មិនដឹងចាយប្រាក់ប៉ុន្មាននោះទេ មានទាំងយន្តហោះ មានទាំងរថយន្តទំនើបជាច្រើនគ្រឿង ហើយតួសម្ដែងវិញ ប្រជុំដោយតួសម្ដែងល្បីៗ ដែលសកម្មភាពទាំងនេះបានបង្ហាញវត្តមាន ថតMVបទចម្រៀងថ្មីមានចំណងជើងថា”ជូនដំណើរអូនឡើងផ្លូវហាយវ៉េ” របស់ផលិតកម្ម Galaxy Navatra របស់លោក ឧកញ៉ា ឡេង ណាវ៉ាត្រា ដែលជា ចាងហ្វាងផលិតកម្ម។
“ជូនដំណើរអូនឡើងផ្លូវហាយវ៉េ” ត្រូវបានគេដឹងថា ជាបទចម្រៀងថ្មីរបស់តារាចម្រៀង លោក ខេម ដែលទើបតែដើរចេញពីផលិតកម្មថោន មកជ្រកក្រោយផលិតកម្មGalaxy Navatra របស់លោក ឧកញ៉ា ឡេង ណាវ៉ាត្រា។ បែបនេះក្ដី មិនទាន់មានការប្រកាសជាផ្លូវថាពីផលិតកម្មក៏ដូចជាសាមីខ្លួន ថា ខេម ពិតជា បានចូលមកក្នុងទ្រនំ Galaxyនៅឡើយទេ ប៉ុន្តែក្រោយពី តារាចម្រៀងរូបនេះ បានបង្ហាញភាពស្និទ្ធស្នាលជាមួយ ចាងហ្វាងផលិតជាសាធារណៈ ហើយថែមទាំង បញ្ចេញសកម្មភាពថត បទចម្រៀងថ្មីនេះ បានធ្វើឲ្យអ្នកគាំទ្រ ក៏ដូចជាមហាជនដែលចូលចិត្តតាមដាន សកម្មភាពសិល្បៈវាយតម្លៃបានថា លោក ខេម ច្បាស់ណាស់ពិតជាចូលមកជ្រកក្នុងទ្រនំGalaxy ពិតមែន។
![](https://www.oknha.news/wp-content/uploads/2020/06/5ef9669592f28_1593403020_medium.jpg)
លោក យឹម តាស្រង់ អ្នកនិពន្ធបទចម្រៀង និងជាអ្នកចាត់ការទូទៅរបស់ផលិតកម្ម Galaxy Navatra និយាយថា MV ប្រភេទ Action ធំបំផុតជាលើកដំបូងដែលផលិតកម្មមិនធ្លាប់ធ្វើនេះ បានចំណាយពេលថតបីថ្ងៃ ហើយមានតួអង្គសំខាន់ជាច្រើនរូប។ ប៉ុន្តែបែបណាក្ដី លោក យឹម តាស្រង់ មិនទាន់ចង់បញ្ចេញឈ្មោះតារាចម្រៀងនៅឡើយទេ ដោយគ្រាន់តែបញ្ជាក់យ៉ាងខ្លីថា អ្នកចម្រៀងនោះ គឺជាតារាប្រុសចំណូលថ្មីរបស់ផលិតកម្ម។
![](https://www.oknha.news/wp-content/uploads/2020/06/106342338_3219355734769846_5822152914233060524_o.jpg)
“ជូនដំណើរអូនឡើងផ្លូវហាយវ៉េ” អត្ថន័យក្នុងបទចម្រៀង បង្ហាញពីបេសកកម្មពិសេសមួយរបស់ក្រុមបង្ក្រាប ប្រយុទ្ធជាមួយនឹងជនសង្គមងងឹត ហើយតួអង្គឯកស្រីមានជាប់ពាក់ព័ន្ធជាមួយនឹងក្រុមសង្គមងងឹតនោះដែរ។
![](https://www.oknha.news/wp-content/uploads/2020/06/5ef966979e96c_1593403020_medium.jpg)
បើតាមអ្នកចាត់ការទូទៅប្រចាំផលិតកម្ម Galaxy Navatra បទចម្រៀងនេះត្រូវចំណាយប្រាក់អស់ជាង ៣ម៉ឺនដុល្លារ ហើយតួអង្គល្បីៗ ដែលបានសម្ដែងក្នុងMV ខាងលើ មានតារាសម្ដែងជើងចាស់លោក សាវិន ហ្វីលីប តារាចម្រៀង លោក សាន ផានិត ព្រមទាំងតារាចម្រៀងល្បីៗជាច្រើនរូបទៀត។
អ្វីដែលជា ការចាប់អារម្មណ៍នោះបទ”ជូនដំណើរអូនឡើងផ្លូវហាយវ៉េ” នឹងក្លាយជាបទចម្រៀងដែលអាចបំបែកកំណត់ត្រាMVស្រុកខ្មែរ ត្បិតអីការផលិតឡើង អស់ប្រាក់ច្រើនជាងគេ ខណៈដែលផលិតកម្មធំៗស្រុកខ្មែរ ផលិតMV ១បទចំណាយប្រាក់មិនលើសពី១៥០០ ទៅ៣០០០ ដុល្លារប៉ុណ្ណោះ៕
![](https://www.oknha.news/wp-content/uploads/2020/06/83619042_3219537641418322_6241111956073615348_o.jpg)
![](https://www.oknha.news/wp-content/uploads/2020/06/104945864_3219537654751654_3060939329905528034_o.jpg)
![](https://www.oknha.news/wp-content/uploads/2020/06/105580878_3219537591418327_1667699857208528615_o.jpg)
![](https://www.oknha.news/wp-content/uploads/2020/06/106272653_3219537608084992_162998075511990760_o.jpg)
![](https://www.oknha.news/wp-content/uploads/2020/06/106392950_3211688828869870_5646999369845002433_o.jpg)
![](https://www.oknha.news/wp-content/uploads/2020/06/105721482_3214027051969381_2236061463490084653_o.jpg)
![](https://www.oknha.news/wp-content/uploads/2020/06/5ef966960650e_1593403020_medium.jpg)
![](https://www.oknha.news/wp-content/uploads/2020/06/5ef96696c7d97_1593403020_medium.jpg)
![](https://www.oknha.news/wp-content/uploads/2020/06/105667473_3211333548905398_1992962223962211409_o.jpg)
![](https://www.oknha.news/wp-content/uploads/2020/06/106664895_3214936145211805_3035264532857601559_o.jpg)
![](https://www.oknha.news/wp-content/uploads/2020/06/105944363_3213743301997756_6375157107382957073_o.jpg)