មេធាវី គី តិច ស្នើសុំឱ្យតុលាការប្តូរថ្ងៃខែឆ្នាំកំណើត របស់សម្តេចតេជោ ដោយសារមូលហេតុមួយ

ឧកញ៉ាដែនដី — Thu, 02 Jun 2022 00:49:29 +0000

មេធាវី គី តិច ដែលជាមេធាវីតំណាងដោយអាណត្តិរបស់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានស្នើសុំឱ្យតុលាការចេញដីកាសម្រេចកែតម្រូវទិន្នន័យអត្រានុកូលដ្ឋាន ថ្ងៃ-ខែ-ឆ្នាំកំណើត របស់សម្តេចតេជោ ពីថ្ងៃទី០៤ ខែមេសា ឆ្នាំ១៩៥១ ទៅជាថ្ងៃ-ខែ-ឆ្នាំពិតប្រាកដ ថ្ងៃទី០៥ ខែសីហា ឆ្នាំ១៩៥២ វិញ។

តាមរយៈពាក្យស្នើសុំ ចុះថ្ងៃទី០១ ខែមិថុនា ឆ្នាំ២០២២ ការស្នើសុំកែតម្រូវនេះ ដោយសារតែមូលហេតុមួយ គឺកន្លងមក មានការភាន់ច្រឡំពីឥស្សរជនជាតិ និងអន្តរជាតិ ប្រជាពលរដ្ឋ និងមហាជនទូទៅ ដែលបានផ្ញើសារលិខិតជូនពរថ្ងៃចម្រើនជន្មាយុរបស់សម្តេចតេជោ ដល់ទៅ២ដងក្នុងមួយឆ្នាំ។ តាមការបញ្ជាក់របស់សម្តេចតេជោ ថ្ងៃកំណើតពិត គឺថ្ងៃទី០៥ ខែសីហា ឆ្នាំ១៩៥២។

យ៉ាងណាមិញ កម្មវត្ថុដែលមេធាវី គី តិច ស្នើសុំឱ្យប្រធានសាលាដំបូងរាជធានីភ្នំពេញ ចេញដីកាសម្រេច មានខ្លឹមសារ២សំខាន់គឺ៖

១. កែតម្រូវទិន្នន័យអត្រានុកូលដ្ឋាន ថ្ងៃ-ខែ-ឆ្នាំកំណើត របស់សម្តេចតេជោ ពីថ្ងៃទី០៤ ខែមេសា ឆ្នាំ១៩៥១ ទៅជាថ្ងៃ-ខែ-ឆ្នាំពិតប្រាកដ ថ្ងៃទី០៥ ខែសីហា ឆ្នាំ១៩៥២ វិញ។
២. បង្គាប់ឱ្យមន្ត្រីអត្រានុកូលដ្ឋាន និងអាជ្ញាធរមានសមត្ថកិច្ចពាក់ព័ន្ធ ធ្វើការកែតម្រូវទិន្នន័យអត្រានុកូលដ្ឋាន និងឯកសារពាក់ព័ន្ធ ស្របតាមខ្លឹមសារដូចបានស្នើសុំក្នុងចំណុចទី១ ខាងលើនេះ៕

The post មេធាវី គី តិច ស្នើសុំឱ្យតុលាការប្តូរថ្ងៃខែឆ្នាំកំណើត របស់សម្តេចតេជោ ដោយសារមូលហេតុមួយ appeared first on .

លោកឧកញ៉ា ហ៊ួត ជា ក្រោយជួបមេធាវី គី តិច កោតសរសើរគុណតម្លៃមិនដាច់ពីមាត់

ឧកញ៉ាកោះក្របី — Sat, 09 Jan 2021 04:17:27 +0000

លោកឧកញ៉ា ហ៊ួត ជា ប្រធានក្រុមហ៊ុន ហ៊ួត ជា គ្រុប នៅព្រឹកថ្ងៃនេះ ថ្លែងក្រោយជំនួបជាមួយឯកឧត្តម គី តិច បានកោតសរសើរ និងគុណតម្លៃដល់លោកមេធាវី ប្រធានមេធាវីស័គ្រចិត្តសម្តេចតេជោសែន មិនដាច់ពីមាត់ និងបានបង្ហាញ ៧ ចំណុច ដែលលោកឧកញ៉ា យកជាគំរូ។

លោកឧកញ៉ា ហ៊ួត ជា មានប្រសាសន៍ថា សូមគោរពនិងកោតសសើរគុណតំលៃរបស់ឯកឧត្តម គី តិច មិនឆ្មើងឆ្មៃ, រួសរាយរាក់ទាក់, សម្តីនិងកាយវិការមួយៗ, ច្បាស់លាស់ មានការណែនាំល្អ ៗ, អោយតំលៃមនុស្ស, មានការប្រុងប្រយ័ត្នខ្ពស់ គិតគូវែងឆ្ងាយ និងគ្រួសារមានសុភមង្គល រស់នៅសុខដុមរម្យនា។

លោកឧកញ៉ាម្ចាស់ក្រុមហ៊ុនលក់សម្ភារៈសំណង់ដ៏ល្បីមួយនេះ បានបញ្ជាក់ថា ខ្ញុំនិងព្យាយាម យកជាគំរូដ៏ល្អមួយនេះ ពិសេសវិលរកចំនុចចុងក្រោយ៕

The post លោកឧកញ៉ា ហ៊ួត ជា ក្រោយជួបមេធាវី គី តិច កោតសរសើរគុណតម្លៃមិនដាច់ពីមាត់ appeared first on .