប្រធានតុលាការកំពូលបណ្តោះអាសន្ន appeared first on .

ព្រះរាជសារព្រះករុណា ព្រះមហាក្សត្រ កាលពីថ្ងៃទី១១ ខែសីហា មានបន្ទូលឲ្យលោក កើត រិទ្ធ សមាជិកឧត្តមក្រុមប្រឹក្សានៃអង្គចៅក្រម និងជារដ្ឋមន្រ្តីក្រសួងយុត្តិធម៌ ចាត់ចែងតាមនីតិវិធីចំពោះសំណើរសុំចូលនិវត្តន៍ដោយស្ម័គ្រចិត្តពីតួនាទីប្រធានតុលាការកំពូលរបស់លោក ឌិត មុន្ទី ដោយសារតែមានវ័យកាន់ច្រើន និងបញ្ហាសុខភាព។

ព្រះរាជក្រឹត្យ ត្រាស់បង្គាប់ ដាក់ឱ្យចូលនិវត្តន៍ក្នុងឋានន្តរស័ក្តិឧត្តមចៅក្រម នៃក្របខណ្ឌចៅក្រម តាមការស្នើស៉ំរបស់សាមីខ្លួន ចំពោះប្រធានតុលាការកំពូល លោក ឌិត មុន្ទី និងចៅក្រមតុលាការកំពូល លោក សោម សិរិវឌ្ឍ លោក ទី ណេង នឹងត្រូវគិតចាប់ពីថ្ងៃទី១៥ ខែសីហា ឆ្នាំ២០២៣។

លោក ឌិត មុន្ទី ជាសមាជិកអចិន្ត្រៃយ៍គណៈកម្មាធិការកណ្ដាលគណបក្សប្រជាជនកម្ពុជា ជាឪពុករបស់រដ្ឋមន្រ្តីក្រសួងកសិកម្មរុក្ខាប្រមាញ់ និងនេសាទ លោក ឌិត ទីណា ដែលជាឈាមថ្មីបន្តវេនរបស់គណបក្សប្រជាជនកម្ពុជា។ លោក ឌិត មុន្ទី ជាដន្លងសម្តេចវិបុលសេនាភក្តី សាយ ឈុំ ជាឪពុកក្មេកលោក សាយ សំអាល់ រដ្ឋមន្រ្តីបរិស្ថានដែលជាភរិយាលោកស្រី ឌិត នីតា ម្ចាស់គ្រឹះស្ថានមីក្រូហិញ្ញវត្ថុ ខេមា និងជាម្ចាស់ក្រុមហ៊ុុនព័ត៌មាន AMS (APSARA MEDIA SERVICES)។

ក្នុងសារសំឡេងឆ្លើយតបនឹងការផ្សាយញុះញង់របស់វិទ្យុអាស៊ីសេរីពាក់ព័ន្ធនឹងការរៀបចំសមាសភាពក្បាលម៉ាស៊ីនរដ្ឋសភា កាលពីថ្ងៃទី៩ ខែសីហា សម្តេចតេជោ ហ៊ុន សែន នាយករដ្ឋមន្រ្តី បានបញ្ជាក់ដែរថា សម្តេចវិបុលសេនាភក្តី សាយ ឈុំ ប្រធានព្រឹទ្ធសភា និងលោក ឌិត មុន្ទី ប្រធានតុលាការកំពូល សុទ្ធតែបានដាក់ពាក្យសុំចូលនិវត្តន៍ពីតួនាទី ព្រោះតែមានវ័យច្រើន។

ក្រៅតែពីសម្តេច សាយ ឈុំ និងលោក ឌិត មុន្ទី ហើយនោះ សម្តេចតេជោក៏បានប្រកាសឱ្យដឹងផងដែរថា អនុប្រធានព្រឹទ្ធសភាទី១ លោក សឹម កា និងលោកស្រី ទី បូរ៉ាស៊ី ប្រធានគណៈកម្មការកិច្ចការបរទេសសហប្រតិបត្តិការអន្តរជាតិ ឃោសនាការ និងព័ត៌មានព្រឹទ្ធសភា ព្រមទាំងសមាជិកព្រឹទ្ធសភាមានវ័យចំណាស់មួយចំនួនទៀត ក៏បានដាក់ពាក្យលាឈប់ពីការងារផងដែរ៕

The post ដន្លងសម្តេចវិបុលសេនាភក្តី សាយ ឈុំ ដាក់ឲ្យចូលនិវត្តន៍ពីប្រធានតុលាការកំពូល appeared first on .