ភ្លើងឆេះព្រៃដ៏អាក្រក់បំផុតក្នុងប្រវត្តិសាស្រ្ត នៅទីក្រុង Los Angeles បានសម្លាប់មនុស្សយ៉ាងហោចណាស់ ២នាក់ បំផ្លាញអគារ និងផ្ទះសម្បែងប្រជាជនអស់រាប់រយ ចាប់តាំងពីហេតុការណ៍នេះ បានចាប់ផ្តើមកាលពីថ្ងៃអង្គារ ជាមួយនឹងខ្យល់បក់ខ្លាំងដែលបានរារាំងដល់ប្រតិបត្តិការពន្លត់អគ្គីភ័យ និងការឆេះកាន់តែរីករាលដាលធំឡើង។

ទន្ទឹមនឹងនេះ AccuWeather ដែលបានប៉ាន់ប្រមាណការខាតបង់ចន្លោះពី ៥២ពាន់លានដុល្លារ ទៅ ៥៧ពាន់លានដុល្លារ បានបន្ថែមថា ប្រសិនបើភ្លើងឆេះព្រៃនេះ បន្តរាលដាលដល់សង្កាត់ដែលមានប្រជាជនរស់នៅច្រើន ការប៉ាន់ប្រមាណបច្ចុប្បន្នចំពោះទំហំនៃការខូតខាត និងការខាតបង់សេដ្ឋកិច្ច អាចនឹងបន្តកើនឡើងកាន់តែច្រើនបន្ថែមទៀត។

លោក Jonathan Porter ប្រធានផ្នែកឧតុនិយមរបស់ AccuWeather បាននិយាយថា ៖”ប្រសិនបើរចនាសម្ព័ន្ធមួយចំនួនធំបន្ថែមទៀត ត្រូវបានដុតបំផ្លាញនៅក្នុងពេលប៉ុន្មានថ្ងៃខាងមុខ នោះវានឹងក្លាយជាគ្រោះមហន្តរាយភ្លើងឆេះព្រៃដ៏អាក្រក់បំផុតមិនធ្លាប់មាននៅក្នុងប្រវត្តិសាស្រ្តរដ្ឋកាលីហ្វ័រញ៉ាសម័យទំនើបនេះ ដោយផ្អែកលើចំនួនសំណង់ដែលបានឆេះ និងការខាតបង់សេដ្ឋកិច្ច” ។

ជាមួយគ្នានេះ ក្រុមហ៊ុនប្រឹក្សាអចលនទ្រព្យ CoreLogic ប៉ាន់ប្រមាណថាមានផ្ទះច្រើនជាង ៤៥៦ ០០០ ខ្នង អាចត្រូវបានបំផ្លាញ ខណ:តម្លៃសាងសង់ឡើងវិញ អាចកើនឡើងដល់ជិត ៣០០ពាន់លានដុល្លារ ជាពិសេសនៅតំបន់រងផលប៉ះពាល់ខ្លាំង ដូចជាទីក្រុង Los Angeles និងតំបន់ Riverside ជាដើម៕

The post មហន្តរាយភ្លើងឆេះព្រៃនៅ Los Angeles អាចធ្វើឲ្យមានការខាតបង់សេដ្ឋកិច្ចដល់ទៅជាង ៥០ពាន់លានដុល្លារ appeared first on .

សំណើដែលត្រូវបានពិភាក្សាដោយក្រុមប្រឹក្សាធនធានខ្យល់អាកាសនៃរដ្ឋកាលីហ្វ័រញ៉ា (CARB) មួយនេះ នឹងត្រូវកំណត់ជាផ្លូវការ ដោយអភិបាលរដ្ឋ លោក Gavin Newsom ដើម្បីធ្វើឱ្យកាលីហ្វ័រញ៉ា វិវត្តន៍ទៅជារដ្ឋគ្មានឧស្ម័នពុល ហើយសម្រាប់រដ្ឋផ្សេងទៀត នៅក្នុងសហរដ្ឋអាមេរិក ក៏នឹងអនុវត្ត ក្នុងទិសដៅដូចគ្នាផងដែរ ។

មិនតែប៉ុណ្ណោះ សមាជិកក្រុមប្រឹក្សាភិបាល លោក Daniel Sperling បានប្រាប់ទៅកាន់សារព័ត៌មាន CNN ថា លោកមានទំនុកចិត្តថា ផែនការនេះ ៩៩,៩% ហើយនឹងត្រូវបានអនុម័ត រួមទាំងជំហានបន្ថែមទៀត ដូចជាការតម្រូវឱ្យលក់រថយន្តគ្មានចំហេះឥន្ធន: នៅក្នុងរដ្ឋកាលីហ្វ័រញ៉ា ច្រើនជាងមួយភាគបី នៅត្រឹមឆ្នាំ ២០២៦ និងច្រើនជាង ពីរភាគបី នៅឆ្នាំ ២០៣០ ។

ដោយមានអ្នកប្រើប្រាស់រថយន្តជាង ៤០ លាននាក់ ប្រសិនបើផែនការនេះអាចសម្រេចទៅបាន នោះរដ្ឋកាលីហ្វ័រញ៉ា នឹងក្លាយជាគម្រូចម្បងមួយ សម្រាប់រដ្ឋផ្សេងទៀត នៅក្នុងទឹកដីសហរដ្ឋអាមេរិក ដើម្បីអនុវត្តតាម ។

គួរឱ្យដឹងផងដែរថា សេចក្តីសម្រេចនេះ ត្រូវបានធ្វើឡើង ដោយឈរនៅលើច្បាប់អាកាសធាតុ ដែលត្រូវបានចុះហត្ថលេខាដោយប្រធានាធិបតី លោក Joe Biden កាលពីសប្តាហ៍មុន ជុំវិញការតម្កល់ទុកប្រាក់រាប់រយលានដុល្លារ ក្នុងការលើកទឹកចិត្តសម្រាប់កម្មវិធីថាមពលស្អាត នៅក្នុងប្រទេស ។

បញ្ជាក់ផងដែរថា លោក Biden និងគណបក្សប្រជាធិបតេយ្យរបស់គាត់ កំពុងប្រញាប់ប្រញាល់រៀបចំគោលនយោបាយអាកាសធាតុឡើងវិញ បន្ទាប់ពីវាត្រូវបានបរាជ័យ អំឡុងក្រោមការដឹកនាំរបស់អតីតប្រធានាធិបតី លោក Donald Trump អាណត្តិមុន ។

ក្នុងរយៈពេលប៉ុន្មានឆ្នាំចុងក្រោយនេះ ប្រទេសនៅជុំវិញពិភពលោក ជាពិសេសនៅប៉ែកអឺរ៉ុប បានកំណត់យកចក្ខុវិស័យរបស់ពួកគេ ផ្តោតទៅលើរថយន្តដែលគ្មានការបំពុលបរិស្ថាន ដោយកន្លងមក ប្រទេសន័រវេស មានបំណងចង់ឱ្យរថយន្តថ្មីទាំងអស់ មិនប្រើប្រាស់ឥន្ធន:នៅឆ្នាំ ២០២៥ ខណ:ចក្រភពអង់គ្លេស សិង្ហបុរី និងអ៊ីស្រាអែល កំណត់នៅត្រឹមឆ្នាំ ២០៣០ ស្របពេលសហភាពអឺរ៉ុប ចង់បញ្ចប់ការលក់រថយន្តប្រើប្រាស់សាំង និងម៉ាស៊ូត នៅឆ្នាំ ២០៣៥ ៕

The post រដ្ឋធំមួយ នៅសហរដ្ឋអាមេរិក គ្រោងបញ្ឈប់ការប្រើប្រាស់រថយន្តដើរដោយប្រេងឥន្ធន: នៅត្រឹមឆ្នាំ ២០៣៥ appeared first on .