ប្រធានាធិបតីបារាំង បានថ្លែងនៅប្រទេសស៊ីប ថាបេសកកម្មរួមគ្នានេះ នឹងមានគោលដៅអមដំណើរនាវាដឹកកុងតឺន័រ និងនាវាដឹកប្រេង ដើម្បីបើកច្រកសមុទ្រ Hormuz ឡើងវិញជាបណ្តើរៗ «បន្ទាប់ពីដំណាក់កាលដ៏ក្តៅគគុកបំផុតនៃជម្លោះបានបញ្ចប់»។ វាជារឿងចាំបាច់សម្រាប់ពាណិជ្ជកម្មអន្តរជាតិ ហើយក៏សម្រាប់លំហូរឧស្ម័ន និងប្រេង ដែលត្រូវតែអាចដឹកចេញពីតំបន់ឈូងសមុទ្រពែរ្សនេះ បានជាថ្មីឡើងវិញ។

លោកបានបន្ថែមថា ប្រទេសបារាំងនឹងបង្កើត «បេសកកម្មការពារ និងគាំទ្រ» មួយ ដោយមានការចូលរួមពីបណ្តារដ្ឋក្នុងអឺរ៉ុប និងក្រៅអឺរ៉ុបមួយចំនួនទៀតដែរ។

ចរាចរណ៍ផ្លូវទឹកនៅច្រកសមុទ្រ Hormuz ជាផ្លូវដឹកជញ្ជូនដ៏សំខាន់នៃតំបន់ឈូងសមុទ្រពែរ្ស និងជាកន្លែងដែលប្រេងឆៅចំនួន ១ភាគ៥ របស់ពិភពលោក ត្រូវឆ្លងកាត់នោះ បានផ្អាកស្ទើរតែទាំងស្រុង ចាប់តាំងពីសង្គ្រាមអាម៉េរិក-អ៊ីស្រាអ៊ែល និងអ៊ឺរ៉ង់បានផ្ទុះឡើង កាលពីថ្ងៃទី២៨ ខែកុម្ភៈ៕

The post លោក ម៉ាក្រុង៖ បារាំង និងសម្ព័ន្ធមិត្ត កំពុងរៀបចំបេសកកម្មពិសេស ដើម្បីបើកច្រកសមុទ្រ Hormuz ឡើងវិញ appeared first on .

ដោយធ្វើការអត្ថធិប្បាយមួយកាលពីថ្ងៃទី១៣ ខែតុលា លោក Macron បានលើកឡើងថា៖”​ ខ្ញុំមានក្តីអាណត្តិពីប្រជាជនក្នុងការបម្រើប្រទេស ដើម្បីស្វែងរកដំណោះស្រាយ ចំពោះកង្វល់របស់ប្រជាជន និងធ្វើអ្វីៗគ្រប់បែបយ៉ាង នៅក្នុងអំណាចរបស់ខ្ញុំដើម្បីឯករាជ្យភាព។ នោះគឺជារឿងតែមួយគត់ដែលសំខាន់បំផុតសម្រាប់ខ្ញុំនៅពេលនេះ។ ខ្ញុំនឹងធានាឲ្យមានស្ថិរភាពសម្រាប់ប្រទេស។ ហើយនៅសេសសល់ពីនោះ គឺជាការងាររបស់រដ្ឋាភិបាល”។

គួរឲ្យដឹងផងដែរថា នយោបាយរបស់ប្រទេសបារាំង បានស្ថិតនៅក្នុងវិបត្តិដ៏ជ្រៅបំផុត ក្នុងរយៈពេលជាច្រើនទសវត្ស ដោយនាយករដ្ឋមន្ត្រីចំនួន ៥រូបមកហើយ ត្រូវបានតែងតាំងនៅក្នុងរយៈពេលតិចជាពីរឆ្នាំកន្លងមកនេះ។ កាលពីថ្ងៃទី១០ លោក Macron បានសម្រេចតែងតាំងលោក Sebastien Lecornu ជានាយករដ្ឋមន្ត្រីជាថ្មីម្តងទៀត ពោលគឺត្រឹមតែបួនថ្ងៃប៉ុណ្ណោះ បន្ទាប់ពីលោក Lecornu បានប្រកាសលាលែងពីតំណែង បន្ទាប់ពីជួរគណៈរដ្ឋមន្ត្រីថ្មីរបស់លោកត្រូវបានគេរិះគន់យ៉ាងខ្លាំង។

យ៉ាងណាមិញ ទាំងគណបក្សប្រឆាំងស្តាំនិយម និងឆ្វេងនិយម ក៏ដូចជាអតីតសម្ព័ន្ធមិត្តមួយចំនួនរបស់ប្រធានាធិបតីបារាំងបានអំពាវនាវម្តងហើយម្តងទៀតឱ្យលោក Macron លាលែងពីតំណែងក្នុងរយៈពេលប៉ុន្មានថ្ងៃថ្មីៗនេះ ទោះបីជាអាណត្តិបច្ចុប្បន្នរបស់លោក មានរយៈពេលរហូតដល់ឆ្នាំ២០២៧ ក៏ដោយ។​

ប៉ុន្តែទោះជាយ៉ាងណាក៏ដយ ដោយថ្លែងនៅក្នុងប្រទេសអេហ្ស៊ីប លោក Macron បានបន្តច្រានចោលលទ្ធភាពនៃការរំលាយសភា និងរៀបចំការបោះឆ្នោតទូទៅមុនកាលកំណត់ ដោយលោកបញ្ជាក់ថា លោក មិនចង់លេងល្បែងនយោបាយ និងចង់ឱ្យប្រទេសជាតិរីកចម្រើន៕​

The post លោក Macron បញ្ជាក់ច្បាស់ៗថា នឹងមិនចុះចេញពីតំណែងប្រធានាធិបតីបារាំងឡើយ appeared first on .

ជុំវិញពាក្យបណ្តឹងដែលបានដាក់ទៅកាន់តុលាការជាន់ខ្ពស់នៃរដ្ឋ Delaware កាលពីថ្ងៃទី២៣ ខែកក្កដាកន្លងទៅនេះ គឺផ្តោតសំខាន់ទៅលើកម្មវិធី Podcast ឈ្មោះថា Becoming Brigitte ដឹកនាំដោយលោកស្រី Candace Owens ដែលជាអ្នកអត្ថាធិប្បាយនយោបាយអាមេរិក និងជា Podcaster ដ៏មានឥទ្ធិពលម្នាក់នៅក្នុងប្រទេស។

យោងតាមប្រធានាធិបតីបារាំង លោក Macron និងភរិយា បាននិយាយថា កម្មវិធីនេះ បានផ្សព្វផ្សាយព័ត៌មានមិនពិតដែលបណ្តាលឲ្យមានគ្រោះថ្នាក់ធ្ងន់ធ្ងរ។ នៅក្នុងកម្មវិធីនោះ លោកស្រី Owens បានអះអាងថាជំទាវទី១ របស់បារាំង លោកស្រី Brigitte បានផ្លាស់ប្តូរអត្តសញ្ញាណរបស់អ្នកដទៃ ហើយកែភេទឲ្យក្លាយទៅជាមនុស្សស្ត្រី។

គួរឲ្យដឹងថា នៅក្នុងសេចក្តីថ្លែងការណ៍រួមមួយ ក្រុមអ្នកច្បាប់របស់លោក Macron បាននិយាយថា ពួកគេបានដាក់ពាក្យបណ្តឹងរួចរាល់ហើយ បន្ទាប់ពីលោកស្រី Owens បានបដិសេធមិនព្រមដកសេចក្តីថ្លែងការណ៍អំពីការបង្ខូចកេរ្តិ៍ឈ្មោះរបស់ខ្លួន ចេញ។

ជម្រាបជូនផងដែរថា លោក Macron បច្ចុប្បន្នវ័យ ៤៧ឆ្នាំ​បានរៀបការជាមួយលោកស្រី Brigitte វ័យ ៧២ឆ្នាំ នៅក្នុងឆ្នាំ២០០៧ បន្ទាប់ពីអ្នកទាំងពីរបានសាងទំនាក់ទំនងស្នេហាជាមួយគ្នា​ អំឡុងកាលនៅរៀន ក្នុងនាមជាគ្រូ និងសិស្ស៕​

The post ប្រធានាធិបតីបារាំង និងជំទាវទី១ ប្តឹងអ្នករៀបចំកម្មវិធីអាមេរិកម្នាក់ ពីបទបរិហាកេរ្តិ៍ appeared first on .

ថ្លែងប្រាប់អ្នកសារព័ត៌មាននៅមុខវិមានប្រធានាធិបតី Elysee លោក Macron បានមានប្រសាសន៍ថា៖ ខ្ញុំបានសម្រេចចិត្តផ្ដល់ជម្រើសឲ្យគ្រប់គ្នា ជ្រើសរើសអនាគតរដ្ឋសភាថ្មី តាមរយៈការបោះឆ្នោត ដោយខ្ញុំនឹងរំលាយសភាចាស់ចោល។

ទន្ទឹមនឹងនោះ មេដឹកនាំបារាំងរូបនេះក៏បានបញ្ជាក់ទៀតថា ការបោះឆ្នោតនីតិបញ្ញត្តិ នឹងធ្វើឡើងចំនួន ២លើក ដោយនៅថ្ងៃទី៣០ ខែមិថុនា និងថ្ងៃទី០៧ ខែកក្កដាខាងមុខ។

សូមជម្រាបដែរថា ការអំពាវនាវឲ្យមានការបោះឆ្នោតនីតិបញ្ញត្តិនេះ ត្រូវបានធ្វើឡើង បន្ទាប់ពីលទ្ធផលស្រង់មតិនៅប្រទេសបារាំង បានបង្ហាញថា គណបក្សស្តាំនិយមជ្រុលជាតិ នាំមុខបានយ៉ាងល្អនៅក្នុងការបោះឆ្នោតសភារបស់ EU ដោយបានផ្តួលអ្នកគាំទ្រកណ្តាលនិយមអឺរ៉ុបរបស់លោក Macron៕

The post ប្រធានាធិបតីបារាំង ប្រកាសរំលាយរដ្ឋសភា ក្រោយរងបរាជ័យក្នុងការបោះឆ្នោតនៅអឺរ៉ុប appeared first on .

ប្រភពដដែលបន្ថែមថា មេធំ Tesla នឹងជួបជាមួយលោក Macron នៅឯវិមាន Elysee មុនចូលរួម​ទទួលទានអាហារថ្ងៃត្រង់ជាមួយ​រដ្ឋមន្ត្រីហិរញ្ញវត្ថុ Bruno Le Maire ខណៈលោក Elon Musk ក៏នឹងទៅទស្សនា​កម្មវិធី Choose France លើកទី ០៦ នៅទីក្រុង Versailles ដែលធ្វើឡើង​ក្នុងការ​អូសទាញវិនិយោគិន​បរទេស មកបណ្ដាក់ទុន​បន្ថែមនៅបារាំងផងដែរ។

ដោយឡែក រដ្ឋមន្ត្រីហិរញ្ញវត្ថុ Le Maire បានប្រាប់ទៅកាន់សារព័ត៌មាន BFM TV ថា កិច្ចពិភាក្សា​រវាង​រដ្ឋាភិបាល​ និងមហាសេដ្ឋីអាមេរិក នឹងផ្ដោតលើចំណុចសំខាន់ៗជាច្រើន រាប់បញ្ចូលទាំង​រថយន្តអគ្គិសនីផងដែរ។

សូមជម្រាបដែរថា មួយរយៈចុងក្រោយនេះ បារាំង​ហាក់​កំពុងអូសទាញ​ក្រុមហ៊ុន​វិនិយោគ​លើ​រថយន្តអគ្គិសនីជាច្រើន ពោលកាលពីសប្ដាហ៍កន្លងទៅ ពួកគេបាន​ដេញថ្លៃឈ្នះ​អាល្លឺម៉ង់ និង​ហូឡង់ ក្នុងការអូសទាញក្រុមហ៊ុន​ ProLogium សម្រាប់ការសាងសង់​រោងចក្រ​ផលិត​អាគុយរថយន្ត​ក្រៅប្រទេសតំបូង​ថែមទៀត៕

The post មហាសេដ្ឋី Elon Musk នឹងជួបពិភាក្សាជាមួយប្រធានាធិបតីបារាំង appeared first on .

យោងតាមការចុះផ្សាយពី CNA បានឲ្យដឹងថា លោក ម៉ាក្រុង បានធ្វើដំណើរទៅដល់ក្រុងប៉េកាំង​កាលពីយប់ថ្ងៃពុធ និងបានប្រាប់សារព័ត៌មានថា អឺរ៉ុបត្រូវតែរារាំងដល់ការកាត់បន្ថយ​ទំនាក់ទំនង​ពាណិជ្ជកម្ម និងដំណើរការទូត​ជាមួយចិន ដែលវាខុសពីអ្វីដែលលោកខាងលិច កំពុងព្យាយាមដាក់​ទៅលើចិន ជុំវិញបញ្ហាកោះតៃវ៉ាន់។

សូមជម្រាបដែរថា ទំនាក់ទំនងរវាងចិន និងអឺរ៉ុបមានភាពល្អក់កករខ្លាំង​រយៈពេលប៉ុន្មានឆ្នាំ​ចុងក្រោយ ដោយសារតែកិច្ចព្រមព្រៀងវិនិយោគកាលពីឆ្នាំ ២០២១ ស្របពេល​រដ្ឋាភិបាល​ក្រុងប៉េកាំង​បដិសេធមិន​ព្រម​ដាក់គំនាបលើ​រុស្ស៊ី ដែលជាសម្ព័ន្ធមិត្តត្បូងពេជ្ររបស់​ខ្លួន​ផង។

គួររំលឹកបន្ថែមថា លោកម៉ាក្រុង នឹងចូលជួបជាមួយនាយករដ្ឋមន្ត្រីចិនថ្មី Li Qiang នៅឯ The Great Hall of the People មុនពេល​លោក Li ត្រូវចូលទទួលទានអាហារថ្ងៃត្រង់ជាមួយ von der Leyen ដែល​អាក់ខាន​មក​បំពេញទស្សនកិច្ចនៅចិន តាំងពីចុងឆ្នាំ ២០១៩។

បន្ទាប់ពីនោះ មេដឹកនាំកំពូលនៅតំបន់អឺរ៉ុបទាំង ២រូប នឹងចូលជួបសំណេះសំណាលជាមួយ​ប្រធានាធិបតីចិន​រៀងៗខ្លួន មុនបើកកិច្ចប្រជុំត្រីភាគីនាពេលរសៀលថ្ងៃដដែល៕

The post ប្រធានាធិបតីបារាំង និងប្រធាន EU សង្ឃឹមកិច្ចសំណេះសំណាលជាមួយចិន អាចទទួលផ្លែផ្កាល្អ appeared first on .

ការជាប់ឆ្នោត​អាណត្តិ​ទី ២ របស់​ប្រធានាធិបតី​ខាងលើ​ពិត​ជា​ទទួល​បាន​ការ​ចាប់​អារម្មណ៍​ខ្លាំង តែ​អ្នក​ដែល​ទទួល​បាន​ប្រជាប្រិយភាព​ជាង​នេះ គឺ​ភរិយា​របស់​លោក Brigitte Macron ដែល​មាន​វ័យ​លើស​លោក​ដល់​ទៅ ២៤ ឆ្នាំ​ឯណោះ។

មុន​ក្លាយ​ជា​ភរិយា​របស់​ Macron អ្នកស្រី Brigitte ធ្លាប់​បាន​រៀប​អាពាហ៍ពិពាហ៍​ម្ដង​ហើយ និង​មាន​ឈ្មោះ​ពេញ Brigitte Marie-Claude Trogneux និង​មាន​សញ្ជាតិ​អាមៀន។ លោក​ស្រី​បាន​កើត​នៅ​ថ្ងៃទី ១៣ មេសា ១៩៥៣ និង​ទើប​ចូល​ដល់​វ័យ ៦៩ ឆ្នាំ​ថ្មីៗនេះ ខណៈ​ម្ដាយ​ក្មេក​អ្នកស្រី​មាន​វ័យ ៧២ ឆ្នាំ។

ចំណង​អាពាហ៍ពិពាហ៍​មុន​ចាប់ដៃ​គ្នា​ជាមួយ Macron បាន​បន្សល់​ទុក​ឲ្យ​អ្នកស្រី​ Brigitte ជាមួយ​នឹង​កូន ៣ នាក់ ហើយ​អ្នកស្រី​បាន​លែងលះ​គ្នា​ជាមួយ​អតីត​ស្វាមី Andre-Louis Auziere នៅ​ឆ្នាំ ២០០៦ មុន​រៀប​អាពាហ៍ពិពាហ៍​ជាមួយ​ Macron នៅ​ឆ្នាំ ២០០៧។

បើ​ទោះ​ជា​មាន​វ័យ​ខុសគ្នា​ដល់​ទៅ ២៤ ឆ្នាំ​ក៏​ដោយ ក៏​ចំណង​ស្នេហា​រវាង​អ្នកទាំង ២ នៅ​តែ​មាន​ភាព​រឹងមាំ ហើយ​ Macron ធ្លាប់​បង្ហើប​ថា ធ្លាប់​លួច​ស្រឡាញ់​អ្នកស្រី Brigitte តាំងពី​អ្នកស្រី​ជា​គ្រូបង្រៀន​ប្រចាំ​ថ្នាក់​របស់​លោក​នៅ​ទសវត្ស​ឆ្នាំ ១៩៩០។

បច្ចុប្បន្ន Emmanuel Macron គ្មាន​កូន​បង្កើត​សូម្បី​មួយ​គ្រាប់​ជាមួយ​ភរិយា ក៏​ប៉ុន្តែ​កូនៗ​ទាំង ៣ នាក់ រួម​ជាមួយ​ចៅ ៧ នាក់​របស់​អ្នកស្រី Brigitte តែងតែ​ចាត់ទុក​ប្រធានាធិបតី​បារាំង​ម្នាក់​នេះ​ជា​មេគ្រួសារ​ដូច​សាច់ឈាម​បង្កើត៕

ប្រភព: AS

The post អាយុ​គ្រាន់តែ​ជា​តួលេខ ភរិយា​ប្រធានាធិបតី​បារាំង​អាយុ​បង​ប្ដី ២៤ ឆ្នាំ តិច​ជាង​ម្ដាយក្មេក ៣ ឆ្នាំ​គត់ appeared first on .

កាលពី​ឆ្នាំ ២០១៧ Macron បាន​ក្លាយ​ជា​ប្រធានាធិបតី​បារាំង​នៅ​វ័យ​ត្រឹម ៣៩ ឆ្នាំ ដែល​នេះ​បាន​ធ្វើ​ឲ្យ​លោក​ក្លាយ​ជា​ប្រធានាធិបតី​បារាំង​ក្មេង​បំផុត​ប្រចាំ​ប្រវត្តិសាស្ត្រ​នៃ​ប្រទេស​នៅ​តំបន់​អឺរ៉ុប​មួយ​នេះ ខណៈ​លទ្ធផល​ឆ្នោត​នា​ពេល​នោះ​គឺ​លោក​ទទួល​បាន ៦៦,១% ផ្ដួល​គូប្រជែង​អ្នកស្រី Marine Le Pen ស្របពេល​ឆ្នាំ​ ២០២២ នេះ​លោក Macron នៅ​តែ​អាច​ផ្ដួល​គូ​ប្រជែង​បាន​ម្ដងទៀត​ជាមួយ​លទ្ធផល ៥៨,៦% ទល់​នឹង ៤១,៤%។

ក្រឡេក​ទៅ​មើល​ពី​ទំហំ​ទ្រព្យសម្បត្តិ​របស់​ប្រធានាធិបតី​ ២ អាណត្តិ​ជាប់គ្នា​គឺ​មាន​ប្រមាណ ៧៦ លាន​ដុល្លារ ខណៈ​ប្រាក់ខែ​របស់​លោក​គឺ​ទទួល​បាន​ប្រហែល ៤៥០ ០០០ ដុល្លារ​ក្នុង​មួយ​ឆ្នាំ​តាំងពី​ឆ្នាំ ២០១៧ មក​ទល់​បច្ចុប្បន្ន។

ដោយឡែក​បើ​តាម​ទិន្នន័យ​ចុងក្រោយ​បាន​ឲ្យ​ដឹង​ថា Macron បាន​ទទួល​ប្រាក់​ឧបត្ថម្ភ​ច្រើនជាង ៩០ លាន​ដុល្លារ​ពី​ក្រុមហ៊ុន​ផ្សេងៗ ហើយ​ប្រហែល ១៥ លាន​ដុល្លារ​គឺ​បាន​មក​ពី​ក្រុមហ៊ុន​ថាមពល។

ក្រៅពី​នោះ ប្រធានាធិបតី​ខាងលើ​ក៏​មាន​ផ្ទះ​មួយ​ខ្នង​ទំហំ​ប្រហែល ១ ១១៥​ ម៉ែត្រការ៉េ ដោយ​មាន​បំពាក់​ទៅ​ដោយ​ឧបករណ៍​ទំនើបៗ​ និង​បន្ទប់​ធំទូលាយ​ជាច្រើន​ដូចជា អាងហែលទឹក ២ បន្ទប់គេង ៦ បន្ទប់ទឹក ៨ បន្ទប់​ទទួល​ទាន​អាហារ​ដែល​អាច​ផ្ទុក​មនុស្ស​បាន​ ១០ នាក់ កន្លែង​អាំង​ភ្លើង ៣ និង​ឃ្លាំង​ផ្ទុក​ស្រា​មួយ​។

បញ្ជាក់​ដែរថា មុន​ប្រឡូក​ចូល​ក្នុង​វិស័យ​នយោបាយ Macron គឺ​ធ្លាប់​ធ្វើជា​ធនាគារិក​ឲ្យ​ក្រុម​គ្រួសារ​មហាសេដ្ឋី​មាន​អំណាច​បំផុត​លើ​ពិភពលោក​គឺ គ្រួសារ​ត្រកូល Rothschild ដែល​មាន​ទ្រព្យសម្បត្តិ​សរុប​ច្រើនជាង ៥០០ ពាន់​លាន​ដុល្លារ៕

ប្រភព: Theshahab

The post តើ​អ្នក​ដឹង​ទេ ​ប្រធានាធិបតី​បារាំង​ក្មេង​បំផុត Macron មាន​ទ្រព្យសម្បត្តិ​ប៉ុន្មាន​លាន​ដុល្លារ? appeared first on .

នៅទីលាន Champ de Mars ខាងក្រោមទួអេហ្វែល ដែលលោកប្រធានាធិបតី ម៉ាក្រុង បានរៀបចំកម្មវិធីជួបជុំជាមួយអ្នកគាំទ្រទាំងអស់ ដើម្បីអបអរជ័យជំនះ របស់លោក ក្នុងការបោះឆ្នោតប្រធានាធិបតីអាណត្តិថ្មី លោកបានថ្លែងសុន្ទរកថា ថាលោក​នឹងធ្វើជាប្រធានាធិបតី​ បម្រើប្រជាពលរដ្ឋបារាំងទាំងអស់ ដោយ​មិន​បោះបង់ចោល​នរណាម្នាក់ឡើយ។

លោកម៉ាក្រុង បាន​សន្យាថា ក្នុងអាណត្តិថ្មីរបស់​លោក នឹងគឺជាយុគសម័យថ្មី ដែល​លោកនឹងផ្លាស់ប្តូររបៀបដឹកនាំ​ប្រទេស។ លោកក៏សូមអរគុណដែលប្រជាជនបារាំង បាន​លទ្ធភាពជូនលោក៥ឆ្នាំទៀត ដើម្បីឲ្យ​លោក​សម្រេច​គម្រោង កសាងពង្រឹងភាពឯករាជរបស់​ប្រទេស​បារាំង និង​កសាងសហភាពអឺរ៉ុបឲ្យ​កាន់តែរឹងមាំ។

ចំពោះវិនិយោគ​វិញ លោកម៉ាក្រុង សន្យាថានឹងធ្វើដើម្បី​ឲ្យ​មានការផ្លាស់​ប្តូរស៊ីជំរៅ បន្តធានាឲ្យ​មានការរីកចម្រើនជាក់ស្តែងសម្រាប់ពលរដ្ឋម្នាក់ៗ រំដោះ​ភាពច្នៃប្រឌិត និង​គំនិតបង្កើតថ្មី ព្រមទាំងធ្វើឲ្យ​បារាំង ក្លាយជាប្រទេសឈានមុខគេ ក្នុងវិស័យ​ការពារបរិស្ថានធម្មជាតិ៕

The post លោក អេម៉ានុយអែល ម៉ាក្រុង ​ជាប់ឆ្នោត​ជា​ប្រធានាធិបតីបារាំង​មួយ​អាណត្តិទៀត appeared first on .