ក្រុមហ៊ុន BYD ត្រូវបានបង្កើតឡើងជាលើកដំបូងដោយអ្នកគីមីវិទ្យាម្នាក់ ឈ្មោះថា Wang Chuanfu នៅក្នុងឆ្នាំ ១៩៩៥ នៅទីក្រុង Shenzhen ភាគខាងត្បូងប្រទេសចិន ដែលត្រូវបានចាត់ទុកថាជាមជ្ឈមណ្ឌលបច្ចេកវិទ្យាដ៏ធំបំផុតរបស់ប្រទេស។ ហើយក្រុមហ៊ុននេះ ត្រូវបានបង្កើតឡើងដោយមានបុគ្គលិកត្រឹមតែ ២០ នាក់ប៉ុណ្ណោះ និងដើមទុនដំបូងចំនួន ២,៥លានយ៉ន់ ឬស្នើនឹងប្រមាណជាង ៣៥០ ០០០ដុល្លារ បើគិតក្នុងអត្រាប្តូរប្រាក់នាពេលបច្ចុប្បន្ន។

មុនទៅដឹងពីរឿងរ៉ាវនៅពីក្រោយភាពជោគជ័យរបស់ BYD យើងក្រឡេកមកមើលពីជីវប្រវត្តិរបស់ស្ថាបនិកក្រុមហ៊ុនបន្តិចសិន គឺលោក Wang Chuanfu ដែលបានកើតនៅថ្ងៃទី៨ ខែមេសា ឆ្នាំ១៩៦៦ នៅទីក្រុង Wuwei ខេត្ត Anhui ប្រទេសចិន។ លោក Wang កើតចេញពីគ្រួសារកសិករក្រីក្រមួយ ដោយម្តាយ ឪពុករបស់លោក បានទទួលមរណភាពទាំងដែលគាត់នៅវ័យក្មេងមកម្លេះ។

ទោះបីជាមានបញ្ហាហិរញ្ញវត្ថុក្តីប៉ុន្តែលោក Wang នៅតែតស៊ូសិក្សារហូតបញ្ចប់ថ្នាក់បរិញ្ញាបត្រផ្នែកគីមីវិទ្យានៅសាលា BNFR (Beijing Non-Ferrous Research) និងផ្តោតទៅលើការស្រាវជ្រាវពីបច្ចេកវិទ្យាអាគុយ។ ហើយដោយមានចំណេះដឹងខ្ពស់ចំពោះផ្នែកនេះ ក្នុងវ័យត្រឹម ២០ឆ្នាំ លោក Wang បានចូលបម្រើការដំបូងក្នុងក្រុមហ៊ុន Big Battery Co. Ltd. ក្នុងទីក្រុង Shenzhen ប្រទេសចិន និងបានឡើងដំណែងជាអ្នកគ្រប់គ្រងទូទៅ។ មិនយូរប៉ុន្មាន លោក Wang ក៏បានសម្រេចចិត្តបើកក្រុមហ៊ុនផ្ទាល់ខ្លួនតែម្តង។

ចូលមកដល់ចំណុចហើយ ដែលក្រុមហ៊ុន BYD បានលេចរូបរាងឡើង ដោយនៅឆ្នាំ១៩៩៦ ក្រុមហ៊ុននេះ បានចាប់ផ្តើមផលិតថ្មលីចូម-អ៊ីយ៉ុង ដំបូង ដែលជាប្រភេទថ្មបំពាក់នៅក្នុងទូរស័ព្ទដៃទំនើបៗនាពេលបច្ចុប្បន្ន។ ពេលនោះក្រុមហ៊ុន BYD ចាប់ផ្តើមទទួលបានភាពជោគជ័យខ្លាំងស្របពេលកំណើនទូរស័ព្ទដៃទំនើបក៏កើនឡើង ដោយពួកគេបានទទួលសិទ្ធផ្គត់ផ្គង់ថ្មរបស់ខ្លួន ទៅឲ្យក្រុមហ៊ុនធំៗដូចជា Motorola និង Nokia ។

លុះដល់ឆ្នាំ២០០២ ក្រុមហ៊ុន BYD បានចុះបញ្ជីដំបូងនៅក្នុងផ្សារហ៊ុនហុងកុង ជាមួយនឹងភាពជោគជ័យដ៏ធំសម្បើមរបស់ខ្លួន នៅក្នុងការផលិតថ្មលីចូម-អ៊ីយ៉ុង។ ខណ:ពេលដែលកំណើនចេះតែបន្ត រហូតធ្វើឲ្យ BYD សម្រេចចិត្តទិញយកក្រុមហ៊ុនផលិតរថយន្តខ្នាតតូចមួយ ដែលមានឈ្មោះថា Xi’an Qinchuan Automobile ។

នៅពីរឆ្នាំក្រោយមក ក្រុមហ៊ុន BYD បានដាក់ចេញលក់រថយន្តដំបូងរបស់ខ្លួន មានឈ្មោះថា F3 ដែលដើរដោយថាមពលឥន្ធន:នៅឡើយ។ ហើយក្រោយមកទៀត លុះដល់ឆ្នាំ២០០៨ ក្រុមហ៊ុន ក៏បានបើកបញ្ចេញម៉ូដែលថ្មីមួយទៀតមានឈ្មោះថា F3DM ដែលជារថយន្តដើរដោយថាមពលអគ្គិសនីលើកដំបូងរបស់ខ្លួន។

ដោយបានមើលឃើញពីភាពរីកចម្រើនបែបនេះ នៅឆ្នាំដដែលនោះ ក្រុមហ៊ុនវិនិយោគលំដាប់កំពូលរបស់សហរដ្ឋអាមេរិក Berkshire Hathaway របស់មហាសេដ្ឋី Warren Buffett បានសម្រេចចិត្តមកបោះទុនចូលរួមក្នុងការវិនិយោគចំនួន ២៣០លានដុល្លារនៅក្នុងក្រុមហ៊ុន BYD ដែលនេះបានផ្តល់ការជំរុញបន្ថែមទៀតដល់ចំពោះមហិច្ឆតាក្នុងការផលិតរថយន្តអគ្គិសនីទាំងស្រុងរបស់ BYD ។

ក្រោយមកទៀត BYD នៅតែបន្តអភិវឌ្ឍបន្ថែមទៅលើការផលិតរថយន្ត EV របស់ខ្លួន ហើយប្រវត្តិសាស្រ្តក៏បានចាប់ផ្តើមឡើង នៅពេលដែលក្រុមហ៊ុនបានដាក់ឲ្យដំណើរការអាគុយ Blade ប្រភេទថ្មី ដែលមានទំហំតូច និងមានថាមពលខ្លាំង នៅក្នុងឆ្នាំ២០២០។

ការដាក់ចេញអាគុយប្រភេទថ្មីនេះហើយ បានធ្វើឲ្យ BYD ក្លាយជាក្រុមហ៊ុនគូប្រជែងដ៏ធំមួយ សម្រាប់បណ្តាក្រុមហ៊ុនផលិតរថយន្តអគ្គិសនីរបស់ពិភពលោកផ្សេងទៀត ជាពិសេសក្រុមហ៊ុន Tesla ដោយនៅក្នុងឆ្នាំ២០២០ ដដែលនោះ BYD បានលក់រថយន្តអគ្គិសនីរបស់ខ្លួនសរុបដល់ទៅ ១៣០ ៩៧០ គ្រឿងឯណោះ។
មិនទាន់បញ្ចប់ត្រឹមនេះនោះឡើយ ភាពជោគជ័យដ៏ធំរបស់ BYD បានកើតឡើងនៅក្នុងខែមិថុនា ឆ្នាំ ២០២២ នៅពេលដែលការលក់របស់ខ្លួន បានវ៉ាដាច់ក្រុមហ៊ុន Tesla ដោយត្រឹមតែរយ:ពេលប្រាំមួយខែដំបូងឆ្នាំនោះ ពួកគេបានលក់រថយន្តអគ្គិសនីបានជាង ៦៤១ ០០០ គ្រឿង ដែលនេះបានធ្វើឲ្យ BYD Auto ក្លាយជាក្រុមហ៊ុនផលិតរថយន្តអគ្គិសនីដ៏ធំបំផុតរបស់ពិភពលោក។

ជម្រាបជូនផងដែរថា គិតមកដល់នឹងពេលនេះ តម្លៃមូលធនទីផ្សាររបស់ក្រុមហ៊ុន BYD ត្រូវបានគេព្យាករថាមានចំនួនរហូតដល់ទៅ ១១៤ពាន់លានដុល្លារឯណោះ៕

The post មកដឹងរឿងរ៉ាវមួយចំនួន នៅពីក្រោយភាពជោគជ័យរបស់ក្រុមហ៊ុនរថយន្តអគ្គិសនី BYD appeared first on .

លោកឧកញ៉ា សួរ វីរៈ អគ្គនាយកក្រុមហ៊ុន វីរៈប៊ុនថាំ អិចប្រេស បានលើកឡើងថា៖ “បើអ្នកនៅតែគេងសុបិន នឹងភាពជោគជ័យក្នុងជីវិត មិនព្រមភ្ញាក់ឡើង ដើម្បីធ្វើវានោះ អ្នកនឹងក្លាយជាបុគ្គលបរាជ័យដល់ថ្ងៃស្លាប់”។

សូមចុច Subscribe Telegram oknha_news នឹងទទួលបានព័ត៌មានពី​សកម្មភាព​ឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

លោកបន្តថា ហើយបើអ្នកចាំតែមើលភាពជោគជ័យរបស់អ្នកដ៏ទៃ ហើយធ្វើតាមក្រោយគេនោះ អ្នកក៏នឹងមិនអាចមានឱកាសជោគជ័យឡើយ។

អ្នកជំនួញជោគជ័យលេចធ្លោក្នុងវិស័យដឹកជិញ្ជួន និងទេសចរណ៍ បានបញ្ជាក់ថា៖ “បុគ្គលជោគជ័យពិតប្រាកដគឺ ហ៊ានគិត ហ៊ានសុបិន្ត ហានធ្វើ ហ៊ានប្រឈមនឹងបញ្ហា ហ៊ានទទួលខុសត្រូវ ហ៊ានធ្វើជាខ្លួនឯង”។

លោកឧកញ៉ា សួរ វីរៈ បានឲ្យដំបូន្មានថា៖ “ឧបសគ្គវាគ្រាន់តែជាបញ្ហា តែកុំយកបញ្ហាមកធ្វើជាឧបសគ្គ បើអ្នកអាចដោះស្រាយបញ្ហាកាន់តែច្រើន វិសាលភាពនៃជោគជ័យកាន់តែធំធេងទៅតាមនោះដែរ”។

គួររម្លឹកជូនថា លោកឧកញ៉ា សួរ វីរៈ អគ្គនាយកក្រុមហ៊ុន វីរៈ ប៊ុនថាំ អេចប្រេស គឺជា​ក្រុមហ៊ុន​ផ្តល់​សេវាកម្ម​រថយន្ត​ដឹក​អ្នកដំណើរ​ និងសេវាកម្មបញ្ញេីអីវ៉ាន់ដ៏ល្បី​ឈ្មោះនៅប្រទេសកម្ពុជា និងជាម្ចាស់ Sara Resort, Bus Café, ហាងកាហ្វេ Arabitia, Buva Sea Cambodia និង Micro Art ៕

The post ឧកញ៉ា សួរ វីរៈ បង្ហើបគន្លឹះជាមាគ៌ាឆ្ពោះទៅរកភាពជោគជ័យក្នុងជីវិត appeared first on .