យោងតាមការចុះផ្សាយពីសារព័ត៌មាន Forbes បានបង្ហាញថា អ្នកស្រី Scott បរិច្ចាគទឹកប្រាក់​តាមរយៈកម្មវិធី Yield Giving ដែលបង្កើតឡើងដោយក្រុមការងាររបស់គាត់ផ្ទាល់ ដើម្បីអាចឲ្យអង្គការ NGOs ផ្សេងៗ អាចដាក់ពាក្យស្នើសុំកញ្ចប់ទឹកប្រាក់ ក្នុងការជួយដល់ការងារមនុស្សធម៌។

កាលពីឆ្នាំមុន អ្នកស្រី Scott មានបំណងបរិច្ចាកទឹកប្រាក់ប្រមាណ ២៥០លានដុល្លារ ទៅកាន់អង្គការ ២៥០កន្លែង ក៏ប៉ុន្តែដោយសារទទួលបានពាក្យស្នើសុំច្រើន លោកស្រីក៏បង្កើន​ចំនួនទឹកប្រាក់ ដោយអង្គការចំនួន ២៧៩កន្លែង នឹងទទួលបានជំនួយ ២លានដុល្លារក្នុងមួយកន្លែង ខណៈ ៨២កន្លែងផ្សេងទៀត នឹងទទួលបាន ១លានដុល្លាររៀងៗខ្លួន។

សូមជម្រាបបន្ថែមថា ជានិច្ចកាល មហាសេដ្ឋី MacKenzie Scott តែងតែធ្វើការបរិច្ចាគទឹកប្រាក់​ទៅកាន់អង្គការសប្បុរសធម៌ មិនលស់ពេលប៉ុន្មានឡើយ ពោលកាលពីឆ្នាំទៅ លោកស្រីដកលុយពីហោប៉ៅប្រហែល ២ពាន់លានដុល្លារ ផ្ដល់ជំនួយទៅកាន់អង្គការច្រើនជាង ៣៦០កន្លែងឯណោះ៕

The post អតីតភរិយាស្ថាបនិក Amazon ធ្វើសប្បុរសធម៌ បរិច្ចាគលុយជាង ៦០០លានដុល្លារ appeared first on .

យោងតាមការចុះផ្សាយពីទស្សនាវដ្ដី Forbes បានបង្ហាញថា អ្នកស្រី Scott តែងតែបរិច្ចាគទឹកប្រាក់ ដើម្បីផ្ដល់ជំនួយដល់អង្គការសប្បុរសធម៌នានា ចន្លោះពី ៦០០ ០០០ ដល់ ២៥លានដុល្លារ។

គិតមកទល់ពេលបច្ចុប្បន្ន មហាសេដ្ឋីស្រីអាមេរិករូបនេះ បានបរិច្ចាគទឹកប្រាក់សរុប ប្រហែល ១៦,៦ពាន់លានដុល្លាររួចមកហើយ ខណៈអ្នកស្រីក៏ជាមហាសេដ្ឋីម្នាក់ ក្នុងចំណោមកំពូលមហាសេដ្ឋី ១១រូបនៅអាមេរិក ដែលបានបរិច្ចាគទឹកប្រាក់ច្រើនជាង ២០%នៃទ្រព្យសម្បត្តិផ្ទាល់ខ្លួន។

សូមជម្រាបដែរថា គិតត្រឹមថ្ងៃទី២០ ខែធ្នូ ឆ្នាំ២០២៣ ទ្រព្យសម្បត្តិរបស់មហាសេដ្ឋី MacKenzie Scott គឺមានប្រមាណ ៤១,២ពាន់លានដុល្លារ ស្របពេលប្រភពចំណូលរបស់អ្នកស្រី គឺការកាន់កាប់ភាគហ៊ុននៅក្រុមហ៊ុន Amazon៕

The post ជិតមួយឆ្នាំ អតីតភរិយាស្ថាបនិកក្រុមហ៊ុន Amazon បរិច្ចាគទឹកប្រាក់ជាង ២ពាន់លានដុល្លារ appeared first on .

យោងតាមការចុះផ្សាយពីសារព័ត៌មាន APNews បានបង្ហាញថា អង្គការទាំង ២៤កន្លែងនោះ សុទ្ធតែទទួលបានការបរិច្ចាគពីមហាសេដ្ឋី Mackenzie ចន្លោះពី ១ ទៅ ១៥លានដុល្លារ ខណៈពាក់កណ្ដាលនៃទឹកប្រាក់ទាំងនោះ ត្រូវបានផ្គត់ផ្គង់ទៅលើការរៀនសូត្រ និងការរស់នៅ​របស់កុមារ ដែលមានលទ្ធភាពខ្វះខាត។

រយៈពេល ៣ឆ្នាំចុងក្រោយនេះ អតីតភរិយាមហាសេដ្ឋី Jeff Bezos បានបរិច្ចាគទឹកប្រាក់ផ្ទាល់ខ្លួនប្រមាណ ១៤,១ពាន់លានដុល្លារ ទៅកាន់អង្គការយ៉ាងតិច ១ ៦២១កន្លែង។

សូមជម្រាបបន្ថែមថា ដើម្បីឆ្លើយតបឲ្យទាន់តម្រូវការ មហាសេដ្ឋី Mackenzie បានបង្កើតគេហទំព័រមួយឈ្មោះថា Yield Giving Fund ដោយត្រៀមលុយ ២៥០លានដុល្លារ ដើម្បីបរិច្ចាគ ខណៈបច្ចុប្បន្នមានអង្គការច្រើនជាង ៦ ០០០កន្លែង បានដាក់ពាក្យស្នើសុំកញ្ចប់ថវិការនោះ ប៉ុន្តែមានអង្គការតែ ២៥០កន្លែងប៉ុណ្ណោះ ដែលលោកស្រី និងទីប្រឹក្សា នឹងសម្រេចជ្រើសយក ហើយការប្រកាសនឹងធ្វើឡើងនាដើមឆ្នាំក្រោយ៕

The post អតីតភរិយាស្ថាបនិក Amazon បរិច្ចាគលុយរាប់រយលានដុល្លារ ត្រឹមពាក់កណ្ដាលឆ្នាំ២០២៣ appeared first on .

យោងតាម​ការ​ចុះផ្សាយពី Barrons បាន​បង្ហាញថា អ្នកមានបំផុត ២៥ រូបនៅ​អាមេរិក​បាន​បរិច្ចាគទឹកប្រាក់សរុប​តាំងពីដើម​រៀងមក រហូតដល់ចុងឆ្នាំ ២០២២ មាន​ចំនួន ១៩៦ ពាន់​លាន​ដុល្លារ ខណៈ​ឆ្នាំទៅ​ពួកគេ​បរិច្ចាគទឹកប្រាក់​ច្រើនជាង​ឆ្នាំ ២០២១ ចំនួន ៧ ពាន់​លានដុល្លារ ហើយបើធៀបនឹង​ឆ្នាំ ២០១៨ គឺ​ខុសគ្នាទ្វេដង។

មិនតែប៉ុណ្ណោះ ក្រុមអ្នកមានបំផុតនៅអាមេរិក ២៥ រូបនោះ បាន​បរិច្ចាគទឹកប្រាក់​ជាច្រើន បើទោះជា​ទ្រព្យសម្បត្តិ​សរុប​របស់​ពួកគេ មាន​ការ​ថយចុះ​រហូត ១៥% បើធៀបនឹងឆ្នាំមុនៗ ដោយសារ​សេដ្ឋកិច្ចសកល​មាន​កំណើនយឺត។

​ក្នុងចំណោមមហាសេដ្ឋី​ទាំង ២៥ រូបនោះ បិតាវិនិយោគិន Warren Buffett បរិច្ចាគទឹកប្រាក់ច្រើន​បំផុត ៥,៤ ពាន់​លានដុល្លារ​ ខណៈ​មូលនិធិ Bill Gates and Melinda French Gates បរិច្ចាគទឹកប្រាក់ ៥ ពាន់​លានដុល្លារ៕

The post មហាសេដ្ឋីអាមេរិកមានបំផុត ២៥ រូប បរិច្ចាគលុយ ២៧ ពាន់លានដុល្លារសម្រាប់ឆ្នាំមុន appeared first on .

យោងតាម​របាយការណ៍​ចុះផ្សាយដោយ Forbes បានទម្លាយថា ទឹកប្រាក់ ៥២ លានដុល្លារ នឹងផ្ដល់ទៅកាន់អង្គការសប្បុរសធម៌ក្រៅរដ្ឋាភិបាលយ៉ាងតិច ៥២ កន្លែង ហើយនឹងផ្ដល់ជូន ១ លានដុល្លាររៀងរាល់សប្ដាហ៍។

គួររំលឹកដែរថា តាំងពីមានការផ្ទុះជំងឹរាតត្បាតកូវីដ ១៩ មក អង្គការក្រៅរដ្ឋាភិបាលជាច្រើន​មាន​បញ្ហា​ជាមួយ​នឹង​ប្រភពចំណូល បណ្ដាលឲ្យ​សកម្មភាព​របស់ពួកគេ​កកស្ទះជាខ្លាំង តែសំណាងល្អ​ដែល​ក្រុមមហាសេដ្ឋី​ជាច្រើនដូចជា ប្ដីប្រពន្ធ Hales និង​អតីត​ភរិយា​ស្ថាបនិក Amazon លោកស្រី Mackenzie Scott ដែលតែងតែ​ជួយ​ផ្គត់ផ្គង់​ដល់​ពួកគេ។

សូមជម្រាបថា មហាសេដ្ឋី Rob hale គឺជា​សហ​ស្ថាបនិក​ និង​ជា​ប្រធាន​ក្រុមហ៊ុន Granite Telecommunications ក៏ដូចជា​សហ​ម្ចាស់​ក្លឹបបាល់បោះ Boston Celtics ហើយទ្រព្យសម្បត្តិ​របស់​លោក​មាន​ប្រមាណ ៥ ពាន់លានដុល្លារ៕

The post មហាសេដ្ឋីចិត្តបុណ្យ បរិច្ចាគលុយ ១ លានដុល្លាររៀងរាល់សប្ដាហ៍ពេញមួយឆ្នាំ appeared first on .

កន្លង​មក អតីត​ភរិយា​ស្ថាបនិក​ Amazon បាន​ធ្វើការ​បរិច្ចាគ​ទឹកប្រាក់​អស់​ជាច្រើន​រយ​លាន​ដុល្លារ​មក​ហើយ តាម​រយៈ​អង្គការ​សប្បុរសធម៌​ទូទាំង​ពិភពលោក ហើយ​ថ្មីៗនេះ​លោកស្រី​ថែមទាំង​ប្រកាស​ថា នឹង​បរិច្ចាគ​ភូមិគ្រឹះ​មួយ​ខ្នង​នៅ Beverly Hills ទៀត​ផង។

យោង​តាម​ការ​ចុះ​ផ្សាយ​ពី Luxurylaunches បាន​ឲ្យ​ដឹង​ថា មហាសេដ្ឋី​ខាងលើ​បាន​សច្ចា​ថា​នឹង​បរិច្ចាគ​ផ្ទះ​តម្លៃ​ជាង ៥៥ លាន​ដុល្លារ ទៅ​កាន់​អង្គការ​ក្រៅ​រដ្ឋាភិបាល​ Californian Community Foundation ដែល​មាន​ទីតាំង​នៅ​ទីក្រុង Los Angeles។

ដោយឡែក បើតាម​សេចក្ដី​ប្រកាស​ព័ត៌មាន​ចេញ​ផ្សាយ​ដោយ CCF បាន​ទម្លាយ​ថា ៩០% នៃ​ទឹកប្រាក់​ទទួល​បាន​ពី​ការ​លក់​អចលនទ្រព្យ​មួយ​នេះ​ នឹង​យក​ទៅ​ទិញ​អចលនទ្រព្យ​មួយ​ទៀត​ដែល​អាច​សមល្មម​ឲ្យ​អង្គការ​ខាងលើ​ឈរ​ជើង​បាន ស្របពេល​ទឹកប្រាក់​ដែល​សេសសល់​នឹង​យក​ទៅ​ផ្ចុងផ្ដើម​មូលនិធិ​ជួយ​ដល់ជន​អន្តោប្រវេសន៍​ដែល​មក​រស់នៅ​ទីក្រុង Los Angeles៕

The post អតីតភរិយាស្ថាបនិក Amazon លើកនេះលេងឈុតធំ ប្រកាសបរិច្ចាគផ្ទះតម្លៃរាប់សិបលានដុល្លារ appeared first on .

ក្នុង​ឱកាស​នោះ​ផង​ដែរ វា​ក៏​បាន​បង្កើត​ជា​ប្រវត្តិសាស្ត្រ​មួយ​ គឺ​មាន​បុគ្គល​ម្នាក់​ដែល​ហ៊ាន​ចំណាយ​លុយ​ដល់​ទៅ ១៩ លាន​ដុល្លារ ដើម្បី​ចូល​រួម​ទទួលទាន​អាហារ​ពេល​រសៀល​ជាមួយ​នឹង​បិតា​វិនិយោគិន ខណៈ​នេះ​គឺ​ជា​តួលេខ​ខ្ពស់​បំផុត​មិន​ធ្លាប់​មាន​ពីមុន។ នេះ​បើតាម​ការ​ចុះផ្សាយ​ពី SCMP។

បុគ្គល​ដែល​បាន​ឈ្នះ​ក្នុង​ការ​ចូល​ទទួល​ទាន​អាហារ​ជាមួយ Buffett គឺ​សុំ​មិន​បញ្ចេញ​អត្តសញ្ញាណ​ឡើយ ហើយ​បើ​តាម​អ្នកនាំ​ពាក្យ eBay បាន​អះអាង​ថា ការ​ដេញថ្លៃ​មួយ​នេះ​គឺជា​ការ​លក់​ទំនិញ​ថ្លៃ​បំផុត​លើ​វេបសាយ eBay។

សូមជម្រាប​ដែរ​ថា អង្គការ​សប្បុរស​ដែល​នឹង​ទទួល​បាន​ទឹកប្រាក់​ខាងលើ​គឺ​មាន​ឈ្មោះ​ថា Glide ដែល​ជា​អង្គភាព​មិនមាន​ប្រាក់​ចំណេញ​នៅ​ San Francisco បង្កើត​ឡើង​ក្នុង​គោល​បំណង​ជួយ​ប្រជាជន​ក្រីក្រ ជន​គ្មាន​ផ្ទះសំបែង ដោយ​ផ្ដល់​ឲ្យ​ពួកគេ​នូវ​ជម្រក  ឱកាស​ការងារ​ផ្សេងៗ​។

គិត​មក​ទល់​នឹង​ពេល​នេះ Buffett បាន​ជួយ​អង្គការ​ខាងលើ​ប្រមូល​ថវិកា​សប្បុរសធម៌​ប្រមាណ ៥៣,២ លាន​ដុល្លារ​ពី​ការ​ដេញថ្លៃ​ញាំ​អាហារ​ឯកជន ២១ លើក រាប់​តាំងពី​ឆ្នាំ ២០០០ គត់​មក៕

The post បុគ្គល​ម្នាក់​ចំណាយ​លុយ ១៩ លាន​ដុល្លារ ដើម្បី​ញាំ​អាហារ​មួយ​ពេល​ជាមួយ Warren Buffett appeared first on .

ជា​ធម្មតា ការ​ធ្វើ​សប្បុរសធម៌​សម្រាប់​ជួយ​ដល់​សកម្មភាព​សង្គម​គឺ​ជា​អំពើ​មួយ​ដែល​មនុស្ស​គ្រប់គ្នា​គួរ​ចូលរួម​ទាំងអស់​គ្នា​ មិន​ថា​តិចតួច ឬ​ច្រើនឡើយ។ ជាក់ស្ដែង​ មហាសេដ្ឋី​ដូចជា Bill Gates និង Warren Buffet តែងតែ​លេច​មុខ​សម្រាប់​កម្មវិធី​សប្បុរសធម៌​មិនសូវ​លោះពេល​ឡើយ។

តើ​ប្រិយមិត្ត​ធ្លាប់​ឆ្ងល់​ទេ​ថា តើ​មហាសេដ្ឋី​រូបណា​ដែល​ធ្លាប់​បរិច្ចាគ​ថវិកា​ជួយ​ដល់​សង្គម​ច្រើន​ជាងគេ? ចម្លើយ​សម្រាប់​សំណួរ​មួយ​នេះ នឹង​មាន​នៅទីនេះ៖

10/ Mark Zuckerberg និង​ភរិយា មាន​ទ្រព្យសម្បត្តិ​សរុប ១៥៥,៩១ ពាន់​លាន​ដុល្លារ ធ្លាប់​បរិច្ចាគ​ប្រាក់​សរុប ៤,១៥ ពាន់​លាន​ដុល្លារ ទៅ​លើ​ការ​ស្រាវជ្រាវ​វិទ្យាសាស្ត្រ ប្រព័ន្ធ​អប់រំ និង​ច្បាប់​យុត្តិធម៌​ព្រហ្មទណ្ឌ

9/ Phil Knight និង​គ្រួសារ មាន​ទ្រព្យសម្បត្តិ​សរុប ៧៥,៧៤ ពាន់​លាន​ដុល្លារ ធ្លាប់​បរិច្ចាគ​ប្រាក់​សរុប ៤,២៨ ពាន់​លាន​ដុល្លារ ទៅ​លើ​វិស័យ​អប់រំ

8/ Jim & Marilyn Simons មាន​ទ្រព្យសម្បត្តិ​សរុប ៣៣,៧៣ ពាន់​លាន​ដុល្លារ ធ្លាប់​បរិច្ចាគ​ប្រាក់​សរុប ៤,៥៦ ពាន់​លាន​ដុល្លារ ទៅ​លើ​ការ​ស្រាវជ្រាវ STEM

7/ Gordon & Betty Moore មាន​ទ្រព្យសម្បត្តិ​សរុប ១៥,៣៤ ពាន់​លាន​ដុល្លារ ធ្លាប់​បរិច្ចាគ​ប្រាក់​សរុប ៧,៦០ ពាន់​លាន​ដុល្លារ ទៅ​លើ​ការ​ស្រាវជ្រាវ​វិទ្យាសាស្ត្រ ​បរិស្ថាន ការថែទាំ​អ្នកជំងឺ តំបន់​ឆ្នេរសមុទ្រ

6/ Charles “Chuck” Feeney មាន​ទ្រព្យសម្បត្តិ​សរុប ២,៧៦ ​លាន​ដុល្លារ ធ្លាប់​បរិច្ចាគ​ប្រាក់​សរុប ១១,០៦ ពាន់​លាន​ដុល្លារ ទៅ​លើ​ការស្រាវជ្រាវ​វិទ្យាសាស្ត្រ សិទ្ធមនុស្ស

5/ MacKenzie Scott មាន​ទ្រព្យសម្បត្តិ​សរុប ៧៣,៩៥ ពាន់​លាន​ដុល្លារ ធ្លាប់​បរិច្ចាគ​ប្រាក់​សរុប ១២ ពាន់​លាន​ដុល្លារ ទៅ​លើ​សកម្មភាព​រើសអើង​ជាតិសាសន៍ យេនឌ័រ និងវិសមភាពសេដ្ឋកិច្ច

4/ Michael Bloomberg មាន​ទ្រព្យសម្បត្តិ​សរុប ៩៦,៧៥ ពាន់​លាន​ដុល្លារ ធ្លាប់​បរិច្ចាគ​ប្រាក់​សរុប ១៧,៥៥ ពាន់​លាន​ដុល្លារ ទៅ​លើ​វិស័យ​សុខាភិបាល និង​បម្រែបម្រួល​អាកាសធាតុ

3/ George Soros មាន​ទ្រព្យសម្បត្តិ​សរុប ១១,៨៩ ពាន់​លាន​ដុល្លារ ធ្លាប់​បរិច្ចាគ​ប្រាក់​សរុប ២៥,០២ ពាន់​លាន​ដុល្លារ ទៅ​លើ​លទ្ធិប្រជាធិបតេយ្យ ការអប់រំ ការប្រឆាំងការរើសអើង ការថែទាំសុខភាព

2/ Bill Gates & Melinda French Gates

មាន​ទ្រព្យសម្បត្តិ​សរុប ១៤០ ពាន់​លាន​ដុល្លារ ធ្លាប់​បរិច្ចាគ​ប្រាក់​សរុប ៤៦,១៧ ពាន់​លាន​ដុល្លារ ទៅ​លើ​វិស័យ​សុខាភិបាល ការកាត់បន្ថយភាពក្រីក្រ

1/ Warren Buffet មាន​ទ្រព្យសម្បត្តិ​សរុប ១១៦ ពាន់​លាន​ដុល្លារ ធ្លាប់​បរិច្ចាគ​ប្រាក់​សរុប ៦៣,៧២ ពាន់​លាន​ដុល្លារ ទៅ​លើវិស័យ​សុខាភិបាល ការកាត់បន្ថយភាពក្រីក្រ៕

ប្រភព: Yahoo

The post តោះ! មក​ស្គាល់​មហាសេដ្ឋី​ចិត្ត​បុណ្យ​បំផុត​លើ​លោក ​បរិច្ចាគ​លុយ​​ពាន់​លាន​ដុល្លារ​ជួយ​សង្គម​ appeared first on .