ថ្លែងនាឱកាសនោះ សម្តេចធិបតី ហ៊ុន ម៉ាណែត បានបញ្ជាក់ថា«មនុស្ស» នៅជាអាទិភាពទី១ក្នុងយុទ្ធសាស្ត្របញ្ចកោណរបស់រាជរដ្ឋាភិបាលកម្ពុជា ខណៈសម្តេចធិបតី បញ្ជាក់ថា ការវិនិយោគទៅលើការអប់រំ និងសុខាភិបាលនូវតែជាវិស័យអាទិភាពដែលរាជរដ្ឋាភិបាលត្រូវយកចិត្តទុកដាក់ ពីព្រោះប្រទេសជាតិមានការអភិវឌ្ឍរីកចម្រើនគឺអាស្រ័យលើធនធានមនុស្ស ហើយធនធានមនុស្សមានគុណភាព មានផលិតភាព គឺជាធនធានមនុស្សដែលមានសុខភាពល្អ។

ជាមួយគ្នានេះ សម្តេចធិបតី ហ៊ុន ម៉ាណែត ក៏បានលើកទឹកចិត្តឱ្យប្រជាពលរដ្ឋប្រើប្រាស់មន្ទីពេទ្យជាតិ តេជោសន្តិភាព ពិសេសមន្ទីពេទ្យរដ្ឋទាំងអស់ឱ្យអស់លទ្ធភាព ដើម្បីលើកម្ពស់វិស័យសុខាភិបាលកម្ពុជា។

ដោយសម្តេចធិបតី ក៏បានជំរុញថា៖« សូមឱ្យគ្រូពេទ្យគ្រប់រូបទាំងអស់ យកចិត្តទុកដាក់ខ្ពស់លើអ្នកជំងឺ ដោយខិតខំបម្រើសេវាសុខភាពសារធារណៈប្រជាពលរដ្ឋឱ្យអស់លទ្ធភាព និងកាន់តែមានគុណភាពទ្វេដង»។

យ៉ាងណាមិញ ថ្លែងក្នុងឱកាសនោះដែរ សម្ដេចធិបតីនាយករដ្ឋមន្ត្រី ក៏បានជូនពរពលរដ្ឋកម្ពុជាទាំងអស់ សូមមានសុខភាពល្អគ្រប់ៗគ្នា តែបើមាន អាការមិនស្រួល ឬ មានជំងឺណាមួយ សូមរួសរាន់មកកាន់មន្ទីរពេទ្យដែលមានគ្រូពេទ្យជំនាញរង់ចាំពិនិត្យ និងព្យាបាលជំងឺផងដែរ៕ អត្ថបទ៖ រង្សី

The post សម្តេចធិបតី ហ៊ុន ម៉ាណែត ជំរុញឱ្យគ្រូពេទ្យគ្រប់រូប បម្រើសេវាសុខភាពសារធារណៈជូនពលរដ្ឋឱ្យអស់លទ្ធភាព appeared first on .

សម្តេចតេជោ បានមានប្រសាសន៍ថា “មន្ទីពេទ្យដែលធំដាក់អ្នកជំងឺជិត១ម៉ឺននាក់ មិនមែនជារឿងធម្មតាទេ ដែលត្រូវមានតម្រូវការជាច្រើន ដូចនេះ សូមក្រសួងមុខងារសាធារណៈអនុញ្ញាតឱ្យក្រសួងសុខាភិបាលរើសក្របខណ្ឌគ្រូពេទ្យ២០០នាក់ និងបុគ្គលិកជាប់កិច្ចសន្យាចំនួន៣០០នាក់ សម្រាប់មន្ទីពេទ្យនេះ ដូចនេះ ត្រូវរៀបចំប្រឡងជ្រើសរើសឱ្យបានត្រឹមត្រូវ”។
ជាមួយគ្នានោះ សម្តេចបានលើកឡើងថា កាលពីឆ្នាំទៅបានសម្រេចអនុញ្ញាតឱ្យរើសក្របខណ្ឌមន្រ្តីពេទ្យចំនួន៣០០០នាក់។ហើយទន្ទឹមនឹងនេះ សម្តេចក៏បានអនុញ្ញាត ឱ្យមន្រ្តីក្រសួងសុខាភិបាលជ្រើសរើសអនុប្រធានមន្ទីពេទ្យចំនួន០៥នាក់មកកាន់ទីនេះផងដែរ។

ក្នុងនោះ សម្តេចក៏បានគូសបញ្ជាក់ថា ចំពោះមន្ទីពេទ្យជាតិ តេជោសន្តិភាពនេះអាចប្រើប្រាស់ បានរយៈពេល៧០ឆ្នាំ ក៏ប៉ុន្តែវាអាស្រ័យលើការថែទាំផងដែរ។

សូមជម្រាបថា អគារ«មន្ទីរពេទ្យជាតិ តេជោសន្ដិភាព»មានចំនួន១១អគារដែលមានអគារព្យាបាល និងសង្គ្រោះបន្ទាន់(E)មានទំហំ ៧,៤៨០ ម៉ែត្រការ៉េ,អគារព្យាបាលកម្រិតធ្ងន់(H1និង H2)មាន គ្រែសរុបចំនួន៥២៧គ្រែ, អគារព្យាបាលកម្រិតស្រាល(H3,H4,H5,H6និងH7)មានគ្រែសរុប៨,៩៦៩ គ្រែ,គ្រែបុគ្គលិកពេទ្យប្រចាំការមានចំនួន៤៦គ្រែនិងគ្រែបុគ្គលិកស្នាក់នៅចំនួន២០៦ គ្រែ,អគារបច្ចេកទេស(T1),អគារបច្ចេកទេស (T2),អគារផ្គត់ផ្គង់និងព័ត៌មាន(A)មានទំហំ២,៨៣៥ ម៉ែត្រការ៉េ,អគារស្នាក់នៅសម្រាប់បុគ្គលិក (S)មានគ្រែសរុបចំនួន ២៣៤ គ្រែ។ ចំណតរថយន្តមានផ្ទៃក្រឡា ៧,០២៦ ម៉ែត្រការ៉េ ដែលអាចចត រថយន្តបានចំនួន ២១០ គ្រឿង មានសួនច្បារព័ណ៌បៃតងទំហំ ៤,៤៩០ ម៉ែត្រការ៉េ ។បើគិតមកដល់ពេលនេះ មន្ទីរពេទ្យជាតិតេជោសន្ដិភាព សម្រេចបានជាង៨០%ហើយ៕

The post រាជរដ្ឋាភិបាល សម្រេចឲ្យជ្រើសរើសពេទ្យចំនួន២០០នាក់បន្ថែម ចូលបម្រើការងារក្នុងមន្ទីពេទ្យជាតិ តេជោសន្តិភាព appeared first on .