មកដឹងពីកម្មវិធីព្រឹត្តិការណ៍ «នគរសង្ក្រាន្ត ព.ស ២៥៦៩-២៥៧០ គ.ស ២០២៦» សម្រាប់ថ្ងៃទី១៨ ខែមេសានេះ

ឧកញ៉ាដែនដី — Sat, 18 Apr 2026 01:34:34 +0000

នៅថ្ងៃទី១៨ ខែមេសា ឆ្នាំ២០២៦នេះ កម្មវិធីប្រចាំថ្ងៃ និងកម្មវិធីទស្សនីយភាពព្រឹត្តិការណ៍នគរសង្ក្រាន្ត ព.ស ២៥៦៩-២៥៧០ គ.ស ២០២៦ មានដូចខាងក្រោម៖

១.ម៉ោង ៤:០០រសៀល ដល់ ៥:៣០នាទីល្ងាច៖ ជួបជុំល្បែងប្រជាប្រិយជុំវិញវត្តភ្នំ នៅបរិវេណរមណីយដ្ឋានប្រវត្តិសាស្ត្រវត្តភ្នំ។

២.ម៉ោង ៦:០០ល្ងាច ដល់ ៧:៣០នាទីយប់៖ ក្បួនដង្ហែ “នគសង្ក្រាន្ត” នៅផ្លូវថ្មើរជើងចតុមុខ (Walk Street)។

៣.ម៉ោង ៦:៣០ល្ងាច ដល់ ៩:៣០នាទីយប់៖ ការសម្តែងសិល្បៈសហសម័យ នៅភូមិវប្បធម៌ (ទីតាំងឆាកធំ)។

សូមអញ្ជើញបងប្អូនប្រជាពលរដ្ឋចូលរួមកម្សាន្តសប្បាយនូវទស្សនីយភាពព្រឹត្តិការណ៍នគរសង្ក្រាន្តឱ្យបានច្រើនកុះករ និងពោរពេញដោយស្នាមញញឹម។

សូមជម្រាបថា ព្រឹត្តិការណ៍ «នគរសង្ក្រាន្ត» បានរៀបចំធ្វើ ចាប់ពីថ្ងៃទី១៤ ដល់ថ្ងៃទី១៩ ខែមេសា ឆ្នាំ២០២៦ នៅរាជធានីភ្នំពេញ ដើម្បីផ្សព្វផ្សាយពីទំនៀមទម្លាប់ វប្បធម៌ ប្រពៃណីជាតិ ឱ្យបានទូលំទូលាយ និងបន្តផ្សារភ្ជាប់ជាមួយបងប្អូនជនភៀសសឹក និងវីរកងទ័ពជួរមុខ៕

The post មកដឹងពីកម្មវិធីព្រឹត្តិការណ៍ «នគរសង្ក្រាន្ត ព.ស ២៥៦៩-២៥៧០ គ.ស ២០២៦» សម្រាប់ថ្ងៃទី១៨ ខែមេសានេះ appeared first on .

ឯកឧត្តម ហ៊ុន ម៉ានី និងឯកឧត្តម ឃួង ស្រេង អញ្ជើញជាអធិបតីពិធីប្រុងពលីបើកការដ្ឋានព្រឹត្តិការណ៍នគរសង្ក្រាន្ត ឆ្នាំ២០២៦

Kun Tey — Thu, 19 Mar 2026 08:00:00 +0000

(ភ្នំពេញ)៖ ឯកឧត្តម ហ៊ុន ម៉ានី ឧបនាយករដ្ឋមន្ដ្រី រដ្ឋមន្ដ្រីក្រសួងមុខងារសាធារណៈ និងជាប្រធានសហភាពសហព័ន្ធយុវជនកម្ពុជា និងឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ អញ្ជើញជាអធិបតី ពិធីប្រុងពលីបើកការដ្ឋានព្រឹត្តិការណ៍នគរសង្ក្រាន្ត ឆ្នាំ២០២៦ ដើម្បីអបអរសាទរបុណ្យចូលឆ្នាំប្រពៃណីជាតិខ្មែខាងមុខនេះ នាព្រឹកថ្ងៃទី១៩ ខែមីនា ឆ្នាំ២០២៦ នៅរមណីយដ្ឋានប្រវត្តិសាស្រ្តវត្តភ្នំ។

ពិធីប្រុងពលី ជាពិធីបែបសាសនាមួយ ដែលគេតែងធ្វើឡើងមុនការរៀបចំសាងសង់អ្វីមួយ ក្នុងបំណងដើម្បីសុំជោគជ័យតាមការចង់បាន។ ពិធីនេះតែងតែរៀបចំជាប្រចាំ នៅមុនពេលដំណើរការព្រឹត្តិការណ៍អង្គរសង្ក្រាន្ត ដោយធ្វើឡើងតាមគន្លងប្រពៃណីទំនៀមទម្លាប់ ជំនឿ សាសនា របស់បុព្វបុរសខ្មែរ។

គួរបញ្ជាក់ថា ព្រឹត្តិការណ៍អង្គរសង្ក្រាន្ត ត្រូវបានរៀបចំឡើងតាំងពីឆ្នាំ២០១៣មកម្លេះ អំឡុងពិធីបុណ្យចូលឆ្នាំថ្មីប្រពៃណីជាតិខ្មែរ ដែលជាឱកាសដ៏ល្អសម្រាប់យុវជន និងប្រជាពលរដ្ឋកម្ពុជាទាំងមូល ត្រឡប់ទៅស្រុកកំណើតដើម្បីជួបជុំក្រុមគ្រួសារ៕

The post ឯកឧត្តម ហ៊ុន ម៉ានី និងឯកឧត្តម ឃួង ស្រេង អញ្ជើញជាអធិបតីពិធីប្រុងពលីបើកការដ្ឋានព្រឹត្តិការណ៍នគរសង្ក្រាន្ត ឆ្នាំ២០២៦ appeared first on .