យោងតាមការចុះផ្សាយពីសារព័ត៌មាន VN Express បានបង្ហាញឲ្យដឹងទៀតថា ក្រុមហ៊ុនភេសជ្ជៈ Chuong Duong ថ្មីៗនេះ បានបង្ហាញឯកសារមួយសម្រាប់កិច្ចប្រជុំវិសាមញ្ញរបស់ខ្លួន ដោយបញ្ជាក់ថាពួកគេទទួលបានសំណើដេញថ្លៃដើម្បីទិញយកគម្រោងរោងចក្រភេសជ្ជៈ Nhon Trach 3 ពីក្រុមហ៊ុន F&N Ventures Pte របស់ប្រទេសថៃ។

ក្រុមហ៊ុន F&N Ventures Pte នេះ គឺជាបុត្រសម្ព័ន្ធមួយរបស់ក្រុមហ៊ុនមេ F&N ដែលជាផ្នែកនៃអាណាចក្រជំនួញភេសជ្ជៈថៃរបស់មហាសេដ្ឋីថៃ Charoen Sirivadhanabhakdi ដែលត្រូវបានបង្កើតឡើង និងចុះបញ្ជីនៅលើផ្សារហ៊ុនសិង្ហបុរី។

ជម្រាបជូនផងដែរថា មុនពេលបង្ហាញចំណាប់អារម្មណ៍ក្នុងការទិញយករោងចក្រភេសជ្ជៈ Chuong Duong ពួកគេបានវិនិយោគទឹកដីចំនួន ៦ពាន់ពាន់លានដុងរួចហើយដើម្បីទិញភាគហ៊ុនរបស់ក្រុមហ៊ុនទឹកដោះគោវៀតណាម Vinamilk ជាង ៩៦ លានហ៊ុននៅចុងឆ្នាំ២០២៥ ដើម្បីពង្រឹងជំហររបស់ពួកគេជាម្ចាស់ភាគហ៊ុនបរទេសធំជាងគេនៅក្នុងក្រុមហ៊ុននេះ៕​

The post មហាសេដ្ឋីលំដាប់ទីបីរបស់ថៃ គ្រោងចាយលុយជាង ៣,៧លានដុល្លារ ទិញយកអាជីវកម្មបន្ថែមនៅវៀតណាម appeared first on .

នៅក្នុងឯកសារមួយដែលបានដាក់ជូនទៅកាន់ផ្សារហ៊ុនថៃ កាលពីសប្តាហ៍មុន ក្រុមហ៊ុន Berli Jucker បាននិយាយថា ការទិញយក MM Mega Market Vietnam នៅក្នុងតម្លៃ ២២,៥ពាន់លានបាត (៧២០លានដុល្លារ) ពីក្រុមហ៊ុន TCC ដែលជាកម្មសិទ្ធិរបស់លោក Charoen ត្រូវបានអនុម័តដោយម្ចាស់ភាគហ៊ុន Berli Jucker។

គួរឲ្យដឹងថា MM Mega Market គឺជាអ្នកចែកចាយលក់ដុំនៃទំនិញប្រើប្រាស់ដែលមានសាខាចំនួន ៣៣ នៅទូទាំងប្រទេសវៀតណាម ដោយផ្តោតលើការបម្រើអតិថិជនអាជីវកម្ម ដូចជាសណ្ឋាគារ ភោជនីយដ្ឋាន អាជីវកម្មផ្គត់ផ្គង់ម្ហូបអាហារ និងការិយាល័យធំៗ។

ជម្រាបជូនថា ការទិញយក MM Mega Market នេះ បានកើតឡើងនៅពេលដែលលោក Charoen ស្វែងរកការធ្វើឲ្យអាណាចក្រអាជីវកម្មរបស់លោកមានភាពប្រសើរឡើង។ នៅឆ្នាំ២០២៤ ក្រុមហ៊ុន Thai Beverage ដ៏ល្បីល្បាញរបស់លោក ដែលចុះបញ្ជីនៅសិង្ហបុរី និងជាក្រុមហ៊ុនផលិតស្រាបៀរ Chang បានលក់ភាគហ៊ុនរបស់ខ្លួន ពី Frasers Property ដើម្បីផ្តោតលើអាជីវកម្មផ្សេង៕​

The post មហាសេដ្ឋីកំពូលថៃម្នាក់ ប្រកាសលក់ក្រុមហ៊ុនវិនិយោគនៅវៀតណាម ក្នុងតម្លៃ ៧២០លានដុល្លារ appeared first on .

យោងតាមការចុះផ្សាយពីសារព័ត៌មាន Bloomberg បានបង្ហាញឲ្យដឹងទៀតថា ការផ្ទេរភាគហ៊ុននេះ ត្រូវបានធ្វើឡើងចាប់តាំងពីថ្ងៃទី២០ ខែឧសភាមកម្លេះ ប៉ុន្តែមិនបានបង្ហាញពីមូលហេតុច្បាស់លាស់ ជុំវិញការផ្ទេរនេះនោះឡើយ។

ប៉ុន្តែទន្ទឹមនឹងនេះ បើតាមអ្នកនាំពាក្យរបស់ Red Bull បាននិយាយថា វាហាក់ជារឿងធម្មតា ដែលម្ចាស់ក្រុមហ៊ុនធំៗ ផ្ទេរភាគហ៊ុនរបស់ខ្លួនមួយចំណែកទៅក្រៅប្រទេស ដើម្បីធានាបាននូវការបន្តអាជីវកម្ម និងភាគជោគជ័យរយ:ពេលវែង។

គួរឲ្យដឹងផងដែរថា លោក Chalerm ទទួលបានភាគហ៊ុនទាំងស្រុង នៅក្នុងក្រុមហ៊ុន Red Bull កាលពីប្រហែល ៤០ឆ្នាំមុន នៅពេលឪពុករបស់លោក គឺជាមហាសេដ្ឋីថៃ Chaleo Yoovidhya បានចាប់ដៃគូជាមួយសហគ្រិនសញ្ជាតិអូទ្រីស លោក Dietrich Mateschitz ដើម្បីជំរុញម៉ាកយីហោនេះ ​ទៅកាន់ទីផ្សារអន្តរជាតិ។

ជម្រាបជូនថា គ្រួសារត្រកូល Yoovidhyas នៅតែបន្តកាន់កាប់ភាគហ៊ុន ៤៩% នៅក្នុងក្រុមហ៊ុន Red Bull ដែលត្រូវបានគេប៉ាន់ប្រមាណថាមានតម្លៃសរុប ២៧,៩ពាន់លានដុល្លារ។ ពួកគេ​ត្រូវ​បាន​ទស្សនាវដ្តី Forbes ដាក់​ឈ្មោះ​ថា​ជា​គ្រួសារ​មាន​បំផុត​របស់​ប្រទេស​ថៃ​ ជាមួយ​ទ្រព្យ​សម្បត្តិ​ចំនួន ៣៦ពាន់​លាន​ដុល្លារ​ កាល​ពី​ខែ​កក្កដា​ ឆ្នាំមុន៕

The post មហាសេដ្ឋីកំពូលថៃម្នាក់ ផ្ទេរចេញភាគហ៊ុនតម្លៃជាង ១ពាន់លានដុល្លារ ទៅក្រុមហ៊ុនក្រៅប្រទេស appeared first on .

ក្រុមគ្រួសាររបស់លោក Vichai អតីតម្ចាស់ក្លិបបាល់ទាត់ Leicester City នៃក្របខ័ណ្ឌលីគកំពូលអង់គ្លេស បាននិយាយនៅក្នុងសេចក្តីថ្លែងការណ៍មួយថា សកម្មភាពដែលទាមទារប្រាក់សំណងនេះ គឺធ្វើឡើងដោយផ្អែកលើការបាត់បង់ប្រាក់ចំណូល និងការខូចខាតផ្សេងទៀត ខណៈក្រុមហ៊ុនច្បាប់ Stewarts ដែលតំណាងឲ្យក្រុមគ្រួសារម្ចាស់ក្លិប បាននិយាយថា នេះជាការទាមទារសំណងគ្រោះថ្នាក់ធ្ងន់ធ្ងរបំផុតក្នុងប្រវត្តិសាស្ត្រផ្លូវច្បាប់អង់គ្លេស ។

ប៉ុន្តែទោះជាយ៉ាងណាក៏ដោយ ពាក់ព័ន្ធទៅនឹងបណ្តឹងទា​មទារសំណងនេះ ភាគីខាងក្រុមហ៊ុន Leonardo បាននិយាយថា ខ្លួននឹងការពារខ្លួនប្រឆាំងនឹងការទាមទាររបស់តុលាការជាន់ខ្ពស់ ហើយកំពុងពិចារណាជាមួយទីប្រឹក្សាផ្នែកច្បាប់ និងអ្នកធានា។ ក្រុមហ៊ុន ក៏បានបង្ហាញពីការសោកស្តាយ សម្រាប់ជនរងគ្រោះទាំងអស់នៃឧបទ្ទវហេតុនេះ ដោយនិយាយថាវាគឺជាសោកនាដកម្មដែលមិនអាចប្រកែកបាន។

រម្លឹកផងដែរថា ឧបទ្ទវហេតុនេះ បានកើតឡើងនៅថ្ងៃទី២៧ ខែតុលា ឆ្នាំ២០១៨ នៅក្រោយពេលប្រហែល ១ម៉ោង បន្ទាប់ពីការប្រកួតក្នុងដីខ្លួនឯង រវាងក្រុមម្ចាស់ផ្ទះ Leicester City ជាមួយក្រុម West Ham United នៅពេលដែលឧទ្ធម្ភាចក្ររបស់លោក Vichai ហោះចេញពីកីឡដ្ឋាន King Power ហើយបានធ្លាក់វិញភ្លាមៗ ដែលបណ្តាលឲ្យម្ចាស់ក្លិប រួមជាមួយអ្នករួមដំណើរ ៤នាក់ផ្សេងទៀត បាត់បង់ជីវិត។

ជម្រាបជូនថា លោក Vichai Srivaddhanaprabha គឺជាអ្នកជំនួញជនជាតិថៃដ៏ល្បី និងជាស្ថាបនិក ម្ចាស់ ក៏ដូចជាប្រធានក្រុមហ៊ុន King Power។ លោកបានទិញយកក្លិប Leicester City ដំបូងនៅក្នុងឆ្នាំ ២០១០៕

The post គ្រួសារមហាសេដ្ឋីថៃ ទាមទារសំណងជិត ៣ពាន់លានដុល្លារ ជុំវិញការធ្លាក់​ឧទ្ធម្ភាគចក្រ​អតីតម្ចាស់ក្លិប Leicester appeared first on .

Madam Pang បច្ចុប្បន្នវ័យ ៥៨ឆ្នាំ គឺជាអ្នកស្នងមរតកជំនាន់ទី៥ នៃគ្រួសារត្រកូល Lamsam ដែលរកស៊ីទៅលើអាជីវកម្មក្នុងវិស័យធំៗជាច្រើន ជាពិសេសធនាគារ និងការធានារ៉ាប់រង ជាមួយនឹងការកាន់កាប់ភាគហ៊ុនមួយចំនួនធំ នៅក្នុងក្រុមហ៊ុន KBank, Phatra Insurance, Muang Thai Insurance និង Muang Thai Life Assurance ជាដើម។

Madam Pang បច្ចុប្បន្នកាន់តំណែងជាប្រធាន និងជានាយកប្រតិបត្តិនៃក្រុមហ៊ុន Muang Thai Insurance ស្របពេលោកស្រី ក៏ជាម្ចាស់ក្រុមហ៊ុន Saint Honorè នៅទីក្រុងបាងកក ដែលចែកចាយម៉ាកយីហោប្រណីតរបស់បារាំង Hermès ក្នុងប្រទេស និងជាសហម្ចាស់ក្រុមហ៊ុន Meister Technik ដែលជាអ្នកចែកចាយផ្លូវការនៃម៉ាករថយន្តលំដាប់កំពូលរបស់អាល្លឺម៉ង់ Audi នៅប្រទេសថៃ ផងដែរ។

ក្រៅតែពីទ្រព្យសម្បត្តិ និងភាពជាសហគ្រិន Madam Pang ក៏ត្រូវបានគេទទួលស្គាល់ផងដែរថា ជាផ្នែកដ៏សំខាន់បំផុត ក្នុងការជួយជ្រោមជ្រែងអភិវឌ្ឍវិស័យបាល់ទាត់របស់ប្រទេសថៃ ដោយបានដើរតួនាទីយ៉ាងសំខាន់ទាំងក្នុងក្រុមបាល់ទាត់ផ្នែកបុរស និងនារី ក្នុងរយៈពេលមួយទសវត្សចុងក្រោយនេះ។

ក្រោមការដឹកនាំរបស់លោកស្រី ក្រុមជម្រើសជាតិនារីថៃ បានចូលរួមការប្រកួតពានរង្វាន់ World Cup ឆ្នាំ២០១៥ និងឆ្នាំ២០១៩ ខណៈពេលដែលក្រុមបុរស បានឈ្នះពានរង្វាន់ AFF Cup (ឥឡូវប្តូរឈ្មោះទៅជា ASEAN Cup) ជាប់គ្នា ក្នុងឆ្នាំ២០២០ និងឆ្នាំ២០២២។

ជម្រាបជូនផងដែរថា ក្រៅតែពីបាល់ទាត់ជម្រើសជាតិ ​Madam Pang ក៏បាន​ជួយ​ក្លិប​បាល់ទាត់​អាជីព​របស់​ថៃ Port FC ឲ្យ​ក្លាយ​ជា​ក្លិបដ៏ខ្លាំងមួយនៅក្នុង​លីគកំពូលរបស់ប្រទេស​ថៃ ​ក្នុង​អំឡុងពេល​លោកស្រីកាន់​តំណែង​ជា​ប្រធាន​ក្លិបផងដែរ៕

The post Madam Pang សេដ្ឋីនីក្នុងវិស័យបាល់ទាត់របស់ប្រទេសថៃ ល្បីមានទ្រព្យសម្បត្តិសរុប​ក្បែរ​ពាន់លានដុល្លារ appeared first on .

ភាគហ៊ុនរបស់ក្រុមហ៊ុនផលិតថាមពល Gulf Energy Development បានកើនឡើងដល់ ៤០% ចាប់តាំងពីក្រុមហ៊ុនបានប្រកាសផែនការពីការបញ្ចូលគ្នាជាមួយ Intouch Holding ដែលជាម្ចាស់ភាគហ៊ុនធំជាងគេរបស់ក្រុមហ៊ុនទូរស័ព្ទចល័តធំទីពីររបស់ប្រទេសថៃ Advance Info Service (AIS) កាលពីពាក់កណ្តាលខែកក្តដាមក។ ភាគហ៊ុនរបស់ Intouch បានកើនឡើង ២៨% ខណៈពេលដែល AIS ក៏បានកើនឡើងប្រហែល ២១% ផងដែរ ក្នុងរយៈពេលដូចគ្នានោះ។

គួរឲ្យដឹងថា ការរួមបញ្ចូលគ្នានេះ បានជួយរុញទ្រព្យសម្បត្តិសរុបរបស់លោក Sarath ឲ្យកើនឡើងដល់ ១៥ពាន់លានដុល្លារ ពីចំនួន ៩,៥ពាន់លានដុល្លារ នៅពេលដែល Forbes Asia ចេញផ្សាយបញ្ជីអ្នកមានបំផុតទាំង ៥០ នាក់របស់ប្រទេសថៃ នៅក្នុងអំឡុងខែកក្កដា។

ជម្រាបជូនថា ក្រុមហ៊ុន Gulf Energy ដែលត្រូវបានបង្កើតឡើងដោយលោក Sarath ក្នុងឆ្នាំ២០០៧ បាននិងកំពុងធ្វើពិពិធកម្មទៅលើអាជីវកម្មទូរគមនាគមន៍ និងឌីជីថល រួមទាំងមជ្ឈមណ្ឌលផ្ទុកទិន្នន័យ។ នៅក្នុងខែមិថុនា ក្រុមហ៊ុននេះ បានប្រកាសចាប់ដៃគូសហការជាមួយ Google ដើម្បីបង្កើតឧបករណ៍ Cloud ដែលដំណើរការដោយបញ្ញាសិប្បនិម្មិត នៅក្នុងប្រទេសថៃ ផងដែរ៕

The post មហាសេដ្ឋីថៃមា្នក់ កើនទ្រព្យសម្បត្តិ ៦ពាន់លានដុល្លារ ក្រោយច្របាច់ក្រុមហ៊ុនធំៗរបស់ខ្លួនពីរបញ្ចូលគ្នា appeared first on .

យោងតាមការចុះផ្សាយពីសារព័ត៌មាន Bloomberg បានបង្ហាញថា ក្រុមហ៊ុន ThaiBev នឹងធ្វើការផ្ទេរភាគហ៊ុន ២៨,៨% ឬសរុបជាទឹកប្រាក់ប្រហែល ១,៦ពាន់លានដុល្លារ ទៅកាន់ក្រុមហ៊ុនអចលនទ្រព្យ TCC Assets នៅក្នុងប្រទេសថៃ។

ទន្ទឹមនឹងនោះ ក្រុមហ៊ុន TCC Assets នឹងធ្វើការផ្ទេរចំណែកភាគហ៊ុនរបស់ខ្លួន ដែលមាននៅក្នុងក្រុមហ៊ុនភេសជ្ជៈ Fraser and Neave (F&N) នៅក្នុងប្រទេសសិង្ហបុរី ទៅឲ្យក្រុមហ៊ុនមហាសេដ្ឋីថៃរូបនេះវិញ ដើម្បីបញ្ចប់កិច្ចកុងត្រារវាងភាគីទាំងសងខាង។

បច្ចុប្បន្ន តំណាងក្រុមហ៊ុន ThaiBev បានបង្ហើបថា កិច្ចព្រមព្រៀងមួយនេះ គឺកំពុងរង់ចាំការអនុញ្ញាតពីម្ចាស់ភាគហ៊ុនដទៃ ក៏ប៉ុន្តែបើសិនជាវាអាចសម្រេចទៅបាន ក្រុមហ៊ុន ThaiBev នឹងក្លាយជាម្ចាស់ភាគហ៊ុនធំក្នុងក្រុមហ៊ុន F&N ដោយនឹងមានភាគហ៊ុនក្នុងដៃប្រហែល ៧០% កើនឡើងពីភាគហ៊ុនដែលមានបច្ចុប្បន្នត្រឹម ២៨% ប៉ុណ្ណោះ៕

The post មហាសេដ្ឋីថៃ ប្រកាសចាកចេញពីវិស័យអចលនទ្រព្យ ងាកមកផ្ដោតលើវិស័យចំណីអាហារវិញ appeared first on .

គ្រួសាររបស់លោក Chalerm Yoovidhya បានកើនទ្រព្យសម្បត្តិដល់ទៅចំនួន ៣៦ពាន់លានដុល្លារ។ ការដែលគ្រួសារមួយនេះ បានបោះជំហាននាំមុខទ្រព្យសម្បត្តិលើសគេដូច្នេះ ក៏ដោយហេតុថាប្រាក់ចំណូលរបស់ Red Bull បានកើនឡើងលើសពី ១១ពាន់លានដុល្លារកាលពីឆ្នាំមុន ជាមួយនឹងការលក់ភេសជ្ជៈនៅទូទាំងពិភពលោកបានចំនួនជាង ១២ពាន់លានដប និងកំប៉ុង។

ជាមួយគ្នា បងប្អូនប្រុសត្រកូល Chearavanont ម្ចាស់ក្រុមហ៊ុន Charoen Pokphand Group បានធ្លាក់តំណែងមកនៅត្រឹមលេខពីរវិញ ដោយទ្រព្យសម្បត្តិបានធ្លាក់ចុះពីចំនួន ៣៤ពាន់លានដុល្លារកាលពីឆ្នាំមុនមកដល់ត្រឹម ២៩ពាន់លានដុល្លារនៅក្នុងឆ្នាំ២០២៤។ ការធ្លាក់ចុះដូច្នេះ ត្រូវបានទស្សនាវដ្តី Forbes សន្មត់ថាមកពីភាគហ៊ុនរបស់ពួកគេ នៅក្នុងក្រុមហ៊ុន Ping An Insurance របស់ចិន ថយចុះតម្លៃទីផ្សារ។

ទន្ទឹមនឹងនោះ លោក Charoen Sirivadhanabhakdi ម្ចាស់ក្រុមហ៊ុន Thai Beverage កំពុងស្ថិតនៅចំណាត់ថ្នាក់ទី៣ ជាមួយទ្រព្យសម្បត្តិប៉ាន់ស្មានខ្ទង់ ១០ពាន់លានដុល្លារ ដោយបានធ្លាក់ទ្រព្យសម្បត្តិដល់ទៅ ៣,៦ពាន់លានដុល្លារឯណោះបើធៀបនឹងឆ្នាំមុន។

មួយវិញទៀត គ្រួសារត្រកូល Chirathivat នៅតែរក្សាចំណាត់ថ្នាក់លេខ ៤ដដែល ពោលគ្រួសារមួយនេះមានទ្រព្យចំនួន ៩,៩ពាន់លានដុល្លារធ្លាក់ចុះ២០% ពីចំនួន ១២,៤ពាន់លានដុល្លារកាលពីឆ្នាំមុន។ មិនត្រឹមតែប៉ុណ្ណោះ ក្រុមហ៊ុន Central Group របស់គ្រួសារមួយនេះបានបង្កើនភាគហ៊ុន និងក្លាយជាម្ចាស់ភាគហ៊ុនធំជាងគេបង្អស់របស់ហាង Selfridges នៅទីក្រុងឡុងដ៍ កាលពីខែវិច្ឆិកាទៀតផង។

ជាមួយគ្នា មហាសេដ្ឋីរកស៊ីលើវិស័យថាមពល និងទូរគមនាគមន៍ Sarath Ratanavadi បន្តរក្សាតំណែងលេខ៥ ជាមួយនឹងការកាន់កាប់ទ្រព្យសម្បត្តិប្រមាណ ៩,២ពាន់លានដុល្លារ ធ្លាក់ចុះពីចំនួន ១១,៣ពាន់លានដុល្លារ។

សូមជម្រាបបន្ថែមថា ទ្រព្យសម្បត្តិសរុបរបស់មហាសេដ្ឋីមានដាច់គេទាំង ៥០របស់ប្រទេសថៃ បានធ្លាក់ចុះជិត១២% មកនៅត្រឹម ១៥៣ពាន់លានដុល្លារ ដោយហេតុថាសន្ទស្សន៍ផ្សារហ៊ុនថៃ និងប្រាក់បាត កំពុងមានអត្រានៃការឱនក្បាលចុះ៕

The post ម្ចាស់ក្រុមហ៊ុនភេសជ្ជៈគោជល់ ដណ្ដើមងារជាគ្រួសារមានដាច់គេនៅប្រទេសថៃ appeared first on .

កញ្ចប់ទឹកប្រាក់បន្ថែមរបស់មហាសេដ្ឋីរូបនេះ នឹងជួយឲ្យក្រុមហ៊ុនថាមពលរបស់លោក Gulf Energy Development បង្កើនទំហំផ្ទុក និងពន្លឿនការសាងសង់ ដែលគ្រោងបញ្ចប់នៅក្នុងខែមីនា ឆ្នាំក្រោយ។

តម្រូវការមជ្ឈមណ្ឌលផ្ទុកទិន្នន័យនៅប្រទេសមានសេដ្ឋកិច្ចធំបំផុតទី២ នៅក្នុងតំបន់អាស៊ាន កំពុងមានសន្ទុះខ្លាំង បន្ទាប់ពីក្រុមហ៊ុនបច្ចេកវិទ្យាជាច្រើន បានសម្រុកទៅបណ្ដាក់ទុននៅទីនោះ ជាពិសេសលើសេវាកម្មផ្ទុកទិន្នន័យតាមប្រព័ន្ធអ៊ីនធឺណិត និងការអភិវឌ្ឍន៍បច្ចេកវិទ្យា AI។

សូមជម្រាបដែរថា លោក Sarath Ratanavadi គឺជាបុគ្គលដែលមានទ្រព្យសម្បត្តិច្រើនបំផុតទី២ នៅប្រទេសថៃ ដោយលោកមានទ្រព្យសម្បត្តិប្រមាណ ៩,១ពាន់លានដុល្លារ និងជាធុរកិច្ចជនជួរមុខ ក្នុងវិស័យថាមពលក្នុងប្រទេស។ នេះបើតាមរបាយការណ៍បង្ហាញដោយគេហទំព័រ Bloomberg៕

The post មហាសេដ្ឋីថៃចាក់លុយថែមជាង ២៧០លានដុល្លារ សាងសង់មជ្ឈមណ្ឌលផ្ទុកទិន្នន័យ appeared first on .

បើទោះបីជាចំនួនមហាសេដ្ឋីថៃបានធ្លាក់ចុះ បើធៀបទៅនឹងឆ្នាំមុនក៏ដោយ ប៉ុន្តែលោក Dhanin Chearavanont ដែលជាប្រធានជាន់ខ្ពស់របស់ក្រុមហ៊ុនកសិពាណិជ្ជកម្ម លក់ទំនិញរាយ និងទូរគមនាគមន៍ Charoen Pokphand Group នៅតែរក្សាតំណែងរបស់ខ្លួន ជាអ្នកមានបំផុតនៅក្នុងប្រទេសថៃ ជាមួយនឹងទ្រព្យសម្បត្តិសរុប ១២,៥ពាន់លានដុល្លារ និងជាប់ចំណាត់ថ្នាក់ទី ១៥៩ ក្នុងបញ្ជីមហាសេដ្ឋីមានបំផុតលើពិភពលោក។

ដោយឡែកមហាសេដ្ឋីពីររូបទៀត គឺមហាសេដ្ឋីគ្រប់គ្រងអាជីវកម្មគ្រឿងស្រវឹង និងអចលនៈទ្រព្យ លោក Charoen Sirivadhanabhakdi ជាប់ក្នុងចំណាត់ថ្នាក់ទី១៧៧ ទូទាំងពិភពលោក ជាមួយទ្រព្យសម្បត្តិសរុប ១១,៣ពាន់លានដុល្លារ និងមហាសេដ្ឋីថាមពល លោក Sarath Ratanavadi ជាប់ចំណាត់ថ្នាក់ទី២០០ ដែលមានទ្រព្យសម្បត្តិសរុប ១០,៧ពាន់លានដុល្លារ។

គួរឲ្យដឹងផងដែរថា ក្នុងចំណោមមហាសេដ្ឋីសរុបចំនួន ២ ៧៨១ នាក់ ទ្រព្យសម្បត្តិសរុបរបស់ពួកគេរួមបញ្ចូលគ្នាគឺមានចំនួន ១៤,២ទ្រីលានដុល្លារ កើនឡើង ២ទ្រីលានដុល្លារ ពីឆ្នាំ២០២៣ និង ១,១ទ្រីលានដុល្លារ ពីឆ្នាំ២០២១៕

The post ស្តេចត្រាញ់ថៃ ៣រូប ជាប់ឈ្មោះក្នុងបញ្ជីមហាសេដ្ឋីកំពូលរបស់ទស្សនាវដ្តី Forbes appeared first on .