ក្នុងជំនួបនោះលោក ហ៊ុន សារឿន បានណែនាំឲ្យបងប្អូនប្រជាពលរដ្ឋខ្មែរត្រូវរឹតចំណងសាមគ្គីគ្នា រួមគ្នារក្សាវប្បធម៌ប្រពៃណីរបស់ខ្មែរយើង ឲ្យបានល្អប្រសើរបើទោះបីជាយើងរស់នៅទីណាក៍ដោយ និងជំរុញផ្សព្វផ្សាយ ទេសចរណ៍របស់កម្ពុជាទៅកាន់ជនជាតិបរទេស ឲ្យបានទូលំទូលាយបន្ថែមទៀត។

លោកបានបន្តទៀតថា សូមកោតសរសើរចំពោះក្រុមការងារសប្បុរសធម៌ស្ម័គ្រ ប្រចាំប្រទេសយ៉ាងខ្លាំងដែលកន្លងមកបានធ្វើសកម្មភាពចូលរួមជួយសម្រួលទុក្ខលំបាក ដល់បងប្អូនខ្មែរយើងដែលកំពុងរស់នៅធ្វើការក្នុងប្រទេសថៃ ដូចជាស្ត្រីមានផ្ទៃពោះ សម្រាលកូន ឈឺថ្កាត់ គ្រោះថ្នាក់ចរាចរណ៍ ស្លាប់បាត់បង់ជីវិតជាដើម។

ចំណែកអ្នកឧកញ៉ា ឡេង ប្រុស បានស្នើសុំឲ្យខាងស្ថានទូត អនុគ្រោះជួយសម្រួលរាល់ឯកសារផ្សេងៗ ដែលខាងក្រុមការងារមានតម្រូវការចាំបាច់ ដើម្បីជួយបងប្អូនប្រជាពលរដ្ឋខ្មែរ ដែលកំពុងរស់នៅធ្វើការ ក្នុងប្រទេសថៃ ឲ្យទាន់ពេលវេលា។

លោកបានឆ្លើយតបថា លោករីករាយនឹងជួយសម្រួលរាល់ឯកសារផ្សេងៗ ដល់ក្រុមការងារឲ្យឆាប់រហ័សបំផុត ដែលអាចធ្វើទៅបាន។ ជាមួយគ្នានេះ អ្នកឧកញ៉ា ឡេង ប្រុស បានថ្លែងអំណរគុណដល់ស្ថានទូតកម្ពុជា ប្រចាំប្រទេសថៃ ដែលបានអនុញ្ញាតឲ្យក្រុមការងារ ចូលជួបសំដែងការគួរសមនេះ ជាភាពកក់ក្ដៅ និងកម្លាំងចិត្តដែលជំរុញ ឲ្យក្រុមការងារសប្បុរសធម៌ស្ម័គ្រចិត្តប្រចាំប្រទេសថៃ បន្តខិតខំធ្វើការងាររបស់ខ្លួន កាន់តែល្អប្រសើរជាងមុន៕

The post អ្នកឧកញ៉ា ឡេង ប្រុស ស្នើឲ្យស្ថានទូតខ្មែរប្រចាំប្រទេសថៃ ជួយសម្រួលឯកសារផ្សេងៗ ដែលមានតម្រូវការចាំបាច់ដល់ពលរដ្ឋខ្មែរ នៅប្រទេសថៃ appeared first on .

ក្នុងចំណោមពលករ​ធ្វើការនៅក្រៅប្រទេស​ទាំង​អស់នេះ ក្នុងមួយឆ្នាំបានផ្ញើប្រាក់ត្រលប់មក​ឱ្យបងប្អូន​សាច់ញាតិ​ក្នុងប្រទេស​វិញ​មានចំនួន​២,៧ពាន់លានដុល្លារ​អាមេរិក ក្នុងនោះប្រាក់ដែលផ្ញើពីប្រទេសថៃ​ក៏មានចំនួនច្រើនជាង​គេ​ដែរ​ក្នុងមួយឆ្នាំៗ។

លោក សេដ្ឋា ថាវីស៊ីន នាយករដ្ឋមន្ត្រីថៃ បានថ្លែងអំណរគុណចំពោះពលករកម្ពុជាដែលបានទៅធ្វើការនៅប្រទេសថៃ ដែលបានរួមចំណែកដល់សេដ្ឋកិច្ចរបស់ថៃ ហើយលោកបានធានាអះអាងថា នឹងយកចិត្តទុកដាក់ចំពោះពលករខ្មែរទាំងនោះ។ ការលើកឡើងយ៉ាងដូច្នេះរបស់នាយករដ្ឋមន្រ្តីថៃថ្មីរូបនេះ ធ្វើឡើងក្នុងជំនួបជាមួយអតីតនាយករដ្ឋមន្រ្តី សម្តេចតេជោ ហ៊ុន សែន ប្រធានឧត្តមប្រឹក្សាផ្ទាល់ព្រះមហាក្សត្រ នារសៀលថ្ងៃទី២៨ ខែកញ្ញានេះ ក្នុងដំណើរទស្សនកិច្ចផ្លូវការលើកដំបូងមកកាន់កម្ពុជា។

ក្នុងជំនួបជាមួយសម្តេចតេជោ ហ៊ុន សែន លោក សេដ្ឋា ថាវីស៊ីន បានប្រាប់ពីលទ្ធផលនៃការពិភាក្សាប្រកបដោយផ្លែផ្កា ជាមួយសម្តេចធិបតីនាយករដ្ឋមន្ត្រី ហ៊ុន ម៉ាណែត ស្តីពីកិច្ចសហប្រតិបត្តិការលើគ្រប់វិស័យទាំងអស់ ដើម្បីជំរុញទំនាក់ទំនងល្អប្រសើររវាងប្រទេសទាំងពីរឲ្យកាន់តែរឹងមាំនិងរីកចម្រើនថែមទៀត។  

សម្តេចតេជោប្រធានគណបក្សប្រជាជនកម្ពុជា បានវាយតម្លៃខ្ពស់ចំពោះលទ្ធផល នៃការចរចាទ្វេភាគីរវាងនាយករដ្ឋមន្ត្រីនៃប្រទេសទាំងពីរ។ សម្តេចតេជោបន្តថា ក្នុងរយៈពេល២៥ឆ្នាំចុងក្រោយនេះ សម្ដេចជាអតីតនាយករដ្ឋមន្ត្រី បានធ្វើការយ៉ាងខ្លាំងក្នុងការធ្វើទំនាក់ទំនងល្អ ជាមួយបណ្ដាប្រទេសជិតខាង បង្កើនកិច្ចសហប្រតិបត្តិការជាបណ្តាខេត្តជាប់គ្នា រវាងកងកម្លាំងប្រដាប់អាវុធទាំងសងខាង មានទំនាក់ទំនងពាណិជ្ជកម្មឆ្លងព្រំដែន រវាងប្រទេសទាំងពីរ ក៏ដូចជាជាមួយបណ្ដាប្រទេសឡាវនិងវៀតណាមផងដែរ។

សម្តេចតេជោមានប្រសាសន៍ថា៖ ប្រទេសជាប់ភូមិផងរបងជាមួយត្រូវមានកិច្ចសហការល្អលើគ្រប់វិស័យ ពិសេសវិស័យពាណិជ្ជកម្ម ការឆ្លងកាត់ ទៅវិញទៅមករបស់ប្រជាជន ក៏ដូចជាការធ្វើសមយុទ្ធក្នុងការជួយសង្គ្រោះគ្នា ក្នុងគ្រោះមហន្តរាយធម្មជាតិ មានភ្លើងឆេះព្រៃ មានទឹក ជំនន់ និងការជួយគ្នាទៅវិញទៅវិញទៅមកជាពិសេសចំពោះប្រជាជននៅតាមបណ្ដាព្រំដែនសម្រួលការឆ្លងកាត់ទំនាក់ទំនងរវាងប្រជាជននិងប្រជាជន ការចេញចូលដើម្បីធ្វើពាណិជ្ជកម្ម ក៏ដូចជាការទៅព្យាបាលជំងឺ។ល៕

The post លោក សេដ្ឋា ថាវីស៊ីន ថ្លែងអំណរគុណពលករកម្ពុជាដែលបានទៅធ្វើការនៅប្រទេសថៃបានរួមចំណែកដល់សេដ្ឋកិច្ចរបស់ថៃ appeared first on .

លទ្ធផលនៃកិច្ចពិភាក្សានេះ ធ្វើឡើងរវាង លោក UH SOOBONG  ប្រធានអង្គភាពអភិវឌ្ឍន៍ធនធានមនុស្សនៃសាធារណរដ្ឋកូរ៉េ ជាមួយលោក អ៉ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ នារសៀលថ្ងៃទី២០ ខែកុម្ភៈ ឆ្នាំ២០២៣ ដើម្បីពិភាក្សាអំពីវិធីសាស្រ្តក្នុងការជ្រើសរើស ទទួលពលករឱ្យបានឆាប់រហ័ស និងស្វែងយល់អំពីគម្រោងធ្វើសមាហរណកម្មពលករកម្ពុជាក្រោយពេលត្រឡប់មកមាតុភូមិវិញ។ 

នៅក្នុងជំនួបនោះ លោក អ៉ិត សំហេង លើកឡើងថា សាធារណរដ្ឋកូរ៉េជាមិត្តដ៏ល្អ ដែលបានចូលរួមអភិវឌ្ឍប្រទេសកម្ពុជា ជាពិសេសវិស័យការទូត និងកិច្ចសហប្រតិបត្តិការរបស់ប្រទេសយើងទាំងពីរ បានក្លាយជាដៃគូយុទ្ធសាស្ត្រគ្រប់ជ្រុងជ្រោយ។ 

លោករដ្ឋមន្ត្រី គូសបញ្ជាក់ដែរថា បើទោះស្ថិតក្នុងដំណាក់កាលកូវីដ-១៩ ក្តី សាធារណរដ្ឋកូរ៉េ នៅតែបន្តជ្រើសរើសពលករកម្ពុជាទៅបម្រើការងារនៅទីនោះ ព្រមទាំងមើលថែទាំ និងគាំពារពលករកម្ពុជាបានយ៉ាងល្អទៀតផង។  ជាមួយការដែលពលករកម្ពុជាបានវិលត្រឡប់ពីបម្រើការងារនៅសាធារណរដ្ឋកូរ៉េវិញ លោកសង្កេតឃើញថា ពួកគាត់មានវឌ្ឍនភាព និងមានការប្រែប្រួលសេដ្ឋកិច្ចជីវភាពយ៉ាងខ្លាំង ដោយអ្នកខ្លះប្រែក្លាយជាសហគ្រិនភាព និងជាអ្នកវិនិយោគដ៏ល្បីល្បាញ។ 

ទន្ទឹមនឹងនេះ លោក អ៉ិត សំហេង បានថ្លែងអំណរគុណដល់ ក្រសួងមុខរបរ និងការងារ នៃសាធារណរដ្ឋកូរ៉េ ដែលបានយកចិត្តទុកដាក់ផ្តល់សេវាការងារជូនដល់ពលករកម្ពុជា បានយ៉ាងល្អ ដោយនៅក្នុងឆ្នាំ២០២៣នេះ ភាគីកូរ៉េសន្យា ផ្តល់កូតាជូនពលករកម្ពុជា ជាងមួយម៉ឺននាក់ទៀតនោះ តាមរយៈគណៈកម្មាធិការបណ្តុះបណ្តាល និងបញ្ជូនពលករទៅបរទេស (MTOSB) នៃក្រសួងការងារ និងបណ្តុះបណ្តាលវិជ្ជាជីវៈ ដែលនឹងធ្វើការជ្រើសរើសពលករកម្ពុជា ដែលមានសមត្ថភាព និងឧស្សាហ៍ព្យាយាមក្នុងការបំពេញការងារជូនដល់និយោជកកូរ៉េ ឱ្យកាន់តែមានផលិតភាពខ្ពស់។  

ប្រធានអង្គភាពអភិវឌ្ឍន៍ធនធានមនុស្សនៃសាធារណរដ្ឋកូរ៉េ បានបញ្ជាក់ជូនលោករដ្ឋមន្ត្រីថា ភាគីកូរ៉េនឹងរៀបចំកម្មវិធីបណ្តុះបណ្តាលជំនាញដល់ពលករបរទេស ដែលចប់អាណត្តិការងារនៅកូរ៉េ ដោយក្នុងនោះកម្ពុជាអាចនឹងក្លាយជាប្រទេសអាទិភាពដែលទទួលបានពីគម្រោងថ្មីនេះ ដោយគម្រោងនេះមានគោលដៅផ្តល់ប្រាក់កម្ចីជួយដល់ពលករ ដើម្បីអាចបើកអាជីវកម្មមួយបានសមរម្យ និងមានប្រាក់ចំណូលបានយ៉ាងប្រសើរ។ 

លោក អ៉ិត សំហេង ពិតជារីករាយចំពោះគម្រោង ដែលភាគីកូរ៉េជួយបណ្តុះបណ្តាលជំនាញដល់ពលករបរទេសដែលចប់អណត្តិការងារនៅកូរ៉េ ទទួលបានការបណ្តុះបណ្តាលជំនាញដ៏ជាក់លាក់មួយ ដើម្បីមានលទ្ធភាពគ្រប់គ្រាន់ក្នុងការបង្កើតអាជីវកម្មផ្ទាល់ខ្លួន។ ឯកឧត្តមរដ្ឋមន្ត្រី ចង់ឱ្យពលករកម្ពុជា ស្ថិតក្នុងអាទិភាពខ្ពស់មួយ ក្នុងចំណោមប្រទេសដទៃទៀត ដែលកូរ៉េគិតថា នឹងធ្វើការជ្រើសរើស៕

The post កូរ៉េ សន្យាផ្តល់កូតា សម្រាប់ពលករខ្មែរឱ្យបានលើស១ម៉ឺននាក់ក្នុងឆ្នាំ២០២៣ appeared first on .

តាមរយៈសេចក្តីជូនដំណឹងរបស់ក្រសួងការងារ បានឱ្យដឹងថា ការបញ្ជូនពលករតាមរដូវកាលទៅបម្រើការងារនៅកូរ៉េនេះ ផ្តោតលើវិស័យកសិកម្មដូចជា ការដាំដំណាំ និងចិញ្ចឹមសត្វ។ ក្នុងនោះ ជ្រើសរើសចំនួនប្រមាណ៥០០នាក់ នៅក្នុងខែមីនា និងចំនួន១០០០នាក់ នៅក្នុងខែសីហា ។

ក្រសួងការងារ បានបញ្ជាក់ថា កម្មវិធីនេះ ជាការបំពេញបន្ថែមលើប្រព័ន្ធអនុញ្ញាតមុខរបរ(EPS) ហើយអាទិភាពត្រូវបានផ្តល់ដល់បងប្អូនដែលចេះភាសាកូរ៉េ និងធ្លាក់ការប្រឡងតេស្តសមត្ថភាពភាសាកូរ៉េ(EPS-TOPIK)កន្លងមក។ លើសពីនេះ ពលករដែលចប់ការងារ៥ខែហើយ ពេលវិលត្រឡប់មកវិញនឹងត្រូវបានផ្តល់អាទិភាពទៅប្រកបការងារនៅក្រុង ស្រុកមួយផ្សេងទៀតដែលមានតម្រូវការ។ ដូចនេះជារៀងរាងរាល់ឆ្នាំម្នាក់អាចធ្វើការបានចំនួន១០ខែ។
ក្រសួងការងារ បានបញ្ជាក់បន្ថែមថា មុនពេលចេញដំណើរពលករក៏អាចដាក់ពាក្យប្រឡងតេស្តសមត្ថភាពភាសាកូរ៉េ(EPSTOPIK) ដើម្បីត្រៀមត្រឡប់មកប្រឡងតេស្តភាសាកូរ៉េវិញ នៅពេលដែលអង្គភាពអភិវឌ្ឍន៍នៃធនធានមនុស្សនៃសាធារណរដ្ឋកូរ៉េ(HRD-Korea)កំណត់កាលបរិច្ឆេទនៃការប្រឡងពិតប្រាកដ។ គណៈកម្មកាធិការបណ្តុះបណ្តាល និងបញ្ជូនពលករទៅបរទេសតែមួយគត់ ដែលមានសិទ្ធិស្របច្បាប់ ក្នុងការជ្រើសរើស បណ្តុះបណ្តាល និងបញ្ជូនពលករកម្ពុជាទៅបម្រើការងារនៅសាធារណរដ្ឋកូរ៉េ៕

The post ក្នុងឆ្នាំ២០២៣នេះ កម្ពុជានឹងបញ្ជូនពលករបម្រើការងារក្នុងវិស័យកសិកម្ម ប្រមាណ១៥០០នាក់ទៅកូរ៉េ appeared first on .

– ថៃ ១.២ លាននាក់

-កូរ៉េខាងត្បូង ៤៥ ០០០នាក់

-ម៉ាឡេស៊ី ២៣០២៧ នាក់

-ជប៉ុន ១១ ៤៥៣ នាក់

-សិង្ហបុរី ៨២១ នាក់

-ចិនហុងកុង ២០២ នាក់

-អារ៉ាប៊ីសាអូឌីត ៤៣ នាក់

​ពលករខ្មែរទៅធ្វើការនៅក្រៅប្រទេស​ភាគច្រើន​លើ​ផ្នែក​សំណង់ កសិកម្ម នេសាទ និង​រោងចក្រ​ឧស្សាហកម្ម ខណៈ​ពលករជំនាញមានមិនច្រើនទេ។

ក្នុងមួយ​ឆ្នាំៗ​តាមរយៈពលករចំណាកស្រុក​ បាន​ផ្ញើប្រាក់ត្រលប់មកស្រុកកំណើតវិញប្រមាណ ១ ពាន់លានដុល្លារ ដែល​បាន​ចូលរួមអភិវឌ្ឍ​សេដ្ឋកិច្ច​គ្រួសារ​៕

The post ៧ ប្រទេស​​ មានពលករខ្មែរ​ទៅ​ធ្វើការ​ច្រើន​បំផុត appeared first on .

សម្តេចតេជោហ៊ុន សែន នាយករដ្ឋមន្រ្តីនៃព្រះរាជជាណាចក្រកម្ពុជា បានមានប្រ​សា​សន៍ថា ពលករខ្មែរ ដែលទើបត្រឡប់មកពីប្រទេសថៃ មានប្រមាណជាង ៥ម៉ឺននាក់ យោងតាមរបាយការណ៍របស់ក្រសួងមហាផ្ទៃ។ សម្តេចលើកទឹកចិត្តចំពោះ​ប្រជាព​លរដ្ឋ ដែលជាពលករ សូមដាក់ខ្លួនឲ្យនៅនឹងកន្លែង ដើម្បីតាមដានសុខភាព និងការ​ពារការរីករាលដាលនៃជំងឺកូវីដ១៩ ទៅក្រុមគ្រួសារ និងមិត្តភ័ក្តិ។

សម្តេចបានបន្ថែមថា អាជ្ញាធរ ត្រូវតែពិនិត្យគ្រប់គ្រងភូមិទាំងអស់ មិនថាតែអ្នក​មកពីប្រទេសថៃប៉ុណ្ណោះទេ ពោលគឺអ្នកដែលត្រឡប់មកពីក្រៅប្រទេសទាំងអស់។

សម្តេចបញ្ជាក់ថា បងប្អូនដែលត្រឡប់មកពីប្រទេសថៃ ត្រូវតែដាក់ខ្លួនឲ្យនៅដាច់​ដោយ​ឡែករយៈពេល១៤ ថ្ងៃ ប្រសិនបើមានអាការអ្វីកើតឡើងខុសប្រក្រតី ត្រូវតែទៅជួប​គ្រូពេទ្យ ដើម្បីធ្វើការតាមដាន ចៀសវាងការឆ្លងទៅក្រុមគ្រួសារ មិត្តភ័ក្តិ និងសហគមន៍។

ជាមួយគ្នានេះ សម្ដេចតេជោ ហ៊ុន សែន បានប្រកាសបិទកាស៊ីណូទាំងអស់​នៅទូទាំង​ប្រទេសកម្ពុជា ចាប់ពីថ្ងៃទី០១ ខែមេសា ឆ្នាំ២០២០ជាបណ្ដោះអាសន្ន រហូតមាន​បទបញ្ជាថ្មី ដើម្បីទប់ស្កាត់ការរីករាលដាល នៃការឆ្លងជំងឺ COVID-19 នៅក្នុងប្រទេ​សកម្ពុជា៕

The post សម្តេច ហ៊ុន សែន ៖ ​ពលករខ្មែរ ទើប​ត្រ​ឡប់​​ពី​ថៃ​ជាង​ ​៥ម៉ឺននាក ត្រូវដា​ក់​​ខ្លួន​ឲ្យ​នៅ​ដា​ច់​​ដោយ​​ឡែក​សិន appeared first on .