យោងតាមការចុះផ្សាយពីសារព័ត៌មាន Bloomberg បានរាយការណ៍ថា ទឹកប្រាក់ប្រហែល ១៦ពាន់លានដុល្លារ ត្រូវបានផ្ទេរពីភាគហ៊ុនសារជីវកម្មទៅកាន់គណនីផ្ទាល់ខ្លួនរបស់មហាសេដ្ឋីកំពូលៗមួយចំនួន នៅក្នុងឧស្សាហកម្មបច្ចេកវិទ្យា។

ហើយយ៉ាងណាមិញ អ្នកដែលទទួលបានប្រាក់ចំណេញច្រើនជាងគេ គឺលោក Jeff Bezos ដែលជាប្រធាន និងជាស្ថាបនិកក្រុមហ៊ុន Amazon ដោយលោកបានលក់ភាគហ៊ុនប្រហែល ៥,៧ពាន់លានដុល្លារ ក្នុងចន្លោះខែមិថុនា និងខែកក្កដា។

ជាមួយគ្នានេះ នាយកប្រតិបត្តិរបស់ក្រុមហ៊ុន Oracle លោកស្រី Safra Catz ក៏កើបបានចំណូលច្រើនគួរសមផងដែរ ជាមួយនឹងការលក់ភាគហ៊ុនមានតម្លៃប្រហែល ២,៥ពាន់លានដុល្លារ បន្ទាប់ពីទទួលបានអត្ថប្រយោជន៍ពិសេសពីការភាពរឹងមាំនៅក្នុងកម្មវិធី Cloud និងមូលដ្ឋានទិន្នន័យរបស់ក្រុមហ៊ុន។

ដោយឡែកលោក Michael Dell ប្រធាន និងជានាយកប្រតិបត្តិក្រុមហ៊ុន Dell Technologies បានលក់ភាគហ៊ុនបានប្រមាណ ២,២ពាន់លានដុល្លារ ស្របពេលលោក Jensen Huang នាយកប្រតិបត្តិក្រុមហ៊ុន Nvidia បានលក់ភាគហ៊ុនប្រមាណ ១ពាន់លានដុល្លារ។

ជម្រាបជូនថា នៅពេញមួយឆ្នាំ២០២៥ ទាំងសន្ទស្សន៍ហ៊ុន Nasdaq Composite និង S&P 500 Information Technology បានឈានដល់កម្រិតខ្ពស់ថ្មីម្តងហើយម្តងទៀត ដែលជំរុញដោយការវិនិយោគយ៉ាងច្រើនលើហេដ្ឋារចនាសម្ព័ន្ធបញ្ញាសិប្បនិម្មិត សេវាកម្ម Cloud និងបណ្តាញទំនើប៕​

The post មហាសេដ្ឋីបច្ចេកវិទ្យាកំពូលៗកើបចំណូលបានជិត ២០ពាន់លានដុល្លារ ពីការលក់ភាគហ៊ុន នៅឆ្នាំ២០២៥ appeared first on .

យោងតាមការចុះផ្សាយពីសារព័ត៌មាន Fortune ដោយដកស្រង់ទិន្នន័យពីក្រុមហ៊ុនស្រាវជ្រាវសម្ងាត់ Altrata បានបង្ហាញឲ្យដឹងថា ឥឡូវនេះ មានមហាសេដ្ឋីកំពូលបច្ចេកវិទ្យាកំពូលៗបំផុតចំនួន ២៩ នាក់ ដែលភាគច្រើនរស់នៅទឹកដីសហរដ្ឋអាមេរិក ហើយក្នុងនោះភាពជោគជ័យរបស់ពួកគេភាគច្រើនគឺសុទ្ធសឹងតែកើតឡើងដោយសារតែឧស្សាហកម្ម AI ដែលកំពុងមានភាពរីកចម្រើនយ៉ាងខ្លាំង ក្នុងពេលប៉ុន្មានឆ្នាំថ្មីៗនេះ។

របាយការណ៍ដដែលនេះ បានបញ្ជាក់ទៀតថា វិស័យបច្ចេកវិទ្យា គឺជាកត្តាជំរុញចម្បងបំផុត សម្រាប់មហាសេដ្ឋីដែលមានទ្រព្យសម្បត្តិច្រើនបំផុតរបស់ពិភពលោក ជាពិសេសកំពូលអ្នកមានៗដែលមានមូលដ្ឋាននៅសហរដ្ឋអាមេរិក ដូចជា Elon Musk, Larry Ellison, Mark Zuckerberg, Jeff Bezos និង Larry Page ជាដើម។

យ៉ាងណាមិញ ក្នុងចំណោមនោះ លោក Elon Musk ដែលជាអ្នកមានបំផុតនៅលើពិភពលោក និងមានទ្រព្យសម្បត្តិសរុបប្រមាណ ៤៨២ពាន់លានដុល្លារ បានឃើញទ្រព្យសម្បត្តិរបស់ខ្លួនកើនឡើងយ៉ាងខ្លាំង ដោយសារភាពជោគជ័យរបស់ក្រុមហ៊ុន Tesla និង SpaceX។

ទន្ទឹមនឹងនេះ សហស្ថាបនិកក្រុមហ៊ុន Google លោក Larry Page បានក្លាយជាអ្នកមានបំផុតទីពីររបស់ពិភពលោក បន្ទាប់ពីការដាក់ចេញម៉ូដែល AI Gemini 3 របស់ Google កាលពីពាក់កណ្តាលខែវិច្ឆិកា។ ទ្រព្យសម្បត្តិរបស់លោក Page បានឈានដល់ចំនួនជាង ២៥៨ពាន់លានដុល្លារ គិតត្រឹមថ្ងៃទី២ ខែធ្នូ នេះបើយោងតាមទស្សនាវដ្តី Forbes។

ដោយឡែក សហស្ថាបនិកក្រុមហ៊ុន Oracle លោក Larry Ellison ដែលជាអ្នកមានបំផុតទីបីរបស់ពិភពលោក និងមានទ្រព្យសម្បត្តិសរុបប្រមាណ ២៥២ពាន់លានដុល្លារ ក៏ទទួលបានប្រាក់ចំណេញយ៉ាងច្រើននៅឆ្នាំនេះផងដែរ ដោយសារតែការរីកចម្រើននៃក្រុមហ៊ុន Software របស់លោកដែលផ្តោតសំខាន់លើ AI។

ជម្រាបជូនថា ប្រាំបីនាក់ក្នុងចំណោមបុគ្គលដែលមានជាងគេទាំង១០ របស់ពិភពលោក សុទ្ធសឹងតែបានកសាងទ្រព្យសម្បត្តិរបស់ពួកគេជាចម្បង នៅក្នុងវិស័យបច្ចេកវិទ្យា។ នេះបើយោងតាមការចុះផ្សាយរបស់ International Business Times៕​

​

The post ទ្រព្យសម្បត្តិរបស់មហាសេដ្ឋីបច្ចេកវិទ្យា កើនឡើងដល់ ២០០% ក្នុងរយៈពេលមួយទសវត្សចុងក្រោយ appeared first on .

បើតាមលោក Bill Herzog នាយកប្រតិបត្តិនៃក្រុមហ៊ុនសេវាកម្មសន្តិសុខ LionHeart ដែលមានមូលដ្ឋាននៅរដ្ឋ Arizona បានប្រាប់សារព័ត៌មាន Fortune ថាវាមានសារៈសំខាន់ខ្លាំងណាស់សម្រាប់ក្រុមហ៊ុនក្នុងការវិនិយោគដើម្បីការពារ CEO របស់ពួកគេ ជាពិសេសប្រសិនបើពួកគេស្ថិតក្នុងចំណោមអ្នកមានបំផុតនៅលើពិភពលោក ដូចជាស្ថាបនិកក្រុមហ៊ុន Meta លោក Mark Zuckerberg និងស្ថាបនិកក្រុមហ៊ុន Tesla លោក Elon Musk នោះ។

ដោយឡែកខាងក្រោមនេះគឺជាក្រុមហ៊ុនបច្ចេកវិទ្យាកំពូលៗមួយចំនួនដែលហ៊ានចំណាយលុយដ៏ច្រើនបំផុតទៅលើកងការពារ CEO របស់ខ្លួន៖

ក្រុមហ៊ុន Meta

Meta ត្រូវបានគេរាយការណ៍ថាបានចំណាយលុយច្រើនជាង ៣ដង បើធៀបទៅនឹងក្រុមហ៊ុនបច្ចេកវិទ្យាផ្សេងទៀតដើម្បីការពារនាយកប្រតិបត្តិ និងស្ថាបនិករបស់ពួកគេ គឺលោក Mark Zuckerberg។ នៅឆ្នាំ២០២៣ ក្រុមហ៊ុននេះបានចំណាយសរុបចំនួន ២៣,៤លានដុល្លារ សម្រាប់ធានាសន្តិសុខផ្ទាល់ខ្លួនដល់លោក Mark ។

ក្រុមហ៊ុន Alphabet

នាយកប្រតិបត្តិក្រុមហ៊ុន Alphabet លោក Sundar Pichai តែងតែបាននិយាយច្រើនអំពីសុវត្ថិភាពតាមអ៊ីនធឺណិត ខណ:សុវត្ថិភាពផ្ទាល់ខ្លួនរបស់លោកវិញ ក៏ជាគំនិតដ៏សំខាន់សម្រាប់ក្រុមហ៊ុនដែលត្រូវគិតគូផងដែរ។ នៅឆ្នាំ២០២៣ ក្រុមហ៊ុនបច្ចេកវិទ្យាខ្នាតយក្សមួយនេះ បានចំណាយដល់ជាង ៦,៨លានដុល្លារ ដើម្បីការពារលោក Pichai ។ នេះបើយោងតាមឯកសារពី SEC ។

ក្រុមហ៊ុន Telsa

វាមិនជារឿងគួរភ្ញាក់ផ្អើលនោះឡើយ ដែលក្រុមហ៊ុន Tesla ហ៊ានចំណាយយ៉ាងច្រើន ដើម្បីធានាសុខសុវត្ថិភាពដល់នាយកប្រតិបត្តិលោក Elon Musk ដែលជាមហាសេដ្ឋីមានដាច់គេលើលោកនោះ។ Tesla បានបង់ប្រាក់ចំនួន ២,៤លានដុល្លារ ក្នុងឆ្នាំ២០២៣ ដល់ក្រុមហ៊ុនសន្តិសុខមួយដែលគ្រប់គ្រងដោយលោក Musk ផ្ទាល់ សម្រាប់សេវាកម្មសន្តិសុខ។

ក្រុមហ៊ុន Nvidia

Nvidia ហាក់មានការចំណាយតិចជាង បើធៀបទៅនឹងក្រុមហ៊ុនដៃគូបច្ចេកវិទ្យាផ្សេងទៀត ដើម្បីធានាលើសុវត្ថិភាពនាយកប្រតិបត្តិលោក Jensen Huang ។ នៅក្នុងឆ្នាំសារពើពន្ធ ២០២៤ កន្លងទៅ ក្រុមហ៊ុនបានចំណាយប្រហែល ២,២លានដុល្លារលើថ្លៃសន្តិសុខលំនៅដ្ឋាន និងបង់ថ្លៃប្រឹក្សាសម្រាប់លោក Huang បូករួមទាំងលុយរាប់សែនដុល្លារផ្សេងទៀត សម្រាប់សេវាត្រួតពិនិត្យសន្តិសុខផ្សេងៗ សេវាកម្មរថយន្ត និងអ្នកបើកបរផងដែរ។

ក្រុមហ៊ុន Apple

ទោះបីជា Tim Cook មិនមានភាពល្បីល្បាញដូចអ្នកកាន់តំណែងមុន Steve Jobs ក៏ដោយ ប៉ុន្តែលោកនៅតែត្រូវបានចាត់ទុកថាជា CEO ដ៏ជោគជ័យបំផុតរបស់ Apple ហើយក្រុមហ៊ុនតែងតែផ្តល់ការធានាផ្នែកសុវត្ថិភាពដល់រូបលោកជានិច្ច។ ទន្ទឹមនឹងនេះ Apple បានបង់លុយជាង ៨សែនដុល្លារ សម្រាប់ការចំណាយទាក់ទងនឹងសន្តិសុខរបស់ Tim Cook ក្នុងឆ្នាំ២០២៣៕

The post ក្រុមហ៊ុនបច្ចេកវិទ្យាធំៗទាំងនេះ ហ៊ានចាយលុយខ្ទង់លានដុល្លារជួលកងអង្គរក្សការពារ CEO របស់ខ្លួន appeared first on .

យោងតាមការចុះផ្សាយពីសារព័ត៌មាន Bloomberg Billionaires Index បានបង្ហាញថា មហាសេដ្ឋីចំនួន ៩រូប ដែលរកស៊ីនៅលើវិស័យបច្ចេកវិទ្យា បានកើបលុយប្រហែល ២២៦,៤ពាន់លានដុល្លារ។

ក្នុងនោះ មេធំក្រុមហ៊ុន Nvidia មហាសេដ្ឋី Jensen Huang ជាបុគ្គលដែលកើនទ្រព្យសម្បត្តិបានច្រើនបំផុត ប្រមាណ ៦២ពាន់លានដុល្លារ ដែលធ្វើឲ្យទ្រព្យសម្បត្តិសរុបរបស់លោកកើនដល់ ១០៦ពាន់លានដុល្លារ។

ចំណែកឯស្ថាបនិកក្រុមហ៊ុន Meta Platforms គឺមហាសេដ្ឋី Mark Zuckerberg កើនលុយច្រើនបំផុតទី២ ប្រហែល ៤៧ពាន់លានដុល្លារ ស្របពេលស្ថាបនិកក្រុមហ៊ុន Amazon មហាសេដ្ឋី Jeff Bezos កើបលុយបានប្រមាណ ៣០ពាន់លានដុល្លារ៕

The post ៦ខែដំបូង កំពូលមហាសេដ្ឋីបច្ចេកវិទ្យា ៩រូប កើបលុយជាង ២២០ពាន់លានដុល្លារ appeared first on .

យោងតាមការចុះផ្សាយពីសារព័ត៌មាន CNA បានបង្ហាញថា លោក Cook បានលក់ភាគហ៊ុន ៥១១ ០០០ហ៊ុន ដែលមានតម្លៃប្រមាណ ៨៧,៨លានដុល្លារ មិនទាន់គិតគូថ្លៃបង់ពន្ធ ខណៈ​មេធំក្រុមហ៊ុន Apple មានចំណែកភាគហ៊ុនប្រមាណ ៣,៣លានហ៊ុន គិតជាប្រាក់ ៥៦៥លានដុល្លារ។

គួររំលឹកបន្តិចថា កាលពីខែសីហា ឆ្នាំ២០២១ មហាសេដ្ឋីបច្ចេកវិទ្យាអាមេរិកម្នាក់នេះ កើបលុយ​បានប្រហែល ៣៥៥លានដុល្លារ ពីការលក់ភាគហ៊ុននាពេលនោះ។

សូមជម្រាបបន្ថែមថា លោក Tim Cook គឺជា​មហាសេដ្ឋីបច្ចេកវិទ្យាមួយរូប ដែលមានទ្រព្យសម្បត្តិ​ប្រមាណ ១,៩ពាន់លានដុល្លារ ស្របពេលបច្ចុប្បន្នលោកកំពុងកាន់តំណែងជា CEO នៃក្រុមហ៊ុន​មានតម្លៃថ្លៃបំផុតលើលោក Apple៕

The post CEO ក្រុមហ៊ុន Apple ចំណេញលុយជាង ៤០លានដុល្លារ ពីការលក់ភាគហ៊ុនរយៈពេល ២ឆ្នាំ appeared first on .

យោងតាម​របាយការណ៍​ចុះផ្សាយ​ដោយ Forbes បាន​បង្ហាញថា ក្នុងចំណោម​មហាសេដ្ឋី​ដែល​ខាតបង់​ច្រើន​បំផុត មាន​បុគ្គល ៥ រូប​របូត​លុយ​ច្រើន​ជាងគេ ខណៈ​អ្នកទាំង ៥ នោះគឺ​សុទ្ធសឹងតែជាមហាសេដ្ឋី​បច្ចេកវិទ្យា។

ប្រភពដដែលបន្ថែមថា ស្ថាបនិក SpaceX លោក Elon Musk ជាបុគ្គលខាតបង់ច្រើនបំផុត​ប្រមាណ ១២៥ ពាន់​លានដុល្លារ ខណៈស្ថាបនិក Amazon លោក Jeff Bezos របូតលុយ​ប្រហែល ៨៥ ពាន់លានដុល្លារ និងមេធំ Meta លោក Mark Zuckerberg បាត់បង់ទ្រព្យសម្បត្តិ​អស់ ៧៧ ពាន់លានដុល្លារ។

ដោយឡែក សហស្ថាបនិក Google លោក Larry Page និង Sergey Brin វិញ​ បាន​ខាតបង់​ទ្រព្យសម្បត្តិអស់ ៤៦ និង ៤៥ ពាន់លានដុល្លាររៀងគ្នា។ សរុប​ការខាតបង់​របស់​បុគ្គល​ទាំង ៥ រូប​នេះ គឺ​មាន​រហូត​ដល់ ៣៧៨ ពាន់​លាន​ដុល្លារ​ឯណោះ៕

The post មហាសេដ្ឋីបច្ចេកវិទ្យា ៥ រូប ក្លាយជាបុគ្គលរបូតលុយច្រើនបំផុតប្រចាំឆ្នាំ ២០២២ appeared first on .

យោង​តាម​របាយការណ៍​ពី Forbes បាន​ឲ្យ​ដឹងថា កាលពីឆ្នាំទៅ​អាមេរិក​មាន​មហាសេដ្ឋី​រកស៊ី​លើ​វិស័យ​បច្ចេកវិទ្យា​ប្រមាណ ៦៥ នាក់ ប៉ុន្តែ​នៅ​ក្នុង​ឆ្នាំ​នេះ​ ទ្រព្យសម្បត្តិ​របស់​មនុស្ស ៥០ នាក់​ក្នុង​ចំណោម​នោះ មាន​ការ​ថមថយ​តិចជាង​ឆ្នាំមុន។

ក្នុង​ចំណោម​អ្នកខាតបង់​ច្រើនជាង​គេ គឺ​មហាសេដ្ឋី Jeff Bezos ដែល​របូត​លុយ​ជាង ៥០ ពាន់​លាន​ដុល្លារ ក្រោយ​តម្លៃ​ហ៊ុន Amazon ធ្លាក់ចុះ ២៧% បណ្ដាល​ឲ្យ​លោក​របូត​តំណែង​កំពូល​នេះ​បញ្ជី Forbes 400 ជាលើកដំបូង​តាំងពី​ឆ្នាំ ២០១៨។

សូមជម្រាបដែរ​ថា ការ​ខាតបង់​ប្រមាណ ៣១៥ ពាន់​លាន​ដុល្លារ​សរុប​ពី​មហាសេដ្ឋី​អាមេរិក​រក​ស៊ី​លើ​វិស័យ​បច្ចេកវិទ្យា គឺ​មិនបាន​រាប់​ស្ថាបនិក Meta លោក Mark Zuckerberg ឡើយ ដោយសារ Forbes ចាត់ទុក​ “បណ្ដាញសង្គម” ស្ថិត​ក្នុង​ជាផ្នែកមួយនៃវិស័យប្រព័ន្ធផ្សព្វផ្សាយ និងកម្សាន្ត៕

The post មហាសេដ្ឋីបច្ចេកវិទ្យាអាមេរិក របូតលុយជាង ៣០០ ពាន់លានដុល្លារកាលពីឆ្នាំទៅ appeared first on .

យោងតាម​ការ​បញ្ជាក់​ពី​ក្រុមហ៊ុន​ផ្ទាល់ ផ្កាយរណប​​ថ្មី​របស់ Starlink ចំនួន ៥៤ ត្រូវបាន​បង្ហោះ​ទៅកាន់​លំហអាកាស​ ដើម្បី​អាច​ធានា​ដល់​ការ​ផ្គត់ផ្គង់​អ៊ីនធឺណិត​គ្រប់ទីកន្លែង ខណៈ​ល្បឿន​អ៊ីនធឺណិត​របស់​វា​គឺ​ 17 Mbps ហើយ​មនុស្ស​ប្រមាណ ១ ០០០ នាក់​នៅ​ទ្វីបអង់តាកទិក​ដែល​កំពុង​ប្រើប្រាស់​សេវាកម្ម​មួយ​នេះ បាន​បង្ហើប​ថា មិន​ទាន់​ជួប​បញ្ហា​រអាក់រអួល​អ្វីឡើយ។

សូមជម្រាប​ដែរ​ថា គិត​មក​ត្រឹម​ពេលនេះ ផ្កាយរណប Starlink ច្រើនជាង ៣ ០០០ កំពុង​បង្ហោះ​នៅ​លំហអាកាស ហើយ​ក្រុមហ៊ុន​ទម្លាយ​ថា នឹង​បង្ហោះ​បន្ថែមទៀត​នាពេល​ខាងមុខ ដើម្បី​ផ្ដល់ភាព​ងាយស្រួល​ដល់​ការ​ប្រើប្រាស់​អ៊ីនធឺណិត​នៅ​លើ​ផែនដី។

នេះ​គឺជា​សមិទ្ធផល​ដ៏​អស្ចារ្យ​មួយទៀត​របស់​មហាសេដ្ឋី​អាមេរិក ដ្បិត​កន្លង​មក Starlink ក៏​បាន​ដើរ​តួយ៉ាងសំខាន់​ក្នុង​ការ​ជួយ​សម្រួល​ដល់​ការ​ទំនាក់ទំនង​របស់​ប្រជាជន​អ៊ុយក្រែន​ ដែល​រងផល​ប៉ះពាល់​ដោយសារ​សង្គ្រាម ដ្បិត​គ្រានោះ Elon Musk ប្រកាស​ផ្ដល់សេវាកម្ម​អ៊ីនធឺណិត​ដល់​ពួកគេ​ដោយ​ឥតគិតថ្លៃ៕

The post មេធំ Elon Musk ប្រកាស Starlink អាចដំណើរការបានគ្រប់ទ្វីបទូទាំងសកលលោក appeared first on .

យោង​តាម​ការ​ចុះផ្សាយពី DNAIndia បាន​ឲ្យ​ដឹង​ថា Adobe នឹង​ចាយលុយ​ប្រមាណ ២០ ពាន់​លាន​ដុល្លារ​ទិញ​យក​ក្រុមហ៊ុន​មួយ​នេះ​ទាំងមូល ដែល​នេះ​មាន​ន័យ​ថា Field នឹង​ក្លាយជា​មហាសេដ្ឋី​ភ្លាមៗ​ជាមួយ​នឹង​ទ្រព្យសម្បត្តិ ២ ពាន់​លាន​ដុល្លារ ក្រោយ​ការ​ចុះ​កិច្ចសន្យា​បាន​សម្រេច ដ្បិត​រូបគេ​មាន​ភាគហ៊ុន​សរុប ១០%។

សូម​រំលឹក​បកក្រោយ​បន្តិច​ថា សហ​ស្ថាបនិក Figma ទាំង ២​ រូប​នេះ​គឺ​មិន​បាន​បញ្ចប់​ការ​សិក្សា​ថ្នាក់​មហាវិទ្យាល័យ​ឡើយ បើ​ទោះ​ជា​ពួកគេ​បាន​ចូលរៀន​នៅ​សកលវិទ្យាល័យ​ក្នុង​ក្ដី​ស្រមៃ Brown University។

អំឡុងពេល​សិក្សា​នោះ Field បាន​ចុះ​ហាត់ការងារ​ជាមួយ​ក្រុមហ៊ុន LinkedIn និង Flipboard ហើយ​ក៏​បាន​សម្រេច​ចិត្ត​បោះបង់​ការ​សិក្សា ដោយ​ងាក​មក​ធ្វើការ​ពេញ​ម៉ោង​ជាមួយ Figma ជាមួយ​នឹង​ប្រាក់​ខែ ១០០ ០០០ ដុល្លារ។

ដោយឡែក កាល​ចាប់ផ្ដើម​តំបូងៗ​បុរស​វ័យ ៣០ ឆ្នាំ​ក៏​ជួប​ឧបសគ្គ​មិន​តិច​ដង​ដែរ ដូចជា​មាន​ការ​ជំទាស់​ពី​ឪពុកម្ដាយ ដោយ​ពួកគាត់​យល់​ឃើញ​ថា Field មិនមាន​បទពិសោធន៍​គ្រប់គ្រាន់​ក្នុងការ​គ្រប់គ្រង​អាជីវកម្ម​ខ្លួន​ឯង និង​កង្វះខាត​កម្លាំង​ពលកម្ម​ជាដើម។

យ៉ាងណា ដូចពាក្យចាស់ពោល​ថា “ព្យាយាមគង់បានសម្រេច” ទីបំផុត​បុរស​ទាំង ២ រូប​នេះ​បាន​ជំនះ​ឧបសគ្គ​ទាំងពួង ហើយ​ក៏​បាន​ទទួល​ផ្លែផ្កា​យ៉ាង​ត្រចះត្រចង់​ពី​វា​ផងដែរ​ ពោល​គិត​ត្រឹម​មុន​ពេល Adobe ទិញ​យក Figma ពួកគេ​ធ្លាប់​មាន​អតិថិជន​ជាវ​សេវាកម្ម​ធំៗ​ដូចជា Microsoft, Uber, Zoom, Airbnb, GitHub ទៀត​ផង៕

The post អតីតនិស្សិតបោះបង់ការសិក្សាក្លាយជាមហាសេដ្ឋី ក្រោយចុះកិច្ចសន្យាជាមួយ Adobe appeared first on .