ពីមួយសប្តាហ៍ទៅមួយសប្តាហ៍ការប្រគំតន្រ្តី EXPREZ CHARITY CONCERT កាន់តែផ្ទុះនិងមានការចាប់អារម្មណ៍ខ្លាំងពីមហាជនទាំងក្មេងទាំងចាស់ ជាក់ស្តែងរាល់ពេលដែលកម្មវិធីចាប់ផ្តើមម្តងៗម្នាក់បានចូលរួមដោយក្តីរីករាយ ថែមទាំងបានជួបជាមួយ Idol នៅក្នុងដូងចិត្តរបស់ពួកគេផ្ទាល់ផងដែរ ។

សម្រាប់ការប្រគំតន្រ្តី EXPREZ CHARITY CONCERT នៅចុងសប្តាហ៍នេះនឹងរៀបចំឡើងនៅភូមិប៉ាណា ឃុំសូទិព្វ ស្រុកជើងព្រៃ ខេត្តកំពង់ចាម នៅថ្ងៃទី ១៤ ខែ កុម្ភៈ ឆ្នាំ ២០២៦ដោយជួបជាមួយកំពូលតារាចម្រៀងល្បីៗប្រចាំនៅក្នុងផលិតកម្ម ហ្គាឡាក់ស៊ី ណាវ៉ាត្រា ដូចជា ឧកញ៉ា ខេមរៈ សិរីមន្ត និងលោក ខេម ព្រមទាំងតារាចម្រៀងវ័យក្មេងសំឡេងពិរោះជាច្រើនរូបទៀត ដែលត្រៀមនឹងអង្រួនឆាកតន្រ្តី EXPREZ CHARITY CONCERT ឱ្យកក្រើកមេឃរញ្ជួយដី ។

ដោយឡែកអ្វីដែលកាន់តែពិសេសនោះគឺថ្ងៃទី ១៥ ខែ កុម្ភៈ ឆ្នាំ ២០២៦ វិញ នឹងជួបជាមួយកំពូលតារាចម្រៀង ព្រាប សុវត្ថិ , កញ្ញា តន់ ចន្ទសីម៉ា, លោក គូម៉ារួមជាមួយតារាចម្រៀងវ័យក្មេងជាច្រើនរូបទៀត ។

សល់តែប៉ុន្មានថ្ងៃទៀតដល់ថ្ងៃនៃក្តីស្រឡាញ់និងបុណ្យចូលឆ្នាំចិនហើយ កុំភ្លេចមកទទួលកាដូទាំងអស់គ្នាពីព្រឹត្តិការណ៍ប្រគំតន្រ្តី EXPREZ CHARITY CONCERT ក្នុងទឹកដីស្រុកជើងព្រៃ ខេត្តកំពង់ចាម រយៈពេល២ថ្ងៃជាប់ៗគ្នា និងចូលរួមទស្សនាដោយសេរី មិនមានការទិញសំបុត្រឡើយ ។

រីករាយថ្ងៃនៃក្តីស្រឡាញ់ បង្ហាញពីក្តីស្រឡាញ់របស់អ្នករាល់គ្នាជាមួយនិងព្រឹត្តិការណ៍ប្រគំតន្រ្តី EXPREZ CHARITY CONCERT ។ ១ពាន់រៀលដើម្បីសប្បុរសធម៌ ដើម្បីប្រមូលថវិការទៅជួយជួសជុល និងកសាងសាលារៀនដែលរងការខូចខាតតាមតំបន់ព្រំដែន ៕

The post ថ្ងៃនៃក្តីស្រឡាញ់និងបុណ្យចូលឆ្នាំចិនមកទទួលកាដូទាំងអស់គ្នាពីព្រឹត្តិការណ៍ប្រគំតន្រ្តី EXPREZ CHARITY CONCERT ក្នុងទឹកដីស្រុកជើងព្រៃ ! appeared first on .

ព្រឹត្តិការណ៍ប្រគំតន្រ្តី EXPREZ CHARITY CONCERT កាន់តែផ្ទុះការចាប់អារម្មណ៍ខ្លាំងពីមហាជន ជាក់ស្តែងរាល់ពេលសិល្បករចេញសម្តែងនៅលើឆាកម្តងៗ សន្ទុះនៃការគាំទ្របានកើនឡើងជាលំដាប់ រហូតមានអ្នកសំណូមពរឱ្យមានការប្រគំតន្រ្តីបែបនេះឱ្យបានច្រើននិងជុំវិញខេត្តក្រុង ។ ដោយមិនដាច់អាល័យពីអ្នកខេត្ត តាកែវ EXPREZ CHARITY CONCERT ក៏សម្រេចបន្តសម្តែងជូនបងប្អូនអ្នកខេត្ត តាកែវ ទស្សនាកម្សាន្តអារម្មណ៍ជាបន្តទៀត បន្ទាប់ពីស្រុក ព្រៃកប្បាល ចូលស្រុក ត្រាំកក់ ពេលនេះត្រៀមជួបបងប្អូនអ្នកស្រុកបាទី វិញម្តង ។   

កំពូលតារាចម្រៀងជាច្រើនរូបបានត្រៀមខ្លួនរួចជាស្រេចដើម្បីសម្តែងនិងច្រៀងជូនបងប្អូនអ្នកខេត្ត តាកែវ ក្នុងភូមិត្រពាងឈូក ឃុំសួគ៌ ស្រុកបាទី នៅថ្ងៃទី ០៧ ខែ កុម្ភៈ ឆ្នាំ២០២៦ ដោយជួបជាមួយកំពូលតារាចម្រៀង លោក ព្រាប សុវត្ថិ , លោក ខេម ,លោក សុវត្ថិ សិរីវុឌ្ឍ , លោក សុវត្ថិ មុនីវណ្ណនិងកញ្ញា ហុិន លីដា ជាដើម ។ ដោយឡែកថ្ងៃទី ០៨ ខែ កុម្ភៈឆ្នាំ ២០២៦ ឯណោះវិញ ជួប ឧកញ៉ា ខេមរៈ សិរីមន្ត, កញ្ញា តន់ ចន្ទសីម៉ា,លោក Tempo ជាដើម ។

សម្រាប់ឆាកតន្រ្តីនៅស្រុកបាទី កាន់តែពិសេសជាងលើកមុនៗ ដូច្នេះកុំភ្លេចចូលរួមទស្សនាការប្រគំតន្រ្តី EXPREZ CHARITY CONCERT ឱ្យបានច្រើនកុះករ ។

តោះណាត់ជួបគ្នាឱ្យហើយ ! ព្រឹត្តិការណ៍ប្រគំតន្រ្តី EXPREZ CHARITY CONCERT ថែមជូនទស្សនិកតាមសំណូមពរ និងចូលរួមទស្សនាដោយសេរី ។ ថវិកាដែលទទួលបាននៅក្នុងការប្រគំតន្រ្តី Exprez Charity Concert នឹងទុកសម្រាប់ជួយដល់ការងារសង្គម ។ តន្រ្តី១ពាន់លានរៀលដើម្បីសប្បុរសធម៌ ស្មារតីរួបរួម ខ្មែរស្រឡាញ់ខ្មែរ ! Exprez Charity Concert សម្លេងខ្មែររួបរួម ក្នុងឆន្ទៈខ្មែរតែមួយ ៕

The post ថែមថែម ! ថែមជូនបងប្អូនអ្នកតាកែវ២ថ្ងៃជាប់គ្នាពីព្រឹត្តិការណ៍ប្រគំតន្រ្តី EXPREZ CHARITY CONCERT appeared first on .

ផ្ដើមដោយឃ្លា “រំលស់ប្រពន្ធ បងបង់មុនហាសិបភាគរយ” អមដោយចង្វាក់ភ្លេងបុកបាស់យ៉ាងពីរោះ តន់ ចន្ទសីម៉ា ក៏បញ្ចេញក្បាច់រាំបានយ៉ាងល្អដែរ នៅក្នុងបទ “រំលស់ប្រពន្ធ”។ បទ «រំលស់ប្រពន្ធ» ទើបចេញ MV ជាផ្លូវការកាលពីថ្ងៃទី១៤ ខែកញ្ញា ឆ្នាំ២០២៤ ប៉ុណ្ណោះ ប៉ុន្តែធ្វើឱ្យអ្នកគាំទ្របទចម្រៀងរបស់នាង ច្រៀងតាម ស្ទើរគ្រប់ៗគ្នា។

ត្រឹមរយៈពេលដ៏ខ្លីប៉ុណ្ណោះ «បទរំលស់ប្រពន្ធ» របស់ នាងត្រូវបានអ្នកចូលទស្សនា ជាច្រើនលានដង គ្រប់បណ្ដាញសង្គមទាំងអស់ ពិសេស លើ TikTok ។ លើបណ្ដាញសង្គមTikTok វិញអូសចុះអូសឡើងឃើញតែអ្នកលេងត្រាប់តាមបទ «រំលស់ប្រពន្ធ»នេះ រហូតដល់ជាង 100K វីដេអូ ក្នុងពេលដ៏ខ្លី។

ដោយសារតែសន្ទុះនូវការគាំទ្របែបនេះ បានរុញបទចម្រៀង«រំលស់ប្រពន្ធ» របស់នាង ជាប់ Treding លេខ1 ដែលជាបទចម្រៀង ពេញនិយមជាគេនៅក្នុងសប្តាហ៍នេះ។

សូមបញ្ជាក់ផងដែរថា ការពេញនិយមនៅលើ YouTube សំដៅលើវីដេអូដែលពេញនិយមនាពេលបច្ចុប្បន្ន និងទទួលបានចំនួនអ្នក មើល ការចូលចិត្ត មតិយោបល់ និងការចែករំលែកយ៉ាងច្រើនក្នុងរយៈពេលខ្លី។ ផ្នែក “ការពេញនិយម” នៅលើ YouTube រំលេចវីដេអូដែលកំពុងទទួលបានការចាប់អារម្មណ៍យ៉ាងឆាប់រហ័ស នៅក្នុងតំបន់ជាក់លាក់មួយ ឬជាសកល ដោយបង្ហាញពីការលាយបញ្ចូលគ្នានៃវីដេអូតន្ត្រី ព័ត៌មាន មាតិកា និងទម្រង់កម្សាន្តផ្សេងៗទៀត។ ក្បួនដោះស្រាយរបស់ YouTube ពិចារណាលើកត្តាដូចជា ការចូលរួម ពេលវេលាមើល និងភាពស្រស់ស្រាយ ដើម្បីកំណត់អ្វីដែលបង្ហាញនៅក្នុងផ្នែកកំពុងពេញនិយម។

សូមស្ដាប់បទ«រំលស់ប្រពន្ធ»នេះម្ដងទៀតទាំងអស់គ្នា៕

The post បទ«រំលស់ប្រពន្ធ»របស់ តន់ ចន្ទសីម៉ា កំពុងផ្ទុះViral ខ្លាំងជាប់ Treding លេខ1 appeared first on .

កំពូលតារាចម្រៀងល្បីៗទាំងនោះរួមមាន លោកឧកញ៉ា ខេមរៈ សិរីមន្ត , កញ្ញា តន់ ចន្ទសីម៉ា , លោក ខាន់ ជេមស៍ , លោក ជុំ លីណូ និងតារាចម្រៀងលោក Vikit ជាដើម…។

កំពូលតារាចម្រៀងប្រចាំនៅក្នុងផលិតកម្ម Galaxy ទាំងអស់ បានបង្ហាញទស្សនៈស្រដៀងគ្នាថា ពួកគេមានការពេញចិត្តជាខ្លាំង ចំពោះចំណាត់ការរបស់សម្ដេចធិបតី ហ៊ុន ម៉ាណែត ក្នុងការប្រយុទ្ធប្រឆាំងគ្រឿងញៀនខុសច្បាប់  និងសូមអំពាវនាវដល់យុវវ័យទាំងអស់ ជៀសឲ្យឆ្ងាយពីគ្រឿងញៀន , គ្រឿងញៀនបំផ្លាញខ្លួនអ្នក បំផ្លាញគ្រួសារអ្នក និងសង្គមជាតិ និងសូមឲ្យបងប្អូនទាំងអស់គ្នាចូលរួមទប់ស្កាត់ ដើម្បីប្រទេសជាតិគ្មានគ្រឿងញៀន និងយុវជនជំនាន់ក្រោយក្លាយជាទំពាំងស្នងឫស្សី អភិវឌ្ឍប្រទេសជាតិឲ្យរីកចម្រើន។
 
ជាមួយគ្នានេះនោះផងដែរ ក៏មានអ្នកសិល្បៈជាច្រើនដួងទៀត បានបង្ហាញសារគាំទ្រ ចំពោះបទបញ្ជាដ៏ម៉ឺងម៉ាត់របស់សម្ដេចធិបតី ហ៊ុន ម៉ាណែត ក្នុងការប្រយុទ្ធប្រឆាំងគ្រឿងញៀនខុសច្បាប់នេះ ។ បន្ទាប់ពីឃើញវីដេអូរបស់កំពូលតារាចម្រៀងល្បីៗនៅក្នុងផលិតកម្ម Galaxy Navatra ចេញមុខប្រកាសគាំទ្របែបនេះជាបន្តបន្ទាប់ បានធ្វើឱ្យមហាជនជាច្រើនស្ងើចសរសើរ និងពេញចិត្តនូវគំនិតរបស់សិល្បករទាំងអស់គ្នា ហើយពួកគេថែមទាំងបានស្នើសុំឱ្យបងប្អូនប្រជាជនទូទាំងប្រទេស ចូលរួមទប់ស្កាត់ គ្រឿងញៀនទាំងអស់គ្នា ដូចដឹងស្រាប់ហើយថា គ្រឿងញៀនគឺប៉ះពាល់ខ្លាំងដល់សង្គមជាតិទាំងមូល ៕

The post កំពូលតារាចម្រៀងប្រចាំផលិតកម្ម Galaxy ចូលរួមគាំទ្រយ៉ាងពេញទំហឹងនូវបទបញ្ជាដ៏ម៉ឺងម៉ាត់របស់រាជរដ្ឋាភិបាលក្នុងការប្រយុទ្ធប្រឆាំងគ្រឿងញៀន appeared first on .

សេចក្ដី​ជូន​ដំណឹង​នេះ​ត្រូវ​បាន​បង្ហោះ​លើ​ទំព័រហ្វេសប៊ុក​ផ្លូវការ​របស់​ ផលិតកម្ម​ទីក្រុង​ភាពយន្ត (ថោន) កាល​ពី​​ថ្ងៃទី២៤ ខែសីហា​ ឆ្នាំ​ ២០២០នេះ​ ក្រោយ​ពី​លោក​ ខេម​ បាន​ចេញ​បទ​ចម្រៀង​ឲ្យ​ផលិតកម្ម​ផ្សេង ស្រប​ពេល​ខ្លួន​នៅ​ជាប់​កិច្ច​សន្យា​ជាមួយ​នឹង​ផលិតកម្ម​ ថោន​នៅឡើយ រហូត​ដល់​ខែធ្នូ​ ឆ្នាំ ២០២០​ទើប​ចប់​កុងត្រា។

មិន​បាន​ប៉ុន្មាន​ម៉ោង​ផង លោក ប៉ុន​ សុណារិន​ ហៅ​ខេម បាន​បញ្ចេញ​សារ​​​យ៉ាង​អន្លង់អន្លោច ឆ្លើយ​មក​ទៅ​អតីត​ថៅកែ​របស់​ខ្លួន ធ្វើ​ឲ្យ​អ្នក​គាំទ្រ តារា​ចម្រៀង​រូប​នេះ សម្ដែង​ការ​អាណិតអាសូរ​លោក​ជា​ខ្លាំង។ ខាង​ក្រោម​នោះ គឺ​ជា​ខ្លឹមសារ​ទាំង​ស្រុង របស់​ខេម ដែល​បាន​​សរសេរ​​ផេក​ផ្លូវ​ការ​របស់​​

(យប់ជ្រៅហើយ

អរគុណគ្រប់យ៉ាងមេ មេពិតជាមេដ៏ល្អមែន ច្រើនឆ្នាំមកហើយដែលឆ្កែមួយក្បាលនេះបម្រើម្ចាស់មិនដែលទាមទាអ្វីឡើយ ហើយក៏មិនដែលធ្វើអ្វីអោយមេលំបាកនោះទេ គ្រាន់តែឃើញលិខិតមួយដែលមេបង្ហោះជាសាធារណៈថាឆ្កែមួយក្បាលដែលស្មោះត្រង់រាប់ឆ្នាំនេះបំពានកុងត្រានោះគឺពិតជាភ្ញាក់ផ្អើលហួសចិត្ត ព្រោះឆ្កែមួយក្បាលនេះមិនដែលមានបំណងឡើយហើយឆ្កែមួយក្បាលនេះគឺសុំលាឈប់ដោយត្រឹមត្រូវមានទំាងលិខិតលាឈប់ព្រោះគិតថាផុតកុងត្រាហើយ តែមេថានៅកុងត្រា តែឆ្កែមួយក្បាលសុំមើលជាច្រើនលើកហើយ ថាបើនៅនឹងនៅច្រៀងទៀតតែមេគេចវេសរុញទៅអ្នកនេះអ្នកនោះមិនឱ្យមើល (ឬមេចង់អោយខ្ញុំបង្ហាញភ័ស្តតាងតាមហ្វេសបុកនេះ) ខ្ញុំមិននឹកស្មានថាមេខ្ញុំដែលសព្វថ្ងៃជា ប្រធានមន្ទីសេដ្ឋកិច្ច និងហិរញវត្តុក្រុងភ្នំពេញមានលុយរាប់សិបលានដុល្លា ហៀរចាយមិនអស់ ជាមនុស្សដែលមានចំណេះដឹងខ្ពស់បែរមានគំនិតចង់បំផ្លាញឆ្កែមួយក្បាលដែលធ្លាប់រស់នៅបម្រើជាច្រើនឆ្នាំ បក្សពួកនិយមក្នុងក្រុមហ៊ុនដែលបែងចែកការស្រលាញ់យ៉ាងឆ្ងាយផុតលេខ ទោះដឹងថាមេស្រលាញ់ពួកគេនោះក្នុងឋានះអ្វីក៏ដោយ ទាំងដែលឆ្កែមួយក្បាលនេះប្រឹងព្រុសអោយម្ចាស់ខ្លាំងជាងគេនៅក្រុមហ៊ុន ទោះបីមេមិនដែលខ្វល់នឹងបោះឆ្អឹងអោយក៏ដោយក៏ឆ្កែមួយក្បាលនេះគោរពនឹងស្រលាញ់ម្ចាស់ស្មោះស្ម័គ្របំផុត ។ មេអើយមេ មេមើលឃើញតែអ្នកពិសេសរបស់មេទាំងពីរនាក់ដែលមេផ្ដល់អោយគ្រប់យ៉ាងតែឆ្កែមួយក្បាលនេះមេមិនដែលខ្វល់ទេចង់អោយព្រុសក៏ហៅទៅព្រុស ។ មេកុំបង្ខំអោយឆ្កែអនាថាមួយក្បាលនេះចេះខាំអី មេអើយទុកអោយគ្នារកឆ្អឹងចញ្ចឹមជីវិតនិងម្ដាយជាស្ត្រីមេម៉ាយដ៏កំសត់ផង មេក៏ដឹង មេមានដឹងទេថាឆ្កែអនាថាមួយក្បាលនេះដេកហូរទឹកភ្នែកប៉ុន្មានឆ្នាំមុននឹងសំរេចចិត្តចេញពីម្ចាស់ ប៉ុន្មានឆ្នាំចុងក្រោយសូម្បីតែចង់បានចម្រៀងចេញក៏ឆ្កែនេះត្រូវរត់ត្រុកៗដើរកបទខ្លួនឯងដែរ មេដែលមើលកំហុសខ្លួនឯងដែលធ្វើដាក់ឆ្កែនេះទេ? បើម្ចាស់ផ្ដល់ភាពកក់ក្ដៅអោយតែ5%នៃមនុស្សពិសេសទាំងពីរបស់មេឆ្កែមួយក្បាលនេះសុខចិត្តបំរើម្ចាស់ដល់ថ្ងៃចុងក្រោយ។ឆ្កែម្នាក់នេះទ្រាំខាំធ្មេញសង្កត់បំផុតព្រោះស្រឡាញ់ម្ចាស់ មានពេលមួយនោះខ្ញុំគេងយំម៉ែសួរខ្ញុំថាកើតអីកូន? ខ្ញុំប្រាប់វិញថាខ្ញុំមិនចង់ចាកចេញពីកន្លែងចាស់ទេ ខ្ញុំមានអនុស្សាវរីយច្រើណាស់ ម៉ែប្រាប់ថាគ្មានការជួបណាដែលមិនបែកនោះទេកូនត្រូវស្ងប់ស្ងាត់ ម៉ែកូនទ្រាំច្រើនពេកហើយមែនទេ? កូនល្ងង់ណាស់មែនទេ? ឬមកពីគ្រួសារយើងគ្មានឪពុក គ្មានបងប្អូន គ្មានខ្សែ គ្មានខ្នង ទើបខ្ញុំទទួលរឿងទាំងនេះម៉ែអើយតើខ្ញុំគួរទ្រាំទៀតទេ ។

មែនហើយចេតនាមេពេលនេះចង់អោយឆ្កែមួយក្បាលនេះត្រូវគេស្អប់ទ័លច្រកបូករួមទាំងកន្លែងថ្មីមេចង់អោយគេស្អប់ខ្ពើមមែនទេ? មេមិនពិបាកធ្វើទេរឿងនេះ ។

លិខិតអញ្ចើញរបស់មេមួយសន្លឹកនេះគឺពិតជាឃើញទឹកចិត្តដ៏ថ្លៃថ្លាណាស់សំរាប់ឆ្កែមួយក្បាលនេះណាស់ ទោះបី ដីកាកោះរបស់តុលាកាក៏ទុកពេលអោយបានយូរជាងនេះដែរបើនិយាយពីផ្លូវច្បាប់ តើមេមានបំណងអ្វី? ហៅថ្ងៃនេះអោយទៅស្អែក ពីព្រោះស្អែកនេះមេដឹងថាឆ្កែនេះទទួលកម្មវិធីគេរកចំណីចញ្ចឹមក្រពះមែនទេ ។ មេក៏ដឹងថាខ្ញុំបានបញ្ចប់ការងាជាមួយគ្នាហើយមុនពេលចាកចេញមេចង់មានកម្មពារជាមួយគ្នាធ្វើអី ឬមេពិបាកទទួលយកនៃភាពជោគជ័យរបស់ខ្ញុំ

មេអើយឆ្កែមួយក្បាលនេះមេកុំបង្ខំវាអី វាសុំមួយរស់ទេមានរឿងច្រើនណាស់ដែលឆ្កែមួយក្បាលនេះលាក់ក្នុងចិត្តដោយការឈឺចាប់បំផុត មេអាចដាក់កំហុសគ្រប់យ៉ាងមកឆ្កែអនាថានេះបានដើម្បីកិត្តិយសមេ តែបើមេព្យាយាមវៃក្បាលឆ្កែនេះអាចនឹងពេលមួយវាទ័លច្រក )៕

ខាង​ក្រោម​នេះ ជា​ការ​​បញ្ចេមតិ របស់ តារា​ចម្រៀង​ក៏​ដូច​ជា អ្នក​ផលិតកម្មវិធី របស់​ថោន បន្ទាប់​ពី​មាន​ការផុសខ្លឹមសារ ខាង​លើ​របស់ខេម

The post ខេម ចាត់​ទុក​ខ្លួន​ឯង​ជា​ឆ្កែ ឆ្លើយ​បក​ទៅ​ថៅកែ​ថោន អាន​ហើយ​ស្ទើរ​ស្រក់​ទឹក​ភ្នែក​តាម appeared first on .

តាម​ការបញ្ជាក់​ឲ្យដឹង​ពី​លោក យឹម តាស្រង់ នាយកចាត់ការ​ទូទៅ​ផលិតកម្ម Galaxy Navatraកំពូល​តារា​ចម្រៀង​ ព្រាប សុវត្ថិ នឹង​ចុះ​កុងត្រា​ជា​មួយ​ផលិតកម្ម​​ជា​ជំហាន​ដំបូង​រយៈពេល៥ឆ្នាំ ។ នៅ​មិន​ទាន់​ដឹង​ថា កូន​​ទាំង​៣ របស់​កំពូល​តារា​ចម្រៀងនឹង​ទៅចូល​មក​ជា​មួយ​ឪពុក​ឬ​យ៉ាង​ណា​នោះ​ឡើយ យើង​នឹង​លំអិត​ព័ត៌មាន​នេះ​នៅ​ថ្ងៃ​ស្អែក​បន្ត​ទៀត។​

The post ព្រាប សុវត្ថិ នឹង​ចុះ​កុង​ត្រា​​ថ្មី​ជា​​មួយ​ឧកញ៉ា​ឡេង ណាវ៉ាត្រា​ស្អែក​នេះ​ហើយ ចុះ​កូន​ទាំង​៣​របស់​គាត់? appeared first on .

បរិយាកាស​ល្អ​បែប​នេះ ច្បាស់​ជា​មាន​ការ​ច្រៀង​រាំ​លេង​ហើយ។ ​ទទឹម​គ្នា​នោះ​ផង​ដែរ តារា​ចម្រៀង​ខេម ដែល​ជា​គ្រាប់​ពេជ្រ​ថ្មី​របស់​ផលិតកម្ម​Galaxy Navatra ទើប​តែ​ចេញ​បទ​ថ្មី​មួយ​ដែល​មាន​ចំណង​ជើង​ថា “ស្រឡាញ់មុខតែមិនស្រឡាញ់មាឌ” សម្រាប់​បម្រើ​អារម្មណ៍​បង​ប្អូន​នា ពេល​ឈប់​សម្រាក​ផង​ដែរ។

បង​ប្អូន​អាច​​​ហាត់​​ច្រៀង រាំ​លេង តាម​ខេម ពេល​នេះ​បាន ទម្រាំ​​ដល់​​ថ្ងៃ មាន​កម្មវិធី ដឹង​តែ​ចេះ​ស្ទាត់ ហើយ​យើង​​បញ្ចេញ​ស្នាដៃ​ច្បាស់​សប្បាយ​រីករាយ​​​ភ្លេច​អស់​ទុក្ខ​កង្វល់​ជាក់​ជា​មិន​ខាន។

The post ​ខេម “ស្រឡាញ់មុខតែមិនស្រឡាញ់​មាឌ​”​ត្រៀម​​រាំ​​លេង​ ថ្ងៃ​​​សម្រាក​​ខាង​​មុខ​នេះ​ appeared first on .

តាម​ព័ត៌មាន​ទទួល​បាន គិត​ត្រឹម​រសៀល​ថ្ងៃ​ទី ៦សីហា នេះ​បទ​ចម្រៀង​របស់​តារា​ប្រុស ស្រី​ទាំង​ពីរ បាន​និង កំពុង​ឈរ​នៅ​លំដាប់​លេខ​១ ក្នុង​នាម​ជា​បទ​ចម្រៀង​ជាតិ​ដែល​មាន​អ្នក​ពេញ​ចិត្ត ហើយ​យក​ទៅ​ធ្វើ​វីដេអូ​កម្សាន្ត​សប្បាយ​បន្ត​បង្ហោះ​នៅ​លើ​កម្មវិធី​ពេញ​និយម​របស់​ចិន​មួយ​នេះ។ នេះ​បើ​តាម​លោក យឹម តាស្រង់ នាយក​គ្រប់​គ្រង​ផលិតកម្ម Galaxy Navatra បាន​បង្ហើប​ឲ្យ​ដឹង។

លោក យឹម តាស្រង់ ប្រាប់​ថា ថ្មី​ៗ​នេះ​លោក​បាន​ឲ្យ​ក្រុម​ការងារ​របស់​លោក​ធ្វើ​ការ​ស្រាវជ្រាវ​មើល​នៅ​លើ​កម្មវិធី TikTok ដើម្បី​ចង់​ដឹង​ពី​លទ្ធផល​នាំ​មុខ​សម្រាប់​ជាតិ នាម​ជា​បទ​ចម្រៀង​ដែល​ត្រូវ​បាន​អ្នក​ប្រើ​ប្រាស់​យក​កាត់​ត​ធ្វើ​វីដេអូ​បង្ហោះ​លេង​កម្សាន្ត​បន្ត។ ជា​លទ្ធផល បទ “ចង់​សុំ Wifi” របស់​ផលិតកម្ម​លោក ច្រៀង​តារា​ចម្រៀង ខេម និង តន់ ច័ន្ទ​សីម៉ា ស្ថិត​នៅ​លើ​គេ។

ទិន្នន័យ​នេះ​បាន​ធ្វើ​ឲ្យ​ថ្នាក់​ដឹកនាំ​ផលិតកម្ម​ខាង​លើ​មាន​ការ​ភ្ញាក់​ផ្អើល។ តា​ស្រង់ លើក​ឡើង​ថា លោក​មាន​ការ​ភ្ញាក់​ផ្អើល​យ៉ាង​ខ្លាំង សឹង​មិន​ជឿ​ពិត​មែន និង​ពិត​ជា​រឿង​នឹក​ស្មាន​មិន​ដល់។ តាម​តួលេខ​បញ្ចេញ​ដោយ​អ្នក​ដឹកនាំ​រូប​នេះ បទ “ចង់​សុំ Wifi” មាន​អ្នក​ប្រើ​ប្រាស់​នៅ​លើ​កម្មវិធី TikTok របស់​ចិន យក​ថត (ចម្រៀង​ Background) វីដេអូ​បន្ត​ដល់​ទៅ​ចំនួន​ដល់​ទៅ​ជិត ៤០ម៉ឺន​វីដេអូ​ប៉ុណ្ណោះ ពោល​គឺ 398.1k។
តួលេខ​នេះ នាំ​ឲ្យ​បទ​របស់ ខេម និង សីម៉ា ឈរ​នៅ​លំដាប់​លើ​គេ នាម​ជា​បទ​ចម្រៀង​ជាតិ​ពេញ​និយម​បំផុត​លើ TikTok ដោយ​ឡែក​លេខ២ បាន​ទៅ​លើ​បទ​របស់​ផលិតកម្ម​ក្នុង​ស្រុក​មួយ​ផ្សេង​ទៀត​ដែល​តួលេខ​ប្រើ​ប្រាស់​ចំនួន​ជាង ៣៦ម៉ឺន​វីដេអូ។ យ៉ាង​ណា របាយការណ៍​របស់​លោក យឹម តាស្រង់ មិន​មាន​បង្ហាញ​ពី​បទ​ចម្រៀង​លំដាប់​លេខ​៣​នោះ​ទេ។

តោះ…ស្ដាប់​បទ​នេះ​ម្ដង​ទៀត​មើល៍៖

ប្រភព៖ Sabay

The post ខ្លាំង!បទ “ចង់​សុំ Wifi” កំពុង​ឈរ​លើ​គេ​បំផុត​នៅ​លើ Tik Tok appeared first on .

“ជូន​ដំណើរ​អូន​ឡើង​ផ្លូវ​ហាយវ៉េ” ត្រូវ​បាន​គេ​ដឹង​ថា ជា​បទ​ចម្រៀង​ថ្មី​របស់​តារា​ចម្រៀង លោក ខេម ដែល​ទើប​​តែ​​ដើរ​ចេញ​ពី​ផលិតកម្ម​ថោន មក​​ជ្រក​ក្រោយ​ផលិតកម្ម​Galaxy Navatra របស់​លោក ឧកញ៉ា ឡេង ណាវ៉ាត្រា។ បែប​នេះ​ក្ដី មិន​ទាន់​មាន​ការ​ប្រកាស​ជា​ផ្លូវ​ថា​ពី​ផលិតកម្ម​ក៏​ដូច​ជា​​​សាមី​ខ្លួន ថា ខេម ពិត​ជា បាន​ចូល​មក​ក្នុង​ទ្រនំ Galaxyនៅ​ឡើយ​ទេ ប៉ុន្តែ​ក្រោយ​ពី តារា​ចម្រៀង​រូប​នេះ បាន​បង្ហាញ​ភាព​ស្និទ្ធស្នាល​ជា​មួយ ​ចាងហ្វាង​ផលិត​ជា​សាធារណៈ​ ហើយ​ថែម​ទាំង បញ្ចេញ​សកម្មភាព​ថត បទ​ចម្រៀង​ថ្មី​នេះ បាន​ធ្វើ​ឲ្យ​អ្នក​គាំទ្រ ក៏​ដូច​ជា​មហាជន​ដែល​ចូល​ចិត្ត​តាម​ដាន សកម្មភាព​សិល្បៈ​វាយ​តម្លៃ​បាន​ថា លោក ខេម ច្បាស់​ណាស់​ពិត​ជា​ចូល​មក​​ជ្រក​​ក្នុង​ទ្រនំGalaxy ​ពិត​មែន។

លោក យឹម តាស្រង់ អ្នក​និពន្ធ​បទចម្រៀង និង​ជា​អ្នក​ចាត់ការ​ទូទៅ​របស់​ផលិតកម្ម Galaxy Navatra​ និយាយ​ថា MV ប្រភេទ Action ធំ​បំ​ផុត​ជាលើកដំបូង​ដែល​ផលិតកម្ម​មិន​ធ្លាប់​ធ្វើ​នេះ បាន​ចំណាយ​ពេល​ថត​បី​ថ្ងៃ ហើយ​មាន​តួ​អង្គ​សំខាន់​ជា​ច្រើន​រូប។ ប៉ុន្តែ​​បែប​ណា​ក្ដី លោក យឹម តាស្រង់ មិន​ទាន់​ចង់​បញ្ចេញ​ឈ្មោះ​តារា​ចម្រៀង​នៅ​ឡើយ​ទេ ដោយ​គ្រាន់​តែ​បញ្ជាក់​យ៉ាង​ខ្លី​ថា អ្នក​ចម្រៀង​នោះ គឺ​ជា​តារា​ប្រុស​ចំណូល​ថ្មី​របស់​ផលិតកម្ម។

“ជូន​ដំណើរ​អូន​ឡើង​ផ្លូវ​ហាយ​វ៉េ” អត្ថន័យ​ក្នុង​បទ​ចម្រៀង ​បង្ហាញ​ពី​បេសកកម្ម​ពិសេស​មួយ​របស់​ក្រុម​បង្ក្រាប ប្រយុទ្ធ​ជាមួយ​នឹង​ជន​សង្គម​ងងឹត ហើយ​តួអង្គ​ឯក​ស្រី​មាន​ជាប់​ពាក់ព័ន្ធ​ជាមួយ​នឹង​ក្រុម​សង្គម​ងងឹត​នោះ​ដែរ។

បើ​តាម​អ្នក​ចាត់​ការ​ទូទៅ​ប្រចាំ​ផលិតកម្ម​ Galaxy Navatra បទ​ចម្រៀង​នេះ​ត្រូវ​ចំណាយ​ប្រាក់​អស់​​ជាង​ ៣​ម៉ឺន​ដុល្លារ ហើយ​តួអង្គ​ល្បីៗ ដែល​បាន​សម្ដែង​ក្នុង​MV ខាង​លើ ​មាន​តារា​សម្ដែង​ជើង​ចាស់​លោក សាវិន ហ្វីលីប តារា​ចម្រៀង លោក សាន ផានិត ព្រម​ទាំង​តារា​ចម្រៀង​ល្បីៗ​ជា​ច្រើន​រូប​ទៀត។

អ្វី​ដែល​ជា ការ​ចាប់​អារម្មណ៍​នោះ​បទ​”ជូន​ដំណើរ​អូន​ឡើង​ផ្លូវ​ហាយវ៉េ” នឹង​ក្លាយ​ជា​បទ​ចម្រៀង​ដែល​អាច​បំបែក​កំណត់​ត្រាMV​​ស្រុក​ខ្មែរ ត្បិត​អី​ការ​ផលិត​ឡើង អស់​ប្រាក់​ច្រើន​ជាង​គេ ខណៈ​ដែល​ផលិតកម្ម​ធំៗ​ស្រុក​ខ្មែរ ផលិត​MV ១​បទ​ចំណាយ​ប្រាក់​មិន​លើស​ពី​១៥០០ ទៅ​៣០០០ ដុល្លារ​ប៉ុណ្ណោះ៕

The post បំបែក​កំណត់​ត្រាMV​​ស្រុក​ខ្មែរ​Galaxy ចាយ​ប្រាក់​រាប់​ម៉ឺន​ដុល្លារ​ផលិត​MV​១​បទ​នេះ appeared first on .

សកម្មភាព​ខាង​លើ​អាច​ចាត់​ទុក​ថា ជា​ប្រវត្តិសាស្ត្រ​លើ​ការ​តែង​និពន្ធ​របស់​អ្នក​និពន្ធ​​ខ្មែរ ដែល​តារា​ចម្រៀង​ហ៊ាន ចែក​ភាគ​រយ​ដែល​ខ្លួន​រក​បាន​ឲ្យ​អ្នក​និពន្ធ​វិញ​ពេល​ដែល​ខ្លួន​រក​ចំណូល​បាន​ពី​សិល្បៈ វា​គឺ​ជា​ការ​លើក​​ទឹក​ចិត្ត​​ខ្លាំង​បំផុត​ដល់​អ្នក​និពន្ធ។

លោក យឹម តាស្រង់ បាន​ឲ្យ​ដឹង​បន្ថែម​ថា ទង្វើ​របស់​តារា​ចម្រៀង​ខាង​លើ គឺ​ជា​ការ​តប​ស្មង​ដ៏​ធំ​មួយ​ដែល​លោក​ខំ​​លើក​ស្ទួយ​​​កន្លង​មក​នេះ ​ហើយ​ក៏​​ជា​ការ​លើក​ទឹក​ចិត្ត​ដល់​អ្នក​និពន្ធ​​ទូទៅ​ផង​ដែរ។

លោក​បាន​បញ្ជាក់​ថា ការ​ចែក​ប្រាក់​២០%​​របស់ សីម៉ា នេះ មិន​មែន​សំដៅ​តែ​បាន​មក​ពី​ការ​ច្រៀង​​១​មុខ​ឡើយ គឺ​គ្រប់​រូប​ភាព​​ទាំង​អស់​ដែល​បាន​មក​ពី​សិល្បៈ ដូច​ជា ការ​ថត​ស្ប៉ត ឬ ភាពយន្ត​​ជា​ដើម។

កុងត្រា​នេះ​មិន​បាន​កំណត់​ឆ្នាំ​​ឡើយ ប៉ុន្តែ​លោក​ថា ​មាន​រយៈ​ពេល​វែង ហើយ​ការ​ធ្វើ​​​ឡើង​មិន​មែន​​ធ្វើ​តែ​មាត់​នោះ​ទេ គឺ​មាន​ទាំង​មេធាវី ​ព្រម​ទាំង សាក្សី ដោយ​លោក ឧកញ៉ា ឡេង ណាវ៉ាត្រា ដែល​ជា​​ចាងហ្វាង​ផលិតកម្ម Galaxy Navatra ធ្វើ​ជា​សាក្សី​នៃ​ការ​ចុះ​កុងត្រា​នេះ​​ថែម​ទៀត​ផង។

ឧកញ៉ា ឡេង ណាវ៉ាត្រា បាន​ឲ្យ​ដឹង​បន្ថែម​ថា ដោយ​លោក​មើល​ឃើញ អ្នក​និពន្ធ​គឺ​​ជា ចំណុច​ផ្ដើម​ធ្វើ​ឲ្យ​តារា​ចម្រៀង​ទទួល​បាន​ភាព​ជោគជ័យ ​ពេល​តារា​ចម្រៀង​ទទួល​បាន​ភាព​ជោគជ័យ តារា​ទាំង​អស់​នោះ​មាន​វីឡា មាន​រថយន្ត​ទំនើប មាន​ទ្រព្យសម្បត្តិ​ច្រើន​រស់​នៅ​យ៉ាង​ស្រួល ប៉ុន្តែ​បើ​សម្លឹង​មក​មើល​អ្នក​និពន្ធ​វិញ កម្រ​ឃើញ អ្នក​មាន​ជីវភាព​ធូរធារ ដូច​អ្នក​ចម្រៀង​ល្បី​ឡើយ ។ ពេល​អ្នក​និពន្ធ​​ឈឺ​ម្ដងៗ ឃើញ​ព័ត៌មាន​ចុះ​ផ្សាយ រក​តែ​ប្រាក់​ព្យាបាល​ជំងឺ​មិន​បាន​ផង អំពាវនាវ​សប្បុរសជន​ជួយ​ជា​បន្ត​បន្ទាប់ ​ចំណុច​នេះ​ហើយ​បាន​ជា​លោក​ឧកញ៉ា លើក​ទឹក​ចិត្ត​ឲ្យ តារា​ចម្រៀង ក្នុង​ផលិតកម្ម​​ត្រូវ​តែ​គិតគូរ​​ដល់​អ្នក​និពន្ធ។

តាម​ការ​បញ្ជាក់​ពី តារា​ចម្រៀង តន់ ចន្ទសីម៉ា កុងត្រា ខាង​លើ គឺ​កើត​ឡើង​ដោយ ការ​ស្ម័គ្រចិត្ត មិន​មាន​ការ​បង្ខិតបង្ខំ​ឡើយ ដោយ​នាង​ពេញ​ចិត្ត​ក្នុង​​ការ​ធ្វើ​វា​​ឡើង ដើម្បី​តប​ស្មង​នៅ អ្នក​និពន្ធ​ដែល​​ខំ​ផលិត​បទ​ចម្រៀង​ឲ្យ​ខ្លួន​ច្រៀង។

ទទឹម​គ្នា​នោះ​ដែរ លោក ឧកញ៉ា បាន​សំណូមពរ ដល់​អ្នក​ចម្រៀង​ផ្សេង​ទៀត គួរតែ​សម្លឹង​មើល​អ្នក​និពន្ធ​​​ដែល​មាន​ស្នាដៃ​​មាន​សមត្ថភាព​ គួរតែ​ផ្ដល់​អ្វី​ដែល​សាកសម​ទៅ​នឹង​​អ្វី​ដែល​​គាត់​ខំ​ប្រឹងប្រែង ដើម្បី​ឲ្យ​ពួក​គាត់ មាន​លទ្ធភាព​ក៏​ដូច​​មាន​កម្លាំង​ចិត្ត ក្នុង​​ការ​តែង​និពន្ធ​ឡើង បទ​ចម្រៀង​ដែល​​មាន​គុណភាព ដើម្បី​ប្រកួតប្រជែង ទាំង​ទីផ្សារ​ក្នុង​ស្រុក នឹង​អន្តរជាតិ។

លោក យឹម តាស្រង់ និយាយ​ថា លោក​នឹង​ព្យាយាម​ផលិត​បទ​ចម្រៀង​ជា​ច្រៀង​បន្ថែម​ទៀត ឲ្យ​សីម៉ា​ច្រើន ដោយ​ក្នុង​១ខែ មិន​ក្រោម​១០​បទ​ឡើយ ហើយ​បទ​ចម្រៀង​ទាំង​នោះ នឹង​ចេញ​ជា​បន្តបន្ទាប់​ឆាប់ៗ​នេះ៕

ប្រភព៖ សប្បាយ

The post តន់ ចន្ទសីម៉ា ជាតារាស្រីកម្ពុជាដំបូងគេ ហ៊ាន​​ចែក​​​ចំណូល​ពី​​សិល្បៈ​២០% ទៅ​ដល់​​អ្នក​និពន្ធ​យឹម តាស្រង់ ឧកញ៉ា ឡេង ណាវ៉ាត្រា ធ្វើ​សាក្សី appeared first on .