នេះបើយោងតាមសេចក្តីជូនដំណឹងស្តីពីការច្រានចោលព័ត៌មានក្លែងក្លាយ ពាក់ព័ន្ធនឹងការបើកដំណើរការគម្រោងថ្មី AEON MALL (AEON MALL 4) និងគណនីប្រព័ន្ធផ្សព្វផ្សាយសង្គមក្លែងក្លាយ ពាក់ព័ន្ធនឹងអាជីវកម្មរបស់ AEON MALL នៅកម្ពុជា ដែលផ្សាយចេញកាលពេលថ្មីៗនេះ។

សេចក្តីជូនដំណឹងដដែល បានឱ្យដឹងថា ក្រុមហ៊ុន អ៊ីអន ម៉ល (ខេមបូឌា) ខូអិលធីឌី សូមជម្រាបជូនសាធារណជនទាំងអស់អំពីព័ត៌មានចចាមអារ៉ាមថ្មីៗ ទាក់ទងនឹងការបើកដំណើរការគម្រោងផ្សារទំនើបអ៊ីអនថ្មី ជាពិសេស អ៊ីអនម៉លទី៤ នៅកម្ពុជា។  បន្ថែមពីលើនេះ ក៏មានគណនីបណ្តាញសង្គមក្លែងក្លាយ ដែលអះអាងថា ជាតំណាងផ្សារទំនើបអ៊ីអនរបស់យើង។

ប្រភពដដែលបានបន្តថា៖« យើងខ្ញុំសូមបញ្ជាក់ថា ក្រុមហ៊ុនរបស់យើងមិនមានទំនាក់ទំនងជាមួយនឹងព័ត៌មាននៃការបើកដំណើរការផ្សារទំនើប AEON MALL 4 ឬគណនីប្រព័ន្ធផ្សព្វផ្សាយសង្គមដែលគ្មានការអនុញ្ញាតណាមួយដែលអះអាងថាតំណាងឱ្យពួកយើងឡើយ។ យើងប្តេជ្ញារក្សាតម្លាភាព និងភាពជឿជាក់ជាមួយអតិថិជន និងសហគមន៍របស់យើង ដោយផ្តល់ព័ត៌មានត្រឹមត្រូវ និងផ្ទៀងផ្ទាត់តាមរយៈវេទិកាទំនាក់ទំនងផ្លូវការរបស់យើង។ ការប្រកាសជាផ្លូវការណាមួយទាក់ទងនឹងអាជីវកម្មរបស់យើងនឹងធ្វើឡើងតាមរយៈវេទិកាទំនាក់ទំនងផ្លូវការរបស់យើង»។

សូមរម្លឹកថា ការចេញមកបញ្ជាក់របស់ក្រុមហ៊ុនផ្សារទំនើបអ៉ីអននៅកម្ពុជា បានធ្វើឡើងបន្ទាប់ពីមានការផ្សព្វ​ផ្សាយយ៉ាងផុលផុសទាំងលើបណ្តាញសង្គម និងបណ្តាញព័ត៌មាននានាថា ក្រុមហ៊ុនផ្សារទំនើបអ៉ីអន គ្រោងសាងសង់ផ្សារសាខាទី៤នៅលើទឹកដីខណ្ឌកំបូល។

សូមបញ្ជាក់ដែរថា ក្រុម​ហ៊ុនផ្សារទំនើបអ៉ីអនកម្ពុជា ជាបុត្រសម្ព័ន្ធរបស់ក្រុមហ៊ុនផ្សារទំនើបអ៉ីអន ដែលបង្កើតឡើងកាល​ពី​ឆ្នាំ១៩១១ ក្នុងទីក្រុង Chiba ប្រទេសជប៉ុន។នាយកគ្រប់គ្រងផ្សារទំនើប AEON Mall លោក TSUBOYA MASAYUKI ធ្លាប់បានឱ្យដឹងថា ក្រុម​ហ៊ុន បានបណ្តាក់ទុនប្រមាណ ៧០៦លានដុល្លារ ដើម្បីសាងសង់ផ្សារទំនើបចំនួន៣សាខា នៅប្រទេសកម្ពុជា។

ជាក់ស្តែង មកដល់ពេលបច្ចុប្បន្ននេះ ក្រុមហ៊ុនផ្សារទំនើបអ៊ីអន បានសាងសង់ផ្សារចំនួន៣សាខាហើយនៅលើទឹកដីកម្ពុជា។ សាខាទី១ ស្ថិតនៅលើវិថីសម្តេចសុធារស ក្នុងភូមិសាស្រ្តខណ្ឌចំការមន, សាខាពី២ ស្ថិតនៅក្នុងភូមិសាស្ត្រខណ្ឌសែនសុខ និងសាខាទី៣ ស្ថិតនៅតាមបណ្តោយមហាវិថីសម្តេចតេជោ៦០ម៉ែត្រ ក្នុងភូមិសាស្ត្រខណ្ឌមានជ័យ៕ អត្ថបទ៖ រង្សី

The post ក្រុមហ៊ុនផ្សារទំនើបអ៊ីអន ច្រានចោលព័ត៌មានដែលថា ផ្សារទំនើបអ៊ីអនទី៤ នឹងសាងសង់នៅលើទឹកដីខណ្ឌកំបូល appeared first on .

ផ្សារទំនើប អ៊ីអនម៉ល មានជ័យ ​​​​​​មាន​ហាង​ល្បីៗ​​សរុប​ប្រមាណ​ ២៥០​ហាង ​​​​ដែល​ធ្វើ​ឱ្យ​អតិថិជន​កាន់​តែ​មាន​ជម្រើស​សម្បូរ​បែប ជាមួយ​នឹង​ផលិត​ផល​ប្រណិតៗ​គុណភាព​ខ្ពស់។ ​ផ្សារ​ទំនើប​មួយ​នេះ ក៏​មាន​សួន​កម្សាន្ត​ (Komsan Park) ​​​​នៅ​ជាន់ទី២ និង​ជាន់​ទី​៣ ​​ដែល​​មាន​សកម្មភាព​លេង​​ជា​ច្រើន​សម្រាប់​​គ្រប់វ័យ។ លើស​ពី​នេះ ផ្សារទំនើប អ៊ីអនម៉ល មានជ័យ ​​មាន​កន្លែង​​ដើរ​លើ​ផ្ទាំង​​កញ្ចក់ ​​​​​ដែល​អ្នកដើរ​កាត់​តំបន់​នេះ នឹង​អាច​មើល​ឃើញ​ធ្លុះ​ទៅ​​ខាង​ក្រោម ​ហើយ​អ្នក​នៅ​ជាន់​ក្រោម ក៏​អាច​មើល​ឃើញ​អ្នក​ដើរ​នៅ​ខាង​លើ​ផងដែរ។

សូម​ជម្រាប​ជូន​ថា ផ្សារទំនើប អ៊ីអនម៉ល មានជ័យ ជាផ្សារទំនើប ដែលមានផ្ទៃដីធំជាងគេ​នៅប្រទេសកម្ពុជា​ គឺលើសពី ១៧ ហិកតា។ ផ្សារទំនើប ដែល​មាន​តម្លៃ​ ២៨៩,៦លានដុល្លារអាមេរិក​​មួយ​នេះ មាន​ទីតាំង​ស្ថិតនៅ​តាមបណ្តោយមហាវិថីសម្ដេចតេជោ ហ៊ុន សែន (ផ្លូវ៦០ម៉ែត្រ)។ នេះ​ជា​សមិទ្ធផល​ដ៏​ធំ​ទី​៣ ​​របស់​ផ្សារទំនើប​អ៊ីអន ម៉ល បន្ទាប់ពី​ការ​បើក​ផ្សារទំនើប​អ៊ីអន ម៉ល ភ្នំពេញ (អ៊ីអន១) នៅ​ឆ្នាំ២០១៤ និង​ផ្សារទំនើប​អ៊ីអន ម៉ល សែនសុខ (អ៊ីអន២) ​​​នៅ​ឆ្នាំ២០១៨។ សម្រាប់​ផ្សារទំនើប​អ៊ីអន៣ ឆ្នាំ២០២២នេះ គឺជា​ការ​ចាប់​បញ្ចូល​គ្នា​រវាង​ការ​កម្សាន្ត ការទិញទំនិញ ​ព្រម​ទាំង​ការចែករំលែក​ចំណេះ​ដឹង​អំពី​សង្គម​​បរិស្ថាន សិល្បៈ និងបច្ចេកវិទ្យា៕

The post ផ្សារទំនើបអ៊ីអន៣ មានកន្លែងដើរលើផ្ទាំងកញ្ចក់ ធ្វើឱ្យភ្ញៀវទទួលបានអារម្មណ៍ប្លែក appeared first on .

ហាងល្បីៗសរុបប្រមាណ ២៥០ហាង បណ្ដាក់គ្នាស្អេកស្កះនៅក្នុងម៉លដ៏ទំនើបនេះ ក្នុងនោះ ហាងលក់គ្រឿងសម្អាងម៉ាក CLARINS ហាងគ្រឿងសម្អាងម៉ាក L’OCCITANE en Provence និងហាងលក់សម្លៀកបំពាក់ម៉ាក HUGO ដែលនាំចូលដោយក្រុមហ៊ុន វឌ្ឍនៈ កាពីតាល របស់អ្នកឧកញ៉ា សំអាង វឌ្ឍនៈ ក៏មានវត្តមាន និងកំពុងផ្ដល់ជូននូវប្រូម៉ូសិនបញ្ចុះតម្លៃ ក៏ដូចជាការថែមជូនយ៉ាងពិសេស ដល់អតិថិជនផងដែរ។  

១. គ្រឿងសម្អាងម៉ាក CLARINS

CLARINS សាខាផ្សារទំនើបអុីអនមានជ័យ នឹងផ្តល់ជូននូវការស្ប៉ាស្បែកមុខជាមួយនឹងប្រូម៉ូសិន ស្ប៉ា ១០ ដង ថែមជូន ១០ ដង និងការបញ្ចុះតម្លៃ ៥០% លើការម៉ាស្សាមុខ។ លើសពីនេះទៅទៀត លោកអ្នកក៏ទទួលបានការបញ្ចុះតម្លៃរហូតដល់ទៅ ៥០% លើផលិតផលដែលបានកំណត់ជាច្រើនប្រភេទ រួមជាមួយនឹងការថែមជូនកាដូរអនុស្សាវរីយ៍ថែមទៀតផង។ ការផ្តល់ជូន គឺកាន់តែពិសេសសម្រាប់អតិថិជន VIP របស់ CLARINS, លោកអ្នកនឹងមិនខកបំណងឡើយ។

២. ហាងគ្រឿងសម្អាងម៉ាក L’OCCITANE en Provence

ដើម្បីស្វាគមន៍អតិថិជនក្នុងឪកាសបើកដំណើរការសាខាថ្មី  L’OCCITANE ផ្តល់ជូនកម្មវិធីពិសេសសម្រាប់ការជាវផលិតផលចំនួន ៩៨ ដុល្លារ លោកអ្នកនឹងក្លាយជាសមាជិក VIP របស់ L’OCCITANE ដែលទទួលបានការបញ្ចុះតម្លៃ ៨% ព្រមទាំងទទួលបានកាដូរ Santa Gift ភ្លាមៗ។ រីឯការជាវរហូតទៅដល់ ១៨៨ ដុល្លារ អតិថិជននឹងក្លាយជាសមាជិក VIP របស់ L’OCCITANE ដែលទទួលបានការបញ្ចុះតម្លៃរហូតដល់ ១៨% ព្រមទាំងកាដូរពិសេសមួយឈុត ជាមួយនឹងកាដូរ Santa Gift។

៣. ហាង HUGO

ហាងលក់សម្លៀកបំពាក់ ស្បែកជើង និងកាបូប ម៉ាក HUGO នាំចូលពីប្រទេសអាល្លឺម៉ង់ កំពុងផ្ដល់ជូនប្រូម៉ូសិនពិសេស គឺរាល់ការជាវអស់ទឹកប្រាក់ចំនួន ២០០ដុល្លារ លោកអ្នកនឹងទទួលបានកាបូបស្ពាយយ៉ាងស្រស់ស្អាត ឬទិញអ៊ីវ៉ាន់អស់ទឹកប្រាក់ ចំនួន ២៥០ដុល្លារ នឹងទទួលបានឆ័ត្រ  HUGO មួយភ្លាមៗ។

ផ្សារទំនើប អ៊ីអន៣ សាងសង់នៅលើផ្ទៃដីជាង១៧ម៉ឺនម៉ែត្រការ៉េ និងមានហាងសរុបប្រមាណ២៥០ហាង និងកន្លែងចតរថយន្ដអាចដាក់បានដល់ទៅ៤ពាន់គ្រឿង។ ចំពោះការសាងសង់ផ្សារទំនើប អ៊ីអនទី៣ ជាការវិនិយោគទាំងស្រុងដោយក្រុមហ៊ុន AEON MALL (CAMBODIA) CO.,LTD៕ 

The post ហាងប្រេនៗលំដាប់ពិភពលោក អ្នកឧកញ៉ា សំអាង វឌ្ឍនៈ បង្ហាញខ្លួនព្រោងព្រាតក្នុងផ្សារទំនើបអ៊ីអន៣ ទើបសម្ភោធថ្មី   appeared first on .

ផ្សារទំនើបតម្លៃ ២៩០លានដុល្លារនេះ នឹងផ្តល់ជូននូវការកម្សាន្ត និងការអប់រំដល់មនុស្សគ្រប់វ័យ ជាមួយនឹងគោលគំនិត “Edutainment Mall” នៅចំកណ្តាលនៃទីក្រុងកំពុងអភិវឌ្ឍន៍ថ្មីជាប់នឹងក្រុងតាខ្មៅ។

គួរបញ្ជាក់ថា គម្រោងផ្សារទំនើប អ៊ីអន ៣ (AEON 3) សាងសង់ក្រោមទុនវិនិយោគប្រមាណ ២៩០លានដុល្លារអាមេរិក ដែលមានទំហំធំជាងផ្សារ Aeon 1-2 បូកបញ្ចូលគ្នាទៅទៀត ពោលគឺនឹងមានផ្ទៃឡាសរុប ១៧៤០០០ ម៉ែត្រការ៉េឯណោះ។

គម្រោងផ្សារទំនើបអឺអនម៉លទី៣ ក៏ជាកម្លាំងចលករដ៏សំខាន់ នៅក្នុងការជួយជម្រុញដល់ការអភិវឌ្ឍន៍ នៃទីក្រុង រណបស្ថិតនៅភាគខាងត្បូងនៃរាជធានីភ្នំពេញ ដែលជាតំបន់មានសក្តានុពលខ្លាំង៕

The post ផ្សារទំនើបតម្លៃ ២៩០លានដុល្លារ AEON3 គ្រោងនឹងបើកថ្ងៃទី១៥ ខែធ្នូនេះ appeared first on .

ផ្សារ​ទំនើបអ៊ីអន សាខា​ទី ១ មាន​ទីតំាងស្ថិតនៅក្នុងសង្កាត់​ទន្លេបាសាក់ ខណ្ឌ​ចំការមន។ ផ្សារ​ទំនើប​អ៊ីអន​សាខា​ទី​ដំបូង​នេះ បាន​បើក​ដំណើរការ​នៅ​ខែ​មិថុនា ឆ្នាំ​២០១៤ វិនិយោគ​អស់​ទឹកប្រាក់​ជាង ២០០ លាន​ដុល្លារ។

ក្រោយ​ជោគជ័យ​លើ​សាខា​ទី​មួយ ក្រុមហ៊ុន​អ៊ីអន បាន​ចាប់ផ្ដើម​វិនិយោគ​សាងសង់​គម្រោង​ផ្សារ​អ៊ីអន​ទី ​២ នៅ​ខណ្ឌ​សែនសុខ។

សាខាទី​ពីរ​នេះ​បាន​ចាយ​ទុន​ជាង ១២០ លាន​ដុល្លារ​អាមេរិក មាន​ទំហំ​ធំជាង​សាខា​ទី១ ដោយ​សាងសង់​លើ​ផ្ទៃ​ដី​ប្រមាណ ១០ ហិចតា និង​មាន​ផ្ទៃក្រឡា (floor area) សរុប​ជាង ១៥១ ០០០ ម៉ែត្រការ៉េ មាន​ចំណត​ធំ​ទូលាយ​អាច​ចត​រថយន្ត​បាន ២៥០០ គ្រឿង​និង​ម៉ូតូ​ចំនួន ២០០០ គ្រឿង​។

​ផ្សារទំនើបអ៊ីអន​ដែលជា​សាខា​ទី ២ បាន​សម្ពោធ​ដាក់​ឲ្យដំណើរការ​នៅ​ខែ​ឧសភា ឆ្នាំ​២០១៨ ដើម្បី​ឆ្លើយតប​នឹង​តម្រូវការ​របស់​ប្រជាពលរដ្ឋ​ក្នុងរាជធានីភ្នំពេញ ជាពិសេស​ក្នុង​តំបន់​សែន​សុខ។

ដោយឡែក គម្រោង​សាងសង់​ផ្សារ​ទំនើប​អ៊ីអនម៉ល​សាខា​ទី៣ ដែល​កំពុង​ដំណើរការ​សាងសង់​មាន​ទីតាំង​នៅ​តាម​បណ្ដោយ​​មហាវិថី​ សម្តេច​តេជោ ហ៊ុន សែន (ផ្លូវ៦០ម៉ែត្រ) ក្នុង​ភូមិ​ព្រែកតាឡុង ៣ សង្កាត់ ចាក់អង្រែក្រោម ខណ្ឌមានជ័យ។

ផ្សារ​ទំនើប​អ៊ីអន​ម៉ល​សាខា​ទី ៣ ក្នុង​ខណ្ឌមានជ័យ បាន​បើក​ការដ្ឋាន​តាំង​ពី​ខែតុលា ឆ្នាំ​២០២០ នឹង​ក្លាយ​ជា​សាខា​ផ្សារទំនើប AEON Mall ដែល​ធំជាង​គេ​នៅក្នុង​តំបន់​អាស៊ាន។ នេះ​បើ​តាម​សេក្តីប្រកាស​ព័ត៌មាន​របស់​ក្រុមហ៊ុន។

ដោយ​ប្រើប្រាស់​ទុន​វិនិយោគ​អស់​ជាង ២៩០ លាន​ដុល្លារ គម្រោង​ផ្សារ​អ៊ីអន​ទី ៣ អភិវឌ្ឍន៍​នៅ​លើ​ផ្ទៃ​ដី ១៧៤ ០០០ ម៉ែត្រ​ការ៉េ គឺ​ធំ​ជាង​សខា​ទី១ ពីរ​ដង និង​ធំជាង​សាខា​សែន​សុខបន្តិច។

ផ្សារទំនើបអ៊ីអនទី ៣ ឬសាខា​មានជ័យ បច្ចុប្បន្ន​កំពុងសម្រុក​ស្ថាបនាហើយ​តាម​ផែនការ​នឹង​រួចរាល់​នៅ​ឆ្នាំ​២០២២ នេះ៕

The post មក​ដល់​ពេលនេះ ​​ផ្សារ​ទំនើប​អ៊ីអនទាំង​​ ៣កន្លែង​ ចាយ​ទុន​អស់​ជាង ៧០០ លានដុល្លារ appeared first on .

តាមរយៈ​រូបភាព​ថ្មីៗ​នេះឃើញ​​ថា​ការ​​ស្ថាបនា​ផ្សារទំនើប​របស់ជប៉ុននេះ កំពុង​ឈាន​ទៅ​បញ្ចប់​​រួចរាល់ទាន់​​ផែនការដែល​បាន​គ្រោង​ទុក។

ក្រុមហ៊ុនអភិវឌ្ឍន៍ផ្សារទំនើប AEON Mall Co., Ltd ដែលជាប្រតិបត្តិករវិស័យលក់រាយធំជាងគេរបស់ជប៉ុន បានបើកការដ្ឋានសាងសង់ផ្សារទំនើបអ៊ីអនម៉លសាខាទី៣កាលពី​ឆ្នាំ​២០២០។

ផ្សារទំនើបអ៊ីអនម៉លមានជ័យ នឹងក្លាយជាសាខាផ្សារទំនើប AEON Mall ដែលធំជាងគេនៅក្នុងតំបន់អាស៊ាន។ នេះបើតាមសេក្តីប្រកាសព័ត៌មានរបស់ក្រុមហ៊ុន។

​ស្ថិតនៅតាមបណ្តោយមហាវិថីសម្តេចតេជោ ហ៊ុន សែន (ឬផ្លូវ៦០ម៉ែត្រ) គម្រោងអភិវឌ្ឍន៍ផ្សារ​ទំនើបនេះគ្របដណ្តប់លើទំ​ហំផ្ទៃ​ដី 174,000 ម៉ែ​ត្រការ៉េ ដែលទំហំនេះធំជាងផ្សារទំនើបអ៊ីអនម៉លទី១ ពីរដង (68,000 ម៉ែត្រការ៉េ បើកដំណើរការឆ្នាំ២០១៤) និងធំជាងផ្សារទំនើបអ៊ីអនម៉ល សែន សុខ បន្តិច (151,000​ម៉ែត្រការ៉េ)៕

The post រូបភាព​ថ្មី​ចុងក្រោយ​ ​ផ្សារទំនើបអ៊ីអន ៣ សាងសង់​ជិត​រួច ១០០%​ គ្រោង​បញ្ចប់ទាន់ផែនការ appeared first on .

គណនីហ្វេសប៊ុកឈ្មោះ Noun Kakada ​​បាន​បង្ហោះសារ​កាល​ពី​ម្សិល​មិញ​ថា៖ “ព្រះជាម្ចាស់​អើយ! ទឹកអប់ដ៏​ល្បីល្បាញ GENTLEMAN បានបើកសាខានៅកម្ពុជាហើយ។ កាល​ពី​២​ឆ្នាំ​មុន ​ដើម្បី​ធ្វើ​ដំណើរ​ទៅ​ប្រទេស​បារាំង ខ្ញុំ​បាន​ទិញ​ទឹក​អប់​មួយ​ដប​នេះ។ នេះជាប្រភេទទឹកអប់ដ៏ល្បីល្បាញ និងមានប្រវត្តិជិត ៦០ ឆ្នាំ។ វាមានក្លិន​ក្រអូប​ឈ្ងុយឆ្ងាញ់ មិនខ្លាំង ហើយអាចរក្សាក្លិនបានយូររហូតដល់ ៤៨ ម៉ោង។ តាំងពីប្រើក្លិននេះមក ខ្ញុំមិនអាចប្រើ​ក្លិន​ផ្សេងជំនួសបានទេ ព្រោះវាពិតជាសាកសមនឹងខ្ញុំណាស់។ ប៉ុន្តែ​ដោយសារ​វា​លក់​តែ​នៅ​ប្រទេស​បារាំង ខ្ញុំ​តែងតែ​បញ្ជា​ទិញ​ពី​បារាំង​មក​កម្ពុជា”។

“ម្សិលមិញ​ពេល​ដឹង​ថា GENTLEMAN បើក​សាខា​នៅ AEON MALL ខ្ញុំ​ក៏​ទៅ​ទិញ​ភ្លាម។ ខ្ញុំ​ត្រូវ​រង់ចាំ​ក្នុង​ជួរ​ជិត​៤​ម៉ោង ទើប​ទិញ​បាន​តម្លៃ​ល្អ​លក់ ៥០% ។ ប៉ុន្តែថ្ងៃនេះ ក្រុមហ៊ុនបានប្រកាសថា ដោយសារមានអតិថិជនចូល​ហាង​ច្រើន ទើបបើកគេហទំព័រពិតប្រាកដ ដើម្បីឲ្យអតិថិជនទិញតាមអនឡាញ នៅតែលក់ ៥០% ហើយនៅ​មាន​ការដឹកជញ្ជូនដោយឥតគិតថ្លៃ។ នេះ​មិន​យុត្តិធម៌​សម្រាប់​ខ្ញុំ​ទេ”។ លោក​បាន​បញ្ជាក់​បន្ថែម។

The post ទឹកអប់ល្បីរបស់បារាំង បើកសាខានៅ AEON MALL អតិថិជនតម្រង់ជួររង់ចាំ៤ម៉ោង ទើបទិញបាន appeared first on .

បើតាមក្រុមហ៊ុន អ៊ីអន ម៉ល ការដំឡើងផ្ទាំងសូឡាបន្ថែមនេះ មានគោលបំណងចូលរួមកាត់បន្ថយការប្រើប្រាស់ថាមពលអគ្គិសនី និងជួយដោះស្រាយបញ្ហាកង្វះថាមពល ដោយសារតែតម្រូវការថាមពលអគ្គសនីមានការកើនឡើងពីមួយថ្ងៃទៅមួយថ្ងៃនៅក្នុងប្រទេស។

លើសពីនេះ ការដំឡើងផ្ទាំងសូឡានេះ ក៏បានរួមចំណែកការផលិតថាមពលកកើតឡើងវិញ និងកាត់បន្ថយការបញ្ចេញឧស្ម័នកាបូនឌីអុកស៊ីត (CO2)។ ទន្ទឹមនឹងនោះក្រុមហ៊ុន ក៏មានគម្រោងបង្កើននូវផ្ទាំងកញ្ចក់សូឡា នៅផ្សារទំនើប អ៊ីអន ម៉ល ភ្នំពេញ ដែលបច្ចុប្បន្នកំពុងស្ថិតក្រោមគម្រោងជួសជុល និងពង្រីកបន្ថែម។

ក្រោយដំឡើងផ្ទាំងសូឡារួចរាល់ ក្រុមហ៊ុន អ៊ីអន បានបង្ហាញនូវក្តីសង្ឃឹមថា សកម្មភាពនេះ នឹងចូលរួមចំណែកយ៉ាងសំខាន់ក្នុងការគាំទ្រដល់គោលដៅអភិវឌ្ឍន៍ប្រកបដោយចីរភាព(SDGs)។

កាលពីពេលកន្លងទៅ ក្រសួងរ៉ែ និងថាមពល បានពិនិត្យលើបទបញ្ញាតិស្តីពីការដំឡើងផ្ទាំងសូឡា ឬថាមពលពន្លឺព្រះអាទិត្យនៅលើដំបូលអគារលំនៅដ្ឋាន និងខុនដូ ដើម្បីភ្ជាប់ចូលបណ្តាញជាតិ សល់ពីការប្រើប្រាស់ផ្ទាល់ខ្លួន។

លោក វ៉ិចទ័រ ហ្សូណា អគ្គនាយកថាមពលនៃក្រសួងរ៉ែ និងថាមពល បានលើកឡើងថា ការដំឡើងផ្ទាំងសូឡាលើដំបូលអគារស្នាក់នៅ និងអគារខុនដូរ គឺមានសារសំខាន់ ក្នុងការប្រើប្រាស់នៅក្នុងអគារផង និងសម្រាប់លក់ទៅឲ្យអាជ្ញាធរអគ្គិសនីកម្ពុជាផង ក្រោយពីសល់នៃការប្រើប្រាស់។

គួរជម្រាបជូនថា រដ្ឋាភិបាលកម្ពុជា បានដាក់ចេញទិសដៅ បង្កើនការផលិតថាមពលស្អាត ឬថាមពលបៃតង ពីគ្រប់ប្រភពថាមពលកកើតឡើងវិញ ដើម្បីនិរន្តភាពនៃការផ្គត់ផ្តង់ថាមពលដែលមិនប៉ះពាល់ដល់បរិស្ថាន។ ក្រសួងព្យាករណ៍ថា គិតត្រឹមឆ្នាំ២០២២ ថាមពលអគ្គិសនី ប្រមាណជា៤១០ មេហ្គាវ៉ាត នឹងត្រូវផលិតចេញពីប្រភពថាមពលសូឡា៕

The post ផ្សារទំនើប អ៊ីអន ម៉ល បន្ថែមផ្ទាំងកញ្ចក់សូឡាដើម្បីស្រូបយកថាមពលអគ្គិសនីមកប្រើប្រាស់ appeared first on .

ក្រុមហ៊ុន​បានជួលដីពីកំពង់ផែស្វយ័ត ខេត្តព្រះសីហនុ ទំហំប្រហែល ៣ ហិកតា ដើម្បីរៀបចំជាមជ្ឈមណ្ឌលស្តុកទំនិញក្នុងកិច្ចសន្យារយៈពេល ៥០ ឆ្នាំ ដោយនឹងផ្តល់ជូននូវទីតាំងស្តុកទំនិញនាំចូលដោយមិនចាំបាច់បង់ថ្លៃកាតព្វកិច្ចមុនពេលឆ្លងកាត់នីតិវិធីរបស់អាជ្ញាធរគយ ។

The post ក្រុមហ៊ុន អ៊ីអន ម៉ល​គ្រោងបង្កើតមជ្ឈមណ្ឌលស្តុកទំនិញលក្ខណៈអន្តរជាតិ​នៅ​ខេត្តព្រះសីហនុ appeared first on .

ក្រោមកិច្ចសហប្រតិបត្តិការនេះ អតិថិជនរបស់ ធនាគារ ABA មិនចាំបាច់ចំណាយពេលយូរក្នុងការទូទាត់ជាមួយនឹងក្រដាសប្រាក់ឡើយ ដោយគ្រាន់តែស្កែន ABA Pay QR នៅតាមកន្លែងគិតប្រាក់នានា ជាមួយនឹងកម្មវិធី (App) ABA Mobile នៅក្នុងផ្សារទំនើប អុីអន ម៉ល ទាំង២សាខា ដែលមានហាង និងផ្សារលក់ទំនិញច្រើនជាង២០០កន្លែង។

The post មិន​ពិបាក​ឈរ​ចាំ​គិត​លុយ​​យូរ​ទៀតទេ ផ្សារ​អ៊ីអនទើប​សហការប្រើ​បច្ចេកវិទ្យា​ថ្មី នាំ​បទពិសោធន៍ទិញទំនិញកាន់តែមានភាពងាយស្រួល appeared first on .