ក្នុងពេលចុះពិនិត្យវឌ្ឍនភាពនៃការសាងសង់ មន្ទីរពេទ្យជាតិ តេជោសន្ដិភាព នាព្រឹកថ្ងៃទី៨ ខែមិថុនា ជាមួយលោក ម៉ម ប៊ុនហេង រដ្ឋមន្រ្តីក្រសួងសុខាភិបាល លោក ឃួង ស្រេង អភិបាលរាជធានីភ្នំពេញ បានឱ្យដឹងថា មកដល់ពេលនេះ មន្ទីរពេទ្យជាតិតេជោសន្ដិភាព បានចេញជារូបរាងយ៉ាងល្អប្រណិតហើយ ដែលនេះជាសមិទ្ធផលដ៏ធំមួយទៀតរបស់សម្ដេចតេជោ ហ៊ុន សែន ដែលមានរហូតដល់១ម៉ឺនគ្រែ។

ជាមួយគ្នានោះលោកក៏ជម្រុញឱ្យក្រុមហ៊ុន ស៊ីជេអ៊ីស៊ី CJEC.co,Ltd ដែលទទួលម៉ៅការសាងសង់ ឱ្យរៀបចំការងារដែលនៅសេសសល់ឱ្យបានស្អាត និងទាន់ពេលវេលា នឹងត្រូវស្ថាបនាឱ្យបានរួចរាល់ក្នុងខែមិថុនានេះ ដើម្បីសម្ពោធដាក់ឱ្យប្រើប្រាស់ជាផ្លូវការ ក្រោមអធិបតីភាពរបស់សម្ដេចតេជោ ហ៊ុន សែន នាយករដ្ឋមន្រ្តី។

បើតាមលោក ឃួង ស្រេង មន្ទីរពេទ្យជាតិតេជោសន្ដិភាពនេះ នឹងក្លាយជាមន្ទីរពេទ្យជាតិធំជាងគេនៅប្រទេសកម្ពុជា ដែលនឹងផ្ដល់នូវសេវាគ្រប់ផ្នែកទាំងអស់ជូនប្រជាពលរដ្ឋទូទាំងប្រទេស ជាពិសេសអ្នកជំងឺទាំង១៤ខណ្ឌ នៅរាជធានីភ្នំពេញ។ក្នុងករណីដែលមានជំងឺឆ្លងលក្ខណៈទ្រង់ទ្រាយធំ មន្ទីរពេទ្យជាតិដ៏ធំមួយនេះ អាចមានលទ្ធភាព ក្នុងការទទួលអ្នកជំងឺដោយមិនមានការព្រួយបារម្ដនោះទេ ព្រោះមន្ទីរពេទ្យនេះបំពាក់សម្ភារៈបរិក្ខារវេជ្ជសាស្ត្រទំនើបៗស្របតាមលក្ខណៈស្តង់ដារ។

គួរជម្រាបផងដែរថា មន្ទីរពេទ្យជាតិនេះ ស្ថាបនាដោយក្រុមហ៊ុន CJEC.co,Ltd សហការជាមួយសាលារាជធានីភ្នំពេញ ដែលមានអគារសម្រាកព្យាបាល និងសង្រ្គោះបន្ទាន់ អគារព្យាបាលកម្រិតធ្ងន់ អគារសម្រាកព្យាបាលកម្រិតស្រាល សរុបប្រមាណ១ម៉ឺនគ្រែ។ លើសពីនេះ មន្ទីរពេទ្យនេះ ក៏មានចំណតរថយន្ត សួនច្បារ សួនបៃតង អគារផ្គត់ផ្គង់ និងពត៌មាន និងអគារស្នាក់នៅសម្រាប់បុគ្គលិកផងដែរ៕

The post លោក ឃួង ស្រេង ជំរុញឲ្យសាងសង់មន្ទីរពេទ្យជាតិតេជោសន្តិភាព រួចរាល់ក្នុងខែមិថុនានេះ appeared first on .

តាមរយៈហ្វេកបុកផេក នៅថ្ងៃនេះ សម្តេចតេជោ ហ៊ុន សែន បានបញ្ជាក់ថា ក្រោយរងរបួស កីឡាករ កីឡាការិនី បានជួបការលំបាកក្នុងការព្យាបាលនៅតាមមន្ទីរពេទ្យរដ្ឋនិងឯកជន ដោយរាប់ទាំងការលំបាក​លើ​ថវិកា លើការ​ព្យាបាល​ផង ដែលជា​ញឹកញាប់​ភរិយា​របស់​សម្តេច គឺសម្តេច​កិត្តិព្រឹទ្ធ​បណ្ឌិត ប៊ុន រ៉ានី ហ៊ុនសែន បាន​ផ្តល់​នូវ​ការ​ឧបត្ថម្ភ​សម្រាប់​ការព្យាបាល​ចំពោះកីឡាករប្រដាល់​មួយចំនួន​ផងដែរ។

សម្តេចតេជោ បានបន្តថា ដោយមើលឃើញនូវការលំបាកបែបនេះ សម្តេចបាន​ពិភាក្សា​ជាមួយ​លោក ម៉ម ប៊ុនហេង រដ្ឋមន្រ្តី​ក្រសួង​សុខាភិបាល និងលោកស្រី យក់ សម្បត្តិ រដ្ឋលេខាធិការ​ក្រសួង​សុខាភិបាល ដើម្បី​រៀបចំ​ទីកន្លែង​សម្រាប់​ព្យាបាល​កីឡាករ កីឡាការិនី​នៅ​មន្ទីរពេទ្យ​ជាតិ​តេជោសន្តិភាព ដែល​មាន​ចំនួន​គ្រែពី ១០០​ ទៅ​២០០គ្រែ។ ចំណែកឯការព្យាបាល​មិនតម្រូវ​ឲ្យមាន​ការបង់ប្រាក់​ និងត្រូវ​មានឯកទេស​គ្រប់គ្រាន់​ស្រប​តាម​ស្ថានភាព​របួស។

ជាមួយគ្នានេះ សម្តេចតេជោ ហ៊ុន សែន ក៏ណែនាំ​ឲ្យក្រសួងសុខាភិបាល​រៀបចំ​ឲ្យបានឆាប់ ដែលនឹងអាចចូលរួម​ផងដែរ​ដល់ការ​ប្រកួត​សុីហ្គេមឆ្នាំ២០២៣ ដែលកម្ពុជាធ្វើជាម្ចាស់ផ្ទះ នាខែឧសភា ខាងមុខនេះ៕

The post សម្តេច ហ៊ុន សែន ផ្តល់ការព្យាបាលឥតគិតថ្លៃ ជូនកីឡាកររងរបួសដោយការប្រកួត នៅមន្ទីរពេទ្យជាតិតេជោសន្តិភាព appeared first on .

ថ្លែងក្នុងឱកាសពិនិត្យមើលវឌ្ឍនភាពនៃការសាងសង់ និងសំណេះសំណាលជាមួយកម្មករសំណង់នៅក្នុងការដ្ឋានមន្ទីរពេទ្យនេះប្រមាណ ១,២០០ នាក់ សម្តេចតេជោ ហ៊ុន សែន បានឱ្យដឹងថា មន្ទីរពេទ្យជាតិដ៏ធំមួយនេះ គ្រោងនឹងបញ្ចប់ការសាងសង់ រួចជាស្ថាពរនិងដាក់ឱ្យដំណើរការជាផ្លូវការនៅខែមិថុនាឆ្នាំ២០២៣ ខណៈបច្ចុប្បន្នសម្រេចបានជាង៨០ភាគរយហើយ។ សម្តេចបន្តថា«មន្ទីរពេទ្យជាតិ តេជោសន្ដិភាព» នឹងក្លាយជាមន្ទីរពេទ្យជាតិធំជាងគេនៅប្រទេសកម្ពុជាដែលនឹងផ្ដល់នូវសេវាគ្រប់ផ្នែកទាំងអស់ ជូនប្រជាពលរដ្ឋទូទាំងប្រទេស  និងមានសមត្ថភាពទទួលព្យាបាលអ្នកជំងឺរហូតជិត១ម៉ឺនគ្រែឯណោះ។

ជាងនេះទៀត សម្តេចបញ្ជាក់ដែរថា ក្នុងករណីមានជំងឺឆ្លងលក្ខណៈទ្រង់ទ្រាយធំមន្ទីរពេទ្យជាតិដ៏ធំមួយនេះអាចមានលទ្ធភាពទទួលអ្នកជំងឺដោយមិនមានការព្រួយបារម្ដនោះទេដោយមន្ទីរពេទ្យនេះបំពាក់សម្ភារៈបរិក្ខារវេជ្ជសាស្ត្រទំនើបៗស្របតាមលក្ខណៈស្តង់ដារ។

គួរបញ្ជាក់ដែរថា អគារ«មន្ទីរពេទ្យជាតិតេជោសន្ដិភាព»មានចំនួន១១អគារដែលមានអគារព្យាបាល និងសង្គ្រោះបន្ទាន់(E)មានទំហំ ៧,៤៨០ ម៉ែត្រការ៉េ,អគារព្យាបាលកម្រិតធ្ងន់(H1និង H2)មានគ្រែសរុបចំនួន៥២៧គ្រែ, អគារព្យាបាលកម្រិតស្រាល(H3,H4,H5,H6និងH7)មានគ្រែសរុប៨,៩៦៩ គ្រែ,គ្រែបុគ្គលិកពេទ្យប្រចាំការមានចំនួន៤៦គ្រែនិងគ្រែបុគ្គលិកស្នាក់នៅចំនួន២០៦ គ្រែ,អគារបច្ចេកទេស(T1),អគារបច្ចេកទេស (T2),អគារផ្គត់ផ្គង់និងព័ត៌មាន(A)មានទំហំ២,៨៣៥ ម៉ែត្រការ៉េ,អគារស្នាក់នៅសម្រាប់បុគ្គលិក (S)មានគ្រែសរុបចំនួន ២៣៤ គ្រែ។ ចំណតរថយន្តមានផ្ទៃក្រឡា ៧,០២៦ ម៉ែត្រការ៉េ ដែលអាចចត រថយន្តបានចំនួន ២១០ គ្រឿង មានសួនច្បារព័ណ៌បៃតងទំហំ ៤,៤៩០ ម៉ែត្រការ៉េ ។

មន្ទីរពេទ្យជាតិតេជោសន្ដិភាពនេះ ត្រូវបានស្ថាបនាដោយក្រុមហ៊ុន ស៊ីជេអ៊ីស៊ី CJEC.co,Ltd សហការជាមួយសាលារាជធានីភ្នំពេញ។ មន្ទីរពេទ្យជាតិតេជោសន្ដិភាពនេះ គឺត្រូវបានរដ្ឋបាលរាជធានីភ្នំពេញបើកការដ្ឋានសាងសង់កាលពីថ្ងៃទី១៤ ខែកុម្ភៈ ឆ្នាំ២០២២៕

អត្ថបទ៖ ពិសី

The post មន្ទីរពេទ្យជាតិតេជោសន្ដិភាព សាងសង់សម្រេចបានជាង៨០% គ្រោងនឹងបញ្ចប់នាខែមិថុនា ឆ្នាំនេះ appeared first on .