នៅក្នុងឱកាសនោះ លោកឧកញ៉ា ឡេង និមល បានសម្តែងនូវសមានទុក្ខដ៏ក្រៀមក្រំ និងចូលរួមរំលែកទុក្ខដ៏សែនក្រៀមក្រំបំផុត ជាមួយក្រុមគ្រួសារសព ចំពោះការបាត់បង់ លោកឧត្តមសេនីយ៏ទោ ឃុំ ខេង ដែលជាការបាត់បង់ឧត្តមស្វាមី ឪពុក ឪពុកក្មេក ជីតាដែលប្រកបដោយព្រហ្មវិហារធម៌ និងជាទីគោរពស្រឡាញ់ បំផុតរបស់កូនចៅ ហើយក៏ជាការបាត់បង់ នូវវីរកុលបុត្រខ្មែរដ៏ឆ្នើមមួយរូបដែលតស៊ូដ៏អង់អាចក្លាហាន និងពលិកម្មដ៏ស្មោះស្ម័គ្រ ក្នុងបុព្វហេតុជាតិ មាតុភូមិ ការពារខឿនបូរណភាពទឹកដី ដែលជាគំរូវីរភាពស្នេហាជាតិដ៏ឧត្ដុង្គឧត្តម។

ស្ថិតក្នុងពេលវេលាដ៏សែនក្រៀមក្រំសោកសង្រេងនេះដែរ ក្រុមការងារសហព័ន្ធយុវជនបូជាការពារយុត្តិធម៌ សូមចូលរួមសម្ដែងនូវសមានទុក្ខដោយក្តីសោកស្តាយអាឡោះអាល័យ និងសូមបួងសួងឧទ្ទិស ដល់គុណបុណ្យព្រះរតនត្រ័យជួយយិតយោងដួងវិញ្ញាណក្ខន្ធរបស់លោកឧត្តមសេនីយ៏ទោ ឃុំ ខេង សូមឆាប់បានយោនយកកំណើត ចាប់បដិសន្ធិក្នុងសុគតិភពកុំបីឃ្លៀងឃ្លាតឡើយ៕

The post ឧកញ៉ា ឡេង និមល តំណាងអ្នកឧកញ៉ា ឡេង ណាវ៉ាត្រា ប្រធានសហព័ន្ធយុវជនបូជាការពារយុត្តិធម៌ ដឹកនាំប្រតិភូដាក់កម្រងផ្កា និងគោរពវិញ្ញាណខន្ធសពឧត្តមសេនីយ៍ទោ ឈុំ ខេង មេបញ្ជាការកងពលតូចអន្តរាគមន៍លេខ៦ ចំណុះកងពលធំ អន្តរាគមន៍លេខ២ ខេត្តព្រះវិហារ appeared first on .

ក្រុមការងារសហព័ន្ធយុវជនបូជាការពារយុត្តិធម៌ បានទៅដល់កងទ័ពច្រកព្រំដែនថ្មដូន ផ្តល់កម្លាំងចិត្តកងទ័ពជួរមុខ ដែលកំពុង ឈរជើងការពារយ៉ាងរឹងមាំនៅសមរភូមិមុខ ដើម្បីបុព្វហេតុ ការពារ អធិបតេយ្យជាតិ បូរណភាពដែនដី និងសុខសន្តិភាព ជូនជាតិមាតុភូមិ និងប្រជាពលរដ្ឋ។

ការចុះដល់សមរភូមិផ្ទាល់របស់ក្រុមការងារ ធ្វើឡើងតាមអនុសាសន៍ណែនាំរបស់អ្នកឧកញ៉ា ឡេង ណាវ៉ាត្រា ប្រធានសហព័ន្ធយុវជនបូជាការពារយុត្តិធម៌ ដែលអ្នកឧកញ៉ាតែងតែបានគិតគូរ និងបង្ហាញនូវការគោរពស្រឡាញ់ដល់ទឹកចិត្ត និងវីរភាពរបស់បងៗកងកម្លាំងការពារជាតិរបស់យើង គាំទ្រកងទ័ពជួរមុខកម្ពុជាដ៏អង់អាច ក្នុងន័យបង្ហាញពីខឿនការពារជាតិ៕

The post អ្នកឧកញ៉ា ឡេង ណាវ៉ាត្រា ណែនាំក្រុមការងារសហព័ន្ធយុវជនបូជាការពារយុត្តិធម៌ បន្តចុះសួរសុខទុក្ខ ផ្តល់គ្រឿងឧបភោគបរិភោគជូនវីរកងទ័ពកំពុងឈរជើងនៅច្រកព្រំដែនថ្មដូន ខេត្តឧត្តរមានជ័យ appeared first on .

ការចុះដល់សមរភូមិផ្ទាល់របស់ក្រុមការងារ ធ្វើឡើងតាមអនុសាសន៍ណែនាំរបស់អ្នកឧកញ៉ា ឡេង ណាវ៉ាត្រា ប្រធានសហព័ន្ធយុវជនបូជាការពារយុត្តិធម៌ ដែលអ្នកឧកញ៉ាតែងតែបានគិតគូរ និងបង្ហាញនូវការគោរពស្រឡាញ់ដល់ទឹកចិត្ត និងវីរភាពរបស់បងៗកងកម្លាំងការពារជាតិរបស់យើង គាំទ្រកងទ័ពជួរមុខកម្ពុជាដ៏អង់អាច ក្នុងន័យបង្ហាញពីខឿនការពារជាតិ។

លោក ឈន់ ភារូ ដែលបានដឹកនាំក្រុមការងារសហព័ន្ធយុវជនបូជាការពារយុត្តិធម៌ ភ្លាមៗបន្ទាប់ពីកម្លាំងទាហានកម្ពុជា និងកម្លាំងឈុតខ្មៅថៃ តឹងសរសៃកដាក់គ្នា នៅច្រកទ្វារអន្តរជាតិអានសេះ ក្នុងខេត្តព្រះវិហារ ក្រោយទាហានឈុតខ្មៅថៃ ចង់យកព្រះ២អង្គមកដាក់នៅព្រំដែន ហើយកម្លាំងទាហានកម្ពុជាហាមឃាត់ កាលពីថ្ងៃទី៩ ខែកក្កដា ឆ្នាំ២០២៥។

ក្នុងពេលជួបសំណេះសំណាលជាមួយបងៗកងទ័ព លោក ឈន់ ភារូ បានពាំនាំនូវសារផ្តាំផ្ញើសួរសុខទុក្ខរបស់អ្នកឧកញ៉ាប្រធាន ជូនដល់បងៗកងទ័ព។ ជាមួយគ្នានេះ លោកក៏បានសម្តែងនូវការកោតសរសើខ្ពស់ចំពោះស្មារតីតស៊ូ អង់អាចក្លាហានប្រកបដោយវីរៈភាពរបស់នាយ-នាយរង និងពលទាហានទាំងអស់ ដែលបានយកអស់កម្លាំងកាយចិត្ត ក្នុងបុព្វហេតុការពារមាតុភូមិ ការពារ បូរណភាពទឹកដីនៃព្រះរាជាណាចក្រកម្ពុជា៕

The post អ្នកឧកញ៉ា ឡេង ណាវ៉ាត្រា ចាត់ក្រុមការងារសហព័ន្ធយុវជនបូជាការពារយុត្តិធម៌ បន្តបេសកកម្មចុះជួប និងផ្តល់អំណោយ ជូនវីរកងទ័ពកម្ពុជានៅច្រកអានសេះ appeared first on .

ការចុះជួប​វីរកងទ័ពកម្ពុជា​នៅចំណុចភ្នំខ្មោចនេះ គឺបង្ហាញពី ទឹកចិត្តរបស់សមរភូមិក្រោយ ភ្ជាប់ជាមួយវីរកងទ័ពជួរមុខ ក្នុងការពារបូរណភាពទឹកដីកម្ពុជា។ ហើយ​ការចុះ​ដល់សមរភូមិផ្ទាល់​របស់ក្រុមការងារយុវជនបូជាការពារយុត្តិធម៌ ធ្វើឡើងតាម​អនុសាសន៍ណែ​នាំដ៏ខ្ពង់ខ្ពស់របស់អ្នកឧកញ៉ា ឡេង ណាវ៉ាត្រា ប្រធាន សហព័ន្ធយុវជនបូជាការពារយុត្តិធម៌ ដែលអ្នកឧកញ៉ាតែងតែបានគិតគូរ និងបង្ហាញនូវការគោ​រពស្រឡាញ់ដល់ទឹកចិត្ត និងវីរភាពរបស់បងៗកងកម្លាំងការពារជាតិរបស់យើងគាំទ្រកងទ័ពជួរមុខកម្ពុជាដ៏អង់អាច ក្នុងន័យបង្ហាញពីខឿនការពារជាតិ។

ក្រុមងារសហព័ន្ធយុវជនបូជាការពារយុត្តិធម៌ ពាំនាំនូវសារផ្តាំផ្ញើសួរសុខទុក្ខរបស់អ្នកឧកញ៉ាប្រធាន ជូនដល់បងៗកងទ័ពផងដែរ។ ហើយសម្តែងនូវការកោតសរសើខ្ពស់ចំពោះស្មារតីតស៊ូ អង់អាចក្លាហានប្រកបដោយវីរៈភាពរបស់នាយ-នាយ-នាយរង និងពលទាហានទាំងអស់ ដែលបានយកអស់កម្លាំងកាយចិត្តក្នុងបុព្វហេតុការពារមាតុភូមិ ការពារ បូរណភាពទឹកដីនៃព្រះរាជាណាចក្រកម្ពុជា ។

គួររម្លឹកថា ក្រុមការងារសហព័ន្ធយុវជនបូជាការពារយុត្តិធម៌ ថ្មីៗនេះ បានទៅដល់​តំបន់ភ្នំខ្មោច ដែលជាសមរភូមិកំពុងក្តៅជាប់បន្ទាត់ព្រំដែនកម្ពុជា-ថៃ ដើម្បីធ្វើម្ហូប​សម្លម្ជួរគ្រឿងសាច់គោ ត្រីផ្ទក់អាំងស្វាយខ្ចី និងស្បៀងជូនដល់បងៗកងទ័ពជួរមុខ ដែលកំពុង​ឈរជើង​ការពារ​យ៉ាងរឹងមាំ​នៅ​សមរភូមិ​មុខ​ ដើម្បី​បុព្វហេតុ​ការពារ​អធិបតេយ្យជាតិ បូរណភាព​ដែនដី និង​សុខសន្តិភាព ជូន​ជាតិ​មាតុភូមិ និង​ប្រជាពលរដ្ឋ។

គួរបញ្ជាក់ថា កាលពីព្រឹកថ្ងៃទី៤ ខែកក្កដា ឆ្នាំ២០២៥ វីរកងទ័ពជួរមុខកម្ពុជា​ បានតស៊ូយ៉ាងអង់អាចក្លាហាន​ និងអត់ធ្មត់ខ្ពស់បំផុត ក្នុងការពារបូរណភាពទឹកដី ដោយបានដេញកងទ័ពថៃឈ្លានពាន ឲ្យត្រលប់ទៅវិញ នៅចំណុចភ្នំខ្មោច ។ ប្រជាជនខ្មែរ បានកោតសរសើរ​ ចំពោះវីរភាពអង់អាចក្លាហាន​ និងអត់ធ្មត់ខ្ពស់បំផុត របស់កងកម្លាំងជួរមុខកម្ពុជា​នេះផងដែរ។

The post អ្នកឧកញ៉ា ឡេង ណាវ៉ាត្រា ចាត់ក្រុមការងារសហព័ន្ធយុវជនបូជាការពារយុត្តិធម៌ ទាំងយប់ចុះជួប​វីរកងទ័ពកម្ពុជាដ៏អង់អាចក្លាហាន ដេញកងទ័ពថៃឈ្លានពាន ចេញនៅចំណុចភ្នំខ្មោច appeared first on .

ពិធីជួបសំណេះសំណាលសួរសុខទុក្ខ និងប្រគល់អំណោយ ធ្វើឡើងនាព្រឹកថ្ងៃទី៣១ ខែឧសភា ឆ្នាំ២០២៥ ក្រោមអធិបតីភាពដ៏ខ្ពង់ខ្ពស់របស់ឯកឧត្តម នាយឧត្តមសេនីយ៍កិត្តិសង្គហបណ្ឌិត ហ៉ីង ប៊ុនហៀង អគ្គមេបញ្ជាការរង និងជាមេបញ្ជាការដ្ឋានអង្គរក្ស រួមមាន៖ ថវិកាចំនួន ២០០លានរៀល មីជាតិ ២ ០០០កេស និងអង្ករ ៥០តោន ជូនដល់កងកម្លាំងប្រដាប់អាវុធរបស់យើង ដែលបានលះបង់គ្រប់បែបយ៉ាងការពារសុខសន្តិភាព ការពារបូរណភាពដែនដី និងអធិបតេយ្យជាតិ។

ថ្លែងក្នុងឱកាសនោះ អ្នកឧកញ៉ា ឡេង ណាវ៉ាត្រា សូមថ្លែងអំណរគុណដល់ឯកឧត្តម នាយឧត្តមសេនីយ៍កិត្តិសង្គហបណ្ឌិត ហ៉ីង ប៊ុនហៀង ជាមេទ័ព​ដ៏ឆ្នើមរបស់កម្ពុជា​ បាន​ដឹកនាំ​កងទ័ព​ និង​អាវុធ​ធន់ធ្ងន់​ជាច្រើន​ទៅកាន់​ព្រំដែន​ ដែលបានអនុញ្ញាតិឲ្យយុជនបូជាការពារយុត្តិធម៌ ចុះមកជួបផ្ទាល់ដើម្បីសម្តែងនូវការគោរពដល់វីរភាព ស្មារតីស្នេហាជាតិរបស់កងកម្លាំងប្រដាប់អាវុធ ដែលបានលះបង់គ្រប់បែបយ៉ាងការពារជាតិមាតុភូមិ។ ទន្ទឹងគ្នានោះ អ្នកឧកញ៉ាឡេង ណាវ៉ាត្រា សូមផ្តាំផ្ញើសាកសួរសុខទុក្ខជូនដល់កងកម្លាំងទាំងអស់ដែលកំពុងឈរយ៉ាងរឹងមាំការពារដែនអធិបតេយ្យជាតិ បូរណភាពទឹកដី និងត្រៀមទទួលអនុវត្តនូវបទបញ្ជាម៉ឺងម៉ាត់របស់ប្រមុខនៃរាជរដ្ឋាភិបាលកម្ពុជា ក្រោមការដឹកនាំរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តី។

អ្នកឧកញ៉បានថ្លែងថា «ក្នុងនាមប្រធានយុវជនបូជាការពារយុត្តិធម៌ តែងតែបានណែនាំ និងលើកទឹកចិត្តដល់សមាជិកក្រុមទាំងអស់ ចូលរួមសាមគ្គីគ្នាការពារជាតិរបស់យើង ពិសេសសូមគោរព និងដឹងគុណដ៏ខ្ពង់ខ្ពស់ជូនសម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន និងសម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត លោកតែងតែខិតខំពុះពារគ្រប់បែបយ៉ាងដើម្បីជាតិ និងប្រជាជន ដូច្នេះហើយខ្ញុំមិនរុញរាក្នុងការលះបង់ កុំថាឡើយសម្ភារៈ ទ្រព្យសម្បត្តិ… សម្រាប់ខ្ញុំសូម្បីជីវិតក៏អាចចូលរួមជាមួយបងៗកងទ័ពបានដែលនូវពេលជាតិត្រូវការ»។

នៅក្នុងឱកាសនោះ ឯកឧត្តម​ នាយឧត្ដមសេនីយ៍​ផ្កាយ​មាស​៤​ កិត្តិសង្គហបណ្ឌិត ហុីង​ ប៊ុនហៀង​ មានប្រសាសន៍ថា «ការ​ចល័ត​ទ័ព​ និង​អាវុធ​ធន់ធ្ងន់​ទាំងអស់​នេះ​ មិនមែន​ដេីម្បី​គំរាមកំហែង​ប្រទេស​ជិតខាង​ទេ​ ហើយ​ក៏​មិនចង់​បង្ករសង្គ្រាម​ជាមួយ​ប្រទេស​ជិតខាង​ដែរ​ ប៉ុន្តែ​ គឺ​ដេីម្បី​ត្រៀម​វាយបក​សត្រូវ​ឈ្លានពាន​ក្នុង​ករណី​ដែល​សត្រូវ​រំលោភបំពាន​លេី​អធិបតេយ្យ​ជាតិ​កម្ពុជា​»។

ឯកឧត្តម​នាយឧត្ដមសេនីយ៍​កិត្តិសង្គហបណ្ឌិត ក៏បានមានប្រសាសន៍សូមថ្លែងអំណរគុណចំពោះអ្នកឧកញ៉ា ឡេង ណាវ៉ាត្រា និងក្រុមយុវជនបូជាការពារយុត្តិធម៌ ដែលមកសួរសុខទុក្ខកងទ័ព ហើយបាននាំយកនូវថវិកា និងគ្រឿងឧបភោគបរិភោគផ្តល់ជូនដល់កងកម្លាំងជួរមុខឈរជើងតាមព្រំដែន៕

The post “ក្រុមយុវជនបូជាការពារយុត្តិធម៌” ដឹកនាំដោយអ្នកឧកញ៉ា ឡេង ណាវ៉ាត្រា នាំយកអំណោយចុះសាកសួរសុខទុក្ខកងទ័ពផ្ទាល់ រួមមានថវិកា ២០០លានរៀល អង្ករ៥០តោន មីជាតិ២ពាន់កេះ ជូនបញ្ជាការដ្ឋានអង្គរក្សប្រចាំការនៅសមរភូមិមុខ appeared first on .

ជាក់ស្ដែងកាលពីពេលថ្មីៗនេះ លោកឧកញ៉ា ឡេង និមល និងលោកជំទាវ រួមជាមួយនឹងក្រុមការងារ បានបន្ដយុទ្ធនាការចែករំលែកក្ដីស្រឡាញ់ដល់កុមារកម្ពុជាជាង២០០នាក់ នៅសាលាបឋមសិក្សាមួយកន្លែងនៅក្នុងស្រុកជុំគិរី ខេត្ដកំពត។

ដូចសព្វមួយដង លោកឧកញ៉ា ឡេង និមល និងលោកជំទាវ តែងតែសួរសុខទុក្ខដល់ក្មួយៗពីដំណើរការនៃការសិក្សា ការរស់នៅ បន្ថែមពីនោះ លោកឧកញ៉ាក៏បានចូលធ្វើម្ហូបដោយផ្ទាល់ដៃ ដួសដាក់ចាន លើកជូនប្អូនៗហូបផងដែរ។

សូមជម្រាបជូនថា ក្រុមយុវជនបូជាការពារយុត្ដិធម៌ មិនត្រឹមតែចែករំលែកក្ដីស្រឡាញ់ដល់បងប្អូនប្រជាពលរដ្ឋទាំងអស់ដោយការធ្វើម្ហូបប៉ុណ្ណោះនោះទេ ជានិច្ចកាលក្រុមយុវជនបូជាការពារយុត្ដិធម៌ តែងតែចុះយកសម្ភារៈគ្រឿងឧបភោគបរិភោគ ថវិកា និងសម្ភារៈប្រើប្រាស់ជាច្រើន ជូនលោកតា លោកយាយ និងបងប្អូនទាំងអស់ដែលមានជីវភាពខ្វះខាតពិតប្រាកដនៅតាមបណ្ដាររាជធានីខេត្ដទាំង២៥ផងដែរ៕

The post សម្លរតុងយ៉ាំបង្កងមួយខ្ទះត្នោតធំ ធ្វើដោយផ្ទាល់ដៃលោកឧកញ៉ា ឡេង និមល និងលោកជំទាវ បានទៅដល់សិស្សជាង២០០នាក់ នៅស្រុកជុំគិរីហើយ appeared first on .

ថ្មីៗនេះ លោកឧកញ៉ា ឡេង និមល អនុប្រធានយុវជនបូជាការពារយុត្តិធម៌ និងលោកជំទាវ បានធ្វើម្ហូបសម្លតុងយ៉ាំបង្កង១ខ្ទះត្នោត ឲ្យប្អូនៗកុមារកំព្រាប្រមាណ ២០០នាក់ ដែលកំពុងរស់នៅក្នុងមណ្ឌលមែកឈើ ស្ថិតក្នុងសង្កាត់កំបូល ខណ្ឌកំបូល រាជធានីភ្នំពេញ ក្រោមការគ្រប់គ្រងរបស់លោក ផន ផល្លា ជាប្រធានមណ្ឌល។

ក្នុងឱកាសនោះដែរ ឧកញ៉ា និងលោកជំទាវ បានសំណេះសំណាល និងចែករំលែកក្តីស្រលាញ់ដល់ក្មួយៗ ផ្តាំផ្ញើ និងលើកទឹកចិត្តដល់ក្មួយៗកុមារកំព្រាទាំងអស់ត្រូវតែមានស្នាមញញឹម ត្រូវខិតខំប្រឹងប្រែងរៀនសូត្រឲ្យខ្លាំងពូកែ ដើម្បីជាទំពាំងស្នងឬស្សី សម្រាប់បន្តវេនក្នុងការថែរក្សាការពារជាតិ មាតុភូមិ ចូលរួមអភិវឌ្ឍសេដ្ឋកិច្ចប្រទេសជាតិរបស់យើង ជាពិសេសជៀសឆ្ងាយពីគ្រឿងញៀន និងល្បែងអបាយមុខផ្សេងៗ ដើម្បីខ្លួនឯង គ្រួសារ និងសង្គមជាតិនាថ្ងៃអនាគត។

បន្ទាប់ពីសំណេះសំណាលរួចមក របស់លោកឧកញ៉ា ឡេង និមល ក៏បានរៀបចំអាហារយ៉ាងឆ្ងាញ់ គឺសម្លតុងយ៉ាំបង្កងឲ្យប្អូនៗញាំ ប្រកបដោយស្នាមញញឹម ដូចកន្លងទៅដែលលោកឧកញ៉ា និងលោកជំទាវតែងតែផ្តល់ស្នាមញញឹមមកកាន់កូនៗនៅគ្រប់មណ្ឌលនៅទូទាំងប្រទេស៕

The post ឧកញ៉ា ឡេង និមលដឹកដៃភរិយា ធ្វើម្ហូបតុងយ៉ាំបង្កង ១ខ្ទះត្នោតធំឲ្យកូនៗប្រមាណ ២០០នាក់ក្នុងមណ្ឌលមែកឈើ appeared first on .

ឧកញ៉ា ឡេង និមល បានលើកឡើងអមជាមួយនឹងអារម្មណ៍សប្បាយរីករាយថា នៅពេលក្រុមការងារបូជាការពារយុត្តិធម៌ បានទៅដល់ ក្មេងៗ ប្អូនៗនៅទីនោះបង្ហាញអារម្មណ៍សប្បាយរីករាយ រំភើប និងទទួលស្វាគមន៍យ៉ាងកក់ក្ដៅ។

ក្រោយពីសំណេះសំណាលជាមួយប្អូនៗរួច លោកឧកញ៉ា និងលោកជំទាវបានចូលទៅធ្វើម្ហូប សម្លរតុងយ៉ាំបង្កង យ៉ាងឈ្ងុយឆ្ញាញ់ពិសារ។ បន្ទាប់ពីស្លរឆ្អិន លោកឧកញ៉ា បានដួសដាក់ចានរៀបចំដាក់ចានជូនប្អូនៗគ្រប់ៗគ្នា។

ឆ្លើយតបជាមួយនឹងទឹកចិត្ដដ៏ល្អនេះ ប្អូនៗនៅមណ្ឌល «ទឹកដីសប្បាយ» បានថ្លែងអំណរគុណលោកឧកញ៉ា និងក្រុមការងារយុវជនបូជាការពារយុត្តិធម៌ និងបានស្នើឱ្យលោកមកធ្វើម្ហូបឱ្យហូបនៅលើកក្រោយៗទៀត។

សូមជម្រាបជូនថា ឧកញ៉ា ឡេង និមល អនុប្រធាន យុវជនបូជាការពារយុត្តិធម៌ និងលោកជំទាវ និងក្រុមការងារ ជានិច្ចកាលតែងតែចែករំលែកក្ដីស្រឡាញ់ អំណោយជាអង្ករ គ្រឿងឧបភោគ និងបរិភោគ រួមជាមួយនឹងថវិកាជាច្រើនដល់បងប្អូនដែលមានជីវភាពខ្វះខាត ខ្វះភាពកក់ក្ដៅមិនថា កីឡាករ សិល្បៈករ សិល្បៈការិនី កុមារកំព្រា កុមារនៅតាមមណ្ឌលនានានោះទេ៕

The post បេះដូងមនុស្សធម៌ ជាមួយនឹងការចែករំលែកក្ដីស្រឡាញ់! ឧកញ៉ា ឡេង និមល ចូលធ្វើម្ហូប ស្ងោរតុងយ៉ាំបង្កងដោយផ្ទាល់ដៃ ចែកជូនបងប្អូននៅមណ្ឌល«ទឹកដីសប្បាយ» ខេត្ដកណ្ដាល appeared first on .

នៅក្នុងវីដេអូសកម្មភាពជិត២នាទីនៃការចម្អិនម្ហូបដោយផ្ទាល់ដៃពីសំណាក់លោកឧកញ៉ា ឡេង និមល និងឧកញ៉ា ឡេង បញ្ចពណ៌ បានបង្ហាញពីស្នាមញញឹម ក្ដីស្រឡាញ់ ការទទួលបាននូវភាពកក់ក្ដៅនិងការយកចិត្ដទុកដាក់ ទៅលើប្អូនៗនៅមណ្ឌលពន្លឺអនាគតរាជធានីភ្នំពេញ។

លោកឧកញ៉ា ឡេង និមល បានឱ្យដឹងថា ឥឡូវនេះ ក្រុមយុវជនបូជាការពារយុតិ្តធម៌ បានផ្តល់ក្តីស្រលាញ់ និងស្នាមញញឹមដល់ប្អូនៗ និងលោកគ្រូ អ្នកគ្រូ នៅមណ្ឌលពន្លឺអនាគតរាជធានីភ្នំពេញ។ ក្រុមយុវជនបានញាប់ដៃញាប់ជើងរៀបចំសម្ភារៈចានឆ្នាំង បង្កាត់ភ្លើង ចិតបន្លែ កាត់ព្រុយបង្កង ធ្វើសម្លតុងយាំបង្កងមួយខ្ទះត្នោតធំ ដោយទឹកមុខសប្បាយរីករាយ។

លោកឧកញ៉ាបន្ដថា ប្អូនៗសិស្សានុសិស្សមណ្ឌលបានមកជួយសម្អាតតុបាយ ដើម្បីឲ្យកន្លែងញាំអាហារមានផាសុកភាព ហើយប្អូនៗខ្លះជជែកគ្នាពីការសិក្សា និងលេងកីឡា។ គ្រាន់តែឮសំឡេងជួងពន្លឺឡើង ប្អូនៗបានជួបជុំ ឈររង់ចាំញាំសម្លតុងយ៉ាំបង្កងដ៏ឆ្ងាញ់ ដែលរៀបចំដាក់ចានយ៉ាងស្អាតឲ្យប្អូនៗសិស្សានុសិស្ស លោកគ្រូ អ្នកគ្រូ បានសាកទឹកដៃរបស់ក្រុមយុវជនបូជាការពារយុត្តិធម៌ ។

ជាមួយនឹងទម្លាប់នឹងសកម្មភាពល្អៗរបស់ប្អូនៗ លោកឧកញ៉ា ឡេង និមល បានកោតសរសើរប្អូនៗពិតជាមានសីលធម៌មែន ដោយមុនញ៉ាំនាំគ្នាសូត្រព្រមៗគ្នាអរគុណដល់ក្រុមយុវជនបូជាការពារយុត្តិធម៌។

ជាការឆ្លើយតបនឹងការខិតខំធ្វើម្ហូបដោយក្ដីស្រឡាញ់នេះ កុមារនៅមណ្ឌលពន្លឺអនាគតរាជធានីភ្នំពេញ ក៏បានសរសើរថាសម្លតុងយ៉ាំរបស់ក្រុមយុវជនបូជាការពារយុត្តិធម៌មានរសជាតិឆ្ងាញ់ ហើយថ្ងៃក្រោយបានប្រាប់ឲ្យមកលេង និងធ្វើសម្លឲ្យពួកគាត់បានញ៉ាំទៀត៕

The post ឧកញ៉ា ឡេង និមល និងឧកញ៉ា ឡេង បញ្ចពណ៌ ចូលធ្វើម្ហូបដោយផ្ទាល់ដៃ ជូនប្អូនៗនៅមណ្ឌលពន្លឺអនាគតរាជធានីភ្នំពេញ appeared first on .