ការជំរុញនេះ បានធ្វើឡើងកាលថ្ងៃទី១៩ ខែតុលា ឆ្នាំ២០២៦ ក្នុងឱកាសដែលលោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងលោកស្រី ចម និម្មល រដ្ឋមន្រ្តីក្រសួងពាណិជ្ជកម្ម ព្រមទាំងប្រតិភូកិត្តិយស បានអញ្ជើញទស្សនកិច្ច «ពន្លាជាតិកម្ពុជា (Cambodia Pavilion)» ក្នុងពិព័រណ៍ពាណិជ្ជកម្មម្ហូបអាហារអន្តរជាតិ SIAL PARIS 2026 នៅរដ្ឋធានីប៉ារីស សាធារណរដ្ឋបារាំង។

នាឱកាសនោះ លោករដ្ឋមន្ត្រី និងលោកស្រីរដ្ឋមន្រ្តី​ បានអញ្ជើញទស្សនកិច្ច​នូវស្តង់​ពន្លាជាតិកម្ពុជា (Cambodia Pavilion) ដែលមានទីតាំងនៅសាលទី៧ (Hall 7, Stand J-347) ដោយបាននាំយកនូវបណ្តាក្រុមហ៊ុនវិស័យឯកជន-សហគ្រាសកម្ពុជាចំនួន ១៦ ដោយផ្តោតសំខាន់លើកសិផលសក្តានុពលកម្ពុជា​ដែលមានគុណភាពខ្ពស់ និងស្របតាមស្តង់ដាអន្តរជាតិមកដាក់តាំងបង្ហាញ រួមមាន៖ ស្វាយចន្ទី ម្រេច ផ្លែឈើសម្ងួត និងគ្រឿងទេស ព្រមទាំងផលិតផលផ្សេងៗជាច្រើនទៀត។

ជាមួយគ្នានេះ លោករដ្ឋមន្ត្រី និងលោកស្រីរដ្ឋមន្រ្តី​ បានបន្តទស្សនកិច្ចស្តង់​ សហព័ន្ធស្រូវអង្ករកម្ពុជា​ ដែលមានចំនួន​ ១២ក្រុមហ៊ុន ជាមួយនឹងការដាក់តាំងបង្ហាញស្រូវ-អង្ករ​កម្ពុជា ដែលបាននិងកំពុងលក់ចែកចាយនៅក្នុងទីផ្សារបារាំង​ អឺរ៉ុប​ អាមេរិក និងទីផ្សារអន្តរជាតិ​ផ្សេងៗទៀត។

តាមេយៈព្រឹត្តិការណ៍នោះ លោករដ្ឋមន្ត្រី និងលោកស្រីរដ្ឋមន្រ្តី​ ក៏បានជួបសំណេះសំណាលជាមួយក្រុមហ៊ុនវិស័យឯកជន​​ និងបានជំរុញលើកទឹកចិត្តក្នុងការបង្កើនការផ្សព្វផ្សាយពាណិជ្ជកម្មឱ្យកាន់តែទូលំទូលាយ​ មានការទទួលស្គាល់ស្លាកយីហោផលិតផលកម្ពុជា នៅលើទីផ្សារអន្តរជាតិ ជាពិសេសទទួលបានអ្នកបញ្ជាទិញ អ្នកចែកចាយ និងវិនិយោគិនបរទេស មកទស្សនាស្វែងយល់ពីកសិផលសក្តានុពលកម្ពុជា និងពិភាក្សាស្វែងរកកាលានុវត្តភាពធុរកិច្ចថ្មីៗដោយផ្ទាល់ក្នុងតាំងពិព័រណ៍នេះផងដែរ៕ អត្ថបទ៖ហ្សាលីន

The post រដ្ឋមន្រ្តី ២ រូប ជំរុញឱ្យបង្កើនការផ្សព្វផ្សាយពាណិជ្ជកម្មស្លាកយីហោផលិតផលកម្ពុជាឱ្យកាន់តែទូលំទូលាយ​ appeared first on .

យុទ្ធនាការដ៏មានសារៈសំខាន់នេះ ត្រូវបានរៀបចំឡើងក្នុងទម្រង់ពិសេស ដោយអនុវត្តរយៈពេល ១ សប្តាហ៍ ក្នុង ១ ខែ និងអូសបន្លាយពេញ ១ ឆ្នាំ។ ក្រសួងពាណិជ្ជកម្ម បានឱ្យដឹងថា នេះគឺជាចលនាជាតិមួយក្នុងការលើកកម្ពស់ផលិតផលក្នុងស្រុក និងជំរុញការនាំចេញផលិតផលជាតិនៅនឹងកន្លែង។

ចំពោះគោលបំណងចម្បងនៃយុទ្ធនាការនេះ គឺដើម្បីបង្ហាញនិងផ្សព្វផ្សាយផលិតផលជាតិឱ្យមានភាពលេចធ្លោ ក៏ដូចជាការបង្កើតឱកាសជំរុញការដាក់លក់ផលិតផលក្នុងស្រុក នៅតាមបណ្តាផ្សារទំនើប ម៉ាត និងមីនីម៉ាតទូទាំងប្រទេស។

គួរឱ្យដឹងថា ព្រឹត្តិការណ៍នេះមិនត្រឹមតែជាការទិញដូរធម្មតានោះទេ ប៉ុន្តែវាជាការបង្ហាញពី «ការស្រឡាញ់ផលិតផលជាតិ ទឹកចិត្តនៃក្តីស្រឡាញ់ចំពោះកសិករខ្មែរនិងផលិតករខ្មែរ និងស្មារតីស្រឡាញ់ជាតិមាតុភូមិរបស់យើង!»។ ក្រសួងពាណិជ្ជកម្មក៏បានអំពាវនាវដល់បងប្អូនប្រជាពលរដ្ឋទាំងអស់ ចូលរួមគាំទ្រទិញផលិតផលខ្មែរឱ្យបានច្រើនកុះករនៅតាមទីតាំងដែលកំពុងផ្សព្វផ្សាយទាំងនោះ៕

The post គិតមកដល់ពេលនេះ មានផ្សារទំនើបនិងម៉ាតជាង ៧០០ ទូទាំងប្រទេស ចូលរួមក្នុងយុទ្ធនាការធំ Made In Cambodia លើកកម្ពស់ផលិតផលខ្មែរ appeared first on .

នេះបើយោងតាមសារលិខិតសម្តេចធិបតី ហ៊ុន ម៉ាណែត ដើម្បីអបអរសាទរទិវាជាតិលើកកម្ពស់ការប្រើប្រាស់ផលិតផលខ្មែរ ៩មេសា លើកទី៨ ឆ្នាំ២០២៥ ដែលធ្វើងក្រោមប្រធានបទ «ប្រើប្រាស់ផលិតផលខ្មែរ គឺមោទនភាពជាតិខ្មែរ។

តាមរយៈសារលិខិតនោះ សម្តេចធិបតី បានអំពាវនាវដល់បងប្អូនប្រជាពលរដ្ឋគ្រប់រូប សូមចូលរួមគាំទ្រ និងទិញផលិតផលខ្មែរ យកទៅប្រើប្រាស់ ប្រកបដោយស្មារតីជាតិនិយម និងបណ្តុះមនសិការ «ខ្មែរស្រឡាញ់ខ្មែរ ខ្មែរប្រើប្រាស់ ផលិតផលខ្មែរ ជាមោទនភាពជាតិខ្មែរ» ដើម្បីរួមចំណែកធ្វើឱ្យផលិតកម្មក្នុងស្រុកបន្តអត្ថិភាព សំដៅលើកកម្ពស់ កិត្យានុភាពជាតិ និងភាពម្ចាស់ការ។ សម្តេចបន្តថា «បើយើងជាខ្មែរ មិនគាំទ្រផលិតផលខ្មែរ តើឱ្យអ្នកណាមកគាំទ្រផលិតផល ខ្មែរ!»។

យ៉ាងណាមិញ តាមរយៈសារលិខិតនេះ សម្តេចធិបតី ក៏បានណែនាំឱ្យក្រសួង ស្ថាប័នពាក់ព័ន្ធទាំងអស់ ថ្នាក់ជាតិ និងថ្នាក់ក្រោមជាតិ ក៏ដូចជាដៃគូអភិវឌ្ឍ អង្គការមិនមែន រដ្ឋាភិបាលជាតិ អន្តរជាតិ វិស័យឯកជន បន្តកិច្ចសហការជាមួយគណៈកម្មាធិការជាតិជំរុញចលនាភូមិមួយ ផលិតផលមួយ ដើម្បីជួយពង្រឹងផលិតករខ្មែរឱ្យអភិវឌ្ឍផលិតផលរបស់ខ្លួនឱ្យកាន់តែមានគុណភាពខ្ពស់ សម្បូរបែប កាន់តែមានទំនុកចិត្តពីអ្នកប្រើប្រាស់ និងមានសក្តានុពលពាណិជ្ជកម្ម ទាំងលើទីផ្សារជាតិនិងអន្តរជាតិ៕អត្ថបទ៖ ហ្សាលីន

The post សម្តេចធិបតី អំពាវនាវដល់ពលរដ្ឋគ្រប់រូប ចូលរួមគាំទ្រ និងទិញផលិតផលខ្មែរ appeared first on .

បច្ចុប្បន្ន ប្រទេសដែលបានចូលរួមនៅក្នុងប្រព័ន្ធមជ្ឈមណ្ឌលហិរញ្ញវត្ថុ Proxtera Trade Portal រួមមាន ប្រទេសកម្ពុជា, សិង្ហបុរី, ហ្វីលីពីន, អូស្ត្រាលី និងរវ៉ាន់ដា ជាដើម។

លោកស្រី Fatimah Yasin មជ្ឈមណ្ឌលហិរញ្ញវត្ថុ Proxtera Trade Portal បានឱ្យដឹងក្នុងវគ្គបណ្តុះបណ្តាលមួយនៅកម្ពុជាថា៖ជាមួយគម្រោង FTC សហគ្រិន ឬអ្នកតំណាងក្រុមហ៊ុននៅកម្ពុជា អាចដាក់លក់ និងនាំចេញផលិតផលទំនិញ ឬវត្ថុធាតុដើម ទៅក្រៅប្រទេសតាមរយៈការបញ្ជាទិញពីដៃគូនៅក្នុងទីផ្សារអន្តរជាតិលើប្រព័ន្ធ Proxtera Trade Portal។ ផលិតផល ដែលអាចលក់បាននៅលើប្រព័ន្ធ Proxtera Trade Portal គឺត្រូវតែជាប្រភេទផលិតផល ឬទំនិញ ដែលមានលក្ខណស្របតាមស្ដង់ដារអន្តរជាតិ និងច្បាប់ នៃប្រទេសនីមួយៗ។ ក្នុងនោះ ផលិតផលខ្មែរ ដែលអាចដាក់លក់បានរួមមាន៖ គ្រឿងទេស, ផលិតផលកសិកម្ម និងចំណីអាហារកែច្នៃ សម្លៀកបំពាក់ស្បែកជើង គ្រឿងសិល្បៈ គ្រឿងស្មូន គ្រឿងសង្ហារឹម និងផលិតផលផ្សេងទៀត។

សេវាហិរញ្ញវត្ថុអន្តរជាតិ សម្រាប់គាំទ្រដល់សហគ្រិនអាចធ្វើពាណិជ្ជកម្មឆ្លងដែន (ទិញ-លក់ផលិតផលទំនិញ)តាមប្រព័ន្ធអនឡាញ បានយ៉ាងឆាប់រហ័ស រវាងប្រទេសកម្ពុជា-សិង្ហបុរីនិងប្រទេសផ្សេងៗទៀតតាមប្រព័ន្ធ Proxtera Trade Portal។

គួរបញ្ជាក់ថា ទំនិញខ្មែរដែលអាចដាក់លក់បានតាមប្រព័ន្ធ Proxtera Trade Portal រួមមមាន៖ គ្រឿងទេស (ម្រេច ម្ទេស ល្មៀត ខ្ទឹម…) អង្ករ ទឹកឃ្មុំ អំបិល បន្លែ ផ្លែឈើស្រស់ គ្រាប់ធញ្ញជាតិ (ចន្ទី ពោត សណ្តែក ល្អ កាហ្វេ…) ម្សៅអង្ករ-ម្សៅពោត ប្រេងធញ្ញជាតិ (ប្រេងដូង ប្រេងសណ្តែក ប្រេងល្ង..) ប្រហិត សាច់ក្រក សាច់គោ សាច់ជ្រូក ត្រី អាហារសមុទ្រកក អាហារចម្អិតភ្លាមៗ (តែ កាហ្វេ មី សាច់មាន់បំពង…) សំលៀកបំពាក់ និងស្បែកជើង គ្រឿងសិល្បៈ គ្រឿងស្មូន គ្រឿងសង្ហារឹម។ល។ ដោយ៖ សុភក្ត្រា

The post ផលិតផលខ្មែរ រាប់រយមុខកំពុងដាក់លក់តាមអនឡាយ លើទីផ្សារអន្ដរជាតិ តាមប្រព័ន្ធ Proxtera Trade Portal appeared first on .

នៅក្នុងពិធីបើកសម្ពោធពិព័រណ៍អន្តរជាតិនេះ ក៏មានការចូលរួមបើកកម្មវិធីដោយលោក ឃុន សាវឿន រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងលោក សំហេង បូរ៉ា រដ្ឋលេខាធិការក្រសួងពាណិជ្ជកម្ម ផងដែរ កាលពីថ្ងៃទី២៨ ខែសីហា ឆ្នាំ២០២៤។

លោក ឃុន សាវឿន បានលើកឡើងថា ការរៀបចំតាំងពិព័រណ៍នេះ គឺជាព្រឹត្តិការណ៍ដ៏សំខាន់ក្នុងការរួមចំណែកជំរុញការធ្វើពាណិជកម្ម និងសេដ្ឋកិច្ចកម្ពុជា និយាយជារួម និងនិយាយដោយឡែក គឺចូលរួមចំណែកជួយការងារកសិកម្ម ហើយក៏ជាឱកាសដ៏សំខាន់សម្រាប់ការទំនាក់ទំនងពាណិជ្ជកម្មនិងកសិកម្ម ព្រមទាំងពង្រឹងកិច្ចសហប្រតិបត្តិការ រវាងភាគីពាក់ព័ន្ធក្នុងស្រុកនិងក្រៅស្រុកផងដែរ។

លោកបន្តថា កន្លងមក ដើម្បីបង្ហាញផលិតផលកសិកម្ម និងលើកទឹកចិត្តឱ្យមានការគាំទ្រ និងការប្រើប្រាស់កសិផលខ្មែរឱ្យកាន់តែទូលំទូលាយ ក្រសួងកសិកម្ម រុក្ខាប្រមាញ និងនេសាទ បានរៀបចំកម្មវិធីពិព័រណ៍កសិកម្មជាបន្តបន្ទាប់ រួមមាន៖ ការពិព័រណ៍ភូមិកសិផលខ្មែរ កម្មវិធីកសិកម្ម និងវាលបៃតងជាដើម។

ម្ចាស់សហគ្រាសកែច្នៃសាច់ក្រកឆ្ងាញ់ សៀមរាប លី ធាង សេង បានឱ្យដឹងថា ការតាំងពិព័រណ៍នេះមានរយៈពេល៣ថ្ងៃចាប់ពីថ្ងៃទី២៨ ដល់៣០ ខែសីហា ហើយនៅថ្ងៃទី៣០នេះជាការតាំងថ្ងៃទី៣ហើយ ដោយឃើញថាល្អ ពីព្រោះលក់បានច្រើន ដោយមានការចាប់អារម្មណ៍ពីអតិជនច្រើនតាំងជាតិ និងអន្តរជាតិគាំទ្រផលិតផលខ្មែរច្រើន​ ដោយសារចំណុចពិសេសសាច់ក្រកសិប្បកម្មអ្នកស្រី យកវត្ថុធាតុដើមស្រស់ ហើយថ្មី ដែលធ្វើឱ្យភ្ញៀវមានទំនុកចិត្តលើផលិតខ្មែរ។

អ្នកស្រីបន្តថា ការតាំងពិព័រណ៍៣ថ្ងៃមកនេះ ឃើញថាមានការដាក់តាំងភាគច្រើនគឺបរទេសមានដូចជា ចិន វៀតណាម ថៃជាដើម។ល។ន្ទឹមនឹងនោះ អ្នកស្រីក៏បានសំណូមពរឱ្យភ្ញៀវជាតិ និងអន្តរជាតិជួយគាំទ្រផលិតផលខ្មែរកាន់តែច្រើន​ ដើម្បីជួយជំរុញសេដ្ឋកិច្ចជាតិឱ្យល្អជាងមុន។

ចំណែកម្ចាស់សិប្បកម្មផលិតស្រា លម៉ើ មកពីខេត្តកំពង់ធំ បានឱ្យដឹងថា ៣ថ្ងៃមកនេះមានភ្ញៀវគ្រាន់បើដែរ​ យើងលក់បានច្រើន ក្នុងនោះមានភ្ញៀវចម្រុះជាតិសាសន៍ទាំងខ្មែរ និងអន្តរជាតិ ដោយសាររសជាតិនៃផលិតផលសិប្បកម្មរបស់លោក ហើយភ្ញៀវអាចទទួលយកបាន។

ជាមួយគ្នានោះ លោកក៏បានស្នើដល់ក្រសួងពាក់ព័ន្ធបន្តគាំទ្រ ជ្រោមជ្រែងឱ្យមានការរៀបចំកម្មវិធីតាំងពិព័រណ៍បន្តទៀត កាន់តែល្អសម្រាប់អ្នកដែលផលិតថ្មីៗដូចលោកផ្ទាល់ បានដាក់តាំងបង្ហាញដល់ភ្ញៀវជាតិ និងអន្តរជាតិបានស្គាល់ ព្រោះយើងត្រូវការទីផ្សារ។

លើសពីនេះលោកក៏ចង់ឱ្យភ្ញៀវដែលតែងតែនិយាយថា«ខ្មែរធ្វើមិនបាន»នោះ ​ឱ្យត្រឡប់មកគិតឡើងវិញ ហើយងាកមកជួយគាំទ្រផលិតផលខ្មែរ​ បើស្រឡាញ់ជាតិខ្មែរ ត្រូវគាំទ្រផលិតផលខ្មែរ ជាការបង្កើនការជួយគាំទ្រខ្មែរ ព្រោះការវេចខ្ចប់ក៏ល្អ មានស្តង់ដារ អនាម័យត្រឹមត្រូវ។

សូមបញ្ជាក់ថា កម្មវិធីសម្ពោធពិព័រណ៍អន្តរជាតិ ស្ដីពីកសិកម្ម សត្វចិញ្ចឹម វារីវប្បកម្ម សម្រស់ ឱសថ មន្ទីរពិសោធន៍ ឧបករណ៍វេជ្ជសាស្ត្រ អាហារ និងភេសជ្ជៈនេះ មានរយៈពេល៣ថ្ងៃ ចាប់ពីថ្ងៃទី២៨-៣០ ខែសីហា ឆ្នាំ២០២៤៕

The post ផលិតផលជាង១០០ស្តង់ មកពី១៣ប្រទេស ដាក់បង្ហាញក្នុងពិធីពិព័រណ៍អន្តរជាតិ ទទួលបានការចាប់អារម្មណ៍ច្រើនពីអតិថិនជាតិ និងអន្តរជាតិ appeared first on .

សិប្បកម្ម PPF Yummy Manufacturing ត្រូវបានបង្កើតឡើងក្នុងឆ្នាំ២០២១ និងបានវិវត្តពីអាជីវកម្មលក្ខខណៈគ្រួសារដែលលក់តែតាមប្រព័ន្ធអនឡាញ ទៅជាសហគ្រាសដែលមានសក្តានុពលមួយ។

បច្ចុប្បន្នផលិតផលរបស់សិប្បកម្មនេះ ត្រូវបានដាក់លក់នៅក្នុងផ្សារក្នុងស្រុក ផ្សារទំនើបធំៗ និងភោជនីយដ្ឋានមួយចំនួននៅទូទាំងប្រទេស។ ក្រុមហ៊ុនក៏បានចាប់ផ្តើមនាំចេញផលិតផលរបស់ខ្លួនទៅកាន់ប្រទេសកូរ៉េ នេះផងដែរ។

លោក ជា ចិត្រា នាយកគ្រប់គ្រងទូទៅនៃក្រុមហ៊ុន PPF បានឱ្យដឹងថា៖សិប្បកម្មបាននាំចេញផលិតផលចំនួន៥០០ គីឡូក្រាមទៅកាន់ប្រទេសកូរ៉េខាងត្បូងរួចហើយកាលពីខែឧសភា ឆ្នាំ២០២៤និងជិតនាំចេញទៅកូរ៉េទៀតហើយនាពេលខាងមុខនេះ។

លោកចិត្រា បានបន្តថា៖ក្រៅពីនាំចេញទៅកូរ៉េ PPF បាននាំចេញទៅជប៉ុន ស្វីស អាមេរិក អូស្រាលី និងញូវវែលសេឡង់ ។

លោកបានឱ្យដឹងថា៖ក្រុមហ៊ុនមានផលិតផលហូបបានភ្លាមៗ ដូចជាបុកកន្ទុយហេសសរុប៧មុខ និង ប្រភេទសាច់ប្រឡាក់គ្រឿងបង្កក៩មុខមាន សាច់មាន់ សាច់ជ្រូក សាច់គោ ជាដើម ។

លោកបានបញ្ជាក់ថា«ក្នុងមួយថ្ងៃគិតជាមធ្យម ផលិតបាន៣០០ទៅ៣៥០យូនីត ក្នុង១ខែ ប្រហែល១០០០០យូនីត។»

លោកនាយកគ្រប់គ្រងក្រុមហ៊ុន PPF បានឱ្យដឹងផងដែរថា៖ក្រុមហ៊ុនក៏បានសហការជាមួយក្រុមហ៊ុនសូណាត្រាធ្វើជ្រក់ម្រេចដោយប្រើប្រាស់ម្រេចខ្ចីនៅកំពតហើយលក់ចេញទៅជប៉ុន។ក្រៅពីនេះធ្វើអំបិលបង្គាលីងគ្រឿងឱ្យក្រុមហ៊ុនផ្សេងមួយទៀតសម្រាប់លក់នៅកម្ពុជានិងធ្វើគ្រឿងផ្សំ(Cooking Paste)  លក់ជាផ្លូវការទៅនូវែលសេឡង់និងសហរដ្ឋអាមេរិក ។ចំណែកប្រហុកត្រីរ៉ស់ និងប្រហុកត្រីកំភ្លាញ នាំចេញទៅនូវែលសេឡង់។ក្រៅពីនាំចេញជាផ្លូវការនូវផលិតផលទៅក្រៅប្រទេស ក្រុមហ៊ុនបាននាំចេញក្រៅផ្លូវការទៅជាង១០ប្រទេសទៀតតាមDHL ជាប្រចាំ៕

The post ប្រហុកខ្ទិះ ប្រហុកត្រីរ៉ស់ បុកត្រីឆ្អើរ និងផលិតផលខ្មែរជាច្រើនទៀតត្រៀមនាំចេញទៅក្រៅប្រទេស appeared first on .

ជាមួយនឹងរូបភាពដែលបង្ហោះនៅលើបណ្តាញសង្គមហ្វេសប៊ុកជាមួយ កូនប្រុសពៅរបស់សម្ដេច កាលយប់ថ្ងៃទី៣១ ខែកក្កដា ឆ្នាំ២០២៤ សម្ដេចធិបតី ហ៊ុន ម៉ាណែត បានសរសេរខ្លឹមសារយ៉ាងដូច្នេះថា៖«ថ្ងៃនេះប្រជុំជ្រុលម៉ោងមកដល់ផ្ទះយប់បន្តិច បានកូនប្រុសបបួលញ៉ាំដំណាប់ស្វាយកែវរមៀត ដ៏មានរសជាតិឆ្ងាញ់ ដើម្បីប៉ូវកម្លាំង។ គាំទ្រផលិតផលប្រទេសកម្ពុជា ១០០%»។

សូមរម្លឹកដែរថា នេះមិនមែនជាលើកទី១ឡើយ ដែលសម្តេចធិបតីបានកោតសរសើរ ផលិតផលរបស់កម្ពុជា។ ជាក់ស្តែងតាមរយៈសារលិខិតអបអរសាទរ ទិវាជាតិលើកកម្ពស់ការប្រើប្រាស់ផលិតផលខ្មែរ ៩មេសា លើកទី៧ ឆ្នាំ២០២៤ ក្រោមប្រធានបទ «ផលិត និងផ្គត់ផ្គង់ទីផ្សារប្រកបដោយចីរភាព គឺជាចលនាភូមិ១ផលិតផល១» សម្តេចធិបតី ក៏ធ្លាប់បានអំពាវនាវឱ្យពលរដ្ឋចូលរួមគាំទ្រជួយទិញផលិតផលខ្មែរ យកទៅប្រើប្រាស់ឱ្យបានច្រើន ដើម្បីលើកកម្ពស់កិត្យានុភាពជាតិ និងស្មារតីជាតិនិយម។

បន្ថែមពីនេះ សម្តេច ក៏ធ្លាប់បានណែនាំឱ្យក្រសួង-ស្ថាប័នពាក់ព័ន្ធទាំងថ្នាក់ជាតិ និងថ្នាក់ក្រោមជាតិ ក៏ដូចជាដៃគូអភិវឌ្ឍន៍ជំរុញចលនា ភូមិមួយផលិតផលមួយ ដើម្បីជួយអភិវឌ្ឍផលិតផលខ្មែរឱ្យកាន់តែមានភាពសម្បូរបែប និងមានសក្តានុពលពាណិជ្ជកម្មទាំងលើទីផ្សារជាតិ និងអន្តរជាតិ។

លើសពីនេះ សម្ដេចធិបតី ហ៊ុន ម៉ាណែត ថែមទាំងបានលើកទឹកចិត្តឱ្យផលិតករ ទាំងកសិករ សិប្បករ ឬឧស្សាហករ និងពាណិជ្ជករ ឬសេវាករ ជាជាងការ ប្រកួតប្រជែងគ្នាក្នុងស្រុក គឺត្រូវរួមគ្នាចងក្រងជាក្រុមផលិត ឬជាសមាគម ឬជាសហគមន៍ ហើយខិតខំធ្វើយ៉ាងណាប្រើប្រាស់សក្តានុពល ដែលមានតាមភូមិឋាន ឬអាចរកបាន ដើម្បីផលិតចេញនូវផលិតផលគ្រប់ដំណាក់កាល នៃខ្សែច្រវាក់ផលិតកម្ម ទាំងផលិតផលដែលឆ្លុះបញ្ចាំងពី លក្ខណៈវប្បធម៌ តាមបែបបុរាណនិងតាមបែបទំនើប ឱ្យមានលក្ខណៈកាន់តែល្អប្រសើរ កាន់តែពិសេស និងកាន់តែល្អផ្តាច់ បំពេញឱ្យគ្នាទៅវិញទៅមក ដែលមានឧត្តមប្រយោជន៍ប្រៀបធៀបខ្ពស់ ក្នុងការដណ្ដើមឈ្នះទីផ្សារទាំងក្នុងនិងក្រៅប្រទេសជាដើម។

សម្ដេចធិបតី ក៏ធ្លាប់បានបញ្ជាក់ទៀតថា អ្វីដែលគួរឱ្យកត់សំគាល់ គឺថា ក្នុងរយៈពេលប៉ុន្មានឆ្នាំចុងក្រោយនេះ ការជំរុញចលនាភូមិមួយផលិតផលមួយ សម្រេចបានលទ្ធផលយ៉ាងល្អប្រសើរ ដែលនាំទៅដល់ការប្រែប្រួលជាវិជ្ជមាននៃផលិតផលខ្មែរ ដូចជាគុណភាព ស្តង់ដាអនាម័យ ការវេចខ្ចប់ ជាពិសេសការដាក់ ស្លាកសញ្ញាសម្គាល់លើផលិតផលជា «ផលិតផលភូមិ១ផលិតផល១» ដែលមានចំនួន៥៥៩ ត្រឹមឆ្នាំ២០២៣ នៅទូទាំង២៥រាជធានីខេត្ត៕ អត្ថបទ៖ រង្សី

The post សម្តេចធិបតី សរសើររសជាតិ ដំណាប់ស្វាយកែវរមៀត និងប្រកាសគាំទ្រផលិតផលកម្ពុជា appeared first on .

ក្នុងឱកាសទិវាជាតិលើកកម្ពស់ការប្រើប្រាស់ផលិតផលខ្មែរ ៩ មេសា លើកទី៧ ឆ្នាំនេះ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានផ្តល់នូវអនុសាសន៍សំខាន់ៗចំនួន៥ចំនុច ដើម្បីលើកកម្ពស់ការប្រើប្រាស់ផលិតផលខ្មែរ។ អនុសាសន៍ទាំង៤ចំនុចនេះ រួមមាន៖​

ទី១- គ្រប់ក្រសួង ស្ថាប័នពាក់ព័ន្ធទាំងអស់ ត្រូវយកចិត្តទុកដាក់ចូលរួមចំណែកលើកកម្ពស់ ជំរុញ និងបំផុស ចលនាដាំដុះចិញ្ចឹមសត្វ ផលិត កែច្នៃ និងអភិវឌ្ឍនូវផលិតផលគ្រប់ប្រភេទតាមគ្រួសារ សហគមន៍ បណ្តុំអ្នកផលិត ប្រកបដោយគំនិតច្នៃប្រឌិតនិងរស់រវើក ជាពិសេសការកែច្នៃផលិតផលកសិកម្មជាមូលដ្ឋាន ទៅជាម្ហូបអាហារ វត្ថុសិល្បៈ ឬរបស់ប្រើប្រាស់ផ្សេងៗ សម្រាប់ផ្គត់ផ្គង់ទីផ្សារទាំងក្នុងនិងក្រៅប្រទេស ដើម្បីជាការរួមចំណែកលើក កម្ពស់កម្រិតជីវភាពពលរដ្ឋខ្មែរគ្រប់រូបឱ្យកាន់តែល្អប្រសើរឡើង។

ទី២- គណៈកម្មាធិការជាតិជំរុញចលនាភូមិមួយផលិតផលមួយ ក្រសួងកសិកម្ម រុក្ខាប្រមាញ់ និងនេសាទ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ក្រសួងពាណិជ្ជកម្ម ក្រសួងទេសចរណ៍ ក្រសួងព័ត៌មាន ក្រសួងការបរទេសនិងសហប្រតិបត្តិការអន្តរជាតិ ក្រសួងសេដ្ឋកិច្ចនិងហិរញ្ញវត្ថុ និងក្រសួង ស្ថាប័នពាក់ព័ន្ធ ទាំងឡាយ ត្រូវបន្តសហការរៀបចំប្រារព្ធ និងផ្សព្វផ្សាយនូវសកម្មភាពឬព្រឹត្តិការណ៍នានា ដើម្បីជំរុញការអភិវឌ្ឍ ផលិតផលក្នុងស្រុក និងការពង្រីកទីផ្សារជូនអាជីវករ ផលិតករ ប្រកបដោយប្រសិទ្ធភាព។

ទី៣-គណៈកម្មាធិការជាតិជំរុញចលនាភូមិមួយផលិតផលមួយ ត្រូវបន្តខិតខំសហការជាមួយគណៈ កម្មាធិការជំរុញចលនាភូមិមួយផលិតផលមួយរាជធានី ខេត្តទូទាំងប្រទេស ក្នុងការដាក់បញ្ចូលផលិតផលសក្តានុពល នានាជាផលិតផលភូមិ១ផលិតផល១ និងចងក្រងបណ្តាញសមាជិកចលនាភូមិមួយផលិតផលមួយ ឱ្យបាន ទូលំទូលាយ ព្រមទាំងផ្តល់កិច្ចអន្តរាគមន៍ដោះស្រាយបញ្ហាប្រឈមទាំងឡាយ ទាំងកត្តាផលិតកម្ម ទាំងកត្តាទីផ្សារ ឱ្យបានទាន់ពេល និងប្រកបដោយប្រសិទ្ធភាពខ្ពស់។

ទី៤- គណៈកម្មាធិការជាតិជំរុញចលនាភូមិមួយផលិតផលមួយ ត្រូវបន្តកិច្ចសហការជាមួយក្រសួង ពាណិជ្ជកម្ម និងគណៈកម្មាធិការជំរុញចលនាភូមិមួយផលិតផលមួយរាជធានី ខេត្ត ដើម្បីរៀបចំឱ្យបានផុលផុស នូវព្រឹត្តិការណ៍តាំងបង្ហាញនិងលក់ ទិញផលិតផលខ្មែរ ផលិតផលភូមិ១ផលិតផល១ នៅតាមទីកន្លែងដែលមានសក្តានុពល ឱ្យបានទូលំទូលាយ ដែលជាយន្តការដ៏សំខាន់ក្នុងការជួយលើកកម្ពស់និងផ្សព្វផ្សាយលក់ផលិតផលខ្មែរ។

គួរបញ្ជាក់ថា ក្នុងរយៈពេលប៉ុន្មានឆ្នាំ ចុងក្រោយនេះ ការជំរុញចលនាភូមិមួយផលិតផលមួយ សម្រេចបានលទ្ធផលយ៉ាងល្អប្រសើរ ដែលនាំទៅដល់ ការប្រែប្រួលជាវិជ្ជមាននៃផលិតផលខ្មែរ ដូចជាគុណភាព ស្តង់ដាអនាម័យ ការវេចខ្ចប់ ជាពិសេសការដាក់ ស្លាកសញ្ញាសម្គាល់លើផលិតផលជា «ផលិត​ផលភូមិ១ផលិតផល១» ដែលមានចំនួន៥៥៩ ត្រឹមឆ្នាំ២០២៣ នៅ ទូទាំង២៥រាជធានី ខេត្ត៕

The post រដ្ឋាភិបាល ផ្តល់អនុសាសន៍សំខាន់ៗចំនួន៤ចំនុច ដើម្បីលើកកម្ពស់ការប្រើប្រាស់ផលិតផលខ្មែរ appeared first on .

តាមការចេញផ្សាយលើហ្វេសប៊ុកផ្លូវការ របស់ទឹកត្រីង៉ូវហេងកំពត នៅពេលថ្មីៗ ទឹកត្រីរូបមន្ដដូនតារបស់ ឧកញ៉ា ចាន់ ស៊ីថា មានចំណុចពិសេស៩យ៉ាង ដែលធ្វើឱ្យម៉ាកសញ្ញាទឹកត្រីនេះ អាចឈរជើងជិត៣០ឆ្នាំ និងមានឈ្មោះល្បីល្បាញទាំងក្នុងនិងក្រៅប្រទេស។ ចំណុចពិសេសទាំងនោះរួមមាន៖

១. មានទីតាំងផលិតជាប់នឹងដៃសមុទ្រអាចរក្សាភាពស្រស់របស់ត្រីបានស្រស់ល្អ និងរក្សាប្រូតេអ៊ីនរបស់ត្រី បាន ខ្ពស់ធ្វើឱ្យទឹកត្រីកាន់តែពិសេស។

២. ផលិតឡើងពីត្រីកាកើមសមុទ្រដែលជាប្រភេទត្រីពិសេសក្នុងការផលិតទឹកត្រីឱ្យមានរសជាតិ ឈ្ងុយឆ្ងាញ់ ជាប្រភេទត្រីមានតែជាតិសាច់ ឈាម និងសំបូរប្រូតេអ៊ីនខ្ពស់។

៣. ប្រើអំបិលធម្មជាតិក្នុងខេត្តកំពត និងមានទីតាំងក្រោយរោងចក្រផ្ទាល់ ហើយអំបិលកំពតជាអំបិលដែលល្អ និងសំបូរសារជាតិចិញ្ចឹមច្រើនក្នុងតំបន់។

៤. មានបច្ចេកទេសនិងបទពិសោធន៍ក្នុងការផលិតទឹកត្រីជិត៣០ឆ្នាំ មានភាពល្បីល្បាញតាំងពីដូនតា។

៥. មានបន្ទប់ពិសោធន៍ផ្ទាល់ខ្លួន។

៦. បន្ទុំក្នុងធុងឈើក្រោមកម្ដៅព្រះអាទិត្យចាប់ពី ១២ខែ ឬ ៣៦៥ថ្ងៃឡើងទៅ តាមបច្ចេកទេសពីដូនតាមក។

៧. ជាទឹកត្រីទទួលបានម៉ាកសញ្ញាសម្គាល់ភូមិសាស្រ្ត GI ដែលទទួលស្គាល់ថាជាទឹកត្រីដែលល្អនិងមាន លក្ខណៈ ពិសេសខុសពីទឹកត្រីដទៃ ទាំងគុណភាព និងលក្ខណៈពិសេសជាច្រើន (ដូចម្រេចកំពត ដែលមាន ភាពល្បីល្បាញ)។

៨. ទទួលបានស្តង់ដាជាតិ និងអន្តរជាតិ ពានរង្វាន់ផ្សេងៗ និងស្តង់ដាសុវត្ថិភាពជាច្រើន ដែលជាទំនុកចិត្ត ដល់ អ្នកប្រើប្រាស់។

៩. មានក្តីស្រឡាញ់ និងចង់ឃើញផលិតផលជាតិមានភាពល្បីល្បាញនាំចេញទៅក្រៅប្រទេសឱ្យបានច្រើន ដើម្បី ជួយជំរុញទាំងសេដ្ឋកិច្ច និង លើកកម្ពស់ជីវភាពប្រជាជន ក្នុងតំបន់អោយមានការងារធ្វើ ប្រកបដោយការរីក ចម្រើន ទាំងសហគមន៍យើង និងមោទនភាពជាខ្មែរ។

សូមជម្រាបជូនផងដែរថា សិប្បកម្មផលិតទឹកត្រីង៉ូវហេងកំពត ត្រូវបានបង្កើតឡើងតាំងពីឆ្នាំ ១៩៩៥ មកដល់ សព្វថ្ងៃមាន អាយុកាល២៧ឆ្នាំហើយ និងបានវិវឌ្ឍន៍ខ្លួនបន្តិចម្តងៗ រហូតទទួលបានស្តង់ដាជាតិមុនគេ ក្នុង ខេត្ត កំពត នាឆ្នាំ២០០៣, បានទទួលគម្រោងអភិវឌ្ឍន៍ TDF ក្នុងឆ្នាំ២០០៩, ទទួលបានមេដាយក្នុងការប្រកួត ប្រជែង កែច្នៃកសិកម្ម និងបានបង្កើតផ្សារង៉ូវហេងកំពតក្នុងឆ្នាំ២០១៧, ទទួលបានពានចំនួន៥ ពីក្រសួង រ៉ែនិង ថាមពល និងទទួលបានស្តង់ដាសុវត្ថិភាពចំណីអាហារអន្តរជាតិ HCCAP នៅឆ្នាំ២០១៨។ ក្រុមហ៊ុនរបស់ លោក ឧកញ៉ាក៏ទទួលបានស្តង់ដាហាឡាលកម្ពុជាពីអគ្គនាយកដ្ឋាន ក.ប.ប. នៃក្រសួងពាណិជ្ជកម្មផងដែរ។

ក្រៅពីផលិតទឹកត្រី ក្រុមហ៊ុនទឹកត្រី ង៉ូវហេង ក៏ផលិតផងដែរនូវ ទឹកស៊ីអ៊ីវសៀងពិសេស ទឹកម្ទេស ទឹកប្រេងខ្យង និងទឹកសៀងពិសេស ដែលផលិតផលទាំងនេះបានដាក់លក់នៅតាមផ្សារទំនើបធំៗក្នុងប្រទេសកម្ពុជា៕

អត្ថបទ៖ សុកធា

The post តើទឹកត្រីង៉ូវហេងកំពតរបស់ ឧកញ៉ា ចាន់ ស៊ីថា មានចំណុចពិសេសអ្វីខ្លះ ទើបអាចឈរជើងបានជិត៣០ឆ្នាំ? appeared first on .

លោក ថោង ខុន រដ្ឋមន្ត្រីក្រសួងទេសចរណ៍ បានឱ្យដឹងថា នៅក្នុងព្រឹត្តិការណ៍ទេសចរណ៍នេះ គឺមានការតាំងពិព័រណ៍សមិទ្ធផល មហោស្រពម្ហូបអាហារនិងភេសជ្ជៈ និងការតាំងពិព័រណ៍កសិទេសចរណ៍ ផលិតផលសហគ្រាសធុនតូចនិងមធ្យម ផលិតផលខ្មែរ ផលិតផលកសិកម្ម និងផលិតផលរបស់សហគមន៍ ដែលមានស្ដង់សរុបចំនួន៣០០ស្តង់។

លោកថា «ការរៀបចំពិព័រណ៍នេះ គឺជាការរួមចំណែកមួយក្នុងការប្រើប្រាស់ឱ្យអស់លទ្ធភាពនៃវិស័យទេសចរណ៍ ដែលត្រូវបានចាត់ទុកថាជាការនាំចេញនៅនឹងកន្លែង សំដៅគាំទ្រដល់ការអភិវឌ្ឍវិស័យកសិកម្ម ពិសេសការបង្កើតឱកាសការងារសម្រាប់កសិករ សិប្បករ និងអ្នកផលិតតាមរយៈទីផ្សារទេសចរណ៍»។

លោក សួង​ ណយ អគ្គលេខាធិការរងនៃគណៈកម្មាធិការជាតិជំរុញចលនាភូមិមួយផលិតផលមួយ បានឱ្យដឹងថា គណៈកម្មាធិការជាតិ រួមជាមួយសហគមន៍បានដឹកនាំសមាជិករបស់ខ្លួនដែលជាសិប្បករ អាជីវករ កសិករ ក្រុមហ៊ុន វេជ្ជបណ្ឌិតស្រាវជ្រាវផ្នែកឱសថ នាំផលិតផលដែលខ្លួនផលិតបានមកដាក់លក់ តាំងបង្ហាញ និងផ្សព្វផ្សាយនៅតាមស្ដង់ផលិតផលជាច្រើន។

លោកបន្តថា ផលិតផលដល់ទៅជាង៥០០មុខ នាឱកាសពិធីបុណ្យទន្លេនៅខេត្តកំពង់ធំនេះ ដែលសុទ្ធតែជាផលិតផលស្នាដៃកូនខ្មែរ អាជីវករ សិប្បករ កសិករ ប្រជាជនខ្មែរទាំងអស់ ដូចជា ដូង ទឹកដោះគោ ទឹកត្រី ប្រេងដូង ប្រេងស្លឹកគ្រៃ ប្រេងរឹតធ្វើពីស្លឹកម្លូ ក្រណាត់សូត្រ ក្រណាត់ហូល ក្រមា កាបូប ម្សៅចេក ផលិតផលដែលបានពីត្នោត ផលិតផលដែលបានពីកាកាវ គ្រាប់ស្វាយចន្ទី សាច់ក្រក ត្រីងៀត អំបុក ភេសជ្ជៈ ចម្លាក់ស្បែក គ្រឿងឧបភោគបរិភោគ របស់របរប្រើប្រាស់ ដំណាំកសិកម្ម វត្ថុអនុស្សាវរីយ៍ វត្ថុលម្អសោភ័ណភាពជាដើម។

បើតាមលោក សួង ណយ ផ្លែដូង ឬដូងក្រអូប ដែលសហគមន៍បានប្រមូលយកពីសមាជិកដែលជាកសិករនៅទូទាំងប្រទេស ដើម្បីយកមកលក់ក្នុងឱកាសបុណ្យទន្លេ ឬបុណ្យសមុទ្រមុនៗ ក្នុងមួយថ្ងៃអាចលក់បានដល់ទៅជាង១០,០០០ផ្លែ ហើយក្នុង១ផ្លែតម្លៃ៤,០០០រៀល ៣ផ្លែចុះនៅសល់១០,០០០រៀល។ លោកថា ប្រសិនបើមានច្រើនជាងនេះក៏នៅតែលក់អស់៕

The post បុណ្យទន្លេខេត្តកំពង់ធំ មានផលិតផលខ្មែរជាង ៥០០មុខដាក់បង្ហាញលក់ appeared first on .